Tuesday, April 29, 2008

ကွဲခြားတဲ့ မဲတပြား…

မနေ့က ဖြစ်ပါတယ်။

ရေမိုးချိုး ထမင်းစားပြီးတော့ ဧည့်ခန်းထဲက ဆိုဖာမှာ ခဏတဖြုတ်လှဲနေတုန်း ဖုန်းသံ မြည်လာလို့ ကိုင်လိုက်တော့…

`အကို ကလိုလား၊ ကျနော်ပါ၊ ဖိုးဇေ´

`ဟာ၊ ဖိုးဇေ´

………………………….

………………………….

………………………….

***

အဲဒီကောင်လေးနဲ့ ကျနော် အွန်လိုင်းပေါ်မှာ အမှတ်မထင် ခင်မင်ခွင့်ရခဲ့ပြီးတော့ ကံအားလျော်စွာနဲ့ပဲ အပြင်မှာ နှစ်ကြိမ် ဆုံဖြစ်ဖူးလိုက်ပါတယ်။ သူက ကျနော်နေတဲ့ မြို့နဲ့ မိုင် ၇၀ ကျော်လောက် ဝေးတဲ့ မြို့တခုမှာ ကျောင်းတက်နေတာပါ။ သူ့ကျောင်းပိတ်ရက် တခဏတာမှာ ကျနော်တို့ မြို့ကို အလည်လာရင်းနဲ့ အပြင်မှာ ဆုံဖူးပေမယ့်လဲ သူကတော့ ကျနော့်ကို `အကိုကလို´ လို့ပဲ ခေါ်လေ့ရှိပါတယ်။

ဒီနိုင်ငံကို ရောက်တဲ့ မြန်မာအတော်များများက မြန်မာပြည်မှာ ကျန်ခဲ့တဲ့ မိသားစုတွေဆီကို ဒီမှာရှာလို့ ရတဲ့ ငွေပြန်ပို့ကြပေမယ့် အဲဒီကောင်လေးကတော့ ထူးခြားလှစွာပဲ မြန်မာပြည်က သူ့မိဘတွေက သူ့ဆီကို ပြန်ပြီး တနှစ်ကို အမေရိကန်ဒေါ်လာ လေးထောင်လောက် ပို့ပေးတဲ့ငွေနဲ့ ဒီမှာ ကျောင်းတက်နေသူပါ။

`ဖိုးဇေ၊ ၀ါရှင်တန်မှာတော့ မဲတွေ ပေးနေပြီတဲ့ကွ´

`ဟုတ်တယ်။ ကျနော့်ဆီကိုလဲ စာရောက်တယ် အကို´

`ဟေ၊ မင်းသွားထည့်ဖြစ်လား´

`ဘယ်သွားနိုင်မလဲ အကိုရာ၊ ဒီမှာ စာတွေနဲ့ ပိနေတာ´

နောက်တော့ တခြားအကြောင်းအရာတွေ ဘက်ကို စကားလမ်းကြောင်း ပြောင်းသွားပြန်တယ်။ တော်တော်ကြာတော့ ဖိုးဇေက ကျနော့်ကို…

`အကို ကလို´

`အေး၊ ပြောလေ´

`ကျနော်ကတော့ မကြိုက်ဘူးဗျာ၊ ထည့်လို့ရရင်တော့ ကန့်ကွက်မဲပဲ ထည့်ချင်တယ်´

`ဟေ၊ မင်းက သူတို့ ဥပဒေမူကြမ်းကို ဖတ်ဖူးပြီးပြီလား´

`မဖတ်ရသေးဘဲနဲ့ကို အဲဒါကို ထောက်ခံလိုက်ရင် ကျနော်တို့ ပိုဆိုးတော့မယ်ဆိုတာ စိတ်ထဲက သိနေတယ် အကိုကလို´

******************

`ဒါဆို နင်က ထောက်ခံမဲထည့်မှာပေါ့´

`ဒါပဲ ရှိတာပဲဟာ´

`ဟ၊ နင့်ဟာက လွယ်လွယ်လေး ဆုံးဖြတ်လိုက်သလိုပါပဲလားဟာ´

`ကဲ၊ ငါက ကန့်ကွက်မဲ ထည့်ရမယ် ထားပါတော့၊ ဘာကြောင့် ကန့်ကွက်သင့်တယ် ဆိုတာကို နင်ပြောကြည့်လေ´

`အေး၊ ငါနားလည်မိတာတွေထဲက အဓိက အကျဆုံး ကန့်ကွက်သင့်တယ် ဆိုတာကိုပဲ ငါပြောမယ်´

`….´

`ပထမတချက် အဲဒီဥပဒေအရ သမ္မတဟာ စစ်ရေးအမြင်ရှိသူ ဖြစ်ရမယ် ဆိုတဲ့ သတ်မှတ်ချက်အရ၊ စစ်သား ဒါမှမဟုတ် စစ်သားလူထွက်မှပဲ သမ္မတ လုပ်လို့ရမယ်´

`အင်း´

`နောက်တချက်ကတော့ အဲဒီ ဥပဒေအရ စစ်တပ်ဟာ အချိန်မရွေး တိုင်းပြည်အာဏာကို သိမ်းခွင့်ရှိတယ်´

`အင်း´

`အေး၊ အဲဒီလို အာဏာသိမ်းထားတဲ့ စစ်တပ်က နောက်ထပ် အစိုးရသစ်ကို အာဏာမလွှဲပေးခင်အထိ ကြားကာလတွေမှာ သူတို့ ဘာတွေပဲလုပ်ခဲ့လုပ်ခဲ့ အခုဥပဒေမူကြမ်းထဲက အတိုင်းဆိုရင် သူတို့ကို စစ်ခုံရုံးတင် အရေးယူတာတွေ ဘာမှ လုပ်ခွင့် မရှိဘူး၊ ဥပမာ တလောက ဖြစ်သွားတဲ့ စက်တင်ဘာ အရေးတော်ပုံ ကိစ္စမှာ စစ်တပ်က သံဃာတွေကို ရိုက်တာတွေ၊ လူတွေကို သတ်တာတွေကို ဘာမှ အရေးယူလို့ မရတော့ဘူး´

`အင်း´

`နောက်ထပ် ပြောရမယ်ဆိုရင်တော့ ထောက်ပြစရာ အချက်တွေ အများကြီး ကျန်သေးတာပေါ့´

`အင်း´

`နင်က သူတို့အုပ်ချုပ်တာကို ကြိုက်လို့လား´

`ပွင့်ပွင့်လင်းလင်း ပြောရမလား´

`အေးလေ´

`မကြိုက်ဘူး´

`ဒါနဲ့များဟာ´

သူ့ဘက်က အသံတွေ ခဏတော့ တိတ်သွားပါတယ်။ အတန်ကြာတော့မှ…

`ကန့်ကွက်မဲ ထည့်တာကို သိသွားလို့ ပြဿနာရှာရင် ငါပညာတော်သင် မဆုံးမီမှာ မြန်မာပြည် ပြန်ရမှာကိုစိုးတယ်

`……………….´

`ငါတို့က အစိုးရစရိတ်နဲ့ ပညာတော်သင် လာရတာ၊ တခုခုဖြစ်ရင် ငါတယောက်ထဲ မဟုတ်ဘူး၊ မြန်မာပြည်က ငါ့မိသားစုကိုပါ ထိခိုက်မှာ´

`သူတို့ မကောင်းတာတော့ မကောင်းတာပေါ့၊ ဒါပေမယ့် …´

`ကဲ၊ ဘိုင့်ဘိုင်နော်၊ နောက်မှဆုံတာပေါ့ဟာ´

ပြောချင်ရာပြောပြီး သူကတော့ ဖုန်းချသွားပေမယ့် ကျနော်မှာသာ ပြောလက်စ မကုန်သေးတဲ့ စကားတွေနဲ့ ကျန်ခဲ့ပြန်ပါတယ်။

***

`အကို၊ ကျနော်တို့ စင်္ကာပူက မဲပေးပွဲ ပုံတွေကြည့်မလား´

`ဟာ၊ ကြည့်မယ်၊ ကြည့်မယ်´

`အင်း၊ ကျနော် လင့်ခ်ပေးမယ်နော်´

လူငယ်အများစုပါဝင်တဲ့ No စာလုံးပါ အနီရောင် ၀တ်စုံနဲ့ လူအုပ်ကြီးဟာ ထောက်ခံမဲပေးကြမှာလား၊ ကန့်ကွက်မဲ ပေးကြမှာလားဆိုတာကို မေးခွန်းထုတ်စရာ လုံးဝ မလိုတော့တဲ့ ပုံတွေက အားရစရာ၊ အားတက်စရာ…။ သူတို့တတွေကို မြင်ကြရမယ့် မြန်မာသံရုံးတာဝန်ခံ ၀န်ထမ်းတွေရဲ့ မျက်နှာထား ဘယ်လိုရှိနေမလဲဆိုတာ သိချင်စမ်းပါဘိ။ လွတ်လပ်စွာ သဘောထားပေးခွင့် ရှိတဲ့နေရာမှာ လွတ်လွတ်လပ်လပ် သဘောထားပေးကြသူတွေရဲ့ ဆန္ဒကို သူတို့ သိတတ်၊ မြင်တတ်မယ်ဆိုရင်တောင် ရှက်စိတ်နဲ့ ဘုန်းဘုန်းလဲ သေလို့ရလောက်တဲ့ ပုံတွေ…။

***

`အကိုကလို၊ ကျနော်ကတော့ ကန့်ကွက်တဲ့ဘက်က နိုင်စေချင်တယ်´

`ငါတခုခု ဖြစ်ရင် ငါ့မိသားစုမှာ အရင်ဒုက္ခရောက်မှာ၊ ထောက်ခံမဲပေးလိုက်တာက ရန်အေးတယ်၊ ကန့်ကွက်လိုက်လို့ ငါဒုက္ခဖြစ်ရင် ဘယ်သူက ငါ့ကိုကယ်မှာမို့လဲ´

`ကျနော်တို့ ဒီတိုင်းငြိမ်ခံနေတာထက်စာရင် ကျနော်တို့ရဲ့ ဆန္ဒအစစ်အမှန်ဟာ ဘာလဲဆိုတာကို ပြချင်တယ်၊ ဒါကြောင့် ကျနော်တို့တွေ သွားခဲ့ကြတာ၊ အခု သူတို့ ရက်ထပ်တိုးပေးထားတယ်။ ဘာပဲဖြစ်ဖြစ် ကျနော်တို့ ကန့်ကွက်မဲဟာ ကျနော်တို့ရဲ့ ဆန္ဒအစစ်ဆိုတာကို ပြဖို့ဒီအချိန်ဟာ အကောင်းဆုံး အချိန်ပဲဗျ၊ ရှုံးသည်ဖြစ်စေ နိုင်သည် ဖြစ်စေ ကျနော်တို့ကတော့ ကန့်ကွက်ရမှာပဲ၊ ဒါဟာ ကျနော်တို့ရဲ့ ဆန္ဒတွေကို တရားဝင် ထုတ်ဖော်ခွင့်´

***

တယောက်သောသူက အပူအပင်ကြောင့်ကြ ကင်းကင်း မိဘလုပ်စာနဲ့ ကျောင်းလာတက်နေတဲ့ လူငယ်လေး၊ နောက်ထပ် တယောက်ကတော့ `အစိုးရစရိတ်´ လို့ သူထင်နေတဲ့ `ပြည်သူ့စရိတ်´ နဲ့ နိုင်ငံရပ်ခြားရောက် ပညာတော်သင် တယောက်၊ နောက်ထပ် တယောက်ကတော့ ပညာရှာရင်း တနယ်တကျေးရောက် ကျောင်းသားတယောက်…။

