တောင်းပန်ခြင်း…

မနေ့ကပေါ့…။ ညနေစောင်းလောက်မှ အိမ်ကို ပြန်ရောက်ခဲ့ပါတယ်။ ရောက်ရောက်ခြင်းပါပဲ…၊ ဆောက်နဲ့ မထွင်းတဲ့အပြင် အားပေးစကား အစုံအလင်နဲ့ ကျနော့်ရဲ့ ဘလော့ဂ်က ကျနော်ချစ်လှစွာသော မိတ်ဆွေများရဲ့ အားပေးစကားတွေဟာ ကျနော့်ကို တကယ်ကိုပဲ အားအင်တွေ ဖြစ်စေခဲ့ပါတယ်။ အထူးသဖြင့် မမေဓာဝီရဲ့ မေတ္တာ့ဝန်တာ ပို့စ်လေးက ကျနော့်ရဲ့ ပုဂ္ဂလိကဆိုင်ရာ ခံစားချက်တွေကို ဘေးဖယ်ပြီး ကျနော်ချစ်တဲ့ ကျနော့်မိတ်ဆွေတွေ ရှိရာကို ပြန်လာစေဖို့ အဓိက အားဆေးပါပဲ။ အားလုံးကို ကျနော် ပြန်လည်တောင်းပန်ပါတယ်။ ကျနော်…၊ မိုက်မဲခဲ့တယ်။ ကျနော့်အတွက် ပေးခဲ့တဲ့ အဖြူရောင် မေတ္တာတွေကို စော်ကားခဲ့မိတယ်။ ကျနော့်ရဲ့ ပုဂ္ဂလိက ခံစားချက်ကို ရှေ့တန်းတင်ပြီး အတ္တကြီးမိတယ်။ အခုတော့ ကျနော် အားလုံးရဲ့ မေတ္တာတွေကို နားလည်ခဲ့ပါပြီ။ အခု ကျနော်သွားခဲ့တဲ့ ခရီးစဉ် တလျှောက်လုံးမှာ တွေ့ခဲ့ရသမျှ အတွေ့အကြုံတိုင်းမှာ ကျနော့်မိတ်ဆွေတွေကိုသာ သတိရနေခဲ့မိတယ်ဆိုရင် ပိုတယ်ပြောကြမလား မသိနိုင်ပေမယ့် ကျနော်အားလုံးကို အရမ်းသတိရနေခဲ့တယ်။ အခု သွားခဲ့တဲ့ ခရီးစဉ်ကနေ ကျနော်စာတွေ ဆက်ရေးဖို့၊ ဘလော့ဂ်မှာ တင်ဖို့ ကုန်ကြမ်းတွေ များစွာပါလာခဲ့ပါတယ်။ နောက်ရက်တွေက စပြီး ကျနော့်ဘလော့ဂ်ကို အသက်ဆက်ပါတော့မယ်။ ကျနော် စာတွေ ပြန်ရေးပါတော့မယ်။ မမေဓာဝီရဲ့ ပို့စ်ထဲမှာ ဖော်ပြထားတဲ့ ဆရာမမေငြိမ်းရဲ့ ကဗျာတစကို ယူသုံးပါရစေတော့…။ ကျနော်…။ တကယ်တမ်းကျ… ထွက်ပြေးတာကိုက ထွက်ပြေးမရ…တာ။ ကလိုစေးထူး