ငါ…ပြိုင်ပွဲ

ဟောဒီမှာ…ငါ
င ရေးချ ငါချင်းအတူတူ
သိပ်ထူးခြားချင်သေးတော့
အောက်ကမြစ်ပါ ဖြည့်ပြီး ပေါင်းလိုက်မယ်
ငါ့ ငါ…။

အလို…
ဟိုးတဘက်မှာလဲ ငါတွေပါလား
ဒါပေမယ့်
အဲဒါတွေက သူ့ငါ
သူ့ငါက သူ့ငါ
ငါ့ငါနဲ့ သူ့ငါ တခြားစီ…။

ငါ့ငါမှာ ငါတချို့ပေါင်းတော့ ငါတို့…
ငါတို့တွေထဲမှာမှ
ငါဖြူ၊ ငါနီ၊ ငါပြာ၊ ငါဝါ
ငါကြီး၊ ငါလတ်၊ ငါငယ်၊ ငါပေါက်စ
ငါဝါရင့်၊ ငါဝါနု၊ ငါတက်သစ်စ၊ ငါမအူမလည်
အရောင်စုံ အရွယ်စုံလိုက်တဲ့ ငါတွေ..။

ငါတို့ထဲက ငါတွေက
တခါတလေမှာ ညီညွှတ်
တခါတလေတော့ အပီခွပ်
ငါ့ငါကမှ ငါ၊ ငါ့ငါနဲ့ ပေါင်းမှ ငါ
င့ါငါကို ငါ့ငါကထောက်ခံမှ ငါ
အို… တချက်တချက်များ
င့ါငါတွေ အချင်းချင်းထိခတ်ကုန်တာ
ငါမီးတွေ ဟုန်းဟုန်းတောက်ကြတော့
ဟိုးတဘက်က
သူ့ငါတွေက စောင့်ကြည့်
ငါ့ငါတွေကို
ဟားတိုက်နေပါရောလား…။

မိုးဝေးက သူ့ငါထဲ
ရှရာပိုဗာထည့်ထားသတဲ့
ငါ့ငါတွေကတော့ ရှာရာပိုဗာတင်မက
နီကိုးလ်ကစ်ဒ်မင်းရော
အင်ဂျလီနာဂျိုလီရော
လီယိုနာဒိုလဲ ပါလို့
ဟော…
တခါတလေကျတော့
ငါ့ငါတွေထဲ
တက်ညီလက်ညီနဲ့
ယက္ခတွေ ကုမ္ဘာန်တွေတောင် ပါလိုက်သေး…။

တကယ်တော့…။
ဘယ်သူ့ငါထဲ ဘယ်ငါပဲပေါင်းပေါင်း
သူ့ငါက ဘာဖြစ်ဖြစ် ငါ့ငါက ဘာညစ်ညစ်
ငါတွေကွဲချင်ကွဲ ခွဲချင်ခွဲ
သူသူငါငါ သူ့ငါနဲ့ ငါ့ငါ
ငါနဲ့ င့ါငါ ငါပေါင်းများစွာ
နောက်ဆုံးတော့…
သူ့ငါလည်း သူ့ငါ
ငါ့ငါလည်း ငါ့ငါ
ငါ…
ငါ...
ငါ… နဲ့
ဟူး…
ငါလှိုင်းတွေ ထန်လိုက်ပါဘိတော့…။

ကလိုစေးထူး