Sunday, July 22, 2007

စပ်မိစပ်ရာ (၉)…

မရေးတာကြာပြီ ဖြစ်တဲ့ စပ်မိစပ်ရာကို ရေးဖို့အတွက် သတင်းအချက်အလက်တွေ စုစည်းဖို့ အတွက် စာစောင်၊ ဂျာနယ်တွေကို လိုက်ဖတ်မိတော့ ဒီရက်ပိုင်းမှာ ကျနော် စိတ်အ၀င်စားဆုံးက မြန်မာပြည်ထုတ် နေ့စဉ် သတင်းစာတွေပါ။ လွန်မြောက်လာတဲ့ အာဇာနည်နေ့မှာ ဘာတွေများ ထူးလေမလဲ၊ အကြီးအကဲဆိုသူကြီး အာဇာနည်ကုန်းကိုများ (ယောင်ယမ်းပြီး) အလေးသွားပြုဖြစ်သေးလား စတဲ့ အတွေးအပြင် `ဒီတခါ နောက်ဆုံးပါ´ ဆိုတဲ့ အမျိုးသားညီလာခံ အမည်ခံ လက်ညှိုးထောင်ခေါင်းငြိမ့် စာဖတ်ပွဲ သတင်းအခြေအနေကိုလဲ စိတ်ဝင်စားမိလို့ပါပဲ။

ဇူလိုင်လ ၂၀ ရက်နေ့ထုတ် ကြေးမုံ သတင်းစာကို ဖွင့်ဖတ်မိတော့ အာဇာနည်ကြီးများကို နိုင်ငံတော်ကိုယ်စား ယဉ်ကျေးမှု ၀န်ကြီး ဆိုသူ ဘိုချုပ် ခင်အောင်မြင့်က ပန်းခွေချ အလေးပြုတဲ့ သတင်းကို နောက်ဖုံးမှာ ဖတ်လိုက်ရပါတယ်။ အာဇာနည်ကြီးများရဲ့ ကျန်ရစ်သူ ဆွေမျိုးအချို့ လာရောက် ပန်းခွေချ အလေးပြုတဲ့ သတင်းကို ဖတ်ရပါတယ်။ ဒေါ်အောင်ဆန်းစုကြည်ကတော့ နေအိမ်အကျယ်ချုပ်ကြောင့် အာဇာနည်ကုန်းမှာ ပန်းခွေချ ဂါရ၀ ပြုခွင့် မရရှာခဲ့ပေမယ့် ဦးအောင်ဆန်းဦး သွားရောက် ဂါရ၀ ပြုခဲ့တာကို တွေ့လိုက်ရပါတယ်။

အာဇာနည်နေ့ အထိမ်းအမှတ်ဆောင်းပါးအနေနဲ့ကတော့ ဇူလိုင်လ ၁၉ ရက်နေ့ထုတ် ကြေးမုံ သတင်းစာမှာ `ဇာနည်ဘွား´ အမည်ခံရဲ့ `အာဇာနည် ခေါင်းဆောင်များကို အလေးထား မြတ်နိုးကြပါလျှင်´ ဆိုတဲ့ ဆောင်းပါးယောင်ဆောင်ထားတဲ့ စောင်းမြောင်း၊ ဖော်လံဖား စာတပုဒ်ကို ဖတ်လိုက်ရပါတယ်။

ခံပြင်းစရာကောင်းတဲ့ ဆောင်းပါးတပုဒ်ကိုတော့ ကျော်မြင့်နိုင် အမည်ခံသူက ဇူလိုင်လ ၂၂ ရက်နေ့ထုတ် သတင်းစာထဲမှာ ရေးပါတယ်။ (သတင်းစာ ဖတ်ရကောင်းလားလို့ ဟိုတခါ အမည်မဲ့ မိတ်ဆွေတယောက်က သြဘာပေးသွားတာကို ဖတ်ရင်းနဲ့ သတိရမိပါသေးတယ်)။ သူခိုးလူဟစ်တဲ့ စာသားတချို့ကို ဖောက်သည်ချပါမယ်။

