တရုတ်နိုင်ငံ ၀န်ကြီးချုပ်ဟောင်း လီဖုန် မြန်မာပြည်ကို ချစ်ကြည်ရေး ခရီး အလည်အပတ် ရောက်ခဲ့စဉ်တုန်းက ဖြစ်ပါတယ်။
ရန်ကုန်အပြည်အပြည်ဆိုင်ရာ လေဆိပ်ကို လီဖုန် အရောက်မှာ မြန်မာနိုင်ငံက တာဝန်ရှိသူတွေက ကြိုဆိုကြ၊ ခရီးဦးကြိုဆို ပြုကြပေါ့။ ညရောက်တော့ အဲဒီသတင်းကို နိုင်ငံပိုင် ရုပ်မြင်သံကြား အစီအစဉ်ကနေ ထုံးစံအတိုင်း ရုပ်သံရိုက်ချက်တွေ ဝေေ၀ဆာဆာနဲ့ တင်ဆက်ပါတယ်။
သတင်းကြေညာသူ အမျိုးသမီးက…
`တရုတ်ပြည်သူ့ သမ္မတနိုင်ငံ ၀န်ကြီးချုပ် လီဖုန် လေဆိပ်မှ ထွက်ခွာရာ လမ်းတလျှောက်တွင် မြန်မာပြည်သူများနှင့် ကျောင်းသူ ကျောင်းသားများက နှစ်နိုင်ငံ အလံများကို ဝှေ့ယမ်း၍ သောင်းသောင်းဖြဖြ နှုတ်ဆက်ကြပါသည်´ လို့ ကြေညာပြီးတော့ ကားတန်းဖြတ်သွားရာ လမ်းတလျှောက် ဘေးဝဲယာက ကျောင်းသူကျောင်းသားလေးတွေပုံကို ပြပါတယ်။ အဲဒီမှာတင် သတင်းတင်ဆက်သူ တည်းဖြတ် ချန်လှပ်ဖို့ လစ်ဟာသွားပုံရတဲ့ ရုပ်သံထဲက အသံတသံက ပီပီသသကြီး ပေါ်လာပါတော့တယ်။
အဲဒါကတော့ ကားတန်းပေါ်က တယောက်ယောက်က ကျောင်းသူကျောင်းသားလေးတွေကို အော်ဟစ်နေတဲ့…
`လက်ပြထား၊ လက်ပြထား´
ဆိုတဲ့ အသံပါပဲ။ သတင်းနားထောင်နေတဲ့ လူတွေမှာ တအုန်းအုန်းနဲ့ တော်တော်နဲ့ အတောမသတ်နိုင်အောင် ထရယ်ကြတာ မှတ်မိနေပါသေးတယ်။
***
၁၉၉၃ ခုနှစ်၊ မြန်မာပြည်တွင်းမှာ `ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး အသင်း´ ဆိုပြီး စတင်ဖွဲ့စည်းတော့ လူတွေက `အဲဒါက ဘာအဖွဲ့ကြီးတုန်း´ လို့ အချင်းချင်း မေးခွန်းထုတ်ကြပါတယ်။ အာဏာပိုင်တွေရဲ့ လုပ်နည်းလုပ်ဟန်တွေကို အလွတ်ရနေပြီးသား လူကြီးတွေက `မဆလခေတ်ကလိုပေါ့ကွာ၊ တေဇလူငယ်၊ ရှေ့ဆောင်လူငယ်၊ လမ်းစဉ်လူငယ် ဘာညာနဲ့ပေါ့၊ နောက်ပိုင်းကျရင် အရန်အဖွဲ့ဝင်၊ တင်းပြည့်အဖွဲ့ဝင်ဆိုပြီး ဖြစ်လာလိမ့်မယ်´ လို့ ပြောကြတာကို ကြားခဲ့ရဖူးပါတယ်။ အဲဒီတုန်းကတော့ အာဏာပိုင်တွေဟာ အဲဒီအဖွဲ့ကို `လူမှုရေး အဖွဲ့ပါ´ လို့ ကြွေးကြော်ခဲ့ကြပါတယ်။
