Monday, August 11, 2008

ဘာလုပ်ဖို့...။

အိမ်ရှေ့မှ တဖျတ်ဖျတ်နှင့် လမ်းလျှောက်သံ၊ အချင်းချင်း စကားပြောသံများက အိပ်ပျော်နေသော လှနိုင်ကို လှုပ်နှိုးပစ်လိုက်၏။ နာရီကြည့်စရာ မလိုပါဘဲနှင့် လှနိုင်၏ အသိအာရုံက အိပ်ယာမှ ထချိန်ရောက်ပြီ ဖြစ်ကြောင်း အချက်ပေးလိုက်သည်။

`တို့ဟူးသည်တွေတောင် ဈေးထွက်ပြီပဲ´

အိပ်မှုံစုံမွှားဖြစ်ချင်နေသေးသော စိတ်ကို ချိုးနှိမ်ရင်း နောက်ဖေးစဥ့်အိုးထဲမှ ရေတဖလားခပ်ပြီး မျက်နှာကို ခပ်သွက်သွက်သစ်လိုက်သည်။ ပြီးနောက်…၊ ရေအနည်းငယ်ကို လက်ဖ၀ါးထဲထည့်ပြီး နောက်ဇက်ပိုးကို တဖျောင်းဖျောင်း ရိုက်လိုက်တော့ စောစောက အိပ်ချင်နေတဲ့ စိတ်တွေ လုံးဝမရှိတော့ပြီ…။

အိမ်တံစက်မြိတ်အောက်မှာ ရပ်ထားတဲ့ ဆိုက်ကားကို တွန်းထွက်လိုက်တော့ နံနက်ခင်းလေ လတ်လတ်ဆတ်ဆတ်က တနေ့တာ ရုန်းကန်ရတော့မည့် လှနိုင်ကို အားအင်တွေ ဖြည့်တင်းပေးလိုက်လေ၏။

***

`ဟဲ့…၊ ဟဲ့…၊ ဖြည်းဖြည်း၊ ဖြည်းဖြည်း၊ ငါ့တို့ဟူးဗန်းလဲ ပြုတ်ကျကုန်ဦးမယ်´
`အင်းပါ ဒေါ်ကြီးတင်ရ´

အခုလို မနက်စောစောပိုင်းတွေမှာတော့ လှနိုင်တို့ လမ်းထဲက တို့ဟူး ကျိုရောင်းသူတွေကို နန္ဒ၀န်ဈေးထဲကို လိုက်ပို့ပေးရတတ်သည်။ တခါတလေလဲ လှနိုင်ရဲ့ ဆိုက်ကားက မနက်ခင်းစောစောစီးစီးမှာ ကန်ဇွန်းရွက်စည်းတွေ အပုံအပင် ပြည့်သိပ်လို့ တအိအိနှင့်ပေါ့…။

***

နေရောင် နည်းနည်းပွင့်လို့ မနက်ခြောက်နာရီကျော်ကျော် ဆိုရင်တော့ လပေးနှင့် ကျောင်းပို့ကျောင်းကြို ရသော ကလေးတွေကို တင်လို့ ကျောင်းချိန် အမှီ ဆိုက်ကားနင်းရ၏။

`သမီးလေး၊ ဒီနေ့ ကျောင်းမှာရွတ်ပြရမယ့် ကဗျာ ကျက်လာပြီးပြီလား´
`ဟုတ်ကဲ့မေမေ´

ကလေးအမေဖြစ်သူက မူလတန်းကျောင်းသူ သူ့သမီးငယ်ကို မေးနေသော အသံကို ဆိုက်ကားနင်းနေရင်းမှ လှနိုင်တယောက် အတိုင်းသား ကြားနေရသည်။

