Friday, February 08, 2008

နိုင်ငံခြား သွားမယ်ဆိုရင် …(၂)

လွန်ခဲ့တဲ့ တလကျော်က ဖြစ်ပါတယ်။

မြန်မာပြည်က မိတ်ဆွေ တယောက်ရဲ့ အစပျိုးပေးမှုကြောင့် ပြည်ပရောက် မြန်မာတွေရဲ့ အတွေ့အကြုံတွေကို ဝေမျှကြတဲ့ `နိုင်ငံခြားသွားမယ်ဆိုရင်´ ဆိုတဲ့ ပို့စ်လေးကို တင်ဖြစ်ခဲ့ပါတယ်။ မြန်မာပြည်က အဲဒီ မိတ်ဆွေလေးရဲ့ မေးခွန်း ၈ ခုကို ကျနော်နဲ့ လက်လှမ်းမီရာ ပြည်ပရောက် မိတ်ဆွေတွေကို လိုက်လံ ဖိတ်ကြားရင်းနဲ့ အဲဒီပို့စ်ကို ပုံဖော်ဖြစ်ခဲ့ပါတယ်။

ဒီနေ့တော့ ကျနော့်ဆီကို စာတစောင် ရောက်လာပါတယ်။ ကျနော့်ဘလော့ဂ်ကို လာဖတ်မိတဲ့ မမာလာ ဆိုတဲ့ ပြည်ပရောက် မြန်မာအမျိုးသမီး တဦးဆီကပါ။ မမာလာက `နိုင်ငံခြားသွားမယ် ဆိုရင်´ ပို့စ်ကို ဖတ်မိဟန် တူပြီးတော့ သူကလည်း သူ့အတွေ့အကြုံပေါ်မှာ အခြေခံတဲ့ အကြံပြုဆွေးနွေးချက်ကို ကျနော့်ဆီ ပေးပို့လာတာကြောင့် သူ့ရဲ့စာကို ပြန်လည် စာရိုက်ပြီးတော့ တင်ပြလိုက်ပါတယ်။ သူ့ရဲ့ အတွေ့အကြုံတွေဟာ သူရောက်ခဲ့ဖူးတဲ့ နေရာဒေသတွေမှာ နေထိုင်ခဲ့ဖူး၊ နေထိုင်နေဆဲ တခြားသော မြန်မာတွေနဲ့ ကွာခြားကောင်း ကွာခြားနိုင်တာ တချို့ ရှိနိုင်ပေမယ့် နိုင်ငံခြားထွက်လိုသူ ရွှေပြည်ကြီးက မြန်မာတွေအနက် တယောက်ယောက်က ဖတ်မိလို့ မှတ်သားစရာ အချက်အလက် အနည်းငယ်မျှ ရသွားရင်ပဲ အကျိုး တစုံတရာ ရှိလိမ့်မယ်လို့ ယူဆတာကြောင့် Scan ဖတ်ပြီး ပေးပို့လာတဲ့ လက်ရေးမူတွေကို ကျနော် စာပြန်ရိုက်ပြီး တင်ပြတာပါ။ အဲဒီ စာမူထဲက အာဘော်တွေ အားလုံးဟာ မမာလာရဲ့ အတွေ့အကြုံ အာဘော်များသာ ဖြစ်ကြောင်းပါ…။

တကယ်တော့ ဒီနေ့ တင်ဆက်မယ့် ပို့စ်ဟာ ကျနော့် ဘလော့ဂ်ရဲ့ ပို့စ်(၃၀၀)မြောက်ပါ။ ပထမတော့ ၃၀၀ပြည့်မှသည် ရှေ့ဆက်လို့ဘာတွေ ဘယ်လိုရေးမယ်၊ ဘယ်လိုရှေ့ဆက်မယ် ဘာညာ သာရကာလေးများ ရေးမလား စိတ်ကူးခဲ့ပါသေးတယ်။ ဒါပေမယ့် အခုလို တင်ဆက်လိုက်တာက ပို အကျိုးရှိမယ်လို့ ထင်မြင်ယူဆတာကြောင့်….။ ကဲ… မမာလာရဲ့ စာကို ဖတ်ကြည့်ကြပါစို့…။

ဦးကလိုစေးထူး…

အင်မတန် ရှည်လျားတဲ့ အဖြေစာရွက်မို့ ဖြတ်ညှပ်ပြီးမှ ထည့်ချင်လဲထည့်ပါ။ မထည့်ချင်လဲ နေပါ။ မေးခွန်းတွေ တွေ့လို့ ကျွန်မအတွေ့အကြုံနဲ့ လက်လှမ်းမှီသလောက် ဖြေရင်း မမျှော်လင့်ဘဲ ရှည်သွားတာပါ။ ကျွန်မရဲ့ ရည်ရွယ်ရင်းကတော့ နိုင်ငံခြားသွားမဲ့လူတွေ ကြိုသိစေချင်တာ၊ ကြိုပြင်ဆင် ထားစေချင်တာပါပဲ။

ကျွန်မ ဂျပန်မှာ (၇)နှစ်၊ အမေရိကားမှာ (၇)နှစ် ရှိပါပြီ။ ကနေဒါမှာ ၂ လနီးပါး နေဖူးပါတယ်။ Singapore ကို ၂ ခေါက် ရောက်ဖူးပါတယ်။ ဒီအတွေ့အကြုံတွေနဲ့ ကျွန်မ ရေးပြခဲ့တာပါ။

ဦးကလိုစေးထူးရဲ့ Blog ကို ဖတ်ဖြစ်တာ ၂ ပတ်လောက်ပဲ ရှိပါသေးတယ်။ ဗမာလို မဖတ်ရတာ ကြာတော့ ဖတ်ရင်း ဖတ်လို့ကောင်းတာရယ်၊ ဘာ font နဲ့ တင်လဲတော့ မသိဘူး၊ မြန်မာ font လုံးဝ မရှိတဲ့ Computer က Web ဖွင့်ရင် ဖတ်လို့ရတာရယ်မို့ မကြာခဏ ဖတ်ဖြစ်ပါတယ်။ အမှန်ကတော့ မြန်မာပြည်ရဲ့ သတင်းအမှန်တွေကို ဒီလို Blog တွေမှာ ရှာရင်း ဒီ Web ကို တွေ့ခဲ့တာပါ။

ဒီဆောင်းပါးလေးနဲ့ ပါဝင်ဆွေးနွေးခွင့်ရတာ ကျေးဇူးတင်ပါတယ်။

မြန်မာ Font က အိမ်က Computer မှာ ရှိပေမဲ့ Speed နှေးလို့ သိပ်လဲ မသုံးဖြစ်ပါဘူး။ အိမ်အလုပ် အရမ်းများတာလဲ ပါပါတယ်။ ရုံးက Computer က Admin Password နဲ့မှ Font ကို Install လုပ်ရတာမို့ ပေးမလုပ်ပါဘူး။ အိမ်မှာ High Speed internet တပ်ပြီးတဲ့အထိ၊ အိမ်အလုပ် ရှုပ်တာတွေ ရှင်းတဲ့အထိ စောင့်ရတာမို့ အခုလို Scan ပဲ ကူးပို့ရတာ တောင်းပန်ပါတယ်။

