လူငယ် တဦးရဲ့ မှတ်တမ်းမဲ့ မှတ်တမ်း (နိဂုံး)

အားလုံးပဲ မင်္ဂလာပါ ခင်ဗျာ။ ဒီနေ့တင်မယ့် ကိုဝင်းနိုင်ဦးရဲ့ မှတ်တမ်းဟာ မှတ်တမ်း-၂ ရဲ့ နောက်ဆုံးအပိုဒ်ပါပဲ။ မှတ်တမ်း-၃ မှာတော့ ထောက်လှမ်းရေး စခန်းနဲ့ အကျဉ်းထောင်တွင်း အတွေ့အကြုံတွေ မဟုတ်တော့ဘဲ စာတမ်းတွေ ဖြစ်ပါတယ်။ အပိုင်း လေးပိုင်း ရှိပါတယ်။

အစကတော့ အပိုင်းအားလုံး ပြီးစီးသွားမှသာ ဒေါင်းလော့ ကူးယူနိုင်တဲ့ ဖိုင်လ်အဖြစ် တင်ပေးမလို့ စဉ်းစားခဲ့ပေမယ့် အခု မှတ်တမ်း-၂ အပြီးမှာကတည်းက တင်ထားပေးပြီး မှတ်တမ်း-၃ ပြီးတဲ့ အခါမှာလည်း ထပ်မံ ဖြည့်စွက်ပြီးတော့ ပြင်ဆင် တင်ပေးဖို့ ဆုံးဖြတ်လိုက်ပါတယ်။ ဒါကြောင့် လက်ရှိတင်ပေးခဲ့သမျှ အပိုင်းအားလုံးကို မည်သူမဆို ဘေးမှာ တင်ထားတဲ့ လင့်ခ်ကနေတဆင့် ဒေါင်းလော့ကူးယူနိုင်ကြပါပြီခင်ဗျာ။

ဒီစာအုပ်ကလေးကို အဓိကအားဖြင့် ပြည်တွင်းက စာဖတ်ပရိသတ်များနဲ့ ဒီစာအုပ်ကို မဖတ်ရသေးသူ ပြည်ပရောက် မြန်မာများအားလုံးအတွက် ရည်ရွယ်ပြီး ကျနော့် ဘလော့ဂ်မှာ တင်ပေးဖို့ စိတ်ကူးခဲ့တာပါ။ ကျနော့်ဘလော့ဂ်မှာ လာရောက် ဖတ်ရှုကြတဲ့ စာဖတ်သူတွေက စိတ်ဝင်တစားနဲ့ အားပေး ဖတ်ရှုခဲ့ကြတာကြောင့်လဲ စာမျက်နှာ ရာကျော်ရှိတဲ့ ဒီစာအုပ်ကို ပြီးဆုံးသည် အထိ တင်ဆက်ပေးဖို့ အားအင်တွေ ရခဲ့ပါတယ်။ အဲဒီအတွက် လာရောက် ဖတ်ရှုသူ ဘလော့ဂ်ဖတ် ပရိသတ် အားလုံးကို ကျေးဇူးတင်ပါတယ်ခင်ဗျာ။

ကျနော့် ဘလော့ဂ်မှာ တင်ဆက်ပေးတဲ့ အပြင် ပဒုမ္မာဖိုရမ်မှာလည်း ဒီမှတ်တမ်းကို တင်ဆက်ဖြစ်ခဲ့ပါသေးတယ်။ အဲဒီလို တင်ဆက်ခွင့် ရခဲ့တဲ့အတွက်လည်း ပဒုမ္မာဖိုရမ် တာဝန်ရှိသူ ကိုမွန်းစတားရဲ့ ခွင့်ပြုပေးမှုကို ကျေးဇူးတင်ပါတယ်။ တစိုက်မတ်မတ် အားပေးခဲ့တဲ့ ပဒုမ္မာဖိုရမ် အဖွဲ့ဝင်များကိုလည်း ကျေးဇူးတင်ရှိပါတယ်။

