ဘလော့ဂ် ရေးမိလို့...

ကျနော် အခု လက်ရှိအလုပ်ကို အလုပ်မ၀င်ခင်မှာ မေးခွန်းတချို့ကို ဖြေဆိုရတဲ့ လျှောက်လွှာတခု ဖြည့်ရပါတယ်။ အဲဒီ မေးခွန်းတွေထဲမှာ မေးခွန်းတခုက ခင်ဗျားဟာ ဘယ်လိုလူစားမျိုးတွေနဲ့ အလုပ်တွဲမလုပ်ချင်ပါသလဲ လို့ မေးပါတယ်။ ကျနော့် အဖြေက...
​
ခွဲခြားဆက်ဆံတတ်သူတွေက လွဲရင် မည်သူနဲ့မဆို အလုပ်တွဲလုပ်နိုင်ပါတယ် လို့ ဖြေဖြစ်ခဲ့ပါတယ်။

***

ခွဲခြားဆက်ဆံခြင်း ... တဲ့။

အဲဒီ စိတ်ရင်းအခံရှိလိုက်ပြီ ဆိုတာနဲ့ လူတဦးက တဦးအပေါ်ဖြစ်စေ၊ အဖွဲ့တခုက တခုအပေါ် ဖြစ်စေ၊ အသိုက်အ၀န်းတခုက တခုအပေါ်ဖြစ်စေ၊ လူမျိုး တခုက တခြားတခုအပေါ်ဖြစ်စေ အပြန်အလှန်လေးစားမှုတွေ အမြင်ကြည်လင်မှုတွေ ရှိဖို့ဆိုတာ အတော်ခဲယဉ်းပါတယ်။ သူက ဘာမို့လို့၊ ငါက ဘာမို့လို့ ဆိုတဲ့ စိတ်ရင်းအခံကြီးထားရင်းကနေ အဲဒီ ခွဲခြားဆက်ဆံတဲ့ အမူအကျင့်ကြီးက နောက်ဆုံးတော့ ပြဿနာသေးသေးလေးကနေ အကြီးကြီးထိ ဖြစ်လာတော့တာပါပဲ။

မည်သို့ဆိုစေပါ...။ ကမ္ဘာတ၀ှမ်းမှာရော ကျနော်နေထိုင်ကြီးပြင်းခဲ့တဲ့ ပတ်ဝန်းကျင်မှာပါ အဲဒီ ခွဲခြား ဆက်ဆံခြင်း ဆိုတဲ့ အမူအကျင့်တွေကို ဒိဋ္ဌ တွေ့ရ မြင်ခဲ့ရတာပါပဲ။

ဆင်းရဲချမ်းသာတာကြောင့် ခွဲခြားဆက်ဆံတာ၊ အမျိုးအနွယ်အရ ခွဲခြားဆက်ဆံတာ၊ ဘာသာမတူလို့ ခွဲခြားဆက်ဆံတာ၊ နိုင်ငံမတူလို့ ခွဲခြားဆက်ဆံတာ စုံလိုက်တဲ့ ခွဲခြားဆက်ဆံမှုတွေ... ... ...။

***

ဝါသနာအရ၊ ယုံကြည်မှုအရ စာတိုပေစလေးတွေ ဟိုတစဒီတပုဒ်ရေးဖြစ်တော့လဲ အဲဒီခွဲခြားဆက်ဆံမှုက မရပ်သေးပါဘူး။ ဘယ်လို မရပ်တာပါလဲ ... ... ...။










***

Blog ပေါ်မှာ စာတွေရေးမိရင်လဲ အဲဒီလို ခွဲခြားဆက်ဆံ နိုင်ရပါလားဆိုတာကို ကျနော် တလေးတစားနဲ့ အမြဲသွားဖတ်နေကျ မီဒီယာ တခုက ကောင်းကောင်းကြီး သက်သေပြလိုက်တယ်။

Eleven Media Group ၀က်ဘ်ဆိုက်တွင် ဖော်ပြထားသော သတင်းအချက်အလက်များ အပေါ်တွင် ဝေဖန်ဆွေးနွေးခြင်း၊ ထောက်ပြပြောဆိုခြင်းများကို ကြိုဆိုသော်လည်း ရုတ်ရင့်ကြမ်းတမ်းစွာ ဆဲဆိုခြင်း၊ ရိုင်းစိုင်းသော စကားလုံးများကို အထိန်းအကွပ်မဲ့စွာ သုံးနှုန်းပြောဆိုခြင်း ... ... ... ... ... ... ... ... အသိပေးအပ်ပါသည်။

..လို့ ရေးရင်ရော မဖြစ်နိုင်လို့လား၊ Blog ဆိုတာကို ထည့်သွင်းပြောဆိုပြီး သူတို့ ၀က်ဘ်ဆိုက်က ကွန်မန့်တွေကို ထိန်းသိမ်းချင်တာက လိုအပ်ချက်တခုလား ဆိုတာတော့ ကျနော် တကယ် မသိပါဘူး။


***


သေချာတာတော့ ကျနော်တို့ Blogger တွေ စကားလုံးရမ်းကား ခံလိုက်ရတယ်။ အကြောင်းရင်းကတော့ စာကို ဘလော့ဂ်ပေါ်မှာရေးမိလို့၊ ဘလော့ဂ်ရေးမိလို့ပါ။


***


ကလိုစေးထူး

ဒါဟာ… အတင်းတဲ့လား…၊ အဲဒါ အတင်းတဲ့လား…

ပြောချင်၊ ရေးချင်နေတာတော့ ကြာပါပြီ။ မအားလပ်သေးတာရယ်၊ တခြားသော သရုပ်ဖော်စာတွေကို ရေးချင်စိတ်က ပိုများနေတာရယ်ကြောင့် ဒါကို မပြောဖြစ်ခဲ့သေးတာပါ။

တခြားတော့ မဟုတ်ပါဘူး။ ဒီဘက်နောက်ပိုင်း လတွေမှာ ကျနော်နဲ့ တကွ ဒီမိုကရေစီ လိုလားသူ ဘလော့ဂါ အတော်များများကို မေတ္တာထားကြသူ ဟိုပုဂ္ဂိုလ်များက လက်သုံးစကားလေး တခုကို အပီအပြင်ကိုင်စွဲလို့ ဒေါသတွေ မထွက်ထွက်အောင်၊ စကားအရာအရ မနိုင် နိုင်အောင် ပြောဆို ပုတ်ခတ်တာတွေပါ။ ဘာတဲ့…၊ `အတင်းပြောနေပြန်ပြီ၊ အရည်မရ အဖတ်မရတွေ´ …တဲ့။

အဲဒီ ပုဂ္ဂိုလ်တွေကို သေသေချာချာ ဂရုစိုက် လေ့လာကြည့်မယ်ဆိုရင် ဘလော့ဂ် နာမည်တွေကသာ ကွဲမယ်၊ လက်ရှိ အုပ်ချုပ်သူ အာဏာပိုင်တွေကို သွယ်ဝိုက်လို့ တမျိုး၊ ဗြောင်ကျကျ တသွယ် ဖော်လံဖား အားပေးနေတာကတော့ တပုံစံတည်းပါပဲ။ ဒါပေမယ့် သူတို့ရဲ့ ဖော်လံဖား ဘလော့ဂ်တွေကို (သူတို့အချင်းချင်းက လွဲလို့) ဘယ်သူကမှ အသိအမှတ်ပြု အားမပေးကြတဲ့အခါမှာ သူတို့ရဲ့ ပစ်မှတ်ဟာ ဒီမိုကရေစီ လိုလားသူတွေရဲ့ ဘလော့ဂ်တွေမှာ ပုံစံမျိုးစုံနဲ့ ဆဲရေးခြင်း၊ မထိတထိ ရန်စခြင်း အစရှိတာတွေကို ဖန်တီးတော့တာပါပဲ။

သူတို့ ရန်စလိုက်လို့ တော်ရုံတန်ရုံ စိတ်သိပ်မထိန်းနိုင်တဲ့ ဒီမိုကရေစီ လိုလားသူ ဘလော့ဂါတယောက်ယောက်က ပြန်ပြောမိရင် သူတို့ကလည်း ထပ်ပြော၊ တဆင့်တဆင့်နဲ့ အပြန်အလှန် အကြီးအကျယ် ငြင်းခုန်ကြတဲ့ အဆင့်ကို မရောက်ရောက်အောင် ဖန်တီးယူတာကို သတိထားမိပါတယ်။ ဒီတော့ သာမန်အားဖြင့် `နိုင်ငံရေး´ ကို လေ့လာမြည်းစမ်းလိုသူ လူငယ်တွေရဲ့ အမြင်မှာ `နိုင်ငံရေး ဆိုတာကြီးက တဖက်နဲ့ တဖက် တိုက်ခိုက်အငြင်းပွား နေကြတာကြီးပါကွာ´ လို့ မြင်သွားစေလိုတဲ့ ရည်ရွယ်ချက် ပါဟန် ရှိပါတယ်။

ကျနော်တို့က ကျနော်တို့ရဲ့ ရင်ထဲက ဆန္ဒတွေ၊ ဖြစ်စေချင်တာတွေကို စိတ်ထဲမှာ ရှိတဲ့အတိုင်း ချရေးလိုက်တယ်။ ရေးမိတာတွေကို ကိုယ့်ရဲ့ ကိုယ်ပိုင် ဘလော့ဂ်မှာ မှတ်ကျောက်အတင်ခံပြီး လာဖတ်သူတွေရှေ့ ဖြန့်ခင်းပြလိုက်တော့ ထပ်တူထပ်မျှ ခံစားရသူတွေကလည်း သူတို့ရဲ့ ခံစားချက်တွေကို ဝေမျှကြတယ်။ ရှင်းရှင်းလေးပါပဲ။ ဒါပေမယ့် ခက်တာက၊ အဲဒါကိုတောင်မှ မရှုစိမ့်နိုင်သူတွေပါ။ ဘာအကြောင်းပဲ ရေးလိုက် ရေးလိုက်၊ လက်ရှိ အာဏာပိုင်တွေကို ထိပါးလိုက်ပြီ ဆိုတာနဲ့ အလွတ်ကျက်ထားသလို စာသားနဲ့ ပြန်တုံ့ပြန်ပါတော့တယ်။ `အတင်းပြောနေတယ်´ တဲ့…။

ကဲ…၊ ဟုတ်ပြီ။ ကျနော်တို့ကို `အတင်းပြောနေပါတယ်´ လို့ စွပ်စွဲနေသူတွေကို ကျနော် မေးခွန်း ပြန်ထုတ်ချင်ပါတယ်။ ကျနော်တို့ကို လက်ရှိအုပ်ချုပ်နေသူတွေက မြန်မာလူမျိုး ဖြစ်သလို၊ ကျနော်တို့ကလည်း မြန်မာလူမျိုးပါပဲ။ မြန်မာလူမျိုးချင်း နားလည်တဲ့ မြန်မာဘာသာစကားကို အသုံးပြုပြီးတော့ ကိုယ်ပိုင်ဘလော့ဂ်ကနေ မည်သူမဆို ဖတ်လို့ရနိုင်အောင် တင်ထားပြီးတော့ မိမိဆန္ဒကို ထုတ်ဖော်တာဟာ အတင်းပြောတယ်လို့ ပြောနိုင်ပါသလား။ အတင်းပြောတယ် ဆိုတာရဲ့ အနက်အဓိပ္ပာယ် ဆိုလိုရင်းကိုရော လေ့လာမိကြပါရဲ့လား။

လွတ်လပ်တဲ့ သတင်းအင်တာနက် စာမျက်နှာပေါ်မှာ ကိုယ့်ခံစားချက်ကို ကိုယ်ထုတ်ဖော်တာဟာ တကယ်တော့ `အတင်း´ မဟုတ်ပါဘူး။ တကယ့်တကယ်တမ်း အာဏာပိုင်တွေက စဉ်းစားဉာဏ်ရှိရှိနဲ့၊ အဓိဌာန်ကျကျ သုံးသပ်တတ်မယ်ဆိုရင် ဒါဟာ သူတို့အပေါ် ပြည်သူတွေက ထားရှိတဲ့ တကယ့်ဆန္ဒအစစ်အမှန်ပါ။ ဘက်ပေါင်းစုံကနေ ဖိနှိပ်ပိတ်ပင်ခံထားရတဲ့ အတွက် ပြည်တွင်းက ပြည်သူတွေက မပြောသာ၊ မပြောရဲတာဟာ သူတို့အပေါ် ထားရှိတဲ့ တကယ့်သဘောထား အစစ်အမှန်လို့ ထင်မြင်နေတာကိုက စိတ်ပျက်စရာ ကောင်းနေတာပါ။ တကယ်တမ်းသာ ကျနော်တို့ ပြောနေသမျှဟာ `အတင်းစကား´ ဆိုတာ သေချာပေါက် ယုံကြည်သပ ဆိုရင် ဘာကြောင့်များ ကျနော်တို့ရဲ့ ရေးသားချက်တွေကို ပြည်သူတွေက ဖတ်ခွင့်မရအောင် ပိတ်ပင်နေရပါသလဲ။ အတင်းစကားပဲ၊ ဘာများ ဂရုစိုက်စရာ လိုနေပါသေးလဲ။ `အတင်းစကား´ ကိုမှ ယုံကြည်နေလောက်အောင် ကျနော်တို့ ပြည်သူတွေ စဉ်းစားဉာဏ် မဲ့နေတယ်လို့တော့ ကျနော်မထင်ပါ။

ကျနော်တို့ကို `အတင်းပြောနေပါတယ်´ လို့ ပုတ်ခတ် စွပ်စွဲနေသူတွေရဲ့ ဘလော့ဂ်တွေကို လေ့လာကြည့်တော့ ဒီမိုကရေစီ နိုင်ငံကြီးတွေရဲ့ မကောင်းကြောင်း၊ အဲဒီနိုင်ငံတွေက ရဲတွေက ဘယ်လိုဆိုးတာ၊ အဲဒီနိုင်ငံ စစ်တပ်ကတော့ ဘယ်ပုံဘယ်နည်း မကောင်းတာ၊ အစရှိတာတွေကို ကပ်ကပ်သပ်သပ် စစ်စစ်ပေါက်ပေါက် ရေးထားတာကို တွေ့နိုင်ပါတယ်။ ကဲ၊ သူတို့ အဲဒီလို ရေးနေတာတွေကို အဲဒီနိုင်ငံကြီးတွေက သိပါလေစ။ သိဖို့ နေနေသာသာ ဟိုက ဖုတ်လေတဲ့ ငပိ ရှိတယ်လို့တောင် ထင်မှာမဟုတ်ပါဘူး။ သိစရာ အကြောင်းလဲ မရှိပါဘူး။ မြန်မာလိုရေးထားတာတွေကိုး…။

ဒါပေမယ့် ကျနော်တို့ ရေးနေတာတွေကိုတော့ မြန်မာနိုင်ငံ အုပ်ချုပ်သူ အာဏာပိုင် လူကြီးမင်းများက သိပါတယ်။ သိလို့လဲ Blogger.com ဆိုတာကြီးကို ပိတ်ပင်ထားတာပါ။ သူတို့ကို ဆန့်ကျင်တဲ့ သတင်းမီဒီယာ မှန်သမျှကိုလည်း ဖြုတ်ဦးနှောက်နဲ့ လိုက်ပိတ်နေတာပါ။ ကဲ…၊ ဒါဖြင့် တကယ်တမ်း အတင်းပြောနေသူတွေက ဘယ်သူတွေ ဖြစ်နိုင်ပါမလဲ။

ဒါပေမယ့် `အတင်းပြောတယ်´ ဆိုတဲ့ စကားကတော့ ဒီမိုကရေစီ လိုလားသူ မြန်မာဘလော့ဂါတွေကို တိုက်ခိုက်ဖို့ အကောင်းဆုံး စကားလို ဖြစ်နေပါတယ်။ ဘာကြောင့်ပါလဲ။ ဒီစကားဟာ အရပ်ထဲမှာ အရပ်သား အချင်းချင်း ပြောရင်တောင် သိပ်စိတ်ဆိုးချင်စရာကိုး။ ပြီးတော့ အချက်အလက်အရ၊ အကြောင်းအရာအရ သေသေချာချာ ဃဃနနလည်း ပြန်လည် ချေပနေစရာ သိပ်မလိုလှဘဲနဲ့ စာရေးသူကို ဒေါသထွက်လာအောင် ဆွနိုင်တဲ့ နည်းဆိုတော့ ဘာကိုပဲ ရေးရေး၊ `အတင်းပြောနေပြီ´ လို့ ပုတ်ခတ်ဖို့ အဆင်သင့် ဖြစ်နေတော့တာပါပဲ။

လွန်ခဲ့တဲ့ သုံးလေးရက်က ဘလော့ဂ်ရေးဖော် မောင်နှမတချို့နဲ့ စကားစမြည်ပြောဖြစ်ခဲ့ပါတယ်။ စကားပြောရင်းနဲ့ ဘာကို သတိထားမိသလဲဆိုတော့ သူတို့တွေရဲ့ စိတ်ထဲက ဆန္ဒတွေကို လှမ်းမြင်ယောင် လာမိတာပါ။ ဒါပေမယ့် သူတို့တွေရဲ့ အဲဒီဆန္ဒတွေကို သူတို့ဘလော့ဂ်မှာ အကုန်အစင် သူတို့ ချမရေးကြဘူး။ ဘာကြောင့်လဲ။ အထက်က ကျနော်တင်ပြခဲ့တဲ့ ပုဂ္ဂိုလ်များရဲ့ စနက်ကြောင့်ပါပဲ။ ဒီလိုလူတွေနဲ့ ဖက်ပြိုင်ပြီးတော့လည်း ရန်မဖြစ်ချင်ဘူး။ ဒါပေမယ့် လာပြောရင်လဲ မခံချင်စိတ်နဲ့ ပြန်ပြောမိတော့ ကိုယ့်မှာပဲ ဒေါသထွက်ရမယ်။ မရေးတာပဲ ကောင်းပါတယ်လို့ တွေးကြဟန် များလာတယ် လို့ ထင်မိပါတယ်။

မိန်းကလေးဆိုရင်လည်း မိန်းကလေး အလျှောက် နှမသားချင်း စာနာစိတ်လေးတောင် မထား ပုတ်ခတ် တိုက်ခိုက် ဆဲရေးပစ်ဖို့ ၀န်မလေးကြတဲ့ အဲဒီလူတွေရဲ့ စနက်ဟာ `လွတ်လပ်စွာ ထုတ်ဖော်ပြောဆိုခွင့်´ ကို စနစ်ကျကျ သွယ်ဝိုက် ထိပါးနေသလိုပါပဲ။

ဒါပေမယ့် ကျနော်တို့ ဆက်ရေးစရာရှိတာကတော့ ရေးရအုံးမှာပါပဲ။ အခုရော…၊ `အတင်းပြောနေပြန်ပြီ´ လို့ လာပုတ်ခတ်ချင်သူ ရှိနိုင်ပါသေးတယ်။ ဒီတော့လဲ ဘာဖြစ်သေးလဲ။ ခပ်ပြုံးပြုံးပေါ့။ အဓိကကတော့ ကိုယ်လျှောက်တဲ့ လမ်းကို ကိုယ်တကယ် ယုံဖို့ပါပဲခင်ဗျာ။



ကလိုစေးထူး

နိုင်ငံဂျားမှာ...