မာလာ


နိုင်ငံခြားသွားမယ် ဆိုရင်…

၁။ နိုင်ငံခြားသွားတဲ့ လူတိုင်းမှာ အဆင်ပြေဖို့ ရာခိုင်နှုန်းအား အကြမ်းဖျင်း အောင်မြင်ဖို့ ၅၀%နဲ့ ရှုံးဖို့ ၅၀%ပဲ ရှိပါတယ်။ ကိုယ်သွားမဲ့ အနေအထားပေါ် မူတည်ပြီး အောင်မြင်မှု ရာခိုင်နှုန်းက ပိုများလာမှာ ဖြစ်ပါတယ်။ ဥပမာ၊ မလေးရှား၊ အင်ဒိုနီးရှားကို အလုပ်သွားလုပ်ဖို့ ပွဲစားနဲ့ လုပ်တယ် ဆိုရင်တော့ ပွဲစားအပေါ် ယုံကြည်စိတ်ချရမှု အပေါ် မူတည်ပါတယ်။ တကယ်စစ်မှန်ပြီး အရောက်ပို့တဲ့ ပွဲစားပေမဲ့ အလုပ်ကရပြီး လခကို အပြည့်ရမရ စာတာတွေကလဲ ရှိနေပါသေးတယ်။ လိမ်ညာတဲ့ ပွဲစားဆိုရင်တော့ အဆင်ပြေဖို့ ရာခိုင်နှုန်းက နည်းပါတယ်။ လိမ်တဲ့ပွဲစားနဲ့ တွေ့ပြီး ဟိုရောက်မှ ကူညီနိုင်မဲ့သူ တွေ့ရင်တော့ အဆင်ပြေနိုင်ပါတယ်။

ဥပမာ ဂျပန်ကို အလုပ်သွားလုပ် Overstay နဲ့ ဆက်နေ ဆိုတာမျိုးကတော့ ပွဲစားနဲ့ လုပ်တာဆိုရင် လူကရောက်ပေမဲ့ အလုပ်ရဖို့၊ နေဖို့စားဖို့ နေရာရဖို့က အင်မတန် ခက်ခဲပါတယ်။ ၅၀% အောင်မြင်မှာပါ။ ကိုယ့်ရဲ့ ဆွေမျိုး အခံရှိရင်တော့ အောင်မြင်မှု ရာခိုင်နှုန်းက ပိုပြီး များပါတယ်။

ကျောင်းသွားတက်တဲ့ လူတွေကတော့ (ကိုယ့်ငွေနဲ့ Self-Supporting) နဲ့ ဆိုရင်တော့ နဂိုကမှ တတ်နိုင်တော့ ငွေကို ရေလိုဖြုန်းနိုင်ရင် မအောင်မြင်ဖို့ ပြဿနာ မရှိပါဘူး။ ဒါပေမဲ့ ကျောင်းက လက်ခံပါတယ်၊ Scholarship က ရောက်မှ လျှောက်ရမယ်၊ ဘာညာဆိုရင် လူခံမရှိရင် (နေဖို့စားဖို့လူ) ဒုက္ခ ရောက်နိုင်ပါတယ်။ အစကတည်းက ကျောင်းက လက်ခံ၊ ငွေ ထောက်ပံ့မှုကလဲ သေချာပြီဆိုရင်တော့ ပြဿနာမရှိနိုင်ပါဘူး။

Visit နဲ့ သွားပြီးမှ အလုပ်သွားမယ်ဆိုရင် (Singapore နိုင်ငံကလွဲလို့) တခြားနိုင်ငံမှာ Work Permit အလုပ်ရဖို့ ဆိုတာ အင်မတန် ရှားပါတယ်။ ဒါတောင် Singapore တောင်မှ Visit နဲ့ လာပြီး အလုပ်လျှောက်တာ ရသေးရဲ့လား သေသေချာချာ မသိပါ။ အမေရိကား၊ ဂျပန် (တိုးတက်သော နိုင်ငံ) တွေမှာ ဗမာပြည်က အလုပ် Experience နဲ့ Work Permit ရဖို့ မလွယ်ပါ။ အဲဒီနိုင်ငံမှာ ကျောင်းပြီးတာတောင်မှ တယောက်ယောက်က ပြောပေး၊ မိတ်ဆက် သွင်းပေးမဲ့လူ မရှိရင် အလုပ်ကောင်း ရဖို့ မလွယ်ပါ။

၂။ ကျောင်းအရင် သွားတက်ရင်း အလုပ်ရှာ ဆိုတာမျိုးကတော့ ကျောင်းတက်နိုင်ဖို့ အရင် ကြိုးစားရမှာ ဖြစ်ပါတယ်။ ကျောင်းတက်ရင်း အလုပ်ကို မိတ်ဆက် ပြောပေးမဲ့လူ၊ ခင်မင်တဲ့လူ သိလာတယ် ဆိုရင် အဆင်ပြေနိုင်ပါတယ်။ ကျွန်မ တွေ့ဖူးတာကတော့ ဂျပန်မှာဆိုရင် Language ကျောင်းတက်တဲ့ လူတွေက ကျောင်းတဖက်၊ ကိုယ် နေဖို့စားဖို့ တဖက် အလုပ်လုပ် (ကျောင်းသားမို့ Par time အလုပ်က ရလွယ်ပါတယ်) ဒါပေမယ့် ပင်ပန်းတဲ့ ဒဏ်မခံနိုင်တာရယ်၊ အိမ်ကို ပြန်မပို့နိုင်တာရယ်ကြောင့် ကျောင်းထွက်ပြီး Overstay အလုပ်လုပ်ရင်း နေကြတာ များပါတယ်။ University တွေကို ကျောင်းတက်ဖို့ လာတဲ့ လူတွေမှာတော့ Course မှာတော့ Professor တွေက အနှေးနဲ့အမြန် ငွေထောက်ပံ့မှုကို ရှာဖွေပေးတော့ နေ၊စားလောက်ရုံ ကျောင်းတက်လို့ လောက်ရုံ ရပါတယ်။ အိမ်ပြန်ပို့ဖို့ သိပ်မလွယ်ပါဘူး။ မြန်မာဆိုရင်တော့ Under Graduate ပဲဖြစ်ဖြစ်၊ Graduate ပဲဖြစ်ဖြစ်၊ Language ကျောင်းပဲ ဖြစ်ဖြစ်၊ Full time ကျောင်းတက်ရင်း မြန်မာလူမျိုးတွေကို ပေးတဲ့ ‘IMAI ZUMI’ Foundation Scholarship က နေဖို့စားဖို့ လောက်ရုံ (၂)နှစ် ရပါလိမ့်မယ်။ ဒါပေမဲ့ အဲဒီ အဖွဲ့အစည်းကို ဘာပြန် လုပ်ပေးရသလဲ ဆိုတာတော့ မသိပါ။