`မေမေ့ကို ရွတ်ပြပါဦး´
`မမ၀၀ ထထက၊ အက ပထမ၊ ကပါ ကပါ မမရာ၊ ညည လသာသာ၊ ညအခါ ငါစာရ၊ မမ၀၀ ထထက´
`သမီးလေးက အရမ်းတော်တာပဲ၊ နောက်တပုဒ်ကရော´
`မနီကလေး ဘယ်ကလာ၊ အိမ်ကထွက်လို့လာ၊ မနီကလေး ဘယ်ကိုသွား စာသင်ကျောင်းကိုသွား၊ စာသင်ကျောင်းက ဘာတွေသင်၊ စာရေးစာဖတ်သင်၊ စာရေးစာဖတ် ဘာလုပ်ဖို့၊ မနီလိမ္မာဖို့´
`တော်လိုက်တဲ့ သမီးလေး´

ကလေးမလေးရဲ့ ကဗျာရွတ်သံနှင့်အတူ ကလေးအမေရဲ့ ပီတိရွှမ်းသော ချီးမွမ်းသံက လှနိုင် နင်းနေသော ဆိုက်ကားပေါ်တွင် ကြည်နူးစရာကောင်းလှစွာ လွင့်ပျံ့နေလေတော့သည်။ ကဗျာရွတ်ပြီးတော့ ကလေးမလေးက မုန့်စားရင်း အသာငြိမ်သွားသည်။ ခဏကြာတော့ အမေဖြစ်သူကပင် ဆက်၍…

`သမီးလေး၊ ကျောင်းကိုရောက်ရင် ဆရာမသင်တာကို သေသေချာချာ နားထောင်နော်´
`ဟုတ်ကဲ့ မေမေ´
`သမီးလေး စာကြိုးစားရမယ်နော်၊ စာကြိုးစားမှ ပညာတတ်ကြီး ဖြစ်မှာ သမီးရဲ့´
`ဟုတ်´
`ပညာတတ်တဲ့ အခါကျတော့ သူများတွေထက် မျက်နှာမငယ်ရဘူးပေါ့ သမီးရယ်´

ကလေးအမေက သူ့သမီးကို ပြောရင်းဖြင့် ဆိုက်ကားနင်းနေသော လှနိုင်ဆီကို မျက်လုံးတချက် ဝေ့အကြည့် လှနိုင်ကလဲ နောက်ကလာသော ကားရှင်းမရှင်းကို လှည့်ကြည့်ခိုက်နှင့် အကြည့်တချက်ဆုံသွားသည်။ လှနိုင် ခပ်မြန်မြန်ပင် အရှေ့ကို မျက်နှာပြန်မူလိုက်၏။

***

`ဆိုက်ကား… အားလားဟေ့´
`ဟုတ်ကဲ့ အားပါတယ် အကို၊ ဘယ်သွားချင်လို့လဲ ခင်ဗျ´
`ဇာဂ (၄) လမ်းကို´
`ဘယ်လောက်ပေးရမလဲ´
`တယောက် ၂၀၀ ပါ အကို´
`များတာပေါ့ကွ၊ ၁၅၀ ပဲယူကွာ´

ဖောင်းကားနေသော သားရေအိတ်ကို ကိုင်ထားတဲ့လူရဲ့ ဈေးဆစ်မှုကို ဘာမှပြန်ပြောမနေတော့ဘဲ ခေါင်းကို ခပ်သွက်သွက် ငြိမ့်ပြလိုက်ပြီး ဆိုက်ကားပေါ် တက်စေလိုက်သည်။ တော်ကြာ တခြားဆိုက်ကားကိုပဲ သွားစီးနေမှဖြင့် ပါစင်ဂျာ လွတ်သွားဦးမည်…၊ သိပ်ပြီး တင်းခံနေလို့ မဖြစ်…။

