Wednesday, December 10, 2008

ဘလော့ဂ် စာကျက်ခန်း...

လောကမှာ လူတွေဟာ ပုံသဏ္ဌာန် မျိုးစုံနဲ့ လမ်းလျှောက်တတ်ကြပါသတဲ့။ တခါတလေကျရင်တော့ လူတွေက စိတ်အေးလက်အေးနဲ့ လေညှင်းခံရင်းနဲ့ပဲ ဖြစ်ဖြစ်၊ ဈေးဆိုင်တန်းထဲမှာပဲ ဖြစ်ဖြစ် လှည့်လည် လျှောက်တတ်ကြပါသတဲ့။

***

အဲဒီလို အစပျိုးလိုက်တော့ ကလိုစေးထူးတယောက် လမ်းလျှောက်တာကိုပဲ စာဖွဲ့ဦးတော့မယ်လို့ ထင်စရာ ဖြစ်တော့မယ်။ အမှန်တကယ်ကတော့ စာသင်ခန်းထဲမှာ သင်လာရတာတွေကို ပြန်ပြီး ဖောက်သည်ချချင်တဲ့ သဘောပါ။

ကျနော် ကျောင်းပြန်တက်နေတယ် ဆိုတာက အင်္ဂလိပ်စာ တိုးတက်ဖို့ အဓိကထားသင်ကြားနေတဲ့ အတန်းမှာ သင်ယူရတာမို့ သင်ရတာတွေကလဲ စကားလုံးတွေရယ်၊ အသံထွက်မှန်ကန်စေဖို့ရယ်၊ သဒ္ဒါရယ်ကိုပဲ သင်ကြတာများပါတယ်။ ဒါပေမယ့် သင်တဲ့နေရာမှာ ဆောင်းပါးတခုခု၊ ဒါမှမဟုတ်လဲ အချက်အလက် တခုခုကို အခြေခံပြီး စိတ်ဝင်စားစဖွယ် သင်တာမို့ မှတ်မိလွယ်၊ သင်လွယ် တတ်လွယ်ပါတယ်။

မနေ့ကတော့ အင်္ဂလိပ်စကားလုံး အသစ်တွေ တိုးတက်စေဖို့ သင်တဲ့အနေနဲ့ `လမ်းလျှောက်ခြင်း´ ကို အခြေခံတဲ့ စကားလုံးတွေ အကြောင်းကို သင်ခဲ့ရတယ်။

ကျနော်နဲ့ ဘ၀တူ မောင်ကျည်ပွေ့၊ မကျည်ပွေ့များနဲ့တကွ အင်္ဂလိပ်စာကို လေ့လာလိုသူတွေ အတွက် ပေါ့ပေါ့ပါးပါး ဖတ်ရင်းနဲ့ပဲ စကားလုံး အသစ်တချို့ တိုးပြီး သိရအောင် ရည်ရွယ်ပြီး သင်ခဲ့ရတာတွေကို ဖောက်သည်ချပါရစေ။

***

ကဲ...၊ အထက်က အစပျိုးခဲ့တာကို ပြန်ဆက်ကြည့်မယ်။

ကျနော့် အတွက်ကတော့ လမ်းလျှောက်တယ် ဆိုတာကို Walk ဆိုတာလောက်ပဲ သိခဲ့တာက များပါတယ်။ ဒါပေမယ့် တကယ့်တကယ်တမ်းမှာ လူတွေဟာ မတူညီကွဲပြားတဲ့ ပုံစံမျိုးစုံနဲ့ လမ်းလျှောက်ကြတဲ့အခါမှာ သုံးနှုံးတဲ့ စကားလုံးတွေဟာလဲ ကွဲပြားသွားပါသတဲ့။