အသင်းဖွဲ့ပြီး သိပ်မကြာခင်မှာပဲ သူတို့ အသင်းရဲ့ အင်အား ဘယ်ရွေ့ဘယ်မျှ ရှိကြောင်း သတင်းစာတွေမှာ ဦးစွာ ကြွားလုံးထုတ်ပါတယ်။ (အမှန်တကယ်ကတော့ အဲဒီတုန်းက အခြေခံပညာကျောင်းသူ ကျောင်းသားတွေကို ဘုမသိ ဘမသိနဲ့ အသင်းဝင်လျှောက်လွှာတွေ အဖြည့်ခိုင်းပြီး အသင်းဝင်စာရင်းကို အတင်းကာရော သွင်းခဲ့ကြတာပါ)။
နောက်တော့ `ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးအသင်း၊ သင်းလုံးကျွတ် အစည်းအဝေး´ ဆိုပြီးတော့ ပြည်နယ်နဲ့ တိုင်းအလိုက် အစည်းအဝေးတွေ လုပ်ပါတယ်။ အစည်းအဝေးမှာ ပြောရမယ့် အဆိုပြုလွှာနဲ့ ထောက်ခံလွှာ ဆိုတာတွေကို ဘယ်သူက ရေးလို့ရေးမှန်းမသိ ၏၊ သည် မရွေးဖတ်ရတဲ့ အစည်းအဝေးတွေ လုပ်ကြပါတယ်။
အဲဒီကနေ အရသာတွေ့သွားလားတော့ မပြောတတ်ပါဘူး။ အုပ်ချုပ်သူ ပုဂ္ဂိုလ်များဟာ ထစ်ခနဲရှိတာနဲ့ အဲဒီလိုပဲ ထောက်ခံပွဲ၊ ကန့်ကွက်ပွဲ၊ ဆန္ဒထုတ်ဖော်ပွဲ၊ အစရှိသဖြင့် အမည်ပေါင်းစုံနဲ့ အစည်းအဝေးတွေကို သူတို့ရဲ့ စီစဉ်ကြီးကြပ်မှုနဲ့ နိုင်ငံအနှံ့မှာ အမြဲတစေလိုလို ပြုလုပ်ပါတော့တယ်။
***
မြန်မာပြည်ဟာ စစ်ဆင်ရေး အထမ်းသမားဖြစ် အတင်းအဓမ္မ ခိုင်းစေမှု၊ လုပ်အားပေး ခိုင်းစေမှုတွေနဲ့ ပတ်သက်လို့ ကမ္ဘာ့အလယ်မှာ အပုပ်နံ့ထွက်လေ့ ရှိပေမယ့် မြန်မာအာဏာပိုင်တွေက တကမ္ဘာလုံးကို လှည့်ဖျားပြီး ပြည်သူတွေကို အနုနည်းနဲ့ နှိပ်စက်နေတာ တခုကိုတော့ တခြားနိုင်ငံတွေက မသိကြပါဘူး။ အဲဒါကတော့ `ဆန္ဒရှိသည်ဖြစ်စေ၊ မရှိသည်ဖြစ်စေ အတင်းအကျပ် တက်ရောက်စေသော အတုအယောင် အစည်းအဝေးများ´ ပါပဲ။
အခုဆိုရင် ကျနော်တို့နိုင်ငံအနှံ့မှာ `အမျိုးသားညီလာခံနှင့် ဖွဲ့စည်းအုပ်ချုပ်ပုံ အခြေခံဥပဒေအား ထောက်ခံကြိုဆိုပွဲ´ ဆိုတဲ့ အမည်နဲ့ ပြည်နယ်နဲ့ တိုင်းအလိုက် အလှည့်ကျ ပြုလုပ်နေတာကို တွေ့နေရပါတယ်။ အဲဒီအစည်းအဝေးပွဲတွေကို လူအင်အား ဘယ်လောက် တက်ရောက်ကြောင်း၊ ဘယ်လိုဘယ်ပုံ တင်ပြကြကြောင်း ဟန်ချက်ညီညီနဲ့ သတင်းထုတ်ပြန်နေတာဟာ နိုင်ငံပိုင် နေ့စဉ်ထုတ် သတင်းစာတွေမှာ စာမျက်နှာအပြည့်ပါပဲ။ ဒီတော့ အဲဒီအခမ်းအနားတွေ ဖန်တီးကြပုံကို လေ့လာကြည့်ချင်ပါတယ်။