ကျနော် ရှစ်တန်း ကျောင်းသား ဘ၀ကပါ။

ဆရာက တခါမှာတော့ စာသင်ခန်းအလယ်မှာ ရပ်ပြီးတော့ သူ့ဖ၀ါးကို ထောင်လို့ တဘက်ခြမ်းစီက တပည့်တွေကို `ဘယ်လိုမြင်ရလဲ´ လို့ တလှည့်စီမေးပါတယ်။ ထုံးစံအတိုင်း လက်ဖ၀ါးဘက်ခြမ်းက လူတွေက `လက်ဖ၀ါးပါဆရာ´ လို့ ဖြေသလို လက်ဖမိုးဘက်ခြမ်းက လူတွေတော့ `လက်ဖမိုး´ လို့ ဖြေကြတာပါပဲ။

ဆရာက ပြန်ပြောတာကတော့ `အေး၊ ဆရာကတော့ လက်ဝါးစောင်း လို့ မြင်တယ်´ လို့ ပြောရင်းနဲ့ အခြေအနေတရပ်အပေါ် လူတွေရဲ့ အမြင်မတူကြပုံကို သင်ကြားပေးခဲ့ဖူးပါတယ်။

***

အသစ်မတင်ဖြစ်တာ ကြာပြီဖြစ်တဲ့ Weekly Eleven ဂျာနယ်မှာ အသစ်ထပ်မံ တင်လာတာကို တွေ့လို့ ဖတ်ရှုကြည့်တဲ့အခါမှာတော့ ဂျာနယ် No.1 Volume.3 မှာ ဆောင်းပါးရှင် မောင်စံပေါ ရေးတဲ့ `နိုင်ငံဂျား ရောဂါ´ ဆိုတဲ့ ဆောင်းပါးကို ဖတ်လိုက်ရပါတယ်။

ဆောင်းပါး ခေါင်းစဉ်ကို မြင်လိုက်တာနဲ့ ဘယ်အကြောင်းအရာကို ဦးတည်ရေးမယ်ဆိုတာ သိသာပေမယ့် ဘယ်လိုဘယ်ပုံ ရေးထားမလဲ ဆိုတာ စိတ်ဝင်စားမိတာနဲ့ အစအဆုံး ဖတ်ကြည့်ဖြစ်ပါတယ်။

သုံးလေးခေါက်လောက် အပြန်အလှန်ဖတ်ပြီးတဲ့ အခါမှာ ကျနော့်စိတ်ထဲမှာ တခုတွေးမိပါတယ်။ အဲဒါကတော့…

`ပြည်ပရောက် မြန်မာတွေဟာ ပြည်တွင်းက မြန်မာတွေအတွက် မျက်စိစပါးမွှေးစူးစရာ လူတန်းစားတွေ´ ဖြစ်နေပြီလား ဆိုတဲ့ အတွေးပါ။

တကယ်တော့ အဲဒီလိုပုံစံ ဆောင်းပါးတွေ၊ ၀တ္ထုတွေကို အရင်အရင့်ကလည်း စာရေးဆရာ အတော်များများက ရေးကြလွန်းလို့ ခဏခဏဖတ်ရဖူးပြီးသားပါပဲ။ ရုပ်ရှင်၊ ဗွီဒီယိုတွေထဲမှာဆိုရင်တော့ `နိုင်ငံခြားပြန်´ ဆိုတဲ့ ဇာတ်ကောင်တော်တော်များများဟာ လူအမြင်ကပ်စရာ၊ ဟားစရာ တနည်းအားဖြင့် လှောင်ပြောင် သရော်စရာ အဖြစ် အမြဲတစေ လိုလို ဖော်ပြလေ့ရှိပါတယ်။

ကိုယ့်နိုင်ငံသားတွေက တိုင်းတပါးကို အထင်ကြီးတဲ့စိတ် ၀င်မသွားအောင်ဆိုတဲ့ ရည်ရွယ်ချက်နဲ့ ရေးသားကြ၊ ပညာပေးကြတာမို့ ဖြစ်သင့် ရှိသင့်ပေမယ့် သူတို့ မရေးဘဲ ချန်လှပ်ထားလေ့ရှိတာကတော့ `ပြည်တွင်းက လူတွေက ဘာကြောင့် ပြည်ပနိုင်ငံတွေကို ထွက်ခွာချင်လာရတာလဲ´ ဆိုတဲ့ အခြေခံအချက်ကိုပါပဲ။ ရေးသည့်တိုင်အောင်လည်း ပြည်ပထွက်လာသူတွေဟာ ကိုယ့်တိုင်းပြည်ကို မချစ်သူတွေ၊ သူတပါးတိုင်းတပါးကို အထင်ကြီးသူတွေ အစရှိသဖြင့်သာ စွပ်စွဲ ရေးသားကြတာက ပိုများတာကို တွေ့ရပါတယ်။ အဲဒီလိုနဲ့ ကြာလာတော့ ပြည်ပရောက် မြန်မာအတော်များများဟာ ဗီလိန်တွေ ဖြစ်ရပါတယ်။

တကယ်ဆိုရင်တော့ ကျနော်တို့ မြန်မာလူမျိုးတွေဟာ အင်မတန်ချစ်စရာကောင်းတဲ့ `ရောင့်ရဲလွယ်ခြင်း´ ဆိုတဲ့ အရိုးခံစိတ် ပိုင်ဆိုင်သူ လူမျိုးတွေပါ။ တော်ရုံတန်ရုံ ဒုက္ခလောက်ကို မမှုဘဲ မိမိ မွေးရပ်ဇာတိမှာပဲ ရိုးရိုးကုပ်ကုပ် အေးချမ်းစွာ နေလိုတဲ့ လူတွေများပါတယ်။ ဘယ်လိုမှ မဖြစ်သာ၊ မတတ်သာတဲ့ အခါမှသာ အပြောင်းအလဲ တခုခုကို လိုလားတောင်းဆိုကြတာမျိုးပါ။ တော်ရုံကိစ္စကို `ဘ၀ပေး ကုသိုလ်ကံပါပဲလေ´ ဆိုပြီးတော့ ဖြေသိမ့်တွေးတတ်တာမျိုးပါ။

ဒါပေမယ့် အချိန်ကာလ ရွေ့လျောလာမှုနဲ့ ပြောင်းလဲလာတဲ့ ခေတ်၊ စနစ်တွေကြောင့် အဲဒီ `ရောင့်ရဲလွယ်တဲ့ စိတ်´ က အလုပ်မဖြစ်တော့ပါဘူး။ နွားလှည်းနဲ့ ခရီးသွားနေရာကနေ မော်တော်ကားကို မျက်စပစ်လာတဲ့ခေတ်၊ ကျေးစေတမန်ကို အားကိုးနေရာကနေ ကွန်ပျူတာ အင်တာနက်ကို လက်လှမ်းလာတဲ့ ခေတ်ကြီးမှာ တောက လယ်သမားကြီးက သူ့သားကို သူ့လိုပဲ လယ်ထဲမှာ နွားနဲ့ ဖက်ရုန်းပြီး ဘ၀ကို ပြီးဆုံးသွားတာမျိုး မမြင်ချင်တော့ပါဘူး။ ဒါက ခေတ်စနစ်တခုရဲ့ တောင်းဆိုမှု တခုပါ။

နောက်တချက် စဉ်းစားစရာကတော့ ပြည်တွင်းမှာ အလုပ်အကိုင် ရှားပါးလွန်းတဲ့ ပြဿနာပါ။ နှစ်နဲ့ချီသင်ကြားခဲ့ပြီး ဘွဲ့ရတယောက်ကို သူသင်ခဲ့တဲ့ ပညာနဲ့ ထိုက်တန်တဲ့လစာရနိုင်မယ့် အလုပ်မျိုး လောက်ငအောင် မပေးနိုင်ခြင်းဟာ ထည့်သွင်းစဉ်းစားရမယ့် အချက်ဖြစ်ပါတယ်။ ကျနော် ဆယ်တန်းအောင်ခါစက နယ်မြို့ကလေးမှာ ရုံးစာရေးအဖြစ် ၀င်လုပ်တော့ ရှစ်တန်းနဲ့ ကျောင်းထွက်ပြီး ဆိုက်ကားထွက်နင်းနေတဲ့ ကျောင်းနေဖက်ဟောင်းက `မင်းလစာက ငါဆိုက်ကား တပတ်နင်းစာလောက်တောင် မရှိဘူး´ လို့ နောက်ပြောင်ခဲ့ဖူးပါတယ်။ ဒါပေမယ့် တကယ့်လက်တွေ့အခြေအနေကလည်း အဲဒီအတိုင်းပဲ ဖြစ်နေပါတယ်။

တခြားနိုင်ငံရောက် မြန်မာတွေကို ဖယ်ထားပြီးတော့ နီးနီးနားနား အိမ်နီးချင်း ထိုင်းနိုင်ငံကို လေ့လာကြည့်မယ်ဆိုရင်တောင် အဲဒီနိုင်ငံကို ရောက်သွားတဲ့ မြန်မာလူမျိုး အတော်များများဟာ သူတို့နိုင်ငံသားတွေ မလုပ်ချင်ကြတဲ့ အောက်ခြေသိမ်းအလုပ်တွေကိုသာ လုပ်ကြရတာများပါတယ်။ ဒါပေမယ့် သေချာတာကတော့ အဲဒီလူတွေက မောင်စံပေါရေးခဲ့တဲ့ `နိုင်ငံဂျား ရောဂါ´ ထပြီးတော့ တိုင်းပြည်က ထွက်လာတဲ့ လူတွေမဟုတ်ပါဘူး။

အဲဒီနိုင်ငံတွေက ဆောက်လုပ်ရေး လုပ်ငန်းခွင်ထဲမှာ မဆလာသယ်၊ အုတ်သယ်နေရတဲ့ မြန်မာဘွဲ့ရတွေ၊ အပျော်ခန်း၊ဇိမ်ခန်းတွေမှာ ဘ၀တန်ဖိုးကို ချခင်းပြီး ငွေရှာနေရတဲ့ မြန်မာအမျိုးကောင်းသမီးတွေ သူတို့တွေ သူတို့တွေအားလုံးကို `မင်း မြန်မာပြည်ကနေ ဘာလို့ ထွက်လာတာလဲ´ လို့ မေးလိုက်ပါ။ ဘယ်သူကမှ `ဒီနိုင်ငံကို အထင်ကြီးလို့´ လို့ ဖြေမှာမဟုတ်ပါဘူး။ နေရင်းထိုင်ရင်းနဲ့လည်း ဘယ်သူကမှ ကိုယ့်ကို မွေးဖွားတဲ့ ဇာတိတိုင်းပြည်ကို အထင်သေးစိတ်တွေ ၀င်မနေပါဘူး။ သေချာတာကတော့ သူများတိုင်းပြည်တွေ တိုးတက်နေတာကို မြင်ရတဲ့ အခါမှာတော့ `ငါ့နိုင်ငံကျတော့ ဘာလို့ အဲဒီလို မတိုးတက်ရတာလဲ´ ဆိုတဲ့ မချင့်မရဲစိတ်ကတော့ လူတိုင်းမှာ ဖြစ်ကြတာပါပဲ။

ဆိုကြပါစို့…။ နိုင်ငံခြားမှာ အတတ်ပညာတခုခုကို သူတို့နိုင်ငံက လူတွေထက် မညံ့အောင် တတ်မြောက်တဲ့အထိ သင်ကြားလာတဲ့ မြန်မာတယောက်က သူ့နိုင်ငံပြန်ရောက်တဲ့အခါ သူတာဝန်ထမ်းဆောင်သင့်တဲ့ နေရာက သူတတ်လာတဲ့ ပညာအရည်အချင်းနဲ့ ကိုက်ညီတဲ့ နေရာဖြစ်သင့်ပါတယ်။ လစာဝင်ငွေကလည်း တိုင်းတပါးမှာ အလုပ်လုပ်စဉ်ကလောက် မကောင်းသည့်တိုင်အောင် ထိုက်တန်လျောက်ပတ်တဲ့ လစာနှုန်းထား ရနေမယ်ဆိုရင် ဘယ်သူကမှ တိုင်းတပါးမှာ အောက်ကျနောက်ကျခံပြီး အလုပ်လုပ်မယ်လို့ ကျနော်မထင်ပါဘူး။ ခက်တာက ကျနော်တို့ နိုင်ငံမှာက ဘုရားကားအောက်၊ မျောက်ကား အထက် ဖြစ်နေတဲ့ ပြဿနာပါ။

ဆောင်းပါးရှင် မောင်စံပေါက …
`ဦးနှောက် ယိုစီးမှု လို့လည်း မပြောပါဘူး၊ ထူးချွန်တဲ့၊ တော်တဲ့ ကလေးတွေ လောလောဆယ် အခြေအနေအရ မပြည့်စုံသေးတဲ့ ဘ၀မှာ တခြားသွားမယ်ဆို သွားကြ၊ မရှိလို့ မဖြစ်ဘူးဆိုတာ ဘာမှမရှိဘူး၊ အတုမဲ့ မြတ်ဗုဒ္ဓ ပရိနိဗ္ဗာန် ပြုသွားပေမယ့် ကမ္ဘာကြီးက ဆက်ရှိနေတယ်။ လူသားတွေက ဆက်လက် ရှင်သန်ဆဲ´

လို့ ရေးထားတာကို ဖတ်လိုက်ရတော့ အတွေးတွေ အတော် ချာချာလည်သွားပါတယ်။ တကယ်တော့ ကိုယ့်နိုင်ငံက ပညာတတ်တွေ တခြားနိုင်ငံထွက်ပြီး အလုပ်လုပ်နေတာ၊ တနည်းအားဖြင့် သူတို့ရဲ့ အရည်အချင်းတွေကို တခြားနိုင်ငံမှာ သွားသုံးနေရတာက ဦးနှောက်ယိုစီးမှု မဟုတ်ပေဘူးလား။ `မရှိလို့ မဖြစ်ဘူး ဆိုတာ ဘာမှ မရှိဘူး´ ဆိုတာကလည်း အပေါ်ယံ စဉ်းစားရင် ဟုတ်သယောင်ယောင်ပေမယ့် တကယ်တော့ တိုင်းပြည်အတွက် ရတနာအမွှေအနှစ်သဖွယ် ဖြစ်တဲ့ ပညာတတ်လူတန်းစားက တိုင်းပြည်တခုမှာ မရှိလို့ မဖြစ်ပါဘူး။

`ဒီတိုင်းပြည်ရဲ့ ပညာရေးက အလကားပါပဲ´ လို့ ပြောသူတွေကို မောင်စံပေါ်က အပြစ်ဖို့ပါတယ်။ တကယ်တမ်း အပြစ်ဖို့သင့်တာက ဘယ်သူ့ကိုလည်း ဆိုတာကတော့ ပြောနေစရာတောင် မလိုပေမယ့် အခြေအနေအရ ရေးသားဖို့ မ၀ံ့လို့ အပြစ်တင်လို့ ရသူကိုပဲ တင်လိုက်တာလို့ မြင်မိပါတယ်။ တကယ်တမ်းသာ ကျနော်တို့ တိုင်းပြည်ရဲ့ ပညာရေး နိမ့်ကျမှု ပြဿနာကို ပြောကြစတမ်းဆိုရင် အရှည်ကြီးပါ။

ဒီစာကို ရေးရတာဟာ ပြည်ပရောက် မြန်မာတွေကို `လုံးဥဿုံ´ အကာအကွယ်ပေးလိုတဲ့ ရည်ရွယ်ချက်တော့ မဟုတ်ပါဘူး။ ဒါပေမယ့် အခြေအနေတရပ်ကိုတော့ သိစေချင်မိတဲ့ ဆန္ဒတော့ ရှိပါတယ်။ ပြည်ပရောက်တွေထဲမှာလည်း မောင်စံပေါ်ရေးသလို ထောက်ပြချင်စရာကောင်းတဲ့ လူတချို့လည်း ရှိနေတာကတော့ အမှန်ပါပဲ။ သို့သော်…၊ ပြည်ပရောက်သူ အားလုံး `တိုင်းတပါးကို အထင်ကြီးသူ´ ဆိုတာကတော့ မဟုတ်ပါဘူး။

***

တခါက ကျနော့်အလုပ်ရှင်က ကျနော့်ကို မေးဖူးပါတယ်။

`မင်း အမေရိကန်မှာ နေရတာ အဆင်ပြေလား´
`ဟုတ်ကဲ့၊ ပြေပါတယ်´
`၀င်ငွေကရော မင်းနိုင်ငံထက်ပိုများမှာပေါ့´
`ဒါပေါ့´
`ဒါဖြင့် မင်းဒီမှာပဲ တသက်လုံး အခြေချမှာလား´
`ဟင့်အင်း၊ ဒီနေရာကို ကျနော့်အတွက် ခေတ္တနားတဲ့ နေရာလို့ပဲ မှတ်ထားပါတယ်´
`ဘာလို့လဲ´
`ကျနော်က မြန်မာလေ´

ကျနော်ယုံကြည်ပါတယ်။ တခြားသော ပြည်ပရောက် လူတော်တော်များမှာလဲ အဲဒီလို အတွေးတွေပဲ ရှိနေကြမှာပါပဲ။

ကလိုစေးထူး

ကပ်ဆိုး၏ တံလျှပ်များ…

တရုတ်နိုင်ငံ ၀န်ကြီးချုပ်ဟောင်း လီဖုန် မြန်မာပြည်ကို ချစ်ကြည်ရေး ခရီး အလည်အပတ် ရောက်ခဲ့စဉ်တုန်းက ဖြစ်ပါတယ်။

ရန်ကုန်အပြည်အပြည်ဆိုင်ရာ လေဆိပ်ကို လီဖုန် အရောက်မှာ မြန်မာနိုင်ငံက တာဝန်ရှိသူတွေက ကြိုဆိုကြ၊ ခရီးဦးကြိုဆို ပြုကြပေါ့။ ညရောက်တော့ အဲဒီသတင်းကို နိုင်ငံပိုင် ရုပ်မြင်သံကြား အစီအစဉ်ကနေ ထုံးစံအတိုင်း ရုပ်သံရိုက်ချက်တွေ ဝေေ၀ဆာဆာနဲ့ တင်ဆက်ပါတယ်။

သတင်းကြေညာသူ အမျိုးသမီးက…

`တရုတ်ပြည်သူ့ သမ္မတနိုင်ငံ ၀န်ကြီးချုပ် လီဖုန် လေဆိပ်မှ ထွက်ခွာရာ လမ်းတလျှောက်တွင် မြန်မာပြည်သူများနှင့် ကျောင်းသူ ကျောင်းသားများက နှစ်နိုင်ငံ အလံများကို ဝှေ့ယမ်း၍ သောင်းသောင်းဖြဖြ နှုတ်ဆက်ကြပါသည်´ လို့ ကြေညာပြီးတော့ ကားတန်းဖြတ်သွားရာ လမ်းတလျှောက် ဘေးဝဲယာက ကျောင်းသူကျောင်းသားလေးတွေပုံကို ပြပါတယ်။ အဲဒီမှာတင် သတင်းတင်ဆက်သူ တည်းဖြတ် ချန်လှပ်ဖို့ လစ်ဟာသွားပုံရတဲ့ ရုပ်သံထဲက အသံတသံက ပီပီသသကြီး ပေါ်လာပါတော့တယ်။

အဲဒါကတော့ ကားတန်းပေါ်က တယောက်ယောက်က ကျောင်းသူကျောင်းသားလေးတွေကို အော်ဟစ်နေတဲ့…

`လက်ပြထား၊ လက်ပြထား´

ဆိုတဲ့ အသံပါပဲ။ သတင်းနားထောင်နေတဲ့ လူတွေမှာ တအုန်းအုန်းနဲ့ တော်တော်နဲ့ အတောမသတ်နိုင်အောင် ထရယ်ကြတာ မှတ်မိနေပါသေးတယ်။

***

၁၉၉၃ ခုနှစ်၊ မြန်မာပြည်တွင်းမှာ `ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး အသင်း´ ဆိုပြီး စတင်ဖွဲ့စည်းတော့ လူတွေက `အဲဒါက ဘာအဖွဲ့ကြီးတုန်း´ လို့ အချင်းချင်း မေးခွန်းထုတ်ကြပါတယ်။ အာဏာပိုင်တွေရဲ့ လုပ်နည်းလုပ်ဟန်တွေကို အလွတ်ရနေပြီးသား လူကြီးတွေက `မဆလခေတ်ကလိုပေါ့ကွာ၊ တေဇလူငယ်၊ ရှေ့ဆောင်လူငယ်၊ လမ်းစဉ်လူငယ် ဘာညာနဲ့ပေါ့၊ နောက်ပိုင်းကျရင် အရန်အဖွဲ့ဝင်၊ တင်းပြည့်အဖွဲ့ဝင်ဆိုပြီး ဖြစ်လာလိမ့်မယ်´ လို့ ပြောကြတာကို ကြားခဲ့ရဖူးပါတယ်။ အဲဒီတုန်းကတော့ အာဏာပိုင်တွေဟာ အဲဒီအဖွဲ့ကို `လူမှုရေး အဖွဲ့ပါ´ လို့ ကြွေးကြော်ခဲ့ကြပါတယ်။

အသင်းဖွဲ့ပြီး သိပ်မကြာခင်မှာပဲ သူတို့ အသင်းရဲ့ အင်အား ဘယ်ရွေ့ဘယ်မျှ ရှိကြောင်း သတင်းစာတွေမှာ ဦးစွာ ကြွားလုံးထုတ်ပါတယ်။ (အမှန်တကယ်ကတော့ အဲဒီတုန်းက အခြေခံပညာကျောင်းသူ ကျောင်းသားတွေကို ဘုမသိ ဘမသိနဲ့ အသင်းဝင်လျှောက်လွှာတွေ အဖြည့်ခိုင်းပြီး အသင်းဝင်စာရင်းကို အတင်းကာရော သွင်းခဲ့ကြတာပါ)။