ဝေဖန်ချက်တွေ၊ သုံးသပ်ချက်တွေ မပေးလိုပေမယ့် ကျနော် သူတို့ကို စကားတွေ အများကြီး ပြောချင်နေသေးတယ်။ ပြီးတော့…။

ကျနော် သူတို့လိုပဲ `မဲပေးခွင့်´ အခွင့်အရေး ရချင်နေတယ်။

ကန့်ကွက်မဲလေး တခုအတွက်ပေါ့။

***


ကလိုစေးထူး

Tuesday, April 22, 2008

ငြမ်း…

ဒီနေ့ ဒီရက်ကို ရောက်လာမယ် ဆိုတာကို သတိမထားလိုက်မိခင်မှာပဲ ကျုပ်အတွက် နောက်ဆုံးအချိန်တွေက ရောက်လာခဲ့ပါပြီ။

အခုတော့…။

မျက်နှာပေါက်ဆိုးဆိုး အသားမဲလဗျစ်နဲ့ လူတယောက်က အညှာအတာမဲ့လှစွာနဲ့ တွန်းထိုးပစ်ချလိုက်တာ ကျုပ်လဲ မြေပေါ်ကို ၀ရုန်းသုန်းကားနဲ့ ပြုတ်ကျသွားပါလေရော။ မြေကြီးပေါ်ရောက်လို့ နာကျင်တဲ့ ဝေဒနာကို ညည်းတွားဖို့ အချိန်မရခင်မှာဘဲ အသက်ခပ်ရွယ်ရွယ် လူတယောက်က ကျုပ်ကို တရွတ်တိုက် ဆွဲခေါ်သွားပြန်တယ်။ စောစောက ကျုပ်ကို ပစ်ချလိုက်တဲ့ လူက အပေါ်ကနေ လှမ်းအော်ပြောလိုက်သေးတယ် …။

`ဟိုးခြံထောင့်မှာ သွားပုံထားလိုက်ကွာ၊ နောက်မှပဲ ပိုင်းတော့မယ်´

***

ကျုပ်ရဲ့ မွေးဖွားမှုအစကို ပြောရရင်တော့ မိုးဦးကျရာသီရဲ့ နေ့လေးတရက်မှာပါ။ စွတ်စိုနူးအိနေတဲ့ မြေပြင်ခပ်ပွပွကို ကျုပ်ရဲ့ ထိပ်ဦး ခပ်ချွန်ချွန်နဲ့ တွန်းတိုးထွက်လာတော့ ကျူပ်ထက် အရင်ရောက်နှင့်နေတဲ့ အမျိုးတူတွေက ကျုပ်ကို စီးမိုးကြည့်ပြီး ကြိုဆိုလိုက်ကြတယ်။ ရက်အတန်ကြာတယ် ဆိုရင်ပဲ ကျုပ်ကို တွေ့သွားတဲ့ လူတယောက်က ၀မ်းသာအားရနဲ့ ရေရွတ်လိုက်တယ်။

`ဟာ၊ ၀ါးပိုးမျှစ် ထွက်နေပြီဟေ့´

၀၀ကစ်ကစ်၊ ညိုနုနုရောက် ရွက်ဖတ်လေးတွေနဲ့ ကျုပ်ကို အစပထမတော့ လူတချို့က ချိုးယူမလို့ ကြံစည်ခဲ့ကြသေးတယ်။ `မျှစ်တကာ့ မျှစ်ထဲမှာ ၀ါးပိုးမျှစ်က အချိုဆုံး´ ဆိုပဲ…။ ဒါပေမယ့် ကျုပ်သက်သာသွားတာက အမျှော်အမြင်ကြီးဟန် ရှိတဲ့ အသက်ကြီးကြီးလူတယောက်က `ဟေ့၊ ဟေ့ ၀ါးပိုးဝါးက ရှားပါသဘိနဲ့၊ မချိုးကြပါနဲ့ဟ´ လို့ တားလိုက်လို့ ကျုပ်မှာ ၀ါးလားမြောက်ခွင့် ရခဲ့ရတာ။ နို့မို့ရင်တော့ မျှစ်ဘ၀မှာတင် စောစောစီးစီး ဟင်းအိုးထဲရောက်ပြီပဲ။

ဟုတ်တော့လဲ ဟုတ်တယ်။ ကျုပ်တို့ ၀ါးပိုးဝါးမျိုးက ၀ါးတွေထဲမှာတော့ ဆွေကြီးမျိုးကြီးဝါးမျိုးလို့တောင် ပြောလိုက်ချင်သေးတယ်။ မျှစ်ဆိုရင်လည်း မျှစ်မို့ တခြားမျှစ်တွေထက် အရသာပိုချို၊ ပိုကောင်းတဲ့အပြင် တခဏလေး ပြုတ်လိုက်တာနဲ့တင် အခါးအရသာ ပျောက်တယ်။ ကြခတ်၊ကြသောင်းမျှစ်တွေလို ခပ်ပိန်ပိန်ကောင်တွေများတော့ အတော်ကြီးကို အချိန်ကြာကြာ ပြုတ်မှချိုတာကလား၊ ပြီးတော့ ဒင်းတို့တွေ ၀ါးလားမြောက်လာတော့လဲ ကျုပ်တို့လို ဖွံ့ထွားထွားမဟုတ်…။ ဒီကောင်တွေကြောင့်ပဲ နေမှာ၊ လူတွေက ခပ်ပိန်ပိန်ကောင်မလေးတွေကို ဆိုရင် `၀ါးခြမ်းပြား ထောင်ထားသလိုပဲနော်´ လို့ နှိုင်းကြတာ…။

ဒီလိုနဲ့ပေါ့ဗျာ..။ တဖောင်သာသာ အမြင့်လောက် အရွယ်ကို ရောက်ပြီဆိုမှပဲ ကျုပ်လဲ မျှစ်ဘ၀ကနေ လွတ်ပြီကျွတ်ပြီဟဲ့ ဆိုပြီး ဟင်းချနိုင်တော့တယ်။ ဒါတောင် တချို့လူတွေများ မျှစ်ရှားတဲ့ အချိန်ဆိုရင် `မျှစ်ပျံ´ ဆိုပြီးတော့ တချို့ဝါးပေါက်စလေးတွေကို ခုတ်ချင်ခုတ်တတ်သေးတာ၊ အနုလေးနည်းနည်းလောက် ကျန်တဲ့ ၀ါးနုနု ထိပ်ဖျားကို မျှစ်အဖြစ်နဲ့ မရမက ရှာကြံစားသောက်နေတတ်သေးတာလေ။ ဒါပေမယ့် ကျုပ်ကတော့ ကံကောင်း ထောက်မစွာနဲ့ပဲ မျှစ်ဘ၀ကို လွန်လို့ ၀ါးလူပျိုပေါက် ဘ၀ကို ရောက်ခွင့်ရခဲ့တယ် ဆိုပါတော့…။

ဝါးဘ၀ရဲ့ ပထမနှစ်တာကတော့ ကျုပ်အတွက် အပျော်ဆုံး အချိန်တွေပါပဲဗျာ။ ၀ါးဖတ်လေးတွေ ကပ်နေဆဲ နုပျိုပျိုနဲ့ ကျုပ်ခန္ဓာကိုယ်ကို လူတွေကလဲ မလိုလားကြသေးဘူးလေ။ သူတို့အပြောကတော့ `၀ါးဆိုတာ အနည်းဆုံး တနှစ်သက်တမ်းလောက်မှ ပိုးထိုးနည်းတာ´ ဆိုပဲ။ ကျုပ်တို့လို့ ၀ါးဆွေကြီးမျိုးကြီး ၀ါးပိုးဝါးမျိုးဆိုရင်တော့ နှစ်ကြာလေလေ ပိုရင့်လေလေ၊ ရေရှည်ခံလေပဲတဲ့။

လေပြင်းကလေး တသော့သော့ နှင်လာပြီလားဆိုရင် ကျုပ်ရဲ့ ခန္ဓာကိုယ်က ဟီးလေးယိမ်းနွဲ့လို့ ဟိုတိမ်းဒီတိမ်း တိမ်းရတာ ဘေးက ၀ါးပိုးပျိုမလေးကိုတောင် တချက်တချက် သွားထိမိလို့ ရင်ခုန်ရသေးတယ်။ ၀ါးပိုးပျိုမလေးရဲ့ ၀ကစ်ကစ် ရှည်မျောမျော ကိုယ်လုံးနဲ့ ထိခတ်ရပလားဆိုရင် နွေဦးရဲ့ ကဗျာသံလို့တောင် လူတွေတင်စားလေ့ရှိတဲ့ ၀ါးရင်ခတ်သံတွေကို ကြားရနိုင်သေးတာပေါ့…။

တဖြည်းဖြည်းနဲ့ ရက်တွေကြာလာတော့ ကျုပ်တခုခုကို သတိထားမိလာရတယ်။ အဲဒါကတော့ ကျုပ်ဘေးနားက ၀ါးအကို၊ ၀ါးအမတွေ တစတစလျော့ပါးလာတာကိုပါပဲ။ တဒုတ်ဒုတ်နဲ့ ခုတ်ထစ်သံတွေရဲ့ အောက်မှာ လူတွေနောက်ကို လိုက်သွားရမယ့် သူတို့တွေက အပြုံးလဲ မပျက်ကြဘူးဗျ။ လူတွေရဲ့ လှည်းပေါ်မှာ ပျော်ပျော်ကြီးပဲ လိုက်သွားကြတာပါပဲ။ ဒီလိုနဲ့ နောက်တော့လဲ ကျုပ်ရဲ့ အလှည့်ကို ရောက်လာတာပါပဲဗျာ။

ကျုပ်ကို ခုတ်လှဲပြီး ကျုပ်ကိုယ်ပေါ်က အကိုင်းအခက်တွေကို ရှင်းလင်းပစ်လိုက်တော့ ကျုပ်စိတ်ထဲ ဟာလာဟင်းလင်းကြီး လိုလိုတော့ ခံစားလိုက်ရသား…။ ဒါပေမယ့် ကျုပ်ရင်ခုန်နေတယ်။ လေတိုက်ရာနောက် ယီးလေးခိုနေရတဲ့ ဘ၀ရဲ့ အဆုံးသတ် ဟိုဘက်မှာ လူတွေက ကျုပ်ကို ဘယ်ကိုခေါ်သွားကြဦးမလဲ ဆိုတာ၊ ဘယ်လိုနေရာတွေမှာ ကျုပ်ဘာတွေ တွေ့ရမှာလဲ…။

***

ပထမတော့ ကျုပ်ကို ခေါ်လာတဲ့ လူကြီးက သူ့အိမ်အောက်မှာ ကျုပ်ကို ချောင်ထိုးထားသေးတယ်။ ရက်အတော်ကြာတော့မှ တခြားလူတယောက်က ကျုပ်ကို လာဆွဲထုတ်တယ်။ အိမ်အောက်မှာ ချောင်ထိုးထားတုန်းကတော့ မွန်းကျပ်လိုက်တာ မပြောပါနဲ့တော့…။ မှောင်ကလဲ မှောင်သေးသဗျာ။

နောက်တော့ သူတို့တွေ ကျုပ်ခန္ဓာကိုယ်ကို နှစ်ခြမ်းခွဲလို့ အိမ်ရှေ့ရေတံစက်မြိတ်အောက်မှာတခု၊ အိမ်နောက်မှာ တခု ရေတံလျောက် လုပ်လိုက်ကြပါလေရော…။

