အိုဘယ့်.... သင်္ကြန်....

သင်္ကြန်ခါတော်ပေ… ရက်မြတ်မှာလေ.. လှပျိုဖော်တသင်းနဲ့ တေးသံသာသာ ရင့်ကျူးနေ… ဆီးလို့သာလေ… ပက်ဖျန်းမယ် သင်္ကြန်ရေ.. အေးအေးချမ်း လန်းဆန်းကြစေ… မိတ်အပေါင်း ကျန်းမာကြောင်းပေ… ဟောင်းခြွေနှစ်သစ်ပေ… သင်္ကြန်ရောက်လုပါပြီ။ ပူပြင်းတဲ့ မြန်မာ့ တန်ခူးလခါရာသီမှာ ဒီအချိန်ဆိုရင်ဖြင့် သင်္ကြန်ရနံ့လေးတွေ သင်းပျံ့နေမှာ ယုံမှားဖွယ် မရှိပါဘူး။ နွေရဲ့ သရုပ်ကြောင့် ဖုန်အလိမ်းလိမ်းထနေတဲ့ မြေပြင်ကို သင်္ကြန်မိုးတပြိုက်လောက် ရွာလိုက်ရင်ဖြင့် ပိတောက်ဝါ၀ါတွေက ပွင့်ဖူးဖို့ အားယူကြပါတော့မယ်။ တချို့သော နှစ်တွေမှာတော့ ပိတောက်ပန်းတွေက သင်္ကြန်သာပြီးသွားတယ်၊ ဘာကို အလိုမကျတယ်မသိ၊ စိမ်းကားလွန်းလှစွာနဲ့ နှုတ်ဆိတ်လို့ တိတ်တိတ်နေပါတယ်။ ဒီနှစ်မှာတော့ သင်္ကြန် မရောက်နှင့်မီကပင် အားရပါးရကြီး ပွင့်လန်းလို့ သင်္ကြန်အလာကို ရွှင်လန်းမြူးထူးစွာ ကြိုနှင့်ခဲ့ပါပကော။ သင်္ကြန်ချိန်ခါ ရောက်လုနီးလာတော့ စိတ်တွေက ခွေယိုင်လုလုနဲ့ ဝေးနေဆဲ မြန်ရွှေပြည်မှာ ပျော်ခဲ့ရဖူးတဲ့ သင်္ကြန်ပွဲတွေကို တမ်းတမှန်းဆမိပါတယ်။ ပျော်ခဲ့ရတဲ့ သင်္ကြန်တွေက မြို့ပြ၊ ကျေးလက် စုံလင်သလို ပြည်ပရောက်လာတော့လည်း ပြည်ပသင်္ကြန်ပေါ့။ မြို့ပြသင်္ကြန် သင်္ကြန်မှာ ရေပက်ရကောင်းမှန်း သိတတ်စ အရွယ်မှာတုန်းကတော့ ကျနော်ဟာ ရန်ကုန်မြို့ကို ရောက်နှင့်နေခဲ့ပါပြီ။ သင်္ကြန်ရောက်ခါနီးရင် ဖေဖေမေမေဆီမှာ ရေပြွတ် ၀ယ်ပေးဖို့ပူဆာ၊ သင်္ကြန်အကြိုနေ့ ရောက်ပြီဆိုတာနဲ့ အိမ်ရှေ့မှာ ရေပုံးတလုံးချ၊ လာသမျှလူ ပျိုပျိုအိုအို၊ ကိုကိုမမ အားလုံးကို ရေပြွတ်နဲ့ လိုက်ထိုးပါတယ်။ အဲဒီအရွယ်မှာ သိခဲ့တာကတော့ သင်္ကြန်ဆိုတာဟာ ရေပက်ဖို့သာ..။ အသက် ဆယ်နှစ်ဝန်းကျင်လောက် ရောက်လာတော့ သင်္ကြန်မှာ ရေပက်ဖို့ဆိုတာအပြင် `သင်္ကြန်သံချပ်´ ဆိုတာကိုပါ နားထောင်တတ်လာပါတယ်။ ကျနော်နေထိုင်ခဲ့တဲ့ တောင်ဥက္ကလာပမြို့မှာ မှတ်မိသလောက်ကတော့ ပဒေသာ ရုပ်ရှင်ရုံအနီးနဲ့ ဝေဇယန္တာလမ်းနဲ့ သုတလမ်းဆုံ အနီးမှာ သင်္ကြန်အလှပြယာဉ် ပြိုင်ပွဲကျင်းပရာ မဏ္ဍပ်ကြီးတွေမှာ သံချပ်တွေ နားထောင်ရပါတယ်။ နေ့လည်ဖက်ကျတော့ ရေကစား၊ ညဖက်ရောက်ရင်တော့ သုတလမ်းထိပ်က မဏ္ဍပ်မှာ သံချပ် သွားနားထောင်ပါတယ်။ ဆုတွေကလည်း စုံလှပါတယ်။ စွယ်စုံဆု၊ အလှပြယာဉ်ဆု၊ သံချပ်ဆု စသည်စသည်ပေါ့။ စွယ်စုံဆုကတော့ ဆုကြေးအများဆုံးပါ။ အလှပြယာဉ်တွေကလည်း မြို့နယ် အစုံစုံမှာ လိုက်ပြိုင်ပါတယ်။ ကျနော်တော်တော်လေး ကြိုက်နှစ်သက်ခဲ့ရတဲ့ သင်္ကြန်အလှပြယာဉ် အဖွဲ့ နှစ်ခု ရှိခဲ့ပါတယ်။ စမ်းချောင်းမြို့နယ်က လာပြိုင်တဲ့ `လောကနတ်´ ယာဉ်နဲ့ သံချပ်ထိုးရာမှာ ထိထိမိမိရှိလှပြီး အမှတ်ပေး ဒိုင်လူကြီးတွေကိုပါ မချန် သံချပ်ထိုးသွားတဲ့ `ဆိတ်ပါးစပ် နတ်မျက်စိ´ သံချပ်ယာဉ်တို့ပါ။ ချဲထီတွေ စတင်ခေတ်စားလာတော့ `၀၅၄ ကုန်မှ နားအေး´ လို့ လူတွေရဲ့ ပါးစပ်ဖျားမှာ တွင်သွားအောင် သရုပ်ဖော်သံချပ်ထိုးသွားခဲ့တာက `လောကနတ်´ သံချပ်ယာဉ်ပါ။ ၁၉၈၈ ခုနှစ်နောက်ပိုင်းမှာတော့ တစတစနဲ့ သင်္ကြန်သံချပ်တွေ ရန်ကုန်မြို့ပေါ်ကနေ ပျောက်ကွယ်သွားပါတယ်။ အခုဆိုရင်တော့ ရန်ကုန်မြို့သင်္ကြန်တွေမှာ သံချပ်သံတွေ အစား `ဒီသင်္ကြန်တောင် ရောက်ခဲ့ပြီ… အချိန်ရာသီတွေ ပြောင်းခဲ့ပြီ…´ ဆိုတဲ့ ဟစ်ဟော့သင်္ကြန်စာသားတွေက နေရာယူသွားခဲ့ပါပြီ။ ရုပ်ရှင်၊ ဗွီဒီယို၊ ဓာတ်ပုံတွေမှာ တွေ့မြင်ရတဲ့ သင်္ကြန်မဏ္ဍပ်တွေမှာလည်း အရက်နဲ့ ဆေးလိပ်ကြော်ငြာတွေက မင်းမူလို့..။ ကျေးလက်သင်္ကြန် ၁၉၉၀ခုနှစ် နောက်ပိုင်းမှာတော့ ကျနော်တယောက် မြို့ပြသင်္ကြန်ကို လက်ပြနှုတ်ဆက်ခဲ့ရပါတယ်။ ကျနော်တို့မြို့လေးက တောမြို့သာသာမျှသာ ဆိုတော့ သင်္ကြန်ကျတော့လည်း တောဓလေ့၊ တောရနံ့တွေနဲ့ ကျေးလက်သင်္ကြန်လေးပေါ့။ သင်္ကြန်ရေပက်ခံကားမရှိ၊ သံချပ်ကားမရှိ၊ အလှပြယာဉ် မရှိ၊ ဟစ်ဟော့ပ်မရှိ။ မြို့ကလေးမှာ သင်္ကြန်ကျပြီလားဆိုရင်ဖြင့် အုန်းလက်မဏ္ဍပ်လေးတွေက ဟိုနားတစ ဒီနားတစ ပေါ်လာပါတယ်။ သင်္ကြန်ရေပက်ခံ ကားမရှိသော်ငြား မြင်းလှည်းကို အမိုးဖွင့်လို့ တနည်း၊ ထော်လာဂျီနဲ့ တဖုံ၊ ဆိုက်ကားပေါ်မှာ ကက်ဆက်ကို မိုးကာအုပ် လူက လမ်းလျှောက်လို့ တသွယ် ရေပက်ခံထွက်ကြပါတယ်။ မီးသတ်ပိုက်ကြီးနဲ့ ရက်ရက်စက်စက် ထိုးပက်တတ်တဲ့ မြို့ပြနဲ့ မတူပေမယ့် အခန့်မသင့်ရင်တော့ ခွက်စောင်းနဲ့ ခုတ်ခံရတတ်ပါတယ်။ နယ်ကိုရောက်မှ ကြားဖူး၊ စားဖူးတာကတော့ `သင်္ကြန်ထမင်း´ ပါ။ ဆန်ကို အတော်ကြီး ပျော့သွားအောင် ချက်၊ ဖယောင်းနံ့လေး နှောလို့ ရေအနည်းငယ် စိမ်ပြီး ငါးခြောက်ကို ပြုတ်၊ မွမွဖြစ်အောင် ထောင်းကြော်တဲ့ ငါးခြောက်ထောင်းကြော်နဲ့ ရောနှောစားရတဲ့ သင်္ကြန်ထမင်းကို တချို့သော မြို့ကြီးသားမြို့ကြီးသူတွေ မကြားဖူးကြပါ။ သင်္ကြန်ထမင်းတလုပ်စားလိုက်၊ ငရုတ်သီးခြောက်ကြော် နီနီရဲကို `ဂျွမ်း´ ကနဲ ၀ါးလိုက်နဲ့ သင်္ကြန်စည်းစိမ်ကို ခံစားရပါတယ်။ တချို့ကတော့ `ထမင်းသင်္ကြန်´ လို့ ကျီစယ်ပြောတတ်ပါတယ်။ ထမင်းပျော့ပျော့ကို ရေစိမ်စားကြတာကိုး..။ နောက်ပိုင်းနှစ်များမှာ ကျနော်တို့ မြို့လေးရဲ့ `ကျေးလက်သင်္ကြန်´ ကို အရုပ်ဆိုးစေတဲ့ ယဉ်ကျေးမှု တခု ရောက်လာပါတယ်။ အဲဒါကတော့ ပေါင်ဒါမှုန့်တွေနဲ့ မျက်နှာကို လိုက်သုတ်ကြတာပါ။ ကျနော့် အထင်ပြောရရင်တော့ ဒါဟာ တဖက်အိမ်နီးချင်း နိုင်ငံက ကူးလာတာများပါပဲ။ အစပထမတော့ သနပ်ခါးတွေနဲ့ မျက်နှာကို လိုက်သုတ်၊ နောက်ပိုင်းကျတော့ တစတစနဲ့ ပေါင်ဒါ၊ အဲဒီထက် ပိုဆိုးတာက ဘာမှမသုတ်ဘဲနဲ့ကို ပါးကို လိုက်ကိုင်တာပါ။ အဲဒီကိစ္စအတွက်နဲ့ ရန်တွေလည်း ခဏခဏဖြစ်လို့ ကျနော်တို့ရဲ့ ကျေးလက်သင်္ကြန်လေးမှာ အကျည်းတန်ရပါတယ်။ ပြည်ပသင်္ကြန် မြန်မာလူမျိုးတွေရဲ့ သင်္ကြန်ပိုးက ပြည်ပကို ရောက်တော့လည်း အငြိမ်မနေပါဘူး။ မိမိရောက်တဲ့ နိုင်ငံမှာ ရတတ်သလောက်ကို အတတ်နိုင်ဆုံး ကျင်းပလို့ မြန်မာအလွမ်းပြေ သင်္ကြန်ပွဲလေးတွေ ကျင်းပတတ်ကြပါတယ်။ ပြည်ပရောက် မြန်မာတွေရဲ့ သင်္ကြန်တွေမှာ ထူးခြားတာကတော့ ၁၉၈၈ နောက်ပိုင်း ပြည်တွင်းမှာ တိတ်ဆိတ်ခဲ့ရတဲ့ သံချပ်သံတွေ လှိုင်လှိုင်ဝေတာပါ။ အဲဒီအထဲကမှ အိန္ဒိယရောက် မြန်မာတွေကတော့ အတော်လေး လက်စောင်းထက်ပါတယ်။ နှစ်စဉ်မှန်မှန် ထုတ်လာလိုက်တဲ့ သူတို့ရဲ့ သံချပ်ခွေများဟာ ပြည်ပရောက် မြန်မာတွေအကြားကို တော်တော်လေး ထိုးဖောက်နိုင်တာကို သတိထားမိပါတယ်။ အခုနှစ်မှာလည်း ထုတ်ဝေနှင့်နေပါပြီ။ ဘာတဲ့..။ `စိတ်ကူးမပြင်.. ထိပ်ဖူးဝင်လိမ့်´ တဲ့။ ပြည်တွင်းမှာ ထုတ်ဖော်ခွင့် မရတဲ့ ခံစားချက်တွေ၊ ဆန္ဒတွေကို ပြည်ပသင်္ကြန်ပွဲတွေမှာ ပြသကြတာကို ခံစားလို့ ရပေမယ့် တချို့သော ပြည်ပရောက် သင်္ကြန်တွေက သံချပ်တချို့ကတော့ ပြောချင်တာတွေက များလွန်လွန်းလို့လား၊ ခံစားချက်တွေက ပြင်းထန်လွန်းလို့ပဲလားတော့ မသိ၊ စကားလုံးတွေက အတုံးလိုက် အတစ်လိုက် ဖြစ်နေတတ်ပါတယ်။ ပြည်ပရောက် မြန်မာတွေရဲ့ သင်္ကြန်ပွဲ ဖျော်ဖြေမှုကို ကြည့်ဖူးသမျှ ထဲမှာတော့ စင်္ကာပူရောက် မြန်မာ ကျောင်းသား/ကျောင်းသူများရဲ့ ၂၀၀၅ ခုနှစ်၊ သင်္ကြန်မှာ တင်ဆက်ဖျော်ဖြေမှုကတော့ သူတို့ရဲ့ ခံစားမြင်ယောင်ချက်ကို သိမ်သိမ်မွေ့မွေ့ ထိထိမိမိ တင်ပြသွားတာမို့ အကြိုက်ဆုံးပါပဲ။ စင်္ကာပူရောက် မြန်မာကျောင်းသား/ ကျောင်းသူများ၏ ၂၀၀၅ခုနှစ် သင်္ကြန် အပိုင်း(၁) အပိုင်း(၂) *** ရေးလက်စ စာကို ခဏရပ်လို့ ၀ရန်တာကို ထွက်လိုက်မိတော့ အေးခဲလွန်းတဲ့ ရာသီဥတုက `မင်းလားကွ၊ ရေကစားချင်တာ´ လို့ လှောင်ပြောင်လိုက်သလိုပါပဲ။ ဒီလိုနဲ့ မှန်တံခါးကို အမြန်ပိတ်လို့ အိမ်ထဲကနေပဲ မိုးကောင်းကင်ကို လှမ်းမျှော်တော့ မြင်ရခဲလှတဲ့ လသော်တာက တဖြည်းဖြည်း ဖဲ့ဝါးခံနေရသယောင်ယောင် မ၀ိုင်းမစက်ဖြစ်နေရှာပါတယ်။ ဒါပေမယ့်.. ကမ္ဘာတဖက်ခြမ်းမှာတော့ နေ့လည်ခင်း နေမင်းရဲ့ စူးရှရှ အလင်းအောက်က ပူခြစ်နေမယ့် ရွှေပြည်ကြီးမှာ သင်္ကြန်တေးသံလေးတွေ ဟိုတစ ဒီတစ လွင်လွင်သာနေမှာပါ။ အဲဒီလိုနဲ့ ညသန်းခေါင်ကျော် အမှောင်ညမှာ လိုက်ဆိုညည်းမိတဲ့က သင်္ကြန်တေးတစ…။ ရေသဘင် ဆင်ယင်နွှဲလို့…. မိတ်ဆက်တွေ့ဆုံပေ… တကယ်မောင်ရင်းနှမရင်းတွေ…. ချစ်ကြည်ရေးတွေ ပေးဝေ…. လှမ်းကာပက်လိုက်မယ်…. ချမ်းသာလျက် ရွှင်လန်းစေ…. အားလုံးသော မိတ်ဆွေ မောင်နှမ အပေါင်းတို့ မကြာခင် ကျရောက်မယ့် သင်္ကြန်ခါမှာ စိတ်နှလုံးကြည်သာလို့ မြန်မာ့နှစ်သစ်မှာ နမိတ်ကောင်းနဲ့အတူ ရွှင်လန်းကြပါစေလို့ ဆုတောင်းလိုက်ပါတယ်။ ကလိုစေးထူး

အမြင်မရိုင်း.... ဆင်တိုင်း တင့်စေ.....

လွန်ခဲ့တဲ့ နှစ်အနည်းငယ်က ထင်ပါတယ်။ မဂ္ဂဇင်းစာအုပ် တခုထဲက ကာတွန်းတခုကို တော်တော်ကြီး သဘောကျသွားခဲ့ဖူးပါတယ်။ အဲဒီကာတွန်းက လေးကွက်၊ တမျက်နှာ ကာတွန်းပါ။ ပထမတကွက်မှာ မင်းညီမင်းသား ၀တ်စုံနဲ့ လူကြီးတယောက်က ယောင်ထုံး၊ တောင်ရှည်ပုဆိုး၊ တိုက်ပုံနဲ့ လူကြီးကို လက်ညှိးငေါက်ငေါက် ထိုးလို့ `သရုပ်ပျက်´ လို့ ပြောပါတယ်။ ဒုတိယ တကွက်မှာကတော့ ပထမတကွက်မှာ အပြောခံရတဲ့ လူကြီးက ဘိုကေဆံပင်ကို ပြောင်နေအောင် ဖီးလို့ ဖလေဇာကုတ်ဝတ် ရှူးဖိနပ်စီးထားတဲ့ လူကို စောစောကလို `သရုပ်ပျက်´ လို့ လက်ညှိးကြီး ထိုးလို့ ပြောပြန်ပါတယ်။ တတိယ အကွက်မှာတော့ ဘိုကေနဲ့ လူက ဆံပင်ဂုတ်ထောက်၊ ခေါင်းလောင်း ဘောင်းဘီ ၀တ်ထားတဲ့ လူငယ်ကို `သရုပ်ပျက်´ လို့ လက်ညှိုး ထိုးလို့ ပြောပြန်ပါတယ်။ စတုတ္ထအကွက်မှာတော့ ခေါင်းလောင်းဘောင်းဘီဝတ် လူငယ်က ဟိုလူကြီးသုံးယောက်ကို ကျောခိုင်းထားပြီး သူက `သရုပ်ပျက်´ လို့ ပြောရမယ့် နောက်လူကို မျှော်နေတဲ့ပုံကို ရေးဆွဲထားပါတယ်။ အဲဒီကာတွန်းလေးဟာ ပြောင်းလဲသွားတဲ့ `ခေတ်ရဲ့ ရေစီးကြောင်းနဲ့ ၀တ်စားဆင်ယင်မှု´ ကို ရိုးရှင်းစွာ ဖော်ပြနေတယ်လို့ ခံစားမိလိုက်ရပါတယ်။ တလောတုန်းက စာအုပ်ပုံကို မွှေနှောက်လို့ အဟောင်းအမြင်းလေးတွေ လှန်လှောဖတ်ရှုမိတော့ ၁၉၉၉ခုနှစ်ထုတ် သင့်ဘ၀မဂ္ဂဇင်း၊ အမှတ်စဉ်(၁၀)မှာ ဆရာမ `ဂျူး´ ရေးသားခဲ့တဲ့ `မတော်တရော်´ ဆိုတဲ့ ဆောင်းပါးကို ဖတ်ရှုမိပါတယ်။ အဲဒီ ဆောင်းပါးရဲ့ အဓိက ပြောချင်တဲ့ အချက်ကတော့ မြန်မာပြက္ခဒိန်များက မြန်မာ မင်းသမီးလေးတွေရဲ့ ရင်အသားပေး၊ တင်အသားပေး မတော်တရော် ဟန်ပန်အနေအထားကို ထောက်ပြ ရေးသားထားတာပါ။ နောက်ပြီးတော့ မြန်မာမိန်းကလေးတွေရဲ့ ပြောင်းလဲလာတဲ့ ၀တ်စားဆင်ယင်မှုကို ရေးထားပါတယ်။ (နောက်များမှာ အဲဒီ ဆောင်းပါးကို စာရိုက်ပြီး တင်ပေးပါဦးမယ်)။ မနေ့ကတော့ ပျက်နေတာ ကြာလှပြီ ဖြစ်တဲ့ မြန်မာပြည်က နာမည်ကြီး ၀က်ဘ်ဆိုက်တခုရဲ့ ဖိုရမ်ကို သွားဖတ်ဖြစ်ပါတယ်။ အဲဒီဖိုရမ်ထဲမှာ ယနေ့ခေတ်မြန်မာ ရုပ်ရှင်မင်းသမီးတချို့ရဲ့ ၀တ်စားဆင်ယင်မှုကို ဘ၀င်မကျတဲ့ တယောက်က အဲဒီလိုပုံတွေ မတင်သင့်ကြောင့် အစပြုရေးသားရာကနေ အပြန်အလှန် ဆွေးနွေးကြ၊ ငြင်းခုန်ကြတာကို ဖတ်လိုက်ရပါတယ်။ တကယ်တော့ ခေတ်ကြီးက ရေစီးတခုလိုပဲ စီးဆင်းနေပါတယ်။ အဲဒီ ရေစီးထဲမှာ လူတွေက လိုက်ပါစီးမျောရင်းနဲ့ ခေတ်နဲ့ အညီ နေထိုင်သွားကြရင်း လူ့ဘောင် ပတ်ဝန်းကျင်မှာ မွေ့လျော်ရပါတယ်။ မိမိလက်ရှိနေထိုင်တဲ့ ခေတ်နဲ့ အသားကျစွာ နေထိုင်နိုင်လေလေ လူ့ပတ်ဝန်းကျင်နဲ့ လိုက်လျောညီထွေ ဖြစ်လေလေပါ။ သို့သော်..၊ အ၀တ်အစား ၀တ်ဆင်ရာမှာ လျှပ်ပေါ်လော်လီခြင်းနဲ့ ခေတ်နဲ့ လိုက်လျောညီထွေစွာ ၀တ်စားဆင်ယင်ခြင်းကတော့ အကွာကြီးကွာလှပါတယ်။ လူမြင်ကွင်းမှာ မမြင်အပ်၊ မပြအပ်တဲ့ ခန္ဓာကိုယ် အစိတ်အပိုင်းတွေကို မလုံ့တလုံ၊ မပေါ့်တပေါ် ၀တ်ဆင်ခြင်းဟာ လော်လီသော ၀တ်စားမှုသာ ဖြစ်ပါတယ်။ ဒါဟာ ခေတ်နဲ့ လိုက်လျောညီထွေမှု မဟုတ်ပါ။ ခေတ်ကို အကြောင်းပြချက်ပေးသော `လျှပ်ပေါ်လော်လီမှု´ သက်သက်သာလျှင် ဖြစ်ပါတယ်။ ကဲ..ဒါဖြင့်..။ ကျနော်တို့ မြန်မာ လုံမတွေ ရှေးရှေးတုန်းကလို ထိုင်မသိမ်း အကျီင်္တွေဝတ်၊ ဆံမြိတ်ကြီးတွေ အစီအရီချလို့ လမ်းသွားရင်လဲ ဆင်မယဉ်သာလေး လှမ်း..။ အင်း… ဒီလိုဆိုတော့လဲ မဖြစ်လှသေးပါ။ ကျနော့်ရှေ့မှာ မြန်မာမိန်းမပျိုတယောက် ဘောင်းဘီရှည်လေးနဲ့၊ အကျီင်္ကလဲ အခုခေတ်ပေါ်ပင်ပေါ့၊ လှတပတလေး ၀တ်ထားတာကို တွေ့ရင် `အော်.. တယ်ခေတ်မီပြီး ချောပါ့၊ လှပါ့´ လို့ စိတ်ထဲက ချီးကျူးထောပနာပြုရင်း ကြည့်မိပါမယ်။ အဲ.. မလုံ့တလုံ ဆိုရင်ရော.. ?။ ဟုတ်ကဲ့… ကြည့်တာကတော့ ကြည့်မိမှာပါပဲ။ ဒါပေမဲ့ ကြည့်ပုံခြင်းရဲ့ အဓိပ္ပာယ်တွေ၊ တန်ဖိုးထားမှုတွေကတော့ ကွာသွားပါလိမ့်မယ်။ မိုးသူအောင်က ရေကူးဝတ်စုံလေး ၀တ်တယ်။ ဒါပေမယ့် ဒါဟာ လိုအပ်ချက်အရပါ။ သူရေကူးပြိုင်တော့ ရေကူးဝတ်စုံဝတ်ပါလိမ့်မယ်။ ဒါဆို.. ပြက္ခဒိန်တခုခုမှာ ရေကူးဝတ်စုံနဲ့ မိုးသူအောင်က ရေထဲကို ပေါင်တံလေး အစင်းသားနဲ့ ဒိုင်ဗင်ပစ်တဲ့ ပုံလေး ဖော်ပြထားရင်ရော..??။ ဒါလည်း ပြဿနာ မရှိလှသေးပါ။ သူက ရေကူးမယ်ကိုး။ ဒါပေမယ့် ရုပ်ရှင်မင်းသမီးတယောက်က အ၀တ်အစား မလုံ့တလုံနဲ့ ကိုယ်နေဟန်ထား ကော့ကော်ကံကားပုံ ရိုက်လို့ ပုရိသများကို တမျိုးတမည်သော ဆွဲဆောင်မှု ရှိစေတဲ့ ပြက္ခဒိန်ထုတ်ရင်တော့ ဒါဟာ လော်လီလျှပ်ပေါ်သော ၀တ်စားဆင်ယင်မှုသာလျှင် ဖြစ်ပါလိ့မ်မယ်။ ခေတ်မီခြင်း နဲ့ လားလားမှ မဆိုင်ပါ။ ရုပ်ရှင်မင်းသမီးဆိုတာက လူသိများလှတာမို့ ပိုလို့တောင် ဆင်ခြင်သင့်လှပါတယ်။ တကယ်တော့ ၀တ်စားဆင်ယင်ပုံနဲ့ ပတ်သက်လို့ ငြင်းခုန်ကြတာတွေကို တွေ့ဖူးတာ မနည်းတော့ပါဘူး။ အကောင်းဆုံးကတော့ ခေတ်ဆိုတာကိုလည်း မေ့မထားသင့်သလို `အရှက်အကြောက် ဟီရိသြတ္တပ´ တရားဆိုတာကိုလည်း ထိန်းသိမ်းသင့်လှပါတယ်။ ရင်ဖုံးအကျီင်္လေးနဲ့ မြန်မာမလေးက ချစ်စရာကောင်းသလို ဂျင်းပင်နဲ့ စပို့ရှပ်ဝတ် မြန်မာမလေးသည်လည်း ခေတ်မီမီလှပါလိမ့်မယ်။ ဒါပေမယ် မလုံ့တလုံ ၀တ်ခြင်းဟာတော့ ခေတ်မီခြင်း လုံးဝ မဟုတ်ပါ။ မြန်မာမလေးများ ခေတ်နဲ့ အညီ၊ အမြင်မရိုင်း ဆင်တိုင်း တင့်နိုင်ပါစေလို့ ....။ ကလိုစေးထူး

