Monday, December 29, 2008

ဟာသနဲ့ ဟာသ...

`ပွမ် ))))))))))))´

အနားကပ်ပြီး ကားဟွန်းတီးလိုက်သံကြောင့် ဘောက်ဆတ်ဘောက်ဆတ်နှင့် လမ်းလျှောက်နေသော ကျွဲကော်ကိုင်းမျက်မှန်နှင့် အူကြောင်ကြောင်ပုံစံလူ လန့်သွားသည်။ အနားမှာရပ်လာတဲ့ ကားထဲမှာက ၀ဖိုင့်သော ခန္ဒာကိုယ်ပိုင်ရှင် အမျိုးသမီးတယောက်က ပြည့်ပြည့်ဖောင်းဖောင်းမျက်နှာကြီးကို အဆီတွေအစ်နေအောင် ပြုံးပြပြီး…

`ကိုကိုချစ်၊ လန့်သွားတယ်ဆိုရင် ဆောရီးနော်။ အံ့သြသွားအောင် လုပ်လိုက်တာ၊ လာ၊ ကားပေါ်တက်´

ကိုကိုချစ်လို့ အခေါ်ခံရတဲ့ ပုဂ္ဂိုလ်က ချွဲပျစ်ချိုအီနေသော စကားသံကို မအီမလည်မျက်နှာထားဖြင့် ပြန်ကြည့်နေသည်။ ပြီးမှ…

`အာ၊ ရပါတယ်၊ ကျနော် ဒီကနေပဲ လမ်းလျှောက်သွားလိုက်တော့မယ်´
`အာ၊ မရဘူး၊ မရဘူး၊ မတက်ဘူးလား၊ မတက်ရင် ဆင်းလာပြီးခေါ်ပြီနော်၊ ဆင်းလာပြီနော်´

စောစောက အသံထက် နှစ်ဆလောက် ပိုချွဲသောအသံနဲ့ တဆက်တည်း ကားပေါ်ကနေ ဆင်းလာမည့်ဟန် တကဲကဲဖြစ်နေတဲ့ မရွှေဝတုတ်ကြောင့် ကိုကိုချစ်ခမျာ `အဲ၊ တက်မယ်၊ တက်မယ်´ ဟု ကမန်းကတန်း ပြန်ပြောရင်း ကားပေါ်ကို ပုဆိုးစွန်တောင်ဆွဲပြီး ၀ရုန်းသုန်းကားဖြင့် အမြန်တက်ရတော့သည်။

***

`ဟားဟားဟားဟား´
`အဟီးဟီး´
`ဟားဟားဟား´

ဘာစာမှ မရေးဖြစ်တဲ့ တညနေတွင် ကွန်ပျူတာထဲက မြန်မာဟာသကားတကားကို ကြည့်ရင်း တ၀ါးဝါး တဟားဟားဖြင့် သဘောကျနေမိ၏။ တခါတလေကျတော့ လူပန်း၊စိတ်နွမ်းနေတဲ့ အချိန်မှာ ဒီလိုဟာသကားလေးတွေက ခဏတဖြုတ်ပဲ ဖြစ်ဖြစ် လူကို လန်းစေတာတော့ အသေအချာပင်…။

ကြည့်မိတဲ့ကားကလဲ ဟာသမှ တကယ့်ဟာသ။ ကျော်ရဲအောင် နဲ့ ပွင့် တို့ သရုပ်ဆောင်နေသည်ကလဲ ရယ်ချင်စရာ။ သူကိုယ်တိုင်ကလဲ မြန်မာကားကိုမှ နှစ်သက်သူကလဲ ဖြစ်လေတော့ ပေါ့ပေါ့ပါးပါး ဇာတ်ကားလေးကို ကြည့်ရင်း ပေါ့ပေါ့ပါးပါး ရယ်မောနေရသည်မှာ အရသာ ရှိလိုက်ပါဘိ။

