သမင်လည်ပြန်...။

ငါချက်တဲ့ ဟင်းတခွက်
တချို့ကတော့ အစပ်အဟပ်တည့်
တချို့ကတော့ အပြတ်အသတ်မဲ့
မချက်တတ်ချက်တတ်နဲ့ ငါ့ဟင်း
စားသုံးသူ ရှိနေလေတော့
ငါ… ဘလော့ဂ်ရေးတယ်။


တခါတလေလဲ
စကားလုံးတွေက
ပန်းခက်တွေဖြစ်လိုက်
လွမ်းချက်တွေ ဖွင့်လိုက်
ကြည်နူးစရာကောင်းလိုက်ပုံများ
ဟော…
စီးချင်းထိုးကြပြန်တော့လဲ
မြားအစင်းစင်းခမယ့်ဟန်
တအားအတင်း ငြင်းကြရပြန်တော့
ငါ… ဘလော့ဂ်ရေးတယ်။


ဟေ့…
အဝေးကိုတော့ မပြေးစမ်းပါနဲ့
ဟောဒီမှာ …
မင်းခံစားချက်၊ မင်းယုံကြည်ချက်
မင်းရပ်တည်ချက်၊ မင်းဖွင့်ဟချက်
ဒါတွေကို နားလည်ပေးနေသူတွေ
အများကြီး…
လာစမ်းပါကွာ… ဟိုးရှေ့မှာ ပန်းတိုင်ရှိတယ်
ဒီလိုနဲ့ပဲ…
ငါ… ဘလော့ဂ်ရေးတယ်။


အဲဒီ ကဗျာတပိုဒ်ကို ကိုဖြိုးရဲ့ တောင်းဆိုမှုကြောင့် ဘလော့ဂါတွေ စုပေါင်းရေးခဲ့ကြတဲ့ `အထက်တန်းကျတဲ့ ဘလော့ဂါ´ ဆိုတဲ့ ကဗျာမှာ ကျနော် ရေးခဲ့မိဖူးတယ်။


အဲဒီအချိန်ကာလတွေတုန်းက ဘလော့ဂ်ရေးခဲ့ရတာ တော်တော်လေးကို လွတ်လပ်ပေါ့ပါးခဲ့သလို ခံစားရတယ်။ အခုရော မလွတ်လပ်တော့ဘူးလားလို့ မေးရင် အဲဒီလိုတော့လဲ မဟုတ်ဘူး ဆိုပေမယ့် ဘလော့ဂ်စရေးခါစ သုံးလေးလကလောက် လွတ်လပ်ပေါ့ပါးမှုမျိုး မရှိတော့သလိုတော့ ခံစားရမိတယ်။ ကလေးလေး တယောက် တဖြည်းဖြည်းနဲ့ အသက်တွေကြီးလို့ လူလားမြောက်လာတဲ့ ခံစားချက်နဲ့ တူမလားတော့ မပြောတတ်ဘူး။


တကယ်တော့ `ဘလော့ဂ် ရေးသူ´ ဆိုတဲ့ ခံစားချက်ကို ကဗျာဖွဲ့လို့တနည်း၊ စာစုတွေသီလို တမျိုး ပုံဖော်ကြည့်မိခဲ့တာလဲ အခါခါပါပဲ။


ဒါပေမယ့် ဘလော့ဂ်ရေးတာဟာ သူများတွေ လုပ်လို့ လိုက်လုပ်တာ မဟုတ်ဘူး လို့ ပြောရမယ့် အထဲမှာတော့ ကျနော်မပါပါဘူး။ ဘာလို့လဲဆိုတော့ သူတကာတွေရဲ့ ဘလော့ဂ်တွေကို ဖတ်မိ၊ အားကျမိရာကနေ အမျိုးအမည်မသိတဲ့ ပိုးတမျိုး စေ့ဆော်ရာကနေ ဘလော့ဂ်ကို စရေးဖြစ်ခဲ့တာကိုး…။ အခုတော့ ဘလော့ဂ်ဆိုတာဟာ ကျနော့်အတွက်တော့ တိုင်တည်စရာ နေရာဆိုလဲ ဟုတ်၊ ရင်ဖွင့်စရာ နေရာဆိုလဲဟုတ်၊ ပေါက်ကွဲအော်ဟစ်စရာနေရာဆိုလဲ ဟုတ် လို့ ပြောလို့ရနေပါပြီ။ တခါတလေများဆိုရင် အနားမှာ ဘယ်သူမှ မရှိတော့ဘူးလို့ ခံစားရတဲ့အခါမျိုးမှာ ဘလော့ဂ်ပေါ်မှာ ကိုယ်ရေးခဲ့တဲ့စာတွေကို မျက်ရည်အ၀ဲသားနဲ့ ပြန်ဖတ်ရင်းနဲ့ပဲ ဘလော့ဂ်က ကိုယ့်ကို `အားမပျက်စမ်းပါနဲ့ဗျာ´ လို့ ပြန်အားပေးနေသလိုကို ခံစားခဲ့ရဖူးတယ်။


တချို့က ကျနော့်ဘလော့ဂ်ကို နှစ်သက်အားပေးကြတယ်။ တချို့ကျတော့လဲ ဗြောင်ကျကျပဲ `ခင်ဗျားစာတွေ ဖတ်ဖို့ ကျနော့်မှာ အချိန်မရှိသေးဘူးဗျာ´…တဲ့။ အဲဒီလိုနဲ့ပဲ ပီတိတွေကို စားလိုက်၊ ဆေးခါးတွေကို မျိုလိုက်၊ အားပေးစကားတွေနဲ့ ရှေ့ဆက်လိုက်၊ တခါတခါတော့လဲ ငိုက်ဆိုက်ကျသွားလိုက်နဲ့ပဲ ရေးခဲ့လိုက်ရတဲ့ ပို့စ်တွေ…။


ကျနော် ဘယ်အချိန်လောက်မှာ ဘလော့ဂ်ရေးနေရတာကို ရပ်ဆိုင်းလိုက်ရမလဲ ဆိုတဲ့ အတွေးကို မကြာခဏဆိုသလို တွေးကြည့်မိဖူးတယ်။ ဘယ်အချိန်ကာလလောက် အထိ ကျနော် ရေးနေနိုင်ဦးမလဲ…ပေါ့။ တွေးမိတဲ့ တခဏမှာတင်ကိုပဲ ဘလော့ဂ် မရေးရတော့ဘူး ဆိုတာဟာ ကိုယ့်ခန္ဓာကိုယ်ထဲက အစိတ်အပိုင်းတခုခုကို ဖဲ့ချွေခံရသလို ခံစားချက်က ဖြစ်လာတယ်။ ဟုတ်တယ်…၊ ကျနော် ဘလော့ဂ် အရမ်းရေးချင်တယ်။


သားကို မျှော်နေတဲ့ အမေအတွက်
အမေကို လွမ်းနေရတဲ့ သားအတွက်
အကိုကို မျှော်နေတဲ့ ညီလေးညီမလေးနဲ့
သူတို့တွေကို တမ်းတနေတဲ့ အကိုအတွက်
ကျနော် ဘလော့ဂ် ရေးချင်တယ်…။

