ဒီရက်ပိုင်းတွေ ပို့စ်အသစ် တင်တာ အတော်လေး ကျဲပါးနေခဲ့ပါတယ်။ ခွင့်လွှတ်ကြပါ။ ပြီးခဲ့တဲ့ သုံးလေးရက်ကတော့ စီဘောက်စ်မှာ လာအော်သွားတဲ့ မိတ်ဆွေတယောက် ကျေးဇူးကြောင့် ကရင်နှစ်သစ်ကူး အချိန်ကို သတိရမိတော့ `ယအဲ့နာ´ ဆိုတဲ့ သီချင်းလေး တပုဒ်ရေးမိလိုက်ပါသေးတယ်။ ဒါပေမယ့် အသံသွင်းပြီးတော့ ကွန်ပျူတာမှာ ပြန်လဲ နားထောင်ရော ဘာဖြစ်တယ်မသိ၊ သီချင်းက ထစ်ထစ်နေတာနဲ့ တော်တော် စိတ်ညစ်သွားတယ်။ ပြီးတော့ ကိုယ့်အသံကိုယ်နားထောင်ရတာတောင် တော်တော်လေး မအိုကေဘူး။ ဖိုင်လ်ဆိုက်ဒ်ကလည်း တရားလွန် ကြီးနေတော့ စိတ်ပျက်စွာနဲ့ပဲ မတင်ဖြစ်တော့ပါဘူး။ ဘလော့ဂ် လာလည်တဲ့လူတွေအတွက်တော့ နားဒုက္ခ အပေးခံရမယ့် အရေးက လွတ်သွားတယ်ပဲ ဆိုပါစို့။
စပ်မိစပ်ရာကို ဆက်မရေးဖြစ်ခဲ့သေးပေမယ့် သတင်းတွေကိုတော့ ပုံမှန်ဖတ်ဖြစ်နေခဲ့ပါတယ်။ အဲဒီ သတင်းတွေထဲကမှ အမှတ်ရရ သတိပြုမိတာတွေကို စပ်မိစပ်ရာ တင်ပြရရင်တော့…
`ထင်ရှား ကျော်ကြား ၂၀၀၇´ ဆိုတဲ့ ခေါင်းစီးနဲ့ တင်ဆက်တဲ့ သတင်းမှာ သီတဂူ ဆရာတော်ကြီးကို ဖူးမြင်ရတာဟာ အတော်လေး ကျက်သရေ ရှိလှပါတယ်။ တလောက ဖတ်မိတဲ့ ခေတ်ပြိုင်သတင်းမှာတုန်းကတော့ သာသနာရေး ဦးစီးဌာန၊ ညွှန်မှူးလုပ်သူက ဆရာတော်ရဲ့ တရားခွေ ဓာတ်ပြားကို နိုင်ငံတော် သံဃာ့မဟာနာယက အဖွဲ့ (၄၇)ပါး စုံညီ အစည်းအဝေးမှာ ဖွင့်ပြပြီးတော့ အရေးယူပေးဖို့ တင်ပြတယ် လို့ သိရပါတယ်။ ဒါပေမယ့် အဲဒီအကြံ မအောင်မြင်ခဲ့ပါဘူး။
လူထု မေတ္တာကို ခံယူနေတဲ့ မြတ်ခိုင်ရဲ့ လျှပ်တပြက် ဂျာနယ် ၀က်ဘ်ဆိုက်ကို ပြန်လည်ဖွင့်လှစ်ထားပါပြီ။ လက်တလော တင်ပြထားတာကတော့ တလောတုန်းက အုန်းအုန်းကျက်ကျက် ဖြစ်ခဲ့တဲ့ နန္ဒလှိုင်နဲ့ မျိုးမျိုးခိုင် တို့ရဲ့ ဖုန်းချင်းပြောတာတွေကို မျက်နှာဖုံးသတင်း အဖြစ် တင်ဆက်ထားပါတယ်။ ဂျာနယ်တစောင်အနေနဲ့ ကိုယ့်ဂျာနယ် အရောင်းသွက်ရင်ပြီးရော ဒီလို