အခန်းတခုလုံးလဲ သူ့ရယ်သံတွေကသာ ဖုံးလွှမ်းနေ၏။ ထိုအခိုက်…

***

`ဒေါက် ဒေါက် ဒေါက်´

အိမ်တံခါးကို တယောက်ယောက်က အဆက်မပြတ်လာခေါက်နေသံကြောင့် ရယ်လက်စကို အရှိန်ခဏသတ်ပြီး တံခါးသွားဖွင့်ပေးလိုက်တော့ တံခါးဝမှာ ဟိုဘက် တိုက်ခန်းက အမိုးရဲ့ သားမက် ကော်လာဖိုးရပ်နေ၏။ သူ့ကို မြင်တော့…

`အကို၊ ကျနော် ဒီညတည ဒီမှာပဲ အိပ်ချင်လို့´
`သြော်၊ အိပ်လေ၊ ရပါတယ်´

ပြောလဲပြော၊ အခန်းထဲလဲ ၀င်လာသော ထိုလူက စောစောက သူ့အင်္ကျီကြားထဲမှာ ထိုးထည့်ထားတဲ့ လက်ကို အပြင်ထုတ်လိုက်တော့ လားလား…၊ လက်ထဲမှာလဲ နည်းတဲ့ အရက်ပုလင်းကြီး မဟုတ်။ အခန်းထဲရောက်သည်နှင့် သူ့ရှေ့မှာ ဗြုန်းဆို ထိုင်ချလိုက်ပြီး…

`ကျနော် စိတ်ညစ်တယ်ဗျာ၊ ကျနော့်ကို သူတို့ ၀ိုင်းအနိုင်ကျင့်ကြတယ်၊ အီးဟီးဟီးဟီး´

စောစောက တံခါးဝမှာတုန်းက အကောင်းလိုလိုနဲ့ သူ့အခန်းထဲ ရောက်လာမှ ဆိုင်းမဆင့် ဗုံမဆင့် ငိုချလိုက်သော ကော်လာဖိုးကို ကြည့်ရင်း သူလဲ ဘာပြောလို့ပြောရမှန်း မသိ…

`အီးဟီးဟီးဟီး၊ အမေရိကားရောက်မှ မပျော်ဘူးဗျာ၊ အီးဟီးဟီး´

အဲဒါမှ အခက်၊ စောစောကတင် ဟာသကားကြည့်နေတဲ့ သူ့မျက်နှာက ဟာသကားအရှိန်ကြောင့် ဘယ်လိုမှ မျက်နှာပိုးသေနိုင်မှာမဟုတ်။ ဒါပေမယ့်…

`ကဲပါဗျာ၊ ဒီလိုပေါ့၊ တခါတလေ ဖြစ်တတ်ပါတယ်၊ ငိုမနေပါနဲ့ဗျာ´

ကွန်ပျူတာမှာ ဖွင့်ထားလက်စ ဟာသကားကလဲ မပိတ်ရသေး…။ ဟိုလူ့ကို အားပေးစကားတချက် ပြောပြီး ဇာတ်ကားကို ဆက်ကြည့်မိပြန်သည်။

ဒီတခါတော့ ကျော်ရဲအောင်တယောက် အချဉ်အစပ်စာတွေကို ကြိုက်တဲ့ ကောင်မလေးအကြိုက်အတိုင်း လိုက်စားမိရာမှ အိမ်သာနဲ့ နပန်းလုံးနေရတဲ့အခန်း။ အိမ်သာထဲကို ၀င်သွားလိုက်၊ မျက်နှာကြီးရှုံ့မဲ့ပြီး ပြန်ထွက်လာလိုက်၊ တခါပြန်ဝင်သွားလိုက်…။

`ဟားဟားဟားဟား´
`ဟီးဟီးဟီး´

`တကယ်ကို အကိုရာ၊ ကျနော်က အခုအချိန်မှာ အလုပ်ရှာနေတုန်းမို့သာ ယောက္ခမအိမ်မှာ ခဏနေရတာပါ။ ဒါကို အနိုင်ကျင့်တယ်ဗျာ၊ အီးးးဟီးးး´