ဥပဒေအပေါ် တက်ထိုင်နေတဲ့ လူတွေ
ဘ၀တွေကို ၀ါးစားနေတဲ့ လူတွေ
မျက်ရည်တွေကို သောက်သုံးနေတဲ့ လူတွေ
နှလုံးသည်းပွတ်တွေကို ခင်းကျင်းထိုင်နေတဲ့လူတွေ
အဲဒီလူတွေကို လူနဲ့တူစေဖို့အတွက်
ကျနော် ဘလော့ဂ် ရေးချင်တယ်…။

ဖြန့်ထားတဲ့ လက်တွေထဲကို မျှော်လင့်ယုံကြည်ချက်တွေ ထည့်ပေးချင်တယ်
ငိုက်ဆိုက်ကျနေတဲ့ ဦးခေါင်းတွေကို ဆတ်ခနဲဖြစ်ဖြစ် ထောင်ကြည့်စေချင်တယ်
ဖြေလျော့လုလု လက်သီးဆုပ်တွေကို မာန်အပြည့်နဲ့ အားတင်းထားစေချင်တယ်
လှောင်ပိတ်နေတဲ့ အခန်းတံခါးကို အလင်းတစလေးပဲ ဖြစ်ဖြစ် သွတ်သွင်းကြည့်ချင်တယ်
ကျနော် ဘလော့ဂ် ရေးချင်တယ်…။

ဆန်တစေ့နဲ့ ထမင်းတပန်းကန် ဖြစ်မလာဘူးဆိုရင်တောင်
ဆန်စေ့ဖြစ်နေရတာကိုပဲ ကျေနပ်ချင်တယ်
အုတ်တချပ်လောက် တန်ဘိုးမရှိရင်တောင်
သဲတပွင့် ဖြစ်နေရတာကိုပဲ ကျေနပ်ချင်တယ်
ကျနော် ဘလော့ဂ် ရေးချင်တယ်…။

နေ၀င်ပြီဆိုရင် အမှောင်ရောက်လာတယ် ဆိုပေမယ့်
နေ၀င်တာကိုမှ အရသာခံကြည့်ချင်သေးတဲ့ နှလုံးသားတွေအတွက်
ကျနော် ဘလော့ဂ် ရေးချင်တယ်…။

ကျနော် ဘာကောင်မှလဲ မဟုတ်ဘူး
ကျနော် ဘာသမိုင်းကြောင်းမှလဲ မရှိဘူး
ကျနော် မရှိလို့လဲ လောကကြီးက ဘာမှဖြစ်မသွားဘူး
ဒါပေမယ့်
ရှိနေရတဲ့ အချိန်တခဏလေးအတွက်ပဲ ဖြစ်ဖြစ်
ကျနော် ဘလော့ဂ် ရေးချင်တယ်…။


စိတ်ထဲမှာ တွေးမိ၊ ထိရှမိတာတွေကို ချရေးပြီး ပြန်ဖတ်ကြည့်တာ ကဗျာလို့ ပြောရလောက်အောင်လဲ စကားလုံးတွေက ကျစ်လစ်မနေဘူး။ စကားပြေလို့ ပြောရလောက်အောင်လဲ စာသားတွေက မပြေပြစ်ပြန်ဘူး။ အင်း… အဲဒီလို ရေးချ ရင်ဖွင့်လိုက်ရတာကိုက ဘလော့ဂ် ရေးခြင်းရဲ့ အရသာ ထင်ပါရဲ့…။



ကလိုစေးထူး

သူတို့နဲ့ ကျနော်တို့...။

သူတို့ လာခဲ့ကြပါပြီ။

လာခဲ့ရုံတင်မှ မက ပိုင်တိပိုင်စိုး၊ ရိုင်းတိရိုင်းပျ၊ မောက်တီးမောက်မာမာနဲ့ကို အခန့်သားကြီး နေရာယူလို့ နေကြပါပြီ။ တချက်တချက်မှာ အိနြေ္ဒရ ရွာသူကြီးလိုလို လူကြီးလူကောင်းပုံစံဟန်ပန် ဆန်လှစွာ၊ တချက်တချက်မှာတော့ စရိုက်ဆိုးသွမ်း ငါးစိမ်းတန်းက အရှုံးပေးလောက်အောင် စွာကျယ်ကျယ်နိုင်လှစွာနဲ့ပဲ သူတို့ နေရာယူခဲ့ကြပါပြီ။

ဒီလူတွေကို ဘယ်သူတွေက ခေါ်လာတာလဲ။ ဒါမှမဟုတ် ဒီလူတွေ ဒီနေရာကို ဘာကြောင့် ရောက်လာကြတာလဲ။ ဒီနေရာမှာ သူတို့ ဘယ်လောက်အထိ ဆက်နေကြဦးမှာလဲ။ ဆက်နေမယ်ဆိုရင်ရော ဘယ်လိုလူစားတွေက အဲဒီလူတွေကို အားပေးအားမြှောက် ပြုကြမှာလဲ။ ဘယ်သူကမှ လက်မခံရင်ရော သူတို့က ဒီနေရာကနေ ထွက်သွားမှာလား။

***

လွန်ခဲ့တဲ့ (၈) လလောက်က `ပြိုင်ပွဲ´ ဆိုတဲ့ ပို့စ်လေး တပုဒ်ကို ကျနော်ရေးခဲ့ဖူးတယ်။

အဲဒီတုန်းကတော့ ထူးခြားပြောင်းလဲလာတဲ့ ဘလော့ဂ်လောကကို သတိထားမိတာနဲ့အတူ ဖြစ်လာနိုင်ဖွယ်ရာရှိတဲ့ အရိပ်အယောင်တွေကို ရှင်းပြပြီးတော့ ကျနော်နဲ့ စိတ်တူကိုယ်တူ တခြားသော မိတ်ဆွေဘလော့ဂါတွေရဲ့ သဘောထားကိုလဲ တီးခေါက်ကြည့်ခဲ့မိတာပါပဲ။ အခု အဲဒီပို့စ်ကို ရေးခဲ့တာ (၈) လ ကျော်လွန်လာတဲ့ အခါမှာတော့ အဲဒီတုန်းက ကျနော်တို့တတွေ ထင်မြင်ခဲ့တာတွေနဲ့ လက်ရှိအခြေအနေကို ပြန်ပြီးတော့ ယှဉ်ထိုးကြည့်ချင်မိတယ်။

ဒီလိုနဲ့ပဲ အခု စာစုလေးကို ရေးဖြစ်လိုက်တယ် ဆိုပါတော့…။

***

`ကြံ့ဖွတ် အသင်းဝင်တွေကို ဘလော့ဂ်လုပ်နည်း သင်တန်းတွေ ပေးနေတယ်´

အဲဒီ သတင်းကို ကြားလို့မှ သိပ်မကြာပါဘူး။ လက်ရှိအာဏာပိုင်ကို ထောက်ခံအားပေးတဲ့ ဘလော့ဂ်တခုပေါ်မှာ အမည်ပေါင်းစုံနဲ့ ဘလော့ဂ်အသစ်အများကြီးကို လင့်ခ်ချိတ်ထားတာကို တွေ့ခဲ့ရတယ်။ ပို့စ်လေးတွေက ဘာမှဟုတ်တိပတ်တိ ရေးထားတာတော့ မဟုတ်ပါဘူး။ ကျောင်းသင်ခန်းစာထဲက စာတချို့နဲ့၊ သူတို့ကိုယ်သူတို့ မိတ်ဆက်ထားတဲ့ ပို့စ် တခုတလေကလွဲရင် ဘာမှမတင်ဖြစ်လိုက်ကြတဲ့ အဲဒီဘလော့ဂ်တွေရဲ့ လင့်ခ်တွေ အချိန်သိပ်မကြာခင်မှာပဲ အားလုံး ပျောက်ကွယ်ကုန်ပါတယ်။

