Tuesday, January 30, 2007

မြန်မာ အက္ခရာ စဉ်ကြမယ်...

ဘာလိုလိုနဲ့ ကျနော်တယောက် ပို့စ်အသစ်မတင်ဖြစ်တာ လေးရက်လောက် ရှိသွားပါပြီ။ ကျနော့်ဆီကို လာလည်နေကြ သူငယ်ချင်းတွေလဲ စာအသစ်မဖတ်ရလို့ စိတ်ပျက်ကုန်ပြီလားတောင် မသိ။ ကဲ၊ သူငယ်ချင်း တယောက် စီဘောက်စ်မှာ ပြောတဲ့အတိုင်းပါပဲ။ ဟိုးရှေ့က ပန်းတိုင်ကို ဆက်သွားကြပါစို့။

ကျနော် ဒီနေ့ရေးချင်တာကတော့ မြန်မာအက္ခရာစဉ်တွေ အကြောင်းကိုပါ။ မြန်မာစာလုံး အက္ခရာတွေကို အရှေ့အနောက် အစီအစဉ်ကျအောင် ဘယ်လိုစီကြမလဲ၊ ဘယ်လိုစီကြသလဲ ဆိုတာ ကျနော်သိထားသမျှလေးကို ဝေမျှချင်ပါတယ်။ မှားယွင်းနေတာရှိရင်လဲ ကျနော့်ထက် ပိုသိသူများက ထောက်ပြပေးပါခင်ဗျာ။

အင်္ဂလိပ်စာ အက္ခရာစဉ်နည်းကိုတော့ ယနေ့ခေတ် လူငယ်တိုင်းလိုလို သိကြပြီးဖြစ်ပါလိမ့်မယ်။ အင်္ဂလိပ်စာ အဘိဓာန်ကို သုံးကြသူတိုင်း အင်္ဂလိပ်စာ အက္ခရာစဉ်နည်းကို သတိမပြုမိဘဲ နေမှာမဟုတ်ပါဘူး။ ဟုတ်ပြီ..။ မြန်မာစာလုံးတွေကိုရော အစဉ်လိုက် ဘယ်လိုစီကြမလဲ။ လေ့လာကြည့်ကြပါစို့။

မြန်မာစာမှာ အက္ခရာစဉ်ရာမှာ နည်းလမ်းလေးမျိုးကို အသုံးချပြီး အစဉ်လိုက်စီပါတယ်။ အဲဒီနည်းလမ်း လေးမျိုးကတော့-
(၁) ဗျည်းစဉ်
(၂) သရစဉ်
(၃) အသတ်စဉ်
(၄) ဗျည်းတွဲစဉ်ပါ။
အဲဒီ လေးမျိုးကို တခုခြင်း ဆက်လေ့လာကြမယ်။

(၁) ဗျည်းစဉ်
မြန်မာဗျည်း (၃၃)လုံးရှိတာကို အားလုံး သိပြီးဖြစ်မှာပါခင်ဗျာ။ အဲဒါကြောင့် မြန်မာအက္ခရာတွေကို အစဉ်လိုက်စီစဉ်မယ်ဆိုရင် အရင်ဆုံးစစဉ်းစားတာက ဘယ်ဗျည်းက အရင်စသလဲဆိုတာကို အရင်ဦးဆုံး စဉ်းစားပြီး စီပါတယ်။ ဥပမာအနေနဲ့ စဉ်ပြရရင် ခရေပန်း၊ ကချွတ်ကချော်၊ စခန်းသာ၊ ဂမုန်းပင် ဆိုတဲ့ မြန်မာအက္ခရာ လေးလုံးကို အစီစဉ်တကျ အစဉ်လိုက်ရေးမယ်ဆိုရင် ကချွတ်ကချော်၊ ခရေပန်း၊ ဂမုန်းပင်၊ စခန်းသာ လို့ ရေးရပါတယ်။