ဇာတ်ကားကို ကြည့်ပြီး ရယ်မယ်မှမကြံသေး ဟိုလူက ထငိုပြန်တော့ မျက်နှာပိုးကို အတင်း ဘရိတ်အုပ်သတ်ရပြန်သည်။ ဟိုလူက ပြောလဲပြော၊ လက်ထဲက အရက်ပုလင်းကိုလဲ ခွက်ထဲကို ငှဲ့နေပြန်သည်။ သူက မနေနိုင်မထိုင်နိုင်ဖြင့်…

`ဖြည်းဖြည်းချပါဟ´
`ဒီမယ်အကို၊ ကျနော် ဒီလောက်က အေးဆေးပါဗျ၊ ဟောဒီမှာကြည့်´

ငှဲ့ထားတဲ့ အရက်တွေကို ဂလုဂလုနဲ့ တရှိန်ထိုး မော့ချပြပြန်သည်။ ပြီးတော့ `စိတ်ညစ်တယ်ဗျာ၊ အီးဟီးဟီး´ ဆို ထပ်ငိုပြန်သည်။

***

`ကဲ၊ မငိုပါနဲ့တော့ဗျာ၊ နော်၊ ဒီမှာစောင်နဲ့ ခေါင်းအုံး၊ အိပ်ရင်လဲ အိပ်တော့လေ´

အရက်ငို ငိုတတ်သူကို သူလဲ ဘယ်လိုမှ မချော့တတ်။ ကျော်ရဲအောင်ရဲ့ ကိုးရို့ကားယားပုံစံကို ကွန်ပျူတာမှာ ထပ်ကြည့်မိပြန်တော့ `ခွီး´ ခနဲ ထပ်ရယ်မိပြန်သည်။

`အကို၊ ကျနော်က ရယ်စရာ ဖြစ်နေလို့လားဟင်´
`ဗျာ၊ အာ…၊ မဟုတ်ပါဘူး´
`အကိုက ကျနော်ဝင်လာကတည်းက မျက်နှာက စပ်ဖြီးဖြီးကြီး´
`အဟီး… … ဒါကတော့၊ ကျနော်က ခင်ဗျားမလာခင်က ဟာသကားကြည့်ပြီး ရယ်နေတာဗျ၊ အဲဒီအချိန်မှာ ခင်ဗျားက ရောက်လာပြီး ဗြုန်းဆို ငိုချလိုက်တော့ ကျနော်လဲ ဘာလုပ်ရမှန်းကို မသိတော့ဘူး၊ မျက်နှာလဲ ဘယ်လိုဖြစ်နေမှန်းကို မသိတော့ပါဘူးဗျာ´

ဟိုလူ ခဏတော့ ငြိမ်သွားသည်။ ခဏကြာတော့… … …

`အဟီးဟီးဟီး၊ ရှက်လိုက်တာဗျာ၊ ရယ်စရာကြီးနော်´
`ဟီးဟီး၊ ကျနော်ရယ်တာ ဟာသကားကိုပါ´
`မဟုတ်ဘူး၊ ကျနော်က ပိုရယ်စရာ ဖြစ်နေတာနေမှာ´
`ကျနော့်မျက်နှာကြီးကလဲ ရယ်စရာဖြစ်နေမှာပါ၊ အဟားဟားဟား´

ကွန်ပျူတာက ဟာသကားနဲ့ အပြင်က ဟာသသမားနှစ်ယောက်ရဲ့ အသံတွေကြောင့် တခန်းလုံး ရယ်သံတွေနဲ့ ပြည့်နှက်သွားတော့သည်။

အဲဒီနောက်တော့ ငါးမိနစ်မျှပင် မကြာလိုက်ပါ။ ကော်လာဖိုးတယောက် အောက်ပါပုံအတိုင်း ခေါင်းစိုက်လျက် လောကကြီးကို တခဏမျှ နှုတ်ဆက်သွားလေတော့သည်။



***

ကလိုစေးထူး

10 comments:

Anonymous said...