ဒီစာအုပ်ကို ရေးသားခဲ့သူ ကိုဝင်းနိုင်ဦး နဲ့ ကျနော် လူချင်း သိကျွမ်းရင်းနှီးခြင်း မရှိတဲ့အတွက် ဒီစာအုပ်ကို ကျနော့်ဘလော့ဂ်မှာ တင်ဆက်ဖော်ပြဖို့ ခွင့် မတောင်းဖြစ်ခဲ့ရပါဘူး။ ဒါပေမယ့် ကိုဝင်းနိုင်ဦး တယောက် ဒါကို သိရှိခဲ့မယ် ဆိုရင်လည်း သူ့ရဲ့ နှလုံးသွေးနဲ့ ရေးတဲ့ မှတ်တမ်းကို နားလည်ခံစားရတဲ့ ညီငယ် တယောက်က လက်လှမ်းမီရာ မြန်မာတွေကို သူ့ကိုယ်စား ဖြန့်ကျက် တင်ပြပေးတယ်လို့ နားလည်ပေးနိုင်လိမ့်မယ်လို့ ယုံကြည်ပါတယ် ခင်ဗျာ။ ကျနော်တို့ နောင်တော်က သူ့အတွေ့အကြုံနဲ့ ရင်းပြီး ရေးခဲ့တာကို ကျနော်က ကျနော် တတ်နိုင်တဲ့ ဘက်ကနေ တာဝန်တခုသဖွယ် ထမ်းဆောင်ခွင့်ရတဲ့အတွက် ကျေနပ်ပါတယ်။

ယခု မှတ်တမ်းကို လာရောက် ဖတ်ရှုမိသူ ပရိသတ်တဦးက အင်္ဂလိပ်လို ဘာသာပြန်ပြီး တင်ဆက်ချင်ပါတယ်လို့ ကွန်မန့်နဲ့ စီဘောက်စ်က တဆင့် ပြောသွားခဲ့ပါတယ်။ ဟုတ်ကဲ့…။ ဒီစာအုပ်ရဲ့ အစပိုင်းက ကိုဝင်းနိုင်ဦးရဲ့ အမှာစာမှာ ယခု စာမူကို Tortured Voices စာအုပ်မှာ အင်္ဂလိပ်လို ဘာသာပြန် ဖော်ပြခဲ့တယ်လို့ ရေးထားပါတယ်။ အဲဒါကို ကျနော် ကြိုးစားပြီး ရှာဖွေတင်ပေးပါမယ် လို့ ပြန်ကြားပါရစေခင်ဗျာ။

လာဖတ်ကြသူ မိတ်ဆွေအားလုံးကိုလည်း မေတ္တာရပ်ခံချင်တာကတော့ ဒီမှတ်တမ်းကို လက်လှမ်းမီရာ အချင်းချင်း ဖြန့်ဝေခြင်း၊ E-book Corner မှာ တင်ဆက်ခြင်းများနဲ့ လက်ရှိ မြန်မာအာဏာပိုင်တွေရဲ့ လူမဆန်တဲ့ လုပ်ရပ်တွေကို မြန်မာပြည်သူတွေ ပိုမိုသိရှိလာအောင် ကူညီ ဖော်ထုတ်ပေးကြပါခင်ဗျာ။

