Thursday, March 20, 2008

မေတ္တာ အာဇာနည်…

`ကန်တော့ ဆွမ်းပါဘုရား´

ညှိုးနွမ်းဟန် မျက်နှာမသာမယာဖြင့် တိုးလျလျ လျှောက်ထားလာသော ဒကာမကြီးကို ကြည့်ရင်း သက်ပြင်းဖွဖွ ချမိ၏။ ထို့နောက်မှာတော့ စက္ခူအိဒြေ္နကို အသာချလျက် ဦးပဉ္ဖင်း နေမိန္ဒ ရဲ့ ခြေလှမ်းအစုံတို့က ဆွမ်းခံကြွရာ အိမ်ဆီမှ တဆင့် လမ်းပေါ်သို့ တလှမ်းခြင်း…။

***

အရှင်နေမိန္ဒ ဆွမ်းခံကြွလေ့ ရှိတဲ့ သုတလမ်းတလျှောက် က များသောအားဖြင့် လက်လုပ်လက်စား လူတန်းစားများ၊ အလယ်အလတ်တန်းစား များနဲ့ အလွန်နည်းပါးလှစွာသော လူချမ်းသာ တချို့တလေသာ ရှိတတ်သော လမ်းဖြစ်ပါသည်။

သုတလမ်း တလျှောက်မှာ လမ်းသွယ်လေးတွေက သုတ (၁)လမ်း၊ (၂)လမ်း၊ စသဖြင့် အမှတ်စဉ် (၈) အထိ ရှိ၏။ အရှင်နေမိန္ဒ သီတင်းသုံးရာ ငွေကြာယံပရိယတ္တိ စာသင်တိုက်ကနေ တဆင့် ဝေဇယန္တာလမ်းကို အတန်ငယ် ဖြတ်လျှောက်ပြီးရင်တော့ သုတလမ်းကို ရောက်နိုင်ပါသည်။ ဒီလမ်းထဲမှာပင် အရှင်နေမိန္ဒ ဆွမ်းခံကြွခဲ့သည်မှာ ငွေကြာယံကျောင်းကို ရောက်ခါစ ကိုရင်ဘ၀ကတည်းမှ ယခု ရဟန်းဝါ (၅) ၀ါရသည်အထိပင်…။

နယ်မြို့ တောရကျောင်းက ဆရာတော်က ဉာဏ်ရည် ထက်မြက်ဟန်ရှိသော သားတပည့် အရှင်နေမိန္ဒကို ငွေကြာရံဆရာတော်ကြီးဆီမှာ အပ်နှံပြီး ပရိယတ္တိ စာပေများကို သင်ကြားစေခဲ့သည်။ ဆရာတော်ကြီးများရဲ့ ဆုံးမသွန်သင်မှုကို နာခံလို့ ၂၂၇ သွယ်သော ရဟန်းကျင့်ဝတ်ကို အထူးရိုသေလေးစားသူ အရှင်နေမိန္ဒရဲ့ ရည်ရွယ်ချက်က ပရိယတ္တိစာပေများကို အပတ်တကုတ်သင်ယူပြီး သာသနာ ပြန့်ပွားအောင် ဆောင်ရွက်ဖို့…။

***

ဒီတော့ ဒီလမ်းကလေးမှာ အရှင်နေမိန္ဒ ဆွမ်းခံထွက်လာသည်မှာ နှစ်အတန်ကြာခဲ့ပါပြီ။

မြန်မာလူမျိုးတို့ရဲ့ အလှူဒါန ထက်သန်လှတဲ့ စိတ်စေတနာကြောင့် သံဃာတော်အဖို့ ဆွမ်းမရှားလှပါ။ နေ့ဆွမ်းအတွက် အရှင်နေမိန္ဒ ဆွမ်းခံထွက်လာပြီလား ဆိုရင် အိမ်ဆွမ်းကြွဖို့ ဖိတ်ထားသူ ဒကာ၊ ဒကာမတွေရဲ့ ဆွမ်းအပြင် `ရပ်တော်မူပါဦး ဘုရား´ လို့ လှူတတ်သူတွေရဲ့ သစ်သီးဆွမ်း၊ အချိုရည်ဆွမ်းများလဲ မနည်းလှပါ။

