အဝေးရောက် ချွေး…

တနေ့မှာတော့ တလနေမှ တခါလောက်သာ စကားပြောဖြစ်တဲ့ သူငယ်ချင်းတယောက်က ဂျီတော့ခ်မှာ ကျနော့်ကို ဒီလိုပြောပါတယ်။

`ကသံလွင်၊ ခင်ဗျားအမြင်လေး တပုဒ်လောက် ရေးစမ်းပါအုံးဗျာ။ အခုတလောမှာ စီဘောက်စ်တွေမှာနဲ့ ဘလော့ဂ်တွေမှာ တွေ့တွေ့နေရတာကို´

`ဘာကိုတုန်းဗျ´

`ဒီလိုလေ၊ ရုရှရောက် တချို့ စစ်ဘိုတွေက `မင်းတို့က နိုင်ငံအတွက် ချွေးဘယ်နှစ်စက်ထွက်ပြီးပြီ မို့လို့လဲ´ ဆိုတဲ့စကားကို ခင်ဗျား ဘယ်လိုမြင်လဲ ဆိုတာပါ´

သူ အဲဒီနေ့က ပြောခဲ့ပေမယ့် အဲဒီအကြောင်းအရာနဲ့ ပတ်သက်ပြီး ကျနော် တော်တော်နဲ့ မရေးဖြစ်ခဲ့ပါဘူး။ တခြားရေးချင်တဲ့ အကြောင်းအရာတွေကို ဦးစားပေးနေခဲ့တာလဲ ပါပါတယ်။

***

`မင်းတို့က နိုင်ငံအတွက် ချွေးဘယ်နှစ်စက် ထွက်ပြီးပြီ မို့လို့လဲ´

ဒီစကားရဲ့ အတိမ်အနက်ကို သေသေချာချာ ပြန်စဉ်းစားကြည့်တော့ ရိုးရိုးလေး တွေးမိပါတယ်။ သူငယ်ချင်း ပြောတဲ့အတိုင်းဆိုရင်တော့ စစ်သားတယောက်က အရပ်သားတယောက်ကို မေးတဲ့စကားပေါ့။ စစ်သားဆိုတော့ လုပ်ရတဲ့ အလုပ်က ကြမ်းတယ်။ ရှေ့တန်းတွေဘာတွေ ထွက်ရတယ်၊ တခါတလေကျရင် အသက်တောင် သေချင်လဲ သေသွားနိုင်တယ်။ အရပ်သားဆိုတာကတော့ စစ်သားနဲ့ နှိုင်းယှဉ်လိုက်ရင် အဲဒါတွေက တော်တော်နည်းမယ်။

အဲဒီလို ပုံစံမတူတဲ့ ရှင်သန်မှုကို ဖြတ်သန်းလာကြတဲ့ လူနှစ်ယောက်က ဆန့်ကျင်ဘက် လမ်းတခုဆီကို လျှောက်ကြတဲ့ အခါမှာ စစ်သားက သူဖြတ်သန်းလာခဲ့ရတဲ့ အခြေအနေကို ဂုဏ်ယူဝံ့ကြွားလိုတဲ့ သဘော၊ ဒါမှမဟုတ် တဖက်က သူနဲ့ ဆန့်ကျင်ဘက်က ပုဂ္ဂိုလ်ကို စကားအရာအရ အနိုင်ရချင်တဲ့ ဆန္ဒ တခုခုနဲ့ ပြောလိုက်တာလို့ပဲ ရိုးရိုးလေး တွေးမိပါတယ်။

ကဲ၊ ဒါဖြင့် မြန်မာပြည်မှာ စစ်သားတွေလောက် အရပ်သားတွေက တိုင်းပြည်အတွက် အလုပ်မလုပ်ကြတော့ဘူးလား။ စစ်သားတွေက တကယ်ကိုပဲ အရပ်သားတွေထက် ပိုမိုပြီး ချွေးစက်ပေါင်း မြောက်မြားစွာ ထွက်နေတာလား။ ဘယ်သူကရော ချွေးစက်တွေ တကယ်ထွက်ပြီး တိုင်းပြည်အတွက် အလုပ်လုပ်နေတာလဲ ဆိုတာ ကျနော်တို့ လေ့လာကြည့်ကြပါစို့။