`ဒေါ်စုကြည်ဟာ အကြမ်းဖက်တဲ့နည်း (အကြမ်းဖက်တဲ့နည်း) နဲ့ ဒီမိုကရေစီရေး တိုက်ပွဲဝင်နေသူ ဖြစ်ရုံသာမက မြန်မာနိုင်ငံ လူ့သမိုင်းကို ရှေ့သို့ တိုးတက်စေရန် လိုအပ်တဲ့ ကုန်လုပ် စွမ်းအားစုတွေ တိုးတက်အောင် မလုပ်ဆောင်ဘဲ တည်ဆဲ အစိုးရကို ထိပ်တိုက် ရင်ဆိုင်ဆန့်ကျင်ရေး၊ တိုင်းပြည်နဲ့ ပြည်သူတွေ စီးပွားရေးချွတ်ခြုံကျစေပြီး လူထုအုံကြွမှုတွေ ဖြစ်ပေါ်လာရေး၊ မိမိတို့ အာဏာရရေးအတွက် စီးပွားရေး ပိတ်ဆို့ ဖိအားပေးရေး၊ ကုန်လုပ်စွမ်းအားစုတွေ ကျဆင်း ကြေပြုန်းရေး စတဲ့ အဖျက်လုပ်ရပ်တွေကိုသာ တစိုက်မတ်မတ်လုပ်နေသူ၊ လူ့သမိုင်း (မြန်မာနိုင်ငံ သမိုင်း) ကို နောက်ပြန်ဆွဲနေသူသာဖြစ်။´

အင်္ဂလန်က နာမည်ကြီး ဘောလုံးသမား ဒေးဗစ်ဘက်ခမ် တယောက် အမေရိကန်က အယ်လ်အေဂလက်ဆီ ကလပ်နဲ့အတူ ချဲလ်ဆီးနဲ့ ခြေစမ်းပွဲမှာ အရန်ကစားသမားအဖြစ် စတင် ကစားခဲ့ပါတယ်။ သူ ဒီကို ရောက်တော့ ကြိုဆိုသူ တော်တော်ကို များခဲ့ပါတယ်။ ကျနော် အံ့အားတသင့်နဲ့ စိတ်ဝင်စားမိတာက သူ့ရဲ့ လုပ်ခလစာပါ။ ဟုတ်ကဲ့၊ သူ ဒီမှာ ရမယ့် လစာက တစက္ကန့်ကို ဒေါ်လာ ကိုးဆယ်နှုန်းနဲ့ ညီပါသတဲ့။

အခုတလော မြန်မာပြည်မှာ လေဆင်နှာမောင်း၊ ရေကြီး စတဲ့ သဘာဝ ဘေးအန္တရာယ် သတင်းတွေကို မကြာခဏ ဖတ်နေရတာဟာ စိတ်မချမ်းမြေ့စဖွယ် အင်မတန်ကောင်းလှပါတယ်။ ဒါပေမယ့် အဲဒီ ဘေးဒဏ်ကျသင့်ခံရတဲ့ ပြည်သူတွေကို အုပ်ချုပ်သူတွေက ထိရောက်တဲ့ အကူအညီ လောက်လောက်လားလား မပေးတာကို တွေ့ရတာက ပိုလို့ စိတ်မသက်မသာဖြစ်ရပါတယ်။