What's up mannnnnnnnn....

လွန်ခဲ့တဲ့ နှစ်လကျော်ခန့်က ဖြစ်ပါတယ်။

ဘဏ်ကိုသွားဖို့ ဘတ်စ်ကားစောင့်နေတုန်း ကားတစီးက အနားမှာ ထိုးရပ်လာလို့ ကြည့်လိုက်တော့ မြန်မာ အသိတယောက် ဖြစ်နေပါတယ်။ သူက-

`အကို၊ ဘယ်သွားမလို့လဲ၊ ကျနော်လိုက်ပို့ပေးမယ်လေ´

`ဘဏ်ကို´

`ဒါဆို လာ..လာ´

သူ့ကားပေါ် လှမ်းတက်လိုက်တော့ ကားထဲမှာ အဲဒီကောင်လေးနဲ့ အတူ တခြား မြန်မာတယောက် ပါလာသေးတာကို တွေ့လိုက်ရပါတယ်။ ဆံပင်က ရှည်ရှည်နဲ့ ဟောင်ကောင်မင်းသားလိုလို အဲဒီလူက ကျနော့်ကို `Hey, What’s up´ လို့ လှမ်းနှုတ်ဆက်ပါတယ်။

တကယ်တော့ ဒီနိုင်ငံရောက် မြန်မာအချင်းချင်း လူချင်းတွေ့ရင် ဖြစ်ဖြစ်၊ ဖုန်းထဲမှာ ဖြစ်ဖြစ် အဲဒီလို လှမ်းနှုတ်ဆက်တာ အထူးအဆန်း ကိစ္စတော့ မဟုတ်တော့ပါဘူး။ ဒါပေမယ့် အနှီပုဂ္ဂိုလ်ကတော့ အတန်ငယ် ထူးခြားပါတယ်။ သူ့ထူးခြားမှုကတော့ သူက ကျနော့်ကို အင်္ဂလိပ်လိုချည်း ပြောနေတာပါ။ ရှုပါ။

How is going, man?

`ဟုတ်ကဲ့၊ ဒီလိုပါပဲ၊ အဆင်ပြေပါတယ်´

Oh, ok

ဟုတ်ကဲ့

အဲဒီနောက်ပိုင်းမှလည်း ကျနော့်ကို အင်္ဂလိပ်လိုတွေချည်း ဟိုမေးဒီမေး၊ ဟိုပြော ဒီပြောပေါ့။ သူက အင်္ဂလိပ်လိုပြောလိုက် ကျနော်က မြန်မာလို ဖြေလိုက်နဲ့။ ကျနော်က မြန်မာလို တမင်သက်သက် ပြန်ဖြေနေတာကိုလည်း သူ ရိပ်စားမိပုံမရပါဘူး။ မြန်မာအချင်းချင်း (မလိုအပ်ဘဲ) အင်္ဂလိပ်လို ပြောနေတာကို စိတ်ထဲမှာလည်း ကျလိကျလိ ဖြစ်လွန်းလှပါတယ်။ အဲဒီလူကားပေါ်က ဆင်းသွားတော့ ကားမောင်းသူ လူငယ်က ကျနော့်ကို ပြောပါတယ်။

`ဒီလိုပဲ အကိုရ၊ သူက အဲဒီအတိုင်းပဲ´

တကယ်တော့ အင်္ဂလိပ်စာ၊ အင်္ဂလိပ်စကားဟာ ကမ္ဘာသုံး ဘာသာစကား တခုဖြစ်နေတာ ဘယ်သူမှ ငြင်းလို့ မရပါဘူး။ ဒါဟာ လိုအပ်ချက်တခု ဆိုတာ နားလည်ပါရဲ့။ ဒါပေမယ့် အထက်ပါ အနေအထားမှာ မြန်မာအချင်းချင်း အကြားမှာတောင် အင်္ဂလိပ်လို ပြောမှ ဖြစ်တော့မတဲ့လား။ ကျနော် မတွေးတတ်တော့ပါ။

နောက်ထပ် တခု သတိထားမိတာ ရှိပါသေးတယ်။ အင်္ဂလိပ်စကားကို ပီသစွာနဲ့ တဖက်သား နားလည်အောင် ရိုးရှင်းစွာ ပြောဖို့ ဦးစွာ မကြိုးစားဘဲ ဒေသခံတွေရဲ့ လေသံအတိုင်း အတင်းလုပ်ယူ လုံးထွေးထွေးလေသံတွေနဲ့ ပြောတတ်ကြတာတွေပါ။ အဲဒီလိုပြောတော့ တဖက်က နားထောင်သူက သူဘာတွေပြောနေမှန်း တကယ်ကို နားမလည်တော့ ထပ်ခါထပ်ခါ ပြန်ပြောရ၊ အလုပ်မဖြစ်လှပါဘူး။

အဲဒါမျိုးက ကျနော်တို့ မြန်မာတွေချည်းသာ မကပါဘူး။ တခြား နိုင်ငံတွေက လူတချို့တွေလည်း ပီအောင်ထက် အမေရိကန်သံ ၀ဲအောင်လုပ်ပြောတာကို နားထောင်ရဖူးပါတယ်။ ဘယ်လိုပဲ လုပ်ပြောပြော သူတို့မူရင်း ဒေသအသံက ၀ဲနေတာပါပဲ။ ကြာလာတော့ လူတယောက်ကို တွေ့ရင် သူပြောတဲ့ အင်္ဂလိပ်စကားရဲ့ လေယူလေသိမ်းကို နားထောင်ပြီး သူဟာ ဘယ်ဒေသက ဆိုတာ ခန့်မှန်းမိတတ်လာပါတယ်။

ကုလသမဂ္ဂ အထွေထွေ အတွင်းရေးမှူးချုပ် လုပ်သွားဖူးတဲ့ ဦးသန့်ရဲ့ အင်္ဂလိပ်လေယူ လေသိမ်းဟာ ဥရောပသံ လုံးဝမ၀ဲပါဘူး။ အမေရိကန်သံလည်း မ၀ဲပါဘူး။ ဒါပေမယ့် ပြတ်သား ပီသ ရှင်းလင်းပါတယ်။ တလောကမှ အနားယူသွားတဲ့ ကိုဖီအနန်သည်လည်း ဒီလိုပါပဲ။ အာဖရိကသံ ၀ဲဝဲကြီးနဲ့ပဲ ပီပီသသကြီး ပြောသွားတာပါပဲ။ ဥရောပသံလည်း မ၀ဲ၊ အမေရိကန်သံလည်း မ၀ဲပါဘူး။ အဲဒီတော့ ဘာဖြစ်လို့များ တချို့သော ပုဂ္ဂိုလ်တွေက အပီမကျင့်ဘဲ လေသံအ၀ဲကျင့်နေကြလည်းဆိုတာ နားလည်ရ ခက်မိပါတယ်။

တကယ်တော့ ကျနော့်ကို `မင်းကရော အင်္ဂလိပ်လို ဘယ်လောက် ပြောနိုင်နေပြီမို့လို့လဲ´ လို့မေးလာရင် `ကြိုးစားနေဆဲပါ´ လို့ ဖြေပါမယ်။ ဒါပေမယ့် ကျနော် အမေရိကန်သံ မ၀ဲချင်ပါဘူး။ ပီပီသသနဲ့ ကျနော်ပြောချင်တာကို တဖက်သားနားလည်အောင်သာ ကြိုးစားပြောချင်ပါတယ်။

ကျနော့် အမြင်ကတော့ အပြင်မှာ လူချင်းတွေ့နေမှတော့ မြန်မာအချင်းချင်း အင်္ဂလိပ်လို ပြောနေစရာ လိုမယ်မထင်။ လိုအပ်လို့ ဒေသခံတွေ၊ တခြားနိုင်ငံက လူတွေနဲ့ ပြောတဲ့အခါ အင်္ဂလိပ်စကားကို သုံးရ၊ ပြောရရင်လည်း မြန်မာသံ ၀ဲမှာကို ဘာမှကြောက်နေစရာမလို။

အဲ..။ ဒီစာရေးရင်းနဲ့ ဖုန်းမြည်လာတော့ နားထောင်တာ ဖို့ဝိန်းက သူငယ်ချင်းတယောက်ဆီက ဖြစ်နေတယ်။ ဘယ်ရမလဲ…။ ငါးပိသံ အပြည့်နဲ့ အားရပါးရ နှုတ်ဆက်ပစ်လိုက်တယ်။

What’s up, mannnnnnn(((((((((

ကလိုစေးထူး

စပ်မိစပ်ရာ

အခုတလောမှာ ကျနော်တယောက် ဟိုဟာရေးရနိုးနိုး၊ ဒီဟာ ရေးရနိုးနိုးနဲ့ အလုပ်ထဲမှာဆိုရင်တော့ ရေးစရာအကြောင်းတွေက ခေါင်းထဲကို လှစ်ကနဲ ၀င်လာလိုက်၊ တကယ်တမ်း ချရေးဖို့ စက်ရှေ့မှာ ထိုင်လိုက်တော့ အတွေးတွေက ပုန်းလျှိုးကွယ်လျှိုး ဖြစ်နေပြန်ပါရော။ ခက်ပါပေ့..။

တော်လှန်ရေးနေ့ လွန်မြောက်ခဲ့ပြန်ပါပြီ။ သူတို့ကတော့ ဒါဟာ တပ်မတော်နေ့ပါတဲ့။ ၁၉၅၄ခုနှစ်မှာ အဲဒီအခေါ်အဝေါ်ကို စတင် သုံးစွဲခဲ့ပါသတဲ့။ ရဲဘော်သုံးကျိပ်ဝင် ဗိုလ်ချုပ်ကျော်ဇောကတော့ တပ်မတော်နေ့ဟာ ဘီအိုင်အေ တပ်မတော်ကို စတင်ဖွဲ့စည်းခဲ့တဲ့ ၁၉၄၁ခုနှစ်၊ ဒီဇင်ဘာလ ၂၆ ရက်နေ့သာလျှင် ဖြစ်သင့်ပါသတဲ့။ လက်ရှိ ခေါ်ဝေါ်နေတဲ့ တပ်မတော်နေ့ဟာ တော်လှန်ရေးနေ့ပါလို့ ပြောနေလို့မှ မဆုံးသေးဘူး အုပ်ချုပ်သူများက ခါတိုင်း တော်လှန်ရေး ပန်းခြံမှာ လုပ်နေကြ စစ်ရေးပြ အခမ်းအနားကို သူတို့အခေါ် `နေပြည်တော်´ မှာ ရှေးခေတ် အဆောင်အယောင် သူတို့ အကြိုက် ရုပ်တုတွေ ရှေ့မှောက်မှာ ရွှေ့ပြောင်း ကျင်းပနေလေရဲ့။

မြန်မာနိုင်ငံမှာ အဂတိလိုက်စားမှု တိုက်ဖျက်ရေး ဥပဒေသစ် ပြဋ္ဌာန်းဖို့အတွက် မူကြမ်းရေးဆွဲနေတာ အခုနှစ်မကုန်မီ ထွက်ပေါ်လာဖွယ် ရှိပါသတဲ့..။ ဟင်..ဒါဆို၊ အရင်တုန်းက အဲဒါနဲ့ ဆိုင်တဲ့ ဥပဒေမရှိဘူးပေါ့..။ မဟုတ်ဘူး.. ရှိပါသတဲ့..။ ၁၉၄၈ ခုနှစ်တုန်းက ပြဋ္ဌာန်းခဲ့ပေမယ့် အခုခေတ်အခါနဲ့ ဆီလျော်မှု မရှိတော့လို့ပါတဲ့။ အခု ရေးဆွဲမယ့် ဥပဒေသစ်မှာတော့ အစိုးရ၀န်ထမ်းသာမက တခြားလူတွေကိုပါ အကျုံးဝင်စေပါမတဲ့..။ ဒါဆိုရင် ရုံးတွေဘာတွေမှာ လက်ဖက်ရည်ဘိုးဆိုပြီး တောင်းတိုင်း မပေးနဲ့..။ ကိုယ်ပါအချောင်ခံရမယ် ဆိုတဲ့ သဘောများလား။ ဒါမှမဟုတ် ငါတောင်းတာကို တိုင်ရင် နင်ပေးတာကိုပါ အချုပ်ထဲ ထည့်လို့ရတယ်ဆိုတဲ့ သဘောများလား။

ဒေါက်တာ ခင်မောင်ညိုက `အုပ်စုဖွဲ့လိုသူ ဂျာနယ်လစ် တချို့ဟာ ဘက်လိုက်ရမယ် ဆိုတဲ့ အယူအဆကို လက်ခံကြတာ ရှိတယ်။ တကယ်တော့ ဒါဟာမှားယွင်းပြီး ဂျာနယ်လစ် ကျင့်ဝတ်နဲ့ မညီပါဘူး။ သူ့မှာ အစွမ်းအစတွေ၊ လွှမ်းမိုးစရာ အာဏာတွေ ပါဝင်လာတယ်´ လို့ ပြောကြားသွားပါတယ်။ အမေ လူထုဒေါ်အမာကတော့ `စာနယ်ဇင်းတွေက ဘက်မလိုက်ဘူး ပြောရင် ဒါဟာ လိမ်နေတာပါ´ လို့ ပြောဖူးတာကို မှတ်သားရဖူးပါတယ်။ ဒါဖြင့် ကျနော်တို့ နိုင်ငံရဲ့ အထင်ကရ နိုင်ငံပိုင် သတင်းစာတွေရဲ့ ရေးသားဖော်ပြချက် သတင်းအချက်အလက်တွေဟာ တကယ်ပဲ ဘက်မလိုက်သော၊ တရားမျှတမှု ရှိသော၊ အစွမ်းအစ၊ လွှမ်းမိုးစရာ အာဏာတွေ မပါဝင်သော ဂျာနယ်လစ်ကျင့်ဝတ်နှင့် ညီညွတ်သော စာစောင်များ ဖြစ်နေပါသလား ..။ စဉ်းစားစရာပါပဲ။

VZO နဲ့ gtalk ကို အသုံးပြုပြီး ဆွေမျိုးသားချင်းများထံ ဆက်သွယ်နိုင်တာကြောင့် မြန်မာနိုင်ငံမှာ အင်တာနက်ကို အသုံးပြုသူ ပိုမိုများပြားလာနေတယ်လို့ ဖတ်လိုက်ရပါတယ်။ ၀မ်းသာစရာပေါ့..။ ပြောမယ့်သာ ပြောရတယ်။ စေတနာ ပရပွနဲ့ ဟိုပုဂ္ဂိုလ်များက သူတို့ရောင်းတဲ့ အီးမေးလ်ကို မသုံးရကောင်းလားဆိုပြီး ပိတ်ပစ်လိုက်မှ အခက်…။

မြန်မာနိုင်ငံမှာ စာအုပ်ပုံနှိပ်ထုတ်ဝေသောသူ၊ ပရိသတ်ရှေ့ မိန့်ခွန်းစကား ဆိုသောသူနဲ့ ဇာတ်စင်ပေါ်မှာ သီဆိုကပြတဲ့ သဘင်သည်တို့ကို သဘောရိုးဖြင့် ဝေဖန်ရင် အသရေဖျက်မှု မမြောက်ပါဘူးတဲ့။ ကဲ.. ဝေဖန်ကြပါစို့လား။ ဒါပေမယ့် တခုတော့ ရှိတယ်။ သဘောရိုးနဲ့မှတဲ့နော။ `သဘောရိုး´ ဆိုတဲ့ စကားကို လှည့်ပတ်ပြီး ဥပဒေကို လိုသလို အသုံးချရင်တော့လည်း မတတ်နိုင်။

မဲဆောက်မြို့က အိမ်တအိမ်ထဲမှာ ပိတ်လှောင်ထားခြင်း ခံနေရတဲ့ မြန်မာကလေးငယ် လေးဦးကို ဒေသခံရဲတွေက ရှာဖွေတွေ့ရှိခဲ့ကြပါတယ်။ အဲဒီကလေးငယ်တွေကို လူပွဲစားတွေက ဘန်ကောက်ကို ပို့ဆောင်ဖို့ စီစဉ်နေကြဆဲမှာ အခုလို တွေ့ရှိခဲ့ကြတာပါ။ ထိုင်းရဲတွေကတော့ ဒီကလေးတွေကို ရောင်းစားဖို့ စီစဉ်ရာမှာ သူတို့ရဲ့ မိဘတွေပါ ပါဝင် ပတ်သက်နေတယ်လို့ ပြောဆိုပါတယ်။ မျက်ရည်လည်ရွှဲနဲ့ ကလေးတွေရဲ့ မိဘတွေကတော့ `ကိုယ့်ကလေးကို ကိုယ်ရောင်းစားဖို့ အထိတော့ မလုပ်ရက်ပါဘူး´ လို့ ပြောနေပေမယ့် ကလေးလေးတွေကတော့ `ဘန်ကောက်မှာ ပန်းသွားခူးရမယ်လို့ အမေက ပြောပြီး ပြန်သွားရော´ လို့ အပြစ်ကင်းစွာ ပြောပြခဲ့ကြပါတယ်။ အခြေအနေတွေက ဒီလောက်တောင် ဆိုးဝါးနေပြီးတဲ့လား.။

ကြက်သားတပိဿာ မြန်မာကျပ်ငွေ ငါးထောင်တဲ့..။ ကျနော်ပေါ်တာ လိုက်ခဲ့ရစဉ်ကလည်း မလိုက်ချင်ရင် ပေးရမယ့် ငွေက ငါးထောင်ပါပဲ။ အဲဒီတုန်းက အလယ်တန်းပြ ဆရာမ မေမေ့လစာက ထောင့်နှစ်ရာဝန်းကျင်မျှသာ။ ကျဆင်းလာတဲ့ မြန်မာ့ငွေတန်ဖိုးက ဆယ်စုနှစ်ကျော်ကျော်အတွင်းမှာ အကွာကြီး ကွာသွားခဲ့ပါပြီ။ တရုတ်မြန်မာ နယ်စပ်မှာ ဆိုရင် မြန်မာငွေတွေ လက်ရှိအသုံးပြုနေဆဲ ငွေစက္ကူများမှအစ ငွေအကြွေစေ့များ အဆုံး အမှတ်တရ သိမ်းထားစရာ တခုအနေနဲ့ ဈေးကွက်တခု ဖြစ်နေပါသတဲ့။

ဒီစာကိုရေးတာကို ခဏနားရင်း ဟိုဟိုဒီဒီ လိုက်ကြည့်မိတော့ ဒီငနဲကြီးပုံကိုတွေ့ပါတယ်။ ဘုရားရင်ပြင်တော်ပေါ်မှာ လို့ ယူဆရတဲ့ နေရာမှာ ထိုင်နေတဲ့ ဒီလူ၊ နေကိုကြည့်နေတာလား ဘာလားမသိ..။ လက်မှာတကုံး၊ လည်မှာတကုံးနဲ့ ဧရာမပုတီးကြီးတွေနဲ့ ဘယ်လို တရားထူးကို ရအောင်ကျင့်မှာပါလိမ့်။ သူ့ပုံကို မြင်တော့ ကျနော်တို့နိုင်ငံမှာ ပလူပျံနေတဲ့ ဂမ္ဘီရဆိုင်ရာ မဂ္ဂဇင်း၊ ဂျာနယ်တွေကို မျက်စိထဲ မြင်ယောင်လာမိပါတယ်။ အင်း…ခက်ရချည်ရဲ့။