***
တကယ်တော့ အဲဒီလို အခမ်းအနားတွေ လုပ်ကြရမယ်ဆိုတာနဲ့ အရင်ဆုံး မျက်ခုံးလှုပ်ရတာက ပြည်သူတွေပါပဲ။ အရပ်တကာလှည့်ပြီးတော့ ရယကတွေ၊ ဆယ်အိမ်ခေါင်းတွေက ဘယ်နေ့မှာ ဘာအခမ်းအနားရှိလို့ တအိမ်တယောက် တက်ရမှာဖြစ်ကြောင်း၊ မတက်နိုင်ရင် ဒဏ်ငွေ ဘယ်လောက်ပေးရမှာ ဖြစ်ကြောင်း စသဖြင့် လိုက်လံ အကြောင်းကြားပြီး လူစုတာဟာ ပြည်သူတွေအတွက်တော့ ဆန်းလှတော့တာ မဟုတ်ပါဘူး။ ဒါတောင် တံတားဖွင့်ပွဲ၊ လမ်းဖွင့်ပွဲ၊ ဟိုလူကြီးလာ၊ ဒီလူကြီးလာ အစရှိတာတွေအတွက် အင်အားပြနိုင်ဖို့ အတင်းအကျပ် လူစုတာတွေကို ထည့်မတွက်ရသေးပါဘူး။ အဲဒါတွေပါ ထည့်တွက်ရမယ်ဆိုရင်တော့ မြန်မာပြည်သူတွေရဲ့ `အခမ်းအနား ကပ်ဘေးဒဏ်´ က မသေးလှပါဘူး။
တခါတရံကျတော့ အဲဒီအခမ်းအနားတွေကို တက်ချင်လာအောင် မက်လုံးပေး အတက်ခိုင်းတာလည်း ရှိတတ်ပါတယ်။ ဥပမာ ဘားအံမြို့မှာ လုပ်မယ့် ပြည်နယ် ကြံ့ခိုင်ရေးအသင်း သင်းလုံးကျွတ် အစည်းအဝေးကို သွားတက်ဖို့အတွက် ကျနော်တို့မြို့က နီးစပ်ရာလူငယ်တွေကို `ဘားအံ အလည်ခရီးပေါ့ကွာ၊ ခရီးစရိတ်၊ စားစရိတ်ပေးမှာ၊ လိုက်ခဲ့၊ အစည်းအဝေးက ဘာမှမဟုတ်ပါဘူး´ လို့ မြို့နယ် ကြံ့ဖွံ့အတွင်းရေးမှူးက လိုက်လံ စည်းရုံးတာကို မြင်ခဲ့ရဖူးပါတယ်။
အစည်းအဝေးကို သွားတက်ကြတဲ့ ပြည်သူအများစုက အဲဒီအစည်းအဝေးမှာ ဘာတွေ ဆွေးနွေးမှာလဲ ဆိုတာထက် အဲဒီအစည်းအဝေး ဘယ်အချိန်ပြီးမလဲ၊ မြန်မြန်ပြီး မြန်မြန်နားအေး သဘောမျိုး ထားကြတာ များကြပါတယ်။ နေကပူပူ၊ အခမ်းအနား ပြုလုပ်ရာ ကွင်းပြင်မှာ ချွေးသံတရွှဲရွှဲနဲ့ အပေါ်ကနေ ရဟတ်ယာဉ်ဖြတ်မောင်းရင် အတင်းကာရော လက်ဝှေ့ယမ်းခိုင်းသေးတာမို့ အင်မတန် စိတ်ညစ်ဖွယ်ကောင်းလှပါတယ်။