America မှာ Scholarship နဲ့ ကျောင်းတက်နိုင်ဖို့က အင်မတန် ရှားပါးပါတယ်။ တချို့ Scholarship က ပုံမှန် မဟုတ်ဘဲ တနှစ်မှာ Term (၁) စီလောက်ကို အလှည့်ကျ ပေးတာမျိုးလဲ ရှိပါတယ်။ ဂျပန်နိုင်ငံက ပေးတဲ့ အစိုးရ Scholarship ကတော့ ပေးတဲ့ နိုင်ငံထဲမှာ မြန်မာနိုင်ငံ မပါပါ။ Australia နိုင်ငံမှာလဲ ၁၉၉၅ နောက်ပိုင်းမှာ အစိုးရက ပေးတဲ့ Scholarship မြန်မာပြည်ကို ပိတ်လိုက်ပါတယ်။ မရနိုင်တော့ပါ။ ကျောင်းက Foundation က Scholarship ကိုသာ လျှောက်နိုင်ပါတယ်။ ကျွန်မ မြင်ဖူးခဲ့သမျှထဲမှာ ကျောင်းသူ တယောက် အမေရိကားကို Scholarship နဲ့ မြန်မာပြည်မှာ ၁၀ တန်းအောင်၊ GCE ဘာညာဖြေပြီး ရတော့ ရောက်လာပါတယ်။ ပ-နှစ်ကတော့ အဆင်ပြေပြီး ဒု-နှစ်မှာ Scholarship မရတော့ပါ။ ကျောင်းဆောင်မှာ နေရတာ ဖြစ်တော့ Part time အလုပ်၊ ဘာညာကလဲ ကားရှိမှ ဆိုတော့ အတော်ဒုက္ခရောက်နေတာ တွေ့ခဲ့ရပါတယ်။ ရန်ကုန်လဲ မပြန်ချင်၊ ဒီမှာပဲ ဆက်နေချင် ဆိုတော့ လူတော်တော်များများကတော့ ဒီက အမေရိကန် နိုင်ငံသား ယောက်ျားရှာယူလိုက်၊ ဆက်နေပြီး (၁-၂)နှစ်လောက် ကျောင်းနားပြီးမှ ပြန်တက် အကြံပေးကြတာ ကြားပါတယ်။ ဒါမှ မဟုတ်ရင် နိုင်ငံရေး ခိုလှုံခွင့် ‘Political Asylum’ အနေနဲ့ Immigration ကို တင်လိုက်၊ ဆက်နေ (၁-၂)နှစ် စောင့်ပြီး ကျောင်းပြန်တက်ဖို့ အကြံပေးကြနဲ့ Scholar က အစကတည်းက ရေရေရာရာ မရှိဘဲ ရောက်လာတော့ ဆုတ်လဲစူး၊ စားလဲရူး ဖြစ်နေတာကို အင်မတန်မှ သနားမိပါတယ်။ အမေရိကန် နိုင်ငံသား (မြန်မာပဲ ဖြစ်ဖြစ်) ယူရအောင်ကလဲ ဗြုန်းခနဲ ဘယ်သူ့ကို ရှာယူရပါ့မလဲ ဆိုတဲ့ ပြဿနာနဲ့ အဲဒီမှာ လူပွဲစား ခေါ်တဲ့ မြန်မာတချို့က ယောက်ျားရှာပေးမယ်။ ဒေါ်လာ ၃ သောင်း ဆိုတဲ့ ပတ်ဝန်းကျင်မှာ အသက် ၂၀ စွန်းစ အဲဒီ ကလေးမလေး ဘယ်လို စခန်းသွားတယ် ဆိုတာ မသိပါဘူး။

၃။ နိုင်ငံခြား သွားဖို့ မိဘတွေက အိမ်ယာ၊ ကား၊ လက်ဝတ်လက်စား ပေါင်ပြီး သားသမီးကို မပို့သင့်ပါဘူး။ ဥပမာ အိမ်ကို ချန်ထားပြီး ကား၊ လက်ဝတ်လက်စား ရောင်းရင်တော့ မအောင်မြင်လဲ နေစရာလေးတော့ ကျန်ခဲ့မှာပါ။ ဒါပေမဲ့ သွားရမှာက ဘယ်ပုံဘယ်နည်း သေချာ၊ မသေချာတာပေါ်လဲ အများကြီး မူတည်ပါတယ်။

ရန်ကုန်မှာ သင်္ဘောတက်တက်တာတောင် ပွဲခ အခု သိန်း(၂၀-၃၀) မက ဖြစ်နေပါပြီ။ အဲဒါ အမေလုပ်သူက သားကို အိမ်ပေါင်ပြီး သင်္ဘောတက်ရအောင် လိုက်လုပ်တော့ သင်္ဘောတက်ခွင့် ရပြီး တနှစ် ရပါတယ်။ ပြန်လာတော့ ပါတဲ့၊ ရတဲ့ငွေ တလဒေါ်လာ (၃၀၀-၅၀၀)က အိမ်ရွေးဖို့ မလောက်တဲ့ အပြင်၊ နောက်တခေါက် ထပ်တက်ဖို့ ၁၀-၁၅ သိန်း ထပ်ကုန်မှာမို့ သင်္ဘောသားဖြစ်တာပဲ အဖတ်တင်ပြီး အိမ်ဆုံးသွားတဲ့လူတွေ တွေ့ဖူးပါတယ်။ ဒါ ဥပမာ ပြောတာပါ။

၎။ နိုင်ငံခြားမှာ ကြုံရမဲ့ ဒုက္ခတွေကိုတော့ နောက်မှပဲ သီးသန့် ရေးပါမယ်။ နိုင်ငံခြား ထွက်တယ်ဆိုတာ အရည်အချင်း ရှိသူရဲ့ ထွက်ပေါက်ဆိုတာ Limit ရှိပါတယ်။ ဘယ်လို အရည်အချင်းလဲ ဆိုတာပါပဲ။