(၂) သရစဉ်
ဟုတ်ပြီ။ တကယ်လို့များ ရှေ့ဆုံးစာလုံးတွေက ဗျည်းတူနေတဲ့ အက္ခရာတွေကို ဆိုရင်ရော၊ ဘယ်လို ဆက်စီကြမှာပါလိ့မ်။ ဟုတ်ကဲ့..။ ရှေ့ဆုံးစာလုံးတွေမှာ ဗျည်းတူနေခဲ့ရင် အ၊အိ၊အု၊အေ အဲ၊အော၊အံ၊အို ဆိုတဲ့ မြန်မာသရ(၈)မျိုးနဲ့ ဆက်စဉ်းစားပါတယ်။ ဥပမာအနေနဲ့ကတော့ ခရမ်းသီး၊ ခဲတံ၊ ခိုဖြူ၊ ခုတုံးလုပ် ဆိုတဲ့ အစဗျည်းတူ အက္ခရာလေးလုံးကို အစီအစဉ်တကျ ပြန်ရေးမယ်ဆိုရင် ခရမ်းသီး၊ခုတုံးလုပ်၊ ခဲတံ၊ခိုဖြူ လို့ ပြန်စဉ်ရပါတယ်။

(၃) အသတ်စဉ်
အစဗျည်းလဲ တူနေတယ်။ သရနဲ့လဲ စဉ်လို့မရဖြစ်နေတဲ့ အက္ခရာကိုရော ဘယ်လိုစဉ်ကြမှာပါလိမ့်။ အဲဒီလို အက္ခရာတွေကိုတော့ အသတ်(-်) နဲ့စဉ်းစားရပါတယ်။ အဲဒီလိုစဉ်းစားရမှာလဲဆိုရင်တော့ ဘယ်ဗျည်းနဲ့ သတ်လဲဆိုတာကို ကြည့်ပြီး အစီအစဉ်တကျ စဉ်ရပါတယ်။ ဥပမာကြည့်ကြပါစို့။ စမ်းရေ၊ စပ်မိစပ်ရာ၊ စောင်ဖြူ၊ စစ်စခန်း၊ စက်ရှင် ဆိုတဲ့ အက္ခရာတွေကို အစီအစဉ်တကျ ပြန်ရေးရရင် စက်ရှင်၊ စောင်ဖြူ၊ စစ်စခန်း၊ စပ်မိစပ်ရာ၊ စမ်းရေ လို့ အသတ်တွေအလိုက် အစီအစဉ်တကျ ပြန်ရေးပါတယ်။

(၄) ဗျည်းတွဲစဉ်
အထက်ဖော်ပြပါ သုံးမျိုးကို အသုံးချပြီး စဉ်လို့မရတဲ့ မြန်မာအက္ခရာတွေက ရှိနေပြန်ပါသေးတယ်။ အဲဒီ အက္ခရာတွေကိုတော့ ဗျည်းတွဲစဉ်လို့ ခေါ်တဲ့ စဉ်နည်းနဲ့ စဉ်ပါတယ်။ အဲဒီဗျည်းတွဲတွေကို အစဉ်လိုက် ဖော်ပြရရင် ယပင့်(-ျ)၊ ရရစ်(ြ-)၊ ၀ဆွဲ(-ွ)၊ ဟထိုး(-ှ)၊ ယပင့်ဝဆွဲ(-ျွ) ၊ ရရစ်ဝဆွဲ(ြ-ွ)၊ ယပင့်ဟထိုး(-ျှ)၊ ရရစ်ဟထိုး(ြ-ှ)၊ ၀ဆွဲဟထိုး (-ွှ)၊ ယပင့်ဝဆွဲဟထိုး(-ျွှ)၊ ရရစ်ဝဆွဲဟထိုး(ြ-ွှ)၊ တို့ဖြစ်ပါတယ်။ နားရှုပ်နေပြီလား ခင်ဗျာ။ ရပါတယ်။ ခပ်လွယ်လွယ် မှတ်ကြပါစို့၊ ပင့်၊ရစ်၊ဆွဲ၊ထိုး ပင့်ဆွဲ၊ရစ်ဆွဲ ပင့်ထိုး၊ရစ်ထိုး၊ ဆွဲထိုး၊ ပင့်ဆွဲထိုး၊ရစ်ဆွဲထိုး၊ လို့ မှတ်ရင် ပိုလွယ်မယ်ထင်ပါတယ်။
ဥပမာ ပြောရရင်တော့ မြွေဟောက်၊ မြေကြီး၊ များပြား၊ မွစာကြဲ၊ မှာတမ်း၊ မြှားနတ်မောင်(တကယ်တော့ မြားနတ်မောင်က စာလုံးပေါင်းအမှန်ပါ၊ ဥပမာအနေနဲ့ သုံးတာပါ)၊ မျှော့ကောင်၊ မွှေးပျံ့ ဆိုတဲ့ အက္ခရာတွေကို အစီအစဉ်တကျ စဉ်ရရင် များပြား၊ မြေကြီး၊ မွစာကြဲ၊ မှာတမ်း၊ မြွေဟောက်၊ မျှော့ကောင်၊ မြှားနတ်မောင်၊ မွှေးပျံ့ လို့ စဉ်ရပါတယ်။