ဆိုလိုတာက အာဏာပိုင်တွေရဲ့ စီစဉ်မှုနဲ့ ကြံ့ဖွတ်အသင်းဝင်တွေကို ဘလော့ဂ်သင်တန်းတွေ တကယ်ပဲ ပေးခဲ့တယ်ဆိုတာတော့ ဟုတ်တယ်၊ ဒါပေမယ့် အဲဒီ ဘလော့ဂ်သင်တန်းကနေ မွေးထုတ်လိုက်ပါတယ်ဆိုတဲ့ ဘလော့ဂါတွေ တကယ့်တကယ်တမ်းမှာ မြန်မာဘလော့ဂ် အသိုင်းအ၀န်းကို ဘယ်လိုပုံစံနဲ့မှ မထင်ပေါ်လာခဲ့ပါဘူး။

ခန့်မှန်းကြည့်ရသလောက်ကတော့ သက်ဆိုင်ရာ ဌာနဆိုင်ရာတွေရဲ့ အစီအစဉ်နဲ့ သင်ဟေ့၊ သင်ဟေ့ ဆိုလို့သာ သင်လိုက်ကြရတယ်၊ ဘလော့ဂ်တခုကို ဘယ်လိုရေးကြမလဲ၊ သူတို့တတွေရဲ့ အထက်လူကြီးတွေ လိုချင်တဲ့ပုံစံကို အံဝင်ခွင်ကျဖြစ်အောင် ဘလော့ဂ် ဘယ်လိုရေးသင့်တယ်ဆိုတာကို မသိလိုက်ခင်မှာပဲ ရပ်တန့်သွားကြပုံပါပဲ။ ဘလော့ဂ်တခုကို ပုံမှန်ရေးသားနိုင်ဖို့အတွက် လုံလောက်တဲ့ နည်းပညာအထောက်အပံ့နဲ့ တခြားသော အထောက်အပံ့တွေကလဲ ရှိသေးတာက တချက်ကြောင့် အဲဒီဘလော့ဂ် ပိုင်ရှင်တွေခမျာ `အမည်ခံ ဘလော့ဂ်´ အဖြစ်လောက်နဲ့ပဲ တစခန်းရပ်သွားကြပုံပေါ်ပါတယ်။

ဒါပေမယ့် တစခန်း မရပ်နိုင်သေးတဲ့ ဘလော့ဂ်ပေါင်း မြောက်များစွာကတော့ အမည်ပေါင်း မြောက်များစွာကို သုံးပြီးတော့ မြန်မာပြည်မှာ ထူးခြားတဲ့ ဖြစ်စဉ်ဖြစ်ရပ်တွေ တခုခု ပေါ်လာပြီးတိုင်းမှာ ထပ်၍ထပ်၍ ပေါ်လာလို့ နေဆဲပါပဲ။ ဘယ်လို ဘလော့ဂ်တွေ ထပ်ပေါ်လာလေ့ရှိပါသလဲ၊ သူတို့ ဘာလာလုပ်ကြပါသလဲ…၊ ဘာတွေရော လုပ်နေကြပါသလဲ…။

အရင့်အရင်ကတော့ ဘလော့ဂ် လောကမှာ အာဏာပိုင်တွေကို ထောက်ခံရေးသားတဲ့ ဘလော့ဂ်ဆိုတာ ရှိဖို့ဝေးလို့ ကွန်မန့်တွေ၊ စီဘောက်စ်တွေမှာတောင် ဘယ်သူကမှ လက်ရှိအာဏာပိုင်တွေကို ပေါ်ပေါ်ထင်ထင် မထောက်ခံဝံ့ပါဘူး။ မထောက်ခံဝံ့ဘူးလို့ ပြောရတာက တခြားကြောင့်တော့ မဟုတ်ပါ၊ လက်ရှိအာဏာပိုင်တွေရဲ့ လုပ်ရပ်ကို မစင်ထက်ရွံရှာနေတဲ့ ပြည်သူတွေအတွက် လွတ်လပ်စွာထုတ်ဖော် ရေးသားခွင့်ဆိုတာက ဟောဒီ အင်တာနက် နယ်ပယ်လေး တခုပဲ ရှိသလို ဖြစ်နေတာကြောင့် ဒီလိုနေရာမှာပါ လာပြီးတော့ လက်ရှိအာဏာပိုင်တွေရဲ့ လေသံ လာဖမ်းတာကို ဘယ်သူကမှ မလိုလားလို့ပါ။

အခုအချိန်မှာတော့ ဘယ်သူတွေ လိုလားလား၊ မလိုလားလား သူတို့တတွေ ဈေးတန်းကလေး… လို့ တနည်း၊ ပန်းခင်းကလေး လို့ တသွယ် ကျနော် တင်စားထားတဲ့ ဟောဒီ ဘလော့လောကထဲကို ရောက်ရှိလာခဲ့ကြပါပြီ။

သူတို့တွေ ဒီကိုလာတဲ့အခါ ဘာကို ယူလာခဲ့လို့ လေ့လာကြည့်လိုက်တော့ မက်လောက်စရာ အနုပညာဖြစ်ဖြစ်၊ မှတ်သားလေ့လာစရာ ဖြစ်ဖြစ် ဘာတခုမှ ပါလာကြတာတော့ မဟုတ်ပါဘူး။ ရိုးစင်းလွန်းလှပြီး ပျင်းရိစရာကောင်းလှတဲ့ နေ့စဉ်ထုတ် မြန်မာသတင်းစာနဲ့ မြန်မာ့အသံ၊ ရုပ်မြင်သံကြားထဲက အာဏာပိုင် အကြိုက်စကားလုံးတွေကိုသာ အပြည့်အသိပ် သယ်လာခဲ့ကြတာပါပဲ။ ဘယ်သူမှ လာမဖတ်ကြတဲ့ သူတို့ရဲ့ ဘလော့ဂ်တွေကို လူအများ သတိထားလာရအောင် လူသိများတဲ့ အာဏာပိုင် ဆန့်ကျင်သူ ဘလော့ဂ်တချို့မှာ ရန်စခြင်းနဲ့ တမျိုး၊ စိတ်အနှောက်အယှက် မျိုးစုံ ပေးခြင်းနဲ့ တဖုံ သူတို့ ဘလော့ဂ်ကို ပရိုမိုးရှင်း လုပ်ယူပါတယ်။ ကုန်ကုန်ပြောရရင် မြန်မာတနိုင်ငံလုံးက အလေးထားရတဲ့ လွတ်လပ်ရေးရဲ့ ဖခင်ကြီး ဗိုလ်ချုပ်အောင်ဆန်းကိုပါ စော်ကားမော်ကားပြီးတော့ ဘလော့ဂ်ကို လူသိများအောင် လုပ်ယူကြတာတောင် ရှိခဲ့ဖူးတယ်။