မြန်မာလူမျိုး ဆိုတာ မွေးကတည်းက အိမ်မှာ မိသားစု၊ သူငယ်ချင်းနဲ့ ဘ၀ဖော်အပေါင်းနဲ့ နေကြတာ များပါတယ်။ အထူးသဖြင့် မိန်းကလေးတွေပေါ့။ မြန်မာ ယဉ်ကျေးမှုကလဲ မိန်းကလေး အပျိုဆိုရင် အဖော်မပါဘဲ သွားရင် မတင့်တယ်ဘူး ဆိုပြီး အဖော်ပါမှ သွားတာ၊ လာတာမျိုးက နိုင်ငံခြားမှာ ဆန့်ကျင်ဘက် ဖြစ်ပါတယ်။ အဲဒီလူ အကျင့်ပါတဲ့လူဟာ ဗြုန်းခနဲ နိုင်ငံခြားမှာ တယောက်ထဲ ကိုယ့်ကိစ္စကိုယ်လုပ်၊ ကိုယ်မကျွမ်းကျင်တဲ့ ဘာသာနဲ့ ပြောဆို ဆက်ဆံ၊ မသိတဲ့ တစိမ်းနဲ့ မသိတဲ့ System ကို ၀င်လှုပ်ရှားရတော့ အံမ၀င် ဖြစ်ပါတယ်။ အဲဒါကို အကင်းပါးပါးနဲ့ လျှင်မြန်စွာ လေ့လာပြီး ကိုယ့်ကိုယ်ကို ပြုပြင်ဖို့ လိုပါတယ်။ Adaptation & Quick Learning ဆိုပါတော့။

နောက်တခုကတော့ ဘာပဲဖြစ်ဖြစ် ကိုယ့်ခြေပေါ် ကိုယ်ထောက်ပြီး နဖူးတွေ့၊ ဒူးတွေ့ လုပ်ကိုင်သွားလာ၊ ရှာဖွေပြီ ဆိုတော့ ကိစ္စတခုခု ပြဿနာဖြစ်လဲ စိတ်ဓာတ်မကျဖို့၊ စိတ်ဓာတ် ခိုင်မာဖို့ လိုပါတယ်။ (Strong Personality ပေါ့)။

နောက်၊ သူများကို အားမကိုးဖုိ့၊ သူများ အားကိုးတတ်တဲ့ လူတွေ နိုင်ငံခြားမှာ ဒုက္ခ ပိုရောက်ပါတယ်။ ဘယ်သူကမှ သူများကို ကြာရှည် အားကိုးလို့ မရနိုင်ပါဘူး။ အားကိုးမိရင် လူလိမ်၊ လူညာနဲ့ ချောက်တွန်းတာ ပိုပြီး ခံရဖွယ် ရှိပါတယ်။ မြန်မာ တော်တော်များများက အဆင်းဘီးတွန်းဖို့နဲ့၊ ချောက်တွန်းဖို့၊ သူများ ကောင်းစားမှာ မနာလိုတဲ့ စိတ်ရှိသူ ရာခိုင်နှုန်း ပိုများပါတယ်။ Independent ဖြစ်ဖို့ပေါ့။

နောက်တခုကတော့ ကိုယ်လုပ်ရင် အောင်မြင်ရမယ်လို့ သာမန် ယုံကြည်ထားဖို့ပါပဲ။ Self-Confident ပေါ့။ တခုခုကို သွားမယ်၊ လာမယ်၊ ၀ယ်မယ်၊ ခြမ်းမယ်၊ ကိုယ်ရဲရဲသာလုပ်၊ မှားလဲ ငွေနည်းနည်းပါးပါး ဆုံးတာကလွဲလို့ အကျိုး မယုတ်နိုင်ရင် ရဲရဲ လုပ်သင့်ပါတယ်။ ဂျပန်မှာ Self-Confident မရှိလို့ University မှာ Entrance မဖြေရဲ၊ မလုပ်ရဲ၊ မကိုင်ရဲနဲ့ ပြန်သွားရတဲ့ လူတွေ ကြုံခဲ့ရလို့ပါပဲ။

နောက်ဆုံး တချက်ကတော့ မြန်မာများ ပြောတာကို ချင့်ချိန်ပြီး ယုံကြည်ဖို့ပါပဲ။ ကျွန်မသိတဲ့ လင်မယား ၂ ယောက် အမေရိကား ရောက်တာ (၅)နှစ် ပြည့်ပြီ။ သတင်းစား မဖတ်၊ Internet မကြည့်ဘဲ သူများကို လျှောက်မေးပြီး သူများပြောတာပဲ ယုံပါတယ်။ အချီကြီး ထိတာကတော့ US Citizen လျှောက်လွှာကို တင်ဖို့ အရည်အချင်း မှီပါလျှက် မနာလိုတဲ့ လူတွေက မရဘူး ပြောလို့ မလျှောက်ပဲ အတော်ကြာ နေပါတယ်။ ကျွန်မနဲ့ တွေ့တော့ ရပါတယ် ပြောတာကို မယုံပါဘူး။ မနေနိုင်တဲ့ ကျွန်မက Free Consultant Lawyer ထပ်ရှာပြီး မေးပါ၊ ရပါတယ် ပြောမှ Lawyer ကို သွားမေးပြီးမှ ယုံပါတယ်။ အဲဒါက ကိစ္စ တခုထဲပါ။ ကျန်သော ကိစ္စအများကြီးမှာ လုပ်သင့်တာ မလုပ်ဘဲ မနာလိုသူက မရဘူး ပြောတာနဲ့ ထိုင်နေပြီး အမေရိကားမှာ အဆင်မပြေ ဖြစ်နေတာ တွေ့ရပါတယ်။

အချုပ်ကတော့ ရှိရမဲ့ အရည်အချင်းတွေက Good Adaptation and Quick Learning, Strong good Personality, not dependable, self confident and Judgment of Humor ဆိုတာပါပဲ။

၅။ မြန်မာတွေအတွက် နိုင်ငံခြားက အလုပ် အခွင့်အလမ်းကတော့ သူများနိုင်ငံသားထက် စာရင် မြန်မာတွေက ရာခိုင်နှုန်း နည်းပါတယ်။ အဓိကက ဘာသာစကားကြောင့်ပါပဲ။ ဘယ်နိုင်ငံသွားသွား စာရေးစာချီလို အလုပ်မျိုး ရဖို့ မလွယ်တာ အမှန်ပါပဲ။ နိုင်ငံခြား ဘွဲ့ရဖြစ်လဲ ကိုယ်က နိုင်ငံခြားသား ဖြစ်တဲ့အတွက် ဒေသခံလူတွေကို ဦးစားပေးတော့ နောက်ကျ ကျန်ရပါတယ်။ ကိုယ့်ဘွဲ့က သူများထက်သာ၊ (သို့) ကိုယ်က သူများထက် တော်မှ အလုပ်ကောင်းက တော်ခါ ကျပါတယ်။ ပြီးတော့ အလုပ်ကို မိတ်ဆက်ပေးနိုင်မဲ့ လူရှိရင်တော့ ပိုကောင်းပြီး ရဖို့ သေချာပါတယ်။ ဒီတော့ Language အားနည်းတဲ့ အတွက် အောက်ခြေသိမ်း အလုပ်တွေပဲ ရလွယ်ပါတယ်။ ပြီးတော့ မြန်မာပြည်က ဘွဲ့နဲ့ ဘွဲ့ရအလုပ်ကို နိုင်ငံခြားမှာ ရှာရင် Language မမှီတာနဲ့ပဲ မရတာ များပါတယ်။