ဟဟားး တော်တော် မူးနေတာပဲ =) အစ်ကိုစိတ်ညစ်နေမယ့် ပုံမြင်ယောင်သေး အမူးသမားတွေက မူးသွားရင် ဘာမှမသိတော့ သူတို့ အပြုမူတွေက ရယ်ချင်စရာမဟုတ်ပဲ ရယ်နေရတာ အဲ့လိုဆိုတော့ ဟာသ နဲ့ ဟာသရောသွားတာပေါ့ ဘာပဲဖြစ်ဖြစ် အစ်ကို့အတွက်တော့ သူက ခဏတာ ရယ်စရာလေးဖြစ်သွားစေတာပဲ ယူတက်ရင် အမြတ် အခုတောင် ပို့စ်တစ်ပုဒ်ဖြစ်သွားတာ သူ့ကိုကျေးဇူးတင်သင့်တယ် :P

:P said...

သူ့ကိုယ်သူ ရယ်စရာဖြစ်နေမှန်းတော့ သိရှာသားနော်...ရယ်ချလိုက်၊ မျက်နှာပိုး အတင်းသတ်လိုက်လုပ်နေမယ့် ကိုစေးထူးကို ပိုရယ်ချင်တယ်

မီယာ said...

စိတ်ညစ်လို့ အရက်သောက်တာပေါ့ သူ့မိန်းမက လိုက်မရှာဘူးလား

တောင်ပေါ်သား said...

ဟား ဟား အကိုစေးရေ တော်တော်ကို ဟုတ်နေပေါ့ အခန့်မသင့်ရင် သူက မူးပြီး အကိုရယ်တာကို ရစ်နေရင် ဒုက္ခ ဟီးးးးးး

M.Y. said...

အာရေးကောင်းတယ်လို့ ထပ်မျြေမှာက်တော့ပါဘူး။

ဟာသနဲ့ ဟာသ ဆိုတဲ့ခေါင်းစဉ်ပေးထားတာကအစ အဓိပ၌ါယ်ရှိလွန်းတယ်။ ကိုစေးထူး ရဲ ဟာသကားက့ ပျော်ရွှင်မှုကြောင့်ရနေတဲ့ဟာသ..
ငိုစရာဟာရယ်စရာကောင်းနေပြီဆိုပြီး စိတ်ဓာကျနေတဲ့လူတစ်ယောက်ရဲ့ လုပ်ယူလိုက်တဲ့ မချိတင်ကဲဟာသ..
အဲဒိ..ဟာသ နဲ့  ဟာသ ..အတွေးများစရာပါပဲ။
အဲ..အရေးတော့ကောင်းတယ်..

tututha said...

အဟီးဟီး .. ကောင်းတယ် ..

သစ်နက်ဆူး said...

ကိုစေးထူး
အကိုက ဟာသတစ်ကား၊အမူးတစ်ကား ၂ကားတစ်ပြိုင်တည်း ကြည့်လိုက်၇တာပေါ့..။

ATN said...

ဖြစရမယ်လေ... ဒီဟာသ အတော် ဟာသမြောက်တာပဲ...

Unknown said...

အိမ်ကိုလာလည်ရင်ကောင်းမလားလို့ စဉ်းစားနေတာ တော်ကြာပို့စ်အဖြစ်အတင်ခံရမှာစိုးလို့ မလာတော့ဘူး)))))))))))) ...........

Unknown said...

အစ်ကိုတော့ ဘယ်လိုနေလဲမသိဘူး..။ ဒီမှာဖတ်ရတဲ့သူက ရယ်ရတာ အသက်ထွက်တော့မယ်..။ ဖလွတ်..။ အင့်..။ ပြောနေရင်းထွက်သွားပြီလားမသိဘူး..။ အသက်.. အသက် :P