ဒီလိုနဲ့ပဲ ကျနော်တယောက် ဘာစာမှ ဟုတ်တိပတ်တိ မရေးဖြစ်ဘဲ တနေ့ လွန်မြောက်သွားပြန်ပါတယ်။ ခေါင်းစဉ်ဘာပေးရမလဲလို့ စာကို တခေါက်ပြန်ဖတ်တော့ ဘယ်လို ခေါင်းစဉ်တပ်ရမှန်းမသိပါဘူး။ အဲဒါနဲ့ စိုင်းစိုင်းသီချင်းတပုဒ်ကို သတိရမိတာနဲ့ သူ့သီချင်းစာသားကို ကူးချလိုက်ပါတယ်။ `စပ်မိစပ်ရာ ကွိစိကွစ´။

ကလိုစေးထူး

ကိုးကား။ Weekly Eleven ဂျာနယ်။ ဒီဗွီဘီ ရုပ်သံ သတင်း။

မရဏလမ်းမှ လားတူ လူသားများ…

နေက ခြစ်ခြစ်တောက် ပူပြင်းလှသည်။ ဘေးဘီကို ငဲ့ကြည့်မိတော့ တဖက်က ချောက်ကမ်းပါး၊ တဖက်က တောင်နံရံ..။ မောပန်းလွန်းလှသောကြောင့် ကိုယ်ပေါ်တွင် ထမ်းပိုးထားရသော အထုပ်ကို `ဗုန်း´ကနဲ ပစ်ချ နားပစ်လိုက်ချင်နေသည်။ ရှေ့ကို အသာမျှော်ကြည့်တော့ ပုရွက်ဆိတ်တန်းများ သဖွယ် လူတန်းကြီးက တောင်ပေါ်ကို တရွေ့ရွေ့နှင့် ဆက်တက်နေကြဆဲ..။ အင်း.. ဒီတောင်ထိပ်ပေါ်ကို ရောက်ရင်တော့ ခဏဖြစ်ဖြစ် နားရတန်ကောင်းပါရဲ့။ `လှမ်းထား… လှမ်းထား၊ အရှေ့နဲ့ မပြတ်စေနဲ့´ မကြားချင်ဆုံးနဲ့ အကြားနေရဆုံးသော အသံက နောက်နားမှ ခပ်အုပ်အုပ် ထွက်လာသည်။ သို့သော် နောက်လှည့်မကြည့်ရဲ..။ ကြည့်မိပါက အနည်းဆုံးတော့ ပျစ်ပျစ်နှစ်နှစ် ဆဲဆိုသံတခုခုကို လက်ခံရရှိလိမ့်မည်။ ဒီထက်ပိုလျှင်တော့ သူ့လက်ထဲက ခပ်ရွယ်ရွယ်တုတ်က မိမိခန္ဓာကိုယ်ပေါ်သို့ မညင်မသာ လာရောက်ထိခတ်တော့မည်။ ကိုယ့်ကိုယ်ကို အားတင်း သတိပေးလိုက်၏။ `တင်းထားစမ်းကွာ၊ မင်းအသက်နဲ့ ခန္ဓာတွဲလျက် အိမ်ပြန်ချင်သေးတယ်မှတ်လား၊ လျှောက်ထား… ´ ယင်းသို့ဖြင့် မလှမ်းချင်သော ခြေလှမ်းတွေက အလိုမတူစွာဖြင့် မသွားလိုသောနေရာကို လှမ်းနေရဆဲ..။ *** တောင်ထိပ်ပေါ်ရှိ နားနေကြသော လူစုစုကို တွေ့တော့ စိတ်ကို လျှော့ချပစ်လိုက်သည်။ နောက်မှ ထပ်ချပ်မကွာ လိုက်ပါလာသော အစိမ်းရောင် ပါးကွက်သားဆီမှ လောလောဆယ် ကြားချင်နေသော စကားသံ ထွက်ပေါ်လာ၏။ `ကဲ.. နား၊ အထုပ်ကို ဖြည်းဖြည်းချ၊´ သူပြောသည့်အတိုင်း တသွေမတိမ်းလိုက်နာပြီး ပိုးလာရသော အထုပ်ပေါ်တွင်ပင် ပက်လက်လှန် မှီချလိုက်သည်။ လတ်ဆတ်သောလေကို အငမ်းမရ ရှုရှိုက်လိုက်သော်လည်း မီးရထား စက်ခေါင်းသံလို နိမ့်ချည်မြင့်ချည် ဖြစ်နေသော ရင်အုံက အားမရသည့်အလား ရှုးရှုးရှဲရှဲ အသံ မြည်နေဆဲ။ တောင်ထိပ်ဖြစ်လို့လား မသိ၊ လေက တဖြူးဖြူးနှင့်..။ ကောင်းကင်ကို မော့ကြည့်မိတော့ ကျနော်တို့ကို ကရုဏာသက်လှစွာဖြင့် ငုံ့မိုးကြည့်နေသည့်အလား..။ ဘေးနားဆီမှ ချိုးချိုးချွတ်ချွတ် အသံများကို လစ်လျူရှုထားရင်း နားခွင့်ရသည့် အခိုက်မှာ မျက်လုံးအစုံကိုပါ မှေးမှိတ် အနားယူပစ်လိုက်သည်။ တားမရသည့် စိတ်အစဉ်ကတော့ ကျန်ရစ်ခဲ့သော အတိတ်ဆီသို့….။ *** `ဘယ်လိုလဲဗျ၊ ကိုတင့်ဆွေကြီး၊ ဒီနေ့ အခြေအနေ´ `အင်း….၊ မဆိုးလှပါဘူး ငါ့လူရာ´ ဂိတ်ထဲသို့ ဆိုက်ကားကို အသာနင်းဝင်လာရင်း လှမ်းမေးလာသော လှသန်းကို ဖြေလိုက်ရင်း ဆိပ်ကမ်းဘက် ရှိရာသို့ သင်္ဘော ဆိုက်ပြီလားလို့ လှမ်းမျှော်ကြည့်လိုက်သည်။ သင်္ဘောဆိုက်ရင်တော့ ဆိုက်ကားစီး ခရီးသည်ရမည်လေ..။ ဒီနေ့တော့ ခါတိုင်းနေ့ထက်စာလျှင် တွက်ခြေကိုက်သည်ဟု ဆိုရမည်။ ညနေအပြန်တွင်တော့ သမီးလေးကြိုက်တတ်သည့် ခေါက်ဆွဲကြော် တထုပ်လောက် ၀ယ်သွားမှဟု တွေးမိသည်။ မှောင်စပျိုးလာချေပြီ..။ အင်း.. ပြန်မှပဲ..။ ဂိတ်ထဲတွင် ရပ်ထားသော ဆိုက်ကားကို အသာတွန်းထွက်ရင်း ပြန်မည်ပြင်လိုက်တော့….။ အစိမ်းရောင် လော်ရီကားတစီးက ဆိုက်ကားဂိတ်အနီးသို့ ဝေါကနဲ ထိုးဆိုက်လာသည်။ ကားရပ်သွားသည်နှင့် တပြိုင်နက် စစ်စိမ်းရောင်ဝတ် လူတချို့ ဖျတ်ကနဲ ဖျတ်ကနဲ ခပ်သွက်သွက် ခုန်ဆင်းလာကြ၏။ အဲဒီနောက်တွင်မတော့ ကျင့်သားရနေသည့်အလား သူတို့ လုပ်စရာရှိသည်များကို ခပ်သွက်သွက် လုပ်ဆောင်တော့သည်။ `တက်.. တက်၊ ကားပေါ်တက်၊ ကားပေါ်တက်´ ဆိုက်ကားဂိတ်အတွင်းရှိ မြင်မြင်သမျှ ယောက်ျား ဘသားအားလုံးကို ကားပေါ်သို့ အလျင်စလို တက်စေရာ ကိုတင့်ဆွေတို့မှာ ဘုမသိဘမသိဖြင့် တက်ကြရလေသည်။ `မြန်မြန်၊.. မြန်မြန်´ ရှေ့ခန်းမှာ ထိုင်နေသည့် ပုဂ္ဂိုလ်က လောဆော်အပြီးတွင်မတော့ ကားက ၀ူးကနဲ မောင်းထွက်လေတော့သည်။ ဆိုက်ကားဂိတ်ကလေးကတော့ အနောက်တွင် ရိပ်ကနဲ ရိပ်ကနဲ ကျန်ခဲ့လျက်..။ *** `ခင်ဗျားတို့ကို အခုခေါ်လာတာကတော့ ကျနော်တို့နဲ့ အတူတူ တပတ်ဆယ်ရက်တန်သည်ပေါ့ဗျာ။ ကူညီပေးစေချင်လို့ပါ။ ဆယ်ရက်ထက် ပိုမကြာစေရဘူး။ ပြီးတာနဲ့ ခင်ဗျားတို့ကို အိမ်အရောက် ပြန်ပို့ပေးပါမယ်။´ ဘာအဆင့်မှန်း မသိသော ပုဂ္ဂိုလ်၏ စကားသံကို မကြားတချက်၊ ကြားတချက်။ စိတ်တွေကတော့ အိမ်တွင် မိမိပြန်အလာကို မျှော်နေမည့် ဇနီးနှင့် သမီးဆီကိုသာ ရောက်နေ၏။ ဒီလိုနှင့် သူတို့ပြောသည့် ဆယ်ရက်ထက် ပိုမကြာသော လပေါင်းများစွာမှာ တပ်ပေါင်းများစွာက မိမိတို့ကို ၀န်တင်လားများသဖွယ် အလဲအလှယ်ပြုရင်း မရဏ အနိဋ္ဌာရုံ စစ်မြေပြင်တွင် လူးလာခေါက်တုံ့ သယ်ပိုးပေးနေရသည်မှာ ကြာခဲ့ပါပကော..။ ဒီတခေါက်ပြီး ပြန်ရနိုး..၊ နောက်တခေါက်ဆို ပြန်ပို့နိုးနှင့် ခန္ဓာကိုယ်တွင်းရှိ အားအင်များမှာလည်း ခန်းလှပြီ။ အိမ်ကိုလဲ လွမ်းလှပြီ။ *** `သွားမယ်ဟေ့..အသင့်ပြင်´ လူသံရုန်းရုန်းနှင့်အတူ မကြားချင်သော လောဆော်သံကြောင့် အတိတ်ဆီမှ နိုးထလာသော စိတ်သန္တာန်တို့ကို လက်ရှိပစ္စုပ္ပန်တွင် လောကငရဲခံရန် အဆင်သင့် ပြင်ရပြန်သည်။ မိုင်ရှည်ခရီးနှင်လာရသော ယာဉ်အိုကြီးတစီး၏ အင်ဂျင်စက်နှယ် ခန္ဓာကိုယ်က လေးလံစွာ ရုန်းထလေ၏။ ဘယ်တော့ဆုံးမည်မသိသော စစ်ပွဲများကို စိတ်မပါလက်မပါဖြင့် ၀န်စည်စလယ်များကို ထမ်းပိုးရင်း ထောက်ပံ့ပေးရဦးမည်။ မိမိကျောတွင် ထမ်းပိုးထားရသော ကျည်ဆံများသည်ကား မည်သူ့ အသက်ဇီဝိန်ကို ခြွေဦးမည်မသိ။ ကိုယ့်ဆွေမျိုးကို ကိုယ်ပြန်သတ်မည့် သေမင်းတမန် လက်နက်များသည်ကား သူတို့ရှိရာသို့ အတ္တတို့၏သခင် အာဏာရှင်များ အမိန့်အရ ရက်စက်ခြင်း နမိတ်ပုံတွေကို ဆောင်ကြဉ်းရန်အတွက် တစတစ ချဉ်းကပ်နေလေပြီ။ ခြေလှမ်းတို့က စိတ်မပါလှစွာဖြင့် လှမ်းဆဲ။ အမိန့်သံတို့က ရိုင်းပြစွာ ထပ်ချပ်မကွာ လိုက်ပါဆဲ။ သို့သော် ဘယ်သူမှ ပိုင်စိုး၍မရသော စိတ်ထဲမှ ရွတ်ဆိုသံကိုတော့ သူတို့ ကြားနိုင်အံ့မထင်..။ `ရပ်ပါတော့… စစ်ပွဲတွေ ရပ်လိုက်ပါတော့…၊ အဲဒီနေရာတွေကို မသွားကြပါနဲ့တော့… မသွားပါရစေနဲ့တော့….(((((((((((((((´ ကလိုစေးထူး

ကျနော်နှင့် တင်းနစ်ကွင်းကလေး..

နေ့စဉ်နေ့တိုင်း မျက်နှာချင်းဆိုင်ခွင့်၊ မြင်တွေ့ခွင့် ရနေတဲ့ အဲဒီနေရာလေးရှိတဲ့နေရာကို လွန်ခဲ့တဲ့ နှစ်နှစ်နီးပါးက ကျနော် ရောက်ရှိခဲ့ပါတယ်။

နွေရာသီရောက်လာပြီဆိုရင်တော့ ဒီနေရာလေးမှာ တင်းနစ် ကစားသူ၊ တခါလေတော့လည်း အပူအပင်ကင်းစွာနဲ့ စကိတ်စီးကစားတတ်တဲ့ ကလေးငယ်လေးများနဲ့ ဒီကွင်းလေးဟာ စိုပြည်နေတတ်ပါတယ်။

တင်းနစ်ကစားနည်းဟာ ကိုယ်ကာယ အားထုတ်ကစားရတဲ့ အားကစားနည်းတွေထဲမှာ တတိယမြောက် အမောပန်းဆုံးတဲ့။ (ပထမ အမောပန်းရဆုံးက လက်ဝှေ့၊ ဒုတိယက ဘက်စကက်ဘောပါ၊ လူကြိုက်သိပ်များလှတဲ့ ဘောလုံးအားကစားနည်းကတော့ စတုတ္ထမြောက် အမောပန်းရဆုံးပါတဲ့။)

တကယ်တမ်း သေချာ စဉ်းစားကြည့်တော့ ကျနော်တို့ မြန်မာလူမျိုး အခြေခံလူတန်းစားတွေနဲ့ တင်းနစ် ကစားနည်းဆိုတာက မိုးနဲ့မြေအလား အလှမ်းကွာလှတယ်လို့ ထင်မိပါတယ်။ တင်းနစ်ကွင်း ဆိုတာကြီးကို သီးသန့် ဆောက်ရ၊ တင်းနစ်ရိုက်တံခ၊ ဘောလုံးခကလည်း ဈေးကြီးပါသဘိနဲ့ ဆိုတော့ ကျနော်တို့ မြန်မာလူမျိုးတွေ နိုင်ငံတကာမှာ တင်းနစ်ကစားနည်းနဲ့ ပတ်သက်လို့ ဟုတ်တိပတ်တိ ဘာဆု တခုတလေမှ မရဖူးသေးတာဟာ အဆန်းတော့ မဟုတ်လှပါဘူး။

ကျနော်တို့ မြို့ကလေးမှာတော့ ဘုရားစူးရစေ့ တင်းနစ်ကွင်းတခု ရှိပါတယ်။ မြို့ပိုင် တပ်ရင်းမှူးက တခါတလေ သူ့နောက်တော်ပါ ဗိုလ်မင်းတွေနဲ့ လာလာ ကစားတတ်ပါတယ်။ တခါတလေတော့လည်း မြို့မျက်နှာဖုံး ခေါ်ရမလားမသိ၊ ပိုက်ဆံဝါလား သူဌေးတချို့ ကစားတာ တွေ့ရတတ်ပါတယ်။ သူတို့ ကစားတာကို မျှော်ငေးရင်းနဲ့သာ အော်… ငါတို့ ငယ်ငယ်က ကင်းဘုတ်ပစ်တမ်းကစားခဲ့တဲ့ ဘောလုံးလေးတွေက လူကြီးတွေ ဒီလိုမျိုးကစားရတဲ့ တင်းနစ် ကစားနည်းပါလား လို့ နားလည်ခဲ့ရပါတယ်။

တီဗွီက အားကစားလိုင်းတွေကို ကြည့်ပါများတော့ တင်းနစ်ကစားနည်းရဲ့ အမှတ်ပေးပုံကို အတန်ငယ် နားလည်လာပါတယ်။ အင်း.. ကမ္ဘာမှာ တင်းနစ်ကို သူမတူထူးချွန်အောင် ကစားနိုင်တဲ့ လူတွေများ တော်တော်ကို ၀င်ငွေဖြောင့်ကြတာကိုး။ အဲဒီ ထူးချွန်ပြီး ၀င်ငွေဖြောင့်နေတဲ့ လူတွေကို သေချာလေ့လာကြည့်တော့လည်း ချမ်းသာတဲ့ နိုင်ငံက လူတွေ ဖြစ်နေတာ များပါတယ်။ လက်ရှိ ကမ္ဘာ့ အဆင့်တစ် ရော်ဂျာဖယ်ဒါးရား ဆိုရင် ဆွစ်ဇာလန်က၊ အန်ဒီရော့ဒစ်ဆိုရင် အမေရိကန်က…။

ဆောင်းတွင်းတုန်းကတော့ တင်းနစ်ကွင်းလေး ခမျာမှာ အေးခဲလှတဲ့ ရာသီဥတုနဲ့အတူ အဖြူရောင် နှင်းဖတ်တွေကို တချိန်လုံးလိုလို ထမ်းပိုးခဲ့ရပါတယ်။ လူတွေကလည်း သူ့ကို လှည့်မကြည့်အားပါဘူး။ အဲဒီတော့ သူ့ခမျာမှာလည်း ငေးငိုင်ငိုင်နဲ့ပေါ့။

တခါတလေ ကျနော် စဉ်းစားကြည့်မိပါတယ်။ ကျနော်တို့ ဘ၀တွေက တင်းနစ်ဘောလုံးလေးတွေနဲ့ တူနေလေရော့သလားမသိ..။ တခါတခါမှာ အားပြင်းပြင်းနဲ့ အရိုက်ခံလို ခံရ၊ တခါတခါကျတော့လည်း လိုရာကို ရောက်အောင် အသာလေး ပင့်ပြီး ညင်ညင်သာသာ အပို့ခံလို ခံရ၊ တခါတလေကျတော့လည်း ကစားသမားတွေက ရှုံးနိမ့်တဲ့ အခါ အလိုမကျမှုနဲ့ အတူ အဝေးကို ဒေါသတကြီး ရိုက်ထုတ်ခံရလိုခံရနဲ့၊ ကစားသမားတွေက အောင်ပွဲရတော့ တင်းနစ်ဘောလုံးလေးတွေက ချောင်ကွယ်မှာ ငြိမ်ကုပ်လို့ ဘယ်သူမှ သတိမထားမိတဲ့ အဖြစ်။

တင်းနစ်ကွင်းလေးကို `ဖျတ်´ကနဲ ဓာတ်ပုံရိုက်ရင်း စိတ်ပေါက်ပေါက်နဲ့ `ဟေး´ လို့ အော်ပစ်လိုက်တော့၊ အနားက ကလေးတွေက ကျနော့်ကို ကြောင်စီစီနဲ့ လှမ်းကြည့်နေလေရဲ့။

ကလိုစေးထူး

ကျနော့်အကြိုက်(၃)...

ဒီတပတ် ကျနော့်အကြိုက်ကတော့ ဆရာ နန္ဒာစိုး(ဆင်ဖြူကျွန်း) ရဲ့ `ကျွန်တော်တို့နဲ့ ကြမ်းပိုးတကောင်´ ၀တ္ထုတို ဖြစ်ပါတယ်။

ဆရာ နန္ဒာစိုး(ဆင်ဖြူကျွန်း)ရဲ့ အရေးအသားတွေကို ကျနော် စတင် နှစ်သက်ခဲ့မိတာကတော့ သောင်းပြောင်းထွေလာရယ်စရာ မဂ္ဂဇင်းက `ဂွစာ၏ တလစာမှတ်တမ်း´ အရေးအသားတွေကိုပါ။ လူတယောက်ရဲ့ တလအတွင်း နေ့စဉ် ဖြစ်ပျက်ကြုံဆုံရပုံတွေကို ဟာသလေးနှောလို့ ဖတ်ချင်စဖွယ် ရေးလေ့ရှိတဲ့ ဆရာဟာ ၀တ္ထုတိုတွေ ရေးတော့လည်း အင်မတန်မှ ပြောင်မြောက်လှပါတယ်။

ဒီဝတ္ထုကိုတော့ ၂၀၀၂ခုနှစ်၊ ဧပြီလထုတ် ရနံ့သစ် မဂ္ဂဇင်းမှာ စတင်ဖော်ပြခဲ့တာပါ။ ဧရာဝတီ အင်တာနက် မဂ္ဂဇင်းရဲ့ ရသလွင်ပြင်ကဏ္ဍမှာ ဖတ်မိတော့ နှစ်သက်လှတာကြောင့် ကျနော့် ဘလော့ခ်မှာ ထပ်ဆင့် ဝေမျှလိုက်ပါတယ်။

အဲ..၊ ဆရာ နန္ဒာစိုးရဲ့ ၀တ္ထုကို မဖော်ပြမီမှာ နည်းနည်းလောက် လေကြောရှည်ပါရစေ။ မြန်မာ ဘလော့ကာစာအုပ်များ ဘလော့မှာ ကျနော့်အကြိုက်(၂) မှာ တင်ခဲ့တဲ့ ဆရာလင်းထင်ရဲ့ `ခေါင်းလောင်းကလေး၏ နေ့စွဲများ´ ၀တ္ထုကို တင်ရာမှာ တစုံတရာ မှားယွင်းမှုကြောင့်လားမသိ၊ တချို့က ကျနော်ရေးတယ်လို့ ထင်ဟန်ရှိပါတယ်။ ကျနော်ရေးတယ် အမှတ်နဲ့ ချီးကျူးထားကြတာကိုတွေ့တော့ အဲဒီဝတ္ထုရေးသူက ကျနော် မဟုတ်တဲ့အတွက် မနေတတ်မထိုင်တတ်နဲ့ ရှက်ရွံ့မိပါတယ်။ ကျနော်ရေးတာ မဟုတ်ရပါကြောင်းတော့ ကွန်မန့်ပြန်ရေးခဲ့ပါတယ်။
ကဲ..၊ `ကျွန်တော်တို့နဲ့ ကြမ်းပိုးတကောင်´ ၀တ္ထုကို ခံစားကြည့်ကြပါစို့။

ကျွန်တော်တို့နဲ့ ကြမ်းပိုးတကောင်

(၁)

ကြားရတဲ့ ဖိုးသာဒင်ရဲ့အကြောင်းက သတင်းကောင်းမဟုတ်ဘူး ။ သည်တော့ စိတ်လည်းမကောင်းရဘူး ဆိုပါတော့ ...။ ဒါပေမယ့် သတင်းကြားကြားချင်း ဖိုးသာဒင်ဆီ ထပြေးရအောင်ကလည်း အချိန်အားက မရသေးတော့ ကြားတဲ့သတင်းကိုပဲ ရင်ထဲမှာမကောင်းဘဲ ထည့်ထားရတယ်။ ညနေဘက်တော့ မဖြစ်ဖြစ်အောင် သွားတွေ့မယ်လို့ဆုံးဖြတ်ရင်း မပြီးစီးနိုင်တဲ့ ကိစ္စမြားမြောင်ထဲမှာပဲ ကိုယ့်ကိုယ်ကိုယ် ဇွတ်နှစ်မြှပ်ထားနေရတယ်။ ဒါပေမယ့် ... အလကားပါ၊ စိတ်က ဖိုးသာဒင်ဆီကိုပဲ ရောက်ရောက်နေတယ်။ အသားညိုညို၊ ခန္ဓာကိုယ် သေးကျစ်ကျစ်၊ အရိုးခံ မျက်လုံးတွေနဲ့ ဖိုးသာဒင်ရဲ့မျက်နှာကိုပဲ မြင်မြင်နေတယ်။ မာယာမပါတဲ့ အပြုံးစင်းစင်းနဲ့ ၀င်္ကန္တမစွက်တဲ့ ဖိုးသာဒင်ရဲ့ အရိုင်းဆန်ဆန် မေးခွန်းတွေပဲ နားထဲမှာ ကြားကြားနေတယ်။ ဘယ်လိုပြောရမလဲ ...။