သူတို့တွေ အဓိက ပစ်မှတ်ထား လုပ်ဆောင်နေကြတာကို အသေအချာ လေ့လာကြည့်မယ်ဆိုရင် သူတို့တွေဟာ ဘယ်သူကမှ မထောက်ခံတဲ့ လက်ရှိ အာဏာပိုင်ကို လူတွေက ထောက်ခံလာအောင် ဒီလောက်ကြီး မကြိုးစားဘူး။ ကြိုးစားလို့လဲ သိပ်ပြီး အကျိုးထူးလာမှာ မဟုတ်တာကို သူတို့ ကောင်းကောင်းကြီး သဘောပေါက်ဟန် ပေါ်ပါတယ်။ ဒီတော့ သူတို့ အလုပ်က လက်ရှိအာဏာပိုင်တွေကို ဆန့်ကျင်နေတဲ့ လူပုဂ္ဂိုလ်များနဲ့ အသင်းအဖွဲ့များကို စိတ်ဓာတ်ရေးရာအရ ယိုင်နဲ့သွားအောင် အဓိက ဦးတည်ပါတယ်။ အာဏာပိုင်တွေကို ဆန့်ကျင်နေကြသူတွေရဲ့ အားနည်းချက်နဲ့ ပျော့ကွက်၊ ဟာကွက်တွေကို စေ့စေ့စပ်စပ် လိုက်ရှာပြီးတော့ တန်ပြန်တိုက်ခိုက်ကြတာတွေကို တစိုက်မတ်မတ် လုပ်ပါတယ်။

အဲဒီလို လုပ်ရင်းနဲ့ပဲ နှစ်ဘက် အပြန်အလှန် တိုက်ခိုက် ငြင်းခုန်တာတွေ ဖြစ်လာကြပြီဆိုရင် ဒါဟာ သူတို့ရဲ့ ဦးတည်ချက်တခု အထမြောက်ခြင်း တမျိုးပါပဲ။ သာမန်ပြည်သူတွေက `ဟာ၊ ဒီကောင်တွေ အားအားရှိ သူတို့အချင်းချင်း ငြင်းခုန်ရန်ဖြစ်နေကြတာပဲ´ လို့ မြင်ပြီးတော့ နဂို မုန်းရင်းစွဲရှိပြီးသား အာဏာပိုင်တွေကို အပြင် အာဏာပိုင်တွေကို ဆန့်ကျင်သူတွေကိုပါ စိတ်ပျက်သွားစေအောင် ဦးတည် ဖန်တီးတာကို သတိထားမိပါတယ်။ သူတို့ရဲ့ လုပ်နည်းလုပ်ဟန်ထဲမှာ ပြည်သူနဲ့ တသားတည်းဖြစ်နေတဲ့ ဒီမိုကရေစီ လိုလားသူများကို ပြည်သူနဲ့ တသီးတခြားစီ ဖြစ်သွားအောင် နည်းမျိုးစုံနဲ့ တိုက်ကွက်ဖော်ကြတာဟာ အဓိကအချက်အနေနဲ့ ပါဝင်နေတာကတော့ အထင်အရှားပါပဲ။

သူတို့ရဲ့ မထိတထိ ရိထေ့တာတွေကို မခံမရပ်နိုင်လို့ တချို့လူငယ်တွေက ပြင်းပြင်းထန်ထန် စကားလုံးတွေနဲ့ လက်တုံ့ပြန်မိပြီဟေ့ ဆိုရင်တော့ ဒါဟာ သူတို့အတွက် အကွက်ကောင်းပါပဲ။ ဘေးက လာဖတ်သူက နှစ်ဘက်စလုံးကို စိတ်ကုန်သွားရလောက်အောင် ထပ်ပြီး ရန်စ၊ ရိ၊ ထေ့ကြတော့တာပါပဲ။ လာဖတ်သူက သူတို့ကို စိတ်ကုန်သွားတော့လဲ ဒါဟာ နဂိုကတည်းက အရင်းပဲမို့ သူတို့နဲ့ တုပြိုင်ဖက်မိသူကို စိတ်ကုန်သွားတာကသာ သူတို့အတွက် အမြတ် ဖြစ်ပါတယ်။

***

ဘယ်လိုပဲဖြစ်ဖြစ်…၊ သူတို့ ရောက်နေကြတာကတော့ အသေအချာပါပဲ။ ချပ်ဝတ်တန်ဆာ အပြည့်အစုံ၊ လက်နက်အစုံအလင်နဲ့ သူတို့…။ အစွယ်တပြူးပြူး စိတ်ဘီလူး ပိုင်ရှင် သူတို့…။ မိစ္ဆာမာယာ နူးညံ့မှု ဗလာနဲ့ သူတို့…။

သူတို့နဲ့ ကျနော်တို့…၊ ကျနော်တို့နဲ့ သူတို့…။

***

ကလိုစေးထူး

သတိ... ကူးစက်တတ်သည်။

တနေ့ကပါ…။

အဆက်အသွယ်ပြတ်နေတာ အတော်ကြာပြီ ဖြစ်တဲ့ မိတ်ဆွေတယောက်နဲ့ ဖုန်းပြောဖြစ်ပါတယ်။ ဒီနိုင်ငံကို ရောက်ကတည်းက သူကလဲ သူရောက်တဲ့ ပြည်နယ်မှာ အဆင်ပြေသလိုနေ၊ ကျနော်ကလဲ ကျနော့်နေရာမှာ တော်သလိုနေရင်းနဲ့ အခုလို နှစ်အတန်ကြာတော့မှ ဖုန်းအဆက်အသွယ် ရတော့ အလ္လာပ၊ သလ္လာပတွေက ပြောလို့မကုန်ပေါ့…။

အဲဒီလို ပြောကြဆိုကြရင်းနဲ့ နားထဲမှာ တစုံတခုက ထူးခြားနေတာကို သတိထားမိတယ်။

`ဘယ်လိုလဲဗျ၊ ခင်ဗျားအဆင်ပြေလား၊ အဲဒီမှာ ဘာတွေလုပ်ဖြစ်နေလဲ´

`အင်း၊ ဒီလိုပါပဲ၊ ပြေတယ်လဲ မဟုတ်ပါဘူး´

`အခု အလုပ်ထဲကနေ လှမ်းဆက်နေတာလား´

`အမ်ဟမ်း´

`ကြည့်ရတာ အလုပ်က အေးဆေးပဲထင်တယ်နော်´

`အမ်ဟမ်း´

`အိမ်ငှားခရော အဲဒီမှာ ဈေးတော်လားဗျ´

`အမ်ဟမ်း၊ မဆိုးလှပါဘူး´

***

ပြီးခဲ့တဲ့ တပတ်ကျော်ကျော်တုန်းကပါ။

ကျနော်တို့ ပြည်နယ်ရောက် မြန်မာတွေရဲ့ နှစ်စဉ်မိတ်ဆုံစားပွဲလေး တခု လုပ်ကြဖို့အတွက် ညှိနှိုင်းကြတဲ့ အစည်းအဝေး တခု လုပ်ကြပါတယ်။