နောက်တော့ `ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးအသင်း၊ သင်းလုံးကျွတ် အစည်းအဝေး´ ဆိုပြီးတော့ ပြည်နယ်နဲ့ တိုင်းအလိုက် အစည်းအဝေးတွေ လုပ်ပါတယ်။ အစည်းအဝေးမှာ ပြောရမယ့် အဆိုပြုလွှာနဲ့ ထောက်ခံလွှာ ဆိုတာတွေကို ဘယ်သူက ရေးလို့ရေးမှန်းမသိ ၏၊ သည် မရွေးဖတ်ရတဲ့ အစည်းအဝေးတွေ လုပ်ကြပါတယ်။

အဲဒီကနေ အရသာတွေ့သွားလားတော့ မပြောတတ်ပါဘူး။ အုပ်ချုပ်သူ ပုဂ္ဂိုလ်များဟာ ထစ်ခနဲရှိတာနဲ့ အဲဒီလိုပဲ ထောက်ခံပွဲ၊ ကန့်ကွက်ပွဲ၊ ဆန္ဒထုတ်ဖော်ပွဲ၊ အစရှိသဖြင့် အမည်ပေါင်းစုံနဲ့ အစည်းအဝေးတွေကို သူတို့ရဲ့ စီစဉ်ကြီးကြပ်မှုနဲ့ နိုင်ငံအနှံ့မှာ အမြဲတစေလိုလို ပြုလုပ်ပါတော့တယ်။

***

မြန်မာပြည်ဟာ စစ်ဆင်ရေး အထမ်းသမားဖြစ် အတင်းအဓမ္မ ခိုင်းစေမှု၊ လုပ်အားပေး ခိုင်းစေမှုတွေနဲ့ ပတ်သက်လို့ ကမ္ဘာ့အလယ်မှာ အပုပ်နံ့ထွက်လေ့ ရှိပေမယ့် မြန်မာအာဏာပိုင်တွေက တကမ္ဘာလုံးကို လှည့်ဖျားပြီး ပြည်သူတွေကို အနုနည်းနဲ့ နှိပ်စက်နေတာ တခုကိုတော့ တခြားနိုင်ငံတွေက မသိကြပါဘူး။ အဲဒါကတော့ `ဆန္ဒရှိသည်ဖြစ်စေ၊ မရှိသည်ဖြစ်စေ အတင်းအကျပ် တက်ရောက်စေသော အတုအယောင် အစည်းအဝေးများ´ ပါပဲ။

အခုဆိုရင် ကျနော်တို့နိုင်ငံအနှံ့မှာ `အမျိုးသားညီလာခံနှင့် ဖွဲ့စည်းအုပ်ချုပ်ပုံ အခြေခံဥပဒေအား ထောက်ခံကြိုဆိုပွဲ´ ဆိုတဲ့ အမည်နဲ့ ပြည်နယ်နဲ့ တိုင်းအလိုက် အလှည့်ကျ ပြုလုပ်နေတာကို တွေ့နေရပါတယ်။ အဲဒီအစည်းအဝေးပွဲတွေကို လူအင်အား ဘယ်လောက် တက်ရောက်ကြောင်း၊ ဘယ်လိုဘယ်ပုံ တင်ပြကြကြောင်း ဟန်ချက်ညီညီနဲ့ သတင်းထုတ်ပြန်နေတာဟာ နိုင်ငံပိုင် နေ့စဉ်ထုတ် သတင်းစာတွေမှာ စာမျက်နှာအပြည့်ပါပဲ။ ဒီတော့ အဲဒီအခမ်းအနားတွေ ဖန်တီးကြပုံကို လေ့လာကြည့်ချင်ပါတယ်။

***

တကယ်တော့ အဲဒီလို အခမ်းအနားတွေ လုပ်ကြရမယ်ဆိုတာနဲ့ အရင်ဆုံး မျက်ခုံးလှုပ်ရတာက ပြည်သူတွေပါပဲ။ အရပ်တကာလှည့်ပြီးတော့ ရယကတွေ၊ ဆယ်အိမ်ခေါင်းတွေက ဘယ်နေ့မှာ ဘာအခမ်းအနားရှိလို့ တအိမ်တယောက် တက်ရမှာဖြစ်ကြောင်း၊ မတက်နိုင်ရင် ဒဏ်ငွေ ဘယ်လောက်ပေးရမှာ ဖြစ်ကြောင်း စသဖြင့် လိုက်လံ အကြောင်းကြားပြီး လူစုတာဟာ ပြည်သူတွေအတွက်တော့ ဆန်းလှတော့တာ မဟုတ်ပါဘူး။ ဒါတောင် တံတားဖွင့်ပွဲ၊ လမ်းဖွင့်ပွဲ၊ ဟိုလူကြီးလာ၊ ဒီလူကြီးလာ အစရှိတာတွေအတွက် အင်အားပြနိုင်ဖို့ အတင်းအကျပ် လူစုတာတွေကို ထည့်မတွက်ရသေးပါဘူး။ အဲဒါတွေပါ ထည့်တွက်ရမယ်ဆိုရင်တော့ မြန်မာပြည်သူတွေရဲ့ `အခမ်းအနား ကပ်ဘေးဒဏ်´ က မသေးလှပါဘူး။

တခါတရံကျတော့ အဲဒီအခမ်းအနားတွေကို တက်ချင်လာအောင် မက်လုံးပေး အတက်ခိုင်းတာလည်း ရှိတတ်ပါတယ်။ ဥပမာ ဘားအံမြို့မှာ လုပ်မယ့် ပြည်နယ် ကြံ့ခိုင်ရေးအသင်း သင်းလုံးကျွတ် အစည်းအဝေးကို သွားတက်ဖို့အတွက် ကျနော်တို့မြို့က နီးစပ်ရာလူငယ်တွေကို `ဘားအံ အလည်ခရီးပေါ့ကွာ၊ ခရီးစရိတ်၊ စားစရိတ်ပေးမှာ၊ လိုက်ခဲ့၊ အစည်းအဝေးက ဘာမှမဟုတ်ပါဘူး´ လို့ မြို့နယ် ကြံ့ဖွံ့အတွင်းရေးမှူးက လိုက်လံ စည်းရုံးတာကို မြင်ခဲ့ရဖူးပါတယ်။

အစည်းအဝေးကို သွားတက်ကြတဲ့ ပြည်သူအများစုက အဲဒီအစည်းအဝေးမှာ ဘာတွေ ဆွေးနွေးမှာလဲ ဆိုတာထက် အဲဒီအစည်းအဝေး ဘယ်အချိန်ပြီးမလဲ၊ မြန်မြန်ပြီး မြန်မြန်နားအေး သဘောမျိုး ထားကြတာ များကြပါတယ်။ နေကပူပူ၊ အခမ်းအနား ပြုလုပ်ရာ ကွင်းပြင်မှာ ချွေးသံတရွှဲရွှဲနဲ့ အပေါ်ကနေ ရဟတ်ယာဉ်ဖြတ်မောင်းရင် အတင်းကာရော လက်ဝှေ့ယမ်းခိုင်းသေးတာမို့ အင်မတန် စိတ်ညစ်ဖွယ်ကောင်းလှပါတယ်။

ပြည်သူတွေက ဘယ်လောက်ပဲ စိတ်ညစ်ညစ်၊ အဲဒီအစည်းအဝေးတွေကို ဘယ်လိုပဲ မတက်ချင် မတက်ချင် အာဏာပိုင်တွေကတော့ အခါအခွင့်သင့်တိုင်း ကျင်းပမြဲ ကျင်းပနေသလို အခုလည်းပဲ ကျင်းပနေဆဲပါပဲ။

***

အဲဒီလို အတုအယောင် ထောက်ခံပွဲ အခမ်းအနားတွေကို အာဏာပိုင်တွေက စီမံ ကျင်းပရတဲ့ အကြောင်းရင်းကတော့ သူတို့ကို ပြည်သူတွေက ထောက်ခံနေပါတယ်လို့ ကမ္ဘာကို လိမ်ချင်လို့ပါပဲ။ ပြည်သူတွေကို လိမ်တာကတော့ ရိုးနေပြီမို့ အရှက်လဲ ကုန်နေတော့ မထူးခြားလှတော့ပေမယ့် ကမ္ဘာ့နိုင်ငံတွေကိုတော့ သူတို့ဟာ မြန်မာပြည်သူတွေရဲ့ ထောက်ခံမှုကို ရနေပါတယ်လို့ ထင်မြင်လာအောင် ဒီနည်းနဲ့ လိမ်ရင် ရနိုင်တယ်လို့ တွက်ဆထားလို့ အခုလို အခမ်းအနားပွဲတွေကို အချိန်ကုန်၊ ငွေကုန်ခံပြီး ကျင်းပနေတာပါ။

အဲဒီလို အလိမ်အညာတွေနဲ့ ကုလသမဂ္ဂကိုပါ လိမ်ညာလှည့်ဖျားနေတဲ့ အာဏာပိုင်တွေရဲ့ လုပ်ရပ်ဟာ မသတီစရာ ကောင်းလှပေမယ့် အံတုခြင်းငှာ မစွမ်းသာတဲ့ ပြည်သူတွေမှာ အလိုမတူပါဘဲနဲ့ အခမ်းအနား ကပ်ဘေးဒဏ်ကို ခံနေရတာကတော့ ခံပြင်းစရာ ကောင်းလှပါတယ်။

အာဏာပိုင်တွေကို ဆန့်ကျင်ကန့်ကွက်နေကြတဲ့ ပြည်တွင်းပြည်ပ အတိုက်အခံတွေနဲ့၊ သတင်းဌာနတွေအနေနဲ့လည်း ဒီအခမ်းအနားတွေဟာ ပြည်သူ့ဆန္ဒအစစ်အမှန် မဟုတ်ကြောင်း၊ အာဏာပိုင်တွေရဲ့ လိမ်လှည်လှည့်ဖျားခြင်းသာ ဖြစ်ကြောင်းကို ထင်သာမြင်သာအောင် ဖော်ထုတ်မှုပိုင်းမှာ အားနည်းနေတယ်လို့ သတိထားမိပါတယ်။

ပြည်တွင်းမှာ နေထိုင်ရတဲ့ ပြည်သူကတော့ ဒီအခမ်းအနားကို မတက်ချင်လည်း လွန်ဆန်ခြင်းငှာ ဘယ်လိုမှ စွမ်းသာမှာ မဟုတ်ပါဘူး။ တက်ချင်သည်ဖြစ်စေ၊ မတက်ချင်သည်ဖြစ်စေ တက်ကြရမှာပါပဲ။

***

`လက်ပြထား၊ လက်ပြထား´

ကားတန်းပေါ်က အော်သံ၊ နေပူထဲက ကျောင်းသားကျောင်းသူလေးတွေရဲ့ စိတ်မပါလက်မပါ အလံဝှေ့ယမ်းဟန်၊ စာရွက်တွေ တထပ်ကြီးနဲ့ သတင်းကြေညာနေတဲ့ မြန်မာ့အသံ ၀န်ထမ်း…။

ဒါပေမယ့် တရုတ်ဝန်ကြီးချုပ် လီဖုန်ကတော့ သူ့ကို မြန်မာပြည်က ကျောင်းသား ကျောင်းသူလေးတွေ လှိုက်လှိုက်လှဲလှဲ ကြိုဆိုနေကြတာပဲလို့ ထင်သွားခဲ့မှာပါပဲ။

အခုလည်း `လက်ပြထား၊ လက်ပြထား´ ပုံရိပ်တွေက နိုင်ငံပိုင် သတင်းမီဒီယာတွေမှာ စိတ်မချမ်းမြေ့ဖွယ်ရာ မြင်နေရပြန်ပါပြီ။ တရုတ်ဝန်ကြီးချုပ် လီဖုန်တယောက် ဘာမှ မသိလိုက်သလို ကုလသမဂ္ဂနဲ့တကွ တခြားနိုင်ငံတွေကပါ ဘာမှမသိစွာနဲ့ အဲဒါတွေကို အဟုတ် လို့ ထင်သွားကြမှဖြင့်…။

ကလိုစေးထူး

ကျနော်နှင့် သတင်းစာ…

မြန်မာနိုင်ငံမှာ အင်တာနက် အသုံးပြုခွင့်ကို နာရီအကန့်အသတ်နဲ့ ပြန်လည် ဖွင့်လှစ်နေပါပြီ။ မြန်မာစံတော်ချိန် ည ၁၀ နာရီမှ မနက် ၄ နာရီခန့် အထိ အသုံးပြုခွင့် ပေးထားတဲ့ တာဝန်ရှိသူတွေရဲ့ စဉ်းစားချက် ဘယ်လိုရှိတယ်ဆိုတာ အတတ် မသိနိုင်ပေမယ့် မြန်မာလူမျိုးများရဲ့ အင်မတန် ချစ်စရာကောင်းတဲ့ စိတ်ထားက `ဒီလောက်ဖွင့်ပေးတာကိုပဲ ကြံဖန်ကျေးဇူးတင်ရမယ်´ လို့ ဖြေသိမ့်တွေးကြပြီး အသုံးပြုခွင့် ရသလောက် အချိန်လေးမှာ သတင်းတွေ ဖလှယ်ကြ၊ အခြေအနေတွေ မေးမြန်းကြနဲ့ အချိန်ကို အကျိုးရှိရှိ အသုံးချကြပါတယ်။

အင်တာနက် အသုံးပြုခွင့် ပိတ်ပင်ထားကတည်းက ရပ်ဆိုင်းထားတဲ့ မြန်မာသတင်းစာ အင်တာနက် စာမျက်နှာတွေမှာလည်း အရင်ရက်တွေက မတင်ဖြစ်ခဲ့တဲ့ သတင်းစာတွေကို တစုတစည်းတည်း ပြန်တင်လာတာကို တွေ့ရပါတယ်။ ဒါပေမယ့် စက်တင်ဘာ ၂၈၊ ၂၉ နဲ့ ၃၀ ရက်နေ့ထုတ် သတင်းစာတွေကို မတွေ့ရတာကတော့ ထူးခြားပါတယ်။ အဲဒီနေ့တွေမှာ ပြည်တွင်းမှာလည်း သတင်းစာ မထုတ်ဝေဖြစ်တာလားတော့ မပြောတတ်ပါဘူး။

ဘယ်လိုပဲဖြစ်ဖြစ် မြန်မာပြည်ထဲမှာ လက်ရှိဖြစ်ပျက်ခဲ့တဲ့ အခြေအနေတွေကို အာဏာပိုင်တွေရဲ့ ထိန်းချုပ်မှုအောက်ကနေ ထုတ်ဝေနေရတဲ့ နေ့စဉ်ထုတ် သတင်းစာတွေက ဘယ်လိုပုံစံနဲ့ သတင်းထုတ်ပြန်ခဲ့သလဲ ဆိုတာကိုတော့ စိတ်ဝင်စားမိတာနဲ့ မဖတ်ရသေးတဲ့ သတင်းစာတွေကို လိုက်ဖတ်ကြည့်မိပါတယ်။

ဒီသတင်းကို ဖတ်ကြည့်ပြီးတော့ ဘယ်လို အတွေးမျိုးနဲ့ ယုံရမှန်း မသိသလို ယုတ္တိကင်းမဲ့လွန်းတဲ့ လိမ်လည်သတင်းထုတ်ပြန်မှုကို ထုတ်ပြန်ရဲတဲ့ အာဏာပိုင်တွေရဲ့ ဦးနှောက်ဉာဏ် ကို အံ့သြရပါတယ်။ ရန်ကုန်မြို့က ချီတက် ဆန္ဒပြပွဲတွေကို စက်တင်ဘာ ၂၆ ရက်နေ့မှာ စတင် အကြမ်းဖက် ဖြိုခွင်းခဲ့ပြီးတော့ စက်တင်ဘာ ၂၇ ရက်နေ့ ညနေမှာဆိုရင် တာမွေ အထက(၃)ရှေ့မှာဆိုရင် အင်မတန်အကျည်းတန်တဲ့ လူသတ်ပွဲကို ပြုလုပ်ခဲ့ကြတာ ဖြစ်ပါတယ်။ ဒီတော့ စက်တင်ဘာ ၂၉ ရက်လို နေ့မျိုးမှာ သူတို့ သတင်းထုတ်ပြန်ထားတဲ့ ၁၁ ယောက်သော လူငယ်တွေက သူတို့ ပြထားတဲ့ လက်နက်တွေလောက်နဲ့ ရန်ကုန်မြို့လည်မှာ သေနတ်တွေ၊ ဒိုင်းကာတွေ၊ နံပါတ်တုတ်တွေ ကိုင်ဆောင်ထားတဲ့ လုံထိန်းတွေကို ခွပ်ဒေါင်းအလံ တကားကားနဲ့ ရန်ပြုတိုက်ခိုက်တယ်လို့ စွပ်စွဲထားတာဟာ အင်မတန်မှ အရှက်ကင်းမဲ့လွန်းပါတယ်။

တဆက်တည်းမှာပဲ အဲဒီ အဖမ်းဆီးခံ ကျောင်းသားလူငယ်လေးများနဲ့ ပြည်သူတွေရဲ့ စစ်ကြောရေးမှာ ရင်ဆိုင်ရမယ့် အခြေအနေအတွက် စိုးရိမ်မိပါတယ်။ လူမြင်ကွင်းလို နေရာမျိုးမှာတောင် ပုံစံထိုင်ခိုင်းပြီ ခေါင်းကို စစ်ဖိနပ်နဲ့ အားရပါးရဆောင့်ကန်၊ ၀ါးဆစ်ပိတ်တုတ်နဲ့ အားကုန်ရိုက်ဝံ့တဲ့ အာဏာပိုင်တွေဟာ `၎င်းတို့အား နောက်ကွယ်မှ ကြိုးကိုင် စေခိုင်းသူများအား ဖော်ထုတ်ရရှိနိုင်ရေး စစ်ဆေးမေးမြန်းလျက် ရှိကြောင်း´ ဆိုတဲ့ စကားရပ်ကို လူမြင်ကွင်းရဲ့ နောက်ကွယ်မှာ ဘယ်လို ပုံဖော်နေလိမ့်မလဲ ဆိုတာ မတွေးဝံ့စရာပါပဲ။

နိုင်ငံတ၀န်းက ပြည်နယ်နဲ့တိုင်းတွေမှာ ပြုလုပ်နေတဲ့ `အမျိုးသားညီလာခံ ထောက်ခံပွဲ´ ဆိုတာတွေရဲ့ အတင်းအဓမ္မ အခမ်းအနားတွေရဲ့ သတင်းတွေကိုလည်း စိတ်ပျက်စရာကောင်းလှစွာ ဖတ်ရပါတယ်။ ဘယ်သတင်းဌာနရဲ့ ကိုးကားချက်ကိုမှ မယူဘဲနဲ့ ကျနော့် အတွေ့အကြုံနဲ့ ယှဉ်ထိုးပြီး ပြောရရင် အဲဒီ အခမ်းအနားတွေဟာ မတက်မနေရ၊ မသွားမနေရ အတင်းသွားတက်ခိုင်းတဲ့ အချိန်ကုန်၊ ငွေဖြုန်းတဲ့ ပွဲတွေပါ။ ဒါတွေကို `ပြည်သူ့ဆန္ဒပါ´ ဆိုပြီး အရှက်မရှိ လိမ်ညာ သတင်းတင်ရဲတဲ့ မျက်နှာပြောင်တိုက်မှုကို သိပ်တော့လည်း မအံ့သြမိတော့ပါဘူး။

လိမ်ညာချင်ဇောက များသွားလို့လားတော့ မပြောတတ်၊ DVB သတင်းဌာနကိုပါ အမေရိကန်မှာ အခြေစိုက်ခိုင်းလိုက်ပါတယ်။ `လေလှိုင်းပေါ်က လူသတ်သမားများ ပြည်သူအားလုံး သတိထား´ ဆိုတာကတော့ ရယ်စရာ အကောင်းဆုံး ပြက်လုံး တခုလိုပါပဲ။ ဒါပေမယ့် ကျနော် မရယ်နိုင်ပါဘူး။ တကယ်တမ်း သတ်နေတဲ့ ပုံရိပ်တွေကို ပြန်မြင်ယောင်မိပြီး နာကျည်းမိပါတယ်။