အင်း ... နေမထိ ထိုင်မသာကြီးပဲ ဆိုပါတော့။

(၂)

ဖိုးသာဒင်ဆိုတာက ကျွန်တော်နဲ့ခင်မင်ရင်းနှီးနေတဲ့ ထန်းတက်သမား ကောင်လေးတယောက်ပါ။ အသက်က ဘာရှိဦးမလဲ၊ ရှိလှမှ ၁၅ နှစ်ပေါ့။ ကျွန်တော်နေတဲ့မြို့နဲ့ နှစ်မိုင်လောက်အကွာက ထန်းသမားမိသားစုတွေနဲ့ ထန်းတောထဲမှာနေတယ်။ ထန်းတဲကလေး တလုံးနဲ့ပေါ့လေ။ အသက် ၁၅ နှစ်အရွယ် ထန်းတက်သမားလေးဆိုတော့ မထူးလှပါဘူး၊ အညာထန်းတောထဲမှာ တွေ့နေကျ ထူးမခြားနား ထန်းတက်သမား ချာတိတ်ကလေးတွေလိုပါပဲ။ အသားညိုညို ၊ နေလောင်ဒဏ်သင့်ပေမယ့် ထန်းပင်တက်ခြင်း အိပ်ဆာဆိုက်ကြောင့် ကျစ်လျစ်နေတဲ့ ခန္ဓာကိုယ်နဲ့ ခပ်ရိုးရိုး ကောင်ကလေးတယောက်ပါ။ အမေမုဆိုးမကြီးနဲ့ သားအမိနှစ်ယောက်ထဲ နေတယ်။ သူ ငါးတန်းကျောင်းသားဘ၀မှာ သူ့အဖေ သေဆုံးသွားခြင်းကစလို့ အဖေ့ကိုယ်စား ထန်းပင်တွေကိုပွေ့ဖက်၊ စာသင်ကျောင်းကို နှုတ်ဆက်ခဲ့ရတယ်လို့ပြောရင်ပဲ မခမ်းနားတဲ့ သူ့ဘ၀အတ္ထုပ္ပတ္တိက ပြည့်စုံသွားပါပြီ။

သူနဲ့ ကျွန်တော်တို့ဟာ သူ့တဲကထွက်တဲ့ ပင်ကျရည်မြူအိုးကလေးတွေရဲ့ တံတားထိုးမှုနဲ့ ပေါင်းကူးဆက်သွယ် ခင်မင်ခဲ့ကြပါတယ်။ ကျွန်တော်တို့ဆိုတာက ကျွန်တော်ရယ်၊ ကျွန်တော်နဲ့ရေးဖော် ကဗျာဆရာတယောက်ရယ်ပေါ့။ ဘာရယ်မဟုတ်ဘူး၊ ကျွန်တော့်သူငယ်ချင်း ကဗျာဆရာနဲ့ ကျွန်တော်ဟာ နေညိုရင် လေမပြိုတတ်ကြသေးပေမယ့် မြို့ပြနဲ့ဝေးရာ သူ့ထန်းတဲကလေးဆီကို စက်ဘီးကိုယ်စီနဲ့ ရောက်ကြလေ့ရှိတယ်။ ထန်းတော ထန်းလက် ထန်းရွက်တွေကို လွတ်လပ်စွာ ဖြတ်သန်းလာတဲ့ လတ်ဆတ်တဲ့လေညင်းကို ရှူရှိုက်ရင်း သူ့ပင်ကျရည်ကို ကျွန်တော်တို့မှာပါလာတဲ့ စာပေအကြောင်း သောင်းပြောင်းထွေလာ ငြင်းခုံအုံဖွဲ့ စကားလုံးတွေနဲ့ မြည်းကြတယ်။ မြို့ပြရဲ့ တနေ့တာလှုပ်ရှားရုန်းကန် မွန်းကျပ်မှုထဲကနေ သူ့ထန်းတဲ ဟောင်းဟောင်းအိုအို ကလေးဆီ ညနေတိုင်း ထွက်ပြေးခိုလှုံလာတတ်တဲ့ ကျွန်တော်တို့နှစ်ယောက်ကို သူကတော့ စာရေးဆရာတွေဆိုပြီး အထင်ကြီးလေးစားပုံရပါတယ်။ ကျွန်တော်တို့ ပြောဆိုငြင်းခုံနေရင် (သူကလည်း အလုပ်အားနေသေးရင်) မလှမ်းမကမ်းကနေပြီး နားထောင် ထောင်နေတတ်တာပါပဲ။

ကျွန်တော်တို့ကတော့ ဘာရယ်မဟုတ်ဘူး။ “မန္တလေး”၊ “မြန်မာ” နဲ့ “နိုင်ငံတကာ” ဈေးကြီးတာချင်း အတူတူကို မကပ်နိုင်တဲ့ ခပ်မွဲမွဲ ဘိုင်ကောင်တွေပီပီ၊ လွတ်လပ်အေးချမ်းစွာ ငြင်းခုံခွင့်ရတဲ့ သူ ထုတ်လုပ်တည်ခင်းတဲ့ မြူအိုးတွေထဲက ရိုးရာဘီယာ ဈေးခပ်ပေါပေါနဲ့ပဲ စီးမျောလွင့်ပါးမိခဲ့ကြခြင်းသက်သက်ပါပဲ။

အဲဒါဟာ ကျွန်တော်တို့နဲ့ ဖိုးသာဒင်ကလေးရဲ့ ဆက်နွယ်မှုသမိုင်း သံခိပ်ပေါ့လေ။

(၃)

မှတ်မိနေတာလေး ရှိသေးရဲ့။

တညနေမှာပေါ့။ ကျွန်တော်နဲ့ ကဗျာဆရာထိုင်နေတဲ့ဝိုင်းဆီကို ဖိုးသာဒင်နဲ့ လူကြီးတယောက်ရဲ့ စကားသံတွေလွင့်လာတယ်။

‘ဟာ မလုပ်ပါနဲ့ ဦးတာတေရာ၊ ဦးလေး အကြွေးတွေ များနေပြီ၊ ကျွန်တော်တို့လည်း ဒါရမှ ဒါစားရတာ။ မနက်ဖြန်တော့ ဆက်ဆက်ကြီး ဖဲ့ဆပ်ပါဦးနော်’
‘အေးပါကွ၊ မနက်ဖြန် ဖဲ့ဆပ်မယ်၊ စိတ်ချစမ်းပါ ...’

ဒီလောက်ပါပဲ။ မြူအိုးဆွဲပြီး ထွက်သွားတဲ့လူကြီးကို ကျွန်တော်တို့ ငေးကြည့် ကျန်ရစ်နေတုန်းမှာပဲ ဖိုးသာဒင်က ပြောလိုက်တယ်။ ကျွန်တော်တို့ကို ဦးတည်ပြီး သူ့ဒုက္ခကို ရင်ဖွင့်လိုက်တာပါ။

‘ခက်တာပဲ ဆရာတို့ရာ၊ အဲဒီဦးလေးကြီးက သူလိုချင်ရင် ဇွတ်ယူတော့တာပဲ။ ပိုက်ဆံကျ သူစိတ်ကူးရမှ ရှင်းတာ။ ပြောလို့လည်း မရဘူး’

ကျွန်တော်တို့ ပြိုင်တူ သက်ပြင်းချမိတယ်။ ခဏရှိတော့ ကဗျာဆရာက ဘာစိတ်ကူးပေါက်တယ် မသိဘူး။

‘ဟေ့ ... အဲဒါ အလွယ်ကလေး ရတယ်ကွ၊ ဒီမှာကြည့် ...’

ပြောပြောဆိုဆိုနဲ့ နေရာက ထတဲ့ပြီး တဲထောင့်က သံပြားဟောင်းကလေး တချပ်ကို ကောက်ယူတယ်။ ပြီးမှ အနားမှာတွေ့တဲ့ မီးသွေးခဲတခဲနဲ့ သံပြားပေါ်ကို စာတကြောင်း ရေးချလိုက်တယ်။

“လောကကြီးမှာ ဘာမှ အလကားမရ”တဲ့။

ရေးပြီးမှ သံပြားကို တဲရှေ့က ၀ါးပိုးဝါးတိုင်ခြေမှာ ထောင်လိုက်ပြီး ကဗျာဆရာက ထပ်ပြောတယ်။

‘မင်း အဲဒီ အိုင်ဒီယာအတိုင်းသာ သွား၊ တော်တန်ရုံ မျက်နှာပြောင်တဲ့သူတွေကတော့ ဒီစာကြောင်းကို မြင်တာနဲ့ မင်းကို ငွေရှင်းပေးဖို့ သူတို့ အိပ်ကပ်ကို ပြန်စမ်းမိကြလိမ့်မယ်’

ဖိုးသာဒင်က ငုံ့ဖတ်ကြည့်ပြီး ပြုံးလို့။ ပြီးတော့ ရိုးရိုးကလေး ပြန်မေးတော့ ကျွန်တော်တို့လည်း ပြုံးဖြစ်သွားရဲ့။

‘သံပြားပေါ်က စာကတော့ဟုတ်ပါပြီ၊ အဲဒီ အိုင်ဒီယာဆိုတာက ဘာကိုပြောတာတုန်း’
‘အေး ... ဟုတ်သားပဲ၊ အိုင်ဒီယာဆိုတာ အတွေးအခေါ်ပေါ့ကွာ၊ အတွေးအခေါ်ကို ပြောတာ’
‘အတွေးအခေါ် ဟုတ်လား ...’

အတော်ကြာသွားတယ်။ “အတွေးအခေါ်” ဆိုတာရဲ့ အဓိပ္ပာယ်ကို “တွေးခေါ်” နေရတာကိုက ဖိုးသာဒင်မှာ မျက်မှောင်တွေကြုတ်လို့။ ဒါကို ကျွန်တော်တို့ ရိပ်စားမိကြပါတယ်။ ကဗျာဆရာက ထပ်ရှင်းတယ်။

‘ဒီလိုကွာ၊ “လောကကြီးမှာ ဘာမှ အလကားမရဘူး” ဆိုတာ အမှန်တရားတခုလို့ ပြောတာ၊ ရိုးရိုးကလေးရယ်။ အေး … ဒါပေမယ့် ရိုးသလောက် ပြင်းထန်တယ်နော်။ မှတ်ထား၊ အမှန်တရားဆိုတာ ရိုးသလောက် ပြင်းထန်တယ်။ ခပ်ပျော့ပျော့ ခပ်ညံ့ညံ့ကောင်တွေဟာ အဲဒီ အမှန်တရားဆိုတာနဲ့တွေ့ရင် မခံနိုင်ဘူး၊ ပက်လက်လန်ကုန်တာပဲ၊ ဒါမှ မဟုတ်ရင်လည်း ထိပ်တိုက်မတွေ့ရဲဘဲ နည်းမျိုးစုံနဲ့ ရှောင်ပြေးရော’

ရှင်းခါမှ ပိုရှုပ်ကုန်ပြီ ထင်ပါရဲ့။ ဖိုးသာဒင် ပိုပြီး မျက်မှောင်တွေ ကြုတ်ကုန်ပါလေရော။ ကျွန်တော် ကဗျာဆရာကို တခွန်းဝင်ပြောလိုက်တယ်။

‘ရှေ့နေမင်း ကယ်မှ ထောင်လုံးလုံးကျတော့မှာပဲ ကျောင်းဒကာရယ်။ ဖိုးသာဒင် ချာတိတ်ကလေးဟ၊ သူ့အိုးနဲ့သူ့ဆန် တန်ရုံခပ်စမ်းပါဦး’

ကျွန်တော်တို့ သုံးယောက်လုံး ရယ်ဖြစ်ကြတယ်။ ကဗျာဆရာက ရှေ့ဆက်တယ်။

‘ကဲ ထားကွာ၊ လောကကြီးမှာ ဘာမှ အလကားမရဘူးဆိုတာ အမှန်တရားတခု၊ အမှန်တရားဆိုတာ ဘယ်သူမှ ငြင်းလို့မရတဲ့ ယေဘုယျ အရိုးစင်းဆုံး သဘောတူညီ သတ်မှတ်ချက်။ ဥပမာ ဖိုးသာဒင်ရာ၊ မင်း ထမင်းစားဖို့အတွက် ဆန် ဘယ်ကရသလဲ’
‘ဈေးက ၀ယ်ရတာပေါ့ခင်ဗျ’
‘အဲဒီအတွက် မင်းက ညီမျှတဲ့တန်ဖိုး ပေးရတယ်မို့လား။ တပြည်လိုချင်ရင် သူသတ်မှတ်တဲ့ တပြည်ဈေး၊ တတင်းလိုချင်ရင် သူ သတ်မှတ်တဲ့ တတင်းဈေး … အဲဒီ ပိုက်ဆံပေးမှ ရတယ် မဟုတ်လား’

ဖိုးသာဒင် ခေါင်းညိတ်တယ်။

‘အေး … အဲဒီတော့ အရိုးဆုံး မင်းမှတ်ထားလိုက်ဖို့က လောကကြီးရဲ့ နေရာတိုင်း၊ ဖြစ်စဉ်တိုင်းမှာ ကိုယ်က တခုပေးမှ တခုပြန်ရတယ်။ ကိုယ့်ဘက်က အရင်းအနှီးပြောပြော၊ တန်ရာတန်ကြေးပဲပြောပြော၊ တစုံတရာ မပေးဘဲနဲ့တော့ ကိုယ်လိုချင်တာလည်း ဘယ်တော့မှ ပြန်မရဘူး ဆိုတာပဲ။ မဆန်းပါဘူးကွာ၊ လူတွေဟာ တယောက်နဲ့တယောက် ဖလှယ်ပေးဆပ်ရင်း ရယူနေကြတာချည်းပါပဲ။ လူအချင်းချင်း ဝေးလို့၊ သဘာဝတရားကြီးကတောင် အဲဒီ အခြေခံအချက်ကြီးထဲက ပြေးမလွတ်ဘူးကွ။ မင်း မှတ်ထား၊ တို့ အသက်ရှူနေတဲ့ “လေ”တောင် အလကား မရဘူး။ အဲဒီ “လေ” ရဖို့ မင်းရဲ့အဆုပ်တွေ၊ နှာခေါင်းတွေက “ရှူ”တဲ့အလုပ်ကို ရပ်လိုက်တာနဲ့ မင်းလည်း “လေ” ပြတ်ပြီ အောက်မေ့ပေတော့’
‘ဒါတော့ အမှန်ပဲပေါ့ခင်ဗျ၊ ဒါပေမယ့် သူက မှန်လျက်သားနဲ့ ပြင်းထန်နေရတာက ဘယ်လိုကြောင့်တုန်း။ အမှန်တရားဆိုတဲ့ ကိစ္စကြီးဟာလေ’

အင်း … အဖြေ ဘုရားလောင်း ဖြစ်တာ မဖြစ်တာ နောက်ထား၊ အမေး နွားကျောင်းသားကတော့ တဆင့်ပြီးတဆင့် လုပ်လာပြီလို့တွေးရင်း ကျွန်တော်ပြုံးမိရပြန်တယ်။ ကိုယ့်လူကတော့ ကျားမြီးဆွဲမိလျက်သား ဖြစ်နေပါပကော။ နိုင်အောင်သာ ဆက်ဆွဲပေတော့လို့ အားပေးပြီး ပြုံးပြလိုက်ရပေတော့ရဲ့။

‘ဒါက မင်းကိုယ်တိုင် ကြုံလာတဲ့တနေ့ကျမှ အဖြေရှင်းရှင်း ရမှာကွ။ အေး … ဒါပေမယ့် တခုတော့ ရှိတယ်နော်၊ အမှန်တရားဆိုတဲ့ နေရာမှာလည်း သူနဲ့ တိုက်ခိုက်ထိတွေ့နေတဲ့ ကာလနဲ့ အချိုးညီနေမှ။ ကဲကွာ မင်း ငယ်ငယ်က မုန့်ပျားသလက် တချပ်ကို ဘယ်လောက်ပေးဝယ်စားရသလဲ’
‘တခုကို ငါးမူးလေ၊ အခုတော့ ငါးကျပ် … ခင်ဗျ’
‘အဲဒါပဲ၊ ဟိုးတုန်းက ငါးမူးပေးခဲ့ရပြီး အခု ငါးကျပ်ပေးရတာမို့ အခု ငါးကျပ်ပေးနေရတာဟာ မှားနေပြီလို့ ပြောလို့မရသလို ဟိုတုန်းက ငါးမူးပေးခဲ့ရတာကိုလည်း မှားခဲ့တယ်လို့ ပြောလို့မရဘူး။ သတ်မှတ်တန်ဖိုးချင်း ကွာခြားသွားတာဖြစ်ပေမယ့် နှစ်ခုစလုံးဟာ မှန်နေတာချည်းပဲ။ ဘာကြောင့်လဲဆိုတော့ “ဖြစ်စဉ်”က သူနဲ့ တိုက်ရိုက်ထိတွေ့နေရတဲ့ “ကာလ”နဲ့ အချိုးကျနေလို့ပဲ။ ဒါကြောင့် အမှန်တရားဆိုတာက “ကာလ”နဲ့ လိုက်ပါပြီး ပြောင်းလဲနေတတ်တာမျိုး”လို့ မှတ်ထားဦး။ ပြီးတော့ အမှန်တရားဆိုတာ ဝေေ၀၀ါးဝါး၊ ဇဝေဇ၀ါ လူတွေနဲ့တွေ့ရင်လည်း သူ့ကို ဇွတ်တရွတ် အနိုင်ကျင့်ခံရတတ်သေးသကွ။ အဲဒါနဲ့ပတ်သက်ပြီး မင်းကို ရယ်စရာပုံပြင်ကလေးတပုဒ် ပြောပြမယ်၊ နားထောင်မလား။

ကျွန်တော်ကတော့ ပြုံးနေရတာပါပဲ။ ကိုယ့်လူက အဲဒီလို စကားလုံးတွေ သွန်ချနေရမယ်ဆိုရင် ထမင်းမေ့၊ ဟင်းမေ့ လူစားကိုး။ ဖိုးသာဒင်က ခေါင်းညိတ်ပြတယ်။ ပုံပြင်ဆိုတော့လည်း ပိုပြီး စိတ်ဝင်စားလာဟန် တူပါရဲ့။

‘ဒီလိုကွ၊ ကုန်းဘောင်ခေတ်တုန်းက ဟာသပုံပြင်ကလေးပေါ့ကွာ။ စာသင်သား ကိုရင်ကလေးတွေ စာဖြေကြရတဲ့ စာမေးပွဲတခုမှာပေါ့ကွ။ ကိုရင်ကလေး တပါးကလည်း ၀င်ဖြေသတဲ့၊ အဲဒီမှာ အခုပြောတဲ့ ကိုရင်ကလေးက ဖြေရင်း ဖြေရင်းနဲ့ သူ ဘာမှ မသိတော့ဘူးတဲ့ကွ၊ ဆက်မဖြေနိုင်တော့ဘူးပေါ့ကွာ။ ဒါပေမယ့် ဒီအတိုင်းလည်း ငူငူကြီး ငြိမ်ထိုင်မနေချင်တော့ သူ့စိတ်ကူးထဲ ပေါ်သမျှတွေကို ထင်ကရာ လျှောက်ရေးတော့တာပဲဟေ့၊ စာမျက်နှာပြည့်အောင် ဖြေမယ်ဆိုတဲ့သဘော နေမှာပေါ့ကွ၊ သူ ထင်သမျှ အကုန်လျှောက်ရေးပြီးတဲ့အချိန်မှာ အောက်ဆုံးကနေ “ဟံသာဝတီ ဆရာတော်ဘုရားကြီး၏ မူ”လို့ ရေးလိုက်တယ်။ ဟံသာဝတီ ဆရာတော်ဘုရားကြီးဆိုတာ ရှင်ဘုရင်ကိုးကွယ်တဲ့၊ ဘုန်းမီးနေလ တောက်ပနေတဲ့ နာမည်ကျော် ဆရာတော်ဘုရားကြီး ဆိုပါတော့ကွာ။ အမှန်က ကိုရင်ကလေးလည်း ဆရာတော်ဘုရားကြီးဆိုတဲ့ နာမည်ကို ကြားဖူးနေတာပဲရှိတယ်၊ ဆရာတော်ဘုရားကြီးရဲ့မူက ဘယ်လိုဘယ်ဝါဆိုတာ ဘာမှသိတာမဟုတ်ဘူး။ ဒါပေမယ့် အောင်စာရင်းထွက်လာတော့ ကိုရင်ကလေးက “အထူအောင်”နဲ့ အောင်သတဲ့ ဖိုးသာဒင်ရေ။ ဒီခေတ်စကားနဲ့ ပြောရရင်တော့ ဂုဏ်ထူးနဲ့ အောင်တယ်ပေါ့ကွာ’
‘ဟင် … ဘာဆိုင်လို့လဲ၊ သူမှ တကယ် ဆက်မဖြေနိုင်တာကြီးကို …’

ဖိုးသာဒင်က ဘ၀င်မကျလေသံနဲ့ စောဒကတက်တယ်။

‘အေးလေ၊ ဒါပေမယ့် အဖြေလွှာကို စစ်ရတဲ့ ဆရာတွေကိုယ်တိုင်က အဖြေလွှာကြည့်ပြီး မျက်မှောင်ကြုတ်တဲ့သူက ကြုတ်၊ ခေါင်းကုတ်တဲ့သူက ကုတ် ဖြစ်နေတော့တာကိုးကွ။ “ဟံသာဝတီ ဆရာတော်ဘုရားကြီး၏ မူ”ဆိုတာကို သူတို့လည်း သေသေချာချာ ဂဃနဏ သိတာမဟုတ်ဘူး။ ဒါပေမယ့် ဆရာတော်ကြီးရဲ့ အရှိန်အ၀ါကလည်း ကြီးလွန်းလှတာဆိုတော့ အရမ်းလည်း မပယ်ရဲဘူးကွ။ နောက်ဆုံးတော့ မထူးပါဘူး ကိုယ်တော်ရာ၊ အအောင်သာ ပေးလိုက်ကြပါစို့။ “ဟံသာဝတီ ဆရာတော်ဘုရားကြီး၏ မူ”လို့ ရဲရဲဝံ့ဝံ့ ရေးဖြေ၀ံ့တာ ဒီကိုရင်တပါးပဲ ပါတာ။ ဒီတော့ သူ့ကို အထူးအောင်အဖြစ် ပေးလိုက်ကြပါစို့ ဖြစ်ကရော။ ဒါကြောင့် အမှန်တရားဆိုတာ ဝေေ၀၀ါးဝါး ဇဝေဇ၀ါ လူတွေနဲ့တွေ့ရင်လည်း ဇွတ်တရွတ် အနိုင်ကျင့်ခံရတတ်သေးတယ်လို့ ပြောတာကွ။ မင်းလည်း လူတကာက မှန်တယ်ပြောတိုင်း အရမ်းလက်မခံမိစေနဲ့ဦး။ တော်ကြာ ငါပြောတဲ့ “ဟံသာဝတီ ဆရာတော်ဘုရားကြီး၏ မူ” ဆိုတာမျိုးနဲ့ တည့်တည့်တိုးလို့ ချောက်ကျနေဦးမယ်”