တကယ်ပြောတာပါ၊ အဲဒီတုန်းက ကျုပ် ခန္ဓာနှစ်ခြမ်း ဗြန်းဗြန်းကွဲသွားပေမယ့် ကျုပ်ဝမ်းမနည်းခဲ့ပါဘူး။ မိုးတွေရွာလာပြီလား ဆိုရင် အင်ဖက်ခေါင်မိုးပေါ်ကနေ လူးလိမ့်ပြေးဆင်းလာတဲ့ မိုးရေစက် သကောင့်သားတွေကို ကျုပ်က တတ်နိုင်သလောက် စုစည်းပြီးတော့ ကျုပ်ရဲ့ အိမ်ကြီးသခင် အလိုကျ သွန်ချပေးရတာကို ကျုပ်ပျော်တယ်။ တခါတလေများ ကျုပ်သွန်ချလိုက်တဲ့ မိုးရေး တဗြန်းဗြန်းအောက်မှာ အိမ်ကြီးရှင်ရဲ့ ကလေးတွေ ဟေးဟေးဟားဟား အော်ဟစ် ပျော်မြူးနေရင် ကျုပ်မှာ ပိုပျော်ရတယ်။ ပျော်လွန်းလို့ မိုးပေါ်ကနေ ကျလာတဲ့ မိုးရေစက်တွေကို တတ်နိုင်သလောက် အမိဖမ်းပြီးတော့ အဲဒီကလေးတွေပေါ်ကို ဖြန်းသွန်ချနေတော့တာ…။

ကျုပ်သွန်ချပေးလိုက်တဲ့ မိုးရေတွေကို အိမ်ကြီးရှင်က ရေပုံးတွေနဲ့ ကဲ့ကဲ့ပြီး ရာဝင်အိုးကြီးထဲမှာ ဖြည့်ထားတတ်တယ်။ ခြံထောင့်မှာ ရေတွင်း ရှိပေမယ့် သူက မိုးရေကို ပိုကြိုက်တာလားတော့ မသိပါဘူး။ ဘာပဲဖြစ်ဖြစ် ကျုပ်ရဲ့ စွမ်းဆောင်မှုကို ကျုပ်ကျေနပ်မိတယ်။ ကျုပ်သာ မရှိခဲ့ရင် သူက ဒီမိုးရေတွေကို ခက်ခက်ခဲခဲ ခံယူနေရတော့မှာလေ…၊ အဲဒီလို တွေးမိရင် တခါတလေများဆို ကျုပ် စိတ်ကြီးတောင် ၀င်မိသေးတယ်။ အဲဒီလိုနဲ့ပဲ မိုးရွာချိန်ဆိုရင် စိုစိုစွတ်စွတ်နဲ့ ပျော်ပါးလိုက်၊ နွေခေါင်ခေါင်ဆိုရင်တော့ ခြောက်သယောင်းနေတဲ့ ကျုပ်ကိုယ်ပေါ်မှာ အင်ဖက်မိုး အကျိုးအကြေ တချို့က နေရာယူလိုက်နဲ့ နှစ်တွေ အတန်ကြာခဲ့ပြန်တယ်။

***

အခုတော့ ကျုပ် မရောက်ချင်တဲ့ အချိန်ကို တကယ်ပဲ ရောက်လာခဲ့ပါပြီ။

မနှစ်ကတည်းက ကျုပ်အိမ်ကြီးရှင်က ဆွေးမြည့်စပြုနေတဲ့ ကျုပ်ခန္ဓာကိုယ်ကို ကြည့်ပြီး စိတ်ပျက်စ ပြုနေတာ ကျုပ်သတိထားမိပါရဲ့။ သူက `နောင်နှစ် အိမ်ကို သွပ်မိုးမိုးမှပဲ ရေတံလျောက်တွေကိုပါ တခါတည်း လဲတော့မယ်´ လို့ ပြောနေကတည်းက ရင်ထိတ်နေခဲ့ရတာ အခုတော့ ကျုပ်ကို သူမလိုလားတော့တာ သေချာသွားခဲ့ပြီလေ။

အိမ်မိုးကူဖို့ အငှားခေါ်ထားတဲ့ အဲဒီ မျက်နှာပေါက်ဆိုးဆိုးနဲ့ကောင် ကို ကျုပ်မုန်းလိုက်တာဗျာ။ အသံကလဲ ကျယ်လောင်လောင်နဲ့ ပါးစပ်ထဲ တွေ့ကရာသီချင်းတွေ အော်ဆိုပြီး အင်ဖက်မိုးတွေကို တဗျီးဗျီးနဲ့ ဆွဲဖြုတ်ကန်နေတာ အင်ဖက်တွေက ကျုပ်အပေါ်မှာ လာလာပိနေလို့ `ဟေ့လူ၊ ဖြည်းဖြည်းလုပ်ပါဗျ´ လို့ လှမ်းပြောတာကိုတောင် သူက အရေးမစိုက်ဘူး။

အဲဒါနဲ့ အင်ဖက်မိုး အဆွေးတွေရဲ့ အလှည့်လဲ ပြီးရော ကျုပ်ကိုပါ မချန် မြေကြီးပေါ်ကို တွန်းထိုးပစ်ချလိုက်တော့တာပါပဲ။

***

ခြံထောင့်ကို လာပုံထားတဲ့ ကျုပ်အနားကို လူတယောက် ထပ်ရောက်လာခဲ့တယ်။ သူ့လက်ထဲမှာကတော့ ခပ်ထက်ထက် ဓားမရွယ်ရွယ် တချောင်းကို ကိုင်လို့ပေါ့…။ ကျုပ်ခန္ဓာကိုယ်ကို တပိုင်းစီ၊ တပိုင်းစီဖြစ်သွားအောင် တဒုတ်ဒုတ်နဲ့ ခုတ်ပိုင်းပစ်လိုက်တာ သိပ်မကြာလိုက်ခင်မှာပဲ ကျုပ်တကိုယ်လုံး တစစီဖြစ်သွားတယ်။ သေချာသွားပြီ…။ သူတို့ ကျုပ်ကို ထင်းစိုက်ပစ်ကြတော့မယ်။

မွေးကင်းစ မျှစ်စို့အရွယ်ကနေ ၀ါးလားမြောက်လို့ အခု ၀ါးအိုမင်းမစွမ်း ဖြစ်တဲ့ အချိန်အထိ ကျုပ် တတ်နိုင်တဲ့ဘက်ကနေ ကျုပ်ရှိနေတဲ့ ၀န်းကျင်ကို အကျိုးရှိအောင် လုပ်ခဲ့တယ်လို့တော့ ကိုယ့်ကိုယ်ကို ထင်မိသားပါပဲ။ မိုးရေလာချိုးတဲ့ ကလေးတွေရော၊ မိုးရေခံတဲ့ အိမ်ကြီးရှင်ကပါ ကျုပ်ကို အသိအမှတ် မပြုခဲ့ကြရင်တောင် ကျုပ်ဟာ အချိန်ကာလ တခုအထိတော့ သူတို့တွေ အကျိုးရှိအောင် ကူပံ့ပေးနိုင်ခဲ့တယ်လို့တော့ ကျုပ်ထင်မိတယ်။

အခုလဲ ဆွေးမြည့်နေတဲ့ ကျုပ်ရဲ့ ခန္ဓာကိုယ် အပိုင်းအစတွေကို လောင်ကျွမ်းပြီး ထွက်လာမယ့် အပူစွမ်းအင်တွေကနေ သူတို့ တခုခုကို ချက်ပြုတ်ကြ၊ ကြော်လှော်ကြတော့မယ်။ အလျှံညီးညီး လောင်နေတဲ့ မီးတွေက ကျုပ်ကို ပြာမှုန်တွေ အဖြစ်ကို ပြောင်းပစ်ကြတော့မယ်။ ဒါပေမယ့်လဲ ကျုပ်ပျော်နေချင်ပါသေးတယ်။ ဟောဒီ နောက်ဆုံးအချိန်၊ ပြာမှုန် အဖြစ်မရောက်မီလေး အထိကို ကျုပ်တတ်နိုင်တဲ့ အားတွေနဲ့ ခင်ဗျားတို့ကို အကျိုးပြုချင်နေပါသေးတယ်ဗျာ။


ကလိုစေးထူး

Saturday, April 19, 2008

နောက်ကျပြီး ကျတဲ့ နှင်း…



ရေဒီယိုထဲမှာ ကြားလိုက်ရတဲ့ မိုးလေ၀သ သတင်းကြောင့် သက်ပြင်းတချက်ကို ဖွဖွချလိုက်မိသည်။ နှင်းအနည်းငယ် ထပ်ကျဖွယ်ရာ ရှိသတဲ့…။

တချို့က ဒီအချိန်ကျမှ ထပ်ကျဦးမယ့် နှင်းကို မကျေမချမ်း အပြစ်တင်၏။ တချို့ကတော့ `နှင်းကျပြီးရင် အေးခဲနေဦးမှာလား မသိဘူး´ ဆိုပြီး ပူပင်လေဟန်…၊ တချို့ကတော့ ဒါကို ဘာမှ မထူးဆန်းလှသလိုလို…။ ဒါပေမယ့် နောက်ကျတဲ့ နှင်းတွေကတော့ သူတို့ဝန်းကျင်ကို ကျလာပေတော့ဦးမည်။

သူကရော…။ တကယ်တော့ ဒီအချိန်ရောက်မှတော့ အဲဒီ နှင်းတွေကို သူ မကျစေချင်မိတော့တာတော့ သေချာသည်။ ဒီလိုအချိန်မှ ကျနေဦးမယ့် နှင်းပွင့်နှင်းဖတ်တွေက လူတွေရဲ့ စိတ်ကို ဘယ်လောက်များ ဆွဲဆောင်မှု ရှိမှာတဲ့လဲ။ အေးခဲလွန်းလှတဲ့ ရာသီဥတုကို ဖြတ်လာရတဲ့ လူအတော်များများက ဒီအချိန်မှာ နှင်း ကို မလိုလားတော့ဘူးလေ။

ဘယ်လိုပဲဖြစ်ဖြစ် နှင်းတွေကတော့ ကျပါလိမ့်ဦးမည်။

***

နောက်တနေ့…။

ဒီနိုင်ငံ ရာသီဥတုကို နှစ်အတန်ကြာအောင် ဖြတ်ဖူးပြီဆိုတော့ နှင်းကျတယ် ဆိုတာက သူ့အတွက် ထူးထူးခြားခြားတော့ ဆန်းကျယ်မနေတော့ပါ။ ဒါပေမဲ့ အခုတကြိမ်မှာတော့ အချိန်လွန်နေတဲ့ နှင်းတွေ ကျလာတာကို သူ ထိုင်ငေးချင်လာသည်။

ဝန်းကျင်တခွင်ကို ကြည့်လိုက်တော့ နေရောင်က မရှိတတ်ရှိတတ် နည်းပါးလှစွာဖြင့် မြင်လေရာမှာ အုံ့မှိုင်းမှိုင်း ဖြစ်နေ၏။ စိမ်းနုနုအဖူးတွေ ထွက်စဖြစ်ပေမဲ့ ရိုးတံပြိုင်းပြိုင်းဖြစ်နေဆဲ အပင်တွေက ခပ်ကြမ်းကြမ်းတိုက်နေတဲ့ လေရိုင်းဒဏ်ကြောင့် ကြောက်လန့်တကြား ယိမ်းခါနေကြသည်။ လုံနေအောင် စေ့ထားတဲ့ မှန်တံခါးကို လေလာတိုးနေသံ တ၀ှီးဝှီးက လေနတ်မင်းရဲ့ ဒေါသကို ကိုယ်စားပြုနေလေရော့သလား ထင်ရ၏။