`အရင်နှစ်တွေတုန်းက လုပ်တဲ့ ပန်းခြံက ဝေးလွန်းတယ်ဗျ၊ အခုနောက်ပိုင်း ရောက်လာတဲ့ လူတွေက ကားမရှိကြသေးတာက များတယ်´

`အမ်ဟမ်း´

`အစားအသောက် ကိစ္စအတွက်ကတော့ အခု အစည်းအဝေးကို လာတဲ့လူတွေကပဲ ငွေစုထည့်ကြတာ ကောင်းမယ်ထင်တယ်`

`အမ်ဟမ်း´

`လာကြတဲ့ လူတွေကလဲ စားစရာတွေ လုပ်လာကြမှာပါ´

`ဒါပေါ့၊ အမ်ဟမ်း၊ ဟုတ်တာပေါ့´

***

ကျနော် စဉ်းစားကြည့်မိတယ်။ ဒီနိုင်ငံမှာမွေးပြီး၊ ဒီနိုင်ငံရဲ့ လေယူလေသိမ်းကိုပဲ အစဉ်တစိုက် ပြောဆိုလာကြတဲ့ အမေရိကန်တွေ စကားပြောတာကို သေသေချာချာ နားထောင်ကြည့်ရင် အဲဒီ `အမ်ဟမ်း´ ဆိုတာကြီးတွေက ဒီလောက်အထိ မပါလှပါဘဲနဲ့ ကျနော်တို့ မြန်မာအသိုင်းအ၀န်းမှာကျမှ ဘာလို့များ ဒီလောက်တောင် ဖောင်းပွနေရပါလိမ့်…။

ဘယ်လောက်အထိများတောင်လဲ ဆိုရင် ကျနော့်ရဲ့ ချစ်လှစွာသော အမိုးကအစ…။ ဒီနေ့ ညနေပိုင်း အိမ်ဝရန်တာပေါ်ကနေ ဟိုဟိုဒီဒီ ငေးနေတုန်း အမိုး ဖြတ်လျှောက်သွားတာ တွေ့လို့ လှမ်းနှုတ်ဆက်မိတယ်။

`အမိုး၊ ဘယ်သွားမလို့လဲ´

`လမ်းလျှောက်ထွက်မလို့လေ´

`သြော်၊ ဟုတ်ကဲ့၊ ထမင်းစားပြီးပြီပေါ့´

`အမ်ဟမ်း´

***

အင်းလေ…၊ ဒါဟာ ဘာသာစကား ဂလိုဘယ်လိုက်ဇေးရှင်းတမျိုးပဲ နေမှာပေါ့…။ ဆိုင်မဆိုင်တော့ မသိဘူး။ ကျော်ဟိန်းနဲ့ အနဂ္ဂတို့တွေ တွဲဆိုထားတဲ့ သီချင်းတပုဒ်တောင် သွားသတိရမိသေးတယ်။ အောက်မှာ နားဆင်ကြည့်ပါဦး။

***

ကလိုစေးထူး

ရမ်းသမ်းကွတ်ခ်...။

`ဟေ့လူ၊ ဒီညနေ ဘယ်သွားစရာရှိလဲဗျ´

သောကြာညနေမို့ ဘဏ်ကိုသွား၊ ဈေးဝယ်လို့ အိမ်ပြန်ရောက်မယ်မှ မကြံသေး မဆုံဖြစ်တာ သုံးလေးလလောက် ကြာနေတဲ့ မိတ်ဆွေ တယောက်ဆီက ဖုန်းဆက်လာပါတယ်။

`မရှိပါဘူး၊ ဘာလို့တုန်း´
`ဒါဆို ကျနော် ခင်ဗျားအိမ်လာလည်မလို့´
`လာစေဗျာ၊ လာစေ´

အဲသလိုနဲ့ ရွှတ်နောက်နောက် ပြန်ပြောပြီးလို့မှ သိပ်မကြာပါဘူး…။ ပုဂ္ဂိုလ်က ရောက်ချလာပါလေရော…။ လက်ထဲမှာလဲ ဘီယာ တဖာကို ဆွဲလို့…။

***

အမှန်က သောကြာညနေမှာ ကျနော် ထူးထူးခြားခြားနဲ့ ဟင်းတခွက် သေသေချာချာ ချက်ပြီးတော့ ဘလော့ဂ်လာဖတ်တဲ့ မိတ်ဆွေတွေကိုလဲ ကျွေးမယ်ပေါ့၊ အဲသလို စီစဉ်ထားတာ…။ ဟိုပုဂ္ဂိုလ်လာတော့ အစီအစဉ်က ပျက်မလို ဖြစ်သွားပါလေရော…။ ဒါပေမယ့် ဘယ်ရမလဲလေ၊ သူ့ကိုပါ ညာတာပါတေးနဲ့ တိုလီမုတ်စလေးတွေ ဟိုခိုင်းဒီခိုင်း လုပ်ပြီး ကလိုစေးထူးရဲ့ `ရမ်းသမ်း cook´ အစီအစဉ် စပစ်လိုက်တာပေါ့။

အခုဆိုရင် ကျနော်တို့ ဈေးတန်းထဲမှာ…၊ အဲလေ :D ကျနော်တို့ ဘလော့ဂါတွေထဲမှာ ဟင်းချက်ထူးချွန်သူတွေရဲ့ ချက်နည်းပြုတ်နည်း ဘလော့ဂ်တွေလဲ သေသေသပ်သပ်နဲ့ ပေါ်လာနေတာ သွားရည်ယိုချင်စရာကြီးပါပဲ။ အခု ကျနော် ချက်ကျွေးမယ့် ဟင်းတခွက်ကတော့ ဘလော့ဂ်တွေ ပေါ်မှာ မတွေ့မိသေးတဲ့ ဟင်းတခွက်ပါ…။ ရုပ်တည်ကြီးနဲ့ ဆီက ဘယ်လောက်၊ ဆားကဘယ်လောက်၊ အသားက ဘယ်လောက် ဆိုပြီးတော့လဲ ဟင်းချက်နည်းကို မတင်ချင်တော့ စစနောက်နောက် ချက်ချက်ပြုတ်ပြုတ်လေးပေါ့နော…။ ကဲ… လာလေ့။



အဲဒါကတော့ ကျနော် ချက်တော့မယ့် ဟင်းမှာပါမယ့် အမယ်ပစ္စည်းတွေပေါ့…။ ရေခဲတုံးနဲ့တူတဲ့ ၀က်ရိုးတွေရယ်၊ အမေကြီးကားရောက် ပိန္နဲစည်သွတ်ဘူးရယ်၊ ကြက်ဖ နှစ်ကောင် တံဆိပ် မျှင်ငါးပိ ဘူးရယ်…။ စကားကြုံလို့ ပြောရဦးမယ်။ အာရှဆိုင်တွေကို ရောက်ခဲ့လို့ ငါးပိဘူး ၀ယ်တော့မယ်ဆိုရင် ကျနော် အခုပြထားတဲ့ ကြက်ဖနှစ်ကောင် တံဆိပ် မျှင်ငါးပိကတော့ မြန်မာပါးစပ်နဲ့ အနီးစပ်အဆင်ပြေဆုံး ငါးပိပါပဲဗျို့။ တချို့ငါးပိတွေက သကြားတွေ ရောထားတော့ ချိုအီအီကြီး…။ အခု ငါးပိကတော့ ကရင်ငါးပိထောင်း လုပ်ဖို့လဲကောင်း၊ ဟင်းထည့်ချက်လို့လဲ ကောင်းပေါ့…။




