နောက်တခေါက်...

စာရေးဆရာကြီးတယောက်က သူ့စာအုပ်တအုပ်ထဲမှာ ရေးဖူးတာ တခုရှိပါတယ်။

`ကိုယ်ရေးတဲ့ စာတပုဒ်ကို နောက်ခြောက်လ၊ တနှစ်လောက်အကြာကျရင် တခါပြန်ဖတ်ကြည့်၊ အဲဒီလို ပြန်ဖတ်ကြည့်တဲ့အချိန်မှာ ကိုယ့်စိတ်ထဲမှာ တယ်ဟုတ်တဲ့ ငါပါလားလို့ အတွေးဝင်တယ်ဆိုရင် ကိုယ်ဟာ အဲဒီခြောက်လ၊ တနှစ်ကာလ အတွင်းမှာ ဘာမှ မတိုးတက်လာသေးဘူးလို့ မှတ်၊ ဒါမှမဟုတ် အင်း...၊ ငါတော့ဖြင့် အဲဒီတုန်းက ရေးခဲ့တာတွေက ဘယ်နေရာမှာတော့ လိုသွားတာပဲ၊ နောက်နောင် ဒါမျိုး မဖြစ်အောင် လေ့လာဆင်ခြင်မှလို့ အတွေးဝင်ရင်တော့ တိုးတက်လာတယ်လို့မှတ်´ ...တဲ့။

***

ဘလော့ဖော် `ကိုရင်နော် ခင်လေးငယ်´ ရဲ့ ကောင်းမှုကြောင့် ဒီနေ့တော့ ကျနော် ရေးခဲ့ပြီးသမျှ စာတွေကို နောက်ကြောင်း ပြန်လှည့်ပြီး ဖတ်ဖြစ်တယ်။

အပေါ်က ဆရာကြီးရဲ့ စကားအတိုင်းအရဆိုရင်တော့ ကျနော်ဟာလဲ ဘာမှမတိုးတက်လာသေးတဲ့ လူထဲမှာ ပါနိုင်ပါတယ်။ ဘာဖြစ်လို့လဲ ဆိုတော့ အခု နောက်တကြိမ် ထပ်မံဖော်ပြမယ့် ပို့စ်ကို ကိုယ့်ဘာသာကိုယ်တော့ ကျေနပ်မိ၊ အားရမိဆဲ ဖြစ်နေလို့ပါပဲ။

ပို့စ်နာမည်က `လမ်းနဲ့ ခလုတ်´ ...တဲ့။ ၂၀၀၆ ခုနှစ်၊ ဒီဇင်ဘာလ ၂၁ ရက်နေ့တုန်းက တင်ဖြစ်ခဲ့တာပါ။ ဖတ်ပြီးသူများ ပြန်လည်ခံစားနိုင်သလို မဖတ်ရသေးသူများအတွက် ပြန်လည်ဆားချက် တူးဖော်လိုက်ပါတယ်။

***


လမ်းနဲ့ ခလုတ်...

ကျနော် အလုပ်မှာ ဒီနေ့ အချိန်ပို ဆင်းရပါတယ်။ အလုပ်ကနေ ညနေ ငါးနာရီကျော်မှ ပြန်ရတော့ မှောင်စပျိုးလို့ နေပါပြီ။ ဟိုကရင် အကိုကြီးက ပုံမှန် အလုပ်နားချိန် သုံးနာရီခွဲကတည်းက ပြန်နှင့်တော့ ကျနော်တယောက်ထဲ ပြန်လာရပါတယ်။ ဟိုတွေးဒီတွေးနဲ့ ပြန်လာရင်းနဲ့ မြစ်ကူးတံတား အတက်နားမှာ ခလုတ်တိုက်မိပါလေရော။ ခြေထောက်က မျက်ကနဲ နာသွားတော့ စိတ်တိုသလိုလို ဖြစ်သွားပါတယ်။ အဲဒါနဲ့ လမ်းဘေးက ခုံတန်းလေးမှာ ၀င်ထိုင်ရင်း ခြေထောက်ကို ငုံ့ကြည့်ပြီး စိတ်ထဲကနေ လမ်းကို မကျေမနပ်ဖြစ်လာပါတယ်။

`တောက်.. ဒီလမ်းကြောင့် ဖြစ်ရတာ´
`အသုံးမကျလိုက်တဲ့လမ်း၊ အခုကြည့်စမ်း.. ခလုတ်တိုက်မိတာ နာလိုက်တာ´
`ကားဝယ်ဖြစ်ရင်တော့လား.. ဒီလိုလမ်းမျိုး လုံးဝမလာဘူးကွာ´

အားရပါးရကြီး လမ်းကို ကျိန်ဆဲရင်း မော့ကြည့်မိတော့ လမ်းက ကျနော့်ကို မျက်မှောင်ကြီး ကုတ်ပြီး ငုံ့ကြည့်နေသလိုပဲ။ နောက်တော့ သူကလဲ ကျနော့်ကို တဖြည်းဖြည်းနဲ့ မကျေမနပ် ရေရွတ်သံတွေ ထွက်လာတယ်လို့ ခံစားလာရပါတယ်။ ဘယ်ရမလဲ.. ကျနော်ကလဲ သူ့ကို မကျေမနပ်နဲ့ ပြန်ပြောတာပေါ့။ ဒီလိုနဲ့ ကျနော်နဲ့ လမ်းနဲ့ စိတ်ကူးထဲမှာ စကားအချေအတင် များကုန်ပါတော့တယ်။

***

`ဟေ့ကောင် ´
`ဘာတုန်းဗျ´
`မင်းက အခုတော့ ငါ့ကို အပြစ်မြင်တယ်ပေါ့လေ၊ ဟုတ်လား´
`ဟာ၊ ဒီမှာကြည့်လေ ကျုပ်ခြေထောက် နာသွားတယ်၊ ခင်ဗျားလမ်းကိုက မကောင်းလို့ပေါ့ဗျ´
`အဲဒါပဲ၊ မင်းတို့ လူတွေ သိပ်ခက်တဲ့ကောင်တွေပဲ´
`ဘာဖြစ်လို့တုန်းဗျ´
`နေစမ်းပါအုံး၊ မင်းကို ငါမေးပါအုံးမယ်၊ ဒီလမ်းကို လျှောက်ဖို့ မင်းကို ဘယ်သူကများ အတင်းအကျပ် တိုက်တွန်းခဲ့လဲ၊ မင်းသဘောနဲ့မင်း လျှောက်ခဲ့တာ မဟုတ်ဘူးလားကွ၊ မင်းပဲ ဒီလမ်းက သာယာသလေး ဘာလေးနဲ့ ပြောခဲ့သေးတယ်လေ´
`ဒါတော့ ဒါပေါ့ဗျ၊ ဒါပေမယ့် အခု ကျုပ်ခလုတ်တိုက်တာ တော်တော်နာတယ်ဗျ´
`အင်း၊ မင်းဆိုတဲ့ကောင် လူဖြစ်ပြီး လောကနိယာမကိုတောင် ဘာမှ နားမလည်သေးဘဲကိုးကွ´
`ဟမ်၊ ဘာဖြစ်လို့တုန်းဗျ၊ ခလုတ်တိုက်တော့ နာတယ်ဗျာ၊ ဒီတော့ ခင်ဗျားကို ကျိန်ဆဲချင်စိတ် ပေါက်လာတယ်ဗျာ၊ ဘာဖြစ်သလဲ၊ ဒါက လူတွေရဲ့ ခံစားချက် တမျိုးပဲမဟုတ်ဘူးလား´
`ဒီလိုဆိုရင်တော့ မင်းကို ငါပြောရသေးတာပေါ့´
`ပြောစမ်းပါအုံး´
`ဟောဒီ လမ်းပေါ်မှာ လူပေါင်းစုံ သွားလာဖူးတယ်ကွ၊ စက်ဘီးလမ်းဆိုပေမယ့်၊ စကိတ်စီး အပန်းဖြေတဲ့ လူတွေ၊ လမ်းလျှောက် လေညှင်းခံတဲ့လူတွေ၊ အပြေးလေ့ကျင့်တဲ့လူတွေ ပြီးတော့ မင်းတို့လို အလုပ်သွား အလုပ်ပြန်ကောင်တွေလဲ ပါတာပေါ့´
`အင်း´
`တလောကဆိုရင် စကိတ်စီးတဲ့ ငနဲတကောင် ချော်လဲတာ အတော်နာသွားပုံရတယ်ကွ၊ ဒူးခေါင်းမှာလဲ သွေးတွေကို ရဲနေတာပဲ´
`အင်း´
`တခါတုန်းကဆိုရင်လဲ ပြိုင်ဘီးစီး လေ့ကျင့်တဲ့ ကောင်မလေးတယောက် စက်ဘီးမှောက်သေးတာပဲ´
`အင်း´
`ဟိုတခါကတော့ တော်တော်ဆိုးသကွ၊ မျက်စိမမြင်တဲ့ အဘွားကြီးကွာ၊ တောင်ဝှေး တဒေါက်ဒေါက်နဲ့ စမ်းတမ်းစမ်းတမ်း လမ်းလျှောက်တာ မှောက်ရက်လဲပါလေရောလား´
`အင်း´
`ဒါပေမယ့် သူတို့က မင်းလိုတော့ ကိုယ်လျှောက်တဲ့လမ်းကို ကိုယ်အပြစ်ပြန်မတင်ဘူးကွ´
………….
`စကိတ်စီးတဲ့ကောင်လဲ ချော်သာလဲတာ၊ စပ်ဖြီးဖြီးနဲ့ ပြန်ထပြီး သူ စကိတ်စီးတာကို ပိုကျွမ်းကျင်အောင် ထပ်စီးတာပဲ´
…………..
`စက်ဘီးစီးတဲ့ ကောင်မလေးလဲ ဒီလိုပဲ၊ မိန်းကလေးသာဆိုတယ်၊ တချက်မမဲ့ဘူးကွာ၊ လဲသွားတဲ့ စက်ဘီးကို ပြန်ထူပြီး သူ့အလုပ်သူဆက်လုပ်တာပဲ၊ ဟိုအဘွားကြီးကရော ဘာထူးသေးလဲ၊ လဲကျသွားတော့လဲ သူလမ်းလျှောက်နေတာကို ဆက်လျှောက်တာပဲကွ´
……………
`အေး၊ မင်းကို ငါပြောချင်တာက၊ လမ်းဆိုတာ လူတိုင်းသွားတယ်၊ သွားတဲ့လူတိုင်း တကြိမ်မဟုတ် တကြိမ်တော့ ခလုတ်တိုက်မယ်၊ လဲကျမယ် ဒါ လောကရဲ့ သဘာဝတရား၊ နိယာမ တရားပဲကွ´
……………
`ဒါကိုပဲ မင်းက ခလုတ်လေး တခါလောက်တိုက်မိတာနဲ့ ဒီလမ်းကြောင့် ဖြစ်သလေးဘာလေးနဲ့´
`ကျနော် နာသွားတဲ့ ခံစားချက်ကြောင့်ပါဗျာ´
`အေး၊ မင်းက ဒီလမ်းကိုလျှောက်လို့ ခလုတ်တိုက်မိတာကို ညည်းညူနေတယ်၊ စောစော မင်းပြောနေတာ ငါကြားလိုက်ပါတယ်၊ မင်းကားဝယ်ရင် ဒီလမ်းကို မလျှောက်တော့ဘူးဆို၊ ဟုတ်လားကွ´
`ဟုတ်တယ်လေ´
`မှတ်ထားကွ၊ ကားလမ်းမှာ အမှားတချက်တွေ့ရင်တော့ မင်းအသက်ပါ ဇီဝိန်ကြွေသွားမယ်´
`ဗျာ´
`မဗျာနဲ့၊ မင်းသေသေချာချာ စဉ်းစားစမ်းပါ´
`ဟုတ်ကဲ့´
`အခု မင်းခလုတ်တိုက်မိတာကို စိတ်မပျက်ပဲ မင်းသွားချင်တဲ့နေရာကို ပျော်ပျော်ကြီး သွားစမ်းပါကွာ၊ ဒီတခါ တိုက်မိရင် နောက်တကြိမ် မတိုက်ရအောင် မင်းသတိထားပေါ့ကွ´
`ဟုတ်ကဲ့´
`နောက်တခု ထပ်ပြောလိုက်မယ် ကိုယ့်လူရေ၊ ခလုတ်ကိုကြောက်နေရင် မင်း ဘယ်လမ်းကိုမှ လျှောက်မနေနဲ့တော့´
`ဗျာ´

***

အေးစိမ့်စိမ့် လေပြင်းတချက် ၀ူးကနဲ တိုက်လိုက်တော့ ကျနော်တယောက် အတွေးထဲမှာ လမ်းနဲ့ စကားများနေရာကနေ လန့်နိုးပြီး လက်ရှိပစ္စုပ္ပန်ကို ပြန်ရောက်လာပါတယ်။ ပတ်ဝန်းကျင်ကို ကြည့်လိုက်တော့ အတော်မှောင်နေပါပြီ။ လမ်းကလေးကို ပြန်ကြည့်တော့ အမှောင်တွေကြားထဲကပဲ ကျနော့်ကို ခွင့်လွှတ်တဲ့ အပြုံးနဲ့ ကြည့်နေသယောင်ယောင်။

ကျနော် လမ်းဆက်လျှောက် ရပါအုံးမယ်။ ခလုတ်တွေလဲ တိုက်ကောင်းတိုက်နေအုံးမှာပါပဲ။ ဒါပေမယ့် ကျနော် ဆက်လျှောက်ရမှာပါပဲ။ လမ်းနဲ့ ခလုတ်ဆိုတာက တွဲလျက်ရှိနေတာပဲလေ။

***

ကလိုစေးထူး

နွေဦး အေပရယ်လ်..

`ဖူး... ဟူးဟူး´

ပင့်သက်လေ တချက်ကို အားရပါးရ မှုတ်ထုတ်လိုက်ပြီး ခုံပေါ်မှာ ခြေပစ်လက်ပစ် ထိုင်ချလိုက်သည်။ ဒီနေ့ အလုပ်ကပြန်လာရတာ ပင်ပန်းလိုက်ပါဘိတော့...။ ပြတင်းတံခါးမှ မြင်နေရတဲ့ အပြင်လောကကို ကြည့်လိုက်တော့ နေက ခြစ်ခြစ်တောက်အောင် ပူနေဆဲပင်။ အပင်တွေကို ကြည့်လိုက်တော့လဲ နွေလယ်အစ အေပရယ်လ်လရဲ့ သရုပ်သကန် ရွက်ကြွေတွေက တဖျောဖျော တသောသော။

ဒီလောက် ပူအိုက်နေတာကို သက်သာရအောင် ဘာလုပ်ရပါ့မလဲ လို့ စဉ်းစားနေခိုက်မှာပင်...။

***

ကျွိခနဲ တံခါးပွင့်သံနှင့်အတူ လော့ခ် မချထားတဲ့ တံခါးကို ပိုင်စိုးပိုင်နင်း တွန်းဖွင့်ပြီး ကော်လာဖိုးတယောက် အိမ်ထဲ ၀င်လာ၏။ လက်ထဲမှာလဲ ငါးမျှားတံနှင့်...။ အမယ်၊ ပလိုင်းသေးသေးလေး တလုံးကိုတောင် လွယ်ထားလိုက်သေးသည်။

`လာ...၊ ကိုတူလင် သွားရအောင်´
`ဘယ်သွားမလို့တုန်း´
`ချောင်းထဲသွားမယ်လေ၊ ငါးသွားမျှားမယ်´
`အာ...၊ မလိုက်ပါဘူးဗျာ၊ ပူကပူနဲ့၊ ဒီမှာ အခုလေးတင် အလုပ်ကနေ ပြန်လာတာ´
`လာပါဗျာ၊ ချောင်းဘေးရောက်ရင် အေးသွားမှာပေါ့ဗျ၊ အိမ်ထဲမှာနေရင် ပိုပူနေမှာပေါ့´

အင်း...၊ ဒါတော့လဲ ဟုတ်သား။ `ကဲ...သွားဗျာ´ ဆိုပြီး အလုပ်က ပြန်လာတဲ့ အ၀တ်အစားဖြင့်ပင် ကော်လာဖိုးနောက် ကောက်ကောက်ပါအောင် လိုက်ခဲ့တော့သည်။