ဖိုးသာဒင် သဘောကျ ရယ်လိုက်တာလေ မျက်စိကိုပိတ်ရော၊ ဒါပေမယ့် အဲဒီနေ့က “လောကကြီးမှာ ဘာမှ အလကားမရ၊ ကိုယ်ကပေးမှ ကိုယ်ပြန်ရ”ဆိုတဲ့ ပို့ချချက်ကိုတော့ အတော်ကြီးသဘောကျ ကျေနပ်သွားဟန် တူတာပဲ။ နောက်ရက် နောက်ရက် တွေမှာလည်း သူက အဲဒီသံပြားပေါ်က စာကြောင်းကလေး မှိန်မှိန်လာတိုင်း ထင်ရှားအောင် မီးသွေးခဲနဲ့ ဖိဖိပြီး ထပ်ထပ်ပြန်ရေးနေတာ တွေ့ရတော့တာကိုး။

(၄)

သတင်းရတဲ့နေ့မှာပဲ ကျွန်တော်တို့ ဖိုးသာဒင်ဆီရောက်ကြတယ်။ ဟုတ်ပါတယ်၊ ကြားရတဲ့ သတင်းဆိုးက အမှန်ပါပဲ။ ဖိုးသာဒင်ကလေးရဲ့ ညာဘက်ခြေသလုံးမှာ ကျောက်ပတ်တီး ဖွေးဖွေးကြီး စည်းလို့။

‘ဆရာဝန်ကြီးက ညို့သကျည်းရိုးက ထက်ပိုင်းကျိုးသွားတာတော့ မဟုတ်ဘူး၊ ဒါပေမယ့် အက်ပြီး ကျိုးလုလု ပြင်းထန်တယ်ပြောတယ်။ တော်ပါသေးရဲ့၊ သူက အသက်ငယ်ရွယ် သေးတဲ့ သွေးသားတက်နေချိန်မို့ သိပ်မကြာခင်မှာပဲ အရိုးပြန်ဆက်ပြီး ပြန်ကောင်းသွားမှာပါ ဆိုလို့’

ဆေးရုံကုတင်ဘေးက ဖိုးသာဒင်ရဲ့အမေက ရှင်းပြတာပါ။ ဖိုးသာဒင်ကတော့ ခပ်ပြုံးပြုံးပဲ ပြောပါတယ်။

‘ဟုတ်တယ်၊ ထန်းပင်ပေါ်က ပြုတ်ကျတယ်ဆိုပေမယ့် “အောက်ရင်းထောင်” အလယ်လောက်က ပြုတ်ကျတာဆိုတော့ သိပ်မမြင့်လို့သာပေါ့။ နက်ဖြန် သန်ဘက်ပဲ ဆေးရုံက ဆင်းမှာပါ။ ဒီကြားထဲတော့ ကျွန်တော့်အစ်ကို တ၀မ်းကွဲကိုပဲ ထန်းတက်ဖို့ အကူအညီတောင်းရတော့မှာပဲ။ ပြန်ဆက်သွားမှာပါ ဆရာတို့ရာ၊ ပူစရာမရှိပါဘူး’

ဟုတ်ပါတယ်။ သူ့အသက်အရွယ်ကလေးနဲ့ပြောရရင် “တက်လူ”ပဲ။ ခြေသလုံးရိုးကိုလည်း ကျပ်စည်းပြီး အပေါ်က ကျောက်ပတ်တီးကိုင်ထားပြီးပြီပဲ။ ပူစရာ မရှိလှပါဘူးလို့ ကျွန်တော်တို့လည်း သဘောရကြပါတယ်၊ စိတ်အေးကြရပါတယ်။ ဒါပေမယ့် ဘယ်မှာ ဟုတ်လို့တုန်း၊ မထင်မှတ်တဲ့ ပူစရာကြီးက မထင်မှတ်တဲ့ထောင့်ကနေ ၀င်လာတာကို တွေ့ကြရပါလေရောလား။ ကျွန်တော်တို့ မျှော်လင့်မထားခဲ့ဘဲ ၀င်လာခဲ့တဲ့ ပူစရာကြီးကို သယ်ဆောင်လာခဲ့တာက တခြား မဟုတ်ဘူး။ ဖိုးသာဒင်ရဲ့ အင်မတန်မာကျောတဲ့ ကျောက်ပတ်တီးကြီးအောက်ထဲကို ၀င်လာခဲ့တဲ့ ကြမ်းပိုးတကောင် ဖြစ်ကြောင်းပါ။

(၅)

ကိုယ်ချင်းလည်း စာတယ်၊ ဒေါသလည်း ထွက်တယ်၊ စိတ်လည်း မကောင်းဘူး။ ဖိုးသာဒင် ကြုံလာရတဲ့ ကြံကြံဖန်ဖန် ဒုက္ခနဲ့ပတ်သက်လို့ ပြောတာပါ။ နောက်တပတ်လောက်မှာ ကျွန်တော်တို့ ဖိုးသာဒင်ရဲ့တဲကို ရောက်ကြတယ်။ ဖိုးသာဒင်မှာ မျက်တွင်းချောင်ကလေးနဲ့၊ ည ည မအိပ်ရလို့ အိပ်ရေးပျက်တာ လေးည ရှိနေပြီတဲ့။

‘ခြေကျိုးတာ အကြောင်းမဟုတ်ဘူး ဆရာတို့ရေ၊ ကျွန်တော့်ကျောက်ပတ်တီးထဲမှာ ၀င်နေတဲ့ ကြမ်းပိုးကမှ တကယ့်အကြောင်း။ ကျွန်တော့်တဲကို ပြန်ရောက်ပြီးမှ ဘယ်ညက ၀င်လိုက်မှန်းမသိဘူး။ ၀င်နေတာကတော့ သေချာတယ်၊ အသားကုန် ကိုက်နေတာ။ ခဏနေရင်း စစ်ခနဲ စစ်ခနဲ။ ဟိုနေရာ ရွှေ့ကိုက်လိုက်၊ ဒီနေရာ ရွှေ့ကိုက်လိုက်၊ ထင်သလို သောင်းကျန်းနေတာဗျ။ လှမ်းကုတ်ရအောင်ကလည်း ဒီလောက်မာတဲ့ ကျောက်ပတ်တီးကြီးပေါ်ကနေ ဘယ်လိုလုပ် ကုတ်နိုင်မှာတုန်း၊ ကျောက်ပတ်တီးကြီးကလည်း ဖြေဖို့ ရက်မစေ့သေး၊ ဖြေလည်း မဖြေတတ်။ ဒုက္ခကြီးပါပဲ ဆရာတို့ရယ်၊ ဘယ်လို နှိမ်နှင်းရမှန်းမသိလို့ ရလိုရငြားဆိုပြီး အခုလိုလုပ်ကြည့်နေတာ။ ဒါလည်း မထူးခြားပါဘူး’

အသံကိုကြားရရုံနဲ့တင် ဘယ်လောက် စိတ်ဒုက္ခရောက်နေတယ်ဆိုတာ သိသာတယ်။ လက်ထဲမှာလည်း စက်ဘီးစမုတ်တိုင်ဟောင်းလေးတချောင်း ကိုင်လို့။ ကြမ်းပိုးကိုက်တဲ့ နေရာကို မှန်းပြီး ကျောက်ပတ်တီးကြားကနေ လှမ်းလှမ်းထိုးနေရင်းက ပြောနေတာပါ။ ကျွန်တော်စိတ်အိုက်သွားတယ်။ ကဗျာဆရာကတော့ ဒေါသတွေ လှိမ့်ထွက်တော့တာပါပဲ။ သူက ကြမ်းပိုးကို အသေမုန်းတဲ့ အဘိဓမ္မာပိုင်ရှင်ကိုး။

‘တောက် … အတော်ဆိုးတဲ့ အဖြစ်ပဲ။ လောကမှာ ဘယ်သူ့ကိုမှ အကျိုးမပြုတဲ့၊ သူများသွေးစုပ်ရုံသက်သက်နဲ့ နေထိုင်ရှင်သန်တဲ့ သတ္တ၀ါတွေထဲမှာ ကြမ်းပိုးက ထိပ်ဆုံးကပါသကွ၊ ဒီသတ္တ၀ါက ရိုးရိုးမဟုတ်ဘဲ ခြေကျိုးလို့ ကိုယ့်ခြေထောက်ပေါ် ကိုယ်မရပ်နိုင်ဖြစ်နေရပါတယ်ဆိုတဲ့ မင်းလို ဒုက္ခိတကိုမှ အကာအကွယ် ကောင်းကောင်းယူပြီး ကျကျနနကြီး သွေးစုပ်နေတယ် ဆိုတာကတော့ တပူပေါ် နှစ်ပူဆင့်ပေါ့ကွာ။ အပါးဝလွန်း အားကြီးနေပြီ။ ဒါပေမယ့် မင်း ခုလို စက်ဘီးစမုတ်တိုင်နဲ့ ထိုးနေတာမျိုးကတော့ အပိုပဲကွ။ မမြင်ရတဲ့ ရန်သူကို မသေမချာ မထိရောက်တဲ့နည်းနဲ့ မျက်မှန်းရမ်းဆ လှမ်းတိုက်ရသလို ဖြစ်နေတယ်။ ငါတို့ နည်းလမ်းရှာဦးမယ်’

အဲဒီနေ့က ပြန်လာကြတော့ ဖိုးသာဒင်ရဲ့ ကျောက်ပတ်တီးကြားက ကြမ်းပိုးက ကျွန်တော်တို့ခေါင်းထဲပါလာပြီး နှစ်ယောက်စလုံးရဲ့ ဦးနှောက်ကို တစစ်စစ် ကိုက်တော့တာပါပဲ။ မခံချင်စရာကလည်း အတော်ကောင်းသကိုး။ စာနာခံစား ကြည့်မိပါတယ်။ ကုတ်လို့မရတဲ့ ကျောက်ပတ်တီးမာမာကြီးအောက်က ကိုက်နေတဲ့ ကြမ်းပိုးဟာ ခြေသလုံးသားနဲ့တကွ “စိတ်”ကိုပါ ကိုက်နေတာပဲ။ ခြေသလုံးသား အကိုက်ခံရတာ မှန်ပေမယ့် ပိုနာ ပိုယား ပိုခံစားရတာက အသည်းနှလုံးကလွဲလို့ ဘာဖြစ်နိုင်ဦးမှာတဲ့လဲ။ သူ့ကို လက်တုံ့ပြန်ဖို့ နောက်ထား၊ သူပေးတဲ့ ဒဏ်ချက်အတွက် အယားဖြေခွင့်ကလေးမှ မရတဲ့အဖြစ်။ ခံရတဲ့သူမှာ ဝေဒနာက သူ့အလိုအလျောက် အော်တိုမစ်တ ရှန်တိန်လုပ်ပြီး မူလခြေကျိုးဝေဒနာက ဒုတိယ၊ အဲဒီ မောင်မင်းကြီးသား ကိုယ်တော်မြတ် ကြမ်းပိုးကပေးတဲ့ ဝေဒနာက ပထမဖြစ်လာမှာ ဧကန်ပဲလေ။

ကဗျာဆရာကမေးတယ်။

‘ကျောက်ပတ်တီးကို ဖြေချလိုက်ရင်ကောဗျာ’
‘ဘယ်ဖြစ်မလဲဗျ၊ ရက်မစေ့ဘဲဖြေတော့ ခြေကျိုးတဲ့ဒဏ်ရာအတွက် ကုသထားရသမျှ အဟောသိကံ ဖြစ်ကုန်မှာပေါ့။ ခုဖြေ၊ ခုပြန်စည်း ဆိုတာမျိုးလုပ်ရအောင် ဖိုးသာဒင်က ဆရာဝန်ကြီးရဲ့သားလည်းမဟုတ်ဘူး။ အဲလိုအခွင့်အရေးထူးမျိုးလည်း ဖိုးသာဒင်မှာ ရစရာလမ်းမရှိဘူး’

ကျွန်တော် ချက်ချင်းကန့်ကွက်မိတယ်။ ပြီးတော့ နောက်တနည်းကို ကျွန်တော်က အဆိုတင်လိုက်တယ်။

‘အဲဒီ ကြမ်းပိုးသေအောင် ကြမ်းပိုးသတ်ဆေး အဆိပ်ရည်တွေဖျော်ပြီး ပတ်တီးကြားက လောင်းချပစ်လိုက်ရင်ကောဗျာ … မအိုကေလောက်ဘူးလား’
‘ဒါလည်း မဖြစ်နိုင်ဘူး ကိုယ့်လူ။ အဆိပ်ရည်တွေက ကြမ်းပိုးတော့သေပါရဲ့၊ အဲဒီ ပိတ်လှောင်နေတဲ့ ခြေသလုံးသားထဲ တစိမ့်စိမ့်ဝင်နေပြီး Side Effect ၀င်လာရင် ဘယ်လိုလုပ်မတုန်း။ အဆိပ်ရည်ကြောင့် အသားတွေလောင်ပြီး ရိရွဲကုန်မှအခက်’

ကျွန်တော်တင်လိုက်တဲ့ အဆိုကို ကဗျာဆရာက ပယ်ချပြန်ရော။ ဟိုလို လှည့်တွေးလိုက်၊ ဒီလိုလှည့်တွေးလိုက်၊ တခုခုသော အကြောင်းပြချက်၊ စိုးရိမ်ချက်နဲ့ နှစ်ယောက်သား သံသရာလည်နေလိုက်ကြတာ။ ကျွန်တော်တို့ရဲ့ တွေးတောမှု၊ ဖြစ်နိုင်ခြေ၊ မဖြစ်နိုင်ခြေ မှန်းဆမျှော်မြင်မှု၊ ခံစားမှုအားလုံးဟာ ဖိုးသာဒင်ရဲ့ ကြမ်းပိုးနဲ့ အကြီးအကျယ် စစ်ခင်းနေခဲ့ကြတဲ့အတိုင်း နွမ်းလျလို့၊ ခြေကုန်လက်ပန်းကျလို့။ ဒါပေမယ့် ဘယ်မှာလဲ … တိကျတဲ့အဖြေ၊ မဆုံးနိုင်တဲ့ဝင်္ကပါကြီးထဲ ပတ်နေကြရသလိုပဲ။

အင်း … ကျွန်တော်တို့ကသာ အဲဒီပြဿနာကို အမျိုးမျိုး ချိန်ဆမှန်းမျှော်တွေးတောနဲ့ မောနေခဲ့ကြရတာပါ။ တကယ်မှာက တခုတည်းသော အဖြေကို ဖိုးသာဒင်က ထုတ်ထားနှင့်ပြီး ဖြစ်နေခဲ့တယ်။

(၆)

နောက်တပတ်လောက်မှာ ကျွန်တော်တို့ရောက်သွားတော့ ဖိုးသာဒင်ကို ပြုံးပြုံးရွှင်ရွှင်နဲ့ တွေ့ရတယ်။ တွေ့တွေ့ချင်းပဲ သူက၀မ်းသာအားရနဲ့ ဆီးပြောပေတော့ရဲ့။

‘ကျွန်တော့်ပတ်တီးထဲက ကြမ်းပိုးတော့ ကိစ္စချောသွားပြီ ဆရာတို့။ ကျွန်တော်လည်း နေသာထိုင်သာ ရှိနေပြီ။ ဆရာတို့ပြောတဲ့အတိုင်း တချက်တည်းတွေးပြီး လုပ်ချလိုက်တာလေ’

… ဆိုတော့ ကျွန်တော်တို့ မျက်လုံးပင့်မိကြတယ်။ ဘယ့်နှယ်တုန်းဟ၊ ဘယ်လိုလုပ်လိုက်တာတုန်း၊ တို့လည်း ဘာမှမပြောမိပါကလား။ အလိုလိုမှ အဲဒီကိစ္စ အဖြေမရ ဖြစ်နေရတဲ့အထဲပေါ့လေ။

‘နေပါဦး … တို့က ဘာပြောမိလို့ မင်းက ဘယ့်နှယ်လုပ်လိုက်တာတုန်း သာဒင်ရဲ့၊ ရှင်းစမ်းပါဦး’
‘လောကကြီးမှာ ဘာမှ အလကားမရ ဆိုတာလေ။ အဲဒါကို တစိမ့်စိမ့်တွေးပြီး သဘောကျအားတက်လာတာနဲ့ ချထည့်လိုက်တာပဲ။ ရေနွေးအိုး ပွက်ပွက်ဆူအောင်တည်ပြီး ကြမ်းပိုးကိုက်နေတဲ့ ဘက်ခြမ်းကို တချက်တည်း အသားကုန်လောင်းချပစ်လိုက်တာ။ ခဏကြာတော့ ဒီကောင် ငြိမ်သွားရော။ နောက်ပိုင်း လုံးဝမလှုပ်ရှားလာတော့ဘူး၊ မှတ်ကရော’

ကျွန်တော်တို့ မျက်လုံးပြူးသွားကြတယ်။ ပက်ပက်စက်စက်ကြီးပါလား။ ကျောင်းဒကာလိုပေါ့။

‘ဟကောင်ရ၊ ရေနွေးပွက်ပွက်ဆူကြီးနဲ့ဆိုတော့ မင်းအသားလည်း ကျက်သွားမှာပေါ့ကွာ’
ကဗျာဆရာက “မိုက်တဲ့ကောင်ပဲ”ဆိုတဲ့ အဓိပ္ပာယ်မျိုးနဲ့ မေးလိုက်တော့ ဖိုးသာဒင်က ခပ်ရိုးရိုးပဲ သူ့အမြင်ကို ပြန်ပြောပါတယ်။ ဘာ အကွေ့အ၀ိုက်မှ မပါဘူး၊ ရှင်းရှင်းကလေး။

‘ဟိုက အသက်လေ ဆရာ၊ သူ့ “အသက်”ကို လိုချင်မှတော့ ကိုယ်ကလည်း “အကျက်”လောက်တော့ ပြန်ပေးရမှာပေါ့။ ကိုယ်က မပေးရင် ကိုယ်လည်း ဘာမှပြန်မရဘူးလို့ ဆရာတို့ပဲ ပြောတာပဲ၊ အမှန်တရားပဲလေ။ နောက်တခု … အမှန်တရားဆိုတာ ရိုးသလောက် ပြင်းထန်တယ်ဆိုတာလည်း ကျွန်တော် သိသွားပြီ ဆရာ။ သူ့ကိုချရင်း ကျွန်တော်လည်း တော်တော် အီသွားခဲ့တာကိုး။ နှစ်ရက်လောက် ဆက်ခံလိုက်ရတယ်လေ။ ခုတော့ သက်သာနေပြီ’

တခါတလေ အမှန်တရားရဲ့ ရိုးသလောက် ပြင်းထန်မှုကို ရင်ဆိုင်ဖို့အတွက် ကျွန်တော်တို့လို မရေရာတဲ့ တွေဝေမှန်းဆမှုတွေနဲ့ တချိန်ဆဆ အချိန်ဆွဲပြီး ဆင်ဝှေ့ရန်ရှောင်လုပ်နေမယ့်အစား တချက်တည်းသော ပိုင်းဖြတ်မှုနဲ့ “သာဒင်ကို ဘာထင်သလဲ”ဆိုတဲ့ သတ္တိမျိုး ထုတ်သုံးမှကိစ္စငြိမ်းတယ်ဆိုတာ ဒီချာတိတ်က လက်တွေ့ပြလိုက်သလိုပဲ ခံစားကြရပါတယ်။ ကျွန်တော်နဲ့ ကဗျာဆရာတို့ သက်ပြင်းကိုယ်စီချရင်း တယောက်မျက်နှာ တယောက်ကြည့်နေမိကြတာ အတော်ကြာတယ်။

(၇)

မိတ်ဆွေများ ခင်ဗျား။ဘ၀မှာ လူမှုရေး၊ ပညာရေး၊ စီးပွားရေး၊ ချစ်ခြင်းမေတ္တာအရေး … ဟိုအရေး၊ ဒီအရေး အ၀၀နဲ့ ပတ်သက်ပြီး တခါတလေ နှလုံးသားကို၊ တခါတလေ ဦးနှောက်ကို၊ တခါတလေ အတွေးအမြင်ကို ကြမ်းပိုးတကောင်ကောင် လာကိုက်ခဲ့ရင်ဖြင့် နှိမ်နှင်းနိုင်ဖို့ သဲလွန်စလေးတခု ရတန်ကောင်းရဲ့လို့ မျှော်လင့်မိတာပါပဲ။ ကျွန်တော်တို့ဟာ အမည်မသိ ကြမ်းပိုးအမျိုးအစားပေါင်းစုံနဲ့ ရင်ဆိုင်သွားကြရဦးမှာက မြေကြီးလက်ခတ်မလွဲ မဟုတ်လား။ ။

နန္ဒာစိုး (ဆင်ဖြူကျွန်း)

လူသားများကို မလေးစားသော ဦးကျော်ဟိန်း...