ပြည်သူတွေက ဘယ်လောက်ပဲ စိတ်ညစ်ညစ်၊ အဲဒီအစည်းအဝေးတွေကို ဘယ်လိုပဲ မတက်ချင် မတက်ချင် အာဏာပိုင်တွေကတော့ အခါအခွင့်သင့်တိုင်း ကျင်းပမြဲ ကျင်းပနေသလို အခုလည်းပဲ ကျင်းပနေဆဲပါပဲ။
***
အဲဒီလို အတုအယောင် ထောက်ခံပွဲ အခမ်းအနားတွေကို အာဏာပိုင်တွေက စီမံ ကျင်းပရတဲ့ အကြောင်းရင်းကတော့ သူတို့ကို ပြည်သူတွေက ထောက်ခံနေပါတယ်လို့ ကမ္ဘာကို လိမ်ချင်လို့ပါပဲ။ ပြည်သူတွေကို လိမ်တာကတော့ ရိုးနေပြီမို့ အရှက်လဲ ကုန်နေတော့ မထူးခြားလှတော့ပေမယ့် ကမ္ဘာ့နိုင်ငံတွေကိုတော့ သူတို့ဟာ မြန်မာပြည်သူတွေရဲ့ ထောက်ခံမှုကို ရနေပါတယ်လို့ ထင်မြင်လာအောင် ဒီနည်းနဲ့ လိမ်ရင် ရနိုင်တယ်လို့ တွက်ဆထားလို့ အခုလို အခမ်းအနားပွဲတွေကို အချိန်ကုန်၊ ငွေကုန်ခံပြီး ကျင်းပနေတာပါ။
အဲဒီလို အလိမ်အညာတွေနဲ့ ကုလသမဂ္ဂကိုပါ လိမ်ညာလှည့်ဖျားနေတဲ့ အာဏာပိုင်တွေရဲ့ လုပ်ရပ်ဟာ မသတီစရာ ကောင်းလှပေမယ့် အံတုခြင်းငှာ မစွမ်းသာတဲ့ ပြည်သူတွေမှာ အလိုမတူပါဘဲနဲ့ အခမ်းအနား ကပ်ဘေးဒဏ်ကို ခံနေရတာကတော့ ခံပြင်းစရာ ကောင်းလှပါတယ်။
အာဏာပိုင်တွေကို ဆန့်ကျင်ကန့်ကွက်နေကြတဲ့ ပြည်တွင်းပြည်ပ အတိုက်အခံတွေနဲ့၊ သတင်းဌာနတွေအနေနဲ့လည်း ဒီအခမ်းအနားတွေဟာ ပြည်သူ့ဆန္ဒအစစ်အမှန် မဟုတ်ကြောင်း၊ အာဏာပိုင်တွေရဲ့ လိမ်လှည်လှည့်ဖျားခြင်းသာ ဖြစ်ကြောင်းကို ထင်သာမြင်သာအောင် ဖော်ထုတ်မှုပိုင်းမှာ အားနည်းနေတယ်လို့ သတိထားမိပါတယ်။
ပြည်တွင်းမှာ နေထိုင်ရတဲ့ ပြည်သူကတော့ ဒီအခမ်းအနားကို မတက်ချင်လည်း လွန်ဆန်ခြင်းငှာ ဘယ်လိုမှ စွမ်းသာမှာ မဟုတ်ပါဘူး။ တက်ချင်သည်ဖြစ်စေ၊ မတက်ချင်သည်ဖြစ်စေ တက်ကြရမှာပါပဲ။
***
`လက်ပြထား၊ လက်ပြထား´
ကားတန်းပေါ်က အော်သံ၊ နေပူထဲက ကျောင်းသားကျောင်းသူလေးတွေရဲ့ စိတ်မပါလက်မပါ အလံဝှေ့ယမ်းဟန်၊ စာရွက်တွေ တထပ်ကြီးနဲ့ သတင်းကြေညာနေတဲ့ မြန်မာ့အသံ ၀န်ထမ်း…။
ဒါပေမယ့် တရုတ်ဝန်ကြီးချုပ် လီဖုန်ကတော့ သူ့ကို မြန်မာပြည်က ကျောင်းသား ကျောင်းသူလေးတွေ လှိုက်လှိုက်လှဲလှဲ ကြိုဆိုနေကြတာပဲလို့ ထင်သွားခဲ့မှာပါပဲ။