***

မရောက်တာ ကြာဖြစ်တဲ့ လမ်းကလေးဆီကို ရောက်တော့ စက်ဘီးစီးသူတွေ ဖျောခနဲ ဖျောခနဲ ဖြတ်သွားလိုက်၊ အပြေးလေ့ကျင့်သူတွေက သောခနဲသောခနဲ ရယ်မောကျော်တက်သွားလိုက်နဲ့ သူတို့ကြည့်တော့လဲ ရာသီဥတုကို ပူတယ်လို့တောင် ထင်ပုံမရ...။ အင်းပေါ့လေ၊ သူတို့ကတော့ နေသားကျနေပြီ နေမှာပေါ့။



လမ်းကလေးရဲ့ ဘေးကို အနည်းငယ်မျှ ဖဲ့ဆင်းလျှောက်လိုက်တော့ ချောင်းစပ်ကို ရောက်၏။ ချောင်းစပ်ရောက်မှ ကော်လာဖိုး တယောက် ပါမလာပါလားလို့ သတိထားမိပြီး နောက်ကို ပြန်လှည့်ကြည့်လိုက်တော့ ဆရာသမားက လမ်းပုခုံးစပ်မှာ ပေါက်နေတဲ့ မြင်းခွာရွက်တွေကို ကုန်းကုန်း ကုန်းကုန်းနှင့် တဗြုတ်ဗြုတ် ဆွဲနှုတ်နေတာကိုး...။ `ဟေ့၊ လာလေဗျာ၊ အပြန်ကျမှ နှုတ်လဲရသားနဲ့´ လို့ လှမ်းအော်ပြောလိုက်တော့ ကသုတ်ကရက်နှင့် ပြေးဆင်းလာသည်။

ချောင်းစပ်ကိုရောက်တော့ ကြည်လင်နေတဲ့ ချောင်းရေက တဟဲဟဲ စီးဆင်းနေတာ ကူးခတ်ဆော့ကစားချင်စရာ...။ ချောင်းရေကြည်ကြည်နဲ့အတူ တဖြတ်ဖြတ် ကူးလူးနေကြတဲ့ ငါးသလဲထိုး သေးနုပ်နုပ်လေးတွေကို မြင်ရတာ အသဲယားလှသည်။ ယက်သဲ့ဇကာသာ ပါလာလို့ကတော့ ချောင်းထဲဆင်းပြီး လိုက်ထိုးဆယ် ဖမ်းမိမည်ထင်သည်။

`ဟိုးဘက်မှာ ငါးဘတ်သွားမျှားကြမလား၊ အဲဒီဘက်မှာက ကျောက်ဆောင်တွေရှိတော့ အဲဒီကြားထဲ ငါးဘတ်ခိုနိုင်တယ်´
`သွားနှင့်လေ၊ ကျနော် နောက်မှ လိုက်ခဲ့မယ်´
`အင်း၊ အင်း´

ငါးမျှားတံလေး တယမ်းယမ်းနဲ့ ကော်လာဖိုးတယောက် ချောင်းရိုးကွေ့ ဟိုဘက်ကို ဆက်လျှောက်သွားသည်။ သူကတော့ ငါးမျှားဖို့ထက် ပူအိုက်လွန်းလို့ ချောင်းထဲဆင်းလာတာဆိုတော့ ဟိုဟိုဒီဒီလိုက်ငေးရတာကို ပိုနှစ်သက်နေသည်။ အင်း...၊ ဇရစ်လေး တညွှန့်နှစ်ညွှန့်တော့ လိုက်ခူးမှလို့ တွေးပြီး ချောင်းစပ်မှာ ထိုးထိုးထောင်ထောင်ပေါက်နေတဲ့ ဇရစ်ညွှန့်တွေကို ဆတ်ခနဲဆတ်ခနဲ ခပ်သွက်သွက်လေး လိုက်ခူးလိုက်သည်။ ဇရစ်ချိုးရင်းနဲ့တွေ့တဲ့ ဍရင်ကောက် ညွှန့်တွေကိုပါ အလွတ်မပေးစတမ်း နှုတ်လိုက်သေးသည်။ ငါးပိရည်နှင့် တို့စားရမည်။

***



`ဟာ...၊ ခရုဖင်လိမ်လေးတွေ အများကြီးပါလား´

ဒီခရုလေးတွေက ဖင်တွန့်လိမ်လိမ် ချွန်ချွန်လေးနဲ့ ကြည့်တော့သာ ဘာမှမဟုတ်တယ်။ ဟိုးတနေ့တုန်းက ထိုင်းဈေးဆိုင်ရောက်တော့ တရုတ်ဘက်ကလာတဲ့ ခရုဖင်လိမ် တထုပ်ကို သုံးဒေါ်လာကျော်နဲ့ ရောင်းနေတာ တွေ့ခဲ့ရသေးသည်။ အခုလိုမျိုး ချောင်းထဲက လတ်လတ်ဆတ်ဆတ်ကို စားရမှတော့ အဲဒီဆိုင်ကဟာ ဘယ်ဝယ်လိမ့်မတုန်း။

ကျောက်ကြိုကျောက်ကြား၊ သဲကြိုသဲကြားမှာက ခရုဖင်လိမ်လေးတွေကို တလုံးပြီးတလုံးကောက်လိုက် လက်ထဲမှာ နည်းနည်းများလာရင် ချောင်းဘေးမှာ သွားပုံလိုက်လုပ်နေတုန်း...

"Hey buddy!, what are you doing?"

ချောင်းစပ်တနေရာကနေ စပ်စုဟန် လှမ်းမေးနေတဲ့ အသားနီစပ်စပ်နဲ့ ပုဂ္ဂိုလ်တယောက်...။

"I am picking ခရုဖင်လိမ်စ် up!" လို့ ပြန်အော်ပြောလိုက်သည်။ ဟုတ်တယ်၊ နားလည်ချင်လည် မလည်ချင်နေ..အေးရော။

***

`ကိုတူလင်...၊ ဒီမှာတွေ့လား´

ကော်လာဖိုးဆီကိုရောက်တော့ ဆရာသမားက လက်ထဲမှာ ကိုင်ထားတဲ့ ငါးဘတ်ခပ်ကြီးကြီးတကောင်ကို လှမ်းထောင်ပြပြီး ၀ံ့ကြွားနေသေးသည်။

`ဟာ...၊ တယ်ဟုတ်ပါလား၊ ညနေကျရင် ထမင်းစားလို့တော့ ကောင်းပြီ´
`ကိုတူလင်ရော...၊ ဘာတွေရလဲ´
`ဒီမှာလေ၊ ဇရစ်ရယ်၊ ဍရင်ကောက်ညွှန့်ရယ်၊ ခရုဖင်လိမ်တွေရယ်´
`ကောင်းတယ်၊ ကောင်းတယ်´

ညနေ နေအတော်စောင်းမှပင် နှစ်ယောက်သား ချောင်းထဲမှ ပြန်တက်လာဖြစ်ကြသည်။ လမ်းကလေးပေါ်ကို ရောက်တော့ လူသွားလူလာပင် အတော်အတန် ရှင်းစ ပြုနေလေပြီ။

အိမ်ကိုပြန်ရောက်ရင် ခရုဖင်လိမ်လေးတွေကို တဒုန်းဒုန်းခုတ်ပြီး ဖင်ဖြတ်ပစ်ရမည်။ ဇရစ်ဟင်းချိုထဲမှာ ခရုဖင်လိမ်တွေကို ရောထည့်၊ ငါးဘတ်မွှေဟင်းရယ်၊ ငါးပိရည်နဲ့ ဍရင်ကောက်ညွှန့် တို့စရာရယ်...။ အင်း...၊ ထမင်းစားတော့ မြိန်ဦးမယ်ထင်ပါရဲ့...။

သို့သော်... ... ...။

***

...


...


...














***

ဟဲဟဲ...၊ ဖတ်လို့ကောင်းကြလား။ တကယ်က အခုလက်ရှိ ကျနော်နေတဲ့ နေရာမှာ ချမ်းလို့အေးလို့ကောင်းတုန်းဗျ။ ချောင်းထဲဆင်း ငါးဖမ်းဖို့မပြောနဲ့၊ အပြင်မှာ အနွေးထည်မပါဘဲ ကြာကြာနေလို့မရသေးဘူး။ ဒါပေမယ့်...၊ ဒီနေ့က ကျနော့်ဆီမှာ ဧပြီလ (၁) ရက်နေ့လေ။ အရူးထကြည့်တာပေါ့။ :D တယောက်ထဲ အရူးထရုံနဲ့ အားမရသေးလို့ စာလာဖတ်သူ မိတ်ဆွေတွေကိုပါ အရူးလုပ်ကြည့်တာပါဗျိုးးးးးးးး။ သဲလွန်စ ပေးချင်လို့...၊ ထိပ်ဆုံးကစာလုံးကို ဖူးး(fool) လို့တောင် ရေးလိုက်သေးတယ်။ :P ယုံတဲ့လူခံ။ အဟီး။

အားလုံး ရွှင်လန်းကြပါစေဗျာ။


ကလိုစေးထူး

လှေနှင့် လှေလှော်သားများ...

`လှေ~~ လှေ~~~ လှော်ကြ လှော်ကြ~~~ လှေ~~ လှေ လှော်ကြလှော်ကြ´

လှေလှော်ကြဟန် ပုံစံနှင့်အတူ လှော်တက် တယောက်တခုစီဖြင့် လူရွှင်တော် စိန်သီးနှင့် ကြယ်သီးတို့နှစ်ယောက် စင်ရှေ့ကို တရွေ့ရွေ့ထွက်လာကြ၏။ သီချင်းလေး တဟဲဟဲ လှေကလေး တလှော်လှော်နှင့် သူတို့နှစ်ယောက်ကို ဂေါ်ဇီလာက အသာအကဲခတ်နေသည်။

`ဝေးးး ဟေးဟေး၊ ရောက်ပြီကွ၊ ပန်းတိုင်ရောက်ပြီ´

လှေလှော်နေတာကို ဗြုန်းဆို ရပ်လိုက်ပြီး စိန်သီးက အထက်ပါအတိုင်း အော်လိုက်တော့ ကြယ်သီးကလဲ ယောင်တောင်တောင်ဖြင့် `ပန်းတိုင်ရောက်ပကွ´ လို့ လိုက်အော်ပြန်၏။ အကဲခတ်နေသော ဂေါ်ဇီလာက မဆိုင်းမတွပင်-

`အဲဒီလိုပဲ ပန်းတိုင်ရောက်ပြီကွ၊ ရောက်ပြီကွနဲ့ အော်အော်နေတာ ဘယ်နှစ်ခါရှိပြီတုန်း၊ အခုပဲ အနှစ်နှစ်ဆယ်ရှိနေပေါ့´

ပရိသတ်များ ၀ါးခနဲ ပွဲကျသွားလေ၏။

***

တလနှစ်လခန့်တော့ ကြာခဲ့ပြီ ထင်ပါသည်။

ဘလော့ဂ်ရေးဖော် ရုရှရောက် ညီငယ်တယောက်နဲ့ အွန်လိုင်းပေါ် ဆုံဖြစ်၊ စကားပြောဖြစ်၏။ သူနဲ့ကိုယ်က ရပ်တည်နေကြတဲ့ အနေအထားနဲ့ တချို့သော အမြင်အတွေးတွေ မတူလင့်ကစား ထိုညီငယ်ကလဲ သူ့ကို တလေးတစားရှိ၊ သူကလဲ ထိုညီငယ်ကို အထင်သေးခြင်း စိုးစင်းမရှိတော့ စကားပြောရတာ လေပေးဖြောင့်တယ်လို့တောင် ပြောနိုင်၏။ ပြောကြရင်းဖြင့် တကြိမ်မှာတော့ ထိုညီငယ်က အမှတ်ရရဖြစ်စရာ အကောင်းဆုံး စကားတခွန်းကို ပြောလာသည်။

`အကို၊ ကျနော်တို့တွေဟာ တကယ်တော့ ဝေးမနေကြဘူးလို့ ထင်တယ်နော်၊ ကျနော်တို့အတွက် လိုနေတာ တခုပဲရှိတယ်´

အသာငြိမ်ပြီး ဆက်နားထောင်နေခိုက်...

`အဲဒါကတော့ တံတားတစင်းပဲ အကို´

အဲဒီအခိုက်မှာတုန်းက သူ အတွေးတွေဖြင့် ငြိမ်သက်မိသွားခဲ့တာတော့ အမှန်... ... ...။

***

လှေလှော်တာကို ရပ်တန့်ပြီး စိန်သီးနှင့် ကြယ်သီးတို့နှစ်ယောက် ပန်းတိုင်ရောက်ပဟ လို့ အော်ဟစ်နေခိုက် မြူးကြွသော အိန္ဒိယ တီးလုံးသံနှင့်အတူ ဇီးသီးတယောက် ကခုန်ပြီး စင်ရှေ့ကို ထွက်လာ၏။ ပါးစပ်ကလဲ ဆိုနေလိုက်သေးသည်။

`ဟမလေး အကိုကြီး၊ ကုလားမကို ယူမလား၊ ကုလားမကို ယူမလား၊ ဒန်တန်တန်´

ဇီးသီးကို စောစောက လှေလှော်သားနှစ်ယောက် စိန်သီးနဲ့ကြယ်သီးက ငေးမောနေခိုက် ဇီးသီးကပြော၏။

`အားကိုဂျီးတို့နော်၊ အာကိုဂျီးတို့ လှေလှော်နေတာက တယောက်ကို တယောက်မြင်နေရလို့ ပန်းတိုင်ကို တကယ်မရောက်သေးတာ၊ ဒီတော့ ချွန်းဒေါ် အကြံပေးမယ်နော၊ အားကိုဂျီးတို့ နှစ်ယောက် တယောက်ကို တယောက် ကျောခိုင်းပြီး လှေကို လှော်ကြပါ အားကိုဂျီးတို့´

အိန္ဒိယ အကနှင့်အတူ တွန့်လိမ်ကခုန်ပြီး စင်ထောင့်ကို ပြန်ဝင်သွားသော ဇီးသီးရဲ့ အကြံပေးချက်အတိုင်း ဟိုနှစ်ယောက်က တယောက်ကို တယောက် ကျောခိုင်းလို့ ကုန်းရုန်း လှော်ကြပြန်တော့သည်။

***

`ခင်ဗျားပြောဖူးတဲ့ တံတားတစင်းလိုတယ် ဆိုတဲ့စကားကို ကျနော် ခဏခဏတွေးဖြစ်တယ်ဗျာ´
`ဟုတ်ကဲ့အကို´
`အဲဒီလို တွေးရင်းနဲ့ ကျနော်စိတ်ကူးလေး တခုရတယ်ဗျ´
`ဟုတ်´
`ဒီလိုလုပ်မယ်လေ၊ ကျနော့်စိတ်ထဲမှာ ကျနော်တို့တွေကို ခင်ဗျားတို့ဆီက ဘာတွေပြောချင်မလဲ၊ ပြောစရာ ဘာတွေ ရှိနေလဲဆိုတာ သိချင်တယ်၊ အဲဒီလိုပဲ ကျနော်တို့ကလဲ ခင်ဗျားတို့ကို ပြောချင်တာလေးတွေ ရှိနေပြန်တယ်´
`ဟုတ်ကဲ့´
`ဒီတော့ ခင်ဗျားတို့ဆီကလဲ ကျနော့်ကို မေးချင်တာတွေရှိတာကို ကြိုက်တာမေး၊ ကျနော်ကလဲ ပြန်မေးမယ်။ တဘက်ကို မေးခွန်း ငါးခုစီ အပြန်အလှန်ပေါ့ဗျာ´
`ဟုတ်ကဲ့´
`အဲဒီလို မေးတဲ့မေးခွန်းတွေနဲ့ ဖြေတဲ့ အဖြေတွေကို ခင်ဗျားတို့ကျနော်တို့ရဲ့ ကိုယ်ပိုင်ဘလော့ဂ်တွေပေါ်ကနေ လာဖတ်သူတွေကို ချပြမယ်၊ ဖတ်တဲ့လူက သူ့အတွက်အသုံးတည့်တာကို ယူသွားကြပစေ၊ အသုံးမတည့်ဘူး ထင်တာတွေကို ချန်သွားကြပစေပေါ့´
`ဟာ၊ သိပ်ကောင်းတဲ့ အစီအစဉ်ပဲအကို´
`အင်း၊ အဲဒါလေးကလဲ ကျနော်တို့နဲ့ ခင်ဗျားတို့ကြား ဆောက်ကြည့်မယ့် တံတားတစင်းဖြစ်နိုင်ကောင်းရဲ့လို့ ခံစားမိတယ်လေ´
`အရမ်းကောင်းတယ် အကို၊ ကျနော်သဘောတူတယ်။ ကျနော့်သူငယ်ချင်းတွေကိုလဲ ညှိထားမယ်လေ´

အဲဒီနောက်မှာတော့ ဘယ်လိုဘယ်ပုံဆွေးနွေးကြမည်။ မေးကြမည့်မေးခွန်းတွေသည် ပုဂ္ဂိုလ်ရေးအရဖြစ်ဖြစ်၊ အခြားနည်းလမ်းအရဖြစ်ဖြစ် အသားလွတ်ပုတ်ခတ်၊ ဖိနှိပ်သော မေးခွန်းမျိုးမဖြစ်အောင် နှစ်ဘက်စလုံးက နားလည်မှုရှိရှိဖြင့် ရှောင်ကြဖို့ စသည်စသည် ဆက်ပြောဖြစ်ကြပြန်သည်။

***

စိန်သီးနဲ့ ကြယ်သီးတို့နှစ်ယောက် တယောက်နဲ့တယောက် ကျောခိုင်းပြီး လှေလှော်နေတော့ လှေက ရှေ့ကို မတက်နိုင်ဖြစ်နေခိုက်မှာပင် တရုတ်ဝတ်စုံအနီရောင်ကို ၀တ်ထားတဲ့ ပန်းသီးတယောက် ကိုးယို့ကားယား ကခုန်ပြီး စင်ရှေ့ကို ရောက်လာပြန်သည်။ စိန်သီးနဲ့ ကြယ်သီးတို့ကိုတွေ့တော့...