`ကျနော်စဉ်းစားတယ်ဗျ။ မြန်မာနိုင်ငံမှာ၊ မြန်မာရုပ်ရှင်လောကမှာ ကြီးကျယ်ခဲ့ဖူးတဲ့ လူတွေရဲ့ သားသမီးတွေဟာ ကျော်ဟိန်းရဲ့ သားသမီးတွေလောက် ကြီးကျယ်ကြလား..? ကြီးကျယ်လာအောင် သူတို့ရဲ့ အဖေတွေ အမေတွေက လုပ်ခဲ့ကြသလားလို့ သမိုင်းကြောင်းကို ပြန်လှန်တဲ့အခါ..၊ မရှိဘူးဗျ။ ကျနော်တို့..၊ နာမည်သိပ်ကြီးခဲ့တဲ့ ဦးကျော်ဆွေ၊ သူ့သားသမီးတွေ ကြီးကြီးကျယ်ကျယ် မရှိဘူး။ ဦးရွှေဘ..၊ ကြီးကျယ်ခဲ့ဖူးတယ်။ သူ့သားသမီးတွေ မကြီးကျယ်ဘူး။ အခုလက်ရှိ..၊ ၀ါဝါ၀င်းရွှေရဲ့ သားနှစ်ယောက်၊ ကြီးကျယ်သလား? မဟန်ဘူးဗျ။ ခင်??? (မသဲကွဲ) ရဲ့သား၊ နံပါတ်ဖိုးနဲ့ သေသွားတယ်၊ မမိုက်ဘူးဗျာ။ ကျနော့်ကို လမ်းသရဲ…တဲ့။ ဒါပေမယ့် အဲဒီကောင် ခေါင်းက သိပ်သွားတယ်၊ အရမ်း… စဉ်းစားတယ်။ ခင်ဗျားတို့လည်း စဉ်းစားပါ။ ကျနော် သီချင်း တပုဒ်ဆိုထားတယ်။ စဉ်းစား..ကြ´ ရုပ်ရှင်ကား ဇာတ်ဝင်ခန်းတခု မဟုတ်ပါ။ ၀တ္ထု ဇာတ်လမ်း တပုဒ်လည်း မဟုတ်ပါ။ ကျနော် အပါအ၀င် မြန်မာ ရုပ်ရှင်၊ ဗွီဒီယိုကြည့် ပရိသတ် တော်တော်များများ နှစ်ခြိုက်အားပေးခဲ့တဲ့ နိုင်ငံကျော် ရုပ်ရှင်မင်းသားကြီး ဦးကျော်ဟိန်းက သူ့ဆီက မှတ်သားစရာ တခုခု ရလေမလားလို့ မျှော်လင့်တကြီးနဲ့ သူ့စကားတွေကို တလေးတစား နားထောင်နေတဲ့ လူငယ်များရဲ့ ရှေ့မှာ အထက်ပါအတိုင်း ပြောသွားခဲ့တာပါ။ အဲဒီစကားကို ကြားတော့ တော်တော်ကြီးကို အံ့အားသင့်သွားပါတယ်။ ၂၀၀၆ခုနှစ်၊ ဧပြီလ(၁၄)ရက်နေ့၊ မြန်မာနိုင်ငံ နှစ်ခြင်း ခရစ်ယာန်အသင်းလူငယ်ဌာန မှာ ကျင်းပသွားတဲ့ ဆဋ္ဌမအကြိမ် နှစ်ခြင်းလူငယ် ဓမ္မညီလာခံမှာ ဖြစ်ပါတယ်။ အဲဒီညီလာခံကို ဦးစီးဦးဆောင် ကျင်းပတဲ့ လူငယ်များရဲ့ စေတနာစကားကတော့ လေးစားစရာပါ။ `မြန်မာနိုင်ငံ တနိုင်ငံလုံးမှ လာတဲ့ တိုင်းရင်းသားလူငယ်တွေဟာ..၊ တချို့ဆိုရင် သုံးလေးရက်လောက် လာရတယ်။ လမ်းမှာ တကူးတက လေးငါးရက် ရန်ကုန်ကို ငွေကြေးကုန်ကျခံပြီးတော့မှ လာရတယ်။ လူငယ်တွေ ဘ၀မှာ တခုခုလေး ရသွားစေချင်တယ်။ အဲဒီ ရသွားစေချင်တဲ့ အကြောင်းကြောင့် နိုင်ငံကျော် တဦး၊ ဒါမှမဟုတ် လူငယ်ကို ချစ်တဲ့ အနုပညာရှင်ကြီး တဦးကတော့ဖြင့် လူငယ်များကို စကားပြောပြီး အားပေးလိုက်လို့ ရှိရင်ဖြင့် သူတို့ရဲ့ လာရကျိုး၊ ပင်ပန်းရကျိုး၊ ငွေကုန်ရကျိုး အများကြီးရမယ် ဆိုတာ ကျနော်တို့ မျှော်လင့်တယ်´ အင်မတန်မှ ဖြူစင်တဲ့ စကား၊ လူကြီးသူမဆီက အဖိုးတန်စကားတွေကို လူငယ်တွေ ရသွားစေချင်တဲ့ စေတနာ စကား..။ ဒီလိုစကားတွေနဲ့ ခရီးဦးကြိုပြုပြီး တလေးတစား နားထောင်နေကြတဲ့လူတွေရဲ့ အရှေ့မှာ ဦးကျော်ဟိန်း ပြောသွားတဲ့ စကားတော်တော်များများကတော့ဖြင့် ကသောင်းကနင်း နိုင်လှတယ်လို့ မြင်မိပါတယ်။ သူ့သားသမီးတွေလောက် တခြားသော မင်းသား၊ မင်းသမီးကြီးတွေရဲ့ သားသမီးတွေက မကြီးကျယ်ကြဘူး ဆိုတဲ့ စကားဟာ အတော်ကြီးကို လက်လွတ်စပယ် နိုင်လွန်းတဲ့ စကားလို့ ထင်မိပါတယ်။ မင်းသားကြီး ကောလိပ်ဂျင်နေ၀င်းရဲ့သား ရာဇာနေ၀င်း၊ သမီး ဟေမာနေ၀င်းတို့ထက် သူ့သားသမီးတွေက ကြီးကျယ်နေတယ်လို့ ထင်လေရော့သလား။ မင်းသားကြီး ဦးသုမောင်ရဲ့ သား ဖိုးသောကြာလောက်ရော သူ့သား နေ၀င်းက ကျော်ကြားနေပြီလား။ သူတပါးကိုပုတ်ခတ်ပြီး ကြွားလုံးထုတ်သွားတဲ့ ဦးကျော်ဟိန်းကို ဒီတခါမှာတော့ တော်တော်ကြီးကို စိတ်ပျက်သွားမိပါတယ်။ သူပြောသွားတဲ့ စကားတွေကို ကြည့်ချင်ရင်တော့ ဒီမှာ ကြည့်ပါ။ ပြောသွားပါသေးတယ်။ `ကျနော် သက္ကရာဇ် ၂၀၀၈ ခုနှစ်ကျရင် ဒီအလုပ် (အနုပညာ) အလုပ်တွေ မလုပ်တော့ဘူးလို့ ကျနော် သတ်မှတ်လိုက်တာဟာ ဒီလို ဟောပြောပွဲတွေ ထပ်လုပ်ချင်လို့ ကျနော် ဟိုဘက်ကို ဖြတ်လိုက်တာ၊ ကျနော် ရုပ်ရှင်ရိုက်ရတာ သီချင်းဆိုရတာ တပြည်လုံးကို မပျံ့ဘူး ဖြစ်နေတယ်၊ နောက်ဆိုရင် တဆင့်တဆင့် ဒီစကားတွေက ပတ်ဝန်းကျင်ကို ပျံ့နှံ့သွားမယ်´ အင်း.. ဒီအတိုင်းသာဆိုရင်တော့ ကိုယ်ကျိုးတွေ နည်းကုန်တော့မယ် ထင်ပါရဲ့ခင်ဗျာ။ ဖိလစ်ပိုင်က အက်စ်ထရာဒါလ် လို ပုံစံမျိုး လုပ်တော့မယ်လားမသိ။ အဲ.. ဒါနဲ့။ သူပြောတဲ့ ကြီးကျယ်တယ် ဆိုတဲ့ သူ့သားနဲ့သူ တွဲဖက်သီဆိုသွားတဲ့ သီချင်းကိုတော့ ဒီမှာ ကြည့်ပါ။ လူမည်းအဆိုတော် Usher ပုံစံကို အတုခိုးပြီး ဘာတွေမှန်းမသိ အိုက်တင်လုပ်ပြတဲ့ ဦးကျော်ဟိန်းရဲ့ သားတော်မောင် နေ၀င်းရဲ့ စတိုင်လ်ကိုဝင်ကြည့်မိတဲ့ ပရိသတ်ထဲက တယောက်က ချီးကျူး ထောပနာ ပြုထားပါသေးတယ်။

မြန်မာစာသည်... တို့စာ...

ဒီစာကို ရေးဖို့ ချိန်ရွယ်နေတာ အတော်ကြာခဲ့ပါပြီ။ ရေးသင့် မရေးသင့်ကို ချင့်ချိန်နေတာလည်း အကြိမ်ပေါင်း မနည်းတော့ပါဘူး။ အခုတော့ အားလုံးအတွက် အကျိုးရှိမယ်လို့ မျှော်လင့်မိတာကြောင့် ရေးဖြစ်ပါတယ်။

ဒီဘက် လတွေထဲမှာ မြန်မာ ဘလော့ခ်တွေ တော်တော်ကြီးကို များလာတာ သတိထားမိပါတယ်။ လက်လှမ်းမီသလောက် လိုက်ဖတ်ကြည့်တော့လည်း ဘာနဲ့ တူသလဲဆိုတော့ ဖြူနီပြာဝါ အရောင်စုံလင်တဲ့ ပန်းခင်းတခုကို ရောက်သွားသလိုပါပဲ။ သူ့အဆင်းနဲ့သူ တမျိုးစီတော့ တန်ဆာဆင်ထားကြတာမို့ အားလုံးလိုလို ကောင်းကြပါတယ်။

ကျနော် နောက်ထပ် သတိထားမိတာ ရှိပါသေးတယ်။ ကျနော်တို့ မြန်မာလူငယ်တွေ စာအတော် ရေးလာကြပါတယ်။ ရေးဟန်အမျိုးမျိုး၊ တင်ဆက်မှု ပုံစံ အသွယ်သွယ်နဲ့ မိမိ အတွေ့အကြုံ၊ ရပ်တည်ချက်၊ ခံစားမှု စသည်စသည်တို့ကို ဖတ်ချင်စဖွယ် ဖြစ်အောင် အတော်ကြီးကို ကြိုးစား ရေးသားလာကြပါတယ်။ ဘလော့ခ်ဆိုတာက မိမိသာလျှင် အရှင်သခင်၊ မိမိသာလျှင် အယ်ဒီတာ၊ မိမိသာလျှင် တည်းဖြတ်သူ ဆိုတော့ လွတ်လပ်စွာ တွေးခေါ်ကြ၊ ရေးသားကြတာ တကယ်ကို အားရစရာကြီးပါ။

မြန်မာ လူငယ် တော်တော်များများက ဘလော့ခ်ရေးရင် မြန်မာ ဘာသာကိုသာ အသုံးပြုကြသူ များပါတယ်။ အလွန်အင်မတန် နည်းတဲ့ လူနည်းစုသာလျှင် တခြားသော ဘာသာစကားကို သုံးပါတယ်။ ကျနော့်စိတ်ထဲမှာလည်း မြန်မာလူမျိုးအချင်းချင်းအကြားမှာ မြန်မာလို ပြောရ၊ ရေးရတာကို ပိုပြီး အားရပါးရ နိုင်တယ် လို့ ခံစားရလို့ တကြောင်း၊ တခြားဘာသာစကားကိုလည်း တခုတလေမှ ဖြစ်မြောက်အောင် မနိုင်နင်းတာက တကြောင်းကြောင့် ဘလော့ခ်ကို မြန်မာလိုပဲ ရေးဖြစ်ခဲ့ပါတယ်။

တကယ်တော့ ဘလော့ခ်တခုကို ပုံမှန် ရေးဖြစ်ဖို့ဆိုတာ အင်မတန် အချိန်ပေးရပါတယ်။ ရတဲ့ အချိန်ကလေးမှာ မိမိတင်ပြချင်တာကို ကမန်းကတန်း ရေးဖြစ်လိုက်တဲ့ အခါမှာ သတိမမူလိုက်မိတဲ့ ချွတ်ချော်မှုလေးတွေက တင်လိုက်တဲ့ စာတွေထဲမှာ ပါသွားတတ်ပါတယ်။ ဘလော့ခ်ရေးသူတွေ အများဆုံး မှားကြတဲ့ အမှားကတော့ `သတ်ပုံ သတ်ညွှန်း´ပါ။

လူငယ်တယောက်ရဲ့ ဘလော့ခ်မှာ မြန်မာစာ သတ်ပုံအပေါ် သူခံယူထားပုံကို `တချို့စာလုံးပေါင်းပြင်စားသူများတွေ့လျှင် မင်းဟာကြီးဟိုနားမှားနေတယ် ဒီနားမှားနေတယ် ပြောကောင်းပြောမည်။ ဒါလဲပြင်စရာမလိုပါ။ ကျနော် စာသုံးပေါင်း သတ်ပုံကျမ်းပြုစုသူမဟုတ်ပါ။´ လို့ ရေးထားတာကို ဖတ်လိုက်ရဖူးပါတယ်။ တကယ်တော့ ကျနော်တို့တတွေ မြန်မာစာကို သတ်ပုံ သတ်ညွှန်း မှန်နိုင်သမျှ မှန်အောင် ကြိုးစား ထိန်းသိမ်းနေကြတာဟာ စာလုံးပေါင်းပြင်စားရာ ကျတယ်လို့ ကျနော်တော့ မထင်ပါ။ ဒါဟာ `တို့စာကို လေးစားပါ´ ဆိုတဲ့ စကားနဲ့ အညီ ကျနော်တို့ စာကို ကျနော်တို့ လေးစားနေတာလို့ပဲ ခံယူမိပါတယ်။ စာလုံးပေါင်း သတ်ပုံကျမ်းပြုစုသူ မဟုတ်တာနဲ့ဘဲ စာလုံးပေါင်းတွေ မှားချင်တိုင်း မှားကြလေကုန်သတည်း ဆိုတာကျတော့လည်း မနိပ်သေးပါဘူး။

မြန်မာ ဘလော့ခ်ကာတွေ အမှားများကြတာ တခုကတော့ ၀စ်စပေါက်နဲ့ အောက်ကမြစ်တွေ မလိုတဲ့နေရာမှာ ထည့်လိုထည့်၊ လိုတဲ့နေရာကျတော့ ကျန်လိုကျန် ဖြစ်တတ်တာပါ။ အချိန်လု ရေးရခြင်းကြောင့် ဖြစ်မယ်လို့ နားလည်မိပါတယ်။ အဲဒါနဲ့ပတ်သက်လို့ ကျနော်တို့ရဲ့ အကိုကြီးတယောက်က နည်းနည်း ညစ်တီးညစ်စုတ်နိုင်တဲ့ ဟာသ တခုနဲ့ ဥပမာပေး ပြောဖူးတာကို သတိရမိပါတယ်။

တခါတုန်းက သမီးရည်းစားနှစ်ယောက် မိဘတွေ မသိအောင် ချိန်းတွေ့ကြပါတယ်။ အဲဒါကို ကောင်မလေးရဲ့ ဦးလေးက မြင်သွားပါတယ်။ သူ့ဦးလေး မြင်သွားတာကို ကောင်မလေးက ကောင်လေးကို စာရေးပြီး လူကြုံနဲ့ ပြောတော့ ၀စ်စပေါက်နဲ့၊ အောက်ကမြစ်တွေ တလွဲဖြစ်နေလို့ ဒီလို ရေးလိုက်မိပါသတဲ့။

`အကိုနဲ့ကျမ ဘူစင်အောက်မှာ ချိန်တေ့နေကြတာကို ဦးလေကမြင်းသွားတယ်´

တကယ်တော့ သူပြောချင်တာက-

`အကိုနဲ့ ကျမ ဘူးစင်အောက်မှာ ချိန်းတွေ့နေကြတာကို ဦးလေးက မြင်သွားတယ်´ ပါ။

တကယ်တော့ မိမိရေးလိုက်တဲ့ စာကို မတင်မီမှာ အနည်းဆုံး တခေါက်လောက် ဖြစ်ဖြစ် ပြန်ဖတ်မယ် ဆိုရင် ဒီကိစ္စ တော်တော် အိုကေသွားမှာပါ။ ပြောသာပြောရတယ်။ ကျနော်လည်း ဘယ်နားမှာ ကျန်နေ၊ ပိုပြန်ပြီလဲ မသိ၊ တွေ့ရင် ပြောပြကြပါအုံး။

`သိန်းဌက်´ လို့ရေးထားတာကို ဖတ်လိုက်ရမိပါတယ်။ တကယ်တော့ `င´ ဟ-ထိုး ကသတ် ငှက်လို့ ရေးရမှာပါ။ `သိန်းဌက်´ လို့ရေးလိုက်တော့ အသံထွက် အမှန်အတိုင်းပြောရရင် `သိန်းထက်´ ဖြစ်သွားပါတယ်။ ဒီထက် နည်းနည်းလေး ပိုဆိုးသွားတာက ကိုစိုင်းထီးဆိုင်ရဲ့ အထင်ကရ သီချင်းစာသား `နင်ဟာ အတောင်ပါတဲ့ ငှက်ပါ.. ငါက လွင့်ပါးတဲ့ ရော်ရွက်ဝါ´ ဆိုတဲ့ သီချင်းစာသားလေးကို ဘန်နာမှာ တင်တော့ `နင်ဟာ အတောင်ပါတဲ့ ဌက်ပါ…´ လို့ စာလုံးပေါင်းထားတော့ အဲဒီ သီချင်းကို လိုက်ညည်းမိရင်း ပြုံးမိပါတယ်။

မြန်မာ ဘလော့ခ်ရေးသူတွေ အခက်တွေ့နေကြဟန် ရှိတာ တခု သတိထားမိပါသေးတယ်။ အဲဒါကတော့ ပါ့ဌ်ဆင့် စာလုံးတွေပါ။ ကျနော်လည်းပဲ မကြာခဏ ဆိုသလို မှားနေဆဲပါ။ ရိုက်ရတာလည်း ခက်ပေသားကိုး။

`စည်းကမ်းဆိုတာ တစုံတရာကို တိုးတက်စေဖို့ပါ။ ဒါပေမယ့် အဲဒီစည်းကမ်းက မလိုအပ်ဘဲ နေရင် တိုးတက်အောင် လုပ်တာနဲ့ မတူဘဲ မပြန့်ပွားအောင်လုပ် ထားသလိုဖြစ်နေတတ်ပါတယ်´ လို့ လူငယ်တယောက်က ကွန်မန့် တခုမှာ ပြောဖူးပါတယ်။ ကျနော် အခုလို သတ်ပုံ ကိစ္စကို ဆွေးနွေးနေတာဟာ စည်းကမ်းပုံသေခွက်ကြီးနဲ့ ကန့်သတ်နေတာတော့ မဟုတ်ရပါ။

သတ်ပုံ စာအုပ်ထဲက သတ်ပုံ အချို့အတိုင်း ကျနော် လိုက်မရေးတာ တချို့ ရှိပါတယ်။ အဲဒါတွေကတော့-

`တစ်´ ဆိုတဲ့ သတ်ပုံပါ။ ဗိုလ်ချူပ်ကြီး နေ၀င်းဟာ သူ အာဏာ ရလာပြီး နောက်ပိုင်းမှာ မြန်မာစာအဖွဲ့ကို သတ်ပုံ တခု အပြင်ခိုင်းခဲ့ပါတယ်။ အဲဒါကတော့ တခု၊ တကောင်၊ တယောက် အစရှိတဲ့ ကိန်း ဂဏန်းပြ အသုံးတွေကို တစ်ခု၊ တစ်ကောင်၊ တစ်ယောက် အစသဖြင့် ပြင်ရေး ခိုင်းခဲ့တာပါ။ သူအာဏာ လက်ဝယ်ရှိချိန်တုန်းက ပြဋ္ဌာန်းခဲ့တဲ့ အဲဒီ သတ်ပုံကြောင့် တချို့သော မြန်မာ စာလုံးတွေကို ရှုပ်ထွေးစေတာကို သတိပြုမိပါတယ်။ အဲဒါတွေကတော့ တစုံတရာကို တစ်စုံ တစ်ရာ၊ တခါတလေကို တစ်ခါတစ်လေ၊ တယောက်ယောက်ကို တစ်ယောက်ယောက်၊ တစုံတယောက်ကို တစ်စုံ တစ်ယောက် လို့ သုံးကြတာတွေကိုပါ။ အဲဒီ စာလုံးတွေမှာ နှစ်စုံနှစ်ရာ၊ နှစ်ခါနှစ်လေ၊ နှစ်ယောက်ယောက်၊ နှစ်စုံ နှစ်ယောက် ဆိုပြီး ထပ်ရေးလို့ မရနိုင်ပါ။

ကျွန်တော်၊ ကျွန်မ ဆိုတဲ့ အသုံးကိုလည်း မနှစ်သက်လှတာကြောင့် ကျနော်၊ ကျမ လို့သာ သုံးဖြစ်ပါတယ်။

အင်မတန် အမှားများကြတာတခုကိုလည်း သတိထားမိပါသေးတယ်။ ဒါကိုတော့ ကျနော့်အရင် ရေးပြ၊ ထောက်ပြတဲ့လူတွေလဲ ရှိနှင့်နေကြပါပြီ။ မှားတာကိုလည်း တွေ့နေဆဲပါပဲ။ မ.. နောက်မှာ `ပဲ´ ဆိုတဲ့ အသုံးကို သုံးနေကြတာပါ။ ဥပမာ- မဟုတ်ဘဲ၊ မလုပ်ဘဲ၊ မသွားဘဲ စတဲ့ အသုံးတွေကို မဟုတ်ပဲ၊ မလုပ်ပဲ မသွားပဲ လို့ မှားယွင်းကြတာပါ။ မမေ့အောင်လို့ ခပ်လွယ်လွယ် မှတ်ချင်ရင်တော့ `မ´နောက်မှာ ဘဲ လိုက်တယ် လို့မှတ်ရင် မေ့တော့မယ် မထင်ဘူး။ :)

သတ်ပုံ အကြောင်း ပြောရင်းနဲ့ မြန်မာစာ ရေးဟန်အကြောင်း နည်းနည်းလောက် စကားကြော ရှည်ချင်ပါသေးတယ်။

မြန်မာစာ ရေးဟန်မှာ စကားပြောရေးဟန်နဲ့ စကားပြေရေးဟန်ရယ်လို့ ရေးဟန် ပုံစံနှစ်မျိုး ရေးလေ့ရှိပါတယ်။

စာတပုဒ်ကို စကားပြေဟန်ပဲ ရေးရေး၊ စကားပြောဟန်ပဲ ရေးရေး၊ ရေးတဲ့လူရဲ့ သူရေးတဲ့ စာအပေါ် နိုင်နင်းစွာ ဖွဲ့နွဲ့တင်ပြနိုင်မှု အပေါ်မူတည်ပြီး နှစ်မျိုးလုံး ဖတ်လို့ ကောင်းပါတယ်။ ဥပမာပြရရင် ထမင်းနဲ့ ကောက်ညှင်းရဲ့ မတူသော အရသာတွေ ပေးသလိုပါပဲ။ ထမင်းရဖို့ ဆန်ကြမ်းကို ချက်ရပါတယ်။ ကောက်ညှင်းပေါင်းရဖို့တော့ ကောက်ညှင်းဆန်ကို ပေါင်းရပါတယ်။ စကားပြောဟန်နဲ့ စကားပြေဟန်ကို တပုဒ်တည်းမှာ ရောရေးလိုက်တော့ ဆန်ကြမ်းနဲ့ ကောက်ညှင်းဆန်ကို ရောချက်လိုက်သလိုဖြစ်သွားတယ်လို့ ခံစားရမိပါတယ်။ ဒါဟာ အထက်က ပြောခဲ့သလို `စည်းကမ်း´ ဆိုတဲ့ ပုံသေခွက် အောက်ကနေ စဉ်းစားတာ မဟုတ်ပါဘူး။ `ရသ´ ဆိုတဲ့ ခံစားမှု နေရာကနေ တွေးတော မြင်ယောင်တာပါ။

အစဉ်အလာအောက်က ခွဲထွက်ရေးသားလာရင်းနဲ့ အခုခေတ်မှာ အသုံးတွင်ကျယ်နေကြတာ တခု ရှိပါတယ်။ တကယ်တော့ `သူမ´ ဆိုတဲ့ အသုံးဟာ မြန်မာစာ ရေးဟန်မှာ မရှိပါဘူး။ မြန်မာစာ စာစီစာကုံး ပြိုင်ပွဲတွေမှာ `သူမ`လို့ သုံးရင် အမှတ်လျှော့တာကို မှတ်သားရဖူးပါတယ်။ ဒါပေမယ့် အခုအချိန်အခါမှာတော့ ခေတ်စမ်းစကားပြေ ရေးသူများ၊ ၀တ္ထုရေး အကျော်အမော်များရဲ့ အသုံးများလာမှုကြောင့် `သူမ´ ဆိုတဲ့ အသုံးက တော်တော်လေးကို တွင်ကျယ်နေပါပြီ။ အဲဒီလို အသုံးမျိုးကျတော့ ဖတ်ရတာလည်း အရသာ မပျက်လှတော့ အဆင်ပြေပါတယ်။

ပြောလို့သာပြောရတယ်။ နောက်တချိန်ချိန်မှာ စကားပြောနဲ့ စကားပြေ ရောရေးဟန်တွေ အသုံးတွင်ကျယ်လာနိုင်ကောင်းလည်း တွင်ကျယ်လာနိုင်ပါတယ်။ အခုကတော့ ဖတ်ရတာ ခပ်ထောင့်ထောင့်ကြီး ဖြစ်နေသလို ခံစားနေရဆဲပါပဲ။ `ရှေးရိုးစွဲကြီး´ လို့ သမုတ်ရင်တော့လည်း မတတ်နိုင်၊ ငြိမ်ခံနေရုံသာ ရှိပါတယ်။

သတ်ပုံ ကိစ္စကို ဖိုရမ်တွေမှာဖြစ်ဖြစ်၊ နောက်ဆုံး.. ပုံနှိပ်ထုတ်ဝေတဲ့ မဂ္ဂဇင်းတချို့မှာတောင် ငြင်းကြ ပြောကြတာတွေ ဖတ်ရမိဖူးပါတယ်။ အင်မတန်လည်း ငြင်းခုန်လို့ ကောင်းလှတဲ့ ကိစ္စကြီးပေကိုး..။ ဘယ်လိုပင် ငြင်းကြပါစေ၊ ငြင်းသူတွေ၊ ဆွေးနွေးသူတွေ အားလုံး အပြုသဘောဆောင်ရင်ဖြင့် ဒါဟာ ကောင်းတဲ့ အလားအလာ ဖြစ်လာမှာပါ။

သီးလေးသီးရဲ့ ဆေးရောင်စုံ အငြိမ့်ဆိုတာကို ကြည့်လိုက်ရတုန်းက ရှေ့ထွက်မင်းသမီးလေးက `ရင်ထဲရှိသမျှ ရင်ဖွင့်ပြလို့ တကယ်ပြောပြလိုက်မှာ၊ အပြုသဘောလေးမို့ အထု သဘောမပေးဘဲ ခံစားနားဆင်ပါ´ လို့ ဆိုသွားပါတယ်။ အပြုသဘောနဲ့ ပြောပြတာကို ထုထောင်းမယ် မကြံလိုက်ပါနဲ့တဲ့။

အဲဒီမင်းသမီးလေးဆိုသွားတဲ့ စာသားကို သဘောကျလို့ ကော်ပီကူးပါရစေခင်ဗျာ။

`မြင်တွေ့မိသမျှ ခံစားမိလို့ တကယ်ပြောပြလိုက်တာ၊ အပြုသဘောလေးမို့ အထုသဘောမပေးဘဲ ဖတ်ရင်းနားလည်ပါ´

အားလုံး ပျော်ရွှင်သော နေ့တနေ့ဖြစ်ပါစေ။ အချိန်ယူပြီး ဆုံးအောင် ဖတ်ပေးတာကို ကျေးဇူးတင်ပါတယ်။

ကလိုစေးထူး

နိုင်ငံ + ပြည်သူ = နိုင်ငံရေး..