ဆောင်းပါးရှင် `ဦးလုကာ´ ဆိုသူရဲ့ `သိနားလည်သင့်ပြီ သူငယ်ချင်း ဆောင်းပါးက အဲဒီ ကောက်နှုတ်ချက်စာသားကို တွေ့မိတော့ ကျနော် တစုံတယောက်ကို ချက်ချင်း သတိရသွားပါတယ်။ သူများနိုင်ငံတွေမှာတောင် ဒီလိုလုပ်သေးတာပဲ၊ ငါတို့နိုင်ငံမှာ ဒီလိုလုပ်တယ်ဆိုတာ မလွန်လောက်ပါဘူး။ နအဖ လုပ်ရပ်ဟာ ရက်စက်တယ်လို့ မဆိုနိုင်သေးဘူး လို့ ဆိုတဲ့ ကိုယ်ချင်းတရားမဲ့လှတဲ့ သုံးသပ်ချက်က သတင်းစာထဲမှာရော အဲဒီ ပုဂ္ဂိုလ်တွေရဲ့ ဘလော့ဂ်မှာပါ တလေသံတည်း ဖြစ်နေတာက ဘာကြောင့်လဲ ဆိုတာကတော့ ကျနော်တို့ ယှဉ်တွေး စဉ်းစားစရာ အချက်ပါပဲ။ အဲဒီလို လူစားတွေအတွက် သုံးသပ်ချက် ဆောင်းပါးကို ကျနော် သီးသန့် ထပ်မံရေးသားပါအုံးမယ်။

ဒါကတော့ မြန်မာပြည် တရားဥပဒေ အထက်မှာ လူရှိနေတယ် ဆိုတာရဲ့ ပြယုဂ်တခုပါပဲ။ ရည်ရွယ်ချက်ကတော့ ဆန္ဒပြပွဲတွေနဲ့ ဆက်စပ်ပြီး ဖမ်းဆီးထားသူတွေအနက် တရားရုံးချုပ်အဆင့်နဲ့ စီရင်ချက်ချလိုသူတွေကို ပျဉ်းမနားကျပ်ပြေးအထိ အလုပ်ရှုပ်ခံ မခေါ်ဆောင်ချင်လို့ ရန်ကုန်၊ မန္တလေးနဲ့ တခြားမြို့တွေမှာပါ ရုံးထိုင်နိုင်တယ်လို့ သတ်မှတ်ပုံရပါတယ်။ တရားဥပဒေ တခုကို ဥက္ကဋ္ဌဆိုသူ တယောက်ထဲရဲ့ သဘောထားလက်မှတ်နဲ့ ဒီလိုမျိုးပြင်ခွင့် ရှိနေတဲ့ ကျနော်တို့ နိုင်ငံအုပ်ချုပ်သူတွေ ဒီမိုကရေစီ စနစ်ကို ဘယ်လိုဘယ်နည်း ဖော်ဆောင်နေလဲ ဆိုတာကို ထင်ဟပ်နေပါတယ်။

ဒီသတင်းရေးသားပုံမှာ တခု သတိထားမိတာကတော့ `ဂါရ၀ပြု´ ဆိုတဲ့ အသုံးအနှုန်းကို သုံးထားတာပါ။ မစ္စတာဂမ်ဘာရီ မြန်မာနိုင်ငံကို သွားခဲ့တာ တကယ်တော့ သူတို့ရေးထားသလို သူတို့ကို ဂါရ၀ သွားပြုတာ မဟုတ်ပါဘူး။ မြန်မာနိုင်ငံမှ ဖြစ်ပျက်နေတဲ့ လက်ရှိအခြေအနေကို လေ့လာသုံးသပ်ဖို့ အရေးပေါ် သွားရောက်ခဲ့တာပါ။ သူတို့ဆီကို သွားတွေ့တာဟာ လိုအပ်ချက်တခုကြောင့်သာ ဖြစ်ပြီး ဂါရ၀သွားပြုတာ မဟုတ်ပါဘဲနဲ့ `ဂါရ၀ပြု´ လို့ရေးထားတဲ့ ရူးနှမ်းမှုက ရယ်စရာကောင်းလှပါတယ်။ ဒေါ်အောင်ဆန်းစုကြည်ကို သွားရောက်တွေ့ဆုံတာကို ရေးသားတဲ့အခါမှာတော့ အဲဒီ `ဂါရ၀ပြု´ ဆိုတာ မပါဝင်တော့ပြန်ပါဘူး။ ဒါပေမယ့်…၊ ထားလိုက်ပါတော့…။

ပျဉ်းမနားက ပြန်ကြားရေး ၀န်ကြီးဌာန၊ ၀န်ကြီးရုံး အစည်းအဝေးခန်းမမှာ ပြန်ကြားရေးဝန်ကြီး ဘိုမှူးချုပ် ကျော်ဆန်းက အသင့်ရေးထားတဲ့ စာတမ်းရှည်ကြီးကို ဂမ်ဘာရီကို ဖတ်ပြပါတယ်။ မိုက်ရိုင်းစော်ကားတဲ့ စကားတခွန်းကတော့ ဆန္ဒပြ မေတ္တာပို့ကြတဲ့ သံဃာတော်တွေရဲ့ အများစုဟာ ယာယီအားဖြင့် သင်္ဃန်းရုံထားတဲ့ သံဃာအတုတွေ ဖြစ်ပါတယ်ဆိုတဲ့ စကားပါ။ ငွေကြာရံ ဘုန်းတော်ကြီးကျောင်းကို ၀င်စီးသွားတာကိုလည်း တလုံးတပါဒမှ ထည့်မပြောတဲ့အပြင် သူတို့က အတတ်နိုင်ဆုံး သက်သက်ညှာညှာ ထိန်းသိမ်းခဲ့ပါတယ်လို့တောင် အရှက်မဲ့စွာ လိမ်ညာခဲ့ပါတယ်။

မစ္စတာ ဂမ်ဘာရီရဲ့ ပြန်လည်ဆွေးနွေး အကြံပြုချက်တွေထဲမှာ စိတ်ဝင်စားစရာ ကောင်းတာတွေ ပါခဲ့ပါတယ်။ အဲဒီအနက်…

`ကမ္ဘာက မိမိ၏ မြန်မာနိုင်ငံခရီးကို အာရုံစိုက်လျက်ရှိရာ ဤအခြေအနေတွင် ဖြစ်နိုင်ပါက လေ့လာရေး ခရီးစဉ် မသွားလိုပါကြောင်း´ လို့ ထည့်သွင်း ပြောဆိုတာကို လေ့လာကြည့်ရင် မူဆယ် ၁၀၅ မိုင် စစ်ဆေးရေးဂိတ်နဲ့ သူတို့ လုပ်နေတဲ့ မတက်မနေရ အခမ်းအနားတွေကို မစ္စတာဂမ်ဘာရီဟာ သွားရောက်ကြည့်ရှုလိုစိတ် မရှိပါဘူး။ တကယ်တော့ ဒီအချိန်မှာ အဲဒီနေရာတွေကို သွားနေတာက တမင်အချိန်ဖြုန်းတာဖြစ်တယ်ဆိုတာ အာဏာပိုင်တွေကို လူကြီးလူကောင်းဆန်စွာ ထောက်ပြသတိပေးတာလဲ ဖြစ်ပါတယ်။

သတင်းမီဒီယာဟာ ဘက်လိုက်တတ်ပေမယ့် အာဆီယံ၊ အိမ်နီးချင်းနိုင်ငံများ၊ လုံခြုံရေးကောင်စီ အဖွဲ့ဝင်များနဲ့ မြန်မာနိုင်ငံရဲ့ မိတ်ဆွေနိုင်ငံများ၏ အမြင်ယူဆချက်တွေကို အလေးထားစေလိုကြောင်း၊ အစိုးရအနေနဲ့ အကြမ်းဖက်နှိမ်နင်းမှုကို ရှောင်ရှားပြီး နိုင်ငံရေး အဖြေရှာရန် တိုက်တွန်းကြောင်း၊ မြန်မာနိုင်ငံကို ဖိအားပေးတဲ့ အခါမှ တန်ပြန်ဆောင်ရွက်ခြင်းထက် အစိုးရက ဦးစီးဦးဆောင်ပြုပြီး ဆောင်ရွက်သင့်ကြောင်း စသဖြင့် ပြန်လည်ဆွေးနွေးချကတွေကို ယဉ်ကျေးမှု ၀န်ကြီးဆိုသူက...

အထက်မှာ မြင်ရတဲ့အတိုင်း ပြန်လည်တုံ့ပြန်ပြောဆိုခဲ့ပါတယ်။ မျက်နှာပြောင် တိုက်ရဲလွန်းတာကိုတော့ အသိအမှတ်မပြုဘဲ မနေနိုင်လောက်အောင်ပါပဲ။

သတင်းတွေကို အားလုံး လိုက်ဖတ်ကြည့်ပြီး ကျနော် ရေးသားခဲ့တဲ့ အထက်က စာတွေကို တခေါက်ပြန်ဖတ်ကြည့်တော့ စာထဲမှာ ဒေါသသံတွေ ပါနေတာကို သတိထားမိပါရဲ့။ ဒါပေမယ့် ရင်ထဲက့ ခံပြင်းနာကျင်မှုက အဲဒီစာတွေကို သိမ်မွေ့လာအောင် မပြုလုပ်နိုင်ခဲ့ပါဘူး။ သတင်းတွေကို ဖတ်မိတဲ့ အဝေးကြီးက ကျနော်ကတောင် ဒီလောက် ခံပြင်းနေရင် တကယ် နဖူးတွေ့၊ ဒူးတွေ့ ရင်ဆိုင်ခဲ့ရတဲ့ လေးစားကြည်ညိုစရာ ဘုန်းဘုန်းတွေ၊ ကျောင်းသားရဟန်းရှင်လူ အာဇာနည်တွေက ပိုပြီး ခံစားရမှာ အသေအချာပါပဲ။

တချို့က အာဏာပိုင်တွေရဲ့ ထိန်းချုပ်မှုအောက်က သတင်းဌာနတွေ၊ သတင်းစာတွေရဲ့ သတင်းထုတ်ပြန်မှုတွေကို မဖတ်ဘဲ သပိတ်မှောက်တဲ့နည်းကို သုံးကြပါတယ်။ အဲဒီလိုပါပဲ အာဏာပိုင်တွေကို လိုလားထောက်ခံတဲ့ ဘလော့ဂ်တွေ၊ ဒီမိုကရေစီ လိုလားသူများကို အမြဲတစေ အပုပ်ချလေ့ရှိတဲ့ ဘလော့ဂ်တွေကိုလဲ သွားမဖတ်တဲ့နည်းနဲ့ သပိတ်မှောက်ဖို့ ဆော်သြလေ့ရှိပါတယ်။ အားလုံးရဲ့ ခံစားချက်တွေကို နားလည်မိပေမယ့် ကျနော့်အမြင်ကတော့ အဲဒါတွေကို ဖတ်ပြီးတော့ သူတို့ရဲ့ လိမ်ညာအရှက်မဲ့မှုကို တန်ပြန် ဖြေရှင်းတဲ့နည်းကို သုံးတာကို ပိုသုံးသင့်တယ်လို့ မြင်မိပါတယ်။ အဲဒီအတွက် ဒီစာကို ရေးပါတယ်။

ကလိုစေးထူး

ဆဲဆိုခြင်း=??? ...

အခုတလောမှာ ဘလော့ဂ်တွေမှာ သတိမထားဘဲ မနေနိုင်အောင် တွေ့နေရတာ တခုရှိပါတယ်။

တခြားတော့ မဟုတ်ပါဘူး။ ဟိုဘက်ဒီဘက် အပြန်အလှန် ဆဲကြ၊ ဆိုကြတာတွေပါ။ ဆဲပုံဆဲနည်းတွေကလည်း အမျိုးကို စုံနေတာပါပဲ။ တချို့တွေ ဆဲတတ်ကြပုံများကတော့ အဆဲပါရဂူဘွဲ့တောင် တီထွင် ချီးမြှင့်ချင်စိတ် ပေါက်လာအောင် ဆဲဂုဏ်မြောက်လွန်းကြပါရဲ့။

ဆဲဆိုတယ်ဆိုတာဟာ မကောင်းမှန်းတော့ လူတိုင်း သိကြတာပါပဲ။ ဒါပေမယ့် ဆဲနေတဲ့လူကလဲ ဆဲနေကြတာပါပဲ။

ကျနော် စဉ်းစားကြည့်မိပါတယ်။ ဘယ်တုန်းကမှ မမြင်ဖူး၊ မသိဖူးတဲ့ လူတယောက်ကို ဆဲဆိုချင်စိတ်ပေါက်လာအောင် ဘယ်အရာတွေက တွန်းအားပေးနေသလဲ ဆိုတဲ့ အချက်ကိုပါ။

လူတယောက်က အကြောင်းအရာတခုကို အကျိုးသင့် အကြောင်းသင့် ဃဃနန ဆွေးနွေးတယ်။ ဒါပေမယ့် အဲဒီ ဆွေးနွေးတဲ့ အကြောင်းအရာက ကိုယ်နဲ့ အမြင်မတူတာတွေ ဖြစ်နေတယ်။ သူဆွေးနွေးတဲ့ အချက်အလက်တွေကို လက်မခံချင်ဘူး။ ပြန်လည်ချေပ ဆွေးနွေးဖို့ကျတော့လဲ ဘယ်လိုဘယ်နည်း ထိရောက်အောင် ပြောရမလဲဆိုတာ မသိဘူး။ ခက်တာက အဲဒီလူကို ဆန့်ကျင်တယ်ဆိုတာကိုလည်း တနည်းနည်းနဲ့ ပြချင်နေတယ်။ ဒီတော့ နောက်ဆုံးမှာ ဆဲပစ်လိုက်တယ်။

နောက်တချက် ဆဲရတဲ့ အချက်ကတော့…။ ကိုယ်က ဘယ်လောက်ပဲ အေးအေးဆေးဆေး ငြိမ်းချမ်းစွာနဲ့ ဆန္ဒသဘောထားတွေ ထုတ်ဖော် တောင်းဆိုနေပေမယ့်လည်း တဖက်က ဘာကိုမှ လက်မခံဘူး။ ပြီးတော့ အင်အားကလည်း ထုနဲ့ထည်နဲ့ ကြီးမားနေတယ်။ အဲဒီ ကြီးမားတဲ့ ထုထည်ကြီးကို ဘယ်လိုမှလဲ ဖြိုခွင်းနိုင်တဲ့ အင်အားက မရှိဘူး။ ဒီတော့ စိတ်ကို ထွက်ပေါက်ပေးတဲ့ အနေနဲ့ ကိုယ့်ကို သူတို့ တခုခု ပြန်မလုပ်နိုင်လောက်တဲ့ နေရာကနေ အဲဒီလူတွေကို ဆဲပစ်လိုက်တယ်။ ဥပမာ အနေနဲ့ကတော့ ဒီမှာ ပါ။

နောက်တချက် ဆဲရတဲ့ အကြောင်းရင်းကတော့ တော်တော်လေး ဆိုးပါတယ်။ တဖက်သားကို နစ်နာသွားရင်ပြီးရော ဆိုပြီး ဆဲတာပါ။ နှမချင်းစာနာတာတွေ ဘာတွေဆိုတာ မရှိပါဘူး။ လိုအပ်ရင် လိုအပ်သလို လိင်ပိုင်းဆိုင်ရာ စော်ကားတဲ့ အဆဲစကားတွေနဲ့ ပျစ်ပျစ်နှစ်နှစ် ဆဲတာပါ။ ကိုယ်ဆဲလိုက်လို့ တဖက်သားမှာ ဘယ်လောက်တောင် စိတ်ထိခိုက် နာကျင်သွားမလဲ ဆိုတာ ထည့်မတွက်တဲ့ အပြင် အဲဒီလို ဆဲနေရတာ၊ ဆဲပစ်လိုက်တာကိုပဲ ကြံဖန် ဂုဏ်ယူနေတတ်သေးတဲ့ အဆဲသမားမျိုးပါ။

***

ဒီရက်ပိုင်းတွေမှာ အာဏာပိုင်တွေကို လိုလားထောက်ခံတဲ့ စစ်ဘို (လို့ ယူဆရတဲ့ လူတချို့က) သူတို့ကို လာရောက် ဆဲကြဆိုကြတဲ့ လူတွေကို ပြန်လည် ပြစ်တင်ရှုံ့ချရင်း တချိုကလည်း အားကျမခံ ပြန်ဆဲနေကြတာကို တွေ့ရပါတယ်။ တချို့ ယဉ်ကျေးတဲ့ စစ်ဘို (လို့ ယူဆရတဲ့ လူ) တွေကလည်း အဲဒီလို ဆဲတာဆိုတာဟာ မကောင်းကြောင်း၊ အပြန်အလှန် မေတ္တာထားကြတာက ပိုသင့်တော်ကြောင်း စသဖြင့် ဖြောင်းဖြ နားချပါတယ်။

အဲဒါတွေကို တွေ့တော့ တစုံတခုကို ပြန်လည် သတိရမိပြီး `သြော်၊ ဆဲတာဆိုတာက အစ ဘက်လိုက်မှုတွေ ရှိနေပါလား´ လို့ တွေးမိပါတယ်။ စိတ်မကောင်းလဲ ဖြစ်မိပါတယ်။

တကယ်တော့ အဲဒီလို ဘယ်ကမှန်း မသိတဲ့ အမည်မသိတွေရဲ့ အဆဲအဆိုကို အတော် ဆိုးဆိုးဝါးဝါး ခံခဲ့ရတဲ့ ဒီမိုကရေစီ လိုလားသူ ဘလော့ဂါတွေ အများကြီး ရှိခဲ့ပါတယ်။ ဘယ်အကြောင်းအရာကိုမှ သေသေချာချာ ၀င်ဆွေးနွေးတာ မရှိဘဲနဲ့ တမင်သက်သက် စိတ်အနှောက်အယှက် ဖြစ်အောင် စနစ်တကျ အကွက်ချပြီး ဆဲတာကို ခံခဲ့ကြရတာပါ။ အထူးသဖြင့် အမျိုးသမီးတွေက ပိုခံရပါတယ်။ သာမန်အားဖြင့် အမျိုးသားတွေထက်စာရင် ပိုပြီး စိတ်နူးညံ့တတ်တဲ့၊ ထိခိုက်လွယ်တတ်တဲ့ အမျိုးသမီး ဘလော့ဂါတွေကို လိင်ပိုင်းဆိုင်ရာ စော်ကားမှု၊ မိဘကို ထိခိုက်စော်ကားမှု စတဲ့ စကားလုံးတွေနဲ့ ဆဲဆိုပြီး စိတ်အနှောက်အယှက် ပေးခဲ့ကြတာပါ။

ဥပမာအားဖြင့် ညီမလင်းလက် ဆိုရင် ကျနော် ဘလော့ဂ် စတင်ရေးသားချိန်ကတည်းက သူ့ကို လာလာဆဲကြတဲ့ အမျိုးကောင်းသားတွေရဲ့ ဒဏ်ကို တောက်လျှောက် ခံနေရတာ အခုထက်ထိတိုင်အောင်ပါပဲ။ တခြား ထင်ရှားတဲ့ ဒီမိုကရေစီ လိုလားသူ အမျိုးသမီး ဘလော့ဂါတွေထဲမှာ ဆိုရင်လည်း ဆရာမမေငြိမ်း၊ မသဒ္ဓါ တို့ဟာ အတော်ကို ဆိုးဝါးတဲ့ စကားလုံးတွေနဲ့ ဆဲဆို ပုတ်ခတ်ခြင်း ခံခဲ့ရတာပါ။ မမေဓာဝီဆိုရင်လည်း သူ့မိဘတွေကပါ ဘလော့ဂ်ကို ရပ်နားခိုင်းရတဲ့ အထိ ဆိုးဆိုးဝါးဝါး ခံခဲ့ရပါတယ်။ တခြားသော အမျိုးသမီး ဘလော့ဂါတွေလဲ အဆဲခံကြရတာ မနည်းပါဘူး။ အမျိုးသားတွေလည်း အဆဲခံရတာ ရှိပေမယ့် ထားပါတော့…။