အခုတော့ …။

တကယ်တော့ ဒကာဒကာမတွေရဲ့ ဆွမ်းအလှူတွေ အရင်ကထက် ပိုနွမ်းပါးလာတာကို အရှင်နေမိန္ဒ သတိပြုမိနေခဲ့တာ အတန်ကြာခဲ့ပါပြီ။ ကျောင်းကို ပြန်ရောက်လို့ ဆွမ်းဟင်းခွက်တွေကို လှပ်ကြည့်လိုက်ရင် အရင့်အရင်ကတော့ အသားဟင်း သုံးလေးခွက် ပါလေ့ရှိပေမယ့် အခုနောက်ပိုင်းတွေမှာတော့ တချို့ဟင်းခွက်တွေက ကန်စွန်းရွက်ကြော်၊ တချို့ဟင်းခွက်က ပဲပြုတ်၊ တချို့ဟင်းခွက်မှာတော့ ဘူးသီးဟင်း၊ အတန်ငယ် ချောင်လည်ဟန် ရှိသူ ဆွမ်းဒကာရဲ့ ဆွမ်းခွက်မှာ အသားဟင်းပါရုံ မည်ကာမတ္တဟင်း တခွက်…။

`ရပ်တော်မူပါဦး ဘုရား´ လို့ တားပြီး လှူဒါန်းသူတွေတောင် နည်းပါးလာခဲ့တာ အတော်ကြာပါပကော…။

ဆွမ်းခံပြီးလို့ ကျောင်းကို ပြန်ရောက်ချိန် နေ့ဆွမ်းဘုန်းပေးချိန်တွေမှာ တခြားသော ကိုယ်တော်တွေရဲ့ ဆွမ်းခွက်တွေကို စောင်းငဲ့ကြည့်မိပြန်တော့လဲ ဒီနည်းနှင်နှင်…။

တကယ်တော့ သံဃာတော်တွေ ဆိုတာက ဒကာတွေ လှူသမျှနှင့် ရောင့်ရဲတင်းတိမ်စွာ ဘုဉ်းပေး သုံးဆောင်ရသည်မှာ မှန်သော်လည်း ဆွမ်းခံထွက်ချိန်ရောက်တိုင်း မြင်ရသည့် ညှိုးငယ် နွမ်းလျနေသော ဒကာဒကာမတွေရဲ့ မျက်နှာသွင်ပြင်ကို မြင်ယောင်မိပြန်တော့ အရှင်နေမိန္ဒ အဖို့ ဆွမ်းဘုဉ်းပေးရသည်မှာ မျိုမကျတော့…။

***

`အရှင်ဘုရား၊ ကားခလေး မစပါဘုရား´

ဆရာတော်ကြီး ခိုင်းလို့ မြို့ထဲက ကျောင်းတကျောင်းကို သွားရတော့ ကျပ်ညပ်နေသော (၃၆) ဟိုင်းလတ် လိုင်းကားငယ်ကို ဖြစ်သလိုပင် သင်္ကန်းတလွှားလွှားဖြင့် တွယ်စီးလာရသည်။ တချို့ကားတွေကတော့ သံဃာတော်တွေကို မြင်တာနဲ့ ကားခေါင်းခန်းမှာ နေရာပေးတတ်ပေမယ့် ဒီနောက်ပိုင်းမှာတော့ သင်္ကန်းတလွှားလွှားဖြင့် ကားတွယ်စီးနေရတဲ့ သံဃာတော်ဆိုတာ အထူးအဆန်းပင် မဟုတ်တော့ပြီ။ အခုလဲ ကားတွယ်စီးနေရလျက်ကပင် စပယ်ယာလေးရဲ့ ကားခ တောင်းသံကြောင့် ကားပေါ် မတက်မီကပင် လက်ထဲမှာ ကိုင်ထားသော နှစ်ရာတန်ကို လှမ်းပေးလိုက်၏။

`ဘယ်ကို ကြွမှာလဲဘုရား´

`ရွှေဂုံတိုင်ကို´

`နှစ်ရာ မရတော့ဘူးဘုရား၊ ဒါပေမယ့် တပည့်တော် လှူပါတယ်ဘုရား၊ နှစ်ရာပဲ ယူပါမယ်´

အလို…၊ ဒီလမ်းဒီခရီးကို ကားခ ဈေးတက်သွားတာ မြန်ဆန်လှပါလား။ တခြားခရီးသည်တွေရဲ့ အထွန့်တက်သံ၊ စပယ်ရာရဲ့ `ဆီဈေး´ `ဆီဈေး´ `ကားက ရေနဲ့ထည့်မောင်းလို့မရဘူးဗျ´ ဆိုတဲ့ အပြန်အလှန်ပြောဆိုသံ…။