`အိုးဟို...၊ လုတို့ နှီယောက် လှီကိုဒီလိုလှော်လို့ မီရဘူးလေ၊ လုတို့က တယောက်ကိုတယောက် ကျောခိုင်းနေတာကိုး၊ ဒီတော့ မျက်နှာချင်းဆိုင်လှော်မှ လှီက ပန်းတိုင်ကိုရောက်မှာပေါ့ လုတို့ရ၊ ၀က စီတနာနဲ့ အကြံကောင်းပီးတာနော´

စိန်သီးတို့နှစ်ယောက်က...

`ဟေ၊ ဟုတ်ပေသားပဲ၊ ကဲလာကွာ၊ တရုတ်ကြီးပေးတဲ့ အကြံအတိုင်း ငါတို့နှစ်ယောက် မျက်နှာချင်းဆိုင် လှော်ကြရအောင်´

***

တလောက ဟိုညီငယ်နှင့် ဆွေးနွေးဖြစ်တာတွေကို အစပျိုး အကောင်အထည်ဖော်သည့် သဘောဖြင့် `တံတားပေါ်ကအတွေး´ ဆိုတဲ့ ပို့စ်ကို ရေးဖြစ်၏။ ညနေခင်းတခုမှာ ရောက်ဖြစ်ခဲ့တဲ့ တံတားကို ကြည့်ဖြစ်ရင်း ယင်းညီငယ်နှင့် ပြောဖြစ်တာတွေကို သတိရရင်း ရေးဖြစ်ခဲ့တဲ့ပို့စ်။ နောက်ပိုင်းကျရင်တော့ သူတို့တွေရဲ့ ကိုယ်စီအမြင်တွေနဲ့ လိုလားချက်၊ ဖြစ်စေချင်ချက်တွေကို ချခင်းဖြစ်တော့မည် ထင်သည်ဟု တွေးပြီး ရေးဖြစ်သော ပို့စ်။

သို့သော်... ...။

ယင်းပို့စ်ရဲ့ အခု ၂၀ မြောက်နှင့် ၂၁ ခုမြောက် မှတ်ချက်တွေကို မြင်တော့ ဘာမှကို ပြန်ပြောချင်စိတ် မရှိတော့လောက်အောင် စိတ်ပျက်၊ စိတ်ကုန်သွားမိတာတော့ အမှန်...။ ခက်လှပါဘိ။

***

`မင်းက ဒီလိုပြောတော့ ငါကလဲ ဒီလိုချသကွ´
`အောင်မယ်၊ မင့်လိုကောင်ကများ ငါ့ကို ပြန်ပြောရတယ်လို့၊ ငါ့ဘာမှတ်နေတုန်း၊ ပြန်ချသဟေ့၊ ဟောသလို ဟောသလိုကို ပြန်ချသကွ´
`အောင်မာ၊ အရပ်ထဲ ကွမ်းယာရောင်းတဲ့သာသာလောက်ကောင်ကများ ငါ့ကို ပြန်ချဝံ့သလား´
`ဟေ့၊ မင်းငါ့ကို ဒီလိုတော့ မပုတ်ခတ်နဲ့နော်´
`ပုတ်ခတ်တော့ ဘာဖြစ်ချင်တုန်း´
`ဒါဖြစ်ချင်တယ်ကွာ´
`အေး၊ မင်းက ဒါဖြစ်ချင်တော့ ငါကလဲ ဒီလိုချသကွာ´

`၀ုန်း´ခနဲ `ဗြုန်း´ ခနဲ လဲပြိုသံတွေက ရန်လိုခြင်းတွေ၏ စေစားမှုအောက်တွင် အတုန်းအရုန်းမြည်လို့...။ ဘေးကလူတွေကိုလဲ မမြင်အားနိုင်တော့ ရန်မီးတွေက တ၀ုန်းဝုန်း၊ တဒုန်းဒုန်း။

***

လှော်တဲ့လှေက ဘယ်လိုမှ ရှေ့ဆက်မရောက်နိုင်တော့ ထုံးစံအတိုင်း စိန်သီးနဲ့ကြယ်သီးတို့နှစ်ယောက် အပြန်အလှန်ငြင်းခုန်နေခိုက်မှာပင် စောစောက အကြံတွေပေးသွားကြတဲ့ သကောင့်သားနှစ်ယောက် ဇီးသီးနဲ့ ပန်းသီးတို့ စင်ရှေ့ကို ပြန်ရောက်လာကြသည်။ ဇီးသီးက...

`အားကိုဂျီးတို့ ဒီလောက်တောင် ပန်းတိုင်ကို မရောက်နိုင်ဖြစ်နေကြရင်လေ ချွန်းဒေါ်တို့ နှစ်ယောက်က နမူနာလှော်ပြပါ့မယ်၊ အားကိုဂျီးတို့ လိုက်ကြည့်ထားကြပါ´

`ဟေ၊ ဒီအကြံကောင်းသားကွ´ ဆိုတဲ့ စိန်သီးရဲ့ ရေရွတ်စကားကို ကြယ်သီးကလဲ မဆိုင်းမတွ ထောက်ခံလိုက်သေးသည်။ သဘောက လှေကို တကယ်ရွေ့အောင် သူတို့နှစ်ယောက်မှာ ဆင်ခြင်ဉာဏ် မရှိတော့တဲ့ သဘော...။

`ကဲ...၊ ချွန်းဒေါ်တို့ လှော်တာကို ကြည့်ထားကြပါ အားကိုဂျီးတို့´

ပြောလဲပြောရင်း တရုတ်ကြီး ပန်းသီးကိုလဲ မျက်စပစ်ပြလိုက်ရင်းဖြင့် လှေကို ရှေ့တယောက်နောက်တယောက် လှော်ပြီး လှေကိုပါ မ သွားကြလေဟန် နှစ်ယောက်သား စင်ထောင့်မှာပျောက်ချင်းမလှ ပျောက်သွားကြလေ၏။ ဒါတောင်မှ ဟိုနှစ်ယောက်က မသိသေးဘဲ ကျေးဇူးတောင် တင်နေလေဟန် ပျော်လို့ပါးလို့...။ ဒီအခိုက်မှာပင် စောစောက တချိန်လုံး အကဲခတ်နေတဲ့ ဂေါ်ဇီလာက...

`အေး၊ မင်းတို့က ကျေးဇူးတွေတောင်တင်နေသေးတယ်ပေါ့ ဟုတ်လား၊ ဟိုမှာ မင်းအဖေတွေက လှေကိုပါ မ သွားပြီဟ၊ မင်းတို့လှေ ပါသွားပြီ၊ သိကြရဲ့လား´

***

ဖို့ဝိန်းမြို့မှာ ကသွားတဲ့ `သီးလေးသီး အငြိမ့်´ရဲ့ ပြက်လုံးပုံဖော်ချက်က အတွေးထဲကနေ တော်တော်နဲ့ မထွက်... ... ...။

***

၂၀၁၀ ကို တရွေ့ရွေ့နဲ့ ချဉ်းကပ်လို့ကလဲ ကောင်းတုန်း။ နောင်ဂျိန်ချသံတွေကလဲ တ၀ုန်းဝုန်း။

ပြည်တွင်းမှာ...၊ ပြည်ပမှာ...၊ နယ်စပ်မှာ...၊ အရှေ့မှာ...၊ အနောက်မှာ...၊ ဟိုမှာ...၊ ဒီမှာ...။ ပြီးတော့...။

ဘလော့ဂ်တွေပေါ်မှာ... ... ...။

***

ကလိုစေးထူး

သဲထိတ်ရင်ဖို အလုပ်...

`Ellisa နဲ့ မာရီယာ ရုံးခန်းထဲ ခဏလိုက်ခဲ့ပါ´

အလုပ်ရှင်က လာခေါ်ပြီးတာနဲ့ ချက်ချင်းဆိုသလို ပြန်လှည့်ထွက်သွား၏။ အခေါ်ခံရတဲ့ နှစ်ယောက်လဲ အလုပ်ရှင်နောက်ကို လိုက်သွားကြတော့ ကျန်ခဲ့ကြတဲ့ သူနဲ့တကွ တခြားသော အလုပ်သမားတွေ တိုင်ပင်မထားရဘဲနှင့် တယောက်မျက်နှာကို တယောက် အပြန်အလှန် ကြည့်ဖြစ်ကြသည်။

***

ပြီးခဲ့တဲ့ နှစ်ပတ်ခန့်ကတော့ အလုပ်ရှင်က အားလုံးကို အစည်းအဝေးခေါ်ပြီး ဘယ်သူမှ မကြားချင်သော စကားတခွန်းကို ခေါ်ပြောခဲ့လေ၏။

`အခုလို ခေါ်ပြောရတာတော့ အရမ်းဝမ်းနည်းပါတယ်။ ခင်ဗျားတို့တွေ သိကြတဲ့အတိုင်း နေရာတိုင်းလိုလိုမှာ စီးပွားရေးတွေက ကျဆင်းတဲ့ဒဏ်ကို ခံနေရတာဟာ အခုဆိုရင် ကျနော်တို့ ကုမ္ပဏီအနေနဲ့ ဘယ်လိုမှ တောင့်ခံထားနိုင်တဲ့ အခြေအနေ မရှိတော့တဲ့အတွက် ဒီအစည်းအဝေးကို ခေါ်ရတာပါပဲ´

အလုပ်ရှင်က ပြောလက်စ စကားကို တခဏမျှ ရပ်ပြီးမှ...

`ခင်ဗျားတို့ အားလုံးကို ကျနော် အလုပ်ချိန်တွေ ဖြတ်တောက်ရတော့မယ်´

မန်နေဂျာ စာရေးမက ဆက်ပြီး သူတို့ကုမ္ပဏီအနေနဲ့ အရင်ကလို အလုပ်အမှာစာတွေ ပုံမှန်မရတော့ကြောင်း၊ အဲဒီ အခြေအနေကို လအနည်းငယ်လောက် စောင့်ကြည့်ပြီး တောင့်ခံထားကြည့်သေးပေမယ့် အခု ဘယ်လိုမှ မတတ်နိုင်တော့လို့သာ အလုပ်ချိန်လျှော့ရတာ ဖြစ်ကြောင်း၊ ဘယ်သူ့ကိုမှ Lay Off မပေးချင်တဲ့အတွက် ဒီနည်းကို သုံးရတာ ဖြစ်ကြောင်း၊ မကြာခင်မှာတော့ အခုလို အခြေအနေဆိုးကနေ ပြန်လွန်မြောက်မယ်လို့ မျှော်လင့်ပါကြောင်း နဲ့ ရှင်းပြတာတွေက ကြားတချက် မကြားတချက်...။ သေချာပေါက် ကြားလိုက်ရတာကတော့ သူတို့အားလုံး ပုံမှန်အလုပ်ချိန် တပတ်လျှင် နာရီ ၄၀ အစား၊ ၃၂ နာရီသာ လုပ်ရတော့မည်။

***

ပြန်စဉ်းစားကြည့်တော့...။

ရနေတဲ့ ၀င်ငွေ၊ ပေးစရာရှိတဲ့ Bill တွေ၊ မသုံးမဖြစ်သုံးရမယ့် ငွေစာရင်းကို တွက်ချက်ကြည့်တော့ တပတ်ကို ၃၂ နာရီလောက် လုပ်ရရင်လဲ အရမ်းကြီးတော့ ပစ်စလတ်ခတ် ဒုက္ခ မရောက်နိုင်သေးပါဘူးဟု ဖော့တွေးပြီး ဖြေရသည်။ ဟိုဘက်မြို့မှာဆို အလုပ်လက်မဲ့ ဖြစ်သွားရတဲ့ မြန်မာတွေချည်းပဲ လူ ၄၀၀ လောက်ရှိသတဲ့၊ အဲဒီတမြို့လုံးမှာလဲ ပြီးခဲ့တဲ့လမှာတင် လူပေါင်း တသောင်းခွဲလောက် Lay Off အချခံထိသတဲ့။ သူတို့တွေထက်စာရင် တော်သေးတာပေါ့လေဟု ဖြေတွေးမိ၏။ နောက်ထပ် အလုပ်ချိန် ထပ်လျှော့လာရင်ရော ... ... ...။

အင်း...၊ အချိန်ပိုင်း အလုပ်တခုခုတော့ အခုကတည်းက လိုက်မေးထားမှ ထင်တယ်။ အတွေးတွေက ဝေေ၀၀ါးဝါး။

***

မနေ့က ဖြစ်သည်။

`ဟင်၊ ကိုဟာပိုး ဒီနေ့ အလုပ်ဆင်းရမယ့် အချိန်မှတ်လား၊ အလုပ်မသွားဘူးလား´
`ကျနော့်ကို ဒီမနက် အလုပ်ရှင်က ခေါ်ပြောလိုက်တယ်၊ တလလောက် အိမ်မှာနားနေပါတဲ့´
`ဒါဆို Lay Off ပေါ့´
`ဟုတ်တယ်´

အဲဒါမှ ပြဿနာ။ တကယ်တမ်းက သူ့လက်ထဲမှာလဲ ငွေပိုငွေလျှံရယ်လို့ လောက်လောက်လားလားလဲ ရှိနေတာ မဟုတ်။ မနက်ဖြန် အလုပ်သွားရမယ့်အချိန်ရောက်ခဲ့ရင် ငါ့အလှည့်များ ရောက်လာလေမလားလို့ တွေးရင်း စိတ်တော့ နည်းနည်းပူလာသည်။ ယောင်နနဖြင့် အင်တာနက်ထဲက အလုပ်ခေါ်စာတွေကို ဟိုဟိုဒီဒီလိုက်ရှာမိလိုက်သေးသည်။ သူတို့ကလဲ ပြောတုန်းကတော့ Lay Off ဘယ်သူ့ကိုမှ မချဘူးလေး ဘာလေးနဲ့၊ အခုတော့...။

ဒီလိုနဲ့... ...။

***

ဟိုနှစ်ယောက် ရုံးခန်းထဲ ၀င်သွားသည်မှာ နာရီဝက်လောက်ကြာတော့ ပြန်ရောက်လာကြ၏။ ခဏနေတော့ မာရီယာတယောက် မျက်နှာသိပ်မသာမယာဖြင့် ထွက်သွားသည်။ ဒါဆို သေချာပြီပေါ့၊ သူ့ကို Lay Off လုပ်လိုက်ပြီပေါ့။ နောက်ထပ် ဘယ်သူတွေကိုများ ထပ်လုပ်ဦးပါ့မလဲ။

`ဟေးး´

အနားနားကပ်ပြီး ပုခုံးကို ပုတ်ခေါ်သံကြောင့် လူက လန့်သွားသည်။ လှည့်ကြည့်လိုက်တော့ အလုပ်ရှင်... ...။ ဟင်၊ သေချာပြီထင်တယ်။ ငါ့ကို ရုံးခန်းထဲခေါ်တော့မယ်။ ပြီးရင် ဘယ်လိုဘယ်ပုံ ၀မ်းနည်းပါကြောင်း စကားအလှတွေပြောတော့မယ်။ ပြီးရင် မင်း အနားယူလိုက်ပါ ပြောတော့မယ်။ အို၊ ဘာဖြစ်ဖြစ် ဟန်ကိုယ့်ဖို့လေး နေမှ...။
`ဟုတ်ကဲ့၊ ကျနော် ဘာလုပ်ပေးရမလဲ´
`ငါ့နောက် လိုက်ခဲ့ကွာ´

ဟုတ်နေပါပြီလေ။ ဒီလူကလဲ အစကတည်းက ဟိုနှစ်ယောက်နဲ့ အတူတူခေါ်ပြောပါတော့လား။ လူလေးလေး အတွေးလေးလေးဖြင့် အလုပ်ရှင်နောက်ကို လိုက်သွားသည်။ ဒါပေမယ့် အလုပ်ရှင်ခေါ်သွားတာက ရုံးခန်းထဲကို မဟုတ်။ အလုပ်ရုံရဲ့ ဟိုးနောက်ဘက်က တနေရာက Tools အသစ်တွေ ထားရာနေရာကို ဖြစ်နေသည်။

`ဒါတွေကို Double Cut လုပ်ပေးနိုင်မလား´
`အိုကေ´

အလုပ်ရှင်က သူလိုချင်တဲ့ပုံစံကို ဘယ်လိုလုပ်ပေးစေချင်တယ် ဆိုတာ တခဏရှင်းပြပြီး ပြန်လှည့်ထွက်သွားသည်။

***

ဟိုး... ခပ်လှမ်းလှမ်းရောက်မှ သူ့ကို တခါ ပြန်လှမ်းခေါ်၏။ ပြန်ထူးလိုက်တော့...