အခုလည်း `လက်ပြထား၊ လက်ပြထား´ ပုံရိပ်တွေက နိုင်ငံပိုင် သတင်းမီဒီယာတွေမှာ စိတ်မချမ်းမြေ့ဖွယ်ရာ မြင်နေရပြန်ပါပြီ။ တရုတ်ဝန်ကြီးချုပ် လီဖုန်တယောက် ဘာမှ မသိလိုက်သလို ကုလသမဂ္ဂနဲ့တကွ တခြားနိုင်ငံတွေကပါ ဘာမှမသိစွာနဲ့ အဲဒါတွေကို အဟုတ် လို့ ထင်သွားကြမှဖြင့်…။
ကလိုစေးထူး
9 comments:
ဟိဟိ ကလေးလေးတွေ အူတိအူကြောင် မျက်နှာလေးတွေနဲ့ ဘယ်နှစ်သောင်းလောက် လာတက်ရလဲမသိ
မကြာခင်ကကျင်းပသွားတဲ့သုဝဏ္ဏအားကစားကွင်းမှာ
မလိုက်မနေရ၊တယောက်၃၀၀ကျပ်ပေးမယ်လူရှာပေးလို့ပြောလို့
ဆရာမတစ်ယောက်ခမျာ ၂၀၀ကျပ်စိုက်ပြီး ငွေ၅၀၀ကျပ်နဲ့
နီးစပ်ရာအမျိုးတွေ လူနိုင်တွေကိုတက်ရောက်စေခဲ့တာ
မျက်မြင်ကိုယ်တွေ့ပါဘဲ ဒီလိုအတုယောင်ထောက်ခံပွဲတွေအစား
တကယ့်ရင်ထဲကခံစားချက်တွေကို ဖော်ထုတ်နိုင်သော ထောက်ခံပွဲများ
ကျင်းပနိုင်မည့်ရက်များကို စောင့်စားရင်း……………..
ဟူးးးးးးးးးးးးး ဒီပို့စ်ဖတ်ပြီး မောသွားတယ်ဗျာ။ စကားမစပ် တက်ရောက်လာကြသူများ၏ အလုပ်အကိုင်ကိုရော စိတ်မ၀င်စားဘူးလား စက်ရုံ တရုံ အလုပ်သမား 50နှုံး(ညစာ နှင့် နေ့လည်စာပါကျွေးမည်) ရပ်ကွက် 1ခု 15ယောက်နှုံး (အနှိပ်ခန်း၊ လက်ဖက်ရည်ဆိုင်၊ ဘီယာဆိုင် အလုပ်သမားများ)၊ ၀န်ထမ်းများ (သမ၀ါယမ၊ နာ့စ်မ) အစရှိသဖြင့် ....... တွေးမိတိုင်း ရင်လေးပါတယ်(လက်တလုံးခြား မုန်လာဥလုပ်နည်းများ နဲ့ ကမ်ဘာကို မိုးလုံးလျှံ မုသာဝါဒသုံးပြီး လှည့်ဖြားနိုင်တဲ့ အရည်အချင်းတွေက သြချလောက်ပါရဲ့ )
မြန်မာစစ်အစိုးရ ရဲ့ လိမ်ချက်ကတော့ ကမ်းကုန်တယ်.. လိမ်နည်းမျိုးစုံ၊ အောက်တန်းကျတဲ့ နည်းလမ်းမှန်သမျှ အကုန်တတ်တယ်.. ဆင်သေကို ဆိတ်သားရေနဲ့ လိုက်ဖုံးနေကြတာ.. တော်လိုက်တာ.. မကောင်းတာလုပ်တဲ့ နေရာမှာလေ.. လိုက်လို့ကို မမီနိုင်အောင်ပဲ.. သူတို့ လုပ်ရပ်ကိုတော့ အော့နှလုံးနာလှပါတယ် ကိုစေးထူးရေ.. သူတို့ခမျာ လိမ်ရလွန်းလို့ အကျင့်ပါပြီး မလိမ်ရရင် စားဝင် အိပ်ပျော်ပါ့မလားမသိဘူး..