မှတ်တမ်း-၃ ကိုလည်း ဆက်လက် တင်ဆက်သွားပါမယ် လို့ ကတိပေးရင်း … … … ။

ကလိုစေးထူး

နိဂုံး
အကျဉ်းထောင်
လွတ်လပ်မှုနှင့် နိုင်ငံတော်

နိုင်ငံရေး အကျဉ်းသားတွေရဲ့ ကိုယ်စား ပြောရရင် ၁၉၈၈ခုနှစ်၊ ဒီမိုကရေစီ အရေးတော်ပုံကြီးမှာ ကျနော်တို့ တောင်းဆိုခဲ့တာဟာ လွတ်လပ်မှု၊ တရားမျှတမှု၊ ဘ၀လုံခြံမှုနဲ့ ကြောက်ရွံ့ခြင်းက ကင်းလွတ်ပြီး လူ့ဂုဏ်သိက္ခာနဲ့ ပြည့်စုံတဲ့ ဘ၀တွေ ရှိခံစားကြနိုင်ဖို့ ဖြစ်ပါတယ်။ အဲဒါတွေဟာ ကမ္ဘာပေါ်က တခြားနိုင်ငံသားတွေ ရရှိ ခံစားနေကြရတဲ့ မထူးဆန်းတဲ့၊ လူ့မွေးရာပါ အခွင့်အရေးတွေလည်း ဖြစ်ပါတယ်။ အဲဒီ အခွင့်အရေးတွေ ရရှိဖို့အတွက် တရားနည်းလမ်းကျစွာ၊ ငြိမ်းချမ်းစွာ၊ ဘယ်ဘာသာတရား၊ ဘယ်လူ့ယဉ်ကျေးမှု အဆုံးအမကပဲ ဖြစ်ဖြစ် ခွင့်ပြုနိုင်တဲ့၊ တကမ္ဘာလုံးက နိုင်ငံသူ နိုင်ငံသားတွေ လက်သင့်ခံနိုင်တဲ့ နည်းလမ်းတွေနဲ့သာ ကျနော်တို့ တောင်းဆိုခဲ့ကြတာပါ။

ဒါပေမယ့် ကျနော်တို့ လက်ခံရရှိလိုက်တာကတော့ လူ့ဂုဏ်သိက္ခာ အချိုးနှိမ်ခံရမှု၊ အကျဉ်းထောင်၊ သံခြေကျင်း၊ ညှဉ်းပန်း နှိပ်စက်မှုနဲ့ သေခြင်းတရားတွေ ဖြစ်ပါတယ်။

ဒါပေမယ့် ဘယ်လို ဆင်းရဲဒုက္ခနဲ့ပဲ ကြုံကြုံ `အမှန်တရားဟာ ရှုံးနိမ့်ဖူးတယ်လို့ ရာဇ၀င်မှာ သင်တို့ ဖတ်ဖူးပါစ´ ဆိုတဲ့ ကဗျာ တပုဒ်လိုပါပဲ။ မှန်ကန် တရားမျှတပြီး အားကောင်းတဲ့ ကျနော်တို့ရဲ့ ယုံကြည်ချက်နဲ့ အသံတွေ တိတ်သွားအောင် ဘယ်အကျဉ်းထောင် နံရံနဲ့မှ ပိတ်လှောင်ထားလို့ မရသလို ဘယ်စစ်အစိုးရရဲ့ စစ်ဖိနပ်တွေကမှလည်း ပျောက်ပျက်သွားအောင် နင်းချေ မပစ်နိုင်ပါဘူး။

ဒီမိုကရေစီတို့၊ လူ့အခွင့်အရေးတို့ဆိုတာ ကျနော်တို့ကို တိရိစ္ဆာန်နဲ့ ကျေးကျွန်တွေလို အသတ်မှတ် မခံရဖို့အတွက် လိုအပ်ချက် ဖြစ်ပါတယ်။ အမှန်က ဒီမိုကရေစီနဲ့ လူ့အခွင့်အရေး ဆိုတာ ကျနော်တို့ရဲ့ မွေးရာပါ အခွင့်အရေးတွေ ဖြစ်ပြီး ကျနော်တို့ရဲ့ မွေးရာပါ ကိုယ်ပိုင် ပစ္စည်းတွေလည်း ဖြစ်ပါတယ်။ ဒါကို မလိမ့်တပတ်လုပ်ပြီး ၁၉၆၂ ခုနှစ်မှာ ကျနော်တို့ဆီကနေ စစ်ခေါင်းဆောင်တွေက အဓမ္မ လုယူသွားတာပါ။ အဲဒီနောက်တော့ စစ်အစိုးရ အဆက်ဆက်ဟာ ပြည်သူတွေကို အသိဉာဏ်တုံးအောင် လုပ်ပြီး ကိုယ့်အခွင့်အရေးကို ကိုယ့်ဟာမှန်းတောင် မသိတော့ဘဲ အာဏာပိုင်တွေ ပေးမှ ကမ်းမှ သနားမှ ရမယ့် အရာမျိုးဖြစ်အောင် လုပ်ကြံခဲ့၊ လုပ်ကြံဆဲ ဖြစ်ပါတယ်။