`ငါနဲ့ ချာလီနဲ့ တရုတ်ကို ဈေးကွက်ရှာဖို့ သွားတဲ့ခရီးစဉ်မှာ အိုကေရင်တော့ ငါတို့အားလုံးအတွက် အဆင်ပြေမယ် ထင်ပါတယ်ကွာ´ ...တဲ့။

ဟူး...။

ဒီနေ့အလုပ်လုပ်ရတာ သဲထိတ်ရင်ဖို ရှိလှပါဘိတော့။ မောင်မင်းကြီးသားများရဲ့ တရုတ်ခရီးစဉ် အဆင်ပြေခဲ့ကြပါစေလို့ ဆုတောင်းလိုက်ရင်း...။

***

ကလိုစေးထူး

အင်တာဗျူးမှာ...

`မှတ်ပုံတင်ပါလာသလား´
`ဟုတ်ကဲ့´

ရှေ့တည့်တည့်က စားပွဲရှည်ကြီးနောက်မှာ ထိုင်နေကြသော လူကြီးငါးယောက်အနက် အလယ်က လူကြီးက နကျယ်ကောင့် မှတ်ပုံတင်ကို ကြည့်လိုက် နကျယ်ကောင်ကို ပြန်မော့ကြည့်လိုက်ဖြင့် ခေါင်းတဆတ်ဆတ် ငြိမ့်လိုက်သည်။

`ကဲ...၊ မေးခွန်းလေးတွေ စလိုက်ကြရအောင်´
`ဟုတ်ကဲ့´

ထိုင်နေတဲ့ ခန္ဓာကိုယ်က သတိအနေအထား ခပ်မတ်မတ်ဟန် အလိုလိုဖြစ်သွားမလားတော့ မပြောတတ်... ... ...။

***

`နကျယ်ကောင်၊ နင်ဆယ်တန်းအောင်ပြီးကတည်းက လတ်လျားလတ်လျားနဲ့၊ ဒီတိုင်းနေမယ့် အတူတူ ရော့၊ အဲဒီမှာ Male Nurse လျှောက်ချေ၊ ငါ ဖောင်ယူလာတယ်၊ ဖြည့်လဲဖြည့်ပြီးပြီ။ Bio တွေ ပြန်ကျက်ထားစမ်း၊ ဘားအံမှာ သွားဖြေရမယ်´

ဟုတ်တော့လဲ ဟုတ်သည်။ ဆယ်တန်းအောင်ပြီးကတည်းက အမျိုးတွေ ရှိတဲ့ ကြခတ်ချောင်းကို သွားလိုက်၊ မြို့ကလေးကို ပြန်လာလိုက်၊ ညညဆို အပြင်ထွက်လည်လိုက်၊ အုတ်ခုံမှာ ဂီတာတဒေါင်ဒေါင်လုပ်လိုက်နဲ့ နကျယ်ကောင်က မေမေ မျက်စိနောက်မယ်ဆိုလဲ နောက်စရာ... ...။

မေမေက သူ့ကို Male Nurse ဘာကြောင့် အလုပ်ခိုင်းချင်နေရပါလိမ့်ဆိုတာ နကျယ်ကောင် စဉ်းစားလို့တော့မရ။ အမယ်၊ မေမေယူလာတဲ့ ပြက္ခဒိန်ထဲမှာကျတော့ အမျိုးသားသူနာပြု ဘယ်သူဆိုလား၊ စတိုင်လ်က ခပ်ထွားထွား၊ ဘေးမှာကလဲ သူနာပြုမလေးနှစ်ယောက်က ဘယ်တယောက် ညာတယောက်ရပ်လို့၊ နက်ခ်တိုင်နဲ့ နားကျပ်နဲ့၊ ရှိုးဘောင်းဘီနဲ့၊ ဂျူတီကုတ်နဲ့ ဘာနဲ့ဆိုတော့ ဆရာဝန်လိုလို ဘာဂလိုတိုတိုပါလား ဆိုပြီး အငေးသားတော့ဖြစ်သွားသည်။
ဘားအံမှာလဲ သွားဖြေရဦးမတဲ့။ ဘားအံကိုက တခါမှရောက်ဖူးတာ မဟုတ်သေး။ သွားဖြေရရင်တော့ မိဘတွေမပါတဲ့ ခရီးဝေးကို သူငယ်ချင်းတွေနဲ့ လွတ်လွတ်လပ်လပ် သွားလည်ရချည်သေးရဲ့ ဆိုပြီး အသာတကြည် ခေါင်းငြိမ့်ဖြစ်ခြင်းပင်။

ဒီလိုနဲ့ ... ... ...။

ဘားအံမှာ သူနာပြုရေးဖြေအဆင့်ကို အောင်လို့၊ အခုနောက်တခေါက် အနေနဲ့ နှုတ်ဖြေဖြေဖို့အတွက် အင်တာဗျူးမည့် လူကြီးများရှေ့ အခုလို ဆိုက်ဆိုက်မြိုက်မြိုက် ရောက်နေရခြင်းပင် ဖြစ်တော့သည်။

***

ဘေးအစွန်အကျဆုံး လူကြီးက နကျယ်ကောင်ကို မေးခွန်းတခု စမေး၏။

`မင်း၊ ကိုးတန်းနဲ့ဆယ်တန်းမှာတုန်းက Bio သင်ခဲ့ရမှာပေါ့´
`ဟုတ်ကဲ့´
`ဒါဖြင့်၊ တီကောင်က ဘယ်လိုမျိုးပွားသလဲကွာ´
`ဟို... ...၊ အထီးနဲ့အမ သားစပ်ပြီး ပွားပါတယ်ဆရာ´
`ဟေ´

`ဒါတော့ မင်းပြောမှလားကွ´ ဆိုပြီး တဟားဟားနဲ့ထရယ်ကြသည်။ ပြီးမှ...

`ငါမေးတာက၊ တီကောင်ဟာ၊ ဥနဲ့သားပေါက်သလား၊ အကောင်နဲ့သားပေါက်သလား မေးတာကွ´

နကျယ်ကောင့်စိတ်ထဲ တချက်တော့ တွေဝေသွားသည်။ တီကောင်က ဥနဲ့ပေါက်လား၊ အကောင်နဲ့ပေါက်လားတဲ့။ အကောင်နဲ့ပေါက်ရင်တော့ နို့တိုက်ကြတာကများတယ်၊ တီကောင်က နို့တိုက်ပါ့မလား၊ တီနို့ဆိုတာတော့ ငါတခါမှ မကြားဖူးဘူး။ ဥနဲ့ပေါက်တာပဲဖြစ်ရမယ်ကွာ။

`ဥနဲ့ပေါက်တာပါ ဆရာ´

မေးခွန်းမေးသူ လူကြီးက တပြုံးပြုံးနှင့် ငြိမ်သွားသည်။ အဖြေက မှန်သလား မှားသလားတော့ မသိ။

***

နောက်တယောက်က ဆရာမဖြစ်ဟန်တူသူ အသက်ခပ်ကြီးကြီးနဲ့ မိန်းမကြီးတယောက်။

`မင်းအခု ဘယ်မှာတည်းနေလဲ´
`သီးသန့် တည်ခိုခန်းမှာပါ´
`ဒါဖြင့် ဒီပြည်နယ်ရုံးကိုလာတော့ ဘယ်လမ်းကလာသလဲ´
`အထက (၁) ဘေးက လမ်းကတဆင့် မြင်းလှည်းနဲ့လာတာပါ´
`ဒါဆို ဘားအံဆေးရုံကြီးရှေ့က ဖြတ်ခဲ့ရမှာပေါ့´
`ဟုတ်ကဲ့´
`အေး၊ ဒါဖြင့် အဲဒီဆေးရုံရှေ့မှာ ဆိုင်းဘုတ် ဘယ်နှစ်ခု ထူထားသလဲကွာ´

`ဗုဒ္ဓေါ၊ ငါဘယ်လိုမှ ထင်မထားတဲ့ မေးခွန်းပါလား´ လို့ တွေးမိပြီး နကျယ်ကောင်တယောက် အတွေးထဲမှာ အလုပ်များသွား၏။ ဆေးရုံရှေ့က ဖြတ်တော့ဖြတ်လာတာ မှန်ပေမယ့် ဆိုင်းဘုတ် ဘယ်နှစ်ခုရှိသလဲဆိုတာကတော့ သတိမထားမိလိုက်တာ အမှန်...၊ မြွေအန္တရာယ် ကာကွယ်ရေး ဆိုင်းဘုတ်တခုတော့ တွေ့လိုက်သလိုလို။ ဉာဏ်နီဉာဏ်ပြာဉာဏ်ဝါတွေ ထုတ်စမ်း...၊ ထုတ်စမ်း။

ဆေးရုံဆိုတော့ `ဒို့တာဝန် အရေးသုံးပါး´ ဆိုင်းဘုတ်တော့ သေချာပေါက်ရှိမှာပဲ၊ အင်းး ပြည်သူ့ဆေးရုံကြီး ဆိုတဲ့ ဆိုင်းဘုတ်တခုကလဲ သေချာပေါက်ပေါ့။ စောစောက ငါမြင်ခဲ့တဲ့ မြွေအန္တရာယ်ကာကွယ်ရေး ပညာပေးဆိုင်းဘုတ်က တခု၊ ဒီတော့ သုံးခု။ အေအိုင်ဒီအက်စ် ပညာပေးတွေ ဘာတွေလဲ စိုက်ချင်စိုက်ထားမှာပဲ၊ သြော်၊ ပိုလီယိုကာကွယ်ဆေး တိုက်ကျွေးကြပါစို့ဆိုတာ အခုတလော နေရာတိုင်းတွေ့နေရသေးတယ်၊ ဆေးရုံရှေ့ဆိုတော့ ရှိချင်ရှိနေမှာ၊ ကဲ... လာလေ့ကွာ။ နောက်ထပ် အပိုနှစ်ခုလောက် ထည့်ပေါင်းလိုက်မယ်။

`၇ ခုပါ ဆရာမ´
`ဘာတွေလဲ´
`ဒို့တာဝန်အရေးသုံးပါး၊ ပြည်သူ့ဆေးရုံကြီး၊ မြွေအန္တရာယ်ကာကွယ်ရေး၊ အေအိုင်ဒီအက်စ်ပညာပေး၊ ပိုလီယိုကာကွယ်ဆေး တိုက်ကျွေးဖို့၊ ပြီးတော့ ... ... ...´
`ငရွှီး´

`တိန်´ ဟု စိတ်ထဲက ကြိတ်အော်ပြီး နကျယ်ကောင် ပါးစပ်ပိတ်သွား၏။

ဒီလိုနဲ့ မေးခွန်းပေါင်းစုံတွေကို တယောက်တလှည့်စီ မေးလိုက်တာ၊ နကျယ်ကောင်ဖြေသမျှကို သူတို့က ရယ်စရာတွေချည်းသာ ဖြစ်နေလေတော့သည်။ နောက်ဆုံးမေးတဲ့ ဆရာတယောက်က...

`မင်း၊ အခု အင်တာဗျူးကို အောင်မယ်ထင်သလားကွ´
`ဟုတ်ကဲ့၊ ဆရာတို့ အအောင်ပေးရင် အောင်မှာပါ´
`ဟေ´

ရယ်ချင်လဲ ရယ်ကြပါစေတော့လေ... ... ...။


***

တကယ်လဲ နကျယ်ကောင် တယောက် အဲဒီ အမျိုးသားသူနာပြု နှုတ်ဖြေကို မအောင်လိုက်ပါ။ အောင်ခဲ့ရင်တော့ နကျယ်ကောင်ရဲ့ ဘ၀ အချိုးအကွေ့က အဲဒီမှာတင် အပြောင်းအလဲ တခု ဖြစ်ခဲ့မည် ထင်ပါရဲ့။

***

ကလိုစေးထူး

ရလဒ်...

ကောင်းတယ်ဗျာ၊ ဒါဖြစ်သင့်တယ်
အားပေးနေပါတယ်၊ ဆက်လုပ်ဗျာ
ထိမိတယ်ဗျို့၊ ဒါ...လုပ်သင့်တာပေါ့
မိုက်တယ်၊ မိုက်တယ်။

ဒါတော့ သဘောခြင်း တထပ်တည်း မကျဘူးဗျို့
ဘာလို့လဲဆိုတော့ ဒါကဒီလိုရှိပြီး
ဟိုဟာက ဟိုလိုရှိတယ်
အဲဒီလိုတွေဖြစ်လို့ ဒီဟာကို
ဟိုလိုကြောင့် ဒီပုံဒီနှယ်ကန့်ကွက်သဗျာ။

အလကားပါ၊ အလကားရတဲ့နေရာမှာ
ဒီလိုပဲပေါ့၊ အထင်ကြီးခံရမလားလို့လေ
သိတယ်မှတ်လား၊
ကိုယ်တို့အတွက်ကတော့ အချိန်ကုန်တယ်။

အောင်မာ...၊ ပြန်ပြောမနေနဲ့
မင်းဘာကောင်ဆိုတာ ငါကသိပြီးသား
ငါ့ဘာမှတ်နေလဲ။

အာ...၊ ဒီကောင် လူမုန်းခံရမှာကြောက်ပြီး
ရေငုံနှုတ်ပိတ်နေပြန်ပြီ
ဟေ့ကောင်...၊ ထစမ်း၊ မထဘူးလား
မထရင် ချတယ်ကွာ
ဗျင်းတယ်ကွာ၊ ဆဲတယ်ကွာ
ကလော်တုတ်တယ်ကွာ။

ဖုန်း
ဒိုင်း
အုန်း
ခွပ်
^%$#@!*
&*($%@!#
!@#$%^&

..................
..................
..................