***

တရားရှုမှတ်အပြီးမှာတော့ ည ဆယ်နာရီထိုးလုချေပြီ။ ညကာလက တိတ်ဆိတ် ငြိမ်သက်နေလွန်းလှ၏။ အင်း…၊ မကျိန်းခင် စာနည်းနည်းဖတ်မှ လို့ တွေးရင်း ဗီရိုထဲမှ စာအုပ်တအုပ်ကို ဆွဲယူပြီး ဖတ်ရှုနေခိုက်…

`ကိုယ်တော်၊ ကိုယ်တော်၊ ဦးနေမိန္ဒ´

လေသံခပ်အုပ်အုပ် ခေါ်သံကြားလို့ လှည့်ကြည့်လိုက်တော့ ရှင်သိရိနန္ဒရ…။

`တပည့်တော်တို့နဲ့ မနက်ကျရင် လိုက်မှာလား ဘုရား´

`ဘယ်ကိုတုန်း ကိုယ်တော်ရဲ့´

`ဒီလို…၊ ကိုယ်တော် … … … … …´

ဦးသိရိန္ဒရရဲ့ ပြောပြလျှောက်ထားသံကို နားထောင်ရင် အရှင်နေမိန္ဒ စိတ်တို့က ၀မ်းနည်းမှုတို့က လှိုက်ခနဲ လှိုက်ခနဲ ဖြစ်လာသည်။ ဒကာဒကာမတွေ ကျပ်တည်းနေတာ အစိုးရရဲ့ တလောကမှ မြင့်တင်လိုက်တဲ့ ဆီဈေးနှုန်းကြောင့်တဲ့…၊ ပခုက္ကူမှာ သံဃာတော်တွေကို ဓာတ်တိုင်မှာ ကြိုးချည်ပြီး ရိုက်နှက်သတဲ့…၊ စကားသံတွေနဲ့ အတူ ညှိုးနွမ်းနေသော ဆွမ်းအလှူရှင်တို့ရဲ့ မျက်နှာ၊ ကြီးမြင့်လှသော ကားခကြောင့် စိတ်ပျက်နေဟန် မျက်နှာတွေကိုပါ မြင်ယောင်လာ၏။

`ဒီတော့၊ ဒီလောက်တောင် ဒုက္ခသုက္ခတွေ ခံစားပြီး လှူနေရတဲ့ ဆွမ်းအလှူကို ကိုယ်တော်တို့ တပည့်တော်တို့က ဒီအတိုင်း မသိချင်ဟန်ဆောင် ဘုဉ်းပေးသလား ဘုရား´

`ဟင်´

တိမ်ဝင်သွားသော စကားသံအဆုံးမှာ အဖျားခတ်သွားသော အရှင်သိရိန္ဒရရဲ့ လေသံ…။ လက်ထဲမှာ ဖွင့်ထားလျက်သား ဖြစ်နေသော စာအုပ်ပေါ်သို့ ရှင်နေမိန္ဒရဲ့ မျက်စိအစုံက ရောက်သွားမိပြန်သည်။

