Sunday, December 17, 2006

ခရစ်စမတ်နဲ့ အတူ...

နောက် တပတ်ဆိုရင် ခရစ်စမတ်နေ့ကို ရောက်ပါတော့မယ်။ မြန်မာပြည်မှာတုန်းက ဆိုရင် ဒီလိုနေ့ရက် အချိန်တွေမှာ ခရစ်စမတ်ဆုတောင်း သီချင်းတွေကို ခရစ်ယာန် သူငယ်ချင်းတွေနဲ့ အတူတူ လိုက်ဆို၊ ဂစ်တာတီးနဲ့ အရမ်းပျော်ဖို့ ကောင်းလှပါတယ်။ ဘာသာတရားရဲ့ စည်းခြားမှုဆိုတာ အဲဒီအချိန် တဒင်္ဂလေးမှာ ဘာမှမရှိပါဘူး။ ကျနော်တို့ သူငယ်ချင်းတွေ ပြုံးပြုံးရွှင်ရွှင် ပျော်ပျော်ပါးပါးနဲ့ ဟစ်ကြွေး သီဆိုခဲ့ကြတာကို သတိရမိတော့ ဒီသီချင်းကို ဖန်တီးမိပါတယ်။

တကယ်တော့ ဒီသီချင်းကို လွန်ခဲ့တဲ့ သုံးရက်လောက်ကတည်းက စာသားတွေက ရေးပြီးနေတာပါ။ သူများဂစ်တာကို ငှားတီးနေတော့ ပိုင်ရှင်က လာယူသွားတော့ မတင်ဖြစ်သေးတာပါ။ မနေ့ကမှ ဂစ်တာတလုံး သွားဝယ်ဖြစ်တော့ အခုမှပဲ သံစဉ်ရှာပြီး သီချင်းလား မမြောက်တမြောက် သီချင်းလေး အဖြစ် ဖန်တီးဖြစ်တာပါ။ အရင်က သီချင်းတွေကိုလဲ ကီးတွေကို ပြောသာပြောရတယ်။ မာစတာကီး မရှိပဲ မှန်းသမ်းပြီး ကြိုးညှိရတော့ တကယ်တမ်း သီချင်းကီးတွေ မမှန်ဖို့များပါတယ်။ အခု သီချင်းကတော့ မာစတာကီးနဲ့ ကြိုးညှိပြီး တီးထားတာပါ။

ဒီသီချင်းရေးတဲ့ အချိန်မှာ ကျနော့်စိတ်ထဲမှာ ကျနော်ဟာ ဘယ်ဘာသာဝင်ဆိုတာ လုံးဝ မေ့ထားပြီး ရေးခဲ့တာပါ။ ဘာကြောင့်လဲဆိုတော့ အဲဒီ စည်းတွေကို ခဏဖြစ်ဖြစ် ဖယ်ထားပြီး မိတ်ဆွေ သူငယ်ချင်းတွေ အားလုံးနဲ့ ပျော်ပျော်ရွှင်ရွှင် ဒီသီချင်းလေးကို သံပြိုင်ဆိုရရင် ဘယ်လောက်ကောင်းမလဲ ဆိုပြီး စိတ်ကူးယဉ်ပြီး ရေးမိတာမို့လို့ပါ။

သီချင်းနာမည်က ခရစ်စမတ်နဲ့အတူ.. တဲ့.။ ဒီနေရာ မှာ နားထောင်ပါခင်ဗျာ။ ဒေါင်းလော့ လုပ်လိုရင်တော့ ဒီမှာ ယူပါ။ ပျော်ပျော်ပါးပါး လိုက်ဆိုကြည့်ကြပါလားဗျာ။ အားလုံးကို ကျေးဇူးပါ။


ခရစ်စမတ်နဲ့အတူ..
Intro; G C G Am D G
G C G
ဆောင်းနှင်းဖွေးဖွေး အအေးဓာတ်နဲ့အတူ ခရစ်စမတ်ရောက်ခဲ့ပြီ
Am D G D
လာပါသူငယ်ချင်း တို့အတူ ဆုံကာရယ်
G C G
လောကသားတို့ အေးချမ်းဖို့အတွက် တောင်းဆုပြုလို့ကွယ်
Am D G D
ပျော်ရွှင်စွာနဲ့ သီချင်းတွေ ဆိုကြမယ်


ခါးသီးခြင်းနဲ့ မုန်းတီးခြင်းတွေ အားလုံး မေ့လို့ကွယ်
အကြင်နာဖလှယ်လို့ မေတ္တာ သွယ်ကာရယ်
အတိတ်နေ့ရက်က ၀မ်းနည်းမှုတွေ အားလုံးထားခဲ့ကွယ်
မင်္ဂလာဒီရက် ပြုံးပျော်ပါစို့ကွယ်

G C G Am
Hallelujah.. Hallelujah ညီညီညာညာ အားလုံးဟစ်ဆို
G C G C Em
Hallelujah.. Hallelujah ပျော်ပျော်ရွှင်ရွှင် ခရစ်စမတ်နေ့ရက်
Bm Em
များစွာတိုင်အောင်ကွယ်..
Am D
ဒီကမ္ဘာမြေ၀ယ် ကောင်းခြင်းရောက်လို့..

V2 Intro Cho V2 Fade Out

1 comment:

Maydarwii said...

သီချင်းနားထောင်ပြီးပါပြီ …
ဒီရာသီမှာ ဒီသီချင်းလေး နားထောင်ရတာ အရသာရှိပါတယ်။
တနေ့လုံး ကွန်နက်ရှင်မကောင်းလို့ ခုမှ ကွန်မန့်ရေးလိုက်ရတာ …
ဒါနဲ့ ..မြန်မာပြည်ပြန်ရောက်ရင် ဂျာနယ်မထုတ်နဲ့တော့ … သီချင်းခွေပဲထုတ်ပါလား … :P