မှတ်ပလားကွ၊ အဲဒါ ဘလော့ဂ်ရေးချင်ဦး။


ကလိုစေးထူး

စာကြွင်း...၊ ဘလော့ဂ်ရေးရခြင်းကို ကလိုစေးထူး နောင်တမရသေးပါ။ :D

စိတ်ညစ်နေလား...(၉)

ပြီးခဲ့တဲ့ ဆယ်ရက်သာသာအတွင်းကပေါ့။ ဘလော့ဂ်ကို နားလိုက်ဦးမှပဲ လို့ တွေးပြီး စာရေးတာတွေ၊ စာရေးဖို့တွေးတာတွေကို ရပ်ချပစ်လိုက်တယ်။ ဒီတော့ အလုပ်ကပြန်လာရင် ခါတိုင်းလို စာရေးရမယ့် အချိန်တွေမှာ စိတ်လက်ပေါ့ပါးစေအောင် သီချင်းတွေ နားထောင်လိုက်၊ တီဗွီအစီအစဉ်တွေ ကြည့်လိုက်နဲ့ပဲ များသောအားဖြင့် အချိန်တွေ ကုန်ခဲ့ပါတယ်။

စိတ်တွေ ပင်ပန်းတဲ့အခါ၊ ပြီးတော့... ခန္ဓာကိုယ်ကြီးကိုကလဲ နွမ်းနယ်လွန်းတဲ့အခါမျိုးမှာ ပြန်လည်ပေါ့ပါး သွက်လက်စေဖို့အတွက် သီချင်းတွေနဲ့ အဲဒီတီဗွီအစီအစဉ်တွေက ကျနော့်အတွက်ကတော့ များစွာ အထောက်အကူပြုစေပါတယ်။

အခု...၊ ဘလော့ဂ်ကို ပြန်ရေးတော့မယ်ဆိုတော့ တခြားဘာအကြောင်းအရာကိုမှ ပြန်ပြီး စ..မရေးခင်မှာ ကျနော့်ဘလော့ဂ်ကို လာရောက်လည်ပတ်သူ မိတ်ဆွေ၊ မောင်နှမတွေအတွက် စိတ်ပေါ့ပါးပျော်ရွှင်စရာ ပို့စ်လေး တပုဒ်ကို တင်ဆက်ပါရစေ...။

***

သီချင်းတပုဒ်ကို နားထောင်လိုက်ပြီ ဆိုပါစို့... ... ...။ ပုံမှန်အားဖြင့်ကတော့ အဲဒီသီချင်းကို ဆိုထားတဲ့ အဆိုရှင်က အသံဘယ်လိုကောင်းတာ၊ ဘယ်လိုဆွဲဆောင်မှု ရှိတာ၊ ရေးထားတဲ့ သီချင်းစာသားကတော့ဖြင့် ဘယ်လိုဘယ်ပုံ ပြောင်မြောက်တာ၊ ဘယ်လိုလေးတော့ ဖွဲ့နွဲ့ထားတာ ဆိုတဲ့အရာတွေနဲ့သာလျှင် အကဲဖြတ်ပြီး အဲဒီသီချင်းကို လူတွေက နှစ်သက်တတ်ကြပါတယ်။

ကဲ...၊ ဒါဖြင့် အပေါ်ကအချက်တွေနဲ့ မကိုက်ညီရင်ရော...၊ နှစ်သက်စရာကောင်းတဲ့ သီချင်းတပုဒ် မဖြစ်နိုင်ဘူးလား ... ... ...။

ပထမဆုံး စစနားထောင်မိတုန်းကတော့ `ဘာသီချင်းကြီးလဲဟ´ လို့ ထင်လိုက်မိသေးတယ်။ ဒါပေမယ့်...၊ နောက်တခေါက် ထပ်နားထောင်လိုက်၊ နားထောင်လေလေ၊ သဘောကျပြီး စပ်ဖြီးဖြီးဖြစ်လေနဲ့ ဖြစ်နေရတာကိုက အဲဒီသီချင်းရဲ့ ဖျော်ဖြေတင်ဆက်နိုင်မှု တမျိုး မဟုတ်လား။

ကြားဖူးသူတွေတော့ ရှိနိုင်တယ်၊ မကြားဖူးသေးရင်တော့ နားထောင်ကြည့်ကြပါဦး...၊ သိပ်တော့ မရယ်ကြေးပေါ့။ :D



***

America's Got Talent အစီအစဉ်တွေကို You Tube မှာ လိုက်ရှာကြည့်ဖြစ်တုန်းက ဘာထပ်တွေ့လဲ ဆိုတော့ Britain's Got Talent အစီအစဉ်တွေကိုပါ ကြည့်ဖြစ်လိုက်ရပါတယ်။ အဲဒီထဲကမှ ပရိသတ်တွေကို ဘယ်လိုမှ ပါးစပ်မပိတ်နိုင်ဘဲ ပြုံးရယ်နေအောင် တင်ဆက်နိုင်သူ လူမည်းလေး တယောက်ရဲ့ ယှဉ်ပြိုင်မှုကို တော်တော်နှစ်သက်မိတယ်။

သူကတော့ အဆိုနဲ့ ၀င်ပြိုင်တာပါ။ အသံကောင်းမကောင်းကတော့ အောက်မှာသာ ကြည့်ပေတော့။



အဲဒီဗွီဒီယိုကို တင်ထားတဲ့သူက ဗွီဒီယိုနာမည်ကို ပေးထားတာက Britain's Got Talent Season 2 Donald Worst Singer Auditionee ...တဲ့။ ကျနော်ကတော့ Best Entertainment Audition လို့သာ အမည်ပေးချင်တယ်။ ပြီးတော့ သာမန်အားဖြင့် ဘယ်လိုမှ ခံသာနိုင်စရာ မရှိလောက်တဲ့ ဒိုင်တွေရဲ့ မှတ်ချက်ကို ခပ်ပြုံးပြုံးပဲ ခံယူပြီး အသာပြန်လှည့်ထွက်လာနိုင်တာကိုက အရည်အချင်းတခုပဲမဟုတ်လား။

***

Just For Laughts အစီအစဉ်တွေကို လူတော်တော်များများ ကြည့်ဖူးကြမှာပါ။ အဲဒီအစီအစဉ်တွေ အများကြီးထဲကမှ ရယ်စရာထက် တွေးစရာတွေ ပိုပေးတဲ့ အစီအစဉ်လေး တခုကိုလဲ သွားတွေ့မိတယ်။



တန်ဘိုး အတန်အသင့်များနေဟန်ရှိတဲ့ ငွေစက္ကူကို ယူမယ်ဆိုရင် လွယ်လင့်တကူ ယူသွားလို့ရနိုင်တဲ့ အနေအထားမှာ လူတွေရဲ့ စိတ်ရင်းအမှန်တွေက ဘယ်လိုများ ရှိနေမလဲ။ ယူရကောင်းနိုး၊ တခြားလူတွေကများ တွေ့သွားဦးမှာလားဆိုပြီး ယူချင်ပေမယ့် အယူခက်နေဟန်လူတွေ၊ ဘေးဘီကို သေချာအောင်ကြည့်ပြီး ဘယ်သူမှ မမြင်လောက်မှ ယူမှပဲ ဆိုတဲ့လူတွေ၊ လုပ်နေကျ အလုပ်တခုကို လုပ်သွားသလိုပဲ ဆတ်ခနဲယူသွားတဲ့လူတွေ၊ ၀တ်ထားတဲ့အ၀တ်အစား၊ ရုပ်ရည်တွေကို ကြည့်လိုက်ရင် မယူလောက်ဘူးလို့ ထင်ရနိုင်ပေမယ့် ယူသွားတဲ့လူတွေ အများကြီးရှိသလို လုပ်သင့်လုပ်ထိုက်တာကိုပဲ တည်တည်ကြည်ကြည်ဟန်နဲ့ လုပ်သွားတဲ့ နမူနာယူစရာလူလဲ ရှိနေတာကိုက ရယ်စရာကနေ ပေးတဲ့ အတွေးတခုပေါ့...။

ကျနော့်မိတ်ဆွေတွေ အဲလိုကြုံရင်ရော...၊ ယူမှာလား။ အဟဲ၊ ကျနော့်ကိုတော့ ပြန်မမေးကြေးနော်။ :D

***

ကျနော့်ဘလော့ဂ်ကို လာရောက်လည်ပတ်ကြသူ မိတ်ဆွေ၊ မောင်နှမတွေကို ဒီပို့စ်က စိတ်ပေါ့ပါးကြည်လင်မှုတွေ ပေးနိုင်ပါစေ။


ကလိုစေးထူး

နှုတ်ဆက်ခြင်း...

ကျနော် ဘလော့ဂ်ရေးတာ နားပါဦးမယ်။

အားလုံး အဆင်ပြေပါစေ

ကလိုစေးထူး

တံတားပေါ်က အတွေး...

ဟိုးအရင်ကဆို ကျနော်က အိမ်ကနေ အလုပ်ကို စက်ဘီးလမ်းကလေးကနေ သွားလေ့ရှိတယ်။ ကျနော်နေတဲ့ အိမ်ရဲ့ ခပ်လှမ်းလှမ်းက ဘိုးဘွားရိပ်သာ တခုနားကနေ ဖြတ်သွားပြီးရင် အဲဒီလမ်းကလေးကိုရောက်တယ်။ အဲဒီလမ်းကလေးကနေ စက်ဘီးနဲ့ဆိုရင် ၇ မိနစ်လောက်၊ ဒါမှမဟုတ်လဲ လမ်းလျှောက်ရင် ၁၅ မိနစ်သာသာဆိုရင် ကျနော့်အလုပ်ကို ရောက်ပါတယ်။

အဲဒီလမ်းကလေးကနေပဲ အလုပ်သွားလိုက်၊ တခါတလေတောာ့လဲ အဲဒီလမ်းကလေးမှာပဲ အေးအေးလူလူ လမ်းလျှောက်လိုက်နဲ့ နေခဲ့ဖူးတယ်။

***

ဒီနေ့ညနေပိုင်းက နေကလဲ အတော်သာပြီး ရာသီဥတုကလဲ ခါတိုင်းနေ့တွေထက်စာရင် အအေးဓာတ် နည်းနည်းပေါ့တာမို့ လမ်းကလေးဆီ တခေါက်ပြန်ရောက်ခဲ့တယ်။



စနေနေ့တုန်းက ကျထားတဲ့ နှင်းတွေကြောင့် လမ်းကလေးရဲ့ တဖက်တချက်မှာ အဖြူရောင် အနားသတ်ကလေးတွေ ရှိနေတုန်းပါပဲ။




စီးတော်ယာဉ်ဟောင်း စက်ဘီးကလေးနဲ့ မိနစ်အနည်းငယ်လောက် နင်းလိုက်ပြီ ဆိုရင်ပဲ အခု မြင်နေရတဲ့ တံတားကို ရောက်ပါတယ်။ ဒီတံတားကနေ ဟိုဘက်ကို ဆက်သွားရင် ကျနော့်ရဲ့ အလုပ်ရုံကို ရောက်ပါပြီ။

တံတားနားမှာ စီးတော်ယာဉ်ကို ဒေါက်ထောက်၊ တံတားထိပ်မှာ ရပ်ငေးရင်း ဟိုဟိုဒီဒီတွေးကြည့်မိပါတယ်။ အဲဒီအတွေးတွေကို စုစည်းကြည့်မိတော့ ဒီစာကို ရေးမိတယ်။

***

တံတားရဲ့ ကျနော်ရပ်နေတဲ့ ဒီဘက်ထိပ်ကနေ နောက်ဘက်ကို လှမ်းမျှော်ကြည့်လိုက်ရင် ဖြောင့်ဖြူးနေတဲ့ စက်ဘီးလမ်းကလေးဟာ ဟိုးးးအဝေးက ပြည်နယ်မြို့တော် အထိကိုပါ ရောက်သတဲ့။ လမ်းဘေး တလျှောက်မှာတော့ လူနေအိမ်တွေ၊ ပန်းခြံတွေကို ဖြတ်သွားလိုက်၊ တောအုပ်ထဲကို ညှို့ခနဲဝင်သွားရလိုက်ပေါ့။

တံတားရဲ့ ဟိုဘက်ထိပ်၊ မြစ်ရဲ့ ဟိုဘက်ကမ်းကနေ ရှေ့ဘက်မှာတော့ ကျနော့်အလုပ်ရုံနဲ့တကွ အလုပ်ရုံပေါင်းများစွာ အစီအရီက မှုန်ကုပ်ကုပ်နဲ့ ရပ်နေကြတယ်။ အဲဒီအလုပ်ရုံရပ်ကွက်ကနေမှ တဆင့်ဆက်သွားရင် မြို့လယ်ကို ရောက်ပါတယ်။

ဒီတော့ ပြောရရင် ဒီတံတားလေးဟာ မြို့ပြဆန်ဆန် ဟိုမှာဘက်နဲ့ တောအုပ်မင်းမူနေတဲ့ ဒီမှာဘက်ကို ဆက်စပ်ထားတဲ့အပြင် ဒီထက်ပိုပြောရရင် ဒီတံတားကို ဖြတ်ပြီးမှပဲ ဟိုဘက်က လူတွေကလဲ ဒီဘက်ကမ်းတောအုပ်တွေကနေ တဆင့် သွားချင်စိတ်များရှိခဲ့ရင် ဟိုးးအဝေးကြီးက ပြည်နယ်မြို့တော် အထိ ရောက်နိုင်တာပေါ့။ ဒီဘက်ကမ်းကလူကလဲ ဟိုဘက်ကမ်းက အလုပ်ရုံစက်ရုံတွေ ရှိရာ၊ စည်ကားတဲ့ မြို့လယ်ခေါင်ရှိရာကို ဒီတံတားကို ဖြတ်မှပဲ ရောက်တော့မယ်။

ဒါဖြင့်...၊ ဟိုးးအရင်တုန်းက ဒီနေရာမှာ ဒီတံတားလေး မရှိခင်တုန်းက လူတွေဟာ ဘယ်လိုများနေထိုင်ကြခဲ့လိမ့်မလဲလို့ ဆက်တွေးကြည့်မိပြန်တယ်။

ဖြစ်နိုင်ခြေကတော့ ဟိုးအရင်က လူတွေဟာ ပထမတော့ မြစ်ရဲ့ ဟိုဘက်ကမ်းကလူကလဲ သူတို့ဘက်အခြမ်းသူတို့နေ၊ ဒီဘက်အခြမ်းကလူကလဲ ဒီဘက်အခြမ်း ဒီဘက်နေ ဆိုပြီး ဒီလိုပဲဘာသိဘာသာ နေဖြစ်ခဲ့ဦးမှာပါပဲ။ အလယ်မှာ စည်းတခုလို ခြားထားတဲ့ မြစ်ကို မြင်လိုက်တာနဲ့ တသွင်သွင်စီးနေတဲ့ မြစ်ရေကြောင့် ဒီဘက်ကလူကလဲ ဟိုဘက်ကို မသွားချင်၊ ဟိုဘက်ကလူကလဲဒီဘက်ကို မလာချင်ဖြစ်ခဲ့ကြမှာ အသေအချာပေါ့။

ဒုတိယအဆင့် ဖြစ်နိုင်ခြေကတော့ အဲဒီလိုပဲ ဘာသိဘာသာနေနေရင်းနဲ့ တချို့လူတွေဟာ မြစ်ကိုဖြတ်ကူးဖို့ စဉ်းစားလာမိကြလိမ့်မယ်။ ဒီဘက်ကလူကလဲ ဟိုဘက်ကို ဖြတ်ကူး၊ ဟိုဘက်ကလဲ ဒီဘက်ကို ဖြတ်ကူးပေါ့။ ဖြတ်ကူးလို့ အောင်မြင်စွာ ရောက်သွားကြသူတွေ ရှိသလို မြစ်ရေစီးမှာ မျောပြီး အသက်ဆုံးရှုံးသွားရသူတွေလဲ ရှိနိုင်တာပဲ။ ဒါပေမယ့် သေချာတာကတော့ လူတွေဟာ ဟိုဘက်နဲ့ဒီဘက်ကို ကူးလူးဆက်ဆံဖို့တော့ စဉ်းစားမိလာကြမှာပါပဲ။