ဦးတည်ရာ တခုခု မရှိဘဲ လမ်းလျှောက်နေတာမျိုးနဲ့ တူတဲ့ အစုထဲမှာတော့ wander, stroll, saunter, roam, amble, ramble အစရှိတဲ့ စကားလုံးတွေ ပါဝင်ပါတယ်။ ဥပမာ...၊ လေညှင်းခံလမ်းလျှောက်တာ၊ Mall ထဲမှာ ဟိုဟိုဒီဒီ လိုက်ငေးတာတွေ၊ ပြီးတော့ စိတ်လှုပ်ရှားစွာနဲ့ အခန်းထဲမှာ ဟိုဘက်ထိပ် ဒီဘက်ထိပ် လျှောက်နေတာမျိုးတွေ အတွက် အဲဒီစကားလုံးတွေကို သုံးပါတယ်တဲ့။

စစ်သားတွေ ချီတက် လမ်းလျှောက်တာ၊ ဒါမှမဟုတ် ဘင်ခရာအဖွဲ့လိုမျိုး အစုအဖွဲ့တွေ လမ်းလျှောက်ကြတာမျိုးကိုတော့ march, pace ဆိုတဲ့ စကားလုံးတွေကို သုံးနိုင်ပါတယ်။

လမ်းလျှောက်တာပေမယ့်လဲ တယောက်ယောက် မသိရအောင် တိတ်တိတ်လေး ခြေဖျားထောက်ပြီး သူ့အနားကို ချဉ်းကပ်ပြီး လျှောက်သွားတာမျိုးကျတော့ tiptoe တဲ့။

စစ်သားလမ်းလျှောက်တာခြင်း အတူတူ တောတွင်းက ရွှံ့နွံတွေထဲမှာ ခြေထောက်တွေကို လေးလံလွန်းလှစွာ တလှမ်းခြင်း လှမ်းနေရတာမျိုး၊ ဒါမှမဟုတ်လဲ နှင်းတွေ အရမ်းကျနေတဲ့ လမ်းပေါ်မှာ နှင်းတွေထဲ ခြေထောက်တွေ မြုပ်သွားအောင် စွပ်ခနဲ စွပ်ခနဲ ခပ်လေးလေးကြီး လျှောက်နေရတာမျိုး ဆိုရင်တော့ plod, trudge အစရှိတဲ့ စကားလုံးတွေကို သုံးရပါသတဲ့။

တခါတလေကျရင် ကျနော်တို့ လမ်းလျှောက်ပုံတွေဟာ ပုံမကျပန်းမကျ ဖြစ်နေတာတွေ၊ ဒါမှမဟုတ်လဲ ခြေထောက်မှာ ဒဏ်ရာတခုခုရနေတာကြောင့် လမ်းလျှောက်တာက မူမမှန်တဲ့ လမ်းလျှောက်ဟန်တွေ ဖြစ်တတ်ပါတယ်။ တချို့ကျတော့လဲ သိပ်ဝလွန်းတဲ့ အခါကျတော့ လမ်းလျှောက်တဲ့အခါမှာ သာမန်လူတွေလို မူမှန်မဟုတ်တော့ဘူး၊ ဘဲသွားသွားသလို ဖြစ်နေတတ်တယ်။ အဲဒီလို လမ်းလျှောက်တာမျိုးတွေကိုတော့ waddle,toddle, stagger, falter, stumble, hobble, limp ဆိုတဲ့ စကားလုံးတွေကို သုံးနိုင်ပါတယ်။ တခုခြင်းစီရဲ့ အဓိပ္ပာယ်တွေကိုတော့ သီးခြားလေ့လာနိုင်ပါတယ်။

သူခိုးတွေ အိမ်တအိမ်အိမ်ထဲကို တခုခု ၀င်ခိုးတော့မယ်ဆိုရင် လျှောက်တဲ့ လမ်းလျှောက်နည်းမျိုးကိုတော့ sneak, steal အစရှိသဖြင့် သုံးပါတယ်။ ပြိုင်ပွဲ တခုခုမှာ ဆုရလို့ ဂုဏ်ယူစွာနဲ့ လျှောက်တဲ့ လမ်းလျှောက်နည်းမျိုးကိုကျတော့ strut, swagger လို့ သုံးပါသတဲ့။ ကိုယ့်ကိုယ်ကို ယုံကြည်မှု အပြည့်နဲ့ လမ်းလျှောက်တဲ့ လျှောက်နည်းကိုကျတော့ stride ...တဲ့။ သတင်းဆိုးတခုခုကို ကြားလို့၊ ဒါမှမဟုတ်လဲ တခုခုကြောင့် ၀မ်းနည်းစွာနဲ့ စိတ်ပျက်အားငယ်စွာ လျှောက်တဲ့ လမ်းလျှောက်နည်းကိုကျတော့ shuffle, slouch လို့ သုံးပြန်တယ်။