ကျနော် စိတ်မကောင်း ဖြစ်တာက အဲဒီလို အမျိုးသမီးတွေ အဆဲဆို ခံခဲ့ရစဉ်အခါတုန်းက ဖြောင်းဖြ ပြောဆိုပေးခဲ့တဲ့ စစ်ဘို (လို့ ယူဆရသူ) တွေကို မတွေ့ခဲ့ရဘဲ အခု အာဏာပိုင်တွေဘက်က ထောက်ခံသူတွေကို ဆဲဆိုတော့မှပဲ ရွှေပြည်အေးတရား ၀င်ဟောတဲ့ မသိမသာ ဘက်လိုက်မှုကိုပါပဲ။

တကယ်ဆိုရင် ဆဲတယ် ဆိုကတည်းကိုက ကောင်းတာ မဟုတ်ပါဘူး။ တဘက်နဲ့ တဘက် အပြန်အလှန် ဆဲဆိုနေကြလို့လဲ အဖြေကောင်း တခု ထွက်လာစရာ အကြောင်း မရှိပါဘူး။ ဒါပေမယ့် ကိုယ့်ကို လာဆဲပြီ ဆိုကတည်းကိုက ဘာကြောင့် အဲဒီလူ လာဆဲရလဲဆိုတာကို ကျနော် အပေါ်က တင်ပြခဲ့တဲ့ အချက်တွေနဲ့ ယှဉ်ထိုး စဉ်းစားကြည့်သင့်တယ်လို့ ထင်ပါတယ်။

ဥပမာ ပြောရရင် ကိုယ်က ပို့စ်ထဲကနေ ဒေါ်အောင်ဆန်းစုကြည်ကို `ဘိုကတော် စုကြည်´ အဲဒီလို ရေးထားရင်တော့ တယောက်မဟုတ် တယောက်က `စစ်ခွေး နအဖ´ လို့ လာဆဲတာကို အသက်သာဆုံး အဆဲအဖြစ် လက်ခံရရှိမှာ သေချာပါတယ်။ အဲဒီလိုပါပဲ ဒီမိုကရေစီ လိုလားသူတွေကလဲ ကိုယ့်ပို့စ်ထဲမှာ `စစ်ခွေး´ လို့ ပြောဆို သုံးနှုန်းရင် ဟိုဘက်ကလည်း အကျိုးသင့် အကြောင်းသင့် လာဆွေးနွေးဖို့ထက် ဆဲဆိုသွားဖို့က ရာခိုင်နှုန်း ပိုများပါတယ်။

ကိုယ်က ဘယ်လောက်ပဲ အေးအေးဆေးဆေး ငြင်ငြင်သာသာ ဆွေးနွေးပါစေ။ လာလာဆဲနေတဲ့ လူတွေကိုတော့ အဖက်မလုပ်ဘဲ နေတာက အသင့်တော်ဆုံးလို့ မြင်ပါတယ်။ စကားလုံးတွေ သိပ်ကို ကြမ်းတမ်းလာရင်၊ မောင်နဲ့နှမ သားနဲ့ အမိ မြင်လို့မှ မတော်တာတွေ လာပြောနေပြီဆိုရင် အဲဒါတွေကို ဖျက်ပစ်တာ၊ အဲဒီလို လာပြောတဲ့ အိုင်ပီကို ပိတ်ပင်ထားတာက ပိုကောင်းမှာပါ။ မခံချင်စိတ်နဲ့ ပြန်ဆဲနေရင်တော့ အဆဲဇာတ်လမ်းက ဆုံးဖွယ်ရာ မရှိပါဘူး။

***

ဆဲတာ ဆိုတာတွေကို မြင်ရတာ များတော့ စိတ်မချမ်းမသာ ဖြစ်ရလွန်းတာနဲ့ ရေးသာ ရေးနေမိတာ၊ မျက်ခုံးကတော့ ခပ်လှုပ်လှုပ်ပါပဲ။ ဒီစာကို ဖတ်ပြီးတော့ တယောက်ယောက်က ဆဲချင်စိတ်တွေ ပေါက်လာအုံးမလား မသိနိုင်ပါဘူး။

ရေးမိမှတော့လဲ မတတ်နိုင်ပါဘူး။ ဆဲခါမှ ဆဲပေရော့…။

ဘလော့ဂ် အထွေထွေဝယ်
မပြေလည်တာ များလို့ထင့်
ကြားလို့မှ မတော်
ကော်လှော်ကာ ဆဲကြတယ်
ခက်ပေါ့ ရှက်ဖွယ်…။

ဆဲကြသူမယ်
အပူတကယ် များတာမို့
ဆူလွယ်စိတ် ထားဖယ်လို့ရယ်
ဆွေးနွေးကြမယ်…။

တွေးဆရင်ကွယ်
ဖေးမတာ အဖြေတခုရယ်မို့
ဆဲဆိုတာ ပယ်ဖျောက်ကြပါလို့
ဆွေးဆူစွာ တွေးပူပါလို့
ရေးမိတော့တယ်…။

ကဗျာက အဆင်တော့ မပြေလှပါဘူး။ ဒါပေမယ့် လူတိုင်းလိုလို ကြိမ်မီးအုံး ပူဆွေးသောက ရောက်နေရတဲ့ အခုလို အချိန်မှာ အဆဲအဆိုတွေက တမှောင့် ဖြစ်နေတာကို မြင်နေရတော့ စိတ်မချမ်းမြေ့လှတာကြောင့် ဒီစာကို ရေးမိပါတယ်။

ကလိုစေးထူး

နီးနီးလေးနဲ့ မဝေးစေချင်…

ကျနော်တို့ မြို့လေးမှာ ၁၉၉၂ ခုနှစ်ဝန်းကျင်ကာလ ပေါ်တာတွေ အရမ်းဆွဲကြတုန်းက ရပ်ကွက်လူကြီးတွေ တော်တော်လေး ခေတ်ကောင်းလိုက်ပါတယ်။ အကြောင်းက ဒီလိုပါ…။

စစ်တပ်တခု စစ်ဆင်ရေးသွားဖို့အတွက် ကျနော်တို့ မြို့မှာ တထောက် နားကြပြီဆိုရင် မြို့နယ် မ၀တ၊ ရ၀တ တွေကို ဆင့်ခေါ်ပြီး သူတို့ စစ်ဆင်ရေးအတွက် ပေါ်တာ ဘယ်ရွေ့ဘယ်မျှလိုကြောင်း ဘယ်ရပ်ကွက်က ဘယ်နှစ်ယောက် လိုက်ပါ စသဖြင့် ခေါ်ပြောလေ့ ရှိပါတယ်။ အဲဒီလို ခေါ်ပြောလိုက်တိုင်း ဖိုးကျိုင်းတုတ် ဖြစ်ရတာက ရပ်ကွက်လူကြီးတွေပါပဲ။

ရက်ကွက်လူကြီးတွေ အစည်းအဝေးက ပြန်လာပလားဆိုရင် ဆယ်အိမ်ခေါင်းတွေကို တခါ ဆင့်ခေါ်ပြီး အိမ်တွေကို ငွေလိုက်အကောက်ခိုင်းပါတယ်။ ဥပမာ တရပ်ကွက်ကို ပေါ်တာ ဆယ်ယောက် တာဝန်ကျတယ်ဆိုရင် အိမ်တွေကို တအိမ် တရာ၊ နှစ်ရာ စသဖြင့် သတ်မှတ်ကောက်ခံတာမျိုးပါ။ အဲဒီလို ကောက်လို့ ရတဲ့ ငွေနဲ့ စစ်သားလူထွက် ပေါ်တာ အငှားလိုက်စားနေတဲ့ လူတွေကို ငှားရမ်းပါတယ်။ တချို့လည်း ၀မ်းရေးအတွက် ပေါ်တာ အငှားလိုက်စားကြတဲ့ အရပ်သားတွေတောင် ရှိပါတယ်။ ဒီလိုနဲ့ ရပ်ကွက်လူကြီးရဲ့ ပါးစပ်ဖျားက ပေါ်တာကြေးကို ရပ်ကွက်နေ လူထုက တပူပေါ် နှစ်ပူဆင့် ပေးကြရပါတယ်။ အဲဒီခေတ်ကဆိုရင် ခြောက်လလောက် ရပ်ကွက်လူကြီး လုပ်လိုက်တယ် ဆိုရင်ပဲ ရပ်ကွက်လူကြီးက အရင်နဲ့ မတူ ပြောင်ပြောင်ရောင်ရောင်နဲ့ ဗြောင်ကျကျကို လူလုံးလှလာပါတော့တယ်။

တခါတော့ ကျနော်တို့ ရပ်ကွက်က ရပ်ကွက်လူကြီး ဖျံကျလွန်းမက ကျနေတာကို သည်းမခံနိုင်တဲ့ ရပ်ကွက်သားတွေက တခြား ရပ်ကွက်လူကြီးကို ပြောင်းတင်ဖို့ တိုင်ပင်ကြပါတယ်။ အဲဒီလို တိုင်ပင်တဲ့ အခါတိုင်းမှာ လူတယောက်က…

`ခင်ဗျားတို့ ပြောင်းပြီး ရပ်ကွက်လူကြီးတင်မယ့်လူကလဲ ဘာကောင်းလို့တုန်း၊ ကျနော်ကတော့ သူ့ကို တင်လိုက်ရင် ပိုတောင် ဆိုးလာမယ်လို့ ပြောရဲတယ်´

ဒီလိုနဲ့ တခြားတယောက်ကို ထပ်စဉ်းစားကြပြန်တော့လဲ အဲဒီလူကပဲ အဲဒီတယောက်ကလည်း မထူးကြောင်း၊ ဘယ်လိုဘယ်ပုံ မကောင်းကြောင်း ပြောပြန်ပါရော…။ အဲဒီလိုနဲ့ပဲ ပေါ်တာခေတ်တလျှောက်လုံး အရင်လူကြီး အဟောင်းကပဲ ပျော်ပျော်ကြီး ဖျံကျခွင့်ရသွားပါတော့တယ်။

***

တနေ့က…။

ပန်ဒိုရာရဲ့ ဘလော့ဂ်က အခြေခံ ယုတ္တိဗေဒအလွဲ ဆိုတဲ့ ပို့စ်ကို ဖတ်မိပါတယ်။ ပို့စ်က ခပ်တိုတိုပါပဲ။ ရှုပါ…။

အခြေခံယုတ္တိဗေဒ အလွဲ

အဆို = မောင်ဖြူ၏ လုပ်ရပ်သည် မသင့်တော်။
အခြေ = မောင်မဲ နှင့် မောင်နီတို့ ၏ လုပ်ရပ်သည်လည်း မသင့်တော်။ ထို့ကြောင့် မောင်ဖြူ၏ လုပ်ရပ်သည် သင့်တော်၏။
လေ့လာသူ = ဟင်.. ဘာမှလည်းမဆိုင်ဘူး။

အဆို = မောင်ဖြူ၏ လုပ်ရပ်သည် မသင့်တော်။
အခြေ = မောင်မဲ နှင့် မောင်နီတို့ ၏ လုပ်ရပ်သည်လည်း မသင့်တော်။ ထို့ကြောင့် သင့်တော်သောလုပ်ရပ် ဟူသည် လောက၌မရှိ။
လေ့လာသူ = ဘုရား ဘုရား။

အဆို = မောင်ဖြူ၏ လုပ်ရပ်သည်မသင့်တော်။
အခြေ = မောင်မဲ နှင့် မောင်နီတို့ ၏ လုပ်ရပ်သည်လည်း မသင့်တော်။ လူတိုင်း မသင့်တော်တာ လုပ်ကြစို့။
လေ့လာသူ = ကယ်တော်မူကြပါ။

***

ပန်ဒိုရာရဲ့ ပို့စ်က ပထမအပိုဒ်မှာ…

မောင်ဖြူရဲ့ လုပ်ရပ်က မသင့်တော်ဘူး။ မောင်ဖြူနေရာမှာ ကျနော်တို့မြို့က ရပ်ကွက်လူကြီးကို မြင်ယောင်လာမိတယ်။ အင်း…၊ ဟုတ်တယ် ဒီလူ မကောင်းဘူး။ ဒါပေမယ့် မောင်မဲနဲ့ မောင်နီတို့ရဲ့ လုပ်ရပ်တွေမှာလည်း အပြစ်က မကင်းပြန်ဘူး။ ဒါကြောင့် ဖျံကျနေတဲ့ မောင်ဖြူနဲ့ တူတဲ့ ရက်ကွက်လူကြီး လုပ်နေတာ မှန်ပါတယ်လေ။ သေသေချာချာ စဉ်းစားကြည့်တော့ ဘာမှမဆိုင်ပါလား။ စဉ်းစားလေလေ ဘာမှ မဆိုင်လေလေ။

အဲဒီသုံးယောက်လုံးရဲ့ လုပ်ရပ်တွေ မသင့်တော်တာနဲ့ပဲ တခြားသော သင့်တော် ကောင်းမွန်တဲ့၊ လက်ရှိ အခြေအနေထက် ပိုမိုသာလွန်မယ့် လုပ်ရပ်ဆိုတာ ဘာမှကို မရှိတော့ဘူးလား။ သူတို့ သုံးယောက်လုံးရပ် လုပ်ရပ်တွေ မသင့်တော်တဲ့ အတွက် တခြားလူတွေလဲ သူတို့လိုပဲ မသင့်တော်တာတွေ လိုက်လုပ်ကြမယ် ဆိုရင်ရော…။ အကုန်လုံး ကိုယ်ကျိုးနည်းတော့မယ် ထင်တယ်။

***

အမှန်တကယ် ဖြစ်သင့်တာကို ချဉ်းကပ် ဆွေးနွေးကြည့်ကြပါစို့…။

မောင်ဖြူက မကောင်းဘူး ဆိုရင် မောင်ဖြူ မကောင်းတာကိုပဲ အရင် အဓိကထား မပြောသင့်ပေဘူးလား။ ဒါမှမဟုတ် မောင်ဖြူကို ကောင်းတယ်လို့ ထင်နေတဲ့လူတွေက မောင်ဖြူက ဘယ်လိုဘယ်ပုံကောင်းကြောင်း အကျိုးအကြောင်း ခိုင်လုံစွာနဲ့ အရင် မပြောသင့်ပေဘူးလား။ မောင်ဖြူနဲ့ ဆိုင်တာတွေကို အရင်ဦးစားပေး မပြောသင့်ပေဘူးလား။

မောင်မဲနဲ့ မောင်နီလည်း ကောင်းတာမှ မဟုတ်တာ၊ ဒီတော့ မောင်ဖြူ မကောင်းတာက ဘာဆန်းတာလိုက်လို့ ဆိုပြီး မောင်ဖြူကို မကောင်းခွင့်တွေ ဘယ်လောက်ကြာကြာ ထပ်ပေးကြမလဲ။ သူများမကောင်းတဲ့ အတွက် ကိုယ်မကောင်းတာလဲ မဆန်းပါဘူးလေလို့ တွေးတာက အပြုသဘောဆန်ပါတော့မလား။

ဟုတ်ပြီ…။ မောင်ဖြူကတော့ မကောင်းတာ သေချာပြီ။ ဒါပေမယ့် မောင်မဲနဲ့ မောင်နီမှာလည်း အပြစ်က မကင်းပြန်ဘူး။ အဲဒီတော့ မောင်မဲနဲ့ မောင်နီမှာ ရှိတဲ့ အပြစ်တွေလို မဖြစ်အောင် ရှောင်ပြီး မကောင်းတဲ့ မောင်ဖြူကို ကောင်းလာအောင် တွန်းအားပေးဖို့ ကြိုးစားကြတာက ပိုပြီး အပြုသဘော မဆောင်ဘူးလား။

***

ဆက်စပ်ပြီး ဆက်တွေးကြည့်ချင်ပါသေးတယ်။

ကျနော်တို့ နိုင်ငံမှာ…။

လက်ရှိတပ်မတော်ကို ပြည်သူက ရွံရှာ မုန်းတီးနေပါတယ်။ လာဘ်စားပြီး သူတို့အကျိုးကိုသာ ကြည့်တဲ့ လက်ရှိတပ်မတော်က အာဏာကို ရယူထားတာကိုလည်း ပြည်သူက မနှစ်မြို့ပါဘူး။ ဒါဟာ အမှန်တရားပါပဲ။ ဒါဆို အဲဒီတပ်မတော် မဟုတ်တာလုပ်နေတာကို ရပ်တန်းက ရပ်အောင် ကျနော်တို့ အရင် ကြိုးစားရတော့မှာပေါ့။

ကျနော်တို့…။ ဒီမိုကရေစီ စနစ်ကို ကူးပြောင်းချင်ကြတယ်။ ကိုယ့်ကို အုပ်ချုပ်မယ့်လူကို ကိုယ်တိုင်ကိုယ်က ရွေးချယ်ခွင့် ရှိတဲ့ စနစ်၊ ကိုယ်ဖြစ်ချင်တာ၊ လိုလားတာကို လွတ်လပ်စွာ ထုတ်ဖော်တင်ပြခွင့် ရတဲ့ စနစ်…။ ဒီစနစ်ကို ကျနော်တို့ သက်ဝင် ယုံကြည်ကြပါတယ်။ ဒါပေမယ့် အဲဒီ ဒီမိုကရေစီ စနစ်မှာကလည်း အားနည်းချက်တချို့က ရှိနေသေးပြန်တယ်။ အဲဒီ အားနည်းချက်ရဲ့ သာဓက အဖြစ် ဒီမိုကရေစီ နိုင်ငံကြီး တချို့က ဖြစ်ရပ်လေးတွေကလည်း လက်ညှိုးထိုးချင်စရာ ကောင်းနေပြန်တယ်။ ဒါဖြင့် အဲဒီချွင်းချက်တွေကြောင့် ဒီမိုကရေစီ ဆိုတာ တကယ်မရှိတော့ဘူးလား။ မရှိတော့ဘူး ဆိုရင် အဲဒီနိုင်ငံတွေကရော ဘာလို့ သူတကာထက် ရှေ့တန်းကို ရောက်နေပြန်တာလဲ။

ချွင်းချက်ဆိုတာတွေကြောင့် ဒီမိုကရေစီဆိုတာ စာရွက်ပေါ်မှာသာ ရှိတယ်ဆိုတာကို ကျနော်ကတော့ လက်မခံပါဘူး။ လူတိုင်းမှာ ဒီမိုကရေစီဆိုတာ မရှိဘူး၊ ဒီတော့ ငါတို့တတွေ ဒီမိုကရေစီ လိုချင်နေလို့လည်း ဘာမှ ထူးလာမှာ မဟုတ်ပါဘူး ဆိုတဲ့ အယူအဆကတော့ ပိုကြောက်စရာ ကောင်းသွားပါပြီ။ ဒါဟာ လက်ရှိ အုပ်ချုပ်နေတဲ့ အာဏာရှင်ကို တဖက်တလမ်းက ထောက်ခံနည်း တမျိုးဖြစ်စေပါတယ်။

အဲဒီလိုလူမျိုးကို အာဏာရှင်က သူ့တိုင်းပြည်မှာ များများရှိဖို့ ပိုလိုလားပါလိမ့်မယ်။ ကုန်ကုန်ပြောရရင် အဲဒီလိုလူမျိုးက သူ့ကို ဝေဖန်ရင်တောင် အာဏာရှင်က ပြုံးပြုံးကြီး မျက်နှာပြောင်တိုက်ပြီး ခံနေပါလိမ့်မယ်။ တခြားတဖက်မှာ ဒီမိုကရေစီကို ဒီထက့်ပိုပြီး စေ့စေ့ပေါက်ပေါက် အပြစ်ရှာ ထောက်ပြပြီး ဒီမိုကရေစီကို မယုံကြည်သူတွေ များသထက် များလာအောင် လုပ်ပေးမယ့် အဲဒီလို လူမျိုးကို အာဏာရှင်က ပိုလို့တောင် နေရာပေးပါလိမ့်မယ်။

`သခင်လုပ်မှာလား၊ ကျွန်လုပ်မှာလား´ လို့ တွေ့တဲ့လူတိုင်းကို မေးလိုက်ပါ။ `ကျွန်လုပ်မယ်´ လို့ ဖြေတဲ့လူ တယောက်မှ မရှိပါဘူး။ `သခင်လုပ်မယ်´ ဆိုတဲ့ အဖြေက သိပ်ဖြေလို့ကောင်းတာကိုး။ ငါးနှစ်သားကလေးကို သွားမေးရင်တောင် `အနော်လဲ သခင်ပဲ လုပ်မှာ´ လို့ ဖြေပါလိမ့်မယ်။ ဒါပေမယ့် ကျနော်တို့ အခုလောလောဆယ် အနေအထားက သခင်ဖြစ်နေတာလား၊ ကျွန်ဖြစ်နေတာလား။