ဒီလိုနဲ့ ခေတ်တွေက တိုးတက်လာတာနဲ့အမျှ အန္တရာယ်များလှတဲ့ နည်းလမ်းဖြစ်တဲ့ မြစ်ကို ဖြတ်ကူးတဲ့ အစီအစဉ်ထက် ပိုကောင်းတဲ့ နည်းလမ်းကို လူတွေဟာ ရှာကြံစဉ်းစားလာကြဦးမှာပါ။ ဒီလိုနဲ့ပဲ တဆင့် တဆင့်နဲ့ အခုအချိန်မှာတော့ ဟိုဘက်ဒီဘက် အလွယ်တကူကူးလို့ရတဲ့ အခိုင်အမာတံတားတခုကို ဆောက်ဖြစ်ခဲ့ကြတာ မဟုတ်လား။

***

တသွင်သွင်စီးနေတဲ့ ရေအဟုန်နဲ့ မြစ်ကို ဖြတ်ကူးဖို့အတွက် တံတားကို ဆောက်ဖို့ စဉ်းစားကြတဲ့အခါမှာရော ... ... ...။

ဟိုဘက်တဘက်တည်းက လူတွေကချည်း ဒီတံတားကို ဆောက်ချင်တဲ့စိတ်ရှိယုံနဲ့ တံတားမဖြစ်လာနိုင်သလို၊ ဒီဘက်ကလူတွေကချည်း သက်သက်လဲ တံတားဘယ်လိုမှ ဆောက်လို့ရမယ် မထင်ဘူး။ ဒီဘက်ကဆောက်ချင်ရဲ့သားနဲ့ ဟိုဘက်က မဆောက်ချင်တဲ့အခါ သူကပြန်ဖျက်လိုက်၊ သူတို့ ဆောက်ချင်ရဲ့သားနဲ့ ဒီဘက်က မလိုလားရင် အဆင်မပြေလိုက်နဲ့ ဘယ်လိုလုပ်များ တံတား ဆောက်ဖြစ်မှာလဲ။

ဒါပေမယ့် လူတွေဟာ ဟိုဘက်နဲ့ဒီဘက်ကို အခိုင်အမာတံတား ရှိမှဖြစ်တော့မယ်ဆိုတာကိုတော့ စဉ်းစားမိခဲ့ပုံပေါ်တယ်။ ဒါကြောင့်လဲပဲ မတူတာတူတာတွေ ဘေးချိတ်လို့ ဒီတံတားဆောက်ဖြစ်ဖို့ကို နှစ်ဘက်စလုံးက အားထုတ်ခဲ့ကြရတာပေါ့။

တံတားဆောက်ကြတဲ့ အခါမှာလဲ တံတားတခုကို ဆောက်ဖို့အတွက် ပါဝင်ကြတဲ့ နေရာမှာ တံတားသံပေါင်ကို ထုတ်လုပ်တတ်သူက ထုတ်လုပ်ပြီးတော့ အခင်းသစ်သားအတွက် လိုအပ်တာကို ရှာသူက ရှာမယ်။ နောက်ဆုံး သံရိုက်တဲ့နေရာမှာ ပါဝင်သူကပါဝင်ပြီး တံတားပေါင်အတွက် မြေဖို့တာလောက် တတ်နိုင်တဲ့လူကလဲ သူတတ်တဲ့နေရာကနေ သူပါဝင်ခဲ့မှာပေါ့။ `ငါတော့ လူအားမစိုက်နိုင်ပေမယ့် တံတားကုန်ကျစရိတ်အတွက် ဘယ်ရွေ့ဘယ်မျှတော့ ငွေအားထည့်ပါမယ်´ လို့ ပါဝင်တဲ့လူလဲ ရှိနိုင်တာပဲ။ နောက်ဆုံး... ... ...၊ ငွေအားရော လူအားပါ မတတ်နိုင်ကြရင်တောင် တံတားဆောက်နေကြတဲ့လူတွေကို တံတားဆောက်လုပ်ငန်းခွင်မှာ လာအားပေးသူတွေလဲ ရှိဦးမှာပဲ။

ဒီတံတားဆောက်ဖို့ စပြီး စဉ်းစားတဲ့အချိန်မှာ `အာ...၊ မင်းတို့ တံတားဆောက်မယ် ဆိုတဲ့ကိစ္စကြီးက မလွယ်ပါဘူးကွ၊ ဟိုဘက်ကကောင်တွေကို ငါက ကြည့်လို့ရတာ မဟုတ်ဘူး၊ ဒီကောင်တွေက ဘာလုပ်နိုင်မှာမို့လို့လဲ၊ ပြီးတော့ မြစ်ရေရဲ့ အန္တရာယ်ကလဲ ရှိသေးတယ်၊ မဖြစ်နိုင်ပါဘူးကွာ´ လို့ ကန့်ကွက်ကြသူတွေရော မရှိနိုင်ဘူးလား။ အသေအချာပေါ့၊ မြေကြီးလက်ခတ်မလွဲပါပဲ။ ဒါပေမယ့် အဲဒါတွေကိုချည်းသာ ဂရုစိုက်ခဲ့ကြမယ်ဆိုရင် ဒီတံတားဘယ်လိုမှ ဆောက်ဖြစ်ခဲ့ကြမှာ မဟုတ်ဘူး။

တံတားဆောက်နေတုန်း အခါမှာလဲ တံတားသံပေါင် ထုတ်လုပ်သူက၊ မြေဖို့တဲ့လူကို `မင်းက ငါ့လောက် အသုံးမကျပါဘူးကွာ´ လို့ လှောင်ပြောင်သရော်တာ၊ တကယ်လို့များ သံရိုက်တဲ့လူတယောက် သံရိုက်နေတာ တချောင်းတလေ လွဲချော်နေရင် ပိုတတ်ကျွမ်းသူက `ဒီလိုရိုက်တာက တံတားပိုခိုင်လိမ့်မယ်ဗျ၊ လာ...၊ ကျနော်ပြပေးမယ်နော်´ လို့ နည်းလမ်းတကျ အချင်းချင်း မကူညီဘဲ `ဒီလိုကောင်မျိုး ရိုက်ထားတဲ့ သံနဲ့ ဒီတံတားတော့ မကြာခင်ပျက်မှာပါ´ လို့ တံတားဆောက်သူ အချင်းချင်း ပုတ်ခတ်တိုက်ခိုက်တာတွေသာ ရှိခဲ့ရင်ရော ဒီလို အခိုင်အခန့်တံတားကြီးဟာ ဒီနေရာ ဒီအချိန်မှာ ရှိနိုင်ပါ့မလား ဆိုတာက စဉ်းစားစရာပါ။

ဘာတွေ ဘယ်လိုပဲဖြစ်ဖြစ်ပါ။ လူတွေဟာ တူခြင်း၊ မတူခြင်း၊ သူကပိုတော်ခြင်း၊ ငါကပိုတတ်ခြင်း၊ သူက နည်းနည်းပါဝင်ခြင်း၊ ငါက ပိုမိုပါဝင်ခြင်း၊ သူ့ကို ငါမကြိုက်ခြင်း၊ ငါ့ကို သူမလိုလားခြင်း အစရှိတဲ့ ပဋိပက္ခတွေကို ဘေးချိတ်လို့ ဟိုဘက်ကမ်းကလူရော ဒီဘက်ကမ်းကလူတွေအတွက်ပါ အကျိုးရှိစေမယ့် ဒီတံတားလေး တစင်းကိုဆောက်ဖြစ်ခဲ့ကြပြီ။

တကယ်တော့ တခြားအရာတွေ ဘယ်လိုပဲ မတူပါစေ `တံတားဆောက်ဖို့ လိုအပ်တယ်´ ဆိုတဲ့ အဓိက ရည်ရွယ်ချက်တခုတည်းကိုသာ အားစိုက်ခဲ့ကြလို့သာလျှင် ဒီတံတားလေး ဖြစ်လာတာ မဟုတ်ပါလား။ တကယ်လို့သာ ကျနော် အပေါ်မှာ ရေးထားတဲ့ မတူခြားနားမှုတွေကိုသာ လူတွေဟာ ပိုမိုဇောင်းပေးခဲ့ရင် ဒီလိုတံတားမျိုး ဘယ်လိုမှ ဖြစ်လာနိုင်မှာ မဟုတ်ဘူး ထင်ပါတယ်။

***

Excuse me!

တံထားထိပ်မှာရပ်ပြီး အေးစက်စက် ရာသီဥတုကို မေ့လို့ အတွေးစတွေ ပွားနေတုန်း နောက်ကနေ ကြားလိုက်ရတဲ့ အသံကြောင့် လှည့်ကြည့်လိုက်တော့ ထူထဲတဲ့ အားကစားဝတ်စုံကို ၀တ်ထားတဲ့ အပြေးလေ့ကျင့်သူတယောက်... ... ...။

သူ့ကို ပြုံးပြလိုက်ပြီး လမ်းဘေးကို ဖယ်ပေးလိုက်တော့ သူကလဲ ပြန်ပြုံးပြရင်း ရှေ့ကိုဆက်ပြီး ပြေးသွားတယ်။

တံတားအောက်ကို ကျနော် ငုံ့ကြည့်လိုက်တော့ တဟဲဟဲစီးနေတဲ့ မြစ်ရေပြင်က သူ့အပေါ်ကိုဖြတ်မိုး ကျော်ခွသွားတဲ့ တံတားကို ဘာမှမတတ်နိုင်တော့လေဟန် ပြန်မော့ကြည့်တယ်။ သူဘယ်တတ်နိုင်တော့မလဲလေ၊ သူ့ရဲ့ မြစ်ရေစီးကို ဘယ်သူကမှ ကြောက်စရာမလိုတော့အောင် လူတွေက တံတားထိုးထားလိုက်ပြီလေ။

ရှေးကလူတွေရဲ့ ညီညွတ်မှု ပြယုဂ် ဒီတံတားပေါ်ကနေ အခုဆိုရင် နှောင်းလူ ကျနော်က ရေစီးကြမ်းပါတယ်ဆိုတဲ့ မြစ်ရေကို တံတားပေါ်ကနေ အခန့်သားနဲ့ အေးအေးလူလူ ကြည့်နေနိုင်ခြင်းရဲ့ အဖြေကတော့... ... ...။

***

ကလိုစေးထူး


(ကင်မရာက ပုံတွေကို ကွန်ပျူတာထဲ သွင်းနေတာ အဆင်မပြေတာနဲ့ အရင်နှစ်က ပုံဟောင်းတွေကိုပဲ ပြန်တင်လိုက်ပါတယ်)

လန်းခွင့်မသာ...၊ နေခြည်မဖြာတာမို့...

လေးထောင့်ပုံစံ ရွှေရောင်ကြုတ်ကလေးကို တပတ်ပြီးတပတ် လှည့်လိုက်၊ အောက်ခံ အခင်းပေါ်ကို ပေါင်ဒါနည်းနည်းလောက် ဖြူးလိုက်၊ ပြီးရင် တခါပြန်လှည့်လိုက်နှင့် လူတယောက် အလွန်အလုပ်ရှုပ်နေ၏။ အတန်ကြာအောင် စိတ်တိုင်းကျ လှည့်ပြီးသည့်အခါမှာတော့ သူက ကြုတ်ကလေးကို ၁၂၃၄ နံပါတ်တွေ ရေးထားတဲ့ အခင်းရဲ့ အလည်တည့်တည့်မှာ ဂရုတစိုက်ဖြင့် တည်လိုက်၏။ ထိုသူ တည်ပြီးသည်နှင့် တပြိုင်နက် ဘေးကထိုင်နေသူတွေနှင့် ရပ်ကြည့်နေသူ တချို့ဆီက ငွေများ အခင်းပေါ်သို့ အစီအရီရောက်လာတော့သည်။

`ရင်ဘတ် တထောင်နော်´
`မီးတိုက်၊ အရိပ်ခို၊ လေးထောင်နော်´
`လက်မမှာ သုံးထောင် အောတယ်ကွာ´

ဝိုင်းရဲ့ ထိပ်ဆုံးက အောက်လင်း မီးသီးကြီးနားမှာ မိန့်မိန့်ကြီးထိုင်နေတဲ့ ဒိုင်ဖြစ်သူ ဖိုးတင်လှက သူ့အနားက မိစန်းကြည်ကို ...

`ဟဲ့၊ ထိုးကြတာတွေကို နင်သေသေချာချာကြည့်နော်´
`အင်းပါ ကိုတင်လှရဲ့´

***

ကံဆိုးချင်တော့ မနှစ်က ဘုရားပွဲတပွဲမှာတုန်းက မိစန်းကြည်တို့ရဲ့ အံဂလုံဒိုင်လေး အရင်းပြုတ်သွားသည်။ လောင်းကစားဆိုတာက နိုင်တခါရှုံးတလှည့်လို့ ပြောကြပေမယ့် ရှုံးခဲလှတဲ့ ဒိုင်ကိုင်သူတွေထဲမှာမှ မိစန်းကြည်တို့ခုံက ကံဆိုးမိုးမှောင်ကျခဲ့ခြင်း ဖြစ်သည်။

ဒါကြောင့် ဒီနှစ်မှာတော့ ဇာတ်ပွဲတွေ စည်တဲ့ ဘုရားပွဲရာသီကို ရောက်လာပေမယ့် အံဂလုံဒိုင် မကိုင်နိုင်တော့ပါ။

`ဟဲ့၊ မိစန်းကြည်၊ နင်တို့ အံဂလုံဒိုင် မလိုက်ဖြစ်ကြတော့ရင် ငါ့အနီထောင်ဒိုင်မှာ နင်ထိုင်ကူမလား၊ တညကို ၃ ထောင်ပေးမယ်၊ နိုင်ရင်လဲ ဘောက်ဆူးထပ်ချမယ်လေ´

ရုပ်ရည်ပြေပြစ်တဲ့ မိစန်းကြည်ကို အနီထောင်ဝိုင်းနားမှာ အထိုင်ခိုင်းထားရုံနဲ့တင် ကာလသား ထိုးသားတွေ ၀ိုင်းအုံနေမှာကို ကြိုတင်အကွက်မြင်တဲ့ ဖိုးတင်လှက အဲဒီလို လာခေါ်တော့ မိစန်းကြည်တယောက် မငြင်းဆန်မိခဲ့ပါ။ ဒီလိုမှ မလုပ်ရင်၊ ဒီလိုရာသီမျိုးမှာမှ ပိုက်ဆံမရှာနိုင်ရင် ပွဲတော်ချိန်တွေ ကုန်လို့ မိုးရာသီရောက်ရင် ပိုဒုက္ခရောက်တော့မည်လေ။

`အဖေ့ကိုပါ ခေါ်ရမှ လိုက်မှာနော်´
`အေးပါ၊ နင့်အဖေလဲ ဘေးကနေ ကူပေးပေါ့ဟ၊ ငါကြည့်ကျက်ပေးပါမယ်´

***

အနီထောင်ဆိုတာက အံစာတုံး သေးသေးလေးကို ဂွင်ကျဝင်နိုင်အောင် ဖန်တီးထားတဲ့ အုတ်ခဲသေးသေးလေးနဲ့ တူသည့် ရွှေရောင် သတ္တုကြုတ်ကလေးထဲတွင် ထည့်ပြီး ကစားရသော နည်းဖြစ်သည်။ အံစာတုံးက တခြားအံစာတုံးတွေလို ဂဏန်းအစက်ကလေးတွေ နဲ့ အံစာတုံး မဟုတ်ချေ။ အံစာတုံး၏ မျက်နှာပြင်တိုင်းတွင် အနီရောင် တခြမ်း၊ အဖြူရောင် တခြမ်း ဆေးခြယ်ထားသည်။ `အနီထောင်အုတ်´ လို့ ခေါ်ကြတဲ့ ရွှေရောင်ကြုတ်ကလေးထဲမှာ ဂွင်ကျထည့်ပြီးလျှင် ထိုးသားထဲက တယောက်ယောက်က ၁၂၃၄ ဂဏန်းတွေ ရေးထားတဲ့ အခင်းပေါ်မှာ အုတ်ကို တပတ်ပြီးတပတ်လှည့်၊ သူစိတ်တိုင်းကျပြီဆိုလျှင် ၀ိုင်းအလည်တည့်တည့်မှာ အုတ်ကို တည်ထားပြီပြီဆိုမှ ထိုးသားတွေက ငွေထိုးကြရသည်။