မြန်မာ အက္ခရာစဉ်နည်းတွေကို မှတ်မိသလောက်လေးတော့ ရှင်းပြပြီးပါပြီ။ ဒီလိုစဉ်နည်းတွေကို မြန်မာ-အင်္ဂလိပ် အဘိဓာန်၊ မြန်မာ-မြန်မာ အဘိဓာန်နဲ့ မြန်မာစာလုံးပေါင်း သတ်ပုံကျမ်းစာအုပ်တွေမှာ လေ့လာရင် တွေ့နိုင်ပါတယ်။ ဆယ်တန်းစာမေးပွဲအတွက် ခုံနံပါတ်တွေ ပေးတော့မယ်ဆိုရင်တော့ နာမည်တွေရဲ့ နောက်ဆုံးစာလုံးကို အက္ခရာစဉ်ပြီး ပေးလေ့ရှိတယ်လို့ သိရပါတယ်။

မြန်မာစာကို ချစ်မြတ်နိုးစိတ်သက်သက်နဲ့ သင်ယူခဲ့ဖူးတာလေးကို တင်ပြပေမယ့် လိုအပ်ချက်၊ မှားယွင်းချက် တစုံတရာ ရှိကောင်း ရှိနေအုံးမှာသေချာပါတယ်။ ကျနော့်ထက် ပိုမိုနားလည်သူ မိတ်ဆွေများက ၀င်ရောက်ဆွေးနွေးပေးရင်တော့ ပြီးပြည့်စုံတဲ့ မြန်မာအက္ခရာစဉ်နည်း စာတပုဒ် ဖြစ်လာမယ်လို့ ယုံကြည်ပါတယ်။ အားလုံး ကျေးဇူးပါ။

ကလိုစေးထူး

6 comments:

Maydarwii said...

ကျောင်းတုန်းက မြန်မာစာမှာ အဲဒါတွေ သင်ခဲ့ရဖူးတယ်။ “နာဖူးထပ်မံ” လို့ သဘောထားပြီး အစအဆုံး သေသေချာချာ ပြန်ဖတ်လိုက်ပါတယ်။ မြန်မာစာလုံးပေါင်း သတ်ပုံကျမ်းရဲ့ ရှေ့ဘက်စာမျက်နှာတွေမှာလည်း အက္ခရာစဉ်ဇယား ဆိုပြီး ဗျည်းစဉ် သရစဉ် အသတ်စဉ်တွေ တွေ့ရတယ်။
ကျမကတော့ အခုလောလောဆယ် မြန်မာစာသင်ပုန်းကြီးစာအုပ် ၀ယ်ပြီးတော့ကို ပြန်လေ့လာနေပါတယ်။ မြန်မာစာကို အခြေခံကျကျ လေ့လာလိုတဲ့အပြင် အောက်သက်ကျေအောင်လို့ပါ။

soe zeya said...