ကျနော်တို့ ပိုင်ဆိုင်တဲ့ အခွင့်အရေးတွေကို မတရား လုယက် ယူငင်ထားတာလည်း ခံရသေး၊ ပြန်တောင်းတော့လည်း ထောင်ချ၊ နှိပ်စက်၊ ညှဉ်းပန်း၊ ပစ်သတ်ခံရသေး။ ဒါ့အပြင် သူ ပေးမှ ကမ်းမှ သနားမှ ကျနော်တို့ ရရမယ့် အရာမျိုးလို လုပ်နေသေးတာကတော့ ကျနော်တို့ ပြည်သူတွေကို စော်ကားတာ၊ ကျနော်တို့ရဲ့ ဘ၀တွေကို စော်ကားတာ၊ နောက်ဆုံး ကျနော်တို့ရဲ့ အသိဉာဏ်ကိုပါ စော်ကားတာ ဖြစ်ပါတယ်။ အဲဒီလို လုပ်ဆောင်နေသူတွေဟာ ကျနော်တို့ကို အုပ်ချုပ်တဲ့ အစိုးရဖြစ်ဖို့ ထိုက်တန်ပါရဲ့လား။

ကုလသမဂ္ဂ အပြည်ပြည်ဆိုင်ရာ လူ့အခွင့်အရေး ကြေညာ စာတမ်းကြီးမှာ…

`လူခပ်သိမ်းတို့၏ ဇာတိဂုဏ် သိက္ခာနှင့် တကွ လူတိုင်း အညီအမျှ ခံစားခွင့် ရှိသည့် လူ့အခွင့်အရေးများကို အသိအမှတ် ပြုခြင်းသည် လူခပ်သိမ်း၏ လွတ်လပ်မှု၊ တရားမျှတမှု ငြိမ်းချမ်းမှုတို့၏ အခြေခံ အုတ်မြစ် ဖြစ်သောကြောင့်တည်း´ လို့ ရေးသားထားပါတယ်။

ဟုတ်ပါတယ်။ လူ့အခွင့်အရေး ရှိမှ ဘယ်နိုင်ငံ ဘယ်လူမျိုး မဆို လွတ်လပ်နိုင်၊ တရားဥပဒေ စိုးမိုးနိုင်၊ ငြိမ်းချမ်းရေး ရနိုင် တိုင်းပြည် တိုးတက် ကြီးပွားနိုင်လို့ ဖြစ်ပါတယ်။ လူ့အခွင့်အရေး ဆိုတာ လူတိုင်းအတွက် သေရေးရှင်ရေး လိုအပ်ချက်၊ ကျနော်တို့ နေ့စဉ်ကိစ္စ၊ စားစားသွားသွား ကိစ္စတွေအတွက် လိုအပ်ချက် ဖြစ်ပါတယ်။