စစ်တပ်ရဲ့ လုပ်ရပ်ကို မကျေနပ်ရင် စစ်တပ်ထက် လူအင်အား ၊လက်နက်အင်အားသာအောင်လုပ်၊ စစ်တပ်ကိုတိုက်၊ ခင်ဗျားတို့နိုင်ရင် စစ်တပ်ကို ကြိုက်သလို နှိပ်ကွယ်၊ ခင်ဗျားတို့ ရှုံးရင်တော့ စစ်တပ်လုပ်သမျှခံပေတော့၊ အင်အားကြီးတဲ့လူ၊ လက်နက်ရှိတဲ့ လူ ကပဲ နိုင်မှာ၊ ဒါ တကယ့် နိယာမ
anonymous, ရေတရားလက်လွတ်မပြောပါနဲ့.. လက်နက်ရှိတဲ့လူနိုင်တာမှန်ပါတယ် ဒါပေမဲ့ အဲဒီလက်နက်ကျုင်တာပြည်သူတွေကိုသတ်ဖို့မဟုတ်ဘူးဆိုတာ
သိဖို့ကောင်းပါတယ်
ငါ့စကားနွားရမပြောပါနဲ့.ဘယ်သူမှန်တယ်ဘယ်သူမှားတယ်ဆိုတာ
အချိန်ကစကားပြောပါလိမ့်မယ်
ချောင်ပိတ်ရိုက်တဲ့ခွေးတောင်ပြန်ကိုက်တတ်တယ်ဆိုတာသတိရပါ
လူတွေဆိုတာဦးနှောက်ရှိပါတယ်ခံစားချက်တွေရှိပါတယ်.အခြေအနေအရ
သည်းခံတယ်ဆိုတာအတိုင်းအတာတခုထိပဲဆိုတာအခုဖြစ်ရပ်ကလက်တွေ့ပါ
ကျတော်တို့တွေဟာ..မေ့မေ့ပျောက်ပျောက်နဲ့ ၈၈နောက်ပိုင်းမှာတပ်မတော်နေ့စစ်ရေးပြအခမ်းအနားတွေကို ကြည့်လို့ကောင်းလို့ကြည့်ခဲ့ဘူးပါတယ်..ဒါပေမဲ့သတင်းဆိုရင်ပုံမှန်မကြည့်တတ်တဲ့
လူတန်းစားထဲမှာပါပါတယ်..သတင်းဆိုတာရယ်.နေ့တိုင်းရွတ်ပြနေတဲ့ပြည်သူ့သထောထားတွေ
လူမူရေးဦးတည်ချက်တွေ နေ့တိုင်းလွင့်နေသလောက်ဘယ်သူတွေကများအလွတ်ရပါသလဲ..ဒါကိုကြည့်ခြင်းအားဖြင့် လက်တွေ့ ဘာမှမလုပ်ဆောင်ပဲနဲ့ ပြည်သူတွေရဲ့ယုံကြည်ချက်ကိုမစည်းရုံးနိုင်တာလက်တွေ့ပါ..အခု..ဗုဒ္ဒဘာသာထွန်းကားတဲ့နိုင်ငံမှာ
ကိုးကွယ်နေတဲ့သာသာ..သံဃာတော်တွေကိုရက်ရက်စက်စက်သတ်ခဲ့တာ
ပြည်သူ့စစ်သားတွေဆိုတာဘယ်လိုမှငြင်းလို့မရပါဘူး..ပြည်သူတွေ့ရဲ့ရင်ထဲမှာမုန်းတီးတာကိုလဲဘယ်လိုအကြောင်းကြောင့်မှဖျောက်ဖျက်လို့
မရပါဘူး..စကားပုံရှိတယ်လေ..အလှည့်ကျတော့မနွဲ့စတမ်းပေါု
တူဖြစ်တုန်းထုထားတဲ့..ဒါပေမဲ့ခုတခါက..မြန်မာပြည်သူတွေကိုးကွယ်တဲ့ဘာသာသာသနာကိုစော်ကားတာ
ဗုဒ္ဒဘာသာကိုးကွယ်ယုံကြည်သူ..၁၀၀ကိုသွားမေးပါ၉၉ယောက်က
ကမ္ဘာကျေပေမဲ့ဥဒါန်းမကျေပါ.၁ယောက်က..စွမ်းအားရျင်လူယုတ်မာသော်၎င်း
စစ်သားသော်၎င်းပါ..