၆။ ကျွန်မကတော့ နိုင်ငံခြားသွားတာ အနည်းနဲ့ အများ စွန့်စားတာဖြစ်တယ်၊ သက်သက်သာသာ မဟုတ်ဘူး၊ အခက်အခဲတွေ ရှိတယ် ဆိုတာကို အများကြီး ထောက်ခံပါတယ်။ ကိုယ့်နိုင်ငံ၊ ကိုယ့်လူမျိုးနဲ့ ဆက်ဆံရတာတောင် အင်မတန် အခက်အခဲ ရှိတဲ့ ကျွန်မ အတွက်ကတော့ သူများနိုင်ငံ၊ သူများလူမျိုးတွေနဲ့ ဆက်ဆံ လုပ်ကိုင်ရတာ လွယ်တာ မဟုတ်ဘူး ဆိုတာ ရှိပါတယ်။ ကြာလာရင်တော့ သူ့အကြောင်း ကိုယ်နားလည်၊ ကိုယ့်အကြောင်း သူနားလည်မှ ပြဿနာ နည်းပါတယ်။ ဒါတောင် ကိုယ်က ဘယ်လောက်အထိ နားလည်နိုင်တယ်ပေါ်မှာ ပြဿနာ အနည်းအများ ရှိပါတယ်။ မိန်းကလေးတွေ ယဉ်ကျေးမှု မတူတော့ အခက်အခဲ ရှိပါတယ်။

အဆိုးဆုံး ဥပမာပေးရရင် ၁၉၉၅ ကျွန်မ ဂျပန်ကို ရောက်ခါစ ကျောင်းတက်ဖို့ ကျောင်းဆောင်မှာ နေရပါတယ်။ အဲဒီမြို့က ကျောင်းဆောင်တွေက ရေချိုးခန်းကို Community Center မှာပဲ ရှိပါတယ်။ အဆောင်တိုင်း၊ အခန်းတိုင်းမှာ လုံးဝ မရှိပါဘူး။ Toilet ပဲ ရှိပါတယ်။ ရေချိုးခန်းကလဲ ၂မျိုး ရှိပါတယ်။ Shower room အခန်းနဲ့ OFURO အိုဖုရို လို့ ခေါ်တဲ့ ရေနွေးကန်ထဲမှာ ဆင်းချိုးရတဲ့ အခန်း ရှိပါတယ်။ လူ ၁၀၀ ကျော်နေတဲ့ အဆောင်ပေါင်း ၁၀-၁၅ ဆောင်က လူတွေက Shower ခန်း (၂)ခန်းပဲ ရှိတော့ တန်းစီစောင့်ရပါတယ်။ တခါ ရေချိုးဖို့ (၃)နာရီ အေးအေးချမ်းချမ်း ဆောင်းတွင်းမှာ သံမံတလင်းမှာ နေ့တိုင်း တန်းစီစောင့်ရတဲ့ ဒုက္ခကို စဉ်းစားကြည့်ပါ။ အဲဒီလို မစောင့်ချင်ရင် OFURO အခန်းထဲ လူအများကြီးထဲ ၀င်ချိုးရမှာပါ။ ဒါပေမယ့် သူတို့ရဲ့ တင်းကျပ်တဲ့ စည်းကမ်းက အဲဒီ OFURO ကို ၀င်မယ်ဆိုရင် တကိုယ်လုံး Nicked ချွတ်ပြီးမှ ၀င်ရပါမယ်။ လူ ရာပေါင်းများစွာ ရှေ့မှာ တကိုယ်လုံး ချွတ်ဝင်ရမဲ့ ကိစ္စကို ကျွန်မ ဂျပန်မှာ ၇-နှစ် နေခဲ့တာတောင်မှ မလုပ်ဖြစ်ခဲ့ပါဘူး။ ယဉ်ကျေးမှု မတူတာ ပြောတာပါ။

၇။ နိုင်ငံခြားမှာ နေထိုင် စားစရိတ်ကတော့ နိုင်ငံပေါ်နဲ့ ကိုယ်နေချင်တဲ့ ပုံစံပေါ် မူတည်ပြီး ကွဲပြားပါတယ်။ ကျွန်မ သိသလောက် ဂျပန်နဲ့ အမေရိကန် နိုင်ငံမှာ ရနိုင်တဲ့ ၀င်ငွေ ရေးပြပါမယ်။ စွဲမှတ်ထားရမှာကတော့ ဘယ်နိုင်ငံကြီးမှာ နေနေ ကိုယ်လုပ်ရတဲ့ လုပ်ခဟာ နေ၊ စားစရိတ်နဲ့ အနည်းဆုံး ကာမိတယ် ဆိုတာပါပဲ။ (မလေးရှား၊ အင်ဒိုနီးရှား အကြောင်းတော့ ကျွန်မ သိပ်မသိပါ)။

ဂျပန်မှာ သာမန် အောက်ခြေသိမ်း အလုပ်တွေက ယန်း ၇၀၀/ တနာရီ က စပါတယ်။ စက်ရုံလို ဟာမျိုးမှာဆိုရင် တနာရီ ယန်း ၁၂၀၀-၁၅၀၀ အထိ ရနိုင်ပါတယ်။ မြို့ကြီးပေါ်မှာ နေတာကတော့ တိုက်ခန်း တခန်းကို ယန်း သိန်းကျော် ပေးရပြီး အားလုံး စုနေ၊ စုပေးတာမို့ တလ ယန်း ၃ သောင်း-၅သောင်း ကုန်ပါတယ်။ စားတာက ချွေတာစားရင် တလ ယန်း ၂သောင်း-၃သောင်း ကုန်ပါတယ်။ ပျှမ်းမျှ ယန်း၁၀၀=တဒေါ်လာ နဲ့ တွက်ပါ။

ကျောင်းတက်ရင် ကျောင်းလခက နှစ်ဝက်ကို ယန်း ၃ သိန်းက ၆ သိန်းအထိ ယူတဲ့ Course အပေါ် မူတည်ပါတယ်။

အမေရိကန်မှာ နေရင်တော့ နေတဲ့ ပြည်နယ်အပေါ်မှာ မူတည်ပြီးတော့ လစာ နည်းနည်း ကွာပါတယ်။ ဥပမာ New York မှာ တနာရီ ၁၀ဒေါ်လာ ရတဲ့ အလုပ်ဟာ နယ်မြို့တွေမှာ ဒီနှုန်းပြန်ရဖို့ ခက်ပါတယ်။ New York ရဲ့ အလုပ်သမား ဌာနက သတ်မှတ်ထားတဲ့ အလုပ်သမားတွေရဲ့ အနိမ့်ဆုံး လစာက တနာရီကို 7.5$ ပြဋ္ဌာန်းပြီးတော့ တချို့ ပြည်နယ်တွေက အဲဒီထက် နိမ့်ပါတယ်။