အမေရိကန်မှာ ရဲက ခါးပတ်မပတ်တဲ့လူကို ရိုက်တာထက် မြန်မာပြည်မှာ ပြည်သူတွေရဲ့ အကျပ်အတည်းကို မျက်ကွယ်ပြုပြီး လုပ်ချင်ရာ လုပ်နေတဲ့ လက်ရှိ အာဏာပိုင်တွေ လူစိတ်ရှိလာအောင် ကြိုးစားဖို့က ပိုအရေးပါပါတယ်။ အဲဒါကမှ ပိုပြီး အပြုသဘောဆန်ပါလိမ့်မယ်လို့ ယုံကြည်မိပါတယ်။

ကလိုစေးထူး

ကွန်မန့်များက ပေးသော အတွေး…

တကယ်တော့ ဒီလို စာမျိုးကို မရေးချင်ပါဘူး။ ဒါပေမယ့် ရေးသင့်လာပြီလို့ ယူဆတဲ့ အတွက် ရေးပါမယ်။

ပထမဆုံး ရေးချင်တာက အထက်ပါ မှတ်ချက်ပါ စာသားပါ။ အဲဒီမှတ်ချက်ကို ဒီပို့စ်မှာ ဖတ်မိပါတယ်။ ပို့စ်မှာ ရေးသားထားတဲ့ အကြောင်းအရာတွေကိုတော့ မဆွေးနွေးချင်ပါဘူး။ သူ့ဆန်စားလို့ ရဲရတယ်လို့သာ သူ့ပို့စ်ကို နားလည်သတ်မှတ်နိုင်ပေမယ့် မှတ်ချက်မှာ ပါတဲ့ စာသားကတော့ တပ်မတော်သားတယောက်အနေနဲ့ ပြည်သူတွေအပေါ်ကို အတော်လေးကို စော်ကားလွန်းတယ်လို့ မြင်ပါတယ်။

`တပ်မတော် အနေနဲ့ ပြည်သူတွေကို အကြောင်းမဲ့ သတ်ဖြတ်ခဲ့တာ မရှိပါဘူး´ တဲ့။

ဒါဟာ ဗြောင်လိမ်တာလား၊ သတ်နေတာတွေကို မသိလို့လားဆိုတာတော့ အဲဒီ အရာရှိငယ် ကိုယ်တိုင်ပဲ သိပါလိမ့်မယ်။ တပ်မတော်က အကြောင်းမဲ့ သတ်ဖြတ်တာ ခံခဲ့ရတဲ့ ပြည်သူ တယောက် အကြောင်းကို ဒီပို့စ်မှာ ကျနော် ရေးခဲ့ပါတယ်။ ဒါဟာ သတ်ဖြတ်ခြင်းကို မျက်မြင်ကိုယ်တွေ့ ကြုံခဲ့ရတဲ့ အတွေ့အကြုံနဲ့ ရေးခဲ့တာပါ။ အဲဒီအပြင် ကျနော် မမြင်လိုက်ရသေးတဲ့ အဖြစ်အပျက်တွေ များစွာ ရှိနေသေးမှာ ယုံမှားဖွယ်ရာ မရှိပါဘူး။ ကျနော် ပေါ်တာ လိုက်ခဲ့ရစဉ်တုန်းကဆိုရင် စစ်တပ်အနေနဲ့ စစ်ဆင်ရေး ဒေသက အပြစ်မဲ့ ရွာသူရွာသားတွေကို မဲမဲမြင်ရာ ပစ်ခတ်ခဲ့တာကိုလည်း ကိုယ်တွေ့ကြုံခဲ့ရဖူးပါတယ်။ ဒါဟာ အကြောင်းရှိလို့ သတ်ဖြတ်တာပါလား။

`၈၈၈၈ မှာ သေတယ် ဆိုတဲ့ လူတွေဟာလဲ ဆူပူမှုမှာ ပါဝင်ခဲ့လို့၊ နောက်တချက်က ၎င်းတို့ကိုလဲ ပြည်သူလို့ သတ်မှတ်လို့ မရပါဘူး။ ဆူပူ သောင်းကျန်းရေး သမားတွေပါပဲ။ အေးအေးဆေးဆေး အိမ်ထဲမှာ နေနေတဲ့ ပြည်သူကို သတ်သွားပါတယ် ဆိုတဲ့ တပ်မတော်သား ရှိရင် ပြပါ။ အကျိုး ရှိလို့ အကြောင်း ဖြစ်လာတာပါ။ အပြစ်မရှိ မသေပါဘူး။ အပြစ်ရှိရင်တော့ သေမှာပါပဲ´

အထက်ပါ စကားကို မြင်တော့ သွားလေသူ ဦးနေ၀င်းကို သတိရမိပါတယ်။ `စစ်တပ်ဆိုတာ ပစ်ရင် မှန်အောင် ပစ်တယ်´ လို့ မိုက်ကြေးခွဲသွားတဲ့ ဦးနေ၀င်း လေသံနဲ့ ဒီစစ်ဘိုလေသံ တထပ်တည်းပါပဲ။ ကဲ… ဒီလို လူမျိုးက ကျနော်တို့ တိုင်းပြည်ကို ခေါင်းဆောင်မတဲ့။ မတရားတာကို ငုံ့မခံဘဲ ဆန္ဒထုတ်ဖော်တဲ့ ပြည်သူတွေကို ဆူပူသူတွေလို့ သတ်မှတ်တာဟာ ဦးနှောက်မှ ရှိပါသေးရဲ့လားလို့တောင် စဉ်းစားမိပါတယ်။ အိမ်ထဲမှာ အေးအေးဆေးဆေး နေနေတဲ့ ပြည်သူကို သတ်သွားတဲ့ တပ်မတော်သားတွေကို မြင်ချင်သပ ဆိုရင်တော့ ကရင်ပြည်နယ် တခွင် စစ်ဆင်ရေးတွေ ထွက်နေတဲ့ စစ်တပ် တခုခုနဲ့သာ ရှေ့တန်းထွက်ခဲ့ပါ။ အနိမ့်ဆုံးတော့ တွေ့ကရာလူ ပေါ်တာဆွဲတာ မြင်ရပါလိမ့်မယ်။ အုပ်ချုပ်သူကို ဆန့်ကျင်တိုင်း၊ အုပ်ချုပ်သူအကြိုက် မနေတိုင်းသာ အပြစ်လို့ သတ်မှတ်ရင်တော့ တပြည်လုံး (နအဖ အလိုတော်ရိများမပါ) အပြစ်ရှိပါတယ် လို့သာ ပြောရမှာပါပဲ။

ကျနော့်ကို `မင်းက သွားဖတ်တာကိုး၊ ဖတ်ရင်လည်း အသာလှည့်ပြန်လာရောပေါ့´ လို့ အပြစ်တင်ရင်လည်း ကျေနပ်စွာ ခံယူပါမယ်။ ပြည်သူထဲက ပြည်သူ ဖြစ်ပါလျက်နဲ့ ပြည်သူကို စော်ကားတာကို မခံမရပ်နိုင်လို့ အခုလို ရေးပါတယ်။ ဒီလို ပုဂ္ဂိုလ်မျိုး ကျနော်တို့ တိုင်းပြည်ရဲ့ ခေါင်းဆောင် နေရာကို ရလာခဲ့ရင် တကယ်ကို ရင်လေးစရာပါပဲ။ လွတ်လပ်ရေး ဖခင်၊ တပ်မတော်ဖခင် အမျိုးသားခေါင်းဆောင်ကြီး ဗိုလ်ချုပ်အောင်ဆန်းကို စော်ကားလို့ ပြီးသွားပြန်တော့ ထမင်းရှင် ပြည်သူကို ထပ်မံစော်ကားပြန်ပါတယ်။ အဲဒီလို လူကို တပ်မတော် အရာရှိလောင်းအဖြစ် ရွေးချယ်ခဲ့တဲ့၊ နိုင်ငံခြား ပညာတော်သင် အဖြစ် ရွေးချယ် စေလွှတ်ခဲ့တဲ့ ပုဂ္ဂိုလ်များရဲ့ ထက်မြက်တဲ့ ဦးနှောက်ကိုလည်း သြချမိပါတယ်။ သူ အခုလို ရေးနေတာတွေအတွက် တခြားသော ရုရှရောက် မြန်မာ ပညာတော်သင် များကိုပါ ထိခိုက်စေပါတယ်။ တပ်မတော် သိက္ခာကျပါတယ်။ တခြားသော တပ်မတော်သားတွေလဲ သိက္ခာကျပါတယ်။

အခု ကျနော် ရေးရခြင်းဟာလည်း လူ ကို တိုက်ခိုက်လိုတဲ့ စိတ် အလျဉ်း မရှိပါဘူး။ ကျနော်တို့ကို အုပ်ချုပ်နေတဲ့ အဖွဲ့အစည်းမှာ ပါဝင်တဲ့ လူတယောက်၊ အရာရှိငယ် တယောက်ရဲ့ အမြင်ဟာ `ဒါ´ ဆိုတာကို ချပြချင်တာပါ။

အထက်ပါ ကွန်မန့်ကတော့ ကျနော် နားလည်လက်ခံစရာ အချက်တွေရော လက်မခံစရာ အချက်တွေပါ ပါဝင်ပါတယ်။ ကျနော်ရေးခဲ့တဲ့ `စိတ်မသက်သာခြင်းများ…´ ပို့စ်က လက်ရှိ နောက်ဆုံးကွန်မန့်ပါ။

ဟုတ်ကဲ့ ကို bluephoenix ခင်ဗျာ။ ပထမဆုံး ပြန်ကြားချင်တာကတော့ ကျနော် ကို bluephoenix ကို မသိပါဘူး။ အားလုံးကို ၀ါးလုံးရှည်နဲ့ သိမ်းပြီး ရမ်းတဲ့ အရေးအသားက ကျနော် ဘယ်နေရာမှာ ရေးခဲ့သလဲ ဆိုတာကို အသေးစိတ် ပြန်လည် ထောက်ပြပေးစေချင်ပါတယ်။ ကျနော် ၀ါးလုံးရှည်နဲ့ သိမ်း မရမ်းခဲ့ပါဘူး။ ဗိုလ်ချုပ်ကို စော်ကားထားတဲ့ ပို့စ်ကြောင့် စိတ်မချမ်းမြေ့ရကြောင်းနဲ့ အဲဒီလူဟာ ဘယ်က၊ သူ့ကို ၀ိုင်းဝန်း ထိန်းသိမ်းပေးဖို့ အကြံပြုချက်သာ ရေးခဲ့ပါတယ်။

အားလုံးကို မိတ်ဆွေလို တလေးတစား ဆွေးနွေးမယ့် စိတ်ဓာတ်ကို လှိုက်လှဲစွာ လေးစားပါတယ်။

ပြန်လည် ဆွေးနွေးလိုတာက ရှေ့တန်းမှာ ကျည်ဆံကို ပန်းလို သဘောထားပြီး အသက်စွန့်နေရတဲ့ သူတွေဟာ တကယ်တော့ အခြားအဆင့် စစ်သည်တွေပါ။ အရာရှိက အနည်းဆုံး ရှေ့မှာ လူဆယ်ယောက်လောက် သွားပြီးမှ တပ်စုမှူးအဆင့် တပွင့် လောက် ပုဂ္ဂိုလ်က့ အန္တရာယ် နည်းပါးစွာ လိုက်ရတာပါ။ ဆိုလိုတာက ရှေ့တန်း ထွက်ရသည့် တိုင်အောင် အရာရှိက အခြားအဆင့် စစ်သည်ထက် သေဖို့ ရာခိုင်နှုန်းနည်းပါတယ်။ ကျနော်တို့ကလည်း ဘာမှ မသိ ဘာအခွင့်အရေးမှ မရတဲ့ အခြားအဆင့် စစ်သည်တွေကို မဝေဖန်ပါဘူး။ မဟုတ်တာ လုပ်နေတဲ့ စစ်ဘို များကိုသာ ဝေဖန် ထောက်ပြပါတယ်။

နောက်ပြီးတော့ ယနေ့ခေတ်မှာ ကျည်ဆံကို ပန်းလို လက်ခံရရှိနေတာက နအဖ စစ်တပ်က စစ်သည်တွေ မဟုတ်တော့ပါဘူး။ သူတို့ ဆီက ပန်းမဟုတ်တဲ့ ကျည်ဆံတွေကို ရရှိနေတဲ့ နိုင်ငံရေးဆိုလို့ ဘာမှ မသိမနားလည်ရှာတဲ့ စစ်ဆင်ရေးနယ်မြေတွေမှာ နေကြရှာတဲ့ အပြစ်မဲ့ပြည်သူတွေပါ။ အဲဒီလို ဘာလို့ ပြောနိုင်လဲ ဆိုတော့ ကျနော်က အဲဒီလို ဒေသက လာခဲ့လူ၊ နအဖ စစ်တပ်ရဲ့ စစ်ဆင်ရေး ပေါ်တာ အထမ်းသမားအဖြစ် ကိုယ်တွေ့ လိုက်ဖူးခဲ့တဲ့လူ ဖြစ်လို့ နအဖ စစ်တပ်တခုရဲ့ ရှေ့တန်း ထွက်ပုံ ထွက်နည်းကို သိပါတယ်။

ဆိုးတဲ့လူ ရှိတယ် ဆိုတာကို လက်ခံပေးတဲ့အတွက် အထူးကျေးဇူးတင်ပါတယ်။ တိုင်းပြည်သာ တကယ် တိုးတက်မယ်ဆိုရင် ဘယ်အစိုးရ အုပ်ချုပ်နေပါစေ၊ ကောင်းတဲ့လူကို ထောက်ခံအားပေးဖို့လည်း ကျနော့်အနေနဲ့ ၀န်မလေးပါဘူး။ ဒါဟာ ပြည်သူတွေထဲက ပြည်သူတယောက်ရဲ့ ဆန္ဒပါပဲ။ တကယ် အနစ်နာခံပြီး လုပ်နေတယ်ဆိုတာ သေချာရင် ကျနော်တို့ ပြည်သူတွေ ဒီလောက် မတုံးပါဘူး။ ထောက်ခံပါလိမ့်မယ်။ အားလုံးကို သိမ်းကြုံးသလို ရေးမိခဲ့တယ်ဆိုရင် ဒီနေရာကနေ တောင်းပန်ပါတယ်။ ဒါပေမယ့် မစဉ်းစားဘဲတော့ ဘာကိုမှ မရေးခဲ့ပါဘူး။ အတွေးအခေါ် ရှိခြင်း မရှိခြင်းကို ဖတ်သူက ဆုံးဖြတ်မယ်လို့ ခံယူပါတယ်။

ဒီကွန်မန့်ကိုလည်း ကျနော့်ရဲ့ ပို့စ် `စိတ်မသက်သာခြင်းများ´ မှာပဲ အမည်မသိ တယောက်က ရေးခဲ့ပါတယ်။

သူက ဘာရည်ရွယ်ချက်နဲ့ ရေးခဲ့တယ်ဆိုတာ အတိအကျ မသိနိုင်ပေမယ့် အလွန်အင်မတန် ရုပ်ဆိုးလှပါတယ်။ တပ်မတော်ကို ဆန့်ကျင်သည် ဖြစ်စေ၊ ထောက်ခံသည် ဖြစ်စေ လူအများ လာရောက် ဖတ်ရှုနေတဲ့ စာမျက်နှာမှာ ဒီလို မရေးသင့်ဘူးလို့ ကျနော် မြင်ပါတယ်။

ပိုပြီး စိတ်မကောင်း ဖြစ်မိတာက စကားလိမ်နဲ့ ပြောထားတဲ့ (နားနဲ့မနာ ဖ၀ါးနဲ့ နာပါ ခင်ဗျာ) `ကိုမိုးကိုလေ… တပ်မတော်သားများ´ ဆိုတဲ့ စကားလုံး အသုံးအစွဲပါ။

တပ်မတော်က တပ်မတော်သားတိုင်း လူဆိုးတွေလို့ ကျနော် မယုံကြည်ပါဘူး။ ကို bluephoenix ပြောခဲ့သလို ကောင်းတဲ့လူ ရှိသလို ဆိုးတဲ့ လူလဲ ရှိမှာပါ။ ပြည်သူနဲ့ တသားတည်း ရှိလိုတဲ့ ပြည်သူ့တပ်မတော်သားတွေလဲ တပ်မတော်မှာ ရှိနေအုံးမှာ ဧကန် မလွဲပါ။ တကယ်တော့ တပ်မတော်သားဆိုတာလည်း ပြည်သူက ပေါက်ဖွားလာတဲ့ ပြည်သူပါပဲ။ အဲဒီ စကားဟာ ပြည်သူနဲ့ တသားတည်း ရှိလိုတဲ့၊ ပြည်သူ့ တပ်မတော်သားတွေကိုပါ စိတ်ဓာတ်ပျက်ပြားစေတဲ့ စကား ဖြစ်လို့ မပြောသင့်ဘူးလို့ ယူဆပါတယ်။

ကျနော်တို့တတွေဟာ ဘာကို ရည်ရွယ်ပါသလဲ။ ဘယ်ဘက်က ဖြစ်နေပါစေ။ အားလုံးကတော့ `တိုင်းပြည် ကောင်းအောင်´ လို့ မဆိုင်းမတွ ပြန်ဖြေမယ့် လူချည်းပါပဲ။ အရေးကြီးတာက စေတနာတကယ်မှန်ရင် ဘယ်သူ့ကို မဆို ပြည်သူက လက်ခံပါလိမ့်မယ်။

ရေးခဲ့တာ အတန်ငယ် ရှည်ပါပြီ။ ဒီပို့စ်ဟာ တဦးတယောက်ကို ပုဂ္ဂိုလ်ရေးရာအရ ရန်လို မုန်းတီးလိုစိတ်နဲ့ ရည်ရွယ် ရေးသားတာ မဟုတ်ပါဘူး။ ဖြစ်သင့်တယ် ထင်မြင်တာကို ချပြ ဆွေးနွေးရုံ သက်သက်သာ ဖြစ်ပါတယ်။ လွတ်လပ်စွာ သဘောထား တူညီခွင့်၊ ကွဲလွဲခွင့် ရှိပါတယ်။ တခုတော့ ရှိပါတယ်။ မောင်နဲ့ နှမ၊ သားနဲ့ အမိ မြင်ဖို့ မသင့်တော်တဲ့ စကားလုံး အသုံးတွေကို သုံးစွဲပြီး မှတ်ချက်ရေးခြင်းကိုတော့ အားလုံးကိုယ်စား တောင်းပန် တားမြစ်ပါရစေ။ ကျေးဇူးတင်ပါတယ်။

ကလိုစေးထူး

ရေးသူ & ဖတ်သူ ...