ပတ္တနိက္ကုဇ္ဖန ကံဆောင်ရသည့် အချက်များ

(၁) ရဟန်းတော်တို့အား ပစ္စည်းလေးပါး မရစိမ့်သောငှာ လုံ့လပြုခြင်း။

(၂) ရဟန်းတော်တို့အား ဘေးအန္တရာယ် ဖြစ်စေရန်၊ မတိုးပွားရန် လုံ့လပြုခြင်း။

(၃) ရဟန်းတော်တို့အား ဤနေရာ၊ ထိုနေရာတို့၌ မနေရစိမ့်သောငှာ လုံ့လပြုခြင်း။

(၄) ရဟန်းတော်တို့ကို ဆဲရေးခြင်း ဆယ်ပါးတို့ဖြင့် ဆဲရေး ရေရွတ်ခြင်း။

(၅) ရဟန်း တပါးနှင့်တပါး စိတ်ဝမ်းကွဲပြားအောင် လုံ့လပြုခြင်း။

(၆) ဘုရားရှင်၏ ကျေးဇူးမဲ့ကို ကဲ့ရဲ့ ပြောဆိုခြင်း။

(၇) တရားတော်၏ ကျေးဇူးမဲ့ကို ကဲ့ရဲ့ ပြောဆိုခြင်း။

(၈) သံဃာတော်၏ ကျေးဇူးမဲ့ကို ကဲ့ရဲ့ ပြောဆိုခြင်း။

ငုံ့ထားသော ဦးခေါင်းအစုံကို မော့ကြည့်မိတော့ အရှင်သိရိန္ဒရ ရဲ့ တည်ငြိမ်အောင် ကြိုးစား ထိန်းချုပ်နေရသော မျက်ဝန်းအစုံဖြင့် ရင်ဆိုင်မိ၏။

***

`လူအချင်းချင်း နှိပ်စက်ခြင်း ကင်းရှင်းကြပါစေ´

`တိုမေတ္တာစွမ်း ကမ္ဘာလွှမ်း၊ အေးချမ်းကြပါစေ´

`လူအချင်းချင်း နှိပ်စက်ခြင်း ကင်းရှင်းကြပါစေ´

`တိုမေတ္တာစွမ်း ကမ္ဘာလွှမ်း၊ အေးချမ်းကြပါစေ´

တည်ငြိမ်သော ဟန်ပန်၊ တက်ကြွသော ခြေလှမ်းတို့နှင့် အတူ များပြားလှသော သံဃာထုကြီးရဲ့ ဆုတောင်း မေတ္တာပို့သသံတွေက လမ်းမထက်တွင် ပြန့်လွင့်နေသည်။

`ကြည်ညိုစရာ ကောင်းလိုက်တာ၊ ငါတို့ကို ဘုန်းဘုန်းတွေ ကယ်တော့မယ်´

ငိုသံပါကြီးဖြင့် အော်ဟစ်အားပေးပြီး ဦးချဝတ်ပြုသူတွေကလည်း မနည်းလှ…။ `ဟဲ့၊ ဘုန်းဘုန်းတွေကို ရေကပ်ပါဟဲ့´ အတန်ငယ် တတ်နိုင်ဟန်ရှိသော ဒကာမကြီး တယောက်က ရေသန့်ဘူးတွေကို သယ်လာပြီး တုန်ယင်သော လက်အစုံဖြင့် သူကိုယ်တိုင်လဲကပ်၊ ဘေးကလူတွေကိုလဲ ပြောရင်း လောဆော်နေ၏။

လှိုက်လှဲလှစွာသော လက်ခုပ်သံတွေနဲ့ အတူ သံဃာတော်တွေရဲ့ မေတ္တာပို့သံအတိုင်း လိုက်ဆိုကြသော ဒကာ၊ ဒကာမတွေရဲ့ အသံက လမ်းမတလျှောက် ဟိန်းလို့နေလေတော့သည်။

`လူအချင်းချင်း နှိပ်စက်ခြင်း ကင်းရှင်းကြပါစေ´

`တိုမေတ္တာစွမ်း ကမ္ဘာလွှမ်း၊ အေးချမ်းကြပါစေ´

ဘုရားရှင် ကိုယ်တော်မြတ်ကြီးသည်ပင် မေတ္တာဓာတ်ဖြင့် အောင်ခြင်းရှစ်ပါးကို ရယူခဲ့သည်။ ဒီတော့ ဘုရား သားတော် သံဃာတော်တွေအဖို့လဲ ဒုက္ခသုက္ခ အပေါင်း အတိပြီးသော ဒကာဒကာမတွေရဲ့ ပူဆွေးသောကတွေ ပြေပျောက်ဖို့ဆိုသည်မှာ မေတ္တာပို့ ဆုတောင်းခြင်းသည်သာ အထိရောက်ဆုံး လက်နက် မဟုတ်ပါလော…။

***

ညောင်းကိုက်နေသော ခြေအစုံက တောင့်တင်းပြီး ကြွက်သားတို့က နာကျင်နေသည်။ အင်းလေ…၊ မေတ္တာပို့ ကြွချီနေသည်မှာလဲ သုံးရက်တောင် ရှိခဲ့ပြီပဲ။ ဘယ်လိုပဲ ဖြစ်ဖြစ် အားတက်နေဟန် ဒကာဒကာမတွေရဲ့ မျက်နှာတွေကို မြင်ယောင်မိပြန်တော့ မောပန်းသမျှ ပြေရပြန်သည်။ မေတ္တာတရားရဲ့ တန်ခိုးတော်ကြောင့် ဒုက္ခသုက္ခအပေါင်းကနေ မြန်မာပြည်သူ ပြည်သားတွေအားလုံး လွတ်မြောက်နိုင်ကြပါစေ…။