ထုတော့မယ်တဲ့…၊ ထောင်းတော့မယ်…။ :D

ကျနော်ငယ်ငယ်တုန်းကပေါ့။ မေမေက သူမီးဖိုချောင် ၀င်ပလားဆိုရင် ကျနော့်ကို သူ့အနားမှာ အမြဲခေါ်တတ်တယ်။ ထိုင်ခုံအပုလေး တလုံးကို ဆွဲပြီး မီးဖိုနားမှာ မေမေထိုင်ပြီလားဟေ့ ဆိုရင် နေရာကနေ မထတော့ဘူး။ `သားကြီး၊ မေမေ့ကို ဆီပုလင်းယူပေးစမ်း´ `ဟိုစင်ပေါ်မှာ ကြက်သွန်ဖြူ နည်းနည်းလောက် လှမ်းယူပေး´ `ရော့…၊ အဲဒီ အသားတွေကို ရေသွားဆေး´ စသဖြင့် စသဖြင့် ရေရေလည်လည် ခိုင်းတော့တာပဲ။ အဲဒီလို ခိုင်းတဲ့အထဲမှာ ကြက်သွန်လှီးတာနဲ့ ငရုတ်သီးထောင်းတာလဲ အပါအ၀င်ပဲလေ။ တွေ့တယ်ဟုတ်…၊ ကျနော်လှီးထားတဲ့ ကြက်သွန်တွေက ပါးပါးလေးမှတ်လား။ :P မပါးရင်လဲ ပါးတယ်လို့သာ မှတ်လိုက်။ :D



တကယ်က ကျနော်တို့ မြို့မှာတုန်းကဆိုရင် အခုလို ဟင်းမျိုး ချက်တော့မယ်ဆိုရင် ပိန္နဲသီး ခပ်ရင့်ရင့်ကို ဘေးပတ်ပတ်လည်မှာ သစ်သားဒုတ် ခပ်မာမာနဲ့ နာနာရိုက်ရတယ်။ တဘုန်းဘုန်းနဲ့ ရိုက်လို့ ပိန္နဲသီးက ပျော့အီအီလိုလို ဘာလိုလို ဖြစ်တော့မှပဲ ဘေးက ဆူးတွေကို ဓားထက်ထက်နဲ့ တရွှတ်ရွှတ် လှီးထုတ်ပစ်ရတာ။ ပြီးတော့ အတုံးတွေတုံး၊ ရေပြောင်ပြောင်ဆေးပြီး ချက်စားတာပဲ။

အခုကျတော့ စည်သွတ်ဘူးနဲ့ လာတာဆိုတော့လဲ ဖောက်စက်ထဲကို ဂျွီးခနဲ ထည့်ဖောက်လိုက်တာနဲ့ ကိစ္စကပြတ်ရော…။ ဟို သဘာဝ ပိန္နဲသီးရဲ့ အရသာကိုတော့ ဘယ်မှီပါ့မလဲ…။ ဒါပေမယ့် လုံးဝ မရှိတာထက်စာရင်တော့ တော်သေးတာပေါ့။

ဝက်သားက ခဲနေလို့ ရေပူတွေနဲ့ ဆေးပြီး အမြန်နွှေးပစ်ရသေးတယ်။ ပြီးမှ အတုံးတွေ တုံး။ ငရုတ်သီးထောင်းထားတာရယ်၊ ၀က်သားရယ်၊ ဆီနည်းနည်း၊ ဆားနည်းနည်း၊ နနွင်းနည်းနည်း အချိုမှုန့်နည်းနည်းနဲ့ အိုးထဲမှာ ရောနယ်ပြီး မီးဖိုပေါ် တင်ထားလိုက်တယ်။ ဆယ်မိနစ်လောက်ကြာတော့ ဟင်းအိုးကို တခါထပ်ဖွင့်၊ စောစောက ပိန္နဲသီးအတုံးကလေးတွေကို ရောထည့်၊ ရေနည်းနည်းထည့်ပြီး ထပ်ချက်ရတယ်။

ဟင်းချက်နေတုန်းကမှာ တခြား လက်စွမ်းပြရတာ တခုကတော့ ကရင် ငါးပိထောင်းပဲ။ ဟိုတနေ့က ရှားရှားပါးပါး ရလာတဲ့ သရက်သီးစိပ်ကလေးတွေနဲ့ ကရင် ငါးပိထောင်းအပြင် ဘူးသီးစိပ် ဟင်းခါး တခွက်ပါ အမြန်ဆုံးနည်းနဲ့ ပန်းကန်လုံးတီး ချက်ပစ်လိုက်သေးတယ်။

အဲဒါတွေ ချက်လို့ပြီးပြီ ဆိုရင်တော့….။



ဟဲဟဲ…၊ တွေ့တယ်မှတ်လား။ ကရင်ငါးပိထောင်းရယ်၊ ၀က်သားနဲ့ ပိန္နဲသီးချက်ရယ်၊ ဘူးသီးဟင်းခါးရယ်လေ။ ဘူးသီးက အခွံမနွှာဘူးလို့ ပြောမလို့လား။ နုနုလေးမို့ မခွာတော့တာလေ။ အဟဲ၊ ပျင်းတာလဲ ပါတာပေါ့။ အဲဒီဟင်းနဲ့ ပွဲတော် မတည်ကြခင်မှာ ကျနော်တို့ ဘာလုပ်ကြသေးလဲ ဆိုတော့…။




စောစောက ဟင်းကို ထမင်းနဲ့ မတွဲမီမှာ ဘီယာနဲ့တွဲလို့ မိတ်ဆွေ ၀ယ်လာတဲ့ ၀က်သားချဉ်နဲ့ ပုဇွန်ကြော်ကိုပါ ၀ိုင်းထဲ ခေါ်သွင်းလိုက်တော့ ဟို ကြော်ငြာ သီချင်းလေး တပုဒ်ကိုတောင် သတိရမိသေး…။ ဘာတဲ့။

`ဘီယာဟာ အရက်တော့ မဟုတ်ပါ၊ တငွေ့ငွေ့လေးနဲ့ အတော်လာတာ ~~~ ဟေ့~~~ ပလုံစီနေတဲ့ အမြှုပ်ကလေးများက သွားရည်ယိုချင်စရာ~~~ နေညိုရင်သာ´