လုပ်တာကိုတော့ မနှစ်မြို့မိတာ အမှန်ပါ။ တလောကလည်း မော်ဒယ်လ်မလေး တချို့ရဲ့ sex ဗီဒီယို တချို့ဟာ အမှန်တွေ မဟုတ်ကြောင်း သတင်းလုပ်ပြီးတော့ အဲဒီ ဗီဒီယိုထဲက ပုံတချို့ကိုပါ တင်ပါတယ်။ သူတို့ အဲဒီလို လုပ်လိုက်တော့မှပဲ ဟိုမော်ဒယ်လ်မလေးတွေမှာ ပိုနာမည်ပျက်ရတာကိုတော့ စဉ်းစားမိပုံမရပါဘူး။ စဉ်းစားမယ်လို့လဲ မထင်ပါ။ ဂျာနယ်ရောင်းရပြီးရောများ သဘောထားနေတာ ဆိုရင်တော့ အတော်ကို စိတ်ပျက်စရာ ကောင်းလှပါတယ်။
မြန်မာပြည်မှာ ပြည်သူတွေအကြား ချက်လက်မှတ် အသုံးပြုမှုတွေ တွင်ကျယ်လာစေဖို့ အကောင်အထည်ဖော် ဆောင်ရွက်နေပြီဆိုတဲ့ သတင်းတပုဒ်ကို ဖတ်လိုက်ရပါတယ်။ ငွေစက္ကူတွေ တပုံတပင်နဲ့ သယ်ယူအသုံးပြုနေရတာဟာ တကယ်တော့ အန္တရာယ် များလွန်းလှသလို ကရိကထလည်း အလွန်အင်မတန် များတဲ့ အလုပ်ပါ။ ငွေစက္ကူရဲ့ တန်ဖိုးတွေကျလာရင်တော့ ပိုဆိုးမှာ အသေအချာပေါ့။ ကျနော်တို့ နိုင်ငံကို အလည်ရောက်ခဲ့တဲ့ တိုးရစ်တချို့ကတော့ မြန်မာနိုင်ငံကို ‘Cash Country’ ပါတဲ့။
ချက်လက်မှတ်ဆိုတာကလည်း တကယ်တော့ လုံလောက်တဲ့ အာမခံချက် မရှိလှပါဘူး။ ပိတ်သိမ်းထားပြီးသား ဘဏ်အကောင့်က ချက်လက်မှတ် အဟောင်းမှာ ချက်ရေးပြီး လိမ်လည်တာတွေ၊ ဘဏ်အကောင့်မှာ ငွေမရှိဘဲ ချက်ရေးပြီး လိမ်လည်တာတွေနဲ့ အခြားနည်းနဲ့ လိမ်နေကြတာတွေကြောင့် အမေရိကန်လို တိုးတက်နေပါတယ် ဆိုတဲ့ နိုင်ငံကြီးရဲ့ တချို့သော ဈေးဆိုင် နဲ့ စားသောက်ဆိုင်တွေမှာ `No personal checks accepted’ လို့ ကြေညာထားတာကို တွေ့နေရတာပါ။ မြန်မာပြည်မှာ ATM ကဒ်တွေနဲ့ စခန်းသွားဖို့ ကြိုးစားတုန်းကလည်း မတွင်ကျယ်ခဲ့ပြန်ပါဘူး။ နောက်ဆုံးတော့ ဂျာအေး သူ့အမေရိုက် ဆိုတာမျိုးပဲ ပြန်ရောက်ရတော့မှာပါပဲ။