သူ လှမ်းမျှော်ငေးနေရာရဲ့ ဟိုဘက် ခပ်လှမ်းလှမ်းမှာတော့ ကားပါကင်နေရာ တခု…။ ကားတွေ ကင်းရှင်းပါးလျားနေသော အဲဒီ ကွင်းငယ်လေးထဲကို အနီရောင်ကားတစီးက ဒရောသောပါးဖြင့် ပြေးဆိုက်လာ၏။ ပြီးနောက် ကားထဲမှ အရပ် ဂလန်ဂလားနှင့် လူတယောက် အဆောက်အဦ တခုထဲကို ခက်သွက်သွက်လေး ပြေးဝင်သွားသည်။

နောက်တော့ ပတ်ဝန်းကျင် တခုလုံးမှာ လေတိုက်သံတွေကသာ မင်းမူသွားပြန်သည်။

***

ဟော…။

နှင်းတွေ စ ကျလာပါပြီကော…။ ပထမတော့ အဖြူရောင် အမှုန်လေးတွေကို တယောက်ယောက်က မိုးပေါ်ကနေ ကျဲချလိုက်သလို ခပ်ပါးပါး…။ ထူးဆန်းတာက နှင်းတွေကျလာတာနဲ့ စောစောက ဒေါသကြီးနေတဲ့ လေက ငြိမ်သက်သွားသည်။့ နှင်းတွေကို သိမ်သိမ်မွေ့မွေ့ ကျခွင့်ပေးဖို့အတွက် အလိုက်သိလှစွာ ငြိမ်သက်ပေးတာလားလို့ ထင်စရာ…။

တစတစနဲ့ သည်းလာတဲ့ နှင်းတွေက သူ့ကို လိုလား၏ မလိုလား၏ ဆိုတာကို သိပ်လဲ ဂရုထားနေဟန် မတူ…။ ငြိမ်သက်နေတဲ့ ပတ်ဝန်းကျင်ဟာ သူ့ကို ခုံခုံမင်မင်နဲ့ လက်ခံနေတာ လို့တောင် ထင်နေနိုင်သေးသည်။ စိမ်းနေတဲ့ မြက်ခင်းပြင်တွေပေါ်ကို သူက ပိုင်စိုးပိုင်နင်းဆန်လှစွာပင် အဖြူရောင် ချယ်ပစ်လိုက်၏။ အပင်ပေါ်မှာ တွယ်ကပ်နေတဲ့ နှင်းမှုန်တချို့မှာတော့ တချက်တချက် အလန့်တကြားခါချလိုက်တဲ့ ကိုင်းဖျားတွေကြောင့် အပင်နဲ့သူ ရေစက်ဆုံခွင့် မရရှာ…။ ဇွဲကြီးလှတဲ့ နှင်းတချို့သာ အပင်ပေါ်ကျနေခွင့် ရလေသည်။

သိပ်မကြာလိုက်ပါ…။ နှင်းကျတာ ရပ်သွား၏။ နှင်းတွေရဲ့ တခဏတာ ပိုင်စီးခွင့်ကို အငိုက်မိသွားတဲ့ လေကြမ်းက တစခန်း ပြန်ထလာလေတော့သည်။ ပုံဆိုးပန်းဆိုးနဲ့ နှင်းခြစ်ကား တစီးကလဲ ကတ္တရာလမ်းပေါ် ကျမိတဲ့ နှင်းတချို့ကို ညှာတာခြင်း အလျဉ်းမရှိစွာ တဂျီးဂျီးဖြင့် ခြစ်ထုတ် တွန်းဖယ်ပစ်လိုက်၏။

စောစောက ကားရပ်ပြီး အဆောက်အဦထဲ ၀င်သွားတဲ့ ဂလန်ဂလားလူ ပြန်ထွက်လာပြန်သည်။ သူ့ကားပေါ်မှာ တင်ကျန်နေတဲ့ နှင်းတွေကို တွေ့တော့ သိပ်မလိုလားလေဟန် တခဏတော့ တွေကြည့်နေ၏။ နောက်တော့လဲ ပြတ်ပြတ်သားသားနိုင်လှစွာဖြင့်ပင် ကားနောက်ဖုံးထဲက နှင်းခြစ်တံ ဖြင့် သူ့ကားပေါ်က နှင်းတွေကို ဖယ်ရှားပစ်လိုက်သည်။

ဒီလိုနဲ့ နှင်းတွေက သူ့ကို လိုလားဟန်ရှိပုံပေါ်တဲ့ မြက်ခင်းစိမ်းတွေပေါ်မှာသာ ငြိမ်ငြိမ်သက်သက် မှေးစက်နေပြန်တော့သည်။ နှင်းခြစ်ကားကြောင့် နာကျင်တဲ့နှင်း၊ အပင်တွေပေါ်ကနေ ၀ရုန်းသုန်းကား ပြုတ်ကျလာတဲ့ နှင်းတွေကလဲ မြက်ခင်းစပ်မှာ၊ မြက်ခင်းပေါ်မှာ ထင်ကျန်နေရရှာ၏။

မြက်ခင်းကရော…၊ သူတို့ကို ကြာရှည် လက်ခံပါမယ်တဲ့လား…။ ဟင့်အင်း၊ တခဏပေါ့။ နောက်တနေ့ နံနက် နေရောင်လာရင် ဟောဒီနှင်းတွေ အရည်ပျော်ရပါလိမ့်မည်။ နှင်းတွေ အရည်ပျော်တဲ့ မျက်ရည်ကိုတော့ မြက်ခင်းက တခဏတော့ သည်းခံပြီး စိုစွတ်ခွင့် ပေးပါလိမ့်ဦးမည်။ ဘယ်လိုပဲဖြစ်ဖြစ် နောက်ဆုံးတော့လဲ နှင်းဆိုတာ အရည်ပျော်ရမှာပဲပေါ့…။

နောက်ကျပြီး ကျတဲ့နှင်းကြောင့် တချို့ စိတ်ညစ်ရသည်။ နေရောင်ကို လိုလားသူက နှင်းတွေကို အပြစ်တင်၏။ ဒီအချိန်ကျမှ ကျရန်ကော လို့ စောကြောသူတွေလဲ ရှိနေနိုင်ပါသေးသည်။

ဘယ်သူမှ သတိမထားမိလိုက်တာကတော့ နောက်ကျတဲ့နှင်းတွေက ကမ္ဘာမြေကို တခဏလေးဖြစ်ဖြစ်တော့ အလှဆင်နေတာကိုပါ…။ စိမ်းနေတဲ့ မြက်ခင်းပြင်တွေ၊ ငေါင်းစင်းစင်းနိုင်လှတဲ့ အပင်တွေ၊ မည်းညစ်ညစ်အရောင်နဲ့ အိမ်ခေါင်မိုးတွေကို နှင်းရဲ့ ရိုးဂုဏ် ဖြူဆွတ်ဆွတ်က အလှကြွယ်နေစေခဲ့တာကတော့ ဘယ်သူမှ ငြင်းနိုင်မယ် မထင်…။

တခုတော့ ရှိသည်။

သူ့အတွက် အချိန်ဆိုတာဟာ တခဏလေး ဆိုတာကိုတော့ နှင်းတွေ မေ့ထားလို့မဖြစ်ပါ။

***


ကလိုစေးထူး

Thursday, April 10, 2008

သင်္ကြန်ခါတော်…ရေကစားကြတာ…

ရေသန့်ပုလင်း ငါးပုလင်း၊ အချိုရည်ဘူး လေးငါးဘူးနဲ့ အတူတူ ဘီယာဘူး ၂၀ ခန့်ကို ထည့်ပြီးချိန်မှာတော့ ရေခဲဘူးက အတော်လေးတော့ လေးနေလေပြီ။ ဒါပေမဲ့ ဖိုးတေ ပုခုံးမှာ လွယ်ကြည့်လိုက်တော့လည်း သိပ်အလေးကြီးတော့ မဟုတ်လှ…။

`မြန်မြန်သွားတော့၊ အခုလောက်ဆို မဏ္ဍပ်တွေမှာ လူကျနေလောက်ပြီ´

ဆိုင်ရှင် ဦးမှုံကြီးရဲ့ လောဆော်သံကြောင့် ဖိုးတေတယောက် ခေါင်းကို ခပ်ဆတ်ဆတ်ငြိမ့်ပြလိုက်ရင်း ဆိုင်ထဲမှတဆင့် လမ်းမကြီးဆီကို ထွက်လာတော့ ခပ်ဝေးဝေးဆီက သင်္ကြန်မဏ္ဍပ်များမှ သီချင်းသံ၊ လူသံတွေက ဖိုးတေကို ကြိုဆိုနေလေတော့သည်။

***

ဖိုးတေတို့ နေတဲ့ ကျူးကျော်ရပ်ကွက်က လူတွေက သင်္ကြန်ရောက်ရင် ပျော်ကြသည်။ ဒါပေမယ့် ရေကစားဖို့တော့ မဟုတ်ပါ၊ သင်္ကြန်တွင်း တောက်လျှောက် ရေကစားနိုင်ဖို့လောက်အထိလဲ သူတို့ရဲ့ စားဝတ်နေရေး အခြေအနေက အဆင်ပြေနေတာ မဟုတ်…။ ဒါပေမယ့် သူတို့ ပျော်ကြသည်။ အကြောင်းက သင်္ကြန်ကာလမှာက တခြားအချိန်တွေထက်စာရင် ငွေရလွယ်သည်၊ ရေသန့်ဘူး လိုက်ကောက်သူတွေက သင်္ကြန်မဏ္ဍပ်တွေကနေ ရေသန့်ဘူးတွေ အများကြီး ရနိုင်သလို ဘီယာဘူးခွံကလည်း ထုနဲ့ထေး ရနိုင်သေးတော့ ဘူးခွံတွေလဲ ကောက်၊ လူချမ်းသာတွေ ပျော်နေတာကိုလဲ လမ်းပေါ်ကနေ ငေးမျှော်ရင်း ရောပျော်…။ ဆိုတော့ ဒီရပ်ကွက်က လူတွေ သင်္ကြန်ကို ပျော်ကြသည်မှာ သဘာဝ ကျသည်ဟုပင် ဆိုနိုင်သေးသည်။

ဖိုးတေကတော့ တခြားလူတွေထက်စာရင် အခွင့်အလမ်း ပိုရတာပဲပြောရမလား၊ ကံပိုကောင်းတာပဲ ပြောရမလားတော့ မသိ…။ ဖိုးတေ ပလတ်စတစ်ကောက်ပြီး သွားသွားသွင်းတဲ့ ဒိုင်ဖြစ်သူက အာမခံပေးတာကြောင့် ဦးမှုံကြီးရဲ့ ဆိုင်က ရေသန့်ပုလင်း၊ အချိုရည်ဘူးနဲ့ ဘီယာဘူးတွေကို ခေါက်ပြန်ကြေးနဲ့ ယူရောင်းခွင့်ရသည်။ ဦးမှုံကြီးဆိုင်က ယူလာတာတွေကို သူလိုချင်တဲ့ ဈေးအတိုင်း ပြန်သွင်းပေးရသည်။ ဦးမှုံကြီး လိုချင်တဲ့ ဈေးထက် ပိုပြီး ရောင်းလို့ရတာကတော့ ဖိုးတေရတဲ့ အမြတ်ပေါ့…။