စနေနေ့ ညက ဖြစ်ပါတယ်။ တင့်တင့်ထွန်း စတိတ်ရှိုးပွဲကို သွားတော့ ခန်းမရဲ့ အ၀င်ဝမှာ မတွေ့ရတာ ကြာပြီဖြစ်တဲ့ အန်တီကြီးနှစ်ယောက်နဲ့ ဆုံပါတယ်။ `အန်တီတို့၊ စတိတ်ရှိုးပွဲ လာကြည့်တာလား´ လို့ နှုတ်ဆက် မေးမိပါတယ်။ ဒါပေမယ့် အဲဒီ အန်တီကြီးတွေက မျက်နှာထား မသာမယာနဲ့ တယောက်စီ ဒီလိုပြန်ဖြေပါတယ်။ `မဟုတ်ဘူး၊ ကလေးမလေးတွေကို လိုက်ပို့တာ၊ တို့တွေက ပြန်မှာ´ `ကြည့်စမ်းပါဦးကွာ၊ တခုခုလုပ်ကြမယ်ဟေ့ ဆိုပြီး လူစုရင်၊ အစည်းအဝေးတို့ ဘာတို့ဆိုရင် လူတွေက ဒီလို မတက်ကြွဘူး´ `မင်းလည်း တို့နဲ့ တွေ့ရအောင်၊ တို့နဲ့ တွေ့ချင်လို့ ဖို့ဝိန်းလာတာမှ မဟုတ်တာ၊ တင့်တင့်ထွန်း စတိတ်ရှိုးပွဲလာတာမဟုတ်လား´ `အန်တီတို့ကတော့ ၀မ်းနည်းတယ်၊ ကဲ.. သွားမယ်ဟေ့´ *** လွန်ခဲ့တဲ့ လအနည်းငယ်က ဖြစ်ပါတယ်။ ဂျပန်မှာ ပညာလာသင်နေတဲ့ အမျိုးသမီး တယောက်နဲ့ စကားပြောဖြစ်တော့ သူက ဒီလိုပြောပါတယ်။ `ကျမတို့က မိဘတွေက ချမ်းသာကြတာ မဟုတ်ဘူး၊ ရှိတဲ့ငွေလေးကို ခြစ်ခြုတ်ပြီး ဒီမှာ ပညာလာသင်နေရတာ၊ နိုင်ငံရေးတွေ ဘာတွေ စိတ်ဝင်စားဖို့ အချိန်မရှိဘူး။ အဲဒါတွေ လုပ်လို့လည်း တခုခု အထိခိုက်မခံနိုင်ဘူး။´ *** လွန်ခဲ့တဲ့ တနှစ်ကျော်ကျော်က ဖြစ်ပါတယ်။ မြန်မာပြည်တွင်းက နာမည်ကြီး ၀က်ဘ်ဆိုက်တခုရဲ့ တာဝန်ရှိသူ လူငယ်တယောက်က ဒီလိုပြောတာကို တွေ့ဖူးပါတယ်။ `ဒီထဲမှာ နိုင်ငံရေးတွေ မပြောကြပါနဲ့ဗျာ၊ ကျနော်တို့ အရေးယူခံရပါလိမ့်မယ်။ ကျနော်က မိဘကို လုပ်ကျွေးနေရတာ၊ အဲဒါတွေအတွက်နဲ့ ကျနော့်ဘ၀ အနစ်မွန်းမခံနိုင်ဘူး´ *** အထက်ပါ ဖြစ်ရပ်တွေကို ကြည့်ရင် `နိုင်ငံရေး´ ဆိုတဲ့ စကားရပ်လေး တခုကို လူတွေ နားလည်လက်ခံကြတာဟာ မတူညီဘူး ဆိုတာ သိလာစေပါတယ်။ အဲဒီလို မတူညီမှုနဲ့ အတူ လူတန်းစားတွေ တစတစနဲ့ ကွဲပြားနေလေမလားလို့ တွေးမိတော့ ဒီစာကို ရေးမိပါတယ်။ တကယ်တော့ ကျနော်တို့နိုင်ငံမှာ `နိုင်ငံရေး´ လို့ ပြောလိုက်တာနဲ့ လူတော်တော်များများက တွန့်ကနဲ ဖြစ်သွားတတ်တာ အစဉ်အလာ တခုလို ဖြစ်နေပါပြီ။ နိုင်ငံရေးသမားများ ဆိုတာနဲ့ လက်ရှိ အုပ်ချုပ်နေတဲ့ ပုဂ္ဂိုလ်တွေကို ဆန့်ကျင်သူများလို့ မျက်လုံးထဲမှာ အရင်ဆုံး မြင်ယောင် ပစ်လိုက်ကြတာ များနေပါပြီ။ သူတို့သည်သာလျှင် နိုင်ငံရေးသမား၊ အဲဒီတော့ အချိန်မရွေး ဖမ်းဆီး ထောင်ချခံရနိုင်တယ်။ ယုတ်စွအဆုံး ဘ၀ပျက်သွားနိုင်တယ်..၊ အဲဒီလို တွေးပစ်လိုက်တာ များပါတယ်။ တကယ်တော့ နိုင်ငံရေး ဆိုတာ နိုင်ငံရဲ့ အရေး၊ ပြည်သူရဲ့ အရေးဆိုတာ ရှင်းနေပါတယ်။ ခေါင်းဆောင်ကြီးတွေကလည်း ဒီလိုပဲ အနက်ဖွင့်ဆိုပါတယ်။ ပါတီထောင်မှ နိုင်ငံရေး မဟုတ်သလို ပါတီအဖွဲ့အစည်းဝင် ဖြစ်မှ နိုင်ငံရေး သမား မဟုတ်ပါဘူး။ အခုတော့ နိုင်ငံရေးသမားနဲ့ ပြည်သူ ဆိုပြီး လူတန်းစား နှစ်ရပ်က ကွဲပြားမှန်းမသိ ကွဲပြားလာနေပါပြီ။ ခြိမ်းခြောက်မှုအောက်မှာ ဆယ်စုနှစ်ပေါင်းများစွာ အသားကျလာတဲ့ ပြည်သူတွေမှာလည်း သူတို့ရဲ့ ရပိုင်ခွင့်၊ ရပ်တည်ပိုင်ခွင့်ကိုတောင်မှ (အုပ်ချုပ်သူကို ဆန့်ကျင်ရမယ်ဆိုရင်) လွတ်လပ် ပွင့်လင်းစွာ ထုတ်ဖော် မပြောရဲတော့ပါဘူး။ ပြောတဲ့လူတွေကိုလည်း `သူတို့က နိုင်ငံရေးသမားတွေ´ လို့ သတ်မှတ်ပစ်လိုက်ကြပါတယ်။ သတ်မှတ်ရလောက်အောင်လည်း အခြေအနေတွေက ဖန်တီးပေးနေပါတယ်။ အဲဒီလိုနဲ့ နိုင်ငံရေးသမားလို့ သတ်မှတ်ခံရသူတွေကလည်း သူတို့လို မလုပ်၊ မပြောတဲ့ ပြည်သူကို အားမရ၊ ပြည်သူကလည်း သူတို့နဲ့ အသားမကျ၊ တဖြည်းဖြည်းနဲ့ ဝေးသထက် ဝေးသွားပါတော့တယ်။ တနေ့လုပ်မှ တနေ့စား၊ ၀မ်းရေးတောင် အနိုင်နိုင် ရုန်းကန်နေရတဲ့ သာမန်ပြည်သူ တယောက်က `စစ်အာဏာရှင် ပြုတ်ကျရေး´ ဆိုတာကို ထည့်မစဉ်းအားသလို အစိုးရစားရိတ်နဲ့ ပညာတော်သင် ထွက်လာရတဲ့ လူငယ်တယောက်ကလည်း သူ မြန်မာပြည် ပြန်ရောက်ရင် ရမယ့် အခွင့်အရေးကို အုပ်ချုပ်နေသူကို ဆန့်ကျင်လို့ ရလာမယ့် လတ်တလောရလဒ်နဲ့ မလဲလှယ်ရဲပါဘူး။ အဲဒီတော့ သူတို့ အတွေးတွေ၊ သူတို့ စဉ်းစားချက်တွေထဲမှာ အုပ်ချုပ်သူတွေကို ဆန့်ကျင်နေတဲ့လူတွေဟာ သူတို့နဲ့ တသားတည်း မကျတော့ပါဘူး။ တခါတရံမှာဆိုရင် `ဒီလူတွေနဲ့ ပတ်သက်မိရင် ငါ့ကိုပါ ထိခိုက်လာနိုင်တယ်´ လို့တောင် တွေးပစ်လိုက်ပါတယ်။ တကယ်တမ်း သေချာ စဉ်းစားကြည့်ရင် လူတိုင်းဟာ နိုင်ငံရေးသမားတွေ လို့ ပြောလို့ရပါတယ်။ ပညာသင်နေတဲ့ ကျောင်းသားတယောက်ဟာလည်း ပညာသင်ခြင်းအားဖြင့် နိုင်ငံ့အရေးကို ပါဝင်နေသလို လုပ်ငန်းခွင် ၀င်နေတဲ့ လုပ်သားတွေကလည်း အလုပ်လုပ်ခြင်းအားဖြင့် နိုင်ငံ့အရေးကို ဆောင်ရွက်နေပါတယ်။ Seminar တခုမှာ ဆွေးနွေးသူ အမျိုးသမီး တယောက်က `လူတွေရဲ့ နေ့စဉ် ရှင်သန် သွားလာ လှုပ်ရှားမှုတိုင်းဟာ နိုင်ငံရေးနဲ့ ဆက်စပ်နေတယ်´ လို့ အဆိုပြု ဆွေးနွေးဖူးပါတယ်။ အဲဒီတော့ တခြားသော ဆွေးနွေးသူ အမျိူးသားတယောက်က `အိမ်သာတက်တာကရော နိုင်ငံရေးနဲ့ ဆိုင်ပါသလား´ လို့ မေးလိုက်ပါတယ်။ အဲဒီအမျိုးသမီးငယ် ပြန်ဖြေတာကတော့- `အိမ်သာတက်ခြင်းဟာလည်း နိုင်ငံရေးနဲ့ ဆက်စပ်ပါတယ်။ အိမ်သာတက်သူဟာ အိမ်သာတက်ပြီးရင် လက်ဆေးဖို့ အရေးကြီးသလို အိမ်သာကိုလည်း သန့်ရှင်းအောင်၊ ယင်လုံအောင် ထားဖို့လိုပါတယ်။ မသန့်ရှင်းတဲ့ အိမ်သာကို တက်ပြီး လက်ကို စင်ကြယ်စွာ မဆေးတဲ့ အိမ်သာတက်သူဟာ ၀မ်းရောဂါလို ရောဂါမျိုးတွေ ရနိုင်ပြီး သူကမှ တဆင့် သူ့မိသားစုကို ရောဂါကူးစေနိုင်ပါတယ်။ အဲဒီလို မိသားစုတွေ များလာရင် တဖြည်းဖြည်းနဲ့ နိုင်ငံကိုပါ ထိခိုက်စေနိုင်လို့ အိမ်သာတက်ခြင်းဟာလည်း နိုင်ငံရေးနဲ့ ဆိုင်ပါတယ်´ တကယ်တော့ လူတွေအားလုံး နေ့စဉ် ရှင်သန် သွားလာ လှုပ်ရှား ရုန်းကန်မှုတိုင်းဟာ နိုင်ငံရေးပါ။ ပါတီထောင်မှ၊ အုပ်ချုပ်သူကို ဆန့်ကျင်မှ နိုင်ငံရေးမဟုတ်ပါဘူး။ ဆင်းရဲ ချို့ငဲ့သူ တယောက်ကို မိမိ တတ်နိုင်သလောက်လေး ဝေငှပေးလိုက်တာနဲ့ အဲဒီ ပေးလိုက်တဲ့ ခဏမှာတင် နိုင်ငံရေး လုပ်ပြီးသား ဖြစ်သွားပါတယ်။ မိမိသိထားတာကို မသိသေးတဲ့ လူတွေကို ဝေငှပေးလိုက်တာဟာလည်း နိုင်ငံရေး လုပ်နည်း တမျိုးပါပဲ။ အဲဒီတော့ `ကျနော်/ကျမ နိုင်ငံရေး မလုပ်ပါဘူး´ ဆိုတာ မရှိပါဘူး။ လူတိုင်း နိုင်ငံရေး လုပ်နေကြပါတယ်။ နိုင်ငံ့ရဲ့ အရေးကို ဆောင်ရွက်နေကြပါတယ်။ ကောင်းသော ဆောင်ရွက်ခြင်းနဲ့ ဆိုးသော ဆောင်ရွက်ခြင်းကတော့ မိမိရဲ့ ရွေးချယ် ယုံကြည်မှုပါပဲ။ လက်ရှိ အုပ်ချုပ်သူတွေကို ဆန့်ကျင်ပြီး သူတို့ရဲ့ မတရားမှုတွေကို ထုတ်ဖော်ပြောနေတဲ့ လူတွေကလည်း မိမိပြောနေသလို တခြားလူတွေက မပြောရကောင်းလားလို့ အားမလို အားမရဖြစ်နေလို့ မဖြစ်ပါဘူး။ အဲဒီလို အားမလို အားမရ ဖြစ်လေလေ လူထုနဲ့ ဝေးသွားလေလေ ဖြစ်တော့မှာပါ။ ရေးခဲ့တာ အတန်ငယ် ရှည်လျားသွားပါပြီ။ စာဖတ်သူများကို မေတ္တာရပ်ခံချင်တာ တခုရှိပါတယ်။ ကျနော်ရေးတဲ့ စာကို ကြိုက်သလို ဝေဖန်နိုင်ပါတယ်။ ချီးကျူးမှုဟာ ချိုမြိန်တဲ့ အရသာကို ပေးစေပေမယ့် အပြုသဘောဆောင်တဲ့ ဝေဖန်မှုဆိုတာလည်း လိုအပ်လှပါတယ်။ စာတပုဒ်မှာ အားကောင်းချက်၊ အားနည်းချက် ဒွန်တွဲနေတာမို့ အမှားကင်းသူဆိုတာ မရှိပါဘူး။ ထောက်ပြနိုင်ပါတယ်၊ ဝေဖန်နိုင်ပါတယ်။ စာကို သေချာစွာ ဖတ်ပြီး ဝေဖန်ထောက်ပြတာမျိုး ဆိုရင်တော့ အတိုင်းထက် အလွန်ပေါ့ခင်ဗျာ။ ကလိုစေးထူး

ပြည်သူ့အတွက်... ပြည်သူ့အတွက်...