ကျနော့်မိတ်ဆွေများ အလုပ်ပိတ်ရက်မှာ စိတ်ရွှင်လန်း ပျော်ရွှင်ကြပါစေ။

ကလိုစေးထူး

ဈေးတန်းထဲကလူ...။

`မင်္ဂလာပါ´

ဆိုင်ခင်းမယ်တောင် မကြံသေး၊ လူရှေ့မှာ လာရပ်ပြီး ပြုံးပြနေတဲ့ ထိုပုဂ္ဂိုလ်ကို မြင်လိုက်တော့ လောက၀တ်အရ ပြန်ပြုံးပြလိုက်ရသည်။ နောက်တော့ သူလဲ ကိုယ့်ဆိုင်ကိုကိုယ် ပြင်ဆင်ခင်းကျင်းနေရတာနဲ့ အလုပ်နည်းနည်းရှုပ်သွား၏။ အနည်းငယ် အားလပ်စပြုလို့ ခဏအနားရချိန်မှာပင် စောစောက ပုဂ္ဂိုလ်လည်း သူ့ဆိုင်ရှေ့ကို ပြန်ရောက်လာပြန်တော့သည်။ အင်း…၊ ထုံးစံအတိုင်း ထိုပုဂ္ဂိုလ် ဈေးတပတ်ပြည့်အောင် လှည့်ခဲ့ပြီးပြီနဲ့ တူပါရဲ့…။

***

ဈေးတန်းကလေး…။

ဒီဈေးတန်းကလေးကို သူ စရောက်ခါစကတော့ ဈေးတန်းထဲမှာ ဆိုင်ခန်းတွေက ကျဲတိကျဲတဲ…။ ဟိုတစ ဒီတစ ဖွင့်ထားတဲ့ ဆိုင်နည်းနည်းကလေးမှာမှ ပုံမှန် ဆိုင်ခင်းနိုင်တာက ပိုလို့တောင် နည်းသေးသည်။ အဲဒီတုန်းက ဒီဈေးတန်းကလေးကို စိတ်ဝင်စားသူတွေကလဲ တယောက်စ၊ နှစ်ယောက်စမျှသာ…။ ပြောရမယ်ဆိုရင်တော့ ဒီဈေးတန်းကလေးမှာ ဆိုင်လာခင်းကြတဲ့လူ အချင်းချင်း တဆိုင်နဲ့တဆိုင် ကူးလူးအားပေးလိုက်၊ ဘေးဘီက မိတ်ဆွေတွေကို `ဟဲ့…၊ ငါ့ဆိုင်ကလေးကို လာအားပေးပါဦး´ လို့ ဆွဲလွဲခေါ်လိုက်နဲ့သာ လုံးလည်ချာလည် လိုက်နေခဲ့ရသည်။

နောက်တော့ ဇွဲကောင်းကောင်းနဲ့ ပုံမှန်ဆိုင်ခင်းသူတွေရဲ့ အားထုတ်မှုကြောင့် ဈေးတန်းကလေးက တစတစနဲ့ လူသိများလာ၏။ ဈေးတန်းကလေးက ဆိုင်တွေက ဆိုင်ကြီး၊ ကန္နားကြီး မဟုတ်သည့်တိုင် အရည်အသွေး မသေးလှတဲ့ ဆိုင်တင် ပစ္စည်းကလေးတွေက ဖြတ်သွားဖြတ်လာတွေကို ဆွဲဆောင်နိုင်လာသည်။ ဒီလိုနဲ့ ဈေးတန်းကလေးဆီကို ပုံမှန် လာအားပေး လည်ပတ်သူတွေ များလာသလို ဈေးတန်းကလေးမှာ ဆိုင်ခင်းဖို့ စိတ်ဝင်စားသူတွေလဲ ထုနဲ့ထည်နဲ့ ဖြစ်လာတော့သည်။

နောက်ပိုင်းမှာတော့ တခြားသော ဈေးကြီးတွေက နာမည်ကြီး ဆိုင်ရှင်များကပင် ဒီဈေးတန်းကလေးရဲ့ ကျော်ကြားမှုကို အသိအမှတ်ပြုလာရတော့သည်။ ထို နာမည်ကြီး ဆိုင်ရှင်တွေထဲက တချို့ ဒီဈေးတန်းကလေးမှာ ဆိုင်ခန်းတနေရာ လာဖွင့်လိုက်တော့ ဈေးတန်းကလေးမှာ ပိုလို့ စည်ကားမြိုင်ဆိုင်နေတော့သည်ပေါ့။

သူ့အနေနဲ့ကတော့ ဒါသည်ပင် သူ့အိပ်မက်…။ ဟောဒီဈေးတန်းကလေးကို သူ စရောက်ခဲ့စဉ် ကတည်းက ဒီဈေးတန်းကလေးမှာ ဆိုင်မျိုးစုံစုံလင်လင်နဲ့ စည်စည်ကားကားကြီး ဖြစ်နေရင် ဘယ်လောက်ကောင်းပါလိမ့်မလဲ လို့ သူ မကြာခဏ တမ်းတခဲ့ဖူးသည်။

ဘယ်လိုပဲဖြစ်ဖြစ် အခုအချိန်မှာတော့ ဈေးတန်းကလေးက သူ တမ်းတခဲ့ဖူးသလိုပင် စည်ကားလွန်းမက စည်ကားခဲ့လေပြီ။

***

လောကမှာ အဆိုးနဲ့အကောင်းက ကပ်လျက်ဒွန်တွဲနေတယ် ဆိုသည့် စကားက သွေးထွက်အောင် မှန်လွန်းလှ၏။

သူ စည်ကားစေချင်ခဲ့သော ဒီဈေးတန်းကလေးမှာ အခုဆိုရင် ဆိုင်ခန်းပေါင်း ဘယ်လောက်ရှိနေပြီ ဆိုတာ ရေတွက်လို့ မရနိုင်လောက်အောင် များပြားနေတာ မှန်ပေမယ့် တခါတလေကျတော့လဲ ဈေးတန်းကလေးကို ကြည့်ပြီး စိတ်ညစ်ညူးရတာတွေက ရှိလာပြန်သည်။

တချို့က ဈေးတန်းကလေးကို `အရက်စော်နံတယ်´ လို့ ပြော၏။ တချို့ကျတော့ `နပမ်းရုံကျနေတာပဲ၊ အမြဲတမ်း သတ်ပုတ်နေကြတယ်´ လို့ ပုတ်ခတ်၏။ ဒါပေမယ့် အရက်ဆိုင်ကို မရောက်ဘဲ တခြားတဘက်က ဆိုင်တန်းကောင်းတွေဘက်ကိုသာ ရောက်သူတွေကျတော့လဲ ဈေးတန်းကလေးကို ချီးမွမ်းလို့မဆုံး…။ ဆိုးတာတခုကတော့ တခါတလေကျရင် ဆယ်အိမ်ခေါင်းနဲ့ ရွာသူကြီးအမျိုး ခပ်ဆိုးဆိုးလူတချို့ ဈေးဆိုင်ထဲမှာ ရမ်းကားတတ်တာ တခုကတော့ အတော်ဆိုးလှ၏။

အင်းလေ…၊ လောကမှာ အကောင်းချည်းသက်သက်တော့ ဘယ်ရနိုင်ပါ့မလဲ…။

***

သူ့ဆိုင်ရှေ့မှာ စောစောတုန်းက လာပြုံးပြသွားတဲ့ ပုဂ္ဂိလ်သည်လည်း ဒီဈေးတန်းကလေးမှာ ဆိုင်ခန်းတခုတော့ ပိုင်ဆိုင်ထား၏။ ထိုပုဂ္ဂိုလ်ရဲ့ဆိုင်မှာ ဘာတခုမှတော့ မယ်မယ်ရရ တည်ခင်းမထားချေ…။ ဒါပေမယ့် ပုဂ္ဂိုလ်ကြီးက တခြားဆိုင်တွေကိုတော့ ဆိုင်ပေါက်စေ့ ရောက်နိုင်တယ်လို့ ပြောရမည်။ တခါတလေ သူ တခြားဆိုင်တွေကို ဟိုဟိုဒီဒီ လိုက်လည်ပလားဆိုတာနဲ့ ပုဂ္ဂိုလ်ကြီးကို အဲဒီဆိုင်ရှေ့မှာ ခပ်ပြုံးပြုံးကြီးနဲ့ အခန့်သားတွေ့ရပြီ။