စစ်ဆိုရင်ရေတောင်စစ်မသောက်ချင်ကြောင်း၈၈ပြီးတော့
ကျတော့်အဖေပြောခဲ့ပေမဲ့..အခုလောက်ထိခါးခါးသီးသီးမမုန်းခဲ့တာအမှန်ပါ
အခုကတော့..စစ်သားဆိုရင်ရွံမုန်းလွန်းလို့..နိုင်ငံသစ်ထူထောင်ရင်
စစ်သားဆိုတဲ့အဖွဲ့အစည်းကိုနာမည်ပြောင်းလဲပေးဖို့တိုက်တွန်းအကြံပြုဦးမှာပါ
ံHey Anonymous(အမည်မဖေါ်ဝံ့သူ
အင်အားကြီးတဲ့လူ၊ လက်နက်ရှိတဲ့ လူ ကပဲ နိုင်မှာဆိုပြီး အနိုင်ကျင့်တာ ကျောက်ခေတ်ကနဲ့ တိရစ္ဆာန်ဦးနှောက်ပဲ ရှိတဲ့ သတ္တ၀ါတွေပါ။ လူ့ယဉ်ကျေး အသိုင်းအ၀ိုင်းမှာ အဲဒီနိယာမကို လက်ခံကြလို့လား စဉ်းစားပါဦး မောင်ကာလုရ
anonymous, ရေတရားလက်လွတ်မပြောပါနဲ့.. လက်နက်ရှိတဲ့လူနိုင်တာမှန်ပါတယ် ဒါပေမဲ့ အဲဒီလက်နက်ကျုင်တာပြည်သူတွေကိုသတ်ဖို့မဟုတ်ဘူးဆိုတာ
သိဖို့ကောင်းပါတယ်
ငါ့စကားနွားရမပြောပါနဲ့.ဘယ်သူမှန်တယ်ဘယ်သူမှားတယ်ဆိုတာ
အချိန်ကစကားပြောပါလိမ့်မယ်
ချောင်ပိတ်ရိုက်တဲ့ခွေးတောင်ပြန်ကိုက်တတ်တယ်ဆိုတာသတိရပါ
လူတွေဆိုတာဦးနှောက်ရှိပါတယ်ခံစားချက်တွေရှိပါတယ်.အခြေအနေအရ
သည်းခံတယ်ဆိုတာအတိုင်းအတာတခုထိပဲဆိုတာအခုဖြစ်ရပ်ကလက်တွေ့ပါ
ကျတော်တို့တွေဟာ..မေ့မေ့ပျောက်ပျောက်နဲ့ ၈၈နောက်ပိုင်းမှာတပ်မတော်နေ့စစ်ရေးပြအခမ်းအနားတွေကို ကြည့်လို့ကောင်းလို့ကြည့်ခဲ့ဘူးပါတယ်..ဒါပေမဲ့သတင်းဆိုရင်ပုံမှန်မကြည့်တတ်တဲ့
လူတန်းစားထဲမှာပါပါတယ်..သတင်းဆိုတာရယ်.နေ့တိုင်းရွတ်ပြနေတဲ့ပြည်သူ့သထောထားတွေ
လူမူရေးဦးတည်ချက်တွေ နေ့တိုင်းလွင့်နေသလောက်ဘယ်သူတွေကများအလွတ်ရပါသလဲ..ဒါကိုကြည့်ခြင်းအားဖြင့် လက်တွေ့ ဘာမှမလုပ်ဆောင်ပဲနဲ့ ပြည်သူတွေရဲ့ယုံကြည်ချက်ကိုမစည်းရုံးနိုင်တာလက်တွေ့ပါ..အခု..ဗုဒ္ဒဘာသာထွန်းကားတဲ့နိုင်ငံမှာ
ကိုးကွယ်နေတဲ့သာသာ..သံဃာတော်တွေကိုရက်ရက်စက်စက်သတ်ခဲ့တာ
ပြည်သူ့စစ်သားတွေဆိုတာဘယ်လိုမှငြင်းလို့မရပါဘူး..ပြည်သူတွေ့ရဲ့ရင်ထဲမှာမုန်းတီးတာကိုလဲဘယ်လိုအကြောင်းကြောင့်မှဖျောက်ဖျက်လို့
မရပါဘူး..စကားပုံရှိတယ်လေ..အလှည့်ကျတော့မနွဲ့စတမ်းပေါု
တူဖြစ်တုန်းထုထားတဲ့..ဒါပေမဲ့ခုတခါက..မြန်မာပြည်သူတွေကိုးကွယ်တဲ့ဘာသာသာသနာကိုစော်ကားတာ
ဗုဒ္ဒဘာသာကိုးကွယ်ယုံကြည်သူ..၁၀၀ကိုသွားမေးပါ၉၉ယောက်က
ကမ္ဘာကျေပေမဲ့ဥဒါန်းမကျေပါ.၁ယောက်က..စွမ်းအားရျင်လူယုတ်မာသော်၎င်း
စစ်သားသော်၎င်းပါ..