`တိတ်.. နိတ်.. သုံး…လေး … တိတ်နိတ်သုံးလေး.. တိတ်နိတ်သုံးလေး ပြည်သူ့စစ်သား.. ပြည်သူ့စစ်သား… ပြည်သူ့စစ်သား…´ မနက်ဝေလီ ဝေလင်း မြူထူထူထဲမှာ စစ်ဖိနပ်တွေရဲ့ မြေကြီးပေါ် ဆောင့်နင်းသံ ခပ်ပြင်းပြင်းနဲ့အတူ အထက်ပါ အသံက ဟိန်းလို့ ထွက်လာပါတယ်။ အသံလာရာကို ကြည့်လိုက်တော့ မနက်ခင်း အပြေးလေ့ကျင့်ခန်း ထွက်လာဟန်တူတဲ့ တပ်သားသစ် သင်တန်းသားများ..။ `ရှေ့တလက်မ နောက်ပြောင်´ လို့ ကျနော်တို့တွေ အရပ်ထဲမှာ စနောက်ပြီး ခေါ်လေ့ရှိတဲ့ နောက်စေ့ ပြောင်ပြောင် ဦးစွန်းဖုတ် ဆံပင် ကိုယ်စီနဲ့ ကျနော် ထိုင်နေရာ `ရှင်သန်ခြင်း´ ကဖေးရဲ့ အရှေ့ကနေ ဖြတ်သွားကြပါတယ်။ နောက်ကျောမှာ သဲအိတ်ကိုယ်စီပိုးလို့ လေးလေးမှန်မှန်ပြေးနေကြတဲ့ သူတို့ လူအုပ်ထဲမှာ တယောက်ယောက်ကို တွေ့လေမလားလို့ အငမ်းမရ လိုက်ကြည့်မိပါတယ်။ ဟော..တွေ့ပြီ။ ဟိုးနောက်ဘက်ကျကျ အတန်းမှာ ပိုးထားရတဲ့ သဲအိတ်က မနိုင်မနင်း ဖြစ်နေဟန်နဲ့ ကောင်လေး။ ခြေလှမ်းတွေကလည်း အရှေ့လူကို မနည်း အမှီလိုက်နေရတဲ့ ဟန်..။ နည်းပြဖြစ်ဟန်တူသူရဲ့ အသံက ဟိန်းထွက်လာပြန်တယ်။ `အမှတ်စဉ်.. အမှတ်စဉ်.. အမှတ်စဉ် ………. ဆို´ *** `ရှင်သန်ခြင်း´ ကဖေးဆိုတာက ကျနော်တို့ မြို့လေးရဲ့ မြို့လယ်လို့ ဆိုရမယ့် နေရာက လက်ဖက်ရည် ဆိုင်လေးပါ။ ဆိုင်လေး တည်နေတဲ့ နေရာက ဟိုးဘက် တောနယ်က မနက်စောစော ဈေးလာရောင်းတဲ့ လှည်းတန်းလာတတ်တဲ့ လမ်းနဲ့ မြို့ရဲ့ တခုတည်းသော ကတ္တရာ လမ်းဆုံထောင့် ဖြစ်နေတဲ့ အပြင် ဈေးနဲ့လည်း အနီးလေးဆိုတော့ အခုလို မနက်စောစောဆိုရင် မြင်ကွင်း အစုံမြင်ရတတ်ပါတယ်။ သံပုရာသီး၊ ရှောက်သီးအပြည့်နဲ့ တအိအိမောင်းလာတတ်တဲ့ လှည်းမောင်းသံ တဂျွိဂျွိ၊ ဈေးတောင်းကိုယ်စီ၊ အပိုးအလွယ် ကိုယ်စီနဲ့ ဈေးရောင်းလာတတ်တဲ့ တောသူတောင်သားများ၊ သနပ်ခါးက ထူလပျစ်၊ သင်တိုင်းဖြူဖြူ အရောင်ညစ်နဲ့ ကရင်လုံမပျိုလေးများကို ဒီဆိုင်လေးရဲ့ မနက်ခင်းမှာ တွေ့နိုင်သလို နယ်မြေခံ တပ်ရင်းက ဖွင့်လှစ်တဲ့ တပ်သားသစ်သင်တန်းသား ပဲကတုံးလေးတွေကိုလည်း မြင်ရနိုင်တဲ့ ဒီဆိုင်လေးမှာ မနက်စောစောတိုင်း ကျနော် ဆိုင်ထိုင်ဖြစ်ပါတယ်။ လက်ဖက်ရည်လည်း သောက်ရင်း၊ နံနက်ခင်း မြင်ကွင်းတွေကိုလည်း ငေးမော ခံစားရင်းနဲ့ပေါ့..။ အဲဒီကောင်လေးကို ကျနော် သတိထားမိတာ ရက်အတန်ကြာခဲ့ပါပြီ။ မျက်နှာထားလေးက ကလေးတယောက်လို နုနယ်နေပေမယ့် နေလောင်နေတဲ့ သူ့အသားရောင် နီကျင်ကျင်က သူဝတ်ထားတဲ့ ၀တ်စုံစိမ်းနဲ့ မလိုက်ဖက်လှစွာ သူ့ရဲ့ အပြစ်ကင်းတဲ့ နုပျိုခြင်းကို ဖျက်ဆီးလို့နေပါတယ်။ ဒီမြို့လယ်ကို သူတို့ လူအုပ်ရောက်လာတိုင်းမှာ သူ့မျက်လုံးတွေက ကျနော်ထိုင်နေရာ ဆိုင်ဘက်ကိုကြည့်ရင်း၊ တခါတလေတော့လည်း တောနယ်က ဈေးလာရောင်းသူတွေ လာရာ လမ်းဖက်ကို ကြည့်ရင်း နှုတ်ကတော့ သူ့နည်းပြဆရာ အမိန့်အသံအတိုင်း ရွတ်ဆိုရင်း လိုက်ပါသွားတတ်ပါတယ်။ `ဘာလုပ်နေလဲ´ `လေ့ကျင့်နေတယ်´ `ဘယ်သူ့အတွက်လဲ´ `ပြည်သူ့အတွက်´ `ဘာစိတ်ဓာတ်လဲ´ `သံမဏိစိတ်ဓာတ်… သံမဏိစိတ်ဓာတ်… သံမဏိစိတ်ဓာတ်´ အစိမ်းရောင် လူအုပ်ကြားထဲ ရောနှောပါသွားတဲ့ ကောင်လေးကို ကြည့်ရင်း စိတ်ထဲမှာ မှတ်ချက်တခုကို ကရုဏာသက်စွာ ချလိုက်မိပါတယ်။ `ဒီကောင်လေး အသက်ဆယ့်ရှစ်နှစ် ဘယ်လိုမှ မပြည့်နိုင်ဘူး…´ *** ညတညမှာတော့ ဖယောင်းတိုင် မီးရောင် မှိန်မှိန်နဲ့ အတူ အိမ်ထဲမှာ စာဖတ်နေတုန်း အိမ်အပြင်ကနေ ခပ်အုပ်အုပ် ခေါ်သံတခုကို ကြားလိုက်ရပါတယ်။ `အကို.. အကို.. ´ အိမ်တံခါးကို ကမန်းကတန်းဖွင့်ပေးလိုက်တော့.. ။ ဟင်.. ဟိုကောင်လေး။ ဘယ်လိုဖြစ်လာတာပါလိမ့်။ ကောင်လေးက ကျနော် တံခါးဖွင့်လိုက်တာနဲ့ သူ့နောက်ကို တယောက်ယောက် အနောက်က လိုက်လာမှာ စိုးရိမ်ဟန် တချက်လှည့်ကြည့်ရင်း အိမ်ထဲကို ခပ်သွက်သွက်လေး ၀င်ပါတယ်။ ပြီးတော့.. တုန်တုန်ယင်ယင်နဲ့ မျက်ရည်တွေ ၀ဲလို့ စကားတခွန်းပြောပါတယ်။ `ကျနော့်ကို ကယ်ပါ အကို၊ ကျနော် အိမ်ပြန်ချင်တယ်၊ ကျနော့်ကို အိမ်ပြန်ပို့ပေးပါ´ ဟာ.. ဒါဆို၊ သူ.. သူ ထွက်ပြေးလာတာပေါ့၊ သူ စစ်တပ်ထဲက ထွက်ပြေးလာတာပေါ့။ ကျနော့်ခေါင်းထဲမှာ အချက်ပေးခေါင်းလောင်းသံတွေ စီကနဲ ညံသွားပါတယ်။ အိမ်အပြင်ကိုလည်း တယောက်ယောက်များ ရှိနေလေမလားလို့ မလုံမလဲနဲ့ ကြည့်မိပါတယ်။ တယောက်မှ ရှိဟန်မတူဘူးလို့ စိတ်ချရတော့မှ အိမ်တံခါးတွေကို အားလုံး လိုက်ပိတ်လိုက်ပါတယ်။ `ကဲ.. ပြောကွာ၊ ညီလေး၊ မင်းဘယ်လိုဖြစ်လာတာလဲ´ အဲဒီနောက်မှာတော့ ကောင်လေးရဲ့ အတိတ်ကို သူနဲ့အတူ ကျနော်ပါ စီးမျော လိုက်ပါသွားမိပါတော့တယ်။ *** `ဒီလိုပါ အကို၊ ကျနော့်အသက်က ၁၅ နှစ်ပဲ ရှိပါသေးတယ်၊ အင်းစိန်မှာ နေပါတယ်။ ကျောင်းနေတုန်းပါ။ ကိုးတန်းပေါ့။ အိမ်မှာဆို ကျနော် အငယ်ဆုံးပါ အကို၊ အားလုံးကလည်း အလိုလိုက်ကြတယ်။ အားလုံး အလိုလိုက်တော့ ကျနော်ကလည်း မိဘနဲ့ အကိုအမတွေအပေါ် ဆိုးတာပေါ့။ အဖေကတော့ သိပ်အလိုမလိုက်ချင်ဘူး။ အဲဒီလိုနဲ့.. တနေ့မှာတော့ ကျနော် လိုချင်တဲ့ ဆီကိုဖိုက်နာရီကို အဖေ့ကို ပူဆာတာ အဖေက မ၀ယ်ပေးဘူးလေ။ ဘာရမလဲ။ သောင်းကျန်းတာပေါ့။ ဘယ်လောက် သောင်းကျန်းသောင်းကျန်း အဖေက ၀ယ်မပေးတော့ ကျနော်လဲ အဒေါ်တွေ ရှိတဲ့ မှော်ဘီဘက်သွားမယ်ဆိုပြီး အိမ်က ဆင်းလာပါတယ်´ `အင်းစိန် ဘူတာမှာ ရထားစောင့်နေတုန်း၊ စစ်သားတယောက်က ကျနော့်အနားကို လာတယ်။ မှတ်ပုံတင်ပါလားတဲ့။ နောက်တော့ ဘယ်သွားမှာလဲ၊ ဘယ်မှာနေလဲ အစုံမေးတော့တာပဲ။ ကျနော့်ကို မှတ်ပုံတင် မရှိတဲ့အတွက် မသင်္ကာမှုနဲ့ အချုပ်ထဲ ထည့်လို့ရတာတွေရော၊ ထောင်ချပစ်လို့ ရတယ်ဆိုတာတွေရော အစုံပြောတယ်။ သူခေါ်သွားမယ့် နေရာကို လိုက်ခဲ့ရင်တော့ ထောင်မကျဘူးတဲ့။ အဲဒီနေရာကတော့ စုဆောင်းရေး လေ။ ´ `အဲဒီလိုနဲ့ပဲ နောက်ဆုံးတော့ ကျနော် စုဆောင်းရေးကို ရောက်သွားတယ်။ အဲဒီမှာ ဆယ်ရက်လောက်နေရတယ်။ နောက်တော့ ဒီမြို့က ခလရ(…) မှာ သင်တန်းလာတက်ရတာပါပဲ အကိုရာ။´ `ဒါဖြင့် မင်းအိမ်က မသိကြဘူးပေါ့´ `မသိကြဘူး အကို´ `မင်းအသက် ဆယ့်ရှစ်နှစ်မှ မပြည့်သေးတာ၊ မပြောပြဘူးလား´ `ပြောတယ် အကို၊ ဒါပေမယ့် မရပါဘူး၊´ `အခု၊ မင်းဘာဆက်လုပ်မလဲ´ `ကျနော် ပြေးလာတာ အကို၊ ကျနော် အိမ်ပဲ ပြန်ချင်တယ်၊ ကျောင်းဆက်နေချင်တယ်´ ပြောရင်းနဲ့ မျက်ရည်တွေ တွေတွေကျလာတဲ့ ကောင်လေးကို ကြည့်ရင်း ရင်ထဲမှာ နင့်ကနဲ ဖြစ်သွားပါတယ်။ ဟုတ်တာပေါ့..။ ဒါ.. ကျောင်းနေသင့်သေးတဲ့ အရွယ်လေ။ ကျောင်းဝတ်စုံဖြူစိမ်းလေးနဲ့ ကျက်သရေ ရှိနေရမယ့် အနာဂတ်ရဲ့ ခေါင်းဆောင်လောင်းလေး တယောက် ဘယ့်နှယ့်ဖြစ်ပြီး ဒီလိုပုံစံ ဖြစ်နေရပါလိ့မ်။ စဉ်းစားရင်းနဲ့လည်း ဦးနှောက်ကို ခပ်သွက်သွက်လေး အလုပ်ပေးရပါတယ်။ သူ့ကို သူ့အိမ်အရောက်တော့ ပို့ပေးလို့ မဖြစ်နိုင်၊ စစ်တပ်ထဲကိုလည်း ပြန်မအပ်ချင်ပါဘူး။ ဒါပေမယ့် အန္တရာယ်ကတော့ ကြီးပါတယ်။ စစ်ပြေးကို လက်ခံထားရင် ထောင် ၂ နှစ်ချလို့ ရသတဲ့။ ဟူး…။ ကြိုကြားထွက်တတ်တဲ့ ကားတစီးစီးနဲ့ ထည့်ပေးလိုက်ရင် ကောင်းမလား။ မဖြစ်သေးပါဘူး။ လမ်းက ဂိတ်တခုခုမှာ ပြန်မိသွားမှ အခက်။ လမ်းမှာကလည်း ဂိတ်တွေက အများသား။ သူ့အသားအရေ နီကျင်ကျင်နဲ့ ခေါင်းကလည်း ပဲကတုံးနဲ့၊ မလွယ်လောက်ဘူး။ သင်္ဘောနဲ့ ထည့်ပေးလိုက်ရင်ရော..?။ မနက်စောစော ထပြီး လူတွေ အများကြီး မလာခင်သူ့ကို သင်္ဘောပေါ် အရောက်ပို့လိုက်မယ်။ သင်္ဘောထွက်သွားရင် ပြီးပြီ။ အပေါ်ထပ်ကိုတော့ တက်ခိုင်းလို့ မဖြစ်ဘူး။ အပေါ်မှာက အစောင့်ရဲတွေ ပါလာသေးတယ်။ သင်္ဘောထွက်တာနဲ့ ရှောက်သီး၊ သံပုရာသီးထုပ်တွေ ကြားမှာလိုက်သွားရင် လွတ်နိုင်တယ်။ အင်း. ဦးထုပ်တလုံးလည်း ထည့်ပေးလိုက်မှ ဖြစ်မယ်ထင်တယ်။ ငွေလည်း နည်းနည်းလိုမှာပဲ။ ဟုတ်ပြီ…။ သင်္ဘောနဲ့ပဲ ထည့်ပေးလိုက်တော့မယ်။ `ကဲ..ညီလေး´ `ဗျာ´ `ဒီလိုလုပ် ……………………………………. …………………………………………….. …………………………………………………..´ ကျနော်ပြောတာတွေကို နားထောင်ရင်း ကောင်လေးရဲ့ မျက်လုံးက အရောင်တွေ လက်လာတယ်။ အတောင်မစုံသေးတဲ့ ငှက်ကလေးတကောင်ကို မိဘရင်ခွင်ထဲ ပြန်ထည့်ပေးရဖို့ တခုတည်းသာ စဉ်းစားနေတဲ့ ကျနော့်မှာလည်း ပီတိတွေနဲ့ အတူ ကောင်လေးနဲ့ သူ့မိဘတွေ ပြန်ဆုံမယ့် မြင်ကွင်းကို မျက်စေ့ထဲ ပုံဖော်ကြည့်တယ်။ သူတို့ အပျော်တွေကို မြင်ယောင်ကြည့်မိတယ်။ `ကဲ.. အိပ်တော့ ညီလေး၊´ `ဟုတ်.. အကို´ ဖယောင်းတိုင်မီးကို `၀ူး´ ကနဲ မှုတ်သတ်လိုက်ရင်း။ ပြတင်းတံခါးကို အသာဖွင့်၊ ကောင်းကင်ကို မော့ကြည့်တော့ လမသာတဲ့ ညမှာ ကြယ်ရောင် မှိတ်တုတ်တုတ်က အမှောင်ကို ရတတ်သလောက် အားလေးနဲ့ အံတုနေလေရဲ့။ ဒါပေမယ့် လောကတခွင်မှာတော့ အမှောင်တွေပဲ ကြီးစိုးနေသယောင်ယောင်။ *** မှေးကနဲ အိပ်ပျော်သွားခိုက်မှာ အိမ်တံခါးကို ခပ်ကြမ်းကြမ်း ထုနှက်နေတဲ့ အသံနဲ့အတူ မာထန်တဲ့ အသံတွေကြောင့် အလန့်တကြား နိုးလာပါတယ်။ `တံခါးဖွင့်စမ်း၊ မြန်မြန်´ တံခါးအပွင့်မှာပဲ ဓာတ်မီးရောင်တွေက အိမ်ထဲကို ဖြာကနဲ ကျရင်း ဟိုဟိုဒီဒီ ထိုးလို့ သားကောင်ကို ရှာပါတော့တယ်။ `တွေ့ပြီဟေ့.. တွေ့ပြီ´ ခွေခွေကလေး အိပ်နေတဲ့ သူတို့ရဲ့ သားကောင်၊ အတောင်မစုံငှက်ကလေးကို ကြမ်းတမ်းတဲ့ လက်အစုံနဲ့ အတင်းချုပ်ကိုင် ဆွဲခေါ်ပါတော့တယ်။ တုန်ယင်နေတဲ့ ကောင်လေးက ငိုယိုလို့ တောင်းပန်နေတာက ရင်နင့်စရာ..။ `ဆရာတို့ရယ်.. ကျနော် အိမ်ပြန်ချင်လို့ပါ။ မဖမ်းပါနဲ့… သား.. ကျောင်းပြန်တက်ချင်လို့ပါ၊ မဖမ်းပါနဲ့´ လာခေါ်သူ လူတစုက အရပ်ထဲမှာ သိပ်အကြာကြီး အချိန်ဖြုန်းချင်ဟန်မတူပါဘူး။ ကောင်လေးကို အိမ်ပေါ်က ခပ်ကြမ်းကြမ်းဆွဲခေါ်သွားပါတယ်။ သူတို့ထဲက ရာထူးအကြီးဆုံး ဖြစ်ဟန်တူသူ လူတယောက်က ကျနော့်ကို ရှုတည်တည်နဲ့ ကြည့်ရင်း- `ညတွင်းချင်း ပြန်မိလို့ မင်းလဲ သက်သာသွားတယ်မှတ်ပါ။ စစ်ပြေးကို လက်ခံထားတယ်ဆိုတာ ထောင်ချပစ်လို့ရတာ မမေ့နဲ့၊ ဒါနောက်ဆုံး အကြိမ်ဖြစ်ပါစေ´ အဲဒီနောက်မှာတော့… အိမ်ထဲမှာ ကျနော် တယောက်ပဲ ကျန်ခဲ့ပါတယ်။ အတောင်မစုံတဲ့ ငှက်ကလေးရဲ့ ငိုသံလည်း အမှောင်ထဲကို နောက်တကြိမ် တိုးဝင်ပျောက်ကွယ် သွားပြန်ပါပြီ။ နောက်နေ့ မနက်စောစောတွေမှာတော့ ကျနော် `ရှင်သန်ခြင်း´ ကဖေးကို မထိုင်ဖြစ်တော့ပါ။ ကောင်လေးတယောက် အဲဒီ လူအုပ်နဲ့အတူ ပါလာနေဆဲလား မကြည့်ရဲတော့ပါ။ မကြည့်ရက်တော့ပါ။ ဒါပေမယ့် စစ်ဖိနပ်သံ တဖြောင်းဖြောင်းနဲ့ အတူ တခါတလေမှာ ပျံ့လွင့်လာတတ်တဲ့ အသံတွေကို အိမ်ကနေကြားရတတ်ပါတယ်။ အဲဒီအခါတိုင်းမှာ အတောင်မစုံ ငှက်ကလေးကို မြင်ယောင်မိရင်း ထိခိုက်ကြေကွဲစွာ နားကို ပိတ်ထားမိပါတော့တယ်။ ဒါတောင် ပဲ့တင်သံလိုလို တစွန်းတစ ကြားလိုက်မိပါသေးတယ်။ `ဘယ်သူ့အတွက်လဲ´ `ပြည်သူ့အတွက်.. ပြည်သူ့အတွက်.. ပြည်သူ့…. ပြည်သူ့…. ပြည်သူ့..အတွက်´ သြော်…။ ပြည်သူ့အတွက်တဲ့လား။ ကလိုစေးထူး

ပုဂံလမ်းနှင့်အတူ…

ယခုအပတ် အလုပ်အားရက်မှာတော့ ကျနော်တယောက် အဝေးရောက် မြန်မာများ စုဝေးရာ အင်ဒီယားနား ပြည်နယ်၊ ဖို့ဝိန်းမြို့ကို အလည်အပတ် သွားရောက်ဖြစ်ခဲ့ပါတယ်။ မတွေ့တာ ကြာတဲ့ သူငယ်ချင်းတွေကို တွေ့ရင်း၊ စနေနေ့ညမှာ ကျင်းပတဲ့ တင့်တင့်ထွန်းရဲ့ တကိုယ်တော် ဖျော်ဖြေပွဲကိုလည်း ကြည့်ရင်းနဲ့ပေါ့..။

အင်ဒီယားနားပြည်နယ်ဟာ အမေရိကန်ရောက် မြန်မာတွေ ဒုတိယ အများဆုံး စုဝေးရာ နေရာဖြစ်နေပါပြီ။ (ပထမ အများဆုံးကတော့ ကယ်လီဖိုးနီးယား ပြည်နယ်လို့ သိရပါတယ်)။ ကိုယ်နဲ့ စရိုက်မတူ၊ ယဉ်ကျေးမှုမတူတဲ့ လူတွေကြားမှာ အလုပ်နဲ့အိမ်၊ အိမ်နဲ့ အလုပ် ဒါတွေနဲ့ပဲ ချာလပတ်လည်နေတော့ မြန်မာရနံ့၊ မြန်မာ အငွေ့အသက်တွေ ရနိုင်တဲ့ မြန်မာအစုအဝေး ရှိရာမှာ သွားရောက် စုဝေးရင်း တချို့လည်း ပြောင်းရွှေ့အခြေချရင်းနဲ့ အခုတော့ ဖို့ဝိန်းမြို့မှာ မြန်မာကွန်မြူနတီ တခု ကောင်းကောင်း ရှိနေပြီလို့ ပြောလို့ ရနေပါပြီ။

မြန်မာ လက်ဖက်ရည်ဆိုင်တောင် သွားထိုင်ဖြစ်လိုက်ပါသေးတယ်။ မြန်မာပြည်က ဆိုင်လောက် ရသ အပြည့်အ၀ မပေးနိုင်စွမ်းပေမယ့် လက်ဖက်ရည် အဖန်သောက်လို့ ကျက်သရေ အမှန်ရောက်ရင်း မတွေ့တာကြာတဲ့ မိတ်ဆွေတွေနဲ့ ရှေးဟောင်းနှောင်းဖြစ်တွေ စကားလက်ဆုံကျခဲ့ပါသေးတယ်။ လက်ဖက်ရည် တခွက် တကျပ်၊ အီကြာကွေး တခု တကျပ်၊ ပဲပလာတာ တခု တကျပ် ၅၀ ပြား၊ စသဖြင့်နဲ့ ဒေါ်လာငွေ အစား ကျပ်လို့ သုံးစွဲရေးထားတာကို တွေ့မိတော့ အမိမြန်မာပြည်မှာ မြန်မာကျပ်ငွေနဲ့ အခုလိုဈေးနှုန်းအတိုင်းသာ ရှိနေရင် ဘယ်လောက်ကောင်းလိုက်မလည်းလို့ ကြံကြံဖန်ဖန် တွေးမိလိုက်ပါသေးတယ်။

စနေညနေခင်းမှာတော့ မတင့်(တင့်တင့်ထွန်း) ရဲ့ တကိုယ်တော် ရှိုးပွဲလေး လုပ်ခဲ့ပါတယ်။ အပိုင်းသုံးပိုင်း ခွဲပြီးလုပ်တဲ့ ဒီပွဲမှာ မတင့်က သူ့ရဲ့ အဖွင့်သီချင်းကို ရန်ကုန်မှာ သီဆိုခွင့်မရတာကြာခဲ့ပြီဆိုတဲ့ `ဒါလေးများ´ သီချင်းနဲ့ စဖွင့်ပါတယ်။ ခပ်မြူးမြူးလေးပေါ့။ စတေ့ရှိုးပွဲ ပုံလေးတွေကို အောက်မှာဖော်ပြလိုက်ပါတယ် ခင်ဗျာ။

စတေ့ရှိုးပွဲ မစမီ ရောက်နှင့်နေကြတဲ့ ပရိသတ်များပါ။ ဒီပွဲကို လူလေးရာနဲ့ ငါးရာအကြား လာရောက်ကြတယ်လို့ ခန့်မှန်းရပါတယ်။ လက်မှတ်ခကတော့ တစောင် ၂၀ ဒေါ်လာ၊ ကျောင်းသားများအတွက် တဆယ့်ငါးဒေါ်လာပါ။

ဖြေဖျော်မှု ပထမ အပိုင်းက မတင့်ရဲ့ ပုံတချို့ပါ။ မတင့်ရဲ့ ယခုပွဲ ၀တ်ပုံစားပုံဟာ ၂၀၀၄ ခုနှစ်တုန်းက နယူးယောက်မှာ လုပ်သွားတဲ့ ပွဲထက်စာရင် အတော် အဆင်ပြေလုံခြုံပါတယ်။

ဒါကတော့ ဒုတိယ အပိုင်း ဖျော်ဖြေမှု ပုံရိပ်တွေပါ။

မတင့်ရဲ့ တတိယ အပိုင်း ဖျော်ဖြေမှု မစခင်မှာ ကြားဖြတ်အစီအစဉ်အနေနဲ့ လူငယ် တချို့ သီချင်းဆိုပါတယ်။ အထက်ပါ လူငယ်နှစ်ဦး (ကိုယ်တိုင်ရေး သီချင်းလို့ ယူဆရတဲ့) သီဆိုသွားတဲ့ `မြန်မာပြည်သား ဘ၀´ ဆိုတဲ့ သီချင်းဟာ ပရိသတ်ရင်ကို ခံစားချက် မြားစင်းများ သဖွယ် ထိမှန်စေခဲ့ပါတယ်။ တိုးတက်နေတဲ့ ဒီတိုင်းပြည်ကြီးနဲ့ မြန်မာပြည်ဆိုတာ မယှဉ်သာနိုင်တာ သိပေမယ့် မြန်မာပြည်ကိုလည်း ဒီနိုင်ငံလို တိုးတက်စေချင်တဲ့ ခံစားချက်ကို အခြေခံ ရေးဖွဲ့ထားတဲ့ သူတို့ရဲ့ ဟစ်ဟော့ပ် သီချင်းကို နားထောင်ပြီး သူတို့ နည်းတူ ခံစားနေရတဲ့ ပရိသတ်တွေက လေထဲကို လက်တွေ ဝှေ့ယမ်းပြီး အားပေးခဲ့ကြပါတယ်။






အဲဒါကတော့ တတိယ အပိုင်း ဖျော်ဖြေမှု ပုံရိပ်တွေပါ။

ဒီဘက်နှစ်များမှာ အဆိုတော် တော်တော်များများ လုပ်လေ့ရှိကြတဲ့ လက်မှတ်ထိုး အခွေရောင်း အစီအစဉ်ကို တင့်တင့်ထွန်းကလည်း သူ့ရှိုးပွဲအပြီးမှာ လုပ်ခဲ့ပါတယ်။ တခွေ ၁၀ ဒေါ်လာပါ။ သူနဲ့ ဓာတ်ပုံတွဲရိုက်ချင်သူများနဲ့ သူ့ပရိသတ်များက ၀ယ်ယူအားပေးခဲ့ပါတယ်။

တင့်တင့်ထွန်း တကိုယ်တော် ဖျော်ဖြေပွဲရဲ့ ထူးခြားတာ တခုကတော့ `ပုဂံလမ်းမှ စောင့်နေမယ်´ သီချင်းကို တောင်းဆိုသူများရဲ့ ဆန္ဒအရ နှစ်ကြိမ်တိုင် ဖျော်ဖြေသွားတာပါ။ ကျနော့် ကင်မရာလေးမှာ ထည့်ထားတဲ့ မမ်မိုရီကဒ်ရဲ့ သိမ်းနိုင်စွမ်း ရှိသလောက်ကို ကြိုးစားပြီး အဲဒီ သီချင်းကို ရိုက်ကူးလာခဲ့ပါတယ်။ ဒီမှာ နားထောင်ပါ ခင်ဗျာ။

ဒီလိုနဲ့ နောက်တနေ့ကျတော့ ပုဂံလမ်းမှာ စောင့်နေမယ့် မတင့်ကို အသာမေ့လို့ လုပ်ငန်းခွင် အမှီပြန်ရောက်ဖို့ ကျနော်နေထိုင်ရာ ပြည်နယ်ရှိရာကို ပြန်ရပါတယ်။

တရိပ်ရိပ်ပြေးနေတဲ့ ကားကို သတိထားမောင်းရင်း …၊ အင်ဒီယားနားပြည်နယ်က နောက်မှာ ကျန်ခဲ့လို့..။ အင်း.. ပုဂံလမ်းကို အမြန်ပြန်ချင်ပါဘိ။

ကလိုစေးထူး