ပုဂ္ဂိုလ်ကြီးကို သူ သတိထားမိတာ တခုကတော့ ပြုံးနိုင်လွန်းခြင်းပင်…။ သူမို့ သူ့ဆိုင်မှာ တခုခု အသစ် တည်ခင်းပြီလားဟေ့ ဆိုရင် ဆိုင်ရှေ့မှာ ပုဂ္ဂိုလ်ကြီးက ခပ်ပြုံးပြုံးနဲ့ သူများထက် အရင် ရောက်နှင့်နေပြီ။ သူ့ဆိုင်မှာ ခင်းကျင်းထားတာတွေကို သဘောကျလို့လား၊ ဒါမှမဟုတ် ဘာလို့ ပြုံးတာလဲ သူတကယ်မသိ…။ ဒီထက်ပို ထူးဆန်းတာက သူနဲ့ ပုံစံခြင်းမတူသော၊ တူသော တခြားဆိုင်တွေမှာလဲ ပုဂ္ဂိုလ်ကြီးက အမြဲလိုလို ပြုံးပြနေပြန်သည်။ နောက်တော့လဲ ` မိတ္တဗလ ပြည့်စုံဟန် တူပါရဲ့´ လို့သာ မှတ်ချက်ဖွဖွကို စိတ်ထဲကနေ ပေးရသည်။

အခုတော့ ဘာစိတ်ကူးပေါက်သည် မသိ…။ ပုဂ္ဂိလ်ကြီးက သူ့ဆိုင်ရှေ့က ခုံမှာ အခန့်သားထိုင်နေလေပြီ။

`ကျနော်တော့ ရွာပြန်တော့မယ်ဗျ´

`သြော်…၊ ဟုတ်ကဲ့၊ အပြီးပြန်မှာလား´

`ဟုတ်ကဲ့´

`ဟုတ်ကဲ့၊ ကောင်းပါတယ်ဗျာ´

အကြောင်းအရာ အလ္လာပ၊ သလ္လာပတွေနဲ့ စကားလုံးတောထဲကို နှစ်ယောက်သား မျောသွားကြပြန်သည်။ ခဏကြာတော့…

`ခင်ဗျားကိုတော့ လေးစားတယ်ဗျာ၊ လုပ်လဲလုပ်ကြပါ´

`ဟုတ်ကဲ့´

`သေချာလေးလဲ စံပြလုပ်ပြကြပါဗျာ၊ အပြောနဲ့ အလုပ်တလွဲတွေ မြင်နေရတာ အားမရဘူး´

`အင်း၊ ကျနော်လဲ စိတ်ထဲ ရှိသလိုတော့ လုပ်နေတာပဲ၊ စံပြရယ်တော့ မဖြစ်လောက်ပါဘူး။ ကိုယ့်ကိုယ်ကို အဲလိုပဲ ကျနော်မြင်တယ်´

နောက်တော့ သူကြီးအိမ်မှာ သူ နှစ်လလောက် နေဖူးတဲ့အကြောင်းတွေ၊ သူကြီးတို့ အမျိုးတွေက ဘယ်လိုဘယ်ပုံနဲ့ စကားတွေဖောင်ဖွဲ့ပြီး လေလှိုင်းတောမှာ လူးလွန့်ပြန်သည်။

`အားလုံးက ရွာကောင်းဖို့ လုပ်နေကြတာပဲလို့ ကျနော်မြင်ပါတယ်´

`ဒါပေါ့´

ကျောင်းတုန်းက သူ့ဆရာတယောက်က သူ့ကို သင်ပေးထားသည်။ လူတယောက် ကိုယ့်ကို စကားလာပြောနေရင် သူပြောနေတာကို စိတ်ဝင်စားသည်ဖြစ်စေ၊ စိတ်မ၀င်စားသည်ဖြစ်စေ သူ့ကို သေချာစိုက်ကြည့်ပြီး အာရုံစိုက်နားထောင်ပေးပါ…တဲ့။ ဒါဟာ လူမှုဆက်ဆံရေးရဲ့ ယဉ်ကျေးမှု တခုပဲတဲ့…။ ဒီလိုနဲ့ပဲ `ဟုတ်ကဲ့´ တွေ ထပ်နေအောင် ပုဂ္ဂိုလ်ကြီးကို ဧည့်ခံရပြန်သည်။

`ကျနော် ငယ်ငယ်ကလေးတည်းက မဆဲပါဘူး၊ အမြဲကောင်းအောင်ပဲ ကြိုးစားနေတယ်၊ မိန်းမနဲ့တောင် ရန်မဖြစ်ဘူး၊ ပြောမရရင် မပြောဘဲနေတယ်၊ အမှန်တရားကိုတော့ အထိမခံဘူး၊ နောက်တော့ သူပဲ လာပြန်ကန်တော့ရတယ်´

`ဟုတ်ကဲ့´

`ဘယ်သူပဲ အုပ်ချုပ်ပါစေဗျာ၊ အဓိကက ရွာကောင်းဖို့ပါပဲ။ နောက်ပြီး ကိုယ့်တာဝန်ပိုင်းကို အကောင်းဆုံး အရိုးသားဆုံး လုပ်ကြဖို့ပါပဲ´

`ဟုတ်ပါတယ်၊ ကျနော်လဲ အဲဒီလိုပဲ မြင်ပါတယ်။ စေတနာမထားတဲ့လူကိုတော့ ဆန့်ကျင်ရမှာပေါ့´

`ပြောချင်တာကတော့ ကျနော်က ရွာလောက်တောင် မဟုတ်ဘူး၊ စကြာဝဠာကြီး တခုလုံးကိုတောင် ငြိမ်းချမ်းစေချင်တာ´

***

စကားစတွေ ဖြတ်ပြီးချိန်မှာတော့ ပုဂ္ဂိုလ်ကြီးလဲ တခြားဆိုင်ခန်းတွေဘက် ခြေဦးလှည့်သွားလေပြီ။ ဘယ်ဆိုင်မှာ သွားထိုင်ပြီး ဘာတွေ ပြောဖြစ်ဦးမယ်တော့ မသိ…။ သူကြီးတို့ အမျိုးတွေဆိုင်ကိုပဲ ရောက်လေမလား၊ ဒါမှမဟုတ် ဆိုင်ခန်းတိုင်းလိုလိုရဲ့ အရှေ့မှာ သွားပြုံးပြနေဦးမလားလဲ သူ မပြောတတ်ပါ။

မည်သို့ပင်ဖြစ်စေ…။

ဈေးတန်းကလေးကတော့ စည်ကားနေမြဲပင်…။

***

ကလိုစေးထူး