မြန်မာ တော်တော်များများက အင်္ဂလိပ်စကား မတတ်ရင်တော့ Laundry အ၀တ်လျှော်ဆိုင်မှာ၊ စတိုးဆိုင်မှာ နောက်ဖက်က ပစ္စည်းဖြည့်တာ၊ ပစ္စည်းပို့တာတွေ လုပ်လို့ရပါတယ်။ အမျိုးသမီးတွေက နီးစပ်ရာ ကလေးထိန်းတာ တနာရီကို ၁၂ ဒေါ်လာအထိ ရပြီး ပျှမ်းမျှက တပတ်ကို ဒေါ်လာ (၂၅၀) လို့ ပြောပါတယ်။ ဒါတွေက အလုပ်လုပ်ခွင့် ပါမစ် ရှိရှိ မရှိရှိ လုပ်နိုင်တာမျိုးကို ပြောတာပါ။

New York မှာတော့ ကျောက်တန်းလို့ ခေါ်တဲ့ Jewelry ကုမ္ပဏီတွေမှာကတော့ အင်္ဂလိပ်စာ နည်းနည်း နားလည်တဲ့ လူဆိုရင်တော့ ရုံးအလုပ်လိုမျိုး (သို့) ကျောက်ရွေးတာမျိုးကို တပတ် ဒေါ်လာ ၃၀၀-၅၅၀ အထိ ပေးပါတယ်။ ဒီလို ကုမ္ပဏီတွေက သူဌေးတွေက သိပ်စည်းကမ်း မရှိဘဲ သူတို့စားပြီးသား ပန်းကန် ဆေးခိုင်းတာ၊ လက်ဖက်ရည် ကော်ဖီကို Microwave ထဲ သွားနွှေးခိုင်းတာ၊ စားပွဲကို ရှင်းခိုင်းတာ၊ ထမင်းပွဲ ပြင်ခိုင်းတာ၊ အမှိုက်ကြုံးတာ ခိုင်းပါတယ်။

အဲ… ကောင်းတဲ့ အလုပ် ဆိုတာကတော့ အင်္ဂလိပ်စာ နိုင်နိုင်နင်းနင်း ပြောနိုင်ပြီဆိုရင် စာတိုက်မှာဆို တနာရီ ၁၅-၁၆ ဒေါ်လာက စပါတယ်။ Daily Store မှာ Cashier ကတော့ ၁၀-၁၄ ဒေါ်လာ ရှိပါတယ်။ စားသောက်ဆိုင် Waitress အလုပ်က တလကို နှစ်ထောင် ဒေါ်လာဝင်တယ် ပြောပါတယ်။

သိပ်ကောင်းတဲ့ အလုပ်မဟုတ်ပေမယ့် ကုမ္ပဏီရုံးတွေမှာ Data outers လို ဘာလိုမျိုးကတော့ တနှစ် ၃ သောင်းလောက် ရကြပါတယ်။ အဲ… ဆရာဝန်၊ အင်ဂျင်နီယာ တွေက အမေရိကန် လိုင်စင်ရပြီးရင်တော့ တနှစ်ကို ဒေါ်လာ သိန်းနဲ့ချီ ၀င်ပါတယ်။

ဂျပန်မှာလဲ အလုပ်ကောင်းရင် (ဟိုမှာ ကျောင်းပြီးပြီး) တလကို ယန်း ၂-သိန်းခွဲက ၅-၆သိန်း အထိ ရပါတယ်။ ဂျပန်က အလုပ်တွေက အလုပ်ကနေ အိမ်ငှား၊ နေစရိတ် ထုတ်ပေးတာမို့ အမေရိကားထက် ၀င်ငွေ ပိုကောင်းပါတယ်။ ဒါပေမယ့် Language ကြောင့် လူနည်းစုပဲ လုပ်နိုင်ပါတယ်။

အမေရိကားမှာ နေစရိတ်ကတော့ New York မှာ Studio ဆိုတဲ့ အခန်းတောင်မှ တလ ထောင်နား ကပ်နေပါတယ်။ တချို့ မြန်မာတွေက အိမ်ဝယ်ပြီးတော့ အခန်းငှားစားတော့ ၁၀ပေ ပတ်လည် အခန်း တခန်းကို ဒေါ်လာ ၅၀၀-၆၀၀ ရှိပါတယ်။ စားစရိတ်က တလကို ဒေါ်လာ ၂၀၀-၃၀၀ နဲ့ ရထားစီးခ ဒေါ်လာ ၁၀၀ ၀န်းကျင်မှာ ရှိပါတယ်။ သိပ်ရေးရင် ရှည်မှာ စိုးတာနဲ့ ဒီလောက်နဲ့ တော်ပါရစေ။

၈။ နိုင်ငံခြား သွားမယ် ဆိုရင် အသေအချာ ပြင်ဆင်သင့်ပါတယ်။ ဥပမာ- ဂျပန်သွားမယ်ဆိုရင် ဂျပန်စကားကို လက်လှမ်းမီသလောက် သင်ထားပါ။ ဂျပန်လူမျိုး အကျင့်စရိုက်၊ လူနေမှု အခြေအနေ မေးမြန်း စုံစမ်းထားပါ။

တခြားနိုင်ငံတွေ သွားမယ်ဆိုရင် အဓိက အင်္ဂလိပ်စကားကို သင်ပါ။ ပြောနိုင်ဆိုနိုင်အောင် ကျင့်ပါ။ မြန်မာစကားဟာ မင်္ဂလာဒုံလေဆိပ်က ထွက်တာနဲ့ အသုံးမကျတော့ဘူး ဆိုတာကို စွဲနေအောင် မှတ်ထားဖို့ပါပဲ။ စီးပွားရေး လုပ်ဖို့ ထွက်မယ်ဆိုတာကတော့ ကျွန်မ သိပ်နားမလည်လို့ မရေးပြတော့ပါဘူး။

မေးခွန်းကို စေ့အောင် ဖြေပြီးပါပြီ။ အသေးစိတ် ထပ်မံ သိချင်တယ်ဆိုရင်တော့ mmyomyint@yahoo.com ကို Email ပို့ပါ။ ကျွန်မ Computer မှာ မြန်မာ Font မရှိတော့ အင်္ဂလိပ်လို ကြိုးစား ရိုက်စေချင်ပါတယ်။ ဒါမှ မဟုတ် မြန်မာလို စာရွက်မှာရေး၊ Scan ကူး၊ Attach လုပ် ပို့နိုင်ပါတယ်။ ကျွန်မလဲ ဖြေရင် ဒီလိုပဲ ဖြေမှာပါပဲ။