အနီထောင် ကစားသည့် အခင်းက စတုရန်းပုံစံ တာလပတ်သား အခင်းဖြစ်၏။ ဟိုဘက်ထောင့် ဒီဘက်ထောင့် ကန့်လန့်ဖြတ် မျဉ်းနှစ်ကြောင်း ဆွဲပြီး ၁၂၃၄ ဂဏန်းတွေကို အစဉ်လိုက်ရေးထားသည်။ ၁ ဂဏန်းက အုတ်လှည့်သူ ထိုးသားဘက်မှာ အမြဲရှိရသည်။ ထိုးသားက အုတ်ကြုတ်ကလေးကို လှည့်တဲ့အခါ အဲဒီ ၁ ဂဏန်းပေါ်မှာ လက်မ အမြဲ ရှိနေတတ်လို့၊ ၁ ကို လက်မ၊ ၁ နှင့် မျက်နှာချင်းဆိုင်က ဒိုင် ထိုင်နေရာနေရာမှာက ၃ ဂဏန်း၊ ဒိုင်ရဲ့ ရင်ဘတ်တည့်တည့်က ဂဏန်းဆိုတဲ့ သဘောနှင့် ၃ ကိုတော့ ရင်ဘတ်လို့ ခေါ်ကြသည်။

အနီထောင်ဝိုင်းတို့ရဲ့ ထုံးစံအတိုင်း ၂ ဂဏန်းရှိရာနေရာမှာ အောက်လင်းမီး ထွန်းထားလေ့ရှိတော့ ၂ ကိုတော့ မီး ဟု ခေါ်ကြပြီး ၂ နဲ့ မျက်နှာချင်းဆိုင် ဂဏန်း ၄ ရဲ့ နေရာမှာတော့ အောက်လင်းမီးရဲ့ အရိပ်ကျတဲ့ နေရာမို့ ၄ သည် အရိပ်။

ဝိုင်းလယ်မှာ တည်ထားသည့် အုတ်ကြုတ်ကလေးကို အုတ်လှည့်သူ ထိုးသားက ဖြည်းညင်းစွာဖွင့်ကာ အထဲက အံစာတုံးက ၁၂၃၄ အနက် ဘယ်ဘက်ကို အနီရောင်ချယ်ထားတဲ့ အခြမ်းက ပြနေတယ်ဆိုတာကို ကြည့်ပြီး အလျော်အစားလုပ် ကစားကြရသည်။ အုတ်ဖွင့်တဲ့ အချိန်မှာ အုတ်ကြုတ်လဲကျလို့ မရ၊ လဲခဲ့ပါက အုတ်ဖွင့်သူ ထိုးသားက တ၀ိုင်းလုံးကို လျော်ရသည်။

အနီထောင် ငွေထိုးနည်းကလဲ ပေါင်းစုံရှိသည်။ အနီထောင်ထိုးသည့် ထိုးသားက လက်မ၊ ရင်ဘတ်၊ မီး၊ အရိပ်ထဲက မိမိစိတ်ကြိုက် ဂဏန်းတခုအပြင် နောက်ထပ် အရန်တခုကိုလဲ ယူခွင့်ရှိသည်။ စိတ်ကြိုက်ယူတဲ့ ဂဏန်းကို အတိုက်၊ အရန်ဂဏန်းကို အခို ဟု ခေါ်ဝေါ်လေ့ရှိသည်။ တရပ်နှင့် တရပ် အခေါ်အဝေါ်တော့ အနည်းငယ် ကွာခြားတတ်လေ့ ရှိသေးသည်။ အတိုက်ဘက်မှာ အနီရောင်ကျလျှင် လျော်ကြေးငွေ၏ နှစ်ဆရသည်။ ဒိုင်က အမြတ်ငွေ၏၁၀%ကို အကောက်ပြန်ကောက်သည်။ ဥပမာ ငွေနှစ်ထောင် ထိုးသည့် ထိုးသားက အတိုက်ရလို့ ဒိုင်လျော်တဲ့အခါ လေးထောင် မလျော်ဘဲ ၃၆၀၀သာ အလျော်အဖြစ်ရမည်ဖြစ်သည်။ အခိုထိုးထားတဲ့ဘက်ကို အံစာအနီရောင်ခြမ်းက ပြရင်တော့ အလျော်အစားမရှိ အရင်းပြန်ယူရသည်။

ဂဏန်းလေးလုံးထဲက တခုတည်းကိုသာ စိတ်ကြိုက်ယူပြီး အရန်မထားဘဲ ထိုးတာကိုတော့ အောထိုးသည်ဟု ခေါ်၏။ ထိုးတဲ့ဘက်မှာ တိုက်လျှင် ထိုးထားသည့် ပိုက်ဆံ၏ ၃ ဆ ကို ဒိုင်က ၁၀% အကောက်ပြန်ကောက်ပြီး အလျော်ရမည်။ ဥပမာ ငွေ ၂၀၀၀ ကို အောထိုးလို့ တိုက်ခဲ့လျှင် အမြတ်ငွေ ၅၄၀၀ ရမည်။

အနီထောင်ဝိုင်းနောက် လိုက်ပြီဆိုမှတော့ မိစန်းကြည်တယောက် အထက်က အနီထောင်ကစားနည်း စည်းကမ်းတွေကို သိအောင် လုပ်ထားရသည်။ ဒါမှလဲ ကျွမ်းကျင်ရာ လိမ္မာပေတော့မည်ကိုး... ...။

***

ပထမတော့ မိစန်းကြည် သတိမထားမိသေး။

အရှေ့က အနီထောင်ဝိုင်းကို အာရုံစိုက်ပြီး အလျော်အစားလုပ်နေတာကြောင့် သတိမထားမိတာလဲ ဖြစ်သည်။ နောက်တော့ တခါက နှစ်ခါ၊ နှစ်ခါကနေ သုံးလေးခါ မက ဖြစ်လာတော့ နောက်ကို ဆတ်ခနဲ လှည့်ကြည့်ပစ်လိုက်သည်။ မိစန်းကြည်နောက်မှာ ရပ်နေတာက အရက်သောက်ထားကြဟန် လူနှစ်ယောက်...။ မိစန်းကြည် လှည့်ကြည့်လိုက်တော့မှ အရှေ့က၀ိုင်းကိုပဲ စူးစိုက်ကြည့်နေသလိုလို ပုံစံတွေနဲ့။ စိတ်ထဲက ဒေါသကို အသာမျိုချလိုက်ပြီး...

`အကိုတို့၊ နောက်နည်းနည်းဆုတ်ပေးပါလားဟင်၊ သမီး ဒီမှာ အလျော်အစားလုပ်နေရတာ မို့လို့ပါ´

ပြောလဲပြောရင်း ခပ်လှမ်းလှမ်းက အဖေ့ကိုပါ မျက်စလှမ်းပစ်ပြတော့ သဘောပေါက်တဲ့ အဖေက အနားကို လှစ်ခနဲရောက်လာပြီး အနှီသကောင့်သား နှစ်ယောက်နဲ့ မိစန်းကြည်ကြားမှာ ၀င်ထိုင်လိုက်သည်။ မိစန်းကြည် စိတ်ထဲကနေ အဖေ့ကို ကျေးဇူးတင်ရင်း ဟိုနှစ်ယောက်ကိုတော့ ကျိန်ဆဲပစ်လိုက်သည်။

`သေနာကောင်တွေ၊ သူတို့ နှမ တင်ပါးကို ခြေမနဲ့ သွားကလော်ကြပါလား´

လူအမျိုးမျိုး၊ စိတ်အစုံစုံနဲ့ ဘုရားပွဲက ကစားပွဲမို့ ဒီလိုမျိုးတွေကိုလဲ တခါတလေ သည်းခံရလေ့ရှိပြန်သည်။

***

`ဟော၊ ငါ့အကိုကြီးက ရင်ဘတ်ကို ကန်လိုက်ပါပြီ၊ အကို့တယောက်ထဲမှ တယောက်ထဲပါလား´
`ကဲ...၊ ကဲ ထိုးထားနော်၊ ထိုးထား´

တ၀ိုင်းလုံးမှာ မိစန်းကြည်ရဲ့ အသံစာစာ စာစာက အလုပ်များလို့ နေလေသည်။ ညနက်လာသည်နှင့် အမျှ ၀ိုင်းက အရှိန်ကောင်းလာလေ၏။ `မီးကွ´ `လက်မကွ´ `ရင်ဘတ်တဲ့ဟေးးးး´ ဟူသော ထိုးသားများ၏ အော်ဟစ်သံများ၊ `အရိပ်မှာခိုပါတယ်ဗျားးး´ ဆိုသော ဒိုင်၏ အောင်မြင်တဲ့အသံနဲ့အတူ မိစန်းကြည်၏ ဖြူနုနုလက်တွေမှာ ငွေစက္ကူများနှင့်အတူ အလုပ်များနေလေတော့သည်။

***

မနက် ၃ နာရီထိုးခန့် ရှိပါပြီ။

စောစောက လူတွေအုံနေတဲ့ မိစန်းကြည်တို့ အနီထောင်ဝိုင်းလဲ ရှုံးသူကရှုံး၊ နိုင်သူ တချို့တလေကလဲ အနိုင်နဲ့ပိုင်းပြီး ပြန်သူကပြန်နဲ့ ၀ိုင်းစဲပါပြီ။ ကစားဝိုင်း တာလပတ်ခင်းကို တသေတချာခေါက်သိမ်းပြီး စောစောက ကစားသွားတဲ့ အုတ်ကြုတ်ကလေးတွေကို ပြောင်လက်နေအောင် မိစန်းကြည်တယောက် တသေတချာ ပြန်ပွတ်တိုက်နေ၏။ ဒိုင်ဖြစ်သူ ဖိုးတင်လှကတော့ ငွေတွေ ရေလို့ကောင်းတုန်း...၊ သူ့မိန်းမ အမြင့်က မစောင့်နိုင်တော့ဟန်ဖြင့်...

`ဟဲ့၊ ဘယ်လောက်နိုင်တုန်း´
`ဟ၊ နေပါဦးဟ၊ အမြင့်ရ´
`မိစန်းကြည်၊ ရော့ဟေ့၊ နင့်ရဲ့ ဒီည ညကြေး၊ နင့်အဖေအတွက်က နှစ်ထောင်ယူ၊ ဘောက်ဆူးက ထောင့်ငါးရာယူပေါ့ဟာ´

ဖိုးတင်လှ တယောက် ဒီည အတော်နိုင်လိုက်ပုံပေါ်သည်။ မိစန်းကြည်က ညကြေးပိုက်ဆံထဲက ခြောက်ထောင်ကို အဖေ့ကို အပ်လိုက်သည်။ ကျန်တဲ့ ငါးရာနှင့် ပွဲခင်းထဲ သွားလည်မည်လေ။ ဒီညကသည့် မင်းသား ချစ်ဆူးငယ်က မိစန်းကြည် အသည်းစွဲ ဇာတ်မင်းသားကိုး...။

***

ဇာတ်စင်ရှေ့ရောက်တော့ မင်းသား ချစ်ဆူးငယ်ရဲ့ ပြဇာတ် ဇာတ်ဝင်သီချင်း ဆိုခန်းကိုပင် ရောက်နေလေပြီ။ ဆိုနေတဲ့ သီချင်းစာသားတွေက ရိုးသားပြီးချောမောတဲ့ ဆင်းရဲသူလေးကို သူဌေးသားလေးက အလွန်ချစ်မိပုံ၊ ဂုဏ်ရွှေငွေတွေကိုထက် ချစ်ရသူလေးကိုသာ တန်ဘိုးထားရပုံ၊ မိဘမောင်ဘွားတွေ တားနေပါစေ၊ ချစ်သူလေးနဲ့ လက်တွဲလို့ လောကဓံကို ရင်ဆိုင်လိုက်ချင်ပုံကို ဖွဲ့နွဲ့စပ်ဆိုလို့...။

ထိုခဏမှာပင် မိစန်းကြည်တယောက် သူ့ရဲ့ အနီထောင်ဝိုင်းအကူ သမ ဆိုတဲ့ အပြင်ဘ၀ အစစ်ကို မေ့လို့ ရွှေမင်းသားလေးရဲ့ ချစ်သူအဖြစ် အတွေးထဲမှာ သီချင်းနဲ့အတူ မျောပါသွားလေ၏။

***

နောက်တနေ့ ပွဲခင်းကျရင်တော့... ... ...။

`လက်မကွ´ `အရိပ်ကွ´ `ရင်ဘတ်ကို တိုက်မယ်ကွ´ ဆိုတဲ့ အသံတွေကြားမှာ မိစန်းကြည်တယောက် အလုပ်များရပါဦးမည်။ ဘုရားပွဲရာသီ မကုန်မချင်း ပွဲခင်းတွေနောက် တကောက်ကောက်လိုက်ရင်းနဲ့ပေါ့... ... ...။

***


ကလိုစေးထူး


မိစန်းကြည်အကြောင်း`ဘုရားပွဲနဲ့ကစားပွဲ´ ဆိုပြီး ကျနော်ရေးဖူးပါသေးတယ်။

ငါ...ပြိုင်ပွဲ (၂)

............................................ငါငါငါငါငါငါ
.....................................ငါငါငါငါငါငါငါငါငါငါငါငါ
...............................ငါငါငါငါငါ.............ငါငါငါငါငါ
.............................ငါငါငါငါငါငါ............ငါငါငါငါငါငါ
.............................ငါငါငါငါငါငါ............ငါငါငါငါငါငါ
.............................ငါငါငါငါငါငါ............ငါငါငါငါငါငါ
.............................ငါငါငါငါငါငါ............ငါငါငါငါငါငါ
.............................ငါငါငါငါငါငါ............ငါငါငါငါငါငါ
.............................ငါငါငါငါငါငါ............ငါငါငါငါငါငါ
.............................ငါငါငါငါငါငါ............ငါငါငါငါငါငါ
.............................ငါငါငါငါငါငါ............ငါငါငါငါငါငါ
....................ငါငါငါငါငါငါငါငါ................ငါငါငါငါငါငါ
...............ငါငါငါငါငါငါငါငါငါငါငါငါ...........ငါငါငါငါငါငါ
..........ငါငါငါငါငါငါ........ငါငါငါငါငါငါ........ငါငါငါငါငါငါ
..........ငါငါငါငါငါငါ........ငါငါငါငါငါငါ.........ငါငါငါငါငါငါ
..........ငါငါငါငါငါငါ........ငါငါငါငါငါငါ.........ငါငါငါငါငါငါ
..........ငါငါငါငါငါငါ...............................ငါငါငါငါငါငါ
..........ငါငါငါငါငါငါ...............................ငါငါငါငါငါငါ
..........ငါငါငါငါငါငါ................................ငါငါငါငါငါငါ
..........ငါငါငါငါငါငါ........ငါငါငါငါငါငါ.........ငါငါငါငါငါငါ
..........ငါငါငါငါငါငါ........ငါငါငါငါငါငါ.........ငါငါငါငါငါငါ
...............ငါငါငါငါငါငါငါငါငါငါငါငါ............ငါငါငါငါငါငါ
....................ငါငါငါငါငါငါငါငါ.................ငါငါငါငါငါငါ

ငါပြိုင်ပွဲ...(၁)

Jacqui ပေးတဲ့ သင်ခန်းစာ...