နောက်ထပ် ထူးခြားတာတခုကတော့ မြန်မာပြည်ကို စီးပွားရေးပိတ်ဆို ဒဏ်ခတ်တာကို ကန့်ကွက်တဲ့ အနေနဲ့ လမ်းလျှောက် ဆန္ဒပြဖို့ စီစဉ်ထားပါတယ် ဆိုတဲ့ ဒါရိုက်တာ ညိုမင်းလွင်ရဲ့ သတင်းအကြောင်း ပို့စ်တခုကို အာဏာပိုင်တွေကို ထောက်ခံရေးသားရာမှာ နာမည်ကြီးလှတဲ့ သာကီနွယ် ဘလော့ဂ်မှာ ရက်အတန်ကြာ ဖော်ပြခဲ့ပြီးကာမှ မကြာသေးခင်က ဖြုတ်သိမ်းလိုက်ပါတယ်။ သတင်းမှားကို တင်မိတာလား၊ ဒါမှမဟုတ် ဆန္ဒပြပါမယ် ဆိုတဲ့ ဟိုပုဂ္ဂိုလ်ကပဲ စိတ်ပြောင်းသွားတာလား၊ ဒါမှမဟုတ်…၊ ဒါမှမဟုတ်…။
တပ်မတော် (ကြည်း၊ ရေ၊ လေ) ဂေါက်သီးရိုက်ပြိုင်ပွဲ လို့ အမည်ပေးထားတဲ့ ငွေဖြုန်းပွဲကို နေပြည်တော် အမည်ခံ ပျဉ်းမနားဒေသမှာ ပြုလုပ်လျက်ရှိပါတယ်။ အဲဒီပြိုင်ပွဲကနေ နိုင်ငံ့ဂုဏ်ဆောင် အားကစားသမား တဦးတယောက်မှ ပေါ်ထွက်လာစရာ အကြောင်းမရှိသလို ပြိုင်ပွဲကျင်းပဖို့အတွက် ကုန်ကျတဲ့ ငွေတွေအတွက်လည်း နှမြောဖို့ ကောင်းလွန်းလှပါတယ်။ တိုင်းပြည်အရေးကို စွမ်းစွမ်းတမံ ဂေါက်သီးရိုက်ပြီး ထမ်းရွက်နေကြတဲ့ ကျေးဇူးရှင်ကြီးများကတော့ ပြုံးလို့ပျော်လို့ပါပဲ။
မြန်မာပြည်ရဲ့ စလောင်းတီဗွီ လိုင်စင်ကြေး ကိစ္စဟာလည်း ထူးခြားစွာ လှုပ်ခတ်နေဆဲ သတင်းပါပဲ။ အာဏာပိုင်တွေကတော့ ဒီသတင်းကို အတတ်နိုင်ဆုံး ပိတ်ပင် ဖုံးဖိဖို့ ကြိုးစားပေမယ့် ဖော်ပြမိလိုက်တဲ့ မြန်မာတိုင်းမ် သတင်းဂျာနယ်ကတော့ ထုတ်ဝေခွင့် တပတ်ပိတ်ပင် ခံလိုက်ရတဲ့ အပြင် အယ်ဒီတာ အဖွဲ့ဝင်လေးယောက်ကိုပါ နှုတ်ထွက်ခိုင်းတာ ခံလိုက်ရပါတယ်။ ဒါ့အပြင် ပြန်ကြားရေး ၀န်ကြီးလုပ်သူ ဘိုမှူးချုပ်ကျော်ဆန်းကလည်း သတင်းဂျာနယ်တွေ အနေနဲ့ သတင်းရေးတဲ့အခါ အမျိုးသား အကျိုးစီးပွားကို အကျိုးပြုတဲ့ သတင်းတွေကိုသာ ဖော်ပြဖို့ ဖိအားပေး ပြောကြားပြန်ပါတယ်။ ပြည်ပက လာရောက် ရင်းနှီးမြုပ်နှံမယ့် ပုံနှိပ်မီဒီယာ လုပ်ငန်းတွေကိုလည်း ခွင့်ပြုမှာ မဟုတ်ဘူးလို့ ပြောကြားသွားခဲ့ပါတယ်။