ရေသန့်ဘူးနဲ့ အချိုရည်ဘူးတွေကတော့ ပုံမှန်ဈေးထက် လေးငါးဆယ်ပဲ တင်ရောင်းပေမယ့် ဘီယာဘူးကတော့ လာဝယ်တဲ့လူ အခြေအနေကို ကြည့်ပြီး ဖိုးတေရဲ့ ပါးစပ်ဖျားက ဈေးနှုန်းက အတက်အကျရှိလေ၏။

***

သင်္ကြန်မှာ ဖိုးတေ မှတ်မှတ်ရရ ရေကစားခဲ့ရတဲ့ နှစ်ဆိုလို့ တနှစ်မှ ဟုတ်ဟုတ်ငြားငြား မရှိခဲ့ရပါ။ အသက် ခပ်ငယ်ငယ်တုန်းကတော့ နို့ဆီခွက် အစုတ်လေး တလုံးနဲ့အတူ ပလတ်စတစ်ပုံးလေး တပုံးလွယ်ရင်း ကစားခဲ့ရဖူးသေးသည်။ တခြားကလေးတွေကို ရေပြွတ်တွေ ဘာတွေလဲ သူ့အမေက ၀ယ်မပေးနိုင်တော့ နို့ဆီခွက်နဲ့ ကစားရတာကိုက အခွင့်အရေး တခုပင်…။

အခုတော့ အဲဒီအခွင့်အရေးလေးပင် ဖိုးတေ မရတော့တာ ကြာခဲ့ပါပြီ။ တနေ့လုပ်မှ တနေ့စားရတဲ့ အထဲ ကြာလေလေ ရှာရခက်ခဲလေ ဖြစ်နေတဲ့ ငွေကြောင့် သင်္ကြန်ဆိုတာက ဖိုးတေအတွက်တော့ ငွေပိုရတဲ့ အချိန်လို့ပဲ နားလည်လာရတော့သည်။