တခါတလေမှာ ရေဒီယိုကနေပြီး Traffic is inching. ဒါမှမဟုတ်လဲ creeping အစသဖြင့် ပြောတာမျိုးကို ကြားဖူးကြပါလိမ့်မယ်။ အဲဒါကတော့ တရွေ့ရွေ့သွားတာကို ဆိုလိုပါတယ်တဲ့။ လူတွေ အများကြီးရှိတဲ့ ခန်းမတခု၊ ဒါမှမဟုတ်လဲ ပွဲတော်တခုခုမှာ ကိုယ်သွားလိုရာနေရာကို တလက်မခြင်း တရွေ့ရွေ့သွားရတဲ့ လမ်းလျှောက်နည်းတွေကို ပြောချင်ရင်တော့ inch, creep, edge.

အဲဒီလို တရွေ့ရွေ့သွားနေရတာရဲ့ ဆန့်ကျင်ဘက်ဖြစ်တဲ့ အမြန်လမ်းလျှောက်နေရာမျိုး ဖြစ်နေပြီ ဆိုရင်တော့ hasten, hurry အစရှိတဲ့ စကားလုံးတွေကို သုံးပါတယ်တဲ့။ အလုပ်ကို ငါးမိနစ်အတွင်း ရောက်အောင် သွားရဖို့ လမ်းလျှောက်ရတာမျိုး၊ ရထားနောက်ကျမှာစိုးလို့ အပြေးတပိုင်း လျှောက်တာမျိုးကို ဆိုလိုတာမျိုး ထင်ပါတယ်။

***

ကျနော် အပေါ်မှာ ရေးခဲ့တာတွေဟာ သိပြီးသား စကားလုံးတွေလဲ ဖြစ်ချင်ဖြစ်ပါမယ်။ ဒါပေမယ့် မသိရသေးသူတွေအတွက်တော့ တလုံးဖြစ်စေ၊ နှစ်လုံးဖြစ်စေ တိုးပြီး သိသွားတယ်ဆိုရင် ဒီပို့စ်ရေးရကျိုး နပ်ပါပြီ။ လိုအပ်ချက်များ ရှိနေသေးရင်လဲ ဖြည့်စွက် ထောက်ပြနိုင်ပါတယ်။ နောက်နေ့တွေမှာလဲ သင်ခန်းစာတွေထဲက စိတ်ဝင်စားဖွယ်ရာတွေကို ရေးပါဦးမယ်။

ဒီပို့စ်ကို ဘယ်လို ခေါင်းစဉ်တပ်ရင် ကောင်းမလဲလို့ စဉ်းစားလိုက်တော့ စာသင်ခန်းတခုနဲ့ တူနေတဲ့ ပို့စ်မို့လို့ `ဘလော့ဂ်စာသင်ခန်း´ လို့ပဲ ပေးလိုက်တော့မယ်လို့ စဉ်းစားပေမယ့် ကျနော်က သင်တာမှ မဟုတ်တာ၊ ဒီတော့ ကျနော်လဲ စာကျက်သလိုဖြစ်၊ သင်ထားတာတွေကိုလဲ ပြန်ပြီး ဖောက်သည်ချတာမျိုးဆိုတော့ `ဘလော့ဂ်စာကျက်ခန်း´ ဆိုတာက ပိုကောင်းမယ်ထင်ပါရဲ့...။

နောက်အပတ်ကျရင် စာထပ်ကျက်ကြပါစို့။

***

ကလိုစေးထူး

16 comments:

Anonymous said...