န၀တ၊ နအဖခေတ် အကျဉ်းထောင်တွေထဲမှာ သေဆုံးသွားရသူတွေလည်း မနည်းပါဘူး။ ဦးသော်က၊ ဦးစိန်ဝင်း၊ ဦးခင်မောင်မြင့်၊ ဦးညိုဝင်း၊ ဦးတင်မောင်ဝင်း၊ ဦးတင်ရွှေ… အများကြီးပါပဲ။ (နောင်ရော ဘယ်သူတွေ သူတို့နောက် လိုက်ကြရဦးမလဲ)။ ကျနော်တို့ နိုင်ငံအတွက် အများကြီး အလုပ်လုပ်နိုင်တဲ့ ပုဂ္ဂိုလ်အကျော်အမော်တွေ ဆုံးရှုံးလိုက်ရတာပါ။ တချို့လည်း အသက် မသေကြပေမယ့် ကိုယ်အင်္ဂါ ချို့ယွင်းသွားရ၊ ဦးနှောက် ချို့ယွင်းသွားရပါတယ်။ တချို့လည်း ဘ၀ ပျက်သွားကြရပါတယ်။

လူအများစု လွတ်လပ်ဖို့အတွက် တချို့လူတွေဟာ သူတို့ရဲ့ လွတ်လပ်ခွင့်ကို အဆုံးရှုံးခံပြီး အကျဉ်းထောင်တွေထဲ အပိတ်လှောင် ခံနေကြရပါတယ်။ လူများစု အသက်အန္တရာယ် လုံခြုံရေးအတွက် တချို့လူတွေဟာ သူတို့ရဲ့ အသက်တွေ အသေခံ ပေးဆပ်ခဲ့ကြရပါတယ်။ လူများစု ဘ၀တွေ ပျော်ရွှင် ချမ်းမြေ့နိုင်ဖို့အတွက် သူတို့ဟာ သူတို့ရဲ့ မက်မော စွဲလမ်းဖွယ် သာယာချမ်းမြေ့တဲ့ ဘ၀တွေကို စွန့်လွှတ် အစတေးခံနေကြပါတယ်။ တရားမျှတမှု ထွန်းကားရေးအတွက် သူတို့ဟာ မတရားမှုတွေ၊ မတရားသဖြင့် ညှဉ်းပန်း နှိပ်စက်တာတွေကို အံကြိတ် ခံယူနေကြပါတယ်။ လူများစုရဲ့ ဘ၀တွေ အခြိမ်းခြောက် မခံရစေဖို့အတွက် ခြိမ်းခြောက်မှု မျိုးစုံကို သူတို့ ကြံ့ကြံ့ခံ ရင်ဆိုင်နေကြပါတယ်။ သူတို့ လိုလားခဲ့တာဟာ ဘာမှ ရှုပ်ရှုပ်ထွေးထွေး မဟုတ်ပါဘူး။ လွတ်လပ်မှု၊ တရားမျှတမှု၊ လူ့ဂုဏ်သိက္ခာနဲ့ ငြိမ်းချမ်းရေးမျှသာ ဖြစ်ပါတယ်။

`တိုင်းပြည်အတွက်´ `တိုင်းပြည်အတွက်´ လို့ ပြောပြီး စစ်ဗိုလ်ချုပ်တွေ ကျိကျိတက် ချမ်းသာနေကြပါတယ်။ `တိုင်းပြည်အတွက်´ `တိုင်းပြည်အတွက်´ လို့ပဲ ပြောနေတဲ့ ဒီမိုကရေစီရေး ကြိုးပမ်းနေသူတွေကျတော့ အချုပ်နှောင်ခံကြရ၊ ညှဉ်းပန်း နှိပ်စက် ခံကြရ၊ ဘ၀ ပျက်ကြရ၊ အသက် သေကြရပါတယ်။ အဲဒီလို ဒုက္ခတရားနဲ့ စွန့်လွှတ်မှုတွေကို သူတို့ ကြိတ်မှိတ် သည်းခံ၊ အနစ်နာခံနေကြတာဟာ ကိုယ်ကျိုးစီးပွားအတွက် မဟုတ်ဘဲ `တိုင်းပြည်အတွက်´ `တိုင်းပြည်အတွက်´ လို့ လိပ်ပြာသန့်စွာ သူတို့ ကြေညာရဲကြပါလိမ့်မယ်။ ဒါပေမယ့် ပြည်သူ အများစု ဆင်းရဲငတ်မွတ်၊ အမောဖောက် ကပ်ဆိုက်နေချိန်မှာ စစ်ဗိုလ်ချုပ်တွေရဲ့ ကျိကျိတက် ချမ်းသာ ကြွယ်ဝမှုတွေကတော့ ဘယ်သူ့အတွက်ပါလဲ။ ပြည်သူတွေ အတွက်ပါလား။