`ညကပွဲကတော့ ကွဲတာပဲဗျာ၊ မန်ယူ ရှုံးသွားတယ်´
`ဟုတ်လား၊ ခင်ဗျား ဘယ်လောက် ထိသွားလဲ´
`တပုံးခွဲဗျ´
`ဟာ၊ မနည်းဘူးဘဲဗျ၊ ဒိုင်လဲ ထောပြီထင်တယ်၊ မန်ယူဘက်ကနေ ထိုင်ကြတဲ့လူတွေက မနည်းဘူးဗျ´
`သေချာတာပေါ့ဗျာ´
`နောက်တနေ့ အာကြီးပွဲ ဘယ်လိုပေါက်လဲ´
`တလုံး ငါးမူးစားတဲ့´
`ခင်ဗျား အပေါ်ထိုင်မလား၊ အောက်နေမလား´
`အာကြီးက ယုံစားလို့မရဘူး၊ အောက်ကနေကြည့်ဦးမယ်ဗျာ´

အာကြီး၊ မန်ယူ၊ တလုံးငါးမူးစား…၊ အပေါ်ထိုင်၊ အောက်နေ၊ မြန်မာတွေပြောတဲ့ စကားကို မြန်မာတယောက်ပင် ဖြစ်တဲ့ လှနိုင်ကတော့ ဘာမှနားမလည်…။ `အကို၊ အဲဒါဘာတွေလဲ´ လို့ မ၀ံ့မရဲ မေးလိုက်တော့ ရှေ့မှာထိုင်စီးလာတဲ့ ပုဂ္ဂိုလ်က တော်တော်အတဲ့ကောင်ပဲ ဆိုတဲ့ အကြည့်ဖြင့် ကြည့်ပြီး `ဘောလုံးပွဲအကြောင်းလေ၊ ပရီးမီးယားလိဂ် ဆိုတာ မင်းမကြားဖူးဘူးလား´ ဟု ပြန်ဖြေ၏။ `သြော်၊ ဟုတ်ကဲ့´ ဟုသာ အလိုက်အထိုက် ပြန်ဖြေပြီး ဆိုက်ကားကိုသာ အားစိုက်နင်းနေလိုက်သည်။

`ဟေး၊ ခင်ဗျားသား အကြီးကောင် ဆယ်တန်းအောင်သွားပြီလား´
`မနှစ်က ကျတယ်၊ ဒီကောင့်ကြည့်ရတာ ဆက်လဲ ဖြေချင်ပုံမပေါ်ပါဘူး၊ အဲဒါနဲ့ ကျနော့်ဆိုင်မှာပဲ ကူလုပ်ခိုင်းထားတယ်´
`အင်း၊ အဲဒါက ပိုကောင်းပါတယ်လေ၊ အိမ်ကကောင်လဲ ဆယ်တန်းတော့အောင်ပြီ၊ တက္ကသိုလ်တက်ချင်တယ် ဆိုလို့ ပေးတော့ တက်ထားတာပဲ၊ ကျောင်းသား ဘ၀ပျော်ချင်လို့ပါတဲ့လေ´
`ကျနော့်ကောင်ကတော့ ဆိုင်မှာ တော်တော်လေးတောင် အားကိုးနေရပြီဗျ´

***

သူတို့ သွားလိုတဲ့ ဇာဂ (၄)လမ်းထိပ်ကို ရောက်တော့ လှနိုင်လဲ ချွေးတွေရွှဲစိုနေလေပြီ။ နေကလဲ မြင့်ပြီကိုး…။

`ရော့ဟေ့၊ ဆိုက်ကားခ´

ကမ်းပေးလာသော ငါးရာတန်ကို ပြန်အမ်းဖို့ လှနိုင် အိတ်ကပ်ထဲက ပိုက်ဆံအိတ်အပေါစားကို အလျင်စလို ဆွဲထုတ်လိုက်သည်။ ငွေစက္ကူရောရာတွေထဲကမှ နှစ်ရာတန် တရွက်ကို ဆွဲအထုတ်မှာ ကဒ်တကဒ်က ပိုက်ဆံအိတ်ထဲမှ မြေကြီးပေါ် ထွက်ကျသွားသည်။ ငါးရာတန် ကမ်းပေးသော ပုဂ္ဂိုလ်က ကဒ်ပြားကို ကောက်ယူပြီး လှနိုင်ကို ပြန်မပေးမီ ဘာရယ်မဟုတ် ကြည့်မိလိုက်တော့…