ဘင်္ဂလားဒေ့ရှ် နိုင်ငံက မြန်မာနိုင်ငံမှ ရေအားလျှပ်စစ် ရယူထုတ်လုပ်ဖို့အတွက် အမေရိကန်ဒေါ်လာ ၁ ဘီလီယံ ရင်းနှီးမြုပ်နှံပါမယ်။ လာမယ့် နှစ်တွေအတွင်း မြန်မာနိုင်ငံမှာ ရေအားလျှပ်စစ်ထုတ်ယူမှုမှာ ရင်းနှီးမြုပ်နှံမှာဖြစ်ပြီး သူတို့က စွမ်းအင် ၇၀ ရာခိုင်နှုန်းကို ရယူလို့ အိမ်ရှင်မြန်မာက ၃၀ ရာခိုင်နှုန်းရမှာ ဖြစ်ပါသတဲ့။ သူတို့ လာဆောက်တဲ့ စက်ရုံတွေကို နှစ်ပေါင်း ၄၀ ပြည့်မှသာ မြန်မာနိုင်ငံက ပိုင်ဆိုင်ပါမယ်။


ကျနော်ကိုက အမြင်မှားလေရော့သလား မသိပါဘူး။ ဒီပုံထဲက မြန်မာနိုင်ငံခြားရေး ၀န်ကြီး ဦးဥာဏ်ဝင်းကို ကြည့်ရတာ အတော်လေးကို အဆင်မပြေပါဘူး။ ရပ်ကွက်ထဲက လူမိုက်လိုလို ဘယ်သူ့မှ ထီမထင်ဟန် မျက်မှောင်ကြီးကုပ်၊ ခါးထောက်လို့ သူ့ဟန်ကို ဟိုတခါ ဒီဗွီဘီ ရုပ်သံသတင်းမှာတုန်းကလဲ သတိထားမိပါတယ်။

ဇူလိုင်လ ၁ ရက်နေ့က အမျိုးသား ဇာတ်ရုံမှာ ကျင်းပခဲ့တဲ့ မြန်မာနိုင်ငံ အမျိုးသမီးများ ၀တ်စားဆင်ယင်မှု ပြပွဲနဲ့ ပဒေသာကပွဲမှာ ထူးထူးခြားခြား အနေနဲ့ လူရွှင်တော်များအဖြစ် နေတိုး၊ ရဲလေး၊ ထွန်းထွန်းနဲ့ မျိုးမျိုးတို့က ဖျော်ဖြေတင်ဆက်သွားပါတယ်။ အခွေထွက်လာရင်တော့ ဘာပဲပြောပြော အရောင်းရဆုံးစာရင်းမှာ ပါအုံးမှာ မြင်ယောင်နေပါသေးတယ်။

ဒီစာကိုရေးနေတုန်းမှာ အိမ်ကိုလာလည်တဲ့ ဧည့်သည်တွေကို ဖွင့်ပြထားတဲ့ မြန်မာဇာတ်ကားက ဇာတ်ဝင်ခန်း တခုမှာ သဘောကျစဖွယ် ဇာတ်ဝင်စာသားတခုကို နားထောင်လိုက်ရပါတယ်။

`မင်းသမီးက ရေနံတွေ ပန်းထွက်ရင်တောင် ငါ့သားနဲ့ မပေးစားနိုင်ဘူးကွ´…တဲ့။

စဉ်းစားလေလေ ရယ်ချင်လေလေ…။ :D

ကဲ… ဒီနေ့အတွက် စပ်မိစပ်ရာ စာစုကိုတော့ ဒီလောက်ပဲ ခပ်တိုတို တင်ဆက်လိုက်ပါတယ်။ လာဖတ်သူ အားလုံးကို ကျေးဇူးတင်ပါတယ်။


ကလိုစေးထူး


ကိုးကား။ ကြေးမုံသတင်းစာ၊ ဒီဗွီဘီ ရုပ်သံ၊ Weekly Eleven ဂျာနယ်။


2 comments:

Chocolaier said...

သတင်းတော်တော်စုံတာပဲ။ ဖတ်နိုင်ပါပေ့။ :)

Kay said...

ကိုဖားစည်ရေ..မရောက်တာကြာလို့..စာတွေလာဖတ်သွားပါတယ်