ဒီစာလေးက နိုင်ငံခြား သွားချင်သူတွေအတွက် အနည်းအကျဉ်းမျှ အထောက်အကူပြုမယ်ဆိုရင် ကျေနပ်ပါပြီ။


မာလာ။


အမှားပြင်ဆင်ချက်…

အထက်ပါပို့စ်ကို တင်ပြီး ၂ ရက်အကြာမှာ မမာလာရဲ့ စာတစောင် ထပ်ရောက်လာခဲ့ပါတယ်။ သူ ပထမ ပေးပို့လိုက်တဲ့ စာထဲက အချက်အလက်မှားတခုကို မသီတာရဲ့ ထောက်ပြချက်အရ ပြန်လည် တွေ့ရှိမိလို့ ပြန်ပြင်ပေးစေချင်တဲ့စာပါ။ မူရင်းအတိုင်းပဲ ကူးယူတင်ပြလိုက်ပါတယ်။ အလုပ်များနေလို့ တင်ပေးဖို့ တရက် နောက်ကျသွားတာ ခွင့်လွှတ်ပါ မမာလာရေ…။

ဦးကလိုစေးထူး

Blogger ထဲပါ ထည့်ထားတဲ့အတွက်၊ ကျွန်မရဲ့ သိတာလေးတွေ ဝေမျှခွင့် ရတဲ့ အတွက် ကျေးဇူးတင်ပါတယ်။ ဒီနေ့မှ ကျွန်မ ပြန်ကြည့်မိတော့ Thyda ရဲ့ Comment ထဲမှာ ဂျပန်ကို Scholarship မပေးတော့ဘူး ဆိုတာ မြင်ရတော့မှ ကျွန်မ ရေးထားတာကို ပြန်ကြည့်မိတော့မှ ကျွန်မ လောကြီးပြီး (အမေရိကန်) ဆိုလိုတဲ့ နေရာမှာ ဂျပန် လို့ ရေးထားတာတွေ့ရပါတယ်။ ကျွန်မ မူရင်းစာ Page 2 အပိုဒ် (၂) `ဂျပန် နိုင်ငံက ပေးတဲ့ အစိုးရ Scholarship ကတော့ ပေးတဲ့ နိုင်ငံအထဲမှာ မြန်မာနိုင်ငံ မပါပါ´ ဆိုတဲ့ စာကြောင်းပါ။ ကျွန်မရဲ့ ဆိုလိုရင်းက `ဂျပန်နိုင်ငံက ပေးတဲ့ Scholarship အတိုင်း ကောင်းတဲ့ ထောက်ပံ့မှုမျိုးကတော့ အမေရိကန် နိုင်ငံက ပေးပေမဲ့ ပေးတဲ့ နိုင်ငံထဲမှာ မြန်မာနိုင်ငံ မပါပါ´။ လောကြီးပြီး အပြည့်အစုံ မရေးဘဲ ထပ်စစ်ဆေးတော့မှ သာမန် လျှံဖတ်မိတဲ့ ကျွန်မရဲ့ အမှားပါ။

ကျေးဇူးပြုပြီး အဲဒီစာကြောင်းကို မူရင်းရဲ့ ဘေးမှာ ပြင်ဆင်ထားတဲ့ စာကြောင်းကို စာရေးသူ အမှား ပြင်ဆင်ချက် ဆိုတာနဲ့ ပြင်ပေးစေချင်ပါတယ်။ Thyda ပြောသလို Information အမှားကို သူများကို ပေးသလို ဖြစ်မှာမို့ ကျွန်မ အရမ်းစိုးရိမ်သွားပါတယ်။ ကျွန်မမှာ Information အမှားကို သူများကို ပေးဝေချင်တဲ့ စိတ်ဓာတ် လုံးဝမရှိဘဲ ကျွန်မရဲ့ အတွေ့အကြုံ ဗဟုသုတကိုသာ ရေးသားထားတာ ဖြစ်ပါတယ်။

ကျေးဇူးပြု၍ ကျွန်မရဲ့ အမှားကို ပြင်ဆင်ပေးစေလိုပါတယ်။

ကျေးဇူးတင်စွာဖြင့်

မာလာ

11 comments:

Anonymous said...

အတွေ့ ကြုံအများကြီးရထားတဲ့ မမာလာ တင်ပြထားတာ အရမ်းကိုကောင်းတဲ့ အကြံပြုချက်လေးပဲ..မမလာကိုကော ပို့ စ်တင်ပေးတဲ့ အစ်ကိုစေထူးကိုကော ကျေးဇူးတင်ပါတယ်ဗျာ...
နိုင်ငံခြားသွားလိုသော သူများ အဆင်ပြေကြပါစေလို့  ထပ်မံဆုတောင်းပါတယ် ...

thamudayanwe said...

မမာလာပြောတာတွေ အကုန်လုံးလက်ခံပါတယ်..
ဒါပေမဲ့ တခုလေးတော့ ထပ်ဖြည့်ချင်လို့ပါ.. ဂျပန်မှာ မမာလာနေတုန်းက ရေချိုးခန်းသုံးရတဲ့ကိစ္စ ဒါက နေရာတိုင်းမှာ မဟုတ်ဘူးထင်တယ်.. ကျနော် နေခဲ့တဲ့ အဆောင်က အခန်းတွင်းမှာ အကုန်ပါပါတယ်။ ကျနော့်သူငယ်ချင်းတချို့အဆောင်တွေက တော့ common ရေချိုးခန်းနဲ့ မီးဖိုခန်းတွေပါ ပါတယ်။ ဒါကလဲ ဂျပန်နိုင်ငံရဲ့ ကိုယ်ရွေးချယ်လိုက်တဲ့မြို နဲ့ဆိုင်မယ်ထင်ပါတယ်..။့
ဂျပန်မှာ ဘာသာစကား အခက်အခဲကြောင့် အလုပ်မရနိုင်တာမှန်ပေမဲ့ နိုင်ငံခြားနဲ့ ဆက်သွယ်တဲ့ ကျုမ္ပဏီတွေမှတော့ ရနိုင်ပါတယ်..တကယ်တော်ပီး တကယ် လုပ်ချင်ရင်ပေါ့.. မမာလာပြောတဲ့ လစာထက်ကို တော်တော်များများရပါတယ်..
ိ့ပီးတော့ ဂျပန်မှာ အလုပ်လုပ်တဲ့ လူတယောက်အနေနဲ့
ဂျပန်နိုင်ငံသားတွေရဲ့ စိတိဓာတ်ကို အထူး အထူး သတိထားဖို့တော့ လိုလိမ့်မယ်ထင်တယ်..။
ကျနော့်ရဲ့ မြန်မာပြည်မှာ သူတို့တွေနဲ့ ၄နှစ်ကြာတွဲပီး လုပ်ခဲ့တဲ့ အတွေ့အကြုံကြောင့်ပါ..။ အသေးစိတ်ကတော့ ရေးချင်စိတ်မရှိလို့ သူတို့ စိတိဓာတ်ကိုသာ သတိထားဖို့ ပြောကြားပါရစေ..။
ကောင်းသူတွေလဲ ရှိသလို... သလိုပါပဲ။
ကျနော်တို့ကတော့ ပညာရှင်တွေနဲ့ ဆက်ဆံပီး လုပ်ခဲ့ပေမဲ့.. ..ကိုယ်မထင်ထားတဲ့ အချိန်တွေမှာ လှပတဲ့ လှည့်ကွက်တွေ.. တွေ့လာနိုင်ပါတယ်..။
လက်ချောင်း အတိုအရှည်မညီ သလိုပေါ့ ...ကောင်းတဲ့လူတွေ လဲရှိကြပါတယ်။။ တခုလေးပါပဲ အလုပ်ခွင်မှာ ပြုံးပြနေတိုင်း မယုံဖို့ပါပဲ..။
ကျေးဇူးပါပဲ ဒီပို့စ်ရေးပေးတဲ့ ကိုစေးထူးရယ် ကိုယ်တွေ့ကို မျှဝေပေးတဲ့ မမာလာတို့ကို အထူးကျေးဇူးတင်ပါတယ်။