`မောင်လှနိုင်၊ အဝေးသင်တက္ကသိုလ်၊ သမိုင်းအထူးပြု၊ ခုံအမှတ်၊ … … …´

ငွေနှစ်ရာ ပြန်အမ်းပြီး ဆိုက်ကားကို ပြန်နင်းထွက်လာသော မောင်လှနိုင်ကို စောစောက ဆိုက်ကားစီးသူက အငေးသားဖြင့် ကျန်ခဲ့၏။

***

နေ့လယ်နေက ပူလွန်းလှသည်။

နဖူးမှ တောက်တောက်ယိုအောင် ကျလာသော ချွေးစက်တွေကို လှနိုင်တယောက် ခပ်ကြမ်းကြမ်း ပွတ်သုတ်ပစ်လိုက်သည်။ ချွေးစက်များနှင့်အတူ ပူခနဲဖြစ်နေသော မျက်ဝန်းအစုံမှ အရည်တွေပါ ရောပါသွားသလားတော့ မပြောတတ်…။ မနက်ခင်း ခပ်စောစောတုန်းက ကလေးမလေးရဲ့ ကဗျာရွတ်သံက လှနိုင်နားထဲကို ပဲ့တင်သံ တခုနှယ် ပြန်ကြားယောင်လာပြန်သည်။

`စာသင်ကျောင်းက ဘာတွေသင်၊ စာရေးစာဖတ်သင်၊ စာရေးစာဖတ် ဘာလုပ်ဖို့… … … … စာရေးစာဖတ် ဘာလုပ်ဖို့… … … စာရေး စာဖတ်ဘာလုပ်ဖုိ့´

နေပူပူရဲ့ အောက်မှာ လှနိုင်ရဲ့ ဆိုက်ကားက တရွေ့ရွေ့…။


ကလိုစေးထူး

13 comments:

Anonymous said...

မိုက်တယ်..
စာရေးစာဖတ်ဘာလုပ်ဖို့ဆိုတာ....
တခါတလေတော့လည်း တွေးကြည့်ဖြစ်တယ်။
ဘယ်အရာက ဘာလဲ..
ငွေရှာတဲ့ အလုပ်ကကောင်းတာလား ပညာရှာတဲ့ အလုပ်ကကောင်းသလားဆိုတာ..
ခုချိန်ထိ ဝေခွဲမရဖြစ်ခြင်းတွေနဲ့....
မြန်မာပြည်မှာနေစဉ်ကဆိုရင်တော့ ဒီလို ဘ၀ပေးတွေ သိပ်မဖတ်ဖြစ်ဘူး။
တကက်ထိပါတယ်။ စာရေးတာ တော်တော်ညက်တော့
ဖတ်နေရတာ... ကျေနပ်နေတယ် ကိုကြီးစေးးးး ဟီးဟီး

သက်ဝေ said...

စာရေး စာဖတ် ဘာလုပ်ဖို့ ဆိုတာ ကိုလှနိုင်အတွက် တော်တော်တော့ စဉ်းစားစရာကောင်းတဲ့ ကိစ္စတစ်ခုပါ။
ဒါပေမယ့်လဲ တနေ့ နေ့ တချိန်ချိန်မှာတော့ ကိုလှနိုင် စာရေးစာဖတ် လုပ်ခဲ့ရကြိုးနပ်ပါလိမ့်မယ်လို့  မျှော်လင့်ကြည့်ရတာပါဘဲ...။

ကိုပေါ said...

ငါ့သား...မင်းဒီလောက် ပညာတွေ တတ်နေမှတော့ ဆိုက်ကားသာထွက်နင်းချေတော့... ဆိုတဲ့ သီလေးသီးအဖွဲ့က ပျက်လုံးကို သတိရမိတယ်။း-)

Moe Cho Thinn said...