***

~~~ တောင်ပေါ်က ရှမ်းလေး လျှော်ထမ်းလို့ပြေး ~~~ တိုတဲ့လျှော်ကတို ~~~ ရှည်တဲ့လျှော်ကရှည် ~~~

ဖိုးတေရောက်နေတဲ့ မဏ္ဍပ်ရှေ့မှာ သင်္ကြန်နဲ့ ဘာမှမဆိုင်တဲ့ သီချင်းတပုဒ်နဲ့အတူ အသံတွေက ဆူညံနေ၏။ ရေပက်ခံ ကားတွေက တစီးပြီး တစီးဖြတ်သွားသလို လူတွေကလဲ တဟေးဟေး တဟားဟားဖြင့် ပျော်နေကြသည်။ ဖွားခနဲ ဖွားခနဲ လွင့်စင်လာသော ရေမှုန်တွေကြားမှာတော့ `ရေသန့်ဘူးရမယ်၊ အချိုရည်ရမယ်၊ ဘီယာရမယ်´ ဆိုတဲ့ ဖိုးတေရဲ့ အသံ တစာစာက လွင့်ပျံ့နေ၏။

`ဟေ့ကောင်လေး၊ လာဦး´

`လာပြီ…၊ လာပြီ´

ရေပက်ခံ ကားတစီးပေါ်ကနေ လှမ်းအော်ခေါ်သံကြောင့် ဖိုးတေ အမြန်ပြေးသွားရသည်။ မပြေးလို့လဲ မဖြစ်၊ ဖိုးတေလိုပင် ဘီယာဘူးလိုက်ရောင်းနေတဲ့ တခြားကောင်တွေက ရှိသေးသည်။

`ဘီယာတဘူးပေးကွာ၊ ဘယ်လောက်လဲ´

`၆၀၀´

`အာ…၊ မင်းဟာကလဲ ဆိုင်မှာတောင် ၅၀၀ ပါကွ´

`သင်္ကြန်လေ သင်္ကြန်၊ အကိုကြီးက သဘောကောင်းပါတယ်´

သင်္ကြန်နဲ့ ဈေးတက်တာနဲ့ ဆိုင်တာမဆိုင်တာ ဖိုးတေမသိ၊ သိစရာလဲ မလိုပါ။ ဖိုးတေသိတာက ၀ယ်သူအသံကို နားစွင့်ထား၊ ခေါ်သံ တခုခုကြားတာနဲ့ သူများထက်ဦးအောင် အမြန်ပြေးဖို့၊ ၀ယ်သူ အခြေအနေကိုလိုက်ပြီးတော့ ဈေးရောင်းတတ်ဖို့က အဓိက…။

`အမေ့ချွေးမ ပျောက်လို့ရှာ တွေ့ပြီ၊ တွေ့ပြီ သူပဲ သူပဲ´

`ရှာပုံတော် မင်းသားကြီး မဏ္ဍပ်တကာ ရောက်ခဲ့ပြီ…ဟေ့…ဟေ့…ဝေး´

`ဝေး…ဟေး…ဟေး´

ဂျစ်ကားတစီးပေါ်မှာ အပြည့်အသိပ်ပါလာတဲ့ လူတွေရဲ့ အော်ဟစ်သံတွေနဲ့ အတူ မဏ္ဍပ်ရှေ့မှာ ရေပက်သံတွေ တ၀ုန်းဝုန်းနဲ့ ဆူညံသွားပြန်သည်။

`ဘီယာကျန်သေးလားဟေ့ ~~~ ဘီယာကျန်သေးလားဟေ့´

အတန်ငယ် မူးနေဟန်တူတဲ့ လူငယ်တယောက်ရဲ့ သီချင်းအော်ဆိုသံရဲ့ အဆုံးမှာပင် ဖိုးတေက အဲဒီကားနားကို ရောက်နေပြီ။ `အကို၊ ဘီယာရမယ်´ လို့ လှမ်းအော်လိုက်တော့ ကားတစီးလုံး ဝေါခနဲ ပွဲကျသွားသည်။

`ဘယ်နှစ်ဘူး ရှိလဲကွ၊ မင်းဆီမှာ´

`ငါးဘူးလောက် ရှိတယ် အကို´

`အေး၊ အကုန်ပေးကွာ၊ ရော့ပိုက်ဆံ၊ ပြန်မအမ်းနဲ့´

လက်ထဲကိုရောက်လာတဲ့ တထောင်တန် လေးရွက်ကိုကြည့်ပြီး ဖိုးတေမျက်နှာ ၀င်းခနဲဖြစ်သွားသည်။ စိတ်ထဲကနေလဲ `ဒီလိုလူမျိုး များများလာပါစေ´ လို့ ဆုတောင်းလိုက်သေးသည်။ မူးနေတဲ့ လူငယ်ကတော့ ဘာမှမသိ၊ ငွေစက္ကူအထပ်လိုက်နဲ့ သူ့ပိုက်ဆံအိတ်ကို ဘောင်းဘီအိတ်ထဲ ပြန်ထိုးထည့်ပြီး လက်ထဲရောက်လာတဲ့ ဘီယာဘူးတွေကို တခြားလူတွေကိုလဲ ပေး၊ သူကိုယ်တိုင်လဲ တရှူးရှူးနှင့် မော့သောက်နေလေသည်။

ညနေစောင်းလို့ ရေပက်ခံ မဏ္ဍပ်ရှေ့မှာ လူတွေ စဲသွားချိန်မှာတော့ ဖိုးတေလဲ ဦးမှုံကြီးဆိုင်ကနေ ခြောက်ခေါက်ခန့် ယူရောင်းပြီးလေပြီ။ ဦးမှုံကြီးကို နောက်ဆုံး တခေါက် ငွေသွားအပ်ပြီး အပြန်မှာတော့ ခါးကြားမှာ ရေလုံအောင် ကျွတ်ကျွတ်အိတ်လေး တလုံးနဲ့ ကျစ်နေအောင် လိပ်ထားတဲ့ ငွေထုပ်ကလေးကို ဖိုးတေ ထုတ်ရေလိုက်သည်။ ပင်ပန်းရကျိုး နပ်လိုက်ပါသည်။ ဖိုးတေ ၃၆၅၀… မြတ်လိုက်၏။

***

`သင်္ကြန်ခါတော် ရေကစားကြတာ ပျော်ရွှင်စရာ ~~~ လောင်းကာပက်ကာ မောင်ရင်းနှမပမာ ကြည်လင်စွာ ~~~ အို ~~~ ရေကစားမှာ ရေကစားမှာ ~~~´

ညအချိန်ရောက်ပြီမို့ ဖျော်ဖြေရေး မဏ္ဍပ်တခုမှ သင်္ကြန်တေးသံက ပျံ့လွင့်နေပြန်သည်။ မဏ္ဍပ်ရဲ့ ဟိုဘက် ခပ်လှမ်းလှမ်းဆီက လမ်းပေါ်မှာတော့ ဖိုးတေတယောက် လက်ထဲက ငွေတွေကို ခပ်တင်းတင်း ကိုင်ထားပြီး သူ သိပ်ကြိုက်ပေမဲ့ မစားရတာ ကြာလှပြီဖြစ်တဲ့ ခေါက်ဆွဲကြော် ဆိုင်ကို ခပ်သော့သော့လေး လှမ်းနေလေ၏။

သွားရင်းနဲ့ `အပြန်ကျရင်တော့ အမေ့ဖို့လဲ တထုပ်ဝယ်သွားမှပဲ´ လို့ တွေးနေလိုက်သေးသည်။ သြော်၊…မေ့လို့။ အမေ့ယောက်ျား ပထွေးအတွက်လဲ အရက်ဖြူတထုပ်လောက်တော့ ဆွဲသွားပေးမှ…။

သင်္ကြန်တေးသံတွေကတော့ လမ်းမထက်တွင် မြူးပျံ့နေဆဲပင်…။


ကလိုစေးထူး

Friday, April 04, 2008

ပန်းတိုင်…?

==>==>==>==>==>==>==>==>==>==>==>==>==>==>==>==>==>==>




<==<==<==<==<==<==<==<==<==<==<==<==<==<==<==<==<==<==

Wednesday, April 02, 2008

မှိုနှုတ်ချိန်…

တပေါင်းကုန်လို့ တန်ခူးဆန်းခဲ့လေပြီ။

မနေ့က ခဏတဖြုတ်သာသာလေး ရွာလိုက်တဲ့ မိုးကြောင့် ဘကြီးဦးကုလားရဲ့ လယ်တဲကလေးကို မိုးထားတဲ့ အင်ဖက်အမိုးက စိုအိအိ ဖြစ်နေ၏။ ဒယ်အိုးပူပူထဲကို ရေအနည်းငယ် ထည့်လိုက်သလို ရွာတဲ့မိုးက အပူဒဏ်ကို ပိုလို့တောင် တိုးစေလေရော့သလားတော့ မသိ၊ ညက အိပ်ရသည်မှာ တညလုံး အိုက်စပ်စပ်နှင့်မို့ အဆင်မပြေလှပါ။ သို့သော် အိပ်ရာမှ နိုးစ မျက်နှာသစ်ဖို့ ရေကပြင်ကို ဆင်းချိန်မှာတော့ အမျိုးအမည် ဖော်ပြမတတ်တဲ့ မြေသင်းရနံ့လေးက တမျိုးကျေနပ်စရာ…။

နေခြစ်ခြစ်တောက် ပူတော့မယောင်ယောင် မနက်ခင်းက မွန်းတည့်ဖို့ အားယူနေဆဲမှာပင် ကောင်းကင်တခွင်မှာ မိုးသားတိမ်လိပ်တွေက မျက်မှောင်ကြီးကြုံ့ပြီး မိုးစက်တွေကို ဝေါခနဲ သွန်ချလိုက်ပြန်လေသည်။ မိုးရွာပြီ ဆိုတော့လည်း စောစောက နေပူရှိန်ကြောင့် အိုက်စပ်နေလေဟန် အင်ပင်ကြီးတွေက အင်ဖက်တွေ တရမ်းရမ်းဖြင့် မိုးစက်မိုးပေါက်တွေကို အားရပါးရကြီး ခံယူနေသလို အင်ပင်အောက်က ဖက်ကြွေတွေက မြေကြီးနှင့် တသားတည်း ဖြစ်အောင် ပိုလို့ပင် ၀ပ်တွားနေတော့သည်။

မိုးတိတ်သွားပြန်တော့ စောစောက ပုန်းနေတဲ့ နေမင်းက တခါ ထွက်လို့ အလင်းဖြာပြန်၏။ မိုးရွာလိုက်၊ နေပူလိုက် ဖြစ်နေတဲ့ ၀န်းကျင် တခွင်ကိုကြည့်ပြီး ဘကြီး ဦးကုလားက ကျော်စွာ့ကို လှမ်းပြောလိုက်သည်။

`ဒီပုံအတိုင်းဆို မနက်ဖြန်ကျရင် ဖက်ဆွတ်မှိုတွေ ထွက်လိမ့်မယ်၊ မနက်ကျရင် မင်းနဲ့ နကျယ်ကောင်လေးနဲ့ မှိုရှာထွက်ကြချေ´

***

ရန်ကုန်မှာနေတုန်းကတော့ သူ စားဖူးတဲ့ မှိုဆိုလို့ ကောက်ရိုးမှို တမျိုးသာ ရှိခဲ့ဖူးသည်။ ဒါတောင်မှ ဈေးကြီးလှတဲ့ အဲဒီ ကောက်ရိုးမှိုကို မေမေက အမြဲတမ်းဝယ်မကျွေးနိုင်ရှာ…။ ဒါပေမယ့် ရှိတဲ့ငွေလေးနဲ့ ခြစ်ခြုတ်ဝယ်လာတဲ့ ကောက်ရိုးမှိုလေး နည်းနည်းကို ကန်ဇွန်းရွက်ရောရာနဲ့ မေမေ တခါတလေ ကြော်ကြွေးရင်တော့ သူတို့ ညီအကိုနှစ်ယောက် ခေါင်းမဖော်စတမ်း အလုအယက် စားခဲ့ကြတာကို မှတ်မိနေသေးသည်။

နယ်ကိုပြောင်းလာဖြစ်တော့ မြို့ကြီးသား ကောက်ရိုးမှိုကိုပါ ခွဲလို့ တောသားမှိုတွေကို မြည်းစမ်းခွင့် ရတော့၏။

တောက မှိုတွေထဲမှာ အလွန်အင်မတန် ပေါများပြီး မိုးဖြိုက်ဖြိုက် ဖြိုက်ဖြိုက် နည်းနည်းလောက် ရွာလိုက်တာနဲ့ ပေါက်လေ့ရှိတာက သစ်တုံးမှို …။ ကျောင်းကို မသွားခင် မနက်ခင်းတခုမှာ ခြံထောင့်က သရက်ဆွေးတုံးမှာ တွယ်ကပ်ပေါက်နေတဲ့ အဲဒီ သစ်တုံးမှိုတွေကို မေမေက သွားနှုတ်လာပြီး ဟင်းချိုအဖြစ် ချက်ကျွေးခဲ့သည်။ အဲဒီမှိုက ဟင်းချိုချက်သောက်ရင် အင်မတန်ချိုပြီး အရသာရှိသလောက် ကြော်စားလို့တော့ မကောင်း…။

တောမှာ နောက်ထပ်ပေါများတဲ့ မှိုတမျိုးကတော့ ၀ါးမှို…။ မိုးဦးကျစဆိုလျင် တောင်ယာမီးရှို့ထားတဲ့ ၀ါးရုံပင်အဟောင်း အဆွေးတွေမှာ ပြွတ်သိပ်နေအောင် ပေါက်တတ်သည့် ၀ါးမှိုညိုညိုတွေကို လိုက်နှုတ်ရင် လွယ်သွားတဲ့ ပလိုင်းနဲ့ အပြည့်အမောက် ရလေ့ရှိသည်။ ၀ါးမှိုက မိုးရေထိရင် ယားတတ်တာမို့ မှိုနှုတ်နေရင်း မိုးရွာလာရင် အင်ဖက်တွေနဲ့ အလျင်အမြန် အုပ်ကာပြီး အိမ်ကို အမြန်ပြန်ပြေးရသည်။ စားမကုန်သောက်မကုန်အောင် ရလာတဲ့ ၀ါးမှိုတွေက ရောင်းတန်းလဲ သိပ်မ၀င်လှတာမို့ ကြော်စားလို့ ပိုတဲ့ ၀ါးမှိုတွေကို လူကြီးတွေက အချဉ်သိပ်ထားတတ်ကြ၏။