စာအသစ် မတင်ဖြစ်တာ တပတ်လောက် ရှိသွားပါပြီ။ ဒီကြားထဲ ကွန်ပျူတာက သူ့သခင်နဲ့အပြိုင် ချောင်းဆိုးရင်ကျပ် ဖြစ်တော်မူနေတာနဲ့ သူ့ကို ဆေးကုနေရတာနဲ့ အပျင်းရောဂါ နှစ်ခုပေါင်းပြီး ပြီးခဲ့တဲ့ တပတ်အတွင်း ဘာမှမရေးဖြစ်ခဲ့ပါဘူး။

ကွန်ပျူတာ ပြန်ကောင်းလာတော့ အီးမေးလ်တွေကို စစ်ကြည့်တော့ မတွေ့တာကြာပြီ ဖြစ်တဲ့ အကိုမင်းဇင်ဆီက Forward mail တစောင်ရောက်နေတယ်။ ပထမတော့ (Forward mail ဆိုတော့) ဘာရယ်မဟုတ် ဖွင့်ကြည့်လိုက်တာပါပဲ။ ဒါပေမယ့် မေးလ်ထဲမှာ ပါတဲ့ အကြောင်းအရာတွေကို ဖတ်ပြီးတဲ့အချိန်မှာတော့ ကရုဏာစိတ်၊ ကြောက်ရွံ့စိတ်တွေကို တပြိုင်တည်း ခံစားလိုက်ရတယ်။ စိတ်ထဲမှာလဲ အမည်ဖော်ပြမတတ်တဲ့ ၀မ်းနည်းမှုကြောင့် အဲဒီစာထဲမှာ ပါတဲ့ အကြောင်းအရာကို မှတ်မှတ်ရရသဘော ကျနော့် ဘလော့ဂ်မှာလဲ တင်ပြီး ကျနော့်မိတ်ဆွေများကို ဝေမျှချင်တာကြောင့် အခုပို့စ်ကို ရေးဖြစ်ပါတယ်။

အဖြစ်အပျက်က လွန်ခဲ့တဲ့ လေးနှစ်ကျော်က ဖြစ်ခဲ့တာမို့ အဲဒီအကြောင်းအရာကို သိပြီးသားဖြစ်နေတဲ့သူတွေလဲ ရှိမှာပါ။ ကျနော်ကတော့ အရင်က မသိခဲ့ပါဘူး။ ဒါကြောင့် ကျနော့်လိုပဲ မသိသေးတဲ့ မိတ်ဆွေတွေအတွက် သင်ခန်းစာ တခုခု ရနိုင်ကောင်းပါရဲ့ လို့ မျှော်လင့်ပါတယ်။

***



Jacqui Saburio ...တဲ့။ သူကလေးရဲ့ မွေးရပ်က ဗင်နီဇွဲလား နိုင်ငံကပါ။



ဒါကတော့ ၁၉၉၈ ခုနှစ်တုန်းက ဂျက်ကီနဲ့ သူ့အဖေရဲ့ပုံပါ။

ဂျက်ကီဟာ ၁၉၉၉ ခုနှစ်မှာ အမေရိကန်နိုင်ငံ၊ တက်က်ဆက် ပြည်နယ်ကို အင်ဂျင်နီယာ ပညာရပ်နဲ့ အင်္ဂလိပ်စာ သင်ကြားဖို့ ရောက်လာခဲ့ပါတယ်။ ရည်ရွယ်ချက်တွေ တလှေကြီးနဲ့ပေါ့... ... ...။

ဂျက်ကီက ကလေးတွေကို ချစ်လို့၊ ကလေး သုံးလေးယောက်လောက်လဲ မွေးချင်ပါသေးသတဲ့။ မိခင်စိတ်ထားလဲ ပိုင်ဆိုင်သူလေးပေါ့။ ဒါပေမယ့် ဂျက်ကီအတွက် မျှော်လင့်မထားတဲ့ ကံကြမ္မာဆိုးကြီး ကျရောက်ခဲ့တဲ့ နေ့ရဲ့ နောက်ပိုင်းမှာတော့... ... ...။



တချိန်က အလွန်တရာချောမောလှပဲတဲ့ ရုပ်ရည်ကို ပိုင်ဆိုင်ခဲ့သူလေးဟာ အခုလို ရုပ်ရည်ကို နောက်တချိန်မှာ ပြောင်းလဲ ပိုင်ဆိုင်ရလိမ့်မယ်လို့ ဘယ်တုန်းကမှ မျှော်လင့်ခဲ့မှာတော့ မဟုတ်ပါဘူး။ ဒါပေမယ့် အခု မြင်ရတာကတော့ အခုလက်ရှိ ဂျက်ကီ့ရဲ့ ရုပ်ရည်ပါပဲ။

ဂျက်ကီရဲ့ ချောမောတဲ့ ရုပ်ရည်ကိုရော သူ့ရဲ့ မျှော်မှန်းချက်အားလုံးကိုပါ ဖျက်ဆီးပစ်လိုက်တာကတော့ မူးယစ်ပြီး မဆင်မခြင် ကားမောင်းခဲ့တဲ့ အသက် ၁၇နှစ် အရွယ် ဆယ်ကျော်သက် လူငယ်လေး တယောက်ပါ။



သူ့ရဲ့ အမှားကို သူဘယ်တော့မှ ခွင့်လွှတ်နိုင်မှာ မဟုတ်ဘူးဆိုတဲ့ နှောင်းနောင်တတွေနဲ့ လူငယ်က အခုတော့ ထောင်ထဲမှာပေါ့။ ထောင်ဒဏ် ၇ နှစ်ဟာ သူ့ရဲ့ အမှားအတွက် နောင်တကောင်းရစေနိုင်လောက်ပေမယ့် ဆုံးရှုံးသွားတဲ့ ဂျက်ကီရဲ့ ဘ၀ကိုတော့ ပြန်မရနိုင်တော့ဘူးပေါ့။

***

အခုပို့စ်ဟာ စာလာဖတ်သူ မိတ်ဆွေတွေကို `မူးရင်မမောင်းကြနဲ့´ လို့ ပြောချင်တာထက် ကျနော့်ကိုယ်ကျနော်လဲ သတိပေးချင်တာ ပါပါတယ်။ ဘီယာလေး နည်းနည်းပါကွာ၊ ဘာဖြစ်မှာလဲ ဆိုတဲ့ အတွေးက ၀င်ဖူးတာကိုး။

အောက်မှာကတော့ ဂျက်ကီ့အကြောင်းကို စီစဉ်တင်ဆက်ခဲ့တဲ့ ရုပ်သံအစီအစဉ်လေး တခုပါ။



***

ဂျက်ကီတယောက် အရင်လို ဘ၀ကို ပြန်ရနိုင်ဖို့မလွယ်တော့ပေမယ့် နောက်ထပ် ဂျက်ကီ့လိုမျိုးတွေ ထပ်မဖြစ်စေဖို့အတွက်ပေါ့... ... ...။

ကလိုစေးထူး

ကျောင်းသင်ခန်းစာမှာ...

အင်္ဂလိပ်စာ တပိုဒ်ကို ဖတ်တဲ့တနေရာမှာ စကားလုံး တလုံးခြင်းစီကို ဖြည်းလေးစွာ ဖတ်ပြီဆိုပါစို့...။ အဲဒါဟာ ပိုလွယ်ကူစေမလား၊ ဒါမှမဟုတ် ပိုပြီး အခက်တွေ့မှာလား။ အောက်မှာရေးထားတဲ့ အတိုင်း စကားလုံး တလုံးစီကို ခွဲခြားပြီး ဖတ်ရရင်...

What -----really -----happen -----when -----we -----read? -----Some -----people -----think -----we read -----one -----word -----at -----a -----time. -----They ----- think -----we -----read ----- a word, -----understand -----it -----and -----then -----move -----on to -----the -----next -----word.

တကယ်တော့ အဲဒီလို စကားလုံးတွေကို တလုံးခြင်းစီ နားလည်အောင် လိုက်ဖတ်တာဟာ အင်္ဂလိပ်စာလေ့လာရာမှာ ပိုအခက်တွေ့ပါလိမ့်မယ်...တဲ့။ ဘာကြောင့်လဲဆိုရင် အဲဒီတလုံးခြင်းစီကို နားလည်အောင်လို့ အဘိဓာန်ကိုလှန်လိုက်၊ နောက်တလုံးကို ထပ်မှတ်လိုက် လုပ်နေရင်းနဲ့ပဲ စာကြောင်းရဲ့ အဆုံးကိုရောက်တဲ့အခါမှာတင်ပဲ စာကြောင်းအစကို ပြန်မေ့သွားပါလိမ့်မယ်။

ဒီတော့ ကျနော်တို့တွေ အင်္ဂလိပ်စာကို ခပ်မြန်မြန် (ကြိုးစားပြီး) ဖတ်လိုက်တာဟာ စာလုံးတလုံးစီရဲ့ အချင်းချင်း ဆက်စပ်မှုကို ပိုပြီးတော့ ပုံဖော်နိုင်ပါလိမ့်မယ်။

***

ပြီးခဲ့တဲ့ ခရစ်စမတ်ကာလမှာ ခေတ္တပိတ်ခဲ့တဲ့ ကျနော့်ကျောင်းက ဇန်န၀ါရီ ၂၀ မှာ ပြန်စခဲ့ပါတယ်။ ကျောင်းမပိတ်ခင်မှာ လုပ်ခဲ့တဲ့ Test result ကြောင့်လားတော့ မသိ၊ တလကျော်လောက်ပဲ တက်ရတဲ့ Level 5 ကနေ Level 6 မှာ တက်ခွင့်ရခဲ့ပါတယ်။ ဘာပဲဖြစ်ဖြစ် မောင်ကျည်ပွေ့ကျနော်ကတော့ တရွေ့ရွေ့နဲ့ အတက်ပေါက်နေဆဲပေါ့...။

Level 6 ဟာ ESL class ရဲ့ နောက်ဆုံးအဆင့် ဖြစ်ပြီးတော့ တချို့ကောလိပ်တွေကလဲ သူတို့ကျောင်းမှာ တက်နိုင်ကြောင်း လာခေါ်တာတွေ ရှိလာပါပြီ။ ပြီးတော့ အတန်းထဲမှာလဲ လူမျိုးတွေက ပိုစုံလာသလားလို့ ထင်ရတယ်။ အီရန်၊ ပေါ်တူဂီ၊ ဘရာဇီး၊ မွန်ဂိုလီးယား၊ လာအို၊ ထိုင်း၊ မက္ကဆီကို၊ ပီရူး၊ မြန်မာ စသဖြင့် စသဖြင့် စုံလို့စုံလို့။

ဘရာဇီးတွေက ပေါ်တူဂီစကားပြောတော့ ပေါ်တူဂီသားနဲ့ အဖွဲ့ကျလို့ရသလို စပိန်ဘာသာနဲ့လဲ နီးစပ်ပြန်တာကြောင့် မက္ကဆီကိုနဲ့ ပီရူးသားတွေနဲ့လဲ အဆင်ပြေလို့...။ အာရှသား လူလည် (မဟုတ်တဲ့) ကျနော်တို့ကတော့ ငေါင်တောင်တောင်လေးတွေပေါ့။

အခု အဆင့်မှာတော့ Grammar ပိုင်းနဲ့ Idea ပိုင်းကို ပိုပြီး ဖိဖိစီးစီး သင်လာတာကို သတိထားမိပါတယ်။ ဖတ်ခိုင်းလိုက်တဲ့ စာပိုဒ်တွေအတွက် မိမိရဲ့ ထင်မြင်ယူဆချက်ကိုပါ ကိုယ်ပိုင်ဉာဏ်နဲ့ ပြောလာရတာတွေ ရှိတယ်။ တပတ်မှာ သတင်းနှစ်ပုဒ်ဖတ်ပြီး အိမ်စာအဖြစ်နဲ့ အဲဒီ သတင်းရဲ့ အတိုချုပ်ရယ်၊ သတင်းအပေါ် ဘယ်လိုထင်သလဲ ဆိုတာကိုပါ ထည့်ရေးရပါတယ်။

တချို့စာပိုဒ်လေးတွေဆို ဗဟုသုတကို ရလို့... ...။

***

ချောကလက်ဟာ ကမ္ဘာပေါ်မှာ ပေါ်ပြူလာ အဖြစ်ဆုံး အချိုစာတွေထဲက တခုပါ။ သူ့ကို သကြားလုံးသဖွယ်၊ ဒါမှမဟုတ်လဲ ကိတ်မုန့်၊ မုန့်မျိုးစုံနဲ့ ပူတင်းတွေမှာ ထည့်သွင်း စားသုံးတတ်ကြပါတယ်။ ဒါပေမယ့် တချို့နေရာတွေမှာတော့ ချောကလက်ကို အချိုစာ မဟုတ်တဲ့ အစားအစာ တခုအနေနဲ့ စားတတ်ကြပါသတဲ့။ ဥပမာအားဖြင့် မက္ကဆီကန်တွေရဲ့ ကြက်သားဟင်း တမျိုးဟာ ချော့ကလက်အစပ်တမျိုးနဲ့ ချက်ထားတာ ဖြစ်ပါတယ်တဲ့။

စကော့လူမျိုးတွေဟာ ဂေါက်သီးအားကစားနည်းကို အလွန်တရာနှစ်သက်ပြီးတော့ စကော့တစ်အားကစားတခု အသွင် ကစားပါတယ်။ ဒါပေမယ့် အဲဒီကစားနည်းဟာ တကယ်တော့ စကော့တလန်က စတင်ကစားခဲ့တာ မဟုတ်ပါဘူး။ ၁၄ ရာစုနှစ်မှာ ဟော်လန်နိုင်ငံက စတင်ကစားခဲ့ပြီးတော့ အဲဒီနောက်ပိုင်းမှာမှ စကော့တလန်ပြည်မှာ လူကြိုက်များခဲ့တာပါတဲ့။

ဥရောပသားတွေဟာ မြောက်အမေရိကကို စတင်ရောက်ခဲ့တဲ့ အချိန်ဖြစ်တဲ့ ၁၆၂၀ တုန်းလောက်ဆိုရင် တောအုပ်တွေမှာ ၀က်ဝံတွေနဲ့ ပြည့်နှက်နေခဲ့ပါတယ်။ အနည်းဆုံး ၅သိန်းကျော်လောက်ရှိတဲ့ ၀က်ဝံတွေကို အဲဒီတောအုပ်တွေမှာ ဥရောပသားတွေဟာ အမဲလိုက် သတ်ဖြတ်ပစ်ခဲ့လိုက်တာ ၁၉၀၀ ပြည့်နှစ်ခန့်လောက်မှာတော့ တောအုပ်တွေထဲမှာ ၀က်ဝံကောင်ရေ အတော်ကြီးကို နည်းသွားခဲ့ပါတယ်။ ဒါတောင်မှ အခုလက်ရှိ ၀က်ဝံကောင်ရေဟာ ၂ သိန်းဝန်းကျင်လောက် ရှိနေပါသေးတယ်တဲ့။

***

အပေါ်က သုံးပိုဒ်ကတော့ သင်ခဲ့ရတဲ့ စာပိုဒ်တချို့ထဲက မှတ်သားလောက်စရာလေးတွေကို ကြိုးစားဘာသာပြန်ကြည့်တာပါပဲ။ အဲဒီလို စာပိုဒ်တချို့ကို အောက်မှာ အင်္ဂလိပ်လို မူရင်းရိုက်ပေးပါမယ်။ ကျနော့်မိတ်ဆွေများထဲက အင်္ဂလိပ်စာလေ့လာတာ ၀ါသနာပါလိုသူတွေအနေနဲ့ (a) (b) (c) (d) အနက်က အဖြေမှန် တခုကို ရွေးကြည့်နိုင်ပါတယ်။ ပျော်ပျော်ပါးပါးပေါ့။

1. In the past, many people in western Ireland and the Scottish Highlands spoke Gaelic as their first language. Now only a few people speak Gaelic, and they are mostly from the older generation. The younger pople
a. hardly understand any English.
b. don't like to speak with strangers.
c. often don't even understand Gaelic.
d. don't often speak with the older generation.

2. The tulip is a flower that originally grew in Turkey. In the 17th century it became very popular in Holland. Some Dutch merchants became very rich by importing tulips. They sold them to the
a. Dutch at very high prices.
b. Turkish at very high prices.
c. Turkish at very low prices.
d. Dutch at very low prices.

3. For many years, alligator skin was popular in the United States for making fashionable leather shoes and purses. From 1870 to 1965 at least ten million alligators were killed in the United States for leather. Then in 1967, the goverment made laws against hunting alligators. After that the alligator population began to grow again. Now there are
a. no more alligators in the United States.
b. fewer alligators than there were in 1967
c. more alligator skins for making shoes and purses.
d. nearly two million alligators in the United States.

***

သင်ခဲ့ရသမျှ အင်္ဂလိပ်စာထဲက တချို့ကို ပြန်လည် ဖောက်သည်ချခြင်းသက်သက်ပါပဲ။ ပညာသည်တွေအတွက် မဟုတ်ပါ၊ ကျနော့်လို မောင်ကျည်ပွေ့များနဲ့တကွ အင်္ဂလိပ်စာလေ့လာနေဆဲ ကျနော့်မိတ်ဆွေများအတွက် တခုခု ရသွားတယ်ဆိုရင် ကျေနပ်ပါပြီ။


ကလိုစေးထူး