ခေတ်ကို ထင်ဟပ်ပါပေ့။

su wai said...

စာတတ်ရင် မျက်နှာမငယ်ရဘူးဆိုတာ ဒီခေတ်ကြီးထဲမှာ မှန်သင့်သလောက်ပဲ မှန်တော့တယ် အကိုစေးထူးရေ…။ ဆိုက်ကားနင်းနေရတဲ့ အဝေးသင်ကျောင်းသားတွေ၊ လမ်းဘေးမှာ ဈေးထိုင်ရောင်းနေရတဲ့ ဘွဲ့ရပြီးသားသူတွေကို တွေ့တိုင်း ငယ်ငယ်က မှတ်သားခဲ့ရတဲ့ ပညာနဲ့ ပတ်သက်တဲ့ အဆိုအမိန့်တွေ၊ ဆိုရိုးစကားတွေကို သတိရမိတယ်။ ပညာတတ်တွေက ပညာမဲ့တွေရဲ့ ထိန်းချုပ်စေခိုင်းတာကို ခံနေရတာလဲ ရင်နာစရာပါပဲ။

Anonymous said...

တိုင်းပြည်ကို အုပ်စိုးတဲ့ မင်းဟာယုတ်ညံ.သရွေ.တော့ သူတော်ကောင်းတွေဟာ သူယုတ်မာတွေအောက်မှာဒူးထောက်နေရမြဲပါဘဲ။ တိုင်းပြည်ကိုပညာမဲ့အောင်လုပ်နေတာ ဒင်းတို.ပါဘဲ။ အရေးအသားက ညက်တော့ ဖတ်ပြီးဒေါသတောင်ထွက်မိတယ်။ စာကောင်းပေကောင်းများကိုဖတ်ရှုဖို.မျှော်လင့်လျှက်

Anonymous said...

ဘာပြောရမှန်းတောင်မသိတော့ဘူး ကိုစေထူးရေ။ မှန်လွန်းလို့။ ရေးတတ်ပါပေ့။

Thet Htoo@Myat Lone said...

မနီတို့လည်း လိမ္မာနိုင်ပါစေ။ ကိုလှနိုင်တို့လည်း အမောပြေနိုင်ပါစေ။

Unknown said...

ဒါကြီးက၇ိုးနေပါပီကွာ။ မင်းရေးထားတာက မျက်ရေတွေကိုအတင်း ညှစ်ထုတ်နေသလိုပဲ။ ငါတော့ ခံစားလို့မ၇ဘူး။

တန်ခူး said...

ကိုစေးထူး… ကျွန်မသူငယ်ချင်း တယောက် ကိုလှနိုင်လို ဆိုက်ကားနင်းပြီး RIT တက်ခဲ့ရတာ သွားသတိရတယ်… ကျောင်းပြီးလို့ အရာရှိကြီးဖြစ်လဲ ဆိုက်ကားနင်းနေတုန်းပဲ…

ကလိုစေးထူး said...

အားပေးကြတဲ့ မိတ်ဆွေများအားလုံးကိုရော ဆော်ပလော်တီးသွားတဲ့ စစ်အောင်သူကိုရော ကျေးဇူး တင်ရှိပါကြောင်း။ :D

ကေကေ said...

ကျမလဲကိုပေါပြောသလိုဘဲ..
သီးလေးသီးအဖွဲ့ပျက်လုံးကိုသတိရ
သွားတယ်..
စာအရေးအသားအရမ်းကောင်းပါတယ်..

Anonymous said...

ဟုတ်တယ်.. သီးလေးသီးရဲ့ပျုက်လုံးကိုသတိရမိသွားတယ်.
ဘွဲ့လတ်မှတ်တစ်ခုကိုင်ပြီးယောင်ချာချာဖြစ်နေတဲ့အဖြစ်တွေ
ဈေးရောင်းနေရတဲ့အဖြစ်တွေဘယ်အချိန်ထိများဆက်ဖြစ်နေ
အုံးမလဲမသိဘူးနော်