ကြက်တူရွေးမှို ကိုတော့ သူတို့လို့ ကလေးတွေကို လူကြီးတွေမပါဘဲ အနှုတ်မခိုင်းပေ။ ဖြူနီရောရာ အရောင်နှစ်မျိုးနဲ့ အဲဒီမှိုထဲမှာ အဆိပ်အတောက်ဖြစ်တတ်တဲ့ မှိုတွေလဲ ရောပါတတ်တာမို့ တချို့လူကြီးတွေ ကိုယ်တိုင်ကိုက အဲဒီမှိုကို တွေ့ရင် ရှောင်တတ်သည်။

နောက်ထပ် စားလို့ရတဲ့ သူတို့ ဒေသအခေါ် အဘိုးကြီးနားရွက်မှို၊ ကြွက်နားရွက်မှိုတွေလဲ ရှိသေးပေမယ့် အဲဒီမှိုတွေကတော့ တခါရမှ အနည်းငယ်မျှသာမို့ သိပ်တော့ တရင်းတနှီးမဖြစ်လှ…။

သူတို့ နယ်ဘက်မှာ မာနအကြီးဆုံး၊ တနည်းအားဖြင့် ဈေးအကောင်းဆုံး မှိုက ဘာလဲလို့ မေးရင်တော့ တောင်ပို့မှို ဟု ဖြေရပါလိမ့်မည်။ ခြေတံအတိုမျိုး၊ အရှည်မျိုး နှစ်မျိုး ပေါက်လေ့ရှိတဲ့ တောင်ပို့မှိုကို အုန်းနို့နဲ့ ချက်ထားတာ စတွေ့တုန်းက သူ တအံ့တသြ ဖြစ်ခဲ့သေးသည်။ ဒါပေမယ့် တောင်ပို့မှိုရဲ့ အချိုနဲ့ အုန်းနို့ရဲ့ အဆိမ့် နှစ်မျိုးပေါင်းလိုက်တော့ အရသာက အလွန်ထူးကဲလှသည်။ သွေးတိုးရောဂါသမားများအတွက်တော့ သိပ်ချောင်မည် မဟုတ်သော မစားသင့်တဲ့ မှိုဟင်းတခွက်ပေါ့…။

အခု သူတို့ သွားနှုတ်မည့် ဖက်ဆွတ်မှိုကတော့ အခုလို နေပူလိုက် မိုးရွာလိုက်ဖြစ်ပြီ ဆိုရင် အင်ဖက်တောထဲမှာ ပေါက်လေ့ရှိသည်။ အဖူးအငုံလေးက စားလို့ကောင်းသလို ပွင့်အာသွားတဲ့ ဖက်ဆွတ်မှိုကလဲ တမျိုးစားလို့ကောင်းတာပင်…။

***

`ဟေ့ရောင်တွေ၊ ဖြေးဖြေးလျှောက်ကြလေကွာ´

ရှေ့ကသွားနေတဲ့ ကျော်စွာနဲ့ ဖိုးကောက်က အင်ဖက်တွေကို တဖျောဖျော ဖြတ်နင်းပြီး တောသားခြေလှမ်းတွေနဲ့ ခပ်မြန်မြန်လှမ်းနိုင်သလောက် တောမကျမြို့မကျ သူ့မှာက ဟိုဟိုဒီဒီငေးလိုက်၊ သူတို့ နှစ်ယောက်နောက်ကို အမှီလိုက်ရလိုက်နဲ့ အဆင်က မပြေလှ…။ ဒါတောင် ကျော်စွာက တချက်ချက်မှာ ရပ်ပြီး နှာခေါင်းတရှုံ့ရှုံ့နဲ့ တခုခုကို စူးစမ်းရှုရှိုက်လို့ တော်သေးသည်။ `အဲဒါ ဘာလုပ်တာလဲ´ လို့ မေးတော့ `မှိုအနံ့ကို ခံတာ´ …တဲ့။

ဘကြီးဦးကုလား ပြောတော့သာ ဖက်ဆွတ်မှို ထွက်လောက်ပြီ…တဲ့။ အခုတော့ မှိုက ထင်ထားသလောက် မရသေးတော့ ခပ်မြန်မြန်လျှောက်နိုင်လွန်းတဲ့ ဟိုနှစ်ကောင်နောက်ကို လိုက်ရတာ စိတ်က သိပ်မရှည်ချင်တော့…။

`ဟော…၊ ဟိုမှာ´

အင်ဖက်ကြွေတွေနဲ့ အတန်ငယ် ရှုပ်ပွနေတဲ့ ခြုံစပ်စပ်တခုကို ဖိုးကောက်က လက်ညှိုးထိုးပြလို့ ကြည့်လိုက်တော့ စုစု၊ စုစုနဲ့ ပေါက်နေတဲ့ ဖက်ဆွတ်မှို လေးငါးပွင့်…။ ကျော်စွာကတော့ သိပ်အားမရလှဟန်…။ ပလိုင်းကိုယ်စီသာ လွယ်လာကြပေမယ့် အခုမှ တပိဿာပင် မပြည့်တတ်သေးတာကြောင့် နည်းနည်းတော့ အားလျော့စ ပြုလာကြသည်။

`ဒီကုန်း တကုန်းပေါ် တက်ကြည့်ပြီးရင်တော့ တဲကို ပြန်မယ်ကွာ´

ကျော်စွာ့အပြောကို သူနဲ့ ဖိုးကောက်က တက်ညီလက်ညီဖြင့် အမြန်ခေါင်းငြိမ့်လိုက်ပြရင်း ကုန်းမို့မို့လေးပေါ်ကို သုံးယောက်သား တက်လို့ ဦးခေါင်းတွေကလဲ ဟိုဟိုဒီဒီ လိုက်ငေးနေရသည်။ ခဏခဏ နောက်ကျကျန်ခဲ့သော သူ့ကို `နကျယ်ကောင်၊ မြန်မြန်လာဟ´ လို့ ပြောရတာကလဲ ခဏခဏ…။ ကုန်းမို့မို့ရဲ့ ဟိုဘက် အဆင်းမှာတော့…

`လာ၊ လာ… မြန်မြန်လာကြဟေ့´

လားလား…၊ နည်းနည်းနောနော ဖက်ဆွတ်မှိုတွေမဟုတ်…၊ ကုန်းလျှောပြေပြေလေး တလျှောက် ပေါက်နေလိုက်သည်မှာ ဟိုနားစုစု ဒီနားစုစုနှင့် ဖွေးခနဲ…။ အားရ၀မ်းသာဖြင့် ခေါင်းငုံ့နှုတ်နေသော သူ့ကို `နကျယ်ကောင်၊ မှိုအပွင့်တွေ ကြေမကုန်အောင် နှုတ်နော်´ လို့ ဆရာလှမ်းလုပ်သော ဖိုးကောက်ကို `အောင်မာ၊ ငါသိပါတယ်ကွ´ လို့ လှမ်းပြောရသေးသည်။

ဖက်ဆွတ်မှို တကယ်ပေါက်ရင် အဲဒီလောက်တောင် များများရတတ်တာ သူ ပထမဦးဆုံး အကြိမ်တွေ့ဖူးခြင်းပင်…။ သူတို့ သုံးယောက် လွယ်လာတဲ့ ပလိုင်းသုံးလုံး ပြည့်သွားတာတောင် မှိုအစု သုံးလေးစု နှုတ်ဖို့ ကျန်နေသေးသည်။ ဖိုးကောက်က သူ့ပုဆိုးကို လည်ပင်းရှေ့မှာ သိုင်းပြီး ထပ်နှုတ်ရသည်။

မှိုအားလုံး ကုန်စင်အောင် နှုတ်အပြီး သူတို့ရဲ့ အပြန်လမ်းမှာတော့ မှိုရတဲ့ မျက်နှာကိုယ်စီနဲ့ သွက်လို့လက်လို့ပေါ့…။

***

နောက်တနေ့ မနက်…။

မြို့ကလေးရဲ့ မနက်ခင်းဈေးမှာ နားကျယ်ကောင်လေး၊ ကျော်စွာနဲ့ ဖိုးကောက်တို့ သုံးယောက်ယောက် အကြီးဒေါ်လှသန်း အင်ဖက်နဲ့ ထုပ်ပေးလိုက်တဲ့ ဖက်ဆွတ်မှို တပိဿာထုပ်တွေကို ကျောင်းမုန့်ဖိုးရဖို့အတွက် အားရပါးရအော်ဟစ် ရောင်းချနေလေတော့သည်။


ကလိုစေးထူး

Tuesday, April 01, 2008

သူနဲ့ ကျနော်…

သူနဲ့ ကျနော် စတင် သိကျွမ်းခဲ့တာတော့ နှစ်နှစ်သာသာခန့် ရှိပါပြီ။ ဒါပေမယ့် စသိကတည်းက အခုအချိန်ထိ လေပေးဖြောင့်တယ်ရယ်လို့ တခါမှ မရှိ။ လေပေး ဖြောင့်ရအောင်ကလဲ သူနဲ့ကျနော်က ပြဒါးတလမ်း သံတလမ်း လျှောက်နေကြသူတွေ။ ဦးတည်ချက်ခြင်း၊ ရည်ရွယ်ချက်ခြင်းတွေက တခြားစီ။ အင်မတိအင်မတန် ရှားပါးသော အချက်တချို့ကလွဲရင် သူနဲ့ကျနော်က ဆန့်ကျင်ဘက်မှ တကယ့် ဆန့်ကျင်ဘက်။

သူ နဲ့ စတင် ဆုံဖြစ်တာကတော့ အင်တာနက် ချက်ရွမ်း တခုထဲမှာပါ။ အဲဒီတုန်းက ကျနော်က စာတွေဘာတွေ ဟုတ်တိပတ်တိ မရေးဖြစ်သေး…။ ချက်ရွမ်းထဲမှာ အချိန်ကုန်တာ များနေရင်း၊ တခါတလေလဲ စစ်တပ်က ပုဂ္ဂိုလ်များနှင့် ငြင်းခုန်ရန်ဖြစ်ရင်းနဲ့ပင် စစ်သားတယောက်ဖြစ်တဲ့ သူနဲ့လဲ ရန်ဖြစ်ခဲ့တာကပဲ သိကျွမ်းမှုရဲ့ အစဖြစ်ခဲ့ရပါတယ်။ အမြဲတမ်း ၀င်နေကျ အဲဒီ ချက်ရွမ်း ပိတ်သိမ်းသွားတော့လဲ ဂျီတော့ခ်မှာ သူနဲ့ ကျနော် ဆုံလိုက်တိုင်း ငြင်းကြစမြဲ။ အဓိကကတော့ ထုံးစံအတိုင်း နိုင်ငံရေးပေါ့…။

သူ့ကို ကျနော်က စစ်ဗိုလ်တယောက် ဆိုတဲ့ အမြင်ဖြင့် ကြည့်မရ…။ ကျနော့် အမြင်မှာ သူတို့လို စစ်ဗိုလ်ဆိုတဲ့ ငနဲတွေက အာဏာရှင်လောင်းလေးတွေ၊ အချိန်တန်ရင် အခုလက်ရှိ သူတို့ရဲ့ အကြီးအကဲ ဟိုလူကြီးတွေလိုပဲ တိုင်းပြည်ကို ဒုက္ခပေးဦးမှာ ဆိုတဲ့ အမြင်က စိတ်ထဲကနေ ဘယ်လိုမှ ဖျောက်လို့မရ။ အဲဒီလိုပဲ သူကလဲ ကျနော့်ကို ကြည့်လို့ရပုံ မပေါ်ပါဘူး။ ဒါပေမယ့် ကျနော်တို့ စကားတွေ အများကြီး ပြောခဲ့ကြဖူးတယ်။ သူကပြောတာကို ကျနော်နားထောင်ပေးတာ ရှိခဲ့သလို ကျနော့်ခံစားချက်တွေကိုလဲ သူက နားထောင်ပေးခဲ့တာတွေ ရှိတယ်။ နောက်တော့ သူနဲ့ ကျနော် ငြင်းခုန်ရင်းနဲ့ပဲ ပြောမနာဆိုမနာတွေလို ဖြစ်မှန်း မသိ ဖြစ်သွားခဲ့ကြပါတယ်။

တခါတုန်းက ကျနော်က `ကျနော် ပေါ်တာ အထမ်းသမား´ ဆိုတဲ့ ဆောင်းပါးတပုဒ်ကို ရေးတော့ သူက ကျနော့်ကို မေးခဲ့တယ်။ `စစ်တပ်က ပေါ်တာတွေ ဘာလို့ဖမ်းနေရတာလဲ၊ ခင်ဗျားသိလား´ တဲ့။ ကျနော်က ပြန်ပြောလိုက်တယ်။ `ဘာကြောင့်လဲဆိုတာ မသိပေမယ့်၊ မင်းတို့ စစ်တပ်က ကိုယ့်ပြည်သူကို စစ်ဆင်ဖို့ ကိုယ့်ပြည်သူကိုပဲ ပြန်ခိုင်းတာတော့ မကောင်းပါဘူး´ လို့ ပြောလိုက်တယ်။ အဲဒီမှာ သူပြန်ပြောဖူးတာက…

`စစ်တပ်က ပေါ်တာ ထမ်းခိုင်းရတယ်ဆိုတာက တခြားတိုင်းပြည်တွေလို ရဟတ်ယာဉ်တွေ ဘာတွေနဲ့ ရှေ့တန်းစစ်ဆင်ရေးအရောက်အထိ ရိက္ခာလိုက်ပို့နိုင်တဲ့ အခြေအနေ ကျနော်တို့ မြန်မာပြည်မှာ မရှိဘူး။ ဒါပေမယ့် သူပုန်ကတော့ ရှိနေတယ်။ သူပုန်ရှိတော့ တိုက်ရတယ်။ တိုက်တော့ ဒီလက်နက်တွေ၊ ရိက္ခာတွေကို ကျနော်တို့ချည်း မသယ်နိုင်တဲ့အခါ ရတဲ့နည်းကို သုံးရတယ်။ ကဲ၊ ကျနော်တို့ တိုင်းပြည် အေးချမ်းနေရင် ကျနော်တို့ စစ်တိုက်စရာ မလိုတော့ရင် ပေါ်တာ ဘယ်ဖမ်းတော့မလဲဗျာ´…တဲ့။

အဲဒီတုန်းကလဲ ကျနော်နဲ့သူ ငြင်းလိုက်ကြတာ တညလုံးနီးပါးပဲ။ ဒါပေမယ့် ကျနော်ရေးထားတဲ့ အဲဒီဆောင်းပါးကို ဖတ်ပြီးတော့ တခုတော့ ပြောတယ်။ `ကျနော်တို့ စစ်တပ်လဲ အဲဒီကိစ္စက အတော်လေး နာမည်ပျက်တယ်ဗျာ´ တဲ့။