ကျနော်သိတာ လမ်းလျှောက်တယ်ဆိုတာ “walk” ပဲ ခုမှ များလိုက်တဲ့ အနက်တွေး) မှတ်သွားတယ် ( နက်ဖန်ကျရင် မေ့မှာကတော့သေချာတယ် ဦးနှောက်က သိပ်အလုပ် မလုပ်တော့ဘူးး ) ကိုစေးထူးရေ့ ..။

MANORHARY said...

အင်း...ခုမှပဲ စာတွေပြန်လိုက်ကျက်ရတော့မယ်။
ကျေးဇူးလည်းတင်ပါတယ်။

Unknown said...

ပိတ်မှာပေါ့ကွ။
သူ က သူ့မှာ မိန်းမရှိတယ်ပြောမှာကိုး ကြောက်နေတာကွ။

ကလိုစေးထူးရေ စာတွေ သေချာကျက်
မိန်းမလဲဂရုစိုက်ပေါ့။ ဟဲဟဲ

Moe Cho Thinn said...

မသိသေးတဲ့ စကားလုံးတွေ အများကြီး..
အဲဒီလို ဝေမျှတော့ ပညာတိုးတာပေါ့။ ကောင်းတယ် ဆက်လုပ်။

တောင်ပေါ်သား said...

ကိုကြီးရေ ပုံမှန် စာလာကျက်တော့မယ်

:P said...

ဂွတ်ထ.. ဂွတ်ထ...ဆက်ရေးပါ။
လိုက်လေ့လာပါမည်။

MELODYMAUNG said...

မော်ဒယ်လ်တွေ စင်မြင့်ပေါ်လျှောက်တော့ cat walk တဲ့ ဒါဆို သူသွားတဲ့ style က ဘဲသွားသွားသလိုပဲဆိုရင် duck walk လို့များ ဖြစ်မလားဟင် ကိုကြီးရေ ချာမကို မေးလာခဲ့နော် အဟိဟိ :P

လင်း said...

လမ်းကိုအမျိုးစုံလျှောက်သွားလိုက်ပြီ။ စာကျက်ပြီးရင် စာမေးပွဲရော စစ်အုန်းမှာလား

Unknown said...

Bro,
This is my personal contact to you. I first know only walk, stroll and wander. Thanks for your sharing. I love to learn too.
I would like to request you to remove all comment by Boe or Boe Daw. His comments made the reader's mind angry. You never show your photos. You never seduce the readers with your personal things. We know only you are KLSH, our favourite blogger. So, please tell Boe Daw that we are not interested in whether you have wife or not. Whatever, we will visit to you. Please remove my comment once you have read. I am so disappointed with this guy.

Thet Oo said...

Road map ကို ဖြေးဖြေးချင်းသွားနေတာကိုရော ဘယ်လိုခေါ်သလဲဗျာ။

Thet Htar Khin said...

Thanks a lot for sharing.

မေငြိမ်း said...

စိတ်ညစ်ပါ့.. နဂိုကမှ English ညံ့လို့ စိတ်ညစ်ရတဲ့အထဲ.. ဂလို ရငပ်ရှုပ်ထွေးထွေး ခက်ခက်ခဲခဲတွေနဲ့တော့ တေချင်တာပဲ..။

မီယာ said...

စာလုံးအသစ်တွေ မှတ်သွားတယ်။ ရေးရကျိုးနပ်ပြီဟုတ်

တန်ခူး said...

ကိုစေးထူးရေ… စာကျက်ခန်းကို လာပြီး တိတ်တိတ်လေးမှတ်သွားတယ်…
ဝေမျှပေးတာကျေးဇူးပါ…

Unknown said...

The best learning is teaching. It is good for you and others. thank for sharing

ယောနသံစင်ရော် said...

ကိုစေးထူးရေ... ကျနော်လည်း roam ဆိုတဲ့ အဓိပ္ပါယ်ကို သိတာမကြာသေးဘူး။ ခုလိုဝေမျှတာကျေးဇူးပဲ.... နောက်စာလုံးတွေလည်းမျှဝေပါဦး။