ကို/မ ku yar nyi ရဲ့ အထက်ပါ မှတ်ချက်ကြောင့် ဒီစာကို ရေးဖြစ်ပါတယ်။

ဘလော့ဂ်တခုကို ရေးသူအနေနဲ့ ဘယ်လို သဘောထားကြတယ်ဆိုတာက အမြင်အမျိုးမျိုး ရှိတတ်တာမို့ ကျနော် စဉ်းစားမိတာကို တင်ပြပါရစေ။

ဟုတ်ပါတယ်။ မိမိဘလော့ဂ်မှာ မိမိရေးချင်တာ ရေးပိုင်ခွင့် ရှိပါတယ်။ ကိုယ်ရေးချင်တာရေးဖို့ပဲ ကိုယ်ပိုင်ဘလော့ဂ် လုပ်ထားကြတာပါ။ ဘယ်သူကမှ လာစိစစ်လို့ မရတာ ဘလော့ဂ်၊ စိစစ်ခွင့် မရှိတာလည်း ဘလော့ဂ်၊ ကိုယ့်အယူအဆ၊ ကိုယ့်အမြင်ကို လွတ်လပ်စွာ ကြိုက်သလောက် အားရပါးရ ရေးနိုင်တာ ဘလော့ဂ်ပါပဲ။ ဒါကို ကျနော် အပြည့်အ၀ လက်ခံပါတယ်။ ငြင်းချက် မထုတ်လိုပါဘူး။

ဒါပေမယ့် ဘလော့ဂ်မှာ ပုံစံကွဲတွေ ရှိပါတယ်။ လူအများအားလုံးကို ဖတ်ခွင့်ပြုတဲ့ ဘလော့ဂ်၊ သီးသန့် ဖိတ်ကြားထားသူများကိုသာ ဖတ်ခွင့်ပြုတဲ့ ဘလော့ဂ်၊ ဘလော့ဂ် ပိုင်ရှင်က စိစစ်ပြီးမှ မှတ်ချက် တင်ပေးတဲ့ ဘလော့ဂ်၊ အမည်မဲ့များကို မှတ်ချက်ရေးခွင့် မပေးတဲ့ ဘလော့ဂ်၊ မည်သူမဆို မှတ်ချက် လွတ်လပ်စွာ ပေးခွင့်ပေးထားတဲ့ ဘလော့ဂ် စသဖြင့် ပုံစံကွဲတွေ အမျိုးမျိုး ရှိပါတယ်။ အဲဒီပုံစံကွဲတွေကို ဘလော့ဂ်ကို စတင် တီထွင်သူက လူတွေရဲ့ စိတ်ကို သိလို့ ခွဲခြားပေးထားတယ်လို့ ကျနော် မြင်ပါတယ်။

ချစ်သူခြင်းအတွက်သာ သီးသန့်လုပ်ထားတဲ့ ဘလော့ဂ် ဒါမှမဟုတ် ရင်းနှီးရာ မိတ်ဆွေတွေကိုသာ ဖတ်စေချင်တဲ့ ဘလော့ဂါတွေက သူဖတ်စေချင်တဲ့ သူ့ချစ်သူ ဒါမှ မဟုတ် မိတ်ဆွေတွေကိုသာ သီးသန့် ဖိတ်ကြားခြင်း လုပ်ထားနိုင်ပါတယ်။ အဲဒီတော့ မဖိတ်ထားတဲ့လူ လာဖတ်လို့ မရတော့ဘူးပေါ့။ ကိစ္စရှင်းပါတယ်။

အဲဒီလိုမှ မဟုတ်ဘဲ လူအများ ဖတ်နိုင်အောင် တင်ထားပြီဆိုရင်တော့ ဒါဟာ Public ဘလော့ဂ်ပါပဲ။ ကန့်သတ် ထိန်းချုပ်ထားခြင်း တစုံတရာ မရှိတဲ့ အတွက် တမင်တကာပဲ ဖြစ်ဖြစ်၊ မတော်တဆပဲဖြစ်ဖြစ် အဲဒီ ဘလော့ဂ်ကို ရောက်သွားသူ မည်သူမဆို အဲဒီ ဘလော့ဂ်ကို ဖတ်နိုင်ပါတယ်။ အဲဒီ ဘလော့ဂ်ရဲ့ အရေးအသားကိုလည်း လွတ်လပ်စွာ ကြိုက်ခွင့် မကြိုက်ခွင့် ရှိပါတယ်။

မှတ်ချက်မှာလည်း ဒီလိုပါပဲ။ ကိုယ်ခွင့်ပြုနိုင်တဲ့ အတိုင်းအတာ အထိ ဘလော့ဂါက ခွင့်ပြုလို့ရသလို ဖျက်ခွင့်လဲ ပေးထားပါတယ်။ အဲဒါတွေကတော့ ဘလော့ဂါ တယောက်ရဲ့ သူ့ဘလော့ဂ်နဲ့ ပတ်သက်တဲ့ လုပ်ပိုင်ခွင့်တွေပါ။ တင်ချင်တဲ့စာ တင်နိုင်တယ်။ ခွင့်ပြုချင်တဲ့ ကွန်မန့်ကို ခွင့်ပြုနိုင်တယ်။ ဖျက်ချင်တဲ့ ကွန်မန့်ကို ဖျက်နိုင်တယ်။

ဘလော့ဂါရဲ့ လုပ်ပိုင်ခွင့်နဲ့ အခွင့်အရေး သို့တည်းမဟုတ် လွတ်လပ်ခွင့်တွေ ပြီးရင်တော့ ဖတ်သူတွေ ဘက်က ရှိသင့်တဲ့ အခွင့်အရေးကိုလဲ တင်ပြချင်ပါတယ်။

ဘလော့ဂါတယောက်က သူ့ဘလော့ဂ်မှာ သူတင်ချင်တဲ့စာ တင်ခွင့်ရှိသလို လာဖတ်တဲ့လူကလည်း မြင်ချင်သလို မြင်ခွင့် ရှိပါတယ်။ ကောင်းတယ်ထင်ရင် ချီးကျူးမယ်၊ အမြင်မတူတာတွေ့ရင် ဝေဖန် ထောက်ပြမယ်၊ အဲဒီအမြင်တွေကို သက်ဆိုင်ရာ ဘလော့ဂ်မှာ မှတ်ချက်ရေးပြီး ထားခဲ့ချင်ထားခဲ့နိုင်သလို မိမိရဲ့ ကိုယ်ပိုင် ဘလော့ဂ်ကနေလည်း ပို့စ်တခုအနေနဲ့ ချေပ တင်ပြခွင့် ရှိပါတယ်။ ဒါဟာလည်း သူ့ရဲ့ လွတ်လပ်ခွင့်ပါပဲ။

`ငါတင်ချင်တဲ့စာ တင်မယ်၊ ဖတ်ချင်ဖတ် မဖတ်ချင်နေ၊ မကျေနပ်ရင် လာမဖတ်နဲ့´ လို့ လက်လွတ်စပယ် မပြောသင့်ပါဘူး။ သူက တင်ချင်လို့ တင်သလို ဖတ်သူကလည်း ဖတ်ချင်ဖတ်မယ်၊ မဖတ်ချင်မဖတ်ဘူး၊ ချီးကျူးချင် ချီးကျူးမယ်၊ ကဲ့ရဲ့ချင် ကဲ့ရဲ့မယ်။ နှစ်ဖက် အပြန်အလှန်ပါပဲ။ မဖတ်စေချင်ရင် အထက်က တင်ပြထားသလို Public အနေနဲ့ မတင်ဘဲ မိမိဖတ်စေချင်သူများကိုသာ ဖိတ်ကြားပြီး ပြတာ အကောင်းဆုံးပါပဲ။

ဒါဖြင့်ရင် ဆဲဆိုကြတာကရော ဆဲခွင့် ရှိသလားလို့ မေးစရာရှိပါတယ်။ ပြောကြစတမ်းဆိုရင်တော့ ဆဲလို့ရပါတယ်။ ဆဲခြင်း မဆဲခြင်းဟာ အဲဒီ ပုဂ္ဂိုလ်ရဲ့ အဆင့်အတန်းပါပဲ။

နောက်တချက် တင်ပြချင်တာကတော့ မိမိတင်လိုက်တဲ့ စာတပုဒ်အပေါ် ထားသင့်တဲ့ `တာဝန်ယူမှု´ ပါ။ ကိုယ့်ဘလော့ဂ်မှာ ကိုယ်ယုံကြည်ရာကို တင်လိုက်တယ်၊ လူအများကိုလည်း ဖတ်ခွင့်ပြုထားတယ်ဆိုရင် အဲဒီစာကနေ ဖြစ်လာတဲ့ ကောင်းခြင်း ဆိုးခြင်း အားလုံးကို တာဝန်ယူသင့်ပါတယ်။ အဲဒီလို တာဝန်မယူနိုင်ရင် အစကတည်းက မတင်ရုံပါပဲ။ ကိုယ်တင်လိုက်တဲ့ စာကို ဖတ်သူတွေဘက်က ပြန်လည်တုံ့ပြန်မှုဟာ ချီးကျူးချက်တွေ မဟုတ်ဘဲ ဝေဖန် ထောက်ပြတာတွေ ဖြစ်လာတဲ့ အခါမှ `မကျေနပ်ရင် လာမဖတ်နဲ့´ လို့ ပြန်ပြောတာဟာ တာဝန်ယူလိုစိတ် ကင်းမဲ့ခြင်း တမျိုးပါပဲ။ တနည်းအားဖြင့် `ကိုယ်နဲ့ မတူ ရန်သူ´ လို့ သတ်မှတ်လိုက်ခြင်း တမျိုးပါပဲ။

စာဖတ်သူတွေဆီက ချီးကျူးမှုတွေကိုပဲ မျှော်လင့်ထားလို့ မဖြစ်နိုင်ပါဘူး။ မတူညီတဲ့ အမြင်တွေကြားမှာ ကွဲလွဲချက်တွေကတော့ ရှိနေမှာပါပဲ။ အဲဒီ ကွဲလွဲချက်တွေကို အခြေခံပြီးတော့ ဘလော့ဂါတွေဟာ ကိုယ်နဲ့ စိတ်တူ၊ အမြင်တူရာအလိုက် အပြန်အလှန် အမြင်ဖလှယ်ကြပါတယ်။ တခါတလေလည်း ငြင်းခုန်ကြပါတယ်။ အဲဒီလိုနဲ့ပဲ တူရာစုကြတဲ့ ဘလော့ဂါ အစုလေးတွေ ဖြစ်တတ်ပါတယ်။ ဒါဟာ မထူးဆန်းတဲ့ သဘာဝ တခုပါ။ ကျနော်တို့ မြန်မာတွေကမှ ကွဲလွဲကြတာ မဟုတ်ပါဘူး။ ကမ္ဘာပေါ်က ဘယ်လူမျိုးမဆို ဖြစ်လေ့ဖြစ်ထ ရှိတဲ့ အရာတခုလို့ မြင်ပါတယ်။

အခု ကျနော် တင်ပြခဲ့တဲ့ အချက်အလက်တွေကိုလည်း အမြင်တွေ တူချင်မှ တူနိုင်ပါမယ်။ ဒါပေမယ့် ကျနော့်ဘလော့ဂ်မှာကတော့ ကျနော့်အရေးအသား၊ ကျနော့်တင်ပြချက်တွေကို လာဖတ်သူတိုင်း ကြိုက်သလို ဝေဖန်နိုင်ပါတယ်။ ထောက်ပြနိုင်ပါတယ်။ ပြန်လည်ဆွေးနွေးသင့်တာတွေကို ကျနော်ပြန်လည် ဆွေးနွေးပြီး ပြန်လည် ဆွေးနွေးဖို့ မလိုအပ်တဲ့ ရိုင်းပျမှုတွေကိုတော့ လစ်လျူရှုပါမယ်။ အားလုံးကို ကျေးဇူးတင်ပါတယ်။

ကလိုစေးထူး

မရယ်ရသော ပြက်လုံး…

ကျနော်က မြန်မာဇာတ်ကားတွေကို နှစ်သက်လေ့ရှိပါတယ်။ မြန်မာကား ကြိုက်တဲ့အကြောင်းကို ပို့စ်တခုတောင် ရေးခဲ့ဖူးပါတယ်။ များသောအားဖြင့် ဇာတ်သိမ်းခန်းကို ကြိုသိနှင့်နေလဲ နားလည်ပေးစွာနဲ့ မြန်မာကားကိုသာ များသောအားဖြင့် အကြည့်များခဲ့ပါတယ်။ သို့သော်….။

***

မနေ့က ညနေစာစားပြီးတော့ တီဗွီရှေ့မှာ ခဏထိုင်ရင်းနဲ့ သူငယ်ချင်းတယောက်ဆီက ယူလာတဲ့ မြန်မာကားတခွေကို စက်ထဲ ထည့်ကြည့်မိပါတယ်။ ကားနာမည်က `အမုန်းကြွေး´ ပါ။ သူထူးစံ၊ ကြည်လဲ့လဲ့ဦး၊ ချိုပြုံးတို့ သရုပ်ဆောင်ထားတာပါ။

မိဘမေတ္တာကို သရုပ်ဖော်ထားတဲ့ အဲဒီကားက ဇာတ်လမ်း၊ ဇာတ်ကွက်အရ ဘာမှ မထူးခြားပါဘူး။ အမေအသက်ရှင်စဉ်က အမေ့စကားနားမထောင်တဲ့ သားဆိုးတယောက် အမေမရှိတော့မှ ဒုက္ခပေါင်းစုံ တွေ့ရတာကို မြန်မာကားပေါင်းများစွာရဲ့ ပုံသေနည်းအတိုင်း ရိုက်ပြထားတာပါပဲ။

ထူးခြားတာက အဲဒီဇာတ်လမ်းမလာမီက ကြော်ငြာပါ။ အဆိုတော်၊ သရုပ်ဆောင် ဇော်ဝမ်း ဦးစီးပြီး ခွန်းဆင့်နေခြည်က ခေါင်းဆောင် မင်းသမီးလုပ်တဲ့ `တို့သင်္ကြန်အငြိမ့်၊ 2007´ ကြော်ငြာက လူရွှင်တော်တွေရဲ့ ပြက်လုံး တချို့ကို အမြည်းသဘောတင်ဆက်ထားတာပါ။ လူရွှင်တော်တွေက ကောင်းကျော်၊ ထက်ထက်၊ ရှဲဒိုး တို့ အဖွဲ့ပါ။ သူတို့ရဲ့ ပြက်လုံး သီချင်းကို အောက်မှာ ရှုပါ။

(ဇော်ဝမ်း) `ဒေါ်လာတွေ လိုချင်တုန်း ~~~ သွားကြ သွားကြ ~~~ မြန်မာပြည် အလုပ်မရှား ~~~ ပြည်ပ သွားကြ ~~~ တို့ပြည်တွင်းမှာ စတိုင်လ်တွေထွား ~~~ နိုင်ငံခြားမှာ အလုပ်ကြမ်းသမား ~~~ စားပွဲထိုးနေတာ အောက်တန်းကျ ~~~ လူတကာ အနှိမ်ခံ လုပ်စားရ ~~~ မရှက်ဘူးလား မရှက်ဘူးလား ~~~ ရှိုးဂျော့သမား ဘ၀ ~~~ ချွေးဒီးဒီးကျ ပြေးရလွှားရ ~~~ ဒုက္ခ၊ သူ့ဘ၀ ဂုဏ်ငယ်လှ ~~~´

(ကောင်းထက်) `ဒေါ်လာ ဒေါ်လာ တဒေါ်လာတဲ့~~~ အော်ကာ မျှော်ကာ မက်နေကြတဲ့ ~~~ လူတွေအကြောင်း ပြောပြမယ်~~~ (ပြောပြစမ်းပါကွယ်) ~~~ ငါတို့ မြန်မာပြည်တွင်း တလွှား ~~~ အလုပ်အကိုင်တွေ များမှများ~~~ ပြည်တွင်း အလုပ်ကို အလုပ်မထင် ~~~ ရှိုးဂျော့သွားဖို့ပြင် ~~~ အရင်ပေးရမည် သိန်းဆယ်ချီ ~~~ ကြံဖန်ပေးကြသည် ~~~ ဟိုကိုရောက်တော့ အလုပ်ကြမ်းလုပ်ရ အောက်ကျ နောက်ကျ အနှိမ်ခံဘ၀~~~

***

မြန်မာ ဇာတ်ကားတော်တော်များများကို ကြည့်လိုက်ရင် နိုင်ငံခြားပြန် ဇာတ်ကောင်နေရာက အဓိက ဇာတ်ဆောင်မင်းသားဆိုရင်တော့ တော်ပါသေးရဲ့၊ ဇာတ်ပို့ဇာတ်ရံ ဟာသသရုပ်ဆောင် တယောက်ယောက်ကို နိုင်ငံခြားပြန် အဖြစ် သရုပ်ဆောင်စေပြီ ဆိုရင် အဲဒီနိုင်ငံခြားပြန်က အင်္ဂလိပ်စကားကို မပီမသ ကိုးယို့ကားယား ပြောပြလား ပြရဲ့၊ အ၀တ်အစားကိုးယို့ကားယား ၀တ်ပြလား ပြရဲ့ တွေ့ရလေ့ရှိပါတယ်။

ကျနော် စဉ်းစားကြည့်ပါတယ်။ အထက်က လူရွှင်တော်တွေ ပြက်လုံးထုတ်သလို နိုင်ငံခြားကို အလုပ်ထွက်လုပ်သူ မြန်မာတိုင်းဟာ ဒေါ်လာမက်လို့ပါလား။ သူတို့ပြောတဲ့ ရှိုးဂျော့ဆိုသူတိုင်းဟာ ပြည်တွင်းက အလုပ်ကို အလုပ်လို့ မထင်သူများပါလား။

ကျောင်းသာ ပြီးသွားတယ်၊ ဘယ်မှာမှ အလုပ်လျှောက်လို့ မရလို့ ဒီအတိုင်း ထိုင်နေရတဲ့ ဘွဲ့ရ အလုပ်လက်မဲ့တွေ၊ ဆိုက်ကားနင်းနေရတဲ့ ဘွဲ့ရတွေ၊ ပန်းရံလုပ်နေရတဲ့ ဘွဲ့ရတွေ၊ အဲဒီလူတွေ စတိုင်လ်ထွားနိုင်ဖို့အတွက် သူတို့သင်ထားတဲ့ ပညာနဲ့တန်တဲ့၊ တနည်းအားဖြင့် သူတို့နဲ့ ထိုက်တန်တဲ့ လစာငွေပေးနိုင်လောက်တဲ့ အလုပ်တွေ မြန်မာပြည်မှာ တကယ်ပဲ ပေါများပါရဲ့လား။

တကယ်တော့ နိုင်ငံခြားကို ထွက်လာကြတဲ့ မြန်မာလူငယ်တိုင်း ဘယ်သူကမှ ကိုယ့်အိုးကိုယ့်အိမ်၊ ကိုယ့်မိသားစု၊ ကိုယ့်တိုင်းပြည်ကို နေရင်းထိုင်ရင်းနဲ့ စွန့်ခွာချင်ကြမယ်လို့ ကျနော်မထင်ပါဘူး။ သူဌေးသူကြွယ်မဖြစ်နိုင်ရင်တောင် တော်ရုံတန်ရုံ တင့်တောင်းတင့်တယ်နဲ့ နေနိုင်စားနိုင်မယ့် အနေအထားမျိုး ရှိနိုင်တဲ့ အလုပ်ကလေးသာ ရှိနေရင် ဘယ်သူ့ဘယ်သူကမှ သူများနိုင်ငံမှာ တကူးတကနဲ့ မျက်နှာလာအငယ်ခံကြမှာ မဟုတ်ပါဘူး။

နိုင်ငံခြားကို ထွက်လာကြသူ သူတို့အခေါ် ရှိုးဂျော့သမားတိုင်းလဲ အလုပ်ကြမ်းချည်း လုပ်နေရတာ မဟုတ်ပါဘူး။ သင်ထားတဲ့ ပညာနဲ့ သက်တောင့်သက်သာလုပ်လို့ လစာကောင်းကောင်း ရနေကြတဲ့ ပြည်ပရောက် မြန်မာတွေ အများကြီးပါ။ အခုတော့ နိုင်ငံခြားထွက် အလုပ်လုပ်တာနဲ့ပဲ နေရင်းထိုင်ရင်းနဲ့ အောက်ကျနေသယောင်ယောင်…။

အောက်ခြေသိမ်း အလုပ်လုပ်ပြီး နိုင်ငံခြားမှာ ငွေရှာနေရတဲ့ မြန်မာတွေဟာလဲ ကိုယ့်တိုင်းပြည်က အလုပ်ကို အထင်မကြီးလို့ အဲဒီလို မျက်နှာငယ်ခံ လုပ်နေကြတယ်လို့ ကျနော်မထင်ပါဘူး။ အခြေအနေက မတတ်သာလွန်းလို့သာ သူများနိုင်ငံမှာ ကာလတခုတာဖြစ်ဖြစ်ဆိုပြီး မျက်နှာ လာအငယ်ခံနေရတာပါ။ သူများတိုင်းပြည် ဘယ်လောက်ပဲ တိုးတက်နေပါစေ၊ အချိန်တန်ရင် လူတိုင်း ကိုယ့်တိုင်းပြည်ပဲ ကိုယ်ပြန်ချင်ကြသူချည်းပါပဲ။

အခုတော့ ထစ်ခနဲရှိ ဒါတွေပဲ ပြက်၊ အင်မတန် စိတ်ပျက်စရာ ကောင်းလှပါတယ်။ ဆင်ဆာတွေ ရှိနေလို့ အကန့်အသတ်နဲ့ ပြက်ရတာကို နားလည်ပေမယ့် တကယ့်အခြေအနေမှန်ကို မျက်ကွယ်ပြုထားတော့ သူတို့ပြက်လုံးတွေက မရယ်ရတဲ့ အပြင် စိတ်ညစ်ညူးစရာတောင် ကောင်းလှပါတယ်။