သူက နိုင်ငံရေးသမားတွေဆိုရင် အတော်လေး ပုတ်ပုတ်ခတ်ခတ် ပြောတတ်တယ်။ အဲဒီအခါကျမျိုးကျရင်လဲ သူနဲ့ ကျနော် စကားလုံးတွေနဲ့ ဖိုက်တင်ပလေးရပြန်တာပါပဲ။ ကျနော့်ကို သူ အမြဲလိုလို အနိုင်ယူ ပြောတဲ့စကားတခွန်း ရှိခဲ့တယ်။ `ခင်ဗျားတို့ နိုင်ငံရေးသမားတွေထဲမှာ ဒီမိုကရေစီ မရပါစေနဲ့ လို့ ကြိတ်ဆုတောင်းနေတဲ့လူတွေ ရှိနေတယ်´ တဲ့။

အဲဒီလောက်တောင် အမြဲတမ်း ငြင်းခုန် ရန်ဖြစ်နေရတဲ့ သူနဲ့ကျနော် တခါမှာတော့ ထူးထူးခြားခြား တစိတ်ထဲ တ၀မ်းတည်း ဖြစ်သွားဖူးတယ်။ အဲဒီအချိန်ကတော့ အရှေ့တောင်အာရှ အားကစားပွဲက ဘောလုံးပွဲမှာ မြန်မာအသင်းကို အားပေးခဲ့ကြတာပါပဲ။ အိပဲ့အိပဲ့နဲ့ အုပ်စုကနေ တက်လာတဲ့ မြန်မာအသင်းက ဆီမီးဖိုင်နယ်မှာ ဗီယက်နမ်ကို နိုင်လိုက်တဲ့နေ့ကဆို သူရော ကျနော်ပါ ထပ်တူထပ်မျှ ပျော်ရွှင်ခဲ့ရသလို ဗိုလ်လုပွဲရောက်မှ ထိုင်းကို ဂိုးပြတ်နဲ့ ရှုံးသွားတော့လဲ အတူတူပဲ စိတ်မကောင်းဖြစ်ခဲ့ရဖူးတယ်။ အဲဒီအခိုက်အတန့်လေးမှာ သူနဲ့ကျနော် ကြားက မတူညီတဲ့ ရပ်တည်မှုတွေ၊ တလမ်းစီလျှောက်နေတဲ့ လမ်းတွေကို မေ့ထားခဲ့နိုင်ကြတယ်။ ကျနော်က `မင်းနဲ့ငါ ဘောလုံးပွဲတပွဲတော့ အတူတူ ကြည့်ချင်သားကွ´ လို့ ပြောတော့ သူ အတော်ကြာကြာ ငြိမ်သက်သွားခဲ့တယ်။

ကျနော်က နိုင်ငံရေးနဲ့ ပတ်သက်တဲ့ စာတွေ၊ သီချင်းတွေရေးတိုင်း သူက ဟိုအချက်ထောက်ပြလိုက်၊ ဒီအချက်ထောက်ပြလိုက်နဲ့ ကျနော့်ကို အမြဲလှောင်ပြောင်ခဲ့ပေမယ့် ကျနော်ရေးတဲ့ `အမေ´ ဆိုတဲ့ သီချင်းကိုတော့ အိမ်ဝေးနေကြသူချင်း တူတဲ့ စိတ်နဲ့ ခံစားပြီး နားထောင်ပေးခဲ့တယ်။

အခုတော့ သူနဲ့ ကျနော်မတွေ့ဖြစ်ခဲ့တော့တာ အတော်ကြာပါပြီ။ မြန်မာပြည်ကို ပြန်ရောက်လို့ ကျရာနေရာမှာ တာဝန်ထမ်းနေပြီလားတော့ မပြောတတ်ပါ။ ဒါပေမယ့် သူမပြန်ခင် ကျနော့်ကို ပြောသွားတဲ့ စကားတွေကိုတော့ မှတ်မိနေမိတယ်။ အခု အဲဒီ စကားတွေကို ကျနော် ဖောက်သည် ပြန်ချချင်နေတယ်။ သူမပြန်ခင်မှာ ကျနော်တို့တွေ စကားတွေ အများကြီး ပြောဖြစ်ခဲ့ကြတယ်။

***

`ကိုကရင်ကြီးရေ..၊ ကျနော်တော့ မြန်မာပြည် ပြန်တော့မယ်ဗျာ။ တကယ့်တကယ်တမ်းဆိုရင်တော့ ခင်ဗျားနဲ့ ကျနော်က အပြင်လောကမှာ ဆုံတွေ့ဖို့ မလွယ်ကူတဲ့ အခြေအနေဖြစ်ပေမယ့် ရေစက်လို့ပဲ ပြောရမလား မသိဘူး။ ကျနော်တို့ သိကျွမ်းခွင့်၊ စကားပြောခွင့် ရခဲ့တယ်။

ခင်ဗျားက ကျနော့်ကို ကြည့်မရဘူး၊ အမြင်မကြည်ဘူး။ အဲဒါကလဲ ရှင်းပါတယ်၊ ကျနော်က စစ်သားကိုး…။ စစ်ယူနီဖောင်းကိုဝတ်ပြီး ခင်ဗျားတို့ ကြည့်မရတဲ့ လူတွေရဲ့ သြဇာကို ခံနေမှတော့ ကျနော့်ကို ကြည့်မရတာ အဆန်းတော့ မဟုတ်ပါဘူး။ ဒါပေမယ့်ဗျာ၊ ဟောဒီ စစ်ယူနီဖောင်းဆိုတာကြီးကို ခင်ဗျား ဖယ်ကြည့်လိုက်ပြီး ကျနော့်ကို မြင်ကြည့်စမ်းပါ။ ကျနော်က ခင်ဗျားရဲ့ ညီငယ်အရွယ်လေ၊ ခင်ဗျားနဲ့ကျနော် ညီအကိုတွေပဲလို့ မသတ်မှတ်နိုင်ဘူးလား။

သြော်၊ ဒါဖြင့်လဲ ယူနီဖောင်းချွတ်လိုက်ပေါ့ကွာတဲ့လား။ အဲဒါတွေကြောင့် ခင်ဗျားနဲ့ကျနော် အမြဲလိုလို ငြင်းနေရတာပေါ့ဗျာ။ ခင်ဗျားတို့ နိုင်ငံရေးသမားတွေက ကျနော်တို့တွေကို တွေ့လိုက်ရင် အခုပဲ စစ်ယူနီဖောင်းချွတ်ပြီး ခင်ဗျားတို့နဲ့ပဲ လာပူးပေါင်းရတော့မယောင်ယောင် သိပ်ပြောတယ်။ ဟော၊ ခင်ဗျားတို့နဲ့ မပူးပေါင်းရင်းဘဲ ကျနော်တို့ကို လူစင်စစ်ကနေ ခွေးတွေနဲ့ နှိုင်းပြောလား ပြောရဲ့။ ဒါပေမယ့် ခင်ဗျားတို့ကို ပြန်ပြောရင်တော့ ကိုယ့်အချင်းချင်းတောင် မခံ၊ ပြန်ချနေကြတာပဲ မဟုတ်လား။ ကျနော်တို့ လိုက်နာနေရတဲ့ စစ်စည်းကမ်းနဲ့ ဒီဘ၀ ဒီအခြေအနေထိ ရောက်အောင်ပဲ ကြိုးစားခဲ့ရတာတွေကိုတော့ ခင်ဗျားက ဘယ်သိမှာလဲ။ သိရင်လဲ ခင်ဗျားက `မင်းက စစ်တပ်ထဲ ဘယ်အချိန်ဘာဖြစ်မယ် ဆိုတဲ့ အတွက်အချက်နဲ့ ၀င်လာတာကိုးကွ´ လို့ ပြောဦးမှာ မဟုတ်လား။

ကျနော့်ကို တခုလောက် မေးခွင့်ပြုပါဗျာ။ ခင်ဗျားဖြစ်စေချင်သလို အခု ကျနော်က ယူနီဖောင်းကို ချွတ်ပြီး ခင်ဗျားတို့ဆီ လာပူးပေါင်းရင် ကျနော်တို့ တိုင်းပြည် တကယ်ကောင်းမလား၊ အဲဒီလို တိုင်းပြည်ကောင်းပါစေတော့ ဆိုပြီး ကျနော်တို့လို လူငယ်စစ်ဗိုလ်တွေက စစ်တပ်က ထွက်ကြဟေ့ ဆိုတာက အဖြေတခုလား ဆိုတာ စဉ်းစားကြည့်ပြီး ဖြေပေးပါဦး။

ကျနော်တို့ရဲ့ စစ်နည်းဗျူဟာတွေထဲက စဉ်းစားပုံတခုကို ခင်ဗျားကို ပြောပြမယ်။ စစ်ပွဲတခုကို သွားတိုက်တော့မယ်ဆိုရင် ကိုယ့်ဘက်မှာ ရှိတဲ့အခြေအနေကို ထည့်သွင်းစဉ်းစားရသလို တဖက်ရန်သူသာဆိုရင် ငါ့ကို ဘယ်လိုပြန်တိုက်နိုင်မလဲ၊ ဘယ်လိုခုခံမလဲ ဆိုတဲ့ စဉ်းစားနည်းကိုလဲ ကိုင်ထားရမယ်ဗျ။ စစ်တုရင် ကစားကြသလိုပေါ့ဗျာ၊ ကိုယ်က ဒီအရုပ်ကို ရွှေ့တော့မယ်ဆိုရင် တခြားတဖက်က လူက ဘယ်အရုပ်ကို ကိုင်ပြီး ကိုယ့်ကို ပြန်ဖိအားပေးမလဲ ဆိုတာ မစဉ်းစားလို့ မရဘူး။

ကျနော့်အမြင်ကတော့ ခင်ဗျားတို့ နိုင်ငံရေးသမားတွေ အတော်များများက ပြည်သူနဲ့ တသားတည်း ရှိမနေဘူး။ ခင်ဗျားက ပြောချင်ပြောမယ် `မင်းတို့ကရော ရှိလို့လား´ ဆိုပြီးတော့…။ ကျနော်တို့က ပြည်သူနဲ့ တသားတည်း ရှိသည်ဖြစ်စေ၊ မရှိသည်ဖြစ်စေ ကျနော်တို့ လက်ထဲက လက်နက်ကို သူတို့ ကြောက်နေရတာကိုတော့ ခင်ဗျား မငြင်းနိုင်ပါဘူး။ `လက်နက်အားကိုးတယ်၊ အနိုင်ကျင့်တယ်´ လို့ ဘယ်လောက်ပြောပြော ဒီနည်းဗျူဟာနဲ့ လတ်တလော အောင်မြင်နေတဲ့ ကျနော်တို့ ခေါင်းဆောင်တွေက ဒီနည်းကို မစွန့်လွှတ်တာတော့ သေချာတယ်။

ပြည်သူတွေ ကိုယ့်ဘက်မှာ ရှိနေအောင်၊ ရှိလာအောင် ဘယ်လိုစည်းရုံးသင့်လဲ ဆိုတာဟာ သိပ်အရေးကြီးပါတယ် ကိုကရင်ကြီးရေ…။ နိုင်ငံရေး ၀င်မလုပ်ရင်၊ ခင်ဗျားတို့လိုမျိုး ကျနော်တို့ကို မတိုက်ခိုက်ရင်ဘဲ တာဝန်မကျေတော့သလိုလို၊ နိုင်ငံရေး အသိစိတ်နည်းနေသလိုလို ခပ်နှိမ်နှိမ်ပြောတတ်တဲ့ နိုင်ငံရေးသမားတွေဟာ ကြာလေလေ သူတို့က သတ်သတ်၊ ပြည်သူက သတ်သတ် ဖြစ်နေတော့မှာကိုတော့ ကျနော် မြင်ယောင်မိတာ အမှန်ပါပဲ။

စစ်တပ်ကြီး ပြိုကွဲမှ အေးမယ်လို့လဲ မထင်နဲ့ဦးဗျ။ စစ်တပ်ပြိုကွဲဖို့နေနေသာသာ ခင်ဗျားတွေ့ဖူးတဲ့ အင်တာနက်စာမျက်နှာမှာ ကျနော်တို့တတွေ အချင်းချင်းချတာ ခင်ဗျားမြင်ဖူးလား။ ခင်ဗျားတို့မှာသာ ဟိုလူက ဒီလူ့ကို ဆော်လိုက်၊ ဒီအဖွဲ့က ဟိုအဖွဲ့ကို ဗျင်းလိုက်နဲ့ အလုပ်တွေများတော့ အဲဒီ အချင်းချင်းချနေတာကို မြင်ရတဲ့ သာမန်ပြည်သူက နိုင်ငံရေးဆိုတာကြီးကို စိတ်ဝင်စားပါတော့မလားဗျ။

ခင်ဗျား ကျနော့်ကို စိတ်တိုနေတာလား၊ မတိုပါနဲ့ဗျာ။ ခင်ဗျားမလဲ ထစ်ခနဲဆို စိတ်တိုတာက အရင်ကိုး…။ အဓိက အဖြေကို ကျနော်ပြောခဲ့မယ်၊ ခင်ဗျားလက်ခံချင်လဲ လက်ခံ၊ လက်မခံတော့လဲ သဘောပါပဲဗျာ။

အဓိကကတော့ လူညီဖို့ပဲ ကိုကရင်ကြီးရေ။ ခင်ဗျားတို့ ညီညွတ်နေတာ မြင်ရင် ကျုပ်တို့ကို မုန်းနေတဲ့ ပြည်သူက ခင်ဗျားတို့ကို ပိုယုံကြည်လာလိမ့်မယ်။ အခုကတော့…။ ကျနော်တို့ ပန်းပန်နေတုန်းပဲဗျို့။ အခုနေ ခင်ဗျားမြန်မာပြည် ပြန်လာရင်တော့ ကျနော် မဖမ်းချင်ဘူးနော…ဟဲဟဲ။ ကဲ…ကဲ၊ ရေစက်ဆုံရင် ခင်ဗျားနဲ့ ကျနော် ဘောလုံးပွဲ အတူတူကြည့်ကြတာပေါ့ဗျာ။´

***

အခုတော့ သူဘယ်ရောက်ပြီ ကျနော် မသိရပါ။ ရှေ့တန်းမှာလား၊ ဒါမှမဟုတ် မြို့ပေါ် စစ်တပ်တခုမှာလား ကျနော် မသိပါ။

သူနဲ့ကျနော် ငြင်းခုန်ခဲ့ကြရတဲ့ မမေ့နိုင်စရာ စကားတွေကတော့ ပဲ့တင်ထပ်နေသလို စိတ်အစဉ်မှာ မြည်ဟည်းနေဆဲ ဖြစ်နေတာတော့ အမှန်ပါ…။


ကလိုစေးထူး