ပင်ပန်းလာသော ခန္ဓာကိုယ်အစုံကို လဲလျောင်းကျိန်းစက်ရင်း အနားပေးလိုက်သည်။ မနက်ကျလျင်လဲ ဆုတောင်းမေတ္တာပို့ရဦးမည်လေ…။ ဒီလိုနဲ့ မှေးခနဲ အိပ်ပျော်သွားခိုက်…။

***

`၀ုန်း၊ ဒုန်း၊ ခလွမ်း´

ခပ်ကြမ်းကြမ်း တွန်းတိုက်ဖွင့်သံ တခုခုနှင့်အတူ အော်ဟစ်ညည်းညူသံ၊ ဆဲရေးတိုင်းထွာသံတွေက အမှောင်ထဲမှာ ၀ရုန်းသုန်းကားဖြင့် ထွက်ပေါ်လာသည်။ အလို၊ ဘာတွေပါလိမ့်…။ ထိတ်လန့်သော စိတ်ဖြင့် အလူးအလဲ ကြုံးထမိတော့ မျက်နှာပေါ်ကို ဓာတ်မီးရောင် တခုက ၀င်းခနဲ ရောက်လာ၏။ မီးရောင် ရောက်လာပြီး သိပ်မကြာလိုက် တစုံတယောက်ရဲ့ က ကန်ကျောက်လိုက်သဖြင့် မျက်လုံးထဲမှာ လျှပ်ပြက်သလို မီးပွင့်သွား၏။ အံ့သြခြင်း ကြီးစွာဖြင့် အလန့်တကြား မော့ကြည့်ဖို့ ကြိုးစားတော့…

`မော့မကြည့်နဲ့ကွ´

မာကျောသော အရာဝတ္ထုတခုခုနဲ့ အရှင်နေမိန္ဒရဲ့ ခန္ဓာပေါ်ကို တယောက်ယောက်ု ပြင်းစွာ ရိုက်နှက်ပြန်သည်။ အလိုလေး…၊ ရက်စက်လှပါတကား။ စိတ်အသိတရားတို့က ခန္ဓာကိုယ်ကနေ ကင်းလွတ်ချင်သလိုလို ဖြစ်လာသည်။ တစုံတခုကို ပြောဖို့ ကြိုးစားလိုက်မိပြန်သည်။

`မ…မလုပ်ကြပါနဲ့၊ ဒကာတို့၊ မရိုက်ကြပါနဲ့ ဒကာတို့၊ ဦးပဉ္ဖင်း… ဦးပဉ္ဖင်း…´

`ဘာ ဦးပဉ္ဖင်းလဲ၊ ဘာဘုန်းကြီးလဲကွ၊ ဘုန်းကြီးနဲ့ နိုင်ငံရေး ဘာဆိုင်လဲကွ´

`ဗုန်း´

`ခွပ်´

`ခွပ်´

နာကျင်လွန်းလှသော ဝေဒနာကြောင့် အရှင်နေမိန္ဒရဲ့ စိတ်နဲ့ ခန္ဓာကိုယ် ကင်းလွတ်လုလု ဖြစ်လာပြီ။ မျက်လုံးအစုံထဲမှာ အမှောင်ထုက ကြီးသထက်ကြီးလာပြီ။ ကင်းလုလု အသိတရားရဲ့ နောက်ဆုံး ထွက်သက်မှာပင် ဗုဒ္ဓဘုရားရှင်၏ ကျေးဇူးတော်ကို အောက်မေ့ရင်း အသိစိတ်ရဲ့ ရေရွတ်မှုက…

`လူအချင်းချင်း နှိပ်စက်ခြင်း ကင်းရှင်းကြပါစေ´

`တိုမေတ္တာစွမ်း ကမ္ဘာလွှမ်း၊ အေးချမ်းကြပါစေ´

***

ဆူညံပွက်လောရိုက်နေခဲ့သော ကျောင်းတော်ကြီးက တိတ်ဆိတ်သွားခဲ့ပါပြီ။ တရားသံတွေ ဝေစည်နေတဲ့ ၀တ္တကမြေပေါ်မှာတော့ ဘုရားသားတော်တွေရဲ့ သွေးကွက်တွေက နီနီစွေး…လို့။