စိတ်မကောင်းဖြစ်စရာ သတင်းကတော့ အခုတလော ဆက်တိုက်ဆိုသလို ပေါက်ကွဲနေတဲ့ ဗုံးကွဲမှုတွေပါ။ ဘယ်သူတွေက ဘာအကြောင်းကြောင့် ထောင်တာပဲ ဖြစ်ဖြစ် ကြားထဲက ဓားစာခံ သေဆုံး၊ ဒဏ်ရာရသူတွေကို တွေ့ရ မြင်ရတာဟာ တစက်ကလေးမှ စိတ်ချမ်းသာစရာ မရှိပါဘူး။ လုံခြုံရေးအတွက် တာဝန်ရှိသူတွေပါလို့ ခံယူထားတဲ့ အာဏာပိုင်တွေ အနေနဲ့ (တကယ်သာ သူတို့ကလည်း သွေးရိုးသားရိုး မှန်ရင်) တကယ့် တရားခံ အစစ်ကို ဖော်ထုတ်သင့်ပါတယ်။ အခုတော့ ဗုံးပေါက်ပြီဆိုတာနဲ့ပဲ ဘယ်အဖွဲ့လက်ချက်၊ ညာအဖွဲ့လက်ချက်နဲ့ အခြေအမြစ်မရှိ ပေါက်ပန်းလေးဆယ် လျှောက်ပြောနေတာဟာ သေသွားတဲ့ အသက်တွေကိုပါ စော်ကားနေတာနဲ့ အတူတူပါပဲ။
အပေါ်က ရေးထားပြီးသမျှကို ပြန်ဖတ်ကြည့်မိတော့ ကျနော့်ကို ဆော်ပလော်တီးချင်လွန်းလို့ စောင့်ကြည့်နေသူတွေအတွက် ပြောစရာ အကွက်ရနေပြီလား တွေးမိပါသေးတယ်။ ဒါပေမယ့် မတတ်နိုင်ပါ။ ကျနော်ရေးနေတဲ့ စာ၊ စာရေးနေချင်တဲ့ စိတ်ကိုတော့ ရပ်လို့ မရသေးတော့ ကဲ၊ ရွာစားရေ…၊ အဲ…။ :D
ဒီတပတ် စပ်မိစပ်ရာကတော့ ဒီလောက်နဲ့ နားပါရစေအုံး။ နောက်တပတ်မှ ပြန်ဆုံကြပါစို့။ ပျော်ရွှင် အဆင်ပြေကြပါစေ။
ကလိုစေးထူး
5 comments:
အကိုစေးထူးရေ.. စပ်မိစပ်ရာ မဖတ်ရတာ ကြာပေါ့... အခုမှ ပြန်ဖတ်ရတော့ သတင်းအတော်စုံလင်လှပါပေတယ်... :P
ကိုယ့်ကို ကို ငါဟာ သူများတွေ အကြောင်း အပြစ်ရှာ အတင်းပြောနေမိ သလားလို့ တစ်ခါတလေ မခံစား မိဘူးလားခင်ဗျ
သတင်းတွေတော်တော်ဖတ်နိုင်တာပဲကိုစေးထူးရေ။ တော်တော်စုံစုံလေးသိလိုက်ရတယ်။ ကျေးဇူးပါနော်။
ဟိ... အခုတလော ဘလော့ တွေ လိုက်လည်တာ ဇာတ်သံတွေပဲ ပေါက်နေတယ်၊ သီးလေးသီးရဲ့ လွှမ်းမိုးမှုပဲ ဖြစ်မယ် ထင်တယ်
သတင်း စုံစုံလင်လင်ကို တပေါင်းတစည်းထဲ အချိတ်ဆက် မိမိ နဲ့ ရေးသွား နိုင်တဲ့ အကိုစေးထူးရဲ့ အရေးအသားကို လေးစားပါတယ်။ အားပေးနေပါတယ်။
စပ်မိစပ်ရာ ကိုသတင်းဆိုဒ်တွေ သွားစရာမတော့ပဲ လာလာဖတ်နေကြပါခင်ဗျာ...အားပေးလျှက်
Post a Comment