တခါတခါကျတော့လဲ ကျနော်ကပဲ အတွေးချော်သလားမသိ…။ အဲဒီလို တကယ့်အခြေအနေမှန်ကို မျက်ကွယ်ပြုပြီး မရယ်ရတဲ့ ပြက်လုံးတွေ ထုတ်တဲ့ လူရွှင်တော်တွေက ပိုလို့တောင် အောင်မြင်နေသလားပါပဲ။ ဟိုပြဇာတ်ပြကွက်ထဲကလို `အကျအဆုံးတွေ များနေတယ်၊ ဖားတက်တက်၊ ဖားတက်တက်´ ဆိုတဲ့ ပုံစံကိုများ ကျင့်သုံးနေသလားတော့ မဆိုနိုင်။ သို့သော်…။

သို့သော်ပေါ့ဗျာ…။

ကလိုစေးထူး

သတင်းစာထဲမှာ…

သတင်းစာ တရက်မဖတ်တာဟာ တခေတ်နောက်ကျတာနဲ့ တူပါသတဲ့။

အဲဒီလို ဖတ်မှတ်ခဲ့ရဖူးတော့ သတင်းစာ အစုံစုံကို လိုက်ဖတ်ရင်းနဲ့ ဧပြီလ (၁၁)ရက်နေ့ထုတ် ကြေးမုံ သတင်းစာကို ဖတ်မိတော့ အဲဒီပုံလေးကို ခေါင်းစီးမှာ တွေ့လိုက်ရပါတယ်။

ပုံ အညွန်းစာမှာတော့ ` ကာကွယ်ရေး ၀န်ကြီးဌာနမှ ဒုတိယဗိုလ်ချုပ်ကြီး မြင့်ဆွေ မရမ်းကုန်း မြို့နယ်ရှိ ကိုယ်တိုင်ထုတ်လုပ်သူများ၏ အခွန်လွတ်ဈေးတွင် ခင်းကျင်းရောင်းချနေမှုများကို ကြည့်ရှုစစ်ဆေးစဉ်´ လို့ ဖော်ပြထားတာကို တွေ့ရပါတယ်။

အဲဒီသတင်းမှာ ကျနော် စိတ်ဝင်စားမိတဲ့ အသုံးအနှုံးတခုကတော့`ကိုယ်တိုင် ထုတ်လုပ်သူများ၏´ ဆိုတဲ့ စကားလုံးပါ။ ဒါဖြင့် ပုံမှာပါတဲ့ သူတို့ရဲ့ အစစ်ဆေးကို ခံနေရသူတွေဟာ ဆန်ကို ကိုယ်တိုင် ထုတ်လုပ်သူများလို့ ပြောချင်တာများလား။ ဆန်ကို ကိုယ်တိုင် ထုတ်လုပ်တဲ့လူတွေဆိုရင်တော့ လယ်သမားတွေများလားမသိ။ ဒါဖြင့် လယ်သမားတွေက မရမ်းကုန်းမှာ ကိုယ်တိုင်လာရောင်းတာလား၊ ဒါမှမဟုတ် မရမ်းကုန်းက ပြည်သူတွေက လယ်ကို ကိုယ်တိုင် စိုက်ပျိုး၊ ရိတ်သိမ်း၊ ခြွေလှေ့ ထုတ်လုပ်ရောင်းတာလား။ တမျိုးတော့ တမျိုးကြီးပါပဲ။

အခွန်လွတ်တယ် ဆိုတာကရော ဘယ်လိုလွတ်တာများပါလိမ့် လို့ တွေးမိပါသေးတယ်။ ဈေးကောက်တွေ ဘာတွေ မကောက်တာလား၊ ဒါမှမဟုတ် ဆိုင်ခန်းကြေး၊ နေရာကြေးတွေ မကောက်တာလား။ အခွန်လွတ်ဈေးနဲ့ အခွန်မလွတ်ဈေးရဲ့ ကုန်ဈေးနှုန်းကွာဟမှုကရော ဘယ်လိုများပါလိမ့်။ အခွန်လွတ်ဈေးမှာ ဈေးဝယ်ရင် ပြည်သူတွေအတွက် ဈေးသက်သာတယ်ဆိုရင်ဖြင့် အုပ်ချုပ်သူတွေအနေနဲ့ မြန်မာပြည်မှာ ရှိရှိသမျှ ဈေးတွေကို အခွန်လွတ်လို့ရော မရပေဘူးလား။ လွတ်မယ့်လွတ်တော့ အကုန်လွတ်ပေါ့။

ပုံကို သေသေချာချာ ကြည့်မိတော့ ဆိုင်ပေါ်က မျက်နှာထားမသာမယာနဲ့ လုလင်၊ စိုးရိမ်မကင်းတဲ့ မျက်နှာထားနဲ့ ဆိုင်ရှင် ဖြစ်ဟန်တူသူ အမျိုးသမီး၊ သူတို့ရှေ့မှာတော့ ဈေးဝယ် မဟုတ်၊ ဈေးသည်လဲ မဟုတ်တဲ့ တံဆိပ်ပေါင်းစုံ ရင်ဘတ်မှာ ချိတ်ဆွဲထားတဲ့ ဒုတိယဗိုလ်ချုပ်ကြီးဆိုသူက ကိုယ်ယောင်ကိုယ်ဝါ တောက်တောက်ပြောင်ပြောင်နဲ့ အခန့်သား ရပ်လို့။ စတိုင်လ်ကလဲ ထွားပါပေ့။ ရှုးဖိနပ်က ပြောင်ပြောင်၊ လက်ကိုနောက်ပစ်လို့ ပြုံးစစပြီတီတီ မျက်နှာထားက မင်းသားကြီး ကျော်ဆွေလိုလို၊ ညွှန့်ဝင်းလိုလို။

အနှီပုဂ္ဂိုလ်ရဲ့ ဘေးဘီကို ကြည့်မိပြန်တော့ ညာဘက် ကပ်ရက်မှာက အဆီယစ်နေတဲ့ ဖားခုန်ညင်းကြီးတကောင်ရဲ့ စပ်ဖြီးဖြီးမျက်နှာထား၊ ပုဆိုးမညီမညာဝတ်ထားတဲ့ စားဖားပေါက်စ ကြံ့ဖွတ်တချို့၊ စည်ပင်သာယာမှ ဖြစ်ဟန်တူသူ လူတယောက် စသဖြင့် ပုံရိပ်တွေက စည်းချက်မညီတဲ့ ကကွက်တခုလို မျက်စိထဲကို ကိုးလိုးကန့်လန့် ၀င်ရောက်လာပါတယ်။

သူတို့တတွေရဲ့ အနောက်ဘက်ကို လှမ်းမျှော်ကြည့်မိပြန်တော့ ပုံရဲ့ ညာဘက်ထောင့်မှာ နယ်မြေခံဖြစ်ဟန်တူသူ ပြည်သူများ၊ ဈေးဝယ်ဖို့ စောင့်နေကြတာများလားမသိ၊ လာစစ်ဆေးတဲ့ အချိန်က မနက်ပိုင်းဆိုတော့ ဈေးရောင်း၊ ဈေးဝယ်အများဆုံး လုပ်ကြတဲ့ အချိန်ပေါ့။ အဓိကအားဖြင့်တော့ စားကုန်တွေကို လာဝယ်သူ များကြမှာ အသေအချာနေမှာ။ လူကြီးဆိုသူတွေ လာစစ်တာပြီးမှ ဈေးဝယ်ရမှာမို့ နေ့လည်စာ ချက်ပြုတ်ဖို့ နောက်ကျရော့ထင့်။

သူတို့ရဲ့ အပေါ်နားခပ်ကျကျ လမ်းတခုပေါ်မှာတော့ ကားအကောင်းစား တစီးနဲ့ အဲဒီကားနားမှာ ရပ်နေကြတဲ့ လူတစု၊ ဟိုပုဂ္ဂိုလ်ကြီးရဲ့ နောက်တော်ပါးတွေ ထင်ရဲ့။ ကားကိုကြည့်ရတာ တမြန်နှစ်များဆီက မြန်မာတပြည်လုံးမှာ သိမ်းယူခဲ့တဲ့ လိုင်စင်မဲ့ ကားတွေထဲက တစီးများ ဖြစ်နေလေမလား၊ ဒါမှမဟုတ် တယောက်ယောက်က ဆက်သထားတာများလား။ ပုဂ္ဂိုလ်ကြီးရဲ့ ကိုယ်ပိုင် လစာငွေနဲ့ ၀ယ်ထားတာများလား၊ ကိုယ်ပိုင်လစာငွေနဲ့ ဆိုရင်တော့ တော်တော်ခြိုးခြံရရှာမှာပဲ။ ဒါနဲ့ ဒုတိယ ဗိုလ်ချုပ်ကြီးရဲ့ လစာက ဘယ်လောက်ပါလိမ့်။

ပုံကိုကြည့်ရတာ စိတ်မသက်မသာ ဖြစ်လာတာနဲ့ အောက်ကိုဆွဲချ ရွှေ့လိုက်တော့ `ပြည်သူ့ သဘောထား´ ဆိုတဲ့ စာတန်းက ဘွားကနဲ ပေါ်လာပါတယ်။ ဘာတဲ့..။

`နိုင်ငံတော် တည်ငြိမ်အေးချမ်းရေးနှင့် တိုးတက်ရေးကို နှောက်ယှက်ဖျက်ဆီးသူများအား ဆန့်ကျင်ကြ´ တဲ့။

ဒါ..ဟုတ်တာပေါ့၊ ဆန့်ကျင်ရမှာပေါ့။ အဲဒါနဲ့ အပေါ်က ပုံကို တခါထပ်ကြည့်မိပြန်တော့ အိုက်တင်အပြည့်နဲ့ ဟိုပုဂ္ဂိုလ်က ပေါ်လာပြန်ရဲ့။

ကလိုစေးထူး

အမြင်မရိုင်း.... ဆင်တိုင်း တင့်စေ.....

လွန်ခဲ့တဲ့ နှစ်အနည်းငယ်က ထင်ပါတယ်။ မဂ္ဂဇင်းစာအုပ် တခုထဲက ကာတွန်းတခုကို တော်တော်ကြီး သဘောကျသွားခဲ့ဖူးပါတယ်။ အဲဒီကာတွန်းက လေးကွက်၊ တမျက်နှာ ကာတွန်းပါ။ ပထမတကွက်မှာ မင်းညီမင်းသား ၀တ်စုံနဲ့ လူကြီးတယောက်က ယောင်ထုံး၊ တောင်ရှည်ပုဆိုး၊ တိုက်ပုံနဲ့ လူကြီးကို လက်ညှိးငေါက်ငေါက် ထိုးလို့ `သရုပ်ပျက်´ လို့ ပြောပါတယ်။ ဒုတိယ တကွက်မှာကတော့ ပထမတကွက်မှာ အပြောခံရတဲ့ လူကြီးက ဘိုကေဆံပင်ကို ပြောင်နေအောင် ဖီးလို့ ဖလေဇာကုတ်ဝတ် ရှူးဖိနပ်စီးထားတဲ့ လူကို စောစောကလို `သရုပ်ပျက်´ လို့ လက်ညှိးကြီး ထိုးလို့ ပြောပြန်ပါတယ်။ တတိယ အကွက်မှာတော့ ဘိုကေနဲ့ လူက ဆံပင်ဂုတ်ထောက်၊ ခေါင်းလောင်း ဘောင်းဘီ ၀တ်ထားတဲ့ လူငယ်ကို `သရုပ်ပျက်´ လို့ လက်ညှိုး ထိုးလို့ ပြောပြန်ပါတယ်။ စတုတ္ထအကွက်မှာတော့ ခေါင်းလောင်းဘောင်းဘီဝတ် လူငယ်က ဟိုလူကြီးသုံးယောက်ကို ကျောခိုင်းထားပြီး သူက `သရုပ်ပျက်´ လို့ ပြောရမယ့် နောက်လူကို မျှော်နေတဲ့ပုံကို ရေးဆွဲထားပါတယ်။ အဲဒီကာတွန်းလေးဟာ ပြောင်းလဲသွားတဲ့ `ခေတ်ရဲ့ ရေစီးကြောင်းနဲ့ ၀တ်စားဆင်ယင်မှု´ ကို ရိုးရှင်းစွာ ဖော်ပြနေတယ်လို့ ခံစားမိလိုက်ရပါတယ်။ တလောတုန်းက စာအုပ်ပုံကို မွှေနှောက်လို့ အဟောင်းအမြင်းလေးတွေ လှန်လှောဖတ်ရှုမိတော့ ၁၉၉၉ခုနှစ်ထုတ် သင့်ဘ၀မဂ္ဂဇင်း၊ အမှတ်စဉ်(၁၀)မှာ ဆရာမ `ဂျူး´ ရေးသားခဲ့တဲ့ `မတော်တရော်´ ဆိုတဲ့ ဆောင်းပါးကို ဖတ်ရှုမိပါတယ်။ အဲဒီ ဆောင်းပါးရဲ့ အဓိက ပြောချင်တဲ့ အချက်ကတော့ မြန်မာပြက္ခဒိန်များက မြန်မာ မင်းသမီးလေးတွေရဲ့ ရင်အသားပေး၊ တင်အသားပေး မတော်တရော် ဟန်ပန်အနေအထားကို ထောက်ပြ ရေးသားထားတာပါ။ နောက်ပြီးတော့ မြန်မာမိန်းကလေးတွေရဲ့ ပြောင်းလဲလာတဲ့ ၀တ်စားဆင်ယင်မှုကို ရေးထားပါတယ်။ (နောက်များမှာ အဲဒီ ဆောင်းပါးကို စာရိုက်ပြီး တင်ပေးပါဦးမယ်)။ မနေ့ကတော့ ပျက်နေတာ ကြာလှပြီ ဖြစ်တဲ့ မြန်မာပြည်က နာမည်ကြီး ၀က်ဘ်ဆိုက်တခုရဲ့ ဖိုရမ်ကို သွားဖတ်ဖြစ်ပါတယ်။ အဲဒီဖိုရမ်ထဲမှာ ယနေ့ခေတ်မြန်မာ ရုပ်ရှင်မင်းသမီးတချို့ရဲ့ ၀တ်စားဆင်ယင်မှုကို ဘ၀င်မကျတဲ့ တယောက်က အဲဒီလိုပုံတွေ မတင်သင့်ကြောင့် အစပြုရေးသားရာကနေ အပြန်အလှန် ဆွေးနွေးကြ၊ ငြင်းခုန်ကြတာကို ဖတ်လိုက်ရပါတယ်။ တကယ်တော့ ခေတ်ကြီးက ရေစီးတခုလိုပဲ စီးဆင်းနေပါတယ်။ အဲဒီ ရေစီးထဲမှာ လူတွေက လိုက်ပါစီးမျောရင်းနဲ့ ခေတ်နဲ့ အညီ နေထိုင်သွားကြရင်း လူ့ဘောင် ပတ်ဝန်းကျင်မှာ မွေ့လျော်ရပါတယ်။ မိမိလက်ရှိနေထိုင်တဲ့ ခေတ်နဲ့ အသားကျစွာ နေထိုင်နိုင်လေလေ လူ့ပတ်ဝန်းကျင်နဲ့ လိုက်လျောညီထွေ ဖြစ်လေလေပါ။ သို့သော်..၊ အ၀တ်အစား ၀တ်ဆင်ရာမှာ လျှပ်ပေါ်လော်လီခြင်းနဲ့ ခေတ်နဲ့ လိုက်လျောညီထွေစွာ ၀တ်စားဆင်ယင်ခြင်းကတော့ အကွာကြီးကွာလှပါတယ်။ လူမြင်ကွင်းမှာ မမြင်အပ်၊ မပြအပ်တဲ့ ခန္ဓာကိုယ် အစိတ်အပိုင်းတွေကို မလုံ့တလုံ၊ မပေါ့်တပေါ် ၀တ်ဆင်ခြင်းဟာ လော်လီသော ၀တ်စားမှုသာ ဖြစ်ပါတယ်။ ဒါဟာ ခေတ်နဲ့ လိုက်လျောညီထွေမှု မဟုတ်ပါ။ ခေတ်ကို အကြောင်းပြချက်ပေးသော `လျှပ်ပေါ်လော်လီမှု´ သက်သက်သာလျှင် ဖြစ်ပါတယ်။ ကဲ..ဒါဖြင့်..။ ကျနော်တို့ မြန်မာ လုံမတွေ ရှေးရှေးတုန်းကလို ထိုင်မသိမ်း အကျီင်္တွေဝတ်၊ ဆံမြိတ်ကြီးတွေ အစီအရီချလို့ လမ်းသွားရင်လဲ ဆင်မယဉ်သာလေး လှမ်း..။ အင်း… ဒီလိုဆိုတော့လဲ မဖြစ်လှသေးပါ။ ကျနော့်ရှေ့မှာ မြန်မာမိန်းမပျိုတယောက် ဘောင်းဘီရှည်လေးနဲ့၊ အကျီင်္ကလဲ အခုခေတ်ပေါ်ပင်ပေါ့၊ လှတပတလေး ၀တ်ထားတာကို တွေ့ရင် `အော်.. တယ်ခေတ်မီပြီး ချောပါ့၊ လှပါ့´ လို့ စိတ်ထဲက ချီးကျူးထောပနာပြုရင်း ကြည့်မိပါမယ်။ အဲ.. မလုံ့တလုံ ဆိုရင်ရော.. ?။ ဟုတ်ကဲ့… ကြည့်တာကတော့ ကြည့်မိမှာပါပဲ။ ဒါပေမဲ့ ကြည့်ပုံခြင်းရဲ့ အဓိပ္ပာယ်တွေ၊ တန်ဖိုးထားမှုတွေကတော့ ကွာသွားပါလိမ့်မယ်။ မိုးသူအောင်က ရေကူးဝတ်စုံလေး ၀တ်တယ်။ ဒါပေမယ့် ဒါဟာ လိုအပ်ချက်အရပါ။ သူရေကူးပြိုင်တော့ ရေကူးဝတ်စုံဝတ်ပါလိမ့်မယ်။ ဒါဆို.. ပြက္ခဒိန်တခုခုမှာ ရေကူးဝတ်စုံနဲ့ မိုးသူအောင်က ရေထဲကို ပေါင်တံလေး အစင်းသားနဲ့ ဒိုင်ဗင်ပစ်တဲ့ ပုံလေး ဖော်ပြထားရင်ရော..??။ ဒါလည်း ပြဿနာ မရှိလှသေးပါ။ သူက ရေကူးမယ်ကိုး။ ဒါပေမယ့် ရုပ်ရှင်မင်းသမီးတယောက်က အ၀တ်အစား မလုံ့တလုံနဲ့ ကိုယ်နေဟန်ထား ကော့ကော်ကံကားပုံ ရိုက်လို့ ပုရိသများကို တမျိုးတမည်သော ဆွဲဆောင်မှု ရှိစေတဲ့ ပြက္ခဒိန်ထုတ်ရင်တော့ ဒါဟာ လော်လီလျှပ်ပေါ်သော ၀တ်စားဆင်ယင်မှုသာလျှင် ဖြစ်ပါလိ့မ်မယ်။ ခေတ်မီခြင်း နဲ့ လားလားမှ မဆိုင်ပါ။ ရုပ်ရှင်မင်းသမီးဆိုတာက လူသိများလှတာမို့ ပိုလို့တောင် ဆင်ခြင်သင့်လှပါတယ်။ တကယ်တော့ ၀တ်စားဆင်ယင်ပုံနဲ့ ပတ်သက်လို့ ငြင်းခုန်ကြတာတွေကို တွေ့ဖူးတာ မနည်းတော့ပါဘူး။ အကောင်းဆုံးကတော့ ခေတ်ဆိုတာကိုလည်း မေ့မထားသင့်သလို `အရှက်အကြောက် ဟီရိသြတ္တပ´ တရားဆိုတာကိုလည်း ထိန်းသိမ်းသင့်လှပါတယ်။ ရင်ဖုံးအကျီင်္လေးနဲ့ မြန်မာမလေးက ချစ်စရာကောင်းသလို ဂျင်းပင်နဲ့ စပို့ရှပ်ဝတ် မြန်မာမလေးသည်လည်း ခေတ်မီမီလှပါလိမ့်မယ်။ ဒါပေမယ် မလုံ့တလုံ ၀တ်ခြင်းဟာတော့ ခေတ်မီခြင်း လုံးဝ မဟုတ်ပါ။ မြန်မာမလေးများ ခေတ်နဲ့ အညီ၊ အမြင်မရိုင်း ဆင်တိုင်း တင့်နိုင်ပါစေလို့ ....။ ကလိုစေးထူး