`သမိုင်းနိဂုံးနဲ့ နောက်ဆုံး လူသား´ စာအုပ်ကို ရေးသားပြုစုခဲ့သူ ပါမောက္ခ ဒေါက်တာ ဖရန်စစ် ဖူကူယာမက `ဒီကနေ့ ကမ္ဘာကြီးဟာ လစ်ဘရယ် ဒီမိုကရေစီ လို့ ခေါ်တဲ့ ဒီမိုကရေစီ ၀ါဒဆီကိုသာ လုံးဝ ဦးတည်နေပြီ´ လို့ ကြွေးကြော်လိုက်ပါတယ်။ ကျနော်တို့ ပြည်သူတွေရဲ့ လွတ်လပ်ခွင့်နဲ့ ဒီမိုကရေစီ တောင်းဆိုသံဟာ ကျနော်တို့ နိုင်ငံရဲ့ သမိုင်းက တောင်းဆိုနေတဲ့ အသံ၊ ကမ္ဘာ့သမိုင်းက တောင်းဆိုနေတဲ့ အသံ၊ နောက်ဆုံး လူ့သမိုင်းကိုက တောင်းဆိုနေတဲ့ အသံ ဖြစ်ပါတယ်။ သမိုင်းတခုလုံးက ကျနော်တို့ အသံနဲ့ ကျနော်တို့ ယုံကြည်ချက် နောက်ကွယ်မှာ ခိုင်မာ အားကောင်းစွာ တည်ရှိနေပါတယ်။

ဒါပေမယ့် အဲဒီ သမိုင်းအရှိန်အဟုန်ကြီး´ ကို သွေးရူးသွေးတမ်းနဲ့ တားဆီးနှောင့်ယှက်လိုသူ၊ တချို့လည်း ရှိနေပါတယ်။ ဒါပေမယ့် ကမ္ဘာကြီးမှာ သူတို့လို လူတွေ၊ သူတို့ရဲ့ အဖော်တွေ များများစားစားတော့ မကျန်တော့ပါဘူး။ ဘာလို့လည်း ဆိုတော့ ယဉ်ကျေးတဲ့ လူ့ကမ္ဘာ လူ့အသိုင်းအ၀ိုင်းက သူတို့ကို ယဉ်ကျေးမှု အပြင်ဘက်က လူတွေ၊ အရိုင်းအစိုင်းတွေ၊ ခေတ်နောက်ကျန် အမြင် ကျဉ်းမြောင်းနေသူတွေ၊ တယူသန် တဇောက်ကန်းတွေ၊ သားသတ်သမားတွေ၊ ကောက်ကျစ် စဉ်းလဲသူတွေ၊ ဂုဏ်သိက္ခာ မရှိသူတွေအဖြစ် သတ်မှတ်ပြီး လူရာမသွင်း၊ အဖက်မတန် လက်မခံကြတော့လို့ပါ။

အဲဒီလို သမိုင်း အရှိန်အဟုန်ကြီးကို သွေးရူးသွေးတမ်း တားဆီးနေသူတွေနဲ့ ပတ်သက်လို့ ထောင်ထဲမှာ ကျဆုံးသွားတဲ့ ကျောင်းသားခေါင်းဆောင်ဟောင်း ဦးခင်မောင်မြင့် ပြောသွားတဲ့ စကားကို ပြောရမှာပါ။ `ဗိုလ်နေ၀င်းတို့ အုပ်စုကို သတိပေးလိုက်မယ်။ ဒါ တောင်ပြိုနေတာ၊ လက်နဲ့ ကာလို့ မရဘူး´ ဆိုတဲ့ စကားပါ။

***