အပြင်းမောင်းထွက်သွားသော စစ်ကားတစီးပေါ်မှာတော့ အသိမဲ့သော ခန္ဓာတစုံက နောက်ဆုံး ထွက်သက်အထိ မေတ္တာပို့ရင်း ငြိမ်သက်စွာ ပါရှိသွားလေတော့သည်။


ကလိုစေးထူး



(ရွှေဝါရောင် တော်လှန်ရေး ခြောက်လပြည့်မှာ အုပ်ချုပ်သူ အာဏာပိုင်တွေရဲ့ အတင်းအဓမ္မ၀င်ရောက် စီးနင်းခံခဲ့ရတဲ့ ငွေကြာယံ ပရိယတ္တိ စာသင်တိုက်ရဲ့ အဖြစ်သနစ်ကို စိတ်ကူးပုံဖော် ရေးဖွဲ့အပ်ပါတယ်။ လိုအပ်ချက်များ ရှိနေပါက ကျနော့်ရဲ့ လစ်ဟာမှုသာဖြစ်ပါတယ်။)

8 comments:

Anonymous said...

ကိုကို..အရမ်းကောင်းတယ် ပြန်ပြောင်းသတိရသလို အဲဒီအန်တီကြီး မျက်ရည်ကျရင်း ငိုနေတဲ့ပုံက
အရမ်းကို ဆို့နစ်ကြေကွဲစွာ ခံစားရပါတယ်။

ဖြူ

Anonymous said...

၆ လပြည့်ကို ပြန်ပြီးခံစားသွားတယ် အစ်ကိုရေ့ ။ ရွှေဝါရောင်ကတော့ တစ်သက်လုံးစိတ်ထဲမှာစွဲနေမှာပါပဲ။.
အရမ်းကိုကြေကွဲဖွယ်ကောင်းတဲ့ဖြစ်ရပ်ပါပဲ။

မြန်မာပြည်ကိုလွမ်းတယ် said...

အကိုစေးထူးရေ..ကြားရခါစကလည်းရင်ထဲမှာ
နာကျင်ကြေကွဲခဲ့ရတယ်၊စဉ်းစားမိတိုင်းလည်း
နာကျည်းတယ်။ခုလိုအကိုစေးထူးရေးတာဖတ်လိုက်
ရတော့စိတ်ထဲမှာတမျိုးကြီးပဲ။ဒီအဖြစ်ကြီးကိုဘယ်
တော့မှမေ့နိုင်မှာမဟုတ်ဘူးအကို။

Mr.Pooh @ မောင်ပွတ် said...

ခြောက်လကြာခဲ့ပေမယ့် ဒီပုံရိပ်တွေ၊ ဒီသီချင်းတွေက ပြန်ကြည့်တိုင်း ရင်ထဲမကောင်းဘူးဗျာ။ မလုပ်သင့်တာတွေကို တကယ်ပဲ လုပ်ခဲ့ကြပြီပဲ။

pandora said...

ကိုစေးထူးရဲ့ ရေးဖွဲ့မှုကြောင့် မျက်စိထဲမြင်ယောင်ပြီး မနေ့တနေ့ကလို ပြန်ခံစားရပါတယ်။

ညီအကိုများ said...

အလုပ်မလုပ်နိုင်တဲ့..အရမ်းဝမ်းနည်းခဲ့ရတဲ့ နေ့ ကို ပြန်ရောက်သွားတယ်အကိုရေ...
သူငယ်ချင်းက Gtalk ကနေပြောတယ်..ပစ်ကုန်ပြီတဲ့လေ..ကြေကွဲစွာနဲ့ဖုန်းတွေခေါ်ရတဲ့နေ့ပေါ့....

ကိုနေ(YNP)
www.ynp-net.info

Nge said...

Your article is very good. I also read it in Mizzima news and made a comment. Here also I made a comment yesterday but I don't know why it didn't get in.Thank you very much for your creative literature from fact.

Anonymous said...

ရေးထားတာကောင်းတယ်ဗျာ။အပြင်မှာဒိ့ထက်ဆိုးမှာသေချာပါတယ်။
အကို့ဘလောက်ကိုအမြဲအားပေးလျက်ပါ။