Weik Zar said...

Hey, Marlar
I used to go to ofuto (bathhouse)at least once a week even though my apartment had hot water.Sitting and lying in a bath filled with hot water(over 40 Degree Celsius)was very very relaxing for me.I lived in Japan for nearly 13 years.I only missed Ofuro and Osake(a Japanese alcoholic drink that is made from rice)not kawai onanoko(pretty Japanese girls).

တန်ခူး said...

အကျိုးရှိတဲ့postလေးပါကိုစေးထူးရေ။ post(၃၀၀)မှသည် postပေါင်း ထောင်သောင်းသန်းတိုင်ပါစေ။

nu-san said...

ကိုစေးထူးရဲ့ ပို့စ် ၃၀၀ မြောက်က အခုလို ပို့စ်မျိုး တင်ပေးတဲ့အတွက် အကျိုးရှိတာ အမှန်ပါပဲ။

လူတစ်ယောက်ချင်းစီရဲ့ ဖြတ်သန်းနေတဲ့ ကာလတွေ အပိုင်းအခြားတွေ ကျင်လည်နေတဲ့ ပတ်ဝန်းကျင်တွေ မတူတာမို့ ဝေမျှပေးတဲ့ မမာလာရော ဒီပို့စ်ကို တင်ပေးတဲ့ ကိုစေးထူးရော ကျေးဇူးပါပဲ။ လူငယ်တွေအတွက် ဘာမှ မသိရတာထက်စာရင် ပြည်ပအတွေ့အကြုံရှိတဲ့ သူတွေဆီက အတွေ့အကြုံမျိုးစုံကို ဖတ်မိထားတော့ အရာအားလုံး ချင့်ချိန်နိုင်တာပေါ့။ ဒီလိုပို့စ်လေးတွေ များများ တင်ဆက်နိုင်ပါစေလို့လည်း ဆန္ဒပြုလိုက်ပါတယ်...

Thyda said...

It is very good to know others experiences in foreign countries. Thanks a lot for your sharing.

I'd like to add a few comments as follow;

1)Ma Marlar mentioned that Japanese Government scholarship do(did?) not give to Myanmar (students). I have my different experiences that Japanese Government scholarship (eg. Monbusho scholarship) give to Myanmar student(s). One of my Myanmar friends still get that sholarship until next year (2009).

2) As thamudayanwe said, my dorm room when I was a student in Japan, was attached with bathtub. And our dorm also had common Japanese style big bathtub(ofuro). I think, it depends on which places you go for.

3) Regarding about giving wrong information to others, I think that our ppl sometime (or many times) do not take information from original sources. Many ppl take information from persons they know. I met many ppl like that and I always encourage them to take information directly from concern parties. Some data and information vary as times go by. For me, I think, the person who gave wrong information to others may want to help others with wrong ways instead of jealousy or whatever.

Anonymous said...

Very good post.
Thanks for sharing your experiences, ma Mar lar and ,and also, Ko Blogger.

Marlar said...

Thyda:
I have already informed to U Kalosayhtoo to correction that line. Actual meaning is "USA has government scholarship as good as Japanese Gov scholarship (Monbu kasho before the name was Monbusho)but Burma is not included to apply for". Thank for your point out so i can see my mistake.
For Ofuro, Yes I know another Universities has bath room attached dormitories. I only discussed in the cultural shock in my first experiences. I donot mean and I donot write other Universities donot have bath room attached rooms. And I saw Myanmar single young ladies can go into Ofuro and they like that. I mean in general female (not only female from other country including american but also other asian) got shock when they have experiences in the first time.

ကလိုစေးထူး said...

ဖြည့်စွက်ဆွေးနွေးကြတာဟာ ဒီပို့စ်ကို အားဖြည့်ပေးသလိုပါပဲခင်ဗျာ။ မသီတာရေ…၊ ကျနော့်ဆီကို မမာလာ ထပ်ပို့ထားတဲ့ အမှားပြင်ဆင်ချက် မေးလ် ရှိပါသေးတယ်ခင်ဗျ။ ကျနော် ဒီနေ့က ဆောင်းပါးတပုဒ်ကို အရင် ဦးစားပေးရေးလိုက်ရတော့ အချိန်မရလိုက်လို့ သူ့စာကို ပြန်မဖြည်ရိုက်လိုက်နိုင်ဘူး။ ကျနော် နောက်နေ့မှာ ဆက်ဆက် တင်ဖြစ်အောင် တင်ပါ့မယ်ခင်ဗျာ။ အားလုံးကိုလဲ ကျေးဇူးတင်ပါတယ်။

Thyda said...

Ma Marlar & Ko Say Htoo

I just come and check again this post today and found update information. Thanks a lot for your kind contribution to all readers.

Ma Marlar, I totally understand you. I intend to write about 'regarding about giving wrong information to others' to those ppl in your article , not to you. And I tried to add some information for ofuro matter. I understand you as I also got cultural shock. I am sorry for my English.

I have a lot of positive thinking about our ppl. I think, we have to write & discuss a lot of stuff which may be right or wrong. We need these kinda discussion through blog or whatever as we did not have chances in our country. I'd like all to talk more and more and then, we can find right direction for our younger generation's future.

Please write more whatever things would be. Then we can discuss each other without misunderstanding.

Have a wonderful day to you all!

Steve Evergreen said...

Hi, I just came across this post and comments.

Well I dont know about other countries. But after I have been here for nearly a decade, I can share the information about Britain.

According to my research, only 3 kinds of people are able to settle in the UK. They are clever people (in either way) , brilliant people and lucky people. If you have one or more of above facts,you can survive and settle here. Nobody cannot stop you.

Thanks.