စစ်ဆိုရင်ရေတောင်စစ်မသောက်ချင်ကြောင်း၈၈ပြီးတော့
ကျတော့်အဖေပြောခဲ့ပေမဲ့..အခုလောက်ထိခါးခါးသီးသီးမမုန်းခဲ့တာအမှန်ပါ
အခုကတော့..စစ်သားဆိုရင်ရွံမုန်းလွန်းလို့..နိုင်ငံသစ်ထူထောင်ရင်
စစ်သားဆိုတဲ့အဖွဲ့အစည်းကိုနာမည်ပြောင်းလဲပေးဖို့တိုက်တွန်းအကြံပြုဦးမှာပါ..................
ဒါကြောင့်ပြောတာပေါ့၊ ခင်ဗျားပြောတဲ့ စစ်ဆို ရေတောင် စစ်မသောက်ချင်ဘူး၊ စစ်သားဆိုတဲ့ အဖွဲ့ အစည်းကို နံမယ်ပြောင်းပြစ်ရမယ် ၊ဒီစိတ်ကူးတွေ အကောင်အထည်ပေါ်အောင် စစ်တပ်ကို နိုင်အောင်လုပ်၊ မလုပ်နိုင်ရင် စစ်တပ်ပပစ် သတ်တာ၊ ရိုက်တာ၊ ဖမ်းတာတွေ ခံပေတော့၊ အဆင်ပြေလား
ကမ္ဘာကျေပေမယ့် ဥဒါန်းမကျေဘူး ဆိုတဲ့ စကား သိပ်မှန်တာပဲ၊ ပြန်လည်ညီညွတ်ရေးတို့ ၊ ရင်ကြားစေ့ရေးတို့ စကားတွေ လူကြားကောင်းအောင် မသုံးနဲ့ပေါ့ဗျာ၊ စစ်တပ်ဟာ ရန်သူလို့ ဒဲ့ပြောလိုက်၊ ဒဲ့တိုက်ခိုက်လိုက်၊
မှတ်ချက်တွေ ရေးကြသူ အားလုံးရဲ့ အမြင်တွေကို သိခွင့်ရတာ ကျေးဇူးတင်ပါတယ်။ အမည်မသိ မိတ်ဆွေရဲ့ အမြင်ကိုတော့ နည်းနည်းဆွေးနွေးစရာ ရှိပါတယ်။
ကျနော်အခု ရေးနေတာ မိတ်ဆွေပြောတဲ့ လမ်းကြောင်းကို သွားဖို့ မဟုတ်ပါဘူး။
စစ်တပ်ကို နိုင်အောင်လုပ်၊ မနိုင်ရင် စစ်တပ်လုပ်သမျှခံပေတော့ ဆိုတဲ့ အယူအဆဟာ ဒီဘက်ခေတ် လူငယ်တယောက်မှာ လုံးဝ မထားသင့်တဲ့ အယူအဆပါ။ ဒါပေမယ့် အခု ကျနော်တို့ ရေးသမျှ၊ ပြောသမျှကို မိတ်ဆွေက `အသာရရင် ပြီးရော´ ဆိုတဲ့ စိတ်မျိုးနဲ့ အဲဒီစကားကို လာပြောတာဆိုရင်တော့ ကျနော့်အနေနဲ့ ဆက်မဆွေးနွေးလိုပါဘူး။ နောက်ပြီးတော့ အမျိုးသားပြန်လည် သင့်မြတ်ရေး၊ ရင်ကြားစေ့ရေးဆိုတာတွေဟာ လူကြားကောင်းအောင် ပြောနေတာလို့ ကျနော်တော့ မထင်ပါဘူး။ တိုင်းပြည်အတွက် သွေးထွက်သံယိုမှု အနည်းဆုံး အစီအစဉ်က အဲဒါပဲဖြစ်လို့ အဲဒီနည်းလမ်းကို ချဉ်းကပ်ကြတာပါ။ မိတ်ဆွေပြောတဲ့အတိုင်းဆိုရင်တော့ ရန်မီးတွေသာ ပိုတောက်ကြဖို့ ရှိပါတယ်။ စဉ်းစားပါအုံး။
Post a Comment