ကျွန်တော်ကို တော့ မြန်မာစာ ဖျက်တဲ့ကောင်လို့ ပြောမလားမသိဘူး ၊ တခါတရံမှာ စည်းကမ်း ဥဒေ သတ်မှတ်ထားတာ ကောင်းပေမယ့်၊ တစ်ခါတစ်ရံမှာ စည်းကမ်း ဥပဒေတွေက လိုအပ်တာ ထက်ပိုနေရင် ချွန်ပးတာနဲ့ မတူတော့ဘူး တုံးအောင်လုပ် နေတာနဲ့ တူတယ်လို့ ယူဆပါတယ်။
အစ်ကိုတင်ပြလို့ ဗဟုသုတတော့ရပါတယ်၊ ဒါပေမယ့် ကျွန်တော်ကတော့ အဆင်ပြေ သလိုနဲ့ အလျှင်းသင့် သလိုရေးရတာ ကြိုက်တယ်။ ကိုယ်ရေးတဲ့ စာက အဓိပ္ပယ် ပြောင်းမသွားဘူး ဆိုရင်ပေါ့လေ။

ကလိုစေးထူး said...

ကိုစိုးဇေယျပြောတာကို ကျနော်သဘောကျတယ်ဗျ... အခုတင်လိုက်တယ်ဆိုတာကလဲ မြန်မာစာအက္ခရာတွေကို အစီအစဉ်တကျ စီတဲ့အခါ ဒီလိုတွေ စီတယ်ဆိုတာကို သိမီသလောက်လေး ပြောပြယုံသက်သက်ပါ။ ကျနော်လဲ နေရာတကာတိုင်း စည်းကမ်းဥပဒေနဲ့ လိုက်ရေးနေရတာကြီးကို မကြိုက်ဘူး။ သတ်ပုံဆိုရင်လဲ တချို့သတ်ပုံတွေကို စာအုပ်ကြီးအတိုင်းမရေးဘူး။ ကိုစိုးဇေယျပြောသလိုပေါ့ စာရဲ့ အဓိပ္ပာယ်ကို သိသာစွာ ပြောင်းမသွားတာမျိုးလေးတွေပါ။

kzy1980 said...

ကောင်းပါ့ခင်ဗျာ...ခုလိုရေးတာ...
ကျနော်လဲ မြန်မာစာနဲ့ကျောင်းပြီးတာပါခင်ဗျာ..
ဒါတွေကို မြန်မာတိုင်း သိသင့်တယ်ထင်ပါတယ်...
နောက်ပြီး...မြန်မာစာမှာ...ရေးထုံးတွေရှိတယ်ဗျ...
အဲဒါလေးတွေကိုလည်း....တတ်သိနားလည်ထားရင်...
ကောင်းတာပေါ့ခင်ဗျာ...ကျနော်တို့ရဲ့ သဒ္ဒါကို ကျေညက်နေမယ် ဆိုရင် တခြားဘာသာစကားက သိပ်အခက်အခဲရှိတော့မယ်..မထင်ပါဘူး...

Anonymous said...

i just dont know what to said about this comment. I was of course finish education till 7th and being expeled from school. And what i am trying to said it, i dont think i learnt them during my elementary nor the high school..: Very sad to be burmese, cause i dont know much about burmese spelling. Is it normal for everyone like my age, or what about the new generation. Will they come across this type of lesson in school??

TZA said...

ဒီနေ့ဗျည်းသရနဲ့ပတ်သက်တာ ရှာရင်းနဲ့ဒါကိုဖတ်မိတယ်။ သိပ်ကောင်းတဲ့ပို့စ်လေးပါပဲ၊ ကျေးဇူးပါကိုကလို။