***

တကယ်တော့ တိုင်းပြည်အတွက် လူတိုင်းလူတိုင်းဟာ ကျရာနေရာကနေ သူတို့နဲ့ ထိုက်သင့်တဲ့ တာဝန်ကို ထမ်းနေကြတဲ့ လူချည်းပါပဲ။ ကျောင်းသားတယောက်က စာသင်မယ်၊ ကျောင်းဆရာတယောက်က စာပြမယ်၊ အဆိုတော်တယောက်က သီချင်းဆိုမယ်၊ သဘင်သည် တယောက်က ဇာတ်ကမယ်၊ ရုပ်ရှင်မင်းသားက ဇာတ်ကားတွေ ရိုက်မယ်၊ ဒရိုင်ဘာတယောက်က ကားမောင်းမယ်၊ အဲဒီလိုပါပဲ စစ်သားတယောက်က စစ်တိုက်မယ်၊ စစ်ဆင်ရေးထွက်မယ်။ သူ့နေရာနဲ့သူ တိုင်းပြည်အတွက် ချွေးစက်ကိုယ်စီ ထွက်နေကြတဲ့ လူချည်းပါပဲ။

ကျောင်းသားတယောက်အတွက် သူသင်ယူတဲ့ ဘာသာကို အားသွန်ခွန်စိုက် ကြိုးစားလို့ ပင်ပန်းသွားတဲ့ ဦးနှောဏ်ဉာဏ်ဟာ တိုင်းပြည်အတွက် ချွေးစက်တခုနဲ့ အလားသဏ္ဍာန်တူသလို စစ်သားတယောက်က ရှေ့တန်းကို သွားရလို့ ကျရတဲ့ ချွေးစက်ကလည်း သူ့ဘက်ကကြည့်ရင်တော့ တိုင်းပြည်အတွက်ပါပဲ။ ပုံစံခြင်းကွာတာ တခုပါပဲ။ အဲဒီလိုပဲ ကျောင်းဆရာ၊ အဆိုတော်၊ ဇာတ်မင်းသား၊ ရုပ်ရှင်မင်းသား၊ ဒရိုင်ဘာ၊ နောက်ဆုံး ကုန်ကြမ်း အထမ်းသမားက အစ သူ့နေရာနဲ့သူ တိုင်းပြည်အတွက် ချွေးစက်တွေ ထွက်နေရတဲ့ လူချည်းပါပဲ။

နောက်ထပ် စဉ်းစားရမှာတခုကလည်း ပြည်သူပြည်သားတွေက အုပ်ချုပ်သူတွေကို ပေးနေရတဲ့ အမျိုးမျိုးအပြားပြားသော အခွန်ငွေတွေဟာ အဲဒီ ချွေးစက် ပေါင်းစုံက ထွက်လာတာပါပဲ။

ကျောင်းသားတယောက် လမ်းပေါ်ထွက်ပြီး ဆန္ဒပြအရေးဆိုတာ၊ ပြည်သူတယောက် လမ်းပေါ်ထွက်ပြီး ဆန္ဒပြ တောင်းဆိုတာဟာ သူတို့ ပေးဆပ်နေရတဲ့ ချွေးစက်တွေအတွက် ရသင့်ရထိုက်တဲ့ အခွင့်အရေးကို တောင်းဆိုတာပါပဲ။

ဒီလိုဆိုရင် အဝေးရောက် မြန်မာတွေကရော တိုင်းပြည်အတွက် ချွေးဘယ်နှစ်စက် ထွက်ကြလို့လဲ လို့ မေးစရာ ရှိပါသေးတယ်။ ဟုတ်ကဲ့၊ တိုင်းတပါးမှာ အဲဒီနိုင်ငံတွေက တိုးတက်မှုတွေမှာ အလိုက်သင့် နေမယ်ဆိုရင် နေလို့ ရပါလျက်နဲ့ ကိုယ့်နိုင်ငံ၊ ကိုယ့်တိုင်းပြည်ကို သူတို့ရောက်နေတဲ့ တိုင်းပြည်လို တိုးတက်စေချင်တာ၊ သူများနိုင်ငံတွေနဲ့ တန်းတူရည်တူ ဖြစ်စေချင်တာ အစရှိတဲ့ စိတ်၊ အဲဒီစိတ်နဲ့ သူတို့ရောက်နေတဲ့ နေရာကနေ မိခင်တိုင်းပြည်အရေး ရတက်မအေးစွာနဲ့ တတ်နိုင်သလောက် ကျရာနေရာကနေ တာဝန်ထမ်းနေကြသူတိုင်းဟာ တိုင်းပြည်အတွက် ချွေးထွက်နေကြသူချည်းပါပဲ။

စစ်သားဆိုတော့ သာမန်အားဖြင့်တော့ အရပ်သားထက်စာရင် ကြမ်းတမ်းချင်လဲ ကြမ်းတမ်းနိုင်ပါတယ်။ ဒါပေမယ့် တကယ်အလုပ်လုပ်နေကြတဲ့ အရပ်သားတွေရဲ့ ချွေးစက်ကို အမှီပြုပြီး လောလောဆယ်မှာ ချွေးတစက်မထွက်ဘဲ အခန့်သား ထိုင်စားနေကြတာ၊ ချွေးစက်တွေကို သွေးကွက်တွေအဖြစ် ပြောင်းလဲပစ်နေတာက ဘယ်သူတွေလဲဆိုတာကတော့ ကျနော် အထူးအထွေ ပြောစရာလိုမယ် မထင်တော့ပါဘူး။

ငါက အလုပ်လုပ်ရတာ ပိုကြမ်းတမ်းလို့၊ အသက်အန္တရာယ်က ငါနဲ့ ပိုနီးလို့…၊ ဟိုကောင်တွေက အခန့်သားကောင်တွေ၊ ငါတို့လောက် ဘယ်သူကများ တိုင်းပြည်အတွက် ချွေးထွက်မှာမို့လို့လဲ…၊ အစရှိတဲ့ လေလုံးထွား စကားလုံးတွေနဲ့ လူတွေကို ပေတံနဲ့ လိုက်တိုင်းသလို စကားအနိုင်ရပြီးရော ပြောတာမျိုးဟာ တကယ်တော့ သေသေချာချာပြန်စဉ်းစားရင် ကလေးဆန်လွန်းတဲ့ အတွေးပါပဲ။ တကယ်တမ်း တိုင်းပြည်အတွက်သာ လုပ်နေတယ်ဆိုရင် ကိုယ့်စေတနာ ကိုယ်အကျိုးပေးမှာ ဖြစ်သလို တိုင်းပြည်အတွက်ပါဆိုပြီး ညာဝါးဖြီးဖြန်းနေရင်လည်း ပြည်သူတွေရဲ့ ဆန့်ကျင် ပစ်ပယ်ခံရမှာ အသေအချာပါပဲ။

***

ဒီပို့စ်ကို ရေးပြီးသမျှ ပြန်ဖတ်ကြည့်ပြီးတော့ ကျနော့်ကိုယ် ကျနော်လည်း ပြန်မေးကြည့်မိပါတယ်။

`မင်းကရော တိုင်းပြည်အတွက် ဘယ်လောက်များ ချွေးထွက်ပြီးပြီလဲ´

ဟုတ်ကဲ့။ အခုလေးတင်ပဲ ကျနော့်အတွေးထဲက ချွေးတွေကို စာသားတွေအဖြစ်နဲ့ စာဖတ်သူတွေအတွက် တင်ပြလိုက်ပါတယ်ခင်ဗျာ။

ကလိုစေးထူး