Thursday, July 12, 2007

Buffalo မြို့ နှင့် Niagara ရေတံခွန် ခရီး…(၂)

ဒီနေ့မှာတော့ Niagara falls ခရီးစဉ်များ အကြောင်းကို တင်ဆက်သွားပါမယ်။ အဲဒီနေရာကို သဘောကျလွန်းလို့ ကျနော် နှစ်ရက်ကြီးများတောင် အလည်သွားခဲ့ပြီး ရှိသမျှ အစုံ လိုက်ကြည့်ဖြစ်ခဲ့ပါတယ်။

Niagara falls ခရီးစဉ် အကြောင်း မတင်ဆက်မီ အနည်းငယ် လေကြောရှည်တဲ့ အနေနဲ့ အဲဒီ ရေတံခွန် အကြောင်း ပြောပြပါရစေ။ မြန်မာလိုပဲ နိုင်ယာဂရာ ရေတံခွန်လို့ ငပိသံလေးနှောလို့ အားရပါးရ ခေါ်ပါရစေတော့။

နိုင်ယာဂရာ ရေတံခွန်ဟာ အမေရိကန်နိုင်ငံ နယူးယောက်ပြည်နယ်နဲ့ ကနေဒါနိုင်ငံ အွန်တာရီယို ပြည်နယ်ကြား နယ်စပ် နိုင်ယာဂရာ မြစ်မှာ ရှိပါတယ်။ နိုင်ယာဂရာလို့ စုပေါင်း သတ်မှတ်ပေမယ့် ရေတံခွန် စုစုပေါင်း သုံးခု ရှိပါတယ်။ ကနေဒါဘက်ခြမ်း အပိုင် Horseshoe falls ၊ အမေရိကန် ဘက်ခြမ်း အပိုင် American falls နဲ့ Bridal Veil falls တို့ ဖြစ်ပါတယ်။ American falls နဲ့ Bridal falls တို့ကတော့ အလွန် နီးကပ်စွာ တည်ရှိပြီး အဲဒီနှစ်ခုနဲ့ Horseshoe falls က အတန်ငယ် လှမ်းပါတယ်။

နိုင်ယာဂရာ ရေတံခွန်တွေ ရှိရာကို အမေရိကန်နိုင်ငံ ဘတ်ဖလို မြို့ကနေ (၁၇)မိုင် သွားရပြီး ကနေဒါနိုင်ငံ တိုရွန်တို မြို့နဲ့တော့ ၇၅ မိုင် ကွာဝေးပါတယ်။

အမေရိကန် ဘက်ခြမ်းက နိုင်ယာဂရာ ရေတံခွန်မှာ လေ့လာလည်ပတ်စရာတွေ များစွာ ဖန်တီးထားပေးတဲ့အနက်က ကျနော် ရောက်ခဲ့တဲ့ နေရာအလိုက် တင်ဆက်သွားပါရစေ။


Maid of the Mist

မြန်မာလိုတော့ ဘယ်လိုအကောင်းဆုံး ခေါ်ရမလဲ မသိ။ မြူနှင်းရဲ့ ကောင်မလေးပဲ ခေါ်မလား၊ မြူနှင်းပျိုမေ လို့ ကဗျာဆန်ဆန် ခေါ်ရင် ပိုကောင်းမလားတော့ မပြောတတ်…။



အဲဒါကတော့ Observation Tower ပါ။ အဲဒီ မျှော်စင်ကနေပဲ ဓာတ်လှေကားနဲ့ အောက်ကို ဆင်းပြီး Maid of the Mist လို့ အမည်ပေးထားတဲ့ သင်္ဘောငယ်လေးနဲ့ ရေတံခွန်တွေ ရှိရာကို အနီးကပ် သွားကြည့်ရပါတယ်။




မျှော်စင်ပေါ်ကနေ လှမ်းကြည့်တော့ ရေတံခွန်တွေက ကျတဲ့ ရေတွေက အပေါ်ကို ရေမှုန်တွေ အဖြစ်ပျံ့လွင့်လို့ နေပါတယ်။

မျှော်စင် အပေါ်ကနေ အောက်ကို ငုံ့ကြည့်ရင် သဘောင်္ရှိရာကို တရွေ့ရွေ့နဲ့ သွားနေတဲ့ အပြာရောင်လေးတွေကို တွေ့ရပါမယ်။ ရေတံခွန်နားကို ရောက်ရင် ရေတွေစင်တဲ့အတွက် သင်္ဘောစီး ခရီးသည်တိုင်းကို အပြာရောင် တခါသုံး မိုးကာလေးတွေ ပေးတဲ့အတွက် လူတွေက မတိုင်ပင်ရဘဲနဲ့ တူညီဝတ်စုံ ၀တ်ထားသလိုဖြစ်လို့ တမျိုးလှနေပါတယ်။




မျှော်စင်ရဲ့ ဟိုမှာဘက်မှာတော့ အမေရိကန်နဲ့ ကနေဒါကို ချိတ်ဆက်ထားပေးတဲ့ Rainbow Bridge။


မျှော်စင်ရဲ့ အောက်ခြေကို ရောက်တော့ မိုးတိမ်တိုက်တွေနဲ့ အတူ အလှပြိုင်နေတဲ့ ရေတံခွန်ကို တွေ့ရတယ်။



သင်္ဘောစထွက်ပါပြီ။ ဟိုး ခပ်လှမ်းလှမ်းက ရေတံခွန်တွေ ရှိရာကို သွားပါမယ်။



American fall နဲ့ Bridal fall ရဲ့ မြင်ကွင်းပါ။ ခပ်ကြီးကြီး ရေတံခွန်က American fall ဖြစ်ပြီး ဘေးနားကပ်လျက်က ခပ်သေးသေးက Bridal fall ပါ။



တ၀ုန်းဝုန်းနဲ့ အရှိန်အဟုန်ပြင်းစွာ ကျဆင်းနေတဲ့ ရေတွေရဲ့ အရှိန်က တစက္ကန့်ကို ဂါလံ တသောင်းကျော်နှုန်း ရှိပါသတဲ့။ Horseshoe Falls လို့ ခေါ်တဲ့ ဂငယ်ပုံသဏ္ဍာန် ဒီရေတံခွန်နားကို ပိုလို့ ကပ်လာလေလေ ရေမှုန်ရေမွှားတွေက ပိုစင်လာလေလေ။ မိုးရေချိုးနေရတဲ့ အလားခံစားရလို့ နေပူပူအောက်မှာ အေးမြမြအရသာပေါ့။ လေတချက် တိမ်းလိုက်တိုင်း ယိမ်းခနဲ ဖြစ်သွားတဲ့ သင်္ဘောပေါ်က အပြာရောင် တပ်သားတွေကတော့ ရင်ခုန်သံတွေ မြန်နေကြတာပေါ့..။

“Ladies and gentlemen, this is Niagara fall” ဆိုတဲ့ အစီအစဉ် ကြေညာသူရဲ့ အားရပါးရ အော်ဟစ်ကြေညာသံ အဆုံးမှာတော့ ခရီးသွားအားလုံးလိုလို ဟစ်ကြွေးလိုက်သံက ရေတံခွန်ထဲမှာ စီစီညံသွားလေရဲ့။


မျှော်စင်ပေါ် ပြန်ရောက်လာတော့ အောက်ကို လှမ်းကြည့်လိုက်တာ အပြာရောင် တပ်သားတွေ တရွေ့ရွေ့နဲ့ ခရီးနှင်နေကြဆဲ…။







ဟိုမှာဘက်ခြမ်းရဲ့ ကနေဒါ နယ်စပ်မှာလည်း သင်္ဘောစီးသူတွေ၊ ကမ်းပေါ်က ကက်စီနိုရုံနားမှာ သွားလာနေကြသူ၊ သူတို့ဘက်က မျှော်စင်ပေါ်ကနေ တက်ကြည့်နေကြသူ အစုံအလင်နဲ့ လှုပ်လှုပ်ရွရွပေါ့။

အပေါ်ကို ပြန်ရောက်တော့ ရေတံခွန်က စိုလာတဲ့ ရေတွေကြောင့် လေတိုက်လိုက်တိုင်း ချမ်းစိမ့်စိမ့် ဖြစ်နေပါတယ်။

ဆက်ရန်…


ကလိုစေးထူး


4 comments:

Ma Yangon Thu said...

ကိုယ်ကိုတိုင် ရောက်ဖို့ခဲယဉ်းတဲ့ Niagara Fall အကြောင်းကို ဓာတ်ပုံတွေနဲ့အတူတင်ပေးတဲ့ ကိုစေးထူးကို ကျေးဇူးအထူးပါ။

LMN said...

ရောက်ဖူးချင်လိုက်တာ ...

ဂျစ်တူး - gyit_tu said...

ခရီးသည်ကြီးကိုစေးထူး (အသက်ကကြီးပြီဆိုတော့ ဂျစ်လို ခရီးသည်လေး မဟုတ်တော့ပါ အဟဲ) ဂျစ်ဘက်မှာ ကနေဒါဘက်က ပုံတချို့ တင်ထားတယ်း)

pandora said...

တကယ်ကိုလာလည်မှာနော်